བཞག་ལྡོམ་ལྗང་ལོ།
བྷིར་ནེ་ནི་དགུང་ལོ་བགྲེས་ཤིང་མཚམས་རེ་དགོད་བྲོ་བ་དང་སྐབས་རེ་གཟབ་ནན་ཀྱི་ཆབ་སྲིད་པ་ཞིག་ཡིན་། ཁོ་ནི་སྤྱི་ལོ་་༡༩༤༡/༩/༨་ལ་ཨ་རིའི་མངའ་སྡེ་ནེའུ་ཡོག་ནས་ལྗེའུ་མི་རིགས་ངལ་རྩོལ་ཁྱིམ་ཚང་ཞིག་ནས་སྐྱེས་ཤིང་། ལོ་ན་ཆུང་དུས་སུ་སློབ་གྲྭ་འགྲིམ་བཞིན་པའི་སྐབས་ཕ་མ་གཉིས་པོ་འདས་ཀྱང་མུ་མཐུད་ནས་སློབ་སྦྱོང་བྱས་ཏེ་ཨ་རིའི་མངའ་སྡེ་Chicago སློབ་གྲྭ་ཆེན་མོ་ནས་སྲིད་དོན་ཚན་རིག་རབ་འབྱམས་པའི་ལག་ཁྱེར་བཞེས་། ཁོ་བོ་ལོ་ན་ཆུང་བའི་སྐབས་ནས་མི་རིགས་འདྲ་མཉམ་དང་དབུལ་ཕྱུག་འདྲ་མཉམ་ལ་སེམས་ཁུར་ཧ་ཅང་ཡོད་པ་བརྟེན་འཚེ་མེད་ཞི་བའི་སྒོ་ནས་སྤྱི་ཚོགས་སུ་ལས་དོན་སྣ་ཚོགས་སྤེལ་མྱོང་མཁན་ཞིག་ཀྱང་རེད་། སྤྱི་ལོ་༡༩༦༨ ཙམ་ནས་དེ་རིང་བར་ཁོ་བོ་ཨ་རིའི་མངའ་སྡེ་Vermont་ནས་གཏན་དུ་གཞིས་ཆགས་པ་མ་ཟད། དེའི་གྲོང་ཁྱེར་ Burlington་གྱི་སྤྱི་ཁྱབ་བློན་ཆེན་སྤྱི་ལོ་༡༩༨༡་ནས་༡༩༨༩་བར་བྱས་ཤིང་། སྤྱི་ལོ་༡༩༩༡་ནས་༢༠༠༧ བར་ཨ་རིའི་གྲོས་ཚོགས་འོག་མའི་འཐུས་མི་དང་། སྤྱི་ལོ་༢༠༠༧་ནས་ཁོ་་ཨ་རིའི་གྲོས་ཚོགས་གོང་མིའི་ཚོགས་མི་ཆགས་ཏེ་ད་དུང་ཡང་ཚོགས་མི་བྱེད་ཀྱིན་པ་རེད།
ཁོའི་ཨ་རིའི་རྒྱལ་ནང་གི་ཆབ་སྲིད་དང་། སྤྱི་ཚོགས། དཔར་འབྱོར་བཅས་ཀྱི་ལྟ་བ་ནི་མང་ཚོགས་འབྱོར་མེད་ཚོའི་ཕྱོགས་སུ་ལངས་མཁན་ཞིག་རེད་། རྒྱུ་མཚན་ནི་། མང་ཚོགས་སྐྱོ་བོ་ཚོའི་ས་གནས་སྲིད་གཞུང་ནས་དབུས་སྲིད་གཞུང་ལ་སྤྲད་པའི་དཔྱ་ཁྲལ་སྣ་ཚོགས་དང་ཁྲིམས་ཀྱི་ཁེ་ཕན་གང་མང་ཞིག་འབྱོར་ལྡན་མཉམ་འབྲེལ་ཚོང་པ་ཚོའི་ལོངས་སྤྱོད་དུ་གྱུར་བ་ལས་སྐྱོ་བོ་ཚོ་མིན་པས། ཁོས་མང་གཙོའི་རྒྱལ་ཁབ་གཞན་པ་ལྟར་གཞི་རིམ་མང་ཚོགས་ཀྱི་་གླ་ཆ་ཡར་འཕར་དགོས་བ་འདོད་པ། མང་ཚོགས་དབུལ་ཕྱུག་ཁྱད་མེད་ཀྱི་འཕྲོད་སྟེན་ལྟ་སྐྱོང་འདྲ་མཉམ། སློབ་ཡོན་རིན་མེད་སོགས་སུ་འབད་བརྩོན་བྱེད་ཀྱི་ཡོད་པ་རེད་། ད་དུང་འཁོར་ཡུག་སྲུང་སྐྱོབས་སྐོར་ལ་ལས་དོན་འདྲ་མིན་སྤེལ་མཁན་ཞིག་ཀྱང་རེད་།
བྷིརནེ་སྤྱི་ལོ་༢༠༡༦ དང་༢༠༢༠་གཉིས་སུ་ཨ་རིའི་སྲིད་འཛིན་འགྲན་རྩོད་ལ་ལངས་ཡང་ཁོར་སྲིད་འཛིག་བྱེད་པའི་གོ་སྐབས་མ་བྱུང་བ་རེད་མོད། འོན་ཀྱང་ད་ལོ་སྤྱི་ཟླ་དང་པོའི་ཚེས་ཉི་ཤུ་ཉིན་བྷ་ཌན་ཀྱི་སྲིད་འཛིན་མཛད་སྒོའི་སྟེང་ཁོས་དྲོ་སོབ་སོབ་ཀྱི་གྱོན་གོས་སྤྱིར་བཏང་བ་ཞིག་དང་ལག་ཤུབས་དགོད་བྲོ་བ་ཞིག་གྱོན་ནས་སྡོད་སྟངས་དེས་གསར་འགོད་པ་དང་མང་ཚོགས་ཀྱི་དོན་སྣང་བྷ་ཌམ་མདུན་ནས་བརྐུས་ཏེ། གསར་ཁང་དང་སྤྱི་ཚོགས་དྲྭ་བ་གང་མང་ཞིག་ན་དེའི་སྐོར་ལ་གད་མོ་ཤོར་བའི་སྒྲུང་གྲངས་ལས་འདས་བ་བཤད་ཀྱི་འདུག དགོད་བྲོ་བའི་སྒྲུང་དེ་དག་གི་གཞི་འཛིན་ས་མང་ཆེ་བ་ནི་ཁོའི་ལག་ཤུབས་འབྱུང་ཁུངས་རེད་། ལག་ཤུབས་ནི་ཁོའི་མངའ་སྡེའི་སློབ་ཆུང་འཛིན་རིམ་གཉིས་པའི་དགེ་རྒན་མིང་ལ་Jen Ellis་ཟེར་བ་ཞིག་གིས་སློབ་ཁྲིད་བྱེད་ཞོར་དུ་བལ་གོས་རྙིང་བ་ལས་ལག་ཤུབས་བཟོས་ཀྱི་ཡོད་པ་རྣམས་ལས་གཅིག་བྷིར་ནེ་ལ་རྔན་པར་སྦྱིན་ཡོད་པ་དེ་ཡིན་འདུག བྷིརནེ་ཡི་དགོད་བྲོ་བའི་གཤིས་ཀ་ལ་བརྟེན་ནས་ལག་ཤུབས་བཟོ་མཁན་དང་དེའི་ལག་ཤུབས་ཀྱི་མིང་མི་ཤེས་བ་ལས་ཤེས་བ་གྱུར་ནས་དེང་སྐབས་སྐད་གྲགས་ཅན་ཞིག་ལ་ཆགས་འདུག དེར་རྟེན་། བྷིརནེ་ནི་ཆབ་སྲིད་ཕྱོགས་ནས་ཧ་ཅང་གཟན་ནན་ཅན་ཞིག་ཡིན་ཡང་ཁོའི་གཤིས་ཀ་ནི་བཞིན་རས་ཀྱི་རྒས་ཉེར་དང་ལྷན་དུ་སྤོ་བོ་དགོད་བྲོ་བ་ཞིག་ལ་གྱུར་འདུག