འཇམ་གཅེས་ནས།
རྐང་གཉིས་འགྲོ་བ་མི་ཡི་གྲལ་མཐའ་ནས།།
དེ་རིང་མི་འཁྱམས་ལྷ་རྒོད་མིང་ཅན་ངས།།
སེམས་ཀྱི་ཚོར་འདུར་དྲག་པོའི་ཀློང་རོལ་ནས།།
གནས་ལུགས་རེ་འགའ་ཁྱེད་ཚོའི་རྣ་བར་བླུག །
ཁེར་རྐྱང་ཡིན་བསམ་བདག་ལ་སྡུག་བསྔལ་མེད།།
མཆོག་གསུམ་རིན་ཆེན་རྟག་ཏུ་འབྲལ་མེད་ཡིན།།
འབྱོར་མེད་དབུལ་ཕོངས་ཡིན་བསམ་དེ་ལས་མེད།།
ཆོག་ཤེས་ནོར་གྱི་བང་མཛོད་སེམས་སུ་ལྡན།།
གཞན་གྱིས་སྡང་ཟུག་ནམ་ཡང་འཁོན་འཛིན་མེད།།
ཉོན་མོངས་ཉེས་སྐྱོན་ཞེན་པ་ལོག་མཁན་ཡིན།།
རང་གི་ལྟ་སྤྱོད་ནམ་ཡང་དུང་ཞེན་མེད།།
ཚི་འདིར་འཁོར་བར་འཁྱམས་པའི་རྒྱུ་མཚན་ཤེས།།
རྟག་ཏུ་གཞན་སྐྱོན་ཁོ་ནར་གླེང་མི་འདོད།།
རང་ཉིད་དུག་གསུམ་རྐྱལ་པ་ཡིན་པར་ཤེས།།
གཞན་གྱི་དཔལ་ལ་མི་བཟོད་འགྲན་སེམས་མེད།།
བདག་ལ་གནོད་པའི་བྱ་བ་མིན་པས་སོ།།
རྒྱལ་ཁམས་ཁྱི་ལྟར་མྱུལ་མཁན་མི་རྐྱང་ལ།།
རེ་དོགས་རྣམ་རྟོག་གཉིས་ཀྱིས་བསུན་བཙེར་མེད།།
དུག་གསུམ་དགྲ་བོའི་གནས་ལུགས་ཤེས་པའི་བུར།།
སེམས་ཀྱི་ཞི་བདེ་འབད་མེད་ལྷུན་གྱིས་གྲུབ།།
འདི་ལྟར་བརྗོད་སྐབས་སྐྱེ་བོ་རེ་འགའ་ཡིས།།
ང་ལ་ཚུལ་འཆོས་མཁན་པོ་འབོད་སྲིད་མོད།།
སྤྲང་རྒན་ང་ལ་སྐྱིད་སྡུག་ཁྱད་མེད་པས།།
ཁྱེད་ཚོས་སྨྲ་བརྗོད་རང་དབང་ལངས་སྤྱོད་མཛོད།།
ཁྱེད་ཚོས་སྨ་བརྗོད་རང་དབང་(ལངས)སྤྱོད་མཛོད་
ཁྱེད་ཚོས་སྨ་བརྗོད་རང་དབང་(ལངས)སྤྱོད་མཛོད་ཟེར་
སྨྲ་བརྗོད་རང་དབང་དང་ལངས་ཤོར་རང་དབང་མ་ནོར་བ་གནང་དགོས་།
ན་རོ་ཆད་པ་འདྲ། དོན་གོ་ན་དེ་གའི་འགྲིག ཆད་ལྷག་ནི་བཀའ་འགྱུར་བསྟན་འགྱུར་སོགས་ལའང་ཧ་ཅང་མངས། མདོར་ན་ཆད་ལྷག་ནོར་གསུམ་ནི་མཁས་པ་ཡིན་ཟེར་མཁན་དག་ལའང་ཡོད་ན་ང་ལྟ་བུར་ལ་ཡོད་མི་ཆོག་པའི་རྒྱུ་མཚན་དབང་ཆེན་ཚངས་པ་ཡིན་རུང་བསྒྲུབ་མི་ནུས་སོ།།
རང་སྐྱོན་ཕྲན་བུའི་ལའང་ཞེ་གནོང་བ་ཞིག་འདུག་པས་ སེམས་ཀྱི་ཞི་བདེ་ཟེར་བ་གད་མོ་མཆོར་བའི་རྒྱུ་རེད
ནོར་བ་ལ་མཁས་ལེན་གནང་བའི་སྤོབས་པ་མེད་པ་འདི་གོང་རྩོམ་དེ་ཁ་སྤོབས་ཅན་གྱི་ཀླད་གོར་ཞིག་ཡིན་བཟོ་འདུག
འབྲི་བ་པོ་འགའ་ཞིག་གིས་གོ་ལྡོག་ནས་བཤད་པ་མང་། དོན་ལ་ནོར་འཁྲུལ་མེད་པ་ངའོ་སྙམ་པའི་ང་རྒྱལ་ཡོད་པ། གཞན་སེམས་ཤེས་མཁན་མ་གཏོགས། ཐ་མལ་པ་་སུས་ཤེས།
ཁེར་རྐྱང་ཡིན་བསམ་བདག་ལ་སྡུག་བསྔལ་མེད།། མཁས་པ་ཡིན་ན། བོད་པ་ཡོངས་ལ་གོ་བའི་མིང་ཚིག་གམ་མཁས་པས་བཀོལ་བ་ཞིག་ཡིན་དགོས་པ་ལས་དེ་ལྟར་མ་ཡིན་པའི་སྐྱོན།
ཚི་འདིར་འཁོར་བར་འཁྱམས་པའི་རྒྱུ་མཚན་ཤེས།། ཚི་ཞེས་པ་ཚེ་ཞེས་ཡིན་ནམ་སྙམ། བྲིས་ཟིན་པའི་རྗེས་སུ་ཞུས་དག་བྱས་མེད་པའི་སྐྱོན།
དོན་གོ་ན་དེ་གའི་འགྲིག ཅེས་པར་རྗེས་འཇུག་ས་དང་འི་སྒྲ་གདངས་གཅིག་པར་ཀློག་པའམ་འདོན་པ་ལ་སྐྱོན་ཆེན་པོ་ཡོད་པ་བདག་གིས་ལོ་ངོ་༦༠རེ་གྲངས་སྔོན་དུ་གཙང་དུ་མཐོང་བ་ནི། དཔལ་ལྡན་བླ་མའི་བཀའ་དྲིན་དྲན་ཅིང་གསོལ་བ་འདེབས་པ་ལས་དེ་ལྟར་མ་ཡིན་པར་དཔལ་ལྡན་བླ་མས་བཀའ་དྲིན་དྲན་ཅིང་གསོལ་བ་འདེབས་པ། སྤར་བརྐོས་ཡོད་པར་མཐོང་མྱང་བ་བདེན་པ་ཡིན། དེས་ན། དོན་གོ་ན་དེ་གས་འགྲིག ཅེས་དགོས་པར་སེམས་སོ།
ང་ལྟ་བུར་ལ་ཡོད་མི་ཆོག་པ། འདིར་ལ་དོན་གཉིས་གཅིག་མ་གཏོགས་མི་དགོས་པ་ལས་ལ་དོན་གཉིས་ཡོད་པའི་སྐྱོན།
ཁྱེད་རྣམས་སྨྲ་བརྗོད་རང་དབང་ལོངས་སྤྱོད་མཛོད།། ཅེས་སྐུ་རྩེད་ཆུལ་དུ་བྲིས་པ་ལ་དགོངས་འགལ་མི་བཞེས་སྙམ་མོ།
ཡི་གེ་མ་དག་པ་ཁ་ཤས་ཡོད་ངེས་ལ་ཞུས་དག་མཛོད།
རྒན་ལ་དྭགས་པས་ནོར་བཅོས་མང་ཙམ་གནང་བ་ལས་གཉིས་མ་གཏོགས་ངོས་ལེན་ཞུ་ཐབས་བྲལ། དང་པོ་ལ་ཚེ་འདིར། གཉིས་པར་ལ་དོན་ལྷག་སྐྱོན། དེ་མིན་ནི་བདག་པོ་དང་འབྲེལ་བའི་སྒྲ་ལ་འབྲེལ་དང་བྱེད་སྒྲ་གཉིས་ལས་དང་པོ་ལེགས་པར་མཁས་པ་ལ་ལའི་བཞེད་སྲོལ་འདུག་པས་ངས་ཀྱང་དེ་ལྟར་བྲིས། རྒན་ཉིད་ནས་ཀྱང་འདས་པའི་ཚིག་ལ་མྱང་དང་། ད་དུང་སྐུ་རྩེད་ཚུལ་ལ་ཆུལ་སོགས་བྲིས་བཞག་འདུག་གོ་་ཧི་ཧི་་
སྤྲང་རྒན་ང་ཡི་མགུར་གླུ་ཉོན། །
ཤར་གླིང་ནུབ་གླིང་ཀུན་འཁྱམས་ཀྱང་། །
འཁོར་བར་ངེས་འབྱུང་སྐྱོ་ཤེས་ཀྱང་། །
ཁ་བརྡའི་འཁོར་བར་འདྲ་འབུར་སྐྱེས། །
སྤྲང་པོའི་གླུ་ཡི་སྐད་ཡིག་ལས། །
ནང་དོན་ཕུན་སུམ་ཚོགས་པར་འདུག །
འཇམ་གཅེས་ཁྱོད་ཀྱི་ལ་རྒྱ་ལ། །
ང་ཡི་ཡིད་ཆུང་ཅུང་ཟད་ཤོར། །
སྤྲང་པོས་རང་བསྟོད་གླུ་རུ་ལེན་
ནང་དོན་ངར་རྒྱལ་མཁོ་ན་ཡིན་
འཇམ་གཅེས་ཟེར་བའི་དྲ་འབུ་ལ་
ང་ནི་གཞན་པ་གཏིང་ནས་ལོག་
ང་དང་འདྲ་བའི་མི་བུ་ནི།།
རང་སྣང་གདོན་གྱིས་ཟིན་པ་མངས།།
གཞན་སྐྱོན་གླེང་དུས་རང་མཚང་མངོན།།
ངང་ཚུལ་འདི་ཀོ་མྱེ་མ་ཧུད།།
སྤྲང་པོ་གླུ་ཆུང་རྣ་བ་སྙན།།
ཕྱུག་པོས་ཁྲབ་སྟོན་སེམས་ལ་གཟན།།
དབུལ་ཕྱུག་མི་མཉམ་དོ་ར་འདིར།།
ཁོ་བོ་འཇམ་གཅེས་ཕྱོགས་སུ་གནས།།
ངང་ཚུལ་འདི་ཀོ་(མྱེ་)མ་ཧུ་
སྤྲང་པོའི་གླུ་ཆུང་སྤྲང་པོར་སྙན་
ཕྱུག་པོའི་ཁྲབ་སྟོན་ཕྱུག་པོར་བཟང་
དབུལ་ཕྱུག་མི་མཉམ་འཇིག་རྟེན་འདིར་
བླུན་པོས་བླུན་པོར་བསྟོད་པར་བྱེད་།།
དྲང་བདེན་གཞུ་མོ་དཔུང་པས་བཀུག །
གནས་ལུགས་མདའ་མོས་སྐྱོང་མཚང་གཏོར།།
གཞན་དུ་གོ་བའི་བླུན་པོ་དག །
རྟག་ཏུ་ངུ་འབོད་བྱེད་འདིར་མཚར།།
དྲང་པོའི་མདའ་མོ་འཕེན་པས་
བླུན་པོའི་འབེན་ལ་ཕོག་སོང་
ད་ནི་མདའ་མོ་མི་འཕེན་
བླུན་པོ་ཅི་གར་གཅོད་ཅིག་།།
འཇམ་གཅེས་ལེགས།
ཚུལ་ལ་ཆུལ་བྲིས་པ་ཧ་ཅང་གི་སྐྱོན་ཆེ། ཁྱེད་བདེན། མྱོང་ མྱངས་ མྱང་ མྱོངས། འདི་ལ་ཡང་སྐྱོན་བརྗོད་འོས་པར་འདུག
“རྒན་ལ་དྭགས་པས་ནོར་བཅོས་མང་ཙམ་གནང་བ་ལས་གཉིས་མ་གཏོགས་ངོས་ལེན་ཞུ་ཐབས་བྲལ།” ཅེས་པར་ཅིག་མ་གཏོགས་ཚང་མ་ཁས་བླངས་པ་མཐོང་། གཅིག་ནི། དོན་གོ་ན་དེ་གའི་འགྲིག ཅེས་པ་འདིཡིན།
འདིའི་སྐོར་ལ་ཕྱོགས་སྔས་འདི་ལྟར་བྲིས་ཏེ། “བདག་པོ་དང་འབྲེལ་བའི་སྒྲ་ལ་འབྲེལ་དང་བྱེད་སྒྲ་གཉིས་ལས་དང་པོ་ལེགས་པར་མཁས་པ་ལ་ལའི་བཞེད་སྲོལ་འདུག་པས་ངས་ཀྱང་དེ་ལྟར་བྲིས།”
འདི་ལ་རྩོད་དགོས་པར་མཐོང་། དོན་གོ་ན་དེ་གའི་འགྲིག འདིར་འགྲིག་ཅེས་པ་བྱ་ཚིག་ལ་འབྲེལ་སྒྲ་བཀོད་པ་འདི་མཁས་པ་སུའི་བཞེད་སྲོལ་ཡིན་ནམ། མིང་ཚིག་གཉིས་འབྲེལ་བར་བྱེད་པའི་སྒྲ་ལ་འབྲེལ་སྒྲ་མ་གཏོགས བྱ་ཚིག་གི་སྔོན་དུ་འབྲེལ་སྒྲ་ཡོད་པ་ཞིག་བོད་མཁས་པའི་བཞེད་སྲོལ་དུ་མེད་། དེ་ཡང་འགྲིག་དང་ཆོག་དང་ཚད་ཅེས་པ་རྣམས་དོན་གཅིག་མིང་གི་རྣམ་གྲངས་ཡིན་པས། ཡོད་པས་ཆོག་དང་། ཡོད་པས་འགྲིག ཡོད་པས་ཚད་ལྟ་བུ་སྟེ། ལ་དྭགས་བོད་རིགས་ཡུལ་དུ་འགྲིག་ཟེར་བའི་ཚབ་ལ་ཚད་ཟེར།
འགྲིག་ཅེས་པའི་བྱ་ཚིག་དེ་ཡུལ་ཡོད་བྱ་ཚིག་གམ། ཡུལ་མེད་བྱ་ཚིག་གང་ཡིན་ཡང་དཔྱད་དགོས་སྙམ། ཁོ་བོས་དཔྱད་པ་ལྟར་ན། འགྲིག་ཅེས་པ་ཡུལ་མེད་དང་། སྒྲིག་ཅེས་པ་ཡུལ་ཡོད་བྱ་ཚིག་ཏུ་སྣང་ངོ་།
དེ་ཡང་། “བདག་པོ་དང་འབྲེལ་བའི་སྒྲ།” ཞེ་ས་པར་འགྲེལ་བཤད་གསལ་པོ་ཞིག་མེད་ན། བདག་པོ་ཞེས་པ་གང་ཡིན་པ་གོ་དཀའ་བ་ཐུགས་ལ་འཇོག་དགོས་སོ།
འགྲིག་དང་ཆོག་གི་གྲལ་དུ་ཚད་ཞེས་པ།།
བརྡ་སྤྲོད་གཞུང་དུ་ཡོངས་སུ་མ་གྲགས་པས།།
རྡོ་ཆག་བཙན་སྒྲིག་མ་གནང་ལ་དྭགས་པ།།
ཨ་ནུ་ཐོན་མིའི་སྤྱན་ཆབ་ཤོར་ཉེན་ཡོད།།
ཤོ་ལོ་ཀ་དང་པོར།
སེམས་ཀྱི་ཚོར་(འདུར)་དྲག་པོའི་ཀློང་རོལ་ནས།། བཅོས་ཤིག།
ཤོ་ལོ་ཀ་གཉིས་བར།
འབྱོར་མེད་དབུལ་(ཕོངས)་ཡིན་བསམ་དེ་ལས་མེད།། བཅོས་ཤིག།
ཤོ་ལོ་ཀ་གསུམ་པར།
གཞན་(གྱིས)་སྡང་ཟུག་ནམ་ཡང་འཁོན་འཛིན་མེད།། བཅོས་ཤིག།
(ཚི་)འདིར་འཁོར་བར་འཁྱམས་པའི་རྒྱུ་མཚན་ཤེས།། བཅོས་ཤིག།
ཤོ་ལོ་ཀ་བཞི་བར།
རྟག་ཏུ་གཞན་སྐྱོན་ཁོ་(ནར)་གླེང་མི་འདོད།། བཅོས་སྒྱུར་གཏོང་ཞིག།
རང་ཉིད་དུག་གསུམ་རྐྱལ་པ་ཡིན་(པར)་ཤེས།། བཅོས་སྒྱུར་གཏོང་ཞིག།
ཤོ་ལོ་ཀ་ལྔ་བར།
རེ་དོགས་རྣམ་རྟོག་གཉིས་ཀྱིས་བསུན་(བཙེར)་མེད།། བཅོས་ཤིག།
ཤོ་ལོ་ཀ་དྲུག་པར།
ཁྱེད་ཚོས་སྨྲ་བརྗོད་རང་དབང་(ལངས)་སྤྱོད་མཛོད།། བཅོས་ཤིག་གི། ཧ་ཧ་ཧ།
མ་དག་ཐབས་ན་མེད་པའི་བོད་ཡིག་འདི།
རྐང་ཞ་ལག་སྐྱོན་ཅན་གྱི་ཤོ་ལོ་ཀ།
སྟོད་སྨད་ཅི་ཆེད་མེད་པའི་མཁས་ཆེན་གྱི།
ངོ་ཚ་རེ་རེ་སྒུམ་ཡོད་ཅི་འདྲ་འདུག། ཧ་ཧ་ཧ།
ནོར་བ་ཤེས་ནས་བཅོས་མཁན་ཀུན་ལ་བཀུར།།
དག་པར་མ་དག་བསྒྱུར་མཁན་དྲྭ་བའི་འབུ།།
གནམ་མིང་ཅན་གྱིས་མཁས་མདོག་སྟོན་པ་འདིས།།
བློ་མིག་ཞར་ཀོ་ཡིན་ཡིན་པའི་རང་རྟགས་གསལ།།
ཧི་ཧི་ཧི་ཧི་་་་་་
རང་གིས་ཁས་བླངས་པ་ལ་རྩོད་པ་ན།
དེ་ལ་ལན་མ་འབྱོར་བའི་ཕྱོགས་སྔ་པ།
ཅི་བྱ་གཏོལ་མེད་གྱུར་ནས་ཅི་སྨྲ་བསམས།
འབྲེལ་མེད་སྨྲེ་སྔགས་འདོན་པས་ཅི་ལ་ཕན།།
ཀླད་པ་ལྗང་མདོག་ཅན་གྱི་ལ་དྭགས་པ།།
དང་པོར་བརྡ་སྤྲོད་རིག་པའི་ཁྲིམས་ལུགས་དག།
སྣང་ཆུང་མ་གནང་ཚུལ་དང་མཐུན་ཐབས་བྱོས།།
དེའི་རྗེས་སྨྱུག་གུའི་རྩེ་མོ་ཅི་འདོད་སྤྱོད།།
ཧི་ཧི་ཧི་ཧི་་་་་མ
བདག་ལ་བཤད་པ་དེ་ནི་ཁྱོད་ཉིད་ལ།
འོས་ཀྱི་བདག་ལ་འོས་པ་གཏན་ནས་མིན།
བྱ་བའི་ཚིག་གི་གོང་དུ་འབྲེལ་སྒྲ་བཀོད།
བོད་སྐད་མཁས་པ་དག་གི་ལུགས་ལ་མེད།།
་
དེ་འདྲ་ཡོད་པ་ཉིད་ཡིན་ན།
སྟོན་པར་འོས་པའི་དུས་ལ་འབབས།
གལ་ཏེ་སྟོན་པར་མ་ནུས་ན།
སོར་མོར་་སྒྲོག་བུ་རྒྱབ་པ་ལེགས།།
་
ཇི་སྐད་དུ་ཆོས་རྗེ་ས་པཎ་གྱིས།
་
ཆོ་ག་ཉམས་པར་བྱེད་པ་རྣམས།
ཆོ་ག་ཚང་བར་བྱེད་ལ་བརྙས།
ཙུ་ཏའི་ཡུལ་དུ་ཕྱིན་པ་ན།
རྐང་གཉིས་པ་ལ་མིར་མི་བརྩི།། ༢༠ །།
་
ཆོ་ག་ལོག་པར་སྦྱངས་པ་འགའ།
ཡང་དག་ཆོ་ག་བྱེད་ལ་གཤེ།
སྐྱེས་བུ་ཁྱི་ཡི་མགོ་ཅན་རྣམས།
བཞིན་བཟང་བུད་མེད་ཡིན་ཞེས་བརྙས།། ༢༡ །། རབ་ཡེད་༣པ།
་་་་་་་་་་་་་་་་་་་་
་་་་་་་ བདག་ལ་བཤད་པ་དེ་ནི་ཁྱོད་ཉིད་ལ།
འོས་ཀྱི་བདག་ལ་འོས་པ་གཏན་ནས་མིན།
བྱ་བའི་ཚིག་གི་གོང་དུ་འབྲེལ་སྒྲ་བཀོད།
བོད་སྐད་མཁས་པ་དག་གི་ལུགས་ལ་མེད།། ་་་་་་་་་་
་་་་་་་་་་་་་
ཁྱོད་ཀྱིས་མ་མཐོང་ཤེས་བྱ་མང་བ་དང་།།
བོང་རྒན་མ་ཕྱིན་ལམ་ཆེན་མང་བས་ན།།
རེ་རེ་བཞིན་དུ་མཛུབ་སྟོན་གལ་ཆེ་རུང་།།
ལྗང་མདོག་ཅན་གྱི་སྣོད་དེར་ཡིད་ཀ་མེད།།
ཧི་ཧི་ཧི་་
ཁྱོད་ཀྱིས་མ་མཐོང་ཤེས་བྱ་མང་བ་དང་།།
བོང་རྒན་མ་ཕྱིན་ལམ་ཆེན་མང་བས་ན།།
རེ་རེ་བཞིན་དུ་མཛུབ་སྟོན་གལ་ཆེ་རུང་།།
ལྗང་མདོག་ཅན་གྱི་སྣོད་དེར་ཡིད་ཀ་མེད།།
ཧི་ཧི་ཧི་་
ང་ལ་དྲ་འབུ་མ་འབུ་མ་འབོད་ཅིག།
ནོར་བ་བཀར་བས་དགེ་རྒན་དྲིན་ཆེན་ཡིན།
བློ་མིག་དོག་པར་འདོད་པས་མ་སྨད་ཅིག།
ཉིད་ལ་ངོ་ཚ་འབྱིན་ཐུབ་བརྡ་སྦྱོར་ཡོད། ཧ་ཧ་ཧ།
འཇམ་གཅེས་ལྷ་རྒོད་མིང་གི་བཏགས་པ་ཅན།
བྱིས་བ་སྣབས་བླུག་ཡིན་ན་སྙིང་རེ་རྗེ།།
རྒད་པོ་མགོ་དཀར་ཡིན་ན་ཡིད་རེ་སྐྱོ།
ཡར་རྒྱས་གཏོང་འདོན་མེད་ན་གཡུག་བཞག་ལོ། ཧ་ཧ་ཧ།
རང་རིགས་ལ་ཞེན་ཞེན་པ་དཀར་པོ། །
ལ་དྭགས་རྒན་དང་གནམ་སྔོན་པོ། །
ལ་རྒྱ་ཅན་གྱི་འཇམ་གཅེས་སོགས། །
ཁ་བརྡར་འཆད་རྩོད་ཀུན་ལ་ཕན་ངེས། །
མཁས་པ་བློ་གྲོས་ཅན་ཡིན་ན།
གཟུ་བོར་གནས་པ་དང་པོ་དགོས།
བོད་རིགས་ཞབས་ཏོག་གཉིས་པ་ཡིན
ཀླད་ལྗང་ལ་དྭགས་པ་ཡི་ལུགས།།
་
གནམ་མཆོག་བརྩེ་བ་ཆེན་པོ་ཡིས།
ཡིག་ནོར་ཁྱི་ལུད་གཙང་མ་བྱོས།
བསྐུལ་བར་བཀའ་དྲིན་ལོག་པར་འཇལ།
ད་དུང་ང་འོ་ང་རྒྱལ་བྱེད།
་
བྱ་མོས་ཆགས་པས་ཁྱིམ་ས་སློང་།
སྦྲུལ་གྱིས་ཞེ་སྡང་སོ་རྒྱབ་བྱེད།
ཕག་པ་རྨོངས་པའི་འདམ་དུ་ཉལ།
ཐ་ཤལ་བྱ་བ་གསུམ་ལས་མེད།།