སྤྲིངས་ལན་དགའ་བའི་གླུ་དབྱངས།

Comments (10) on “སྤྲིངས་ལན་དགའ་བའི་གླུ་དབྱངས།”

1. ཟུབ་ ཟེར་ན་ཅི་རེད།

2. རྡོ་རྗེ་རིན་ཆེན་མཆོག་གི་སྡེབས་སྦྱོར་ལེགས་ཤིང་། ཚིགས་བཅད་རྣམས་ཀློག་སྙིང་འདོད་པར་མཆིས།

   འདིར་ཚིག་རྐང་རེ་རེ་བཞིན། ཕྱེས་ནས་ཤད་བརྒྱབས་པས། མུ་མཐུད་ནས། ཚིག་རྐང་གཉིས་པ་སོགས་བརྒྱབས་ན། ཚིགས་བཅད་ཀྱི་དོན་ཡོད། དེ་མིན་དེབ་ཏུ་ཚིག་རྐང་རྣམས་ཕྱེས་པ་ལ་ཚིགས་སུ་བཅད་པའི་དོན་དག་མེད་པར་མཐོང་།
   ཚིགས་བཅད་རྐང་མཐར་གཉིས་ཤད་བྱ། ཞེས་གསུངས་པ་དེ་གཤམ་གསལ་ཤློ་ཀ་ལྟ་བུ་མུ་མཐུད་ནས། ཤད་རྒྱབ་པ་ལ་དགོངས་སོ།
   ་

   ཚེ་སྔོན་ལས་ཀྱིས་ཉེ་བར་བཅིངས་པ་ཡིས། །
   བློ་ལྡན་སྐལ་བཟང་ཚོགས་རྣམས་གང་དག་གི། །
   ཡེ་ཤེས་རྣམ་རིག་འདབ་མ་རྒྱས་པ་ལ། །
   དྲིན་ཅན་མི་ཡི་རྗེ་བོ་དམ་པའི་དྲུང་། །
   ་
   ཕྱི་རབས་པ་ཡི་མིག་ལྟོས་ཅི་མ་ཡིན། །ཞེས། ཅིས་མ་ཡིན། ས་རྗེས་འཇུག་ཡོད་ན་ལེགས།
   ་
   སུབ། ཅེས་པ་གྱུར་ནས། ཟུབ་ཆགས་པར་མངོན། བོད་རྒྱ་ཚིག་མཛོད་ན། ཟུབ་དང་སུབ་གཉིས་ལ་དོན་དག་ཕལ་ཆེར་གཅིག་པར་བཤད་དོ།

3. ཟུབ་པ་ནི། ཐ་མི་ཐད་པ་སྟེ། རི་མོ་རང་བཞིན་གྱིས་ཟུབ་འགྲོ་བ་ལ་ཟུབ་དང་། སུབ་ནི་ཐ་དད་པ་སྟེ། བསུབ་བྱ། སུབ་བྱེད། བསུབས་ཟིན། སུབས་ཤིག རི་མོ་སོགས་ཆེད་དུ་གཉེར་ནས་ནག་བསུབ་བཏང་བ་ལ་སོགས་ལ་སུབ་ཡིན་པ་འདྲ།
   རྒན་འཇམ་དཔལ་ལགས་ཀྱིས་དག་བཅོས་ལ་རྗེས་སུ་ཡི་རང་ཞུའོ།།

4. ཀརྡོ་རབ་འབྱམས་པ་མཆོག་བརྩོན་འགྲུས་ཅན་གྱིས་གསལ་བཤད་ལ་རྗེས་སུ་ཡི་རང་ཞུ་འོས་ཀྱང་། རང་བཞིན་གྱིས་མེད་པར་སོང་བ་ལ། ཡལ་བ། ཞེས་པ་མ་གཏོགས། ཟུབ། ཅེས་པ་ཞིག་སྔོན་བྲིས་དཔེ་ཆ་གང་དུ་ཡང་། མ་མཐོང་།

5. མཆོག་ཏུ་བཀུར་འོས་མཁས་དབང་འཇམ་དཔལ་མཆོག་ལ་སྐུ་ཁམས་བདེ་བའི་འཚམས་འདྲི་ཞུ།
   སྐུ་ཉིད་ཀྱིས་དམ་བཅོས་རྣམས་ཕན་ཐོགས་ཤིན་ཏུ་ཆེ་བས་ཐུགས་རྗེ་ཆེ།

   དག་སྡེབ་ཟུབ་ཅེས་པ།
   རྒྱལ་དབང་དྲུག་པའི་མགུར་གླུ་ལས།
   བྲིས་པའི་ཡི་གེ་ནག་ཆུང་།། ཆུ་དང་ཐིགས་པས་འཇིག་སོང་།།
   མ་བྲིས་སེམས་ཀྱི་རི་མོ།། བསུབས་ཀྱང་ཟུབ་རྒྱུ་མི་འདུག ། ཅེས་ཡོད་པ་ཞིག་སེམས་ལ་གང་དྲན་གྱིས་ཐད་ཀར་སྤྱན་འབུལ་ཞུས་པ་ལགས།།

6. ལྷག་པ་མཆོག་ལ་མགུར་གླུ་འདི་སྐྱེས་ལ་ཕུལ།།

   ཤར་ཕྱོགས་རི་བོའི་རྩེ་ནས། ། དཀར་གསལ་ཟླ་བ་ཤར་བྱུང༌། །
   མ་སྐྱེས་ཨ་མའི་ཞལ་རས། ། ཡིད་ལ་འཁོར་འཁོར་བྱས་བྱུང༌། །

   ན་ནིང་བཏབ་པའི་ལྗང་གཞོན། ། ད་ལོ་སོག་མའི་ཕོན་ལྕོག །
   ཕོ་གཞོན་རྒས་པའི་ལུས་པོ། ། ལྷོ་གཞུ་ལས་ཀྱང་གྱོང་བ། །

   རང་སེམས་སོང་བའི་མི་དེ། ། གཏན་གྱི་འདུན་མར་བྱུང་ན། །
   རྒྱ་མཚོའི་གཏིང་ནས་ནོར་བུ། ། ལོན་པ་དེ་དང་འདྲ་བྱུང༌། །

   འགྲོ་ཞོར་ལམ་བུའི་སྙིང་ཐུབ། ། ལུས་དྲི་ཞིམ་པའི་བུ་མོ། །
   གཡུ་ཆུང་དྲུག་དཀར་རྙེད་ནས། ། བསྐྱུར་བ་དེ་དང་འདྲ་བྱུང༌། །

   མི་ཆེན་དཔོན་པོའི་སྲས་མོ། ། ཁ་འབྲས་མཚར་ལུགས་བལྟས་ན། །
   ཁམ་སྡོང་མཐོན་པོའི་རྩེ་ནས། ། འབྲས་བུ་སྨིན་དང་འདྲ་བྱུང༌། །

   སེམས་པ་ཕར་ལ་ཤོར་ནས། ། མཚན་མོའི་གཉིད་ཐེབས་གཅོག་གི། །
   ཉིན་མོ་ལག་ཏུ་མ་ལོན། ། ཡིད་ཐང་ཆད་རོགས་ཡིན་པས། །
   མེ་ཏོག་ནམ་ཟླ་ཡལ་སོང༌། ། གཡུ་སྦྲང་སེམས་པ་མ་སྐྱོ། །
   བྱམས་པའི་ལས་འཕྲོ་ཟད་པར། ། ང་ནི་སྐྱོ་རྒྱུ་མི་འདུག །

   རྩི་ཐོག་བ་མོའི་ཁ་ལ། ། སྐྱི་བསེར་རླུང་གི་ཕོ་ཉ། །
   མེ་ཏོག་སྦྲང་བུ་གཉིས་ཀྱི། ། འབྲེལ་མཚམས་གཅོད་མཁན་ལོས་ཡིན། །

   ངང་པ་འདམ་ལ་ཆགས་ནས། ། རེ་ཞིག་སྡོད་དགོས་བསམས་ཀྱང༌། །
   མཚོ་མོ་དར་ཁ་འགྲིགས་ནས། ། རང་སེམས་ཁོ་ཐག་ཆོད་སོང༌། །

   གྲུ་ཤན་སེམས་པ་མེད་ཀྱང༌། ། རྟ་མགོས་ཕྱི་མིག་བལྟས་བྱུང༌། །
   ཁྲེལ་གཞུང་མེད་པའི་བྱམས་པས། ། ང་ལ་ཕྱི་མིག་མི་ལྟ། །

   ང་དང་ཚོང་འདུས་བུ་མོའི། ། ཚིག་གསུམ་དམ་བཅའི་མདུད་པ། །
   ཁྲ་བོ་སྦྲུལ་ལ་མ་བརྒྱབ། ། རང་རང་ས་ལ་གྲོལ་སོང༌། །

   ཆུང་འདྲིས་བྱམས་པའི་རླུང་བསྐྱེད། ། ལྕང་མའི་ལོགས་ལ་བཙུགས་ཡོད། །
   ལྕང་སྲུང་ཨ་ཇོ་ཞལ་ངོས། ། རྡོ་བ་རྒྱབ་པ་མ་གནང༌། །

   བྲིས་པའི་ཡི་གེ་ནག་ཆུང༌། ། ཆུ་དང་ཐིགས་པས་འཇིག་སོང༌། །
   མ་བྲིས་སེམས་ཀྱི་རི་མོ། ། བསུབས་ཀྱང་བསུབ་རྒྱུ་མི་འདུག །

   [ཇི་ལྟར་གསལ་བ་བཞིན་ནོ།]

   བརྒྱབ་པའི་ནག་ཆུང་ཐེའུས། ། གསུང་སྐད་འབྱོན་ནི་མི་ཤེས། །
   ཁྲེལ་དང་གཞུང་གི་ཐེའུ། ། སོ་སོའི་སེམས་ལ་སྐྱོན་དང༌། །
   [འདི་བར་དུ་བྱུང་། ]

7. མཆོག་ཏུ་བཀུར་འོས། མཁས་དབང་སྐུ་བགྲེས་འཇམ་དཔལ་མཆོག་གིས་སྐུ་ཚེགས་ལ་མ་འཛེམས་པར་རྒྱལ་དབང་དྲུག་པ་ཆེན་པོའི་མགུར་གླུ་མཛུབ་མོ་རི་སྟོན་ཚུལ་གྱིས་གནང་བར་བཀའ་དྲིན་ལན་བརྒྱར་ཆེ་བ་མ་ཟད། གུས་པས་ཕུལ་བའི་མགུར་གླུའི་ཚིགས་བཅད་ཀྱི་མ་དག་པ་དག་པ་གསལ་སྟོན་གནང་བར་དེ་བས་བཀའ་དྲིན་ཆེ་ཞུ།

   ད་དུང་། དྲི་བ་འགའ་ཞུ་བ་ནི།
   སྐད་དང་རིགས་སོགས། སྒྱུར། བསྒྱུརད། བསྒྱུར། སྒྱུརད། ཅེས་པ་དུས་ད་ལྟ་བ་དང་མ་འོངས་པ་འདས་པ་སྐུལ་ཚིག་བཅས་རིམ་པར་ཡིན་ཡང་། བསྒྱུར་ནས་གྱུར། དེ་བཞིན་བླངས་ནས་ལོན། བསུབས་ནས་ཟུབ། བཅད་ནས་ཆད། བཀག་ནས་ཁོག བཀབ་ནས་ཁེབས། བཤིགས་ནས་ཞིག བཏུལ་ནས་དུལ། སོགས་དེང་དུས་ཀྱི་ཡིག་ངག་གཉིས་ནས་མང་དུ་འབྱུང་བ་སྔ་མ་ཡུལ་ཡོད་བྱ་བ་དང་། ཕྱི་མ་ཡུལ་མེད་བྱ་བ་ཡིན་ཡང་། གོ་དོན་གཞན་ཞིག་ལ་ཕྱི་མ་རྣམས་འབྲས་བུ་གྲུབ་པའི་བྱ་བར་ཁས་བླང་ན་འཚམས་མིན་བཀའ་ལན་ཞིག་གནང་སྐྱོང་ཞུ།

   དེ་བཞིན་གྲི་འདིས་མི་ཆོད། ལྐུགས་པ་འདིས་སྐད་ཆ་མི་ཤོད། དབྱུག་པ་ཙམ་གྱིས་སྤྱང་ཀི་མི་སོད། བུད་ཤིང་འདི་ཙམ་གྱིས་ཁ་མི་ཁོལ་ལ་སོགས། ཆོད་དང་ཤོད། སོད། ཁོལ་སོགས་མ་འོངས་པའི་བྱ་བ་མིན་ཡང་། ཚིག་གྲོགས་དང་སྦྱར་བ་འདི་རྣམས་མ་འོངས་པར་གོ་འདུག་པར་དགོངས་ཚུལ་ཅི་ཡོད་བཀའ་ལན་ཞིག་བཀའ་དྲིན་ཆེ་བ་ཞུ།།

8. 13 སུབ་ཀྱང་ཟུབ་རྒྱུ་མི་འདུག
   བྲིས་པའི་ཡི་གེ་ནག་ཆུང༌། །
   ཆུ་དང་ཐིགས་པས་འཇིག་སོང༌། །
   མ་བྲིས་སེམས་ཀྱི་རི་མོ། །
   སུབ་ཀྱང་ཟུབ་རྒྱུ་མི་འདུག །

9. དག་པར་བྱེད་པ་སྡེབ་སྦྱོར་རིན་ཆེན་རྒྱ་མཚོ་ལས།
   པགས་པ་དག་ནི་པགས་རྐྱང་ལ།། ལུས་ཀྱི་ལྤགས་པ་ལ་ལྤགས་ཡིན།། ཞེས་གསུངས་འདུག དེས་ན་མིང་། པགས་རིགས་གང་ཡང་རུང་བ་ཞིག་མཁོ་ལྟ་བུར། པགས་ཞེས་དང་། གཞི་དང་འབྲེལ་ཞིང་རྣམ་དབྱེ་དྲུག་པའི་ཕྲད་ཡོད་པར་ལྤགས་འབྲི་དགོས་པ་མ་ཡིན་ནམ་ལགས། འབྲུག་སྒྲ་སྒྲོགས་པར་འགྱུར་རོ།། ཞེས་པ། མ་འོངས་པ་ཡིན་ན། འབྲུག་སྒྲ་བསྒྲག་པར་འགྱུར་རོ།། མིན་ནམ་ལགས། སྒྲོག བསྒྲགས། བསྒྲག སྒྲོགས། རིམ་བཞིན་དུས་གསུམ་སྐུལ་ཚིག་ཏུ་མི་བཞེད་པ་ཨེ་ཡིན་ལགས།།

10. མཁྱེན་པ་རྒྱས་བཞིན་པ་ཡོངས་ལ་གུས་ཞུ། ངས་ནི་འབྲི་བ་མེད། ལོ་རྒན་༨༩་པ་ཡིན། ང་ལ་སེམས་གསོའི་ཕྱིར་དུ། འབྲི་བར་མཛད་པ་ལ། བཀའ་དྲིན་ཆེའོ།