སྙུག་མིང་དང་འབྲེལ་བའི་གསལ་བཤད།

Comments (12) on “སྙུག་མིང་དང་འབྲེལ་བའི་གསལ་བཤད།”

1. གྲོགས་པོ་ལགས། ཁྱེད་ཀྱི་སྙུག་མིང་སྙིང་རྗེ་མོ་དེ་ངོ་ཤེས་པ་ནས། ངས་ཉིད་ཀྱི་རྩོམ་ཡིག་དང་ཁྱོད་གཉིས་གསལ་གསལ་དུ་ངོས་ཤེས་པ་ཡིན་ལ། དུས་དེ་ནས་ཁྱེད་ཀྱི་མི་གཤིས་དང་། རྩོམ་ཡིག་གི་གཤིས་ཉམས་དང་འབྲེལ་བའི་སྙུག་མིང་དེ་ལ་ང་ཧ་ཅང་དགའ། འོན་ཀྱང་ལོ་གཅིག་གཉིས་ཤིག་གི་སྔོན་ནས་ཁྱེད་ཀྱི་སྙུག་མིང་དེ་ཉིད་རྐུ་ལ་ཤོར་བའི་སྐད་ཆ་དེ་ཤེས་ཤིང་། དུས་དེར་གཡུ་དྲུག་དཀར་ཞེས་པ་ཞིག་གི་འུ་ས་རཱ་མཐོ་སློབ་ཀྱི་སློབ་མ་ཐུན་མོང་གིས་ཁས་ལེན་ཞིང་། བརྩི་བཀུར་བྱ་འོས་པའ་རྒན་ལྷ་མོ་མཆོག་ལ་འདྲ་མིན་བཤད་ནས་སྐབས་དེར་ཁྱོད་ལ་མིང་ཤས་དང་དཀའ་ངལ་ཞིག་འཕྲད་པ་ངས་ཧ་གོ་ཡོད།

   ད་ཐེངས་ཡང་སྙུག་མིང་རྐུ་བའི་བྱེད་པོ་དེས་ཉིད་ཀྱི་སྙུག་མིང་བེད་སྦྱད་ནས་གང་སར་འདྲ་མིན་འཆད་ཡོད་དུས། སྙུག་མིང་དང་པོ་བེད་སྤྱོད་གཏོང་མཁན་ལ་དཀའ་འཕྲད་རྒྱུ་ཡིན་པ་མངོན་གསལ་རེད།

   ཡིན་ནའང་ཁྱེད་ཀྱིས་སྙུག་མིང་བོར་བརླགས་བྱུང་བའི་གསལ་བསྒྲགས་ངས་ཁྱེད་ལ་སྔོན་ནས་ཞུས་པ་ལྟར་དེ་ལྟར་བྱས་ཡོད་ན་ཡག་པ་ལ། གང་ལྟར་གཡུ་དྲུག་དཀར་ཞེས་པའི་སྙུག་མིང་དེ་སྔོན་མ་ཞིག་ལ་ཁྱོད་ཀྱིས་ཡིན་ཡང་ལོ་གཅིག་གཉིས་ཤིག་གི་རྗེས་ནས་གཡུ་དྲུག་དཀར་ཞེས་པ་དེ་ཁྱོད་མ་ཡིན་པ་ངས་གསལ་པོ་ཤེས།

2. ང་མིན་ཟེར་མཁན་འདི་རིགས་ལ་ཡིད་ཆེས་ལྷག་ཏུ་མེད། གལ་སྲིད་སོ་སོར་ནག་ཉེས་མེད་ན་རང་ཚིགས་རི་ལྟར་དུ་བསྡད་ན་སྐད་ཡན་རླུང་བས་བསྒུལ་མི་ཚུགས། སྤྱིར་བཏང་འདི་རིགས་ནི་དོན་དག་ཆེན་པོ་གང་ཡང་མ་རེད། དམངས་གཙོའི་སྤྱི་ཚོགས་ལ་གོམས་འདྲིས་ཡོད་མཁན་ཞིག་ཡིན་ན། དེང་གི་བརྒྱུད་ལམ་ཐོག་གི་ཞབས་མཆན་ (comment)ཟེར་བ་དེའི་གོ་གནས་ཤེས་ངེས་ཡིན། ཕར་ཕྱོགས་ནས་སྐད་བརྒྱབ་ན་ཚུར་ཕྱོགས་དངསནས་ངུ་ཤོར་དུས། སེམས་ན་རྣོངས་ཤིག་དང་ངོ་ལ་རྡུལ་ཞིག་ཡོད་པའི་རྟགས་ཡིན།

3. ངོ་མ་ཁྱོད་སེམས་ཆུང་རེད། རྩོམ་པ་པོ་ཞིག་གི་སྙུག་མིང་འདི་ལྟར་དོར་ན་སྙུ་མིང་དགོས་བ་མི་འདུག རྐུན་ཕྲུག་དེ་ཁྱོད་ཀྱི་ངོ་ཤེས་སམ་ཡང་ན་ལོ་ཆུང་ཞིག་ཡིན་ས་མ་རེད།

4. སྐལ་བཟང་ཉི་མ་ལགས། ཁྱེད་ལ་ངོ་མ་ཁག་མི་འདུག མིང་རྐུན་དེ་འདྲ་བོད་ཀྱི་དུས་བབས་ཀྱིས་དག་སེལ་བྱེད་ཐབས་མི་བྱེད་ན། ངོ་མ་ཐབས་སྐྱོ་བོ་རེད། རྒྱུ་སྤུས་ཇེ་ཞན་དུ་འགྲོ་བཞིན་པའི་བོད་ཀྱི་དུས་བབས་སང་སྔོན་གྱི་རྩོམ་སྒྲིག་པ་སྐུ་ཞབས་རབ་གསལ་དང་ལྷག་བསམ་གཉིས་ད་དུང་བཞུགས་ཡོད་ན་ཁྱེད་ལ་རོགས་རམ་བྱེད་ངེས་རེད།

5. སེམས་ཆུང་རེད་དེང་སང་དྲ་རྒྱའི་ནང་ལ་མཐོ་དམའི་ཚིག་་གང་སླེབས་པ་བདག་པོ་རྒྱག་དགོས་ན་རང་སྡུག་རང་གིས་ཉོས་པའི་རྟགས།

6. བཀྲ་ཤིས་བདེ་ལེགས།།

7. གཡུ་དྲུག་དཀར་ཟེར་བའི་སྨྱུག་མིང་འདི་སྙན་མོ་ཞིག་ཡིན་ཡ། ད་དོར་དགོས་བྱུང་བ་འདི་ཐབས་ལམ་ཡག་པོ་ཡིན་མིན་ཤེས་ཀྱི་མི་འདུག་ཀྱང། ད་ཚར་བ་རེད།

8. བཀུར་འོས་པའི་གྲོགས་སྐལ་་བཟང་ཉི་མ་ལགས། གཡུ་དྲུག་དཀར་གྱི་མིང་བེད་སྤྱོད་གཏོང་མཁན་དེ་ང་ཡིན། མིང་རྐུན་ལབ་ཀྱང་འགྲིག་གི་རེད། ཁྱེད་ལ་དཀའ་ངལ་རབ་དང་རིམས་པར་བྱུང་ཡོད་ན་དགོངས་དག། ངས་་མཆན་བུ་བཀོད་དུས་མི་ཚོས་གཡུ་དྲུག་དཀར་གཞན་ཞིག་ལ་བཀའ་བསྐྱོན་གཏོང་གི་ཡོད་པ་མཐོང་དུས་གཞི་ནས་ངས་གཡུ་དྲུག་དཀར་ཟེར་བའི་མི་གཞན་ཞིག་ཡོད་པ་ཤེས་སོང་། དེའི་སྔོན་གཏན་ནས་ཤེས་ཀི་མེད། ཁྱེད་ཀྱིས་གསུངས་བ་བཞིན་རེད། དེ་སྔོན་མཆན་བུ་འདེབས་མཁན་གྱི་གཡུ་དྲུག་དཀར་དེ་སྐུ་ཉིད་མིན་པར་མ་ཟད། ང་རང་ཉིད་ཡིན་པ་ཁས་ལེན་གཙང་མ་ཞུ་རྒྱུ་དང་ཆབ་ཅིག། དེ་རིང་ནས་བཟུང་སྐུ་ཉིད་ཀྱི་སྙུག་མིང་ཕྱིར་སྐུ་ཉིད་་ལ་འབུད་རྒྱུ་ཡིན་པར་མ་ཟད། ངས་དེ་རིང་ནས་བཟུང་གཡུ་དྲུག་དཀར་ཟེར་བའི་མིང་དེ་བེད་སྤྱོད་གཏན་ནས་བྱེད་ཀྱི་མིན། དེས་ཕྱིར་སྐུ་ཉིད་ཐུགས་བདེ་བོའི་ངང་ནས་རང་གི་པིར་མིང་དེ་བེད་སྤྱོད་གནང་རོགས་ཞུ་ཡ་ཡིན།

9. དྲང་མོར་བཤད་ན་གོང་གི་རྩོམ་ཡིག་དང་འོག་གི་མཆན་ཚང་མ་གཞི་གཅིག་ཏུ་དབྱེ་བསེས་བྱས་ན། (སྐལ་བཟང་ཉི་མ)ཟེར་བ་དང་དུས་བབ་ནང་གི་(གཡུ་དྲུག་དཀར)ཟེར་བ། གོང་གི་མཆན་བུའི་ནང་གི་(མི་ནས)འདི་དག་དོན་གཅིག་མིང་གི་རྣམ་གྲངས་རེད།

10. གྲོགས་འཁྱམས་བུ་ལགས། སྐུ་ཉིད་ནས་བསམ་ཚུལ་གསུངས་ན་འགྲིག་མོད། བསམ་ཚུལ་ནི་ནམ་ཡང་བསམ་ཚུལ་ཡིན་པ་ལས་གནས་ཚུལ་མིན་པས། སྐུ་ཉིད་ནས་ཐག་བཅད་ནས་བཤད་ཀྱང་ཐག་ཆོད་པར་མི་འགྱུར་བས། ད་རྙོག་གླེང་འདིའི་བར་ནས་སྐུ་ཞབས་སྐལ་བཟང་ཉི་མ་ལགས་ལ་དཀའ་ངལ་མུ་མཐུད་ནས་མ་སྤྲོད་རོགས། ངས་་སྐལ་བཟང་ཉི་མ་ཟེར་བའི་མི་འདི་མཐོང་མྱོང་མེད་ལ། ཡུལ་གང་ཞིག་ན་ལས་ཅི་ཞིག་སྒྲུབ་མཁན་ཞིག་ཡིན་པའང་ཤེས་ཀི་མེད། གནས་སྐབས་དེ་ཙམ་བྱ།

11. ཁ་བརྡ་ཚང་འདི་ནད་ཀྱི་བཟུང་དང་ནི་ཡིན་ས་རེད། ཁ་སང་ངས་མཆན་བཏབ་པ་དེ་དག་བཀོད་མི་འདུག ངས་དེའི་ནང་སྤྱི་སྒེར་གང་ལ་ཡང་གནོད་གཞིའི་ཚིག་གཅིག་ཅིང་མེད། གལ་སྲིད་དེ་འདྲ་ཞིག་ཡིན་རྒྱུ་ན་ཡང་ཁྱོད་ཅག་གིས་ཉེ་རྒྱང་བྱེད་བཞིན་བཀོད་གི་ཡོད་ནི་རེད། དཔེར་ན་རེབ་ཐོག་མདའི་རྩོམ་ཆད་དེའི་མཆན་གིས་སྤྱི་ཚོགས་ལ་རྨ་དེ་འདྲ་མང་བོ་བཟོས་སོང་ན་ཡང་བཀོད་རྐྱང་བྱེད་ཀི་ཡོད་པ།
    ངས་བཤད་འདོད་པ་ནི་གསང་མིང་འོག་ནས་སྤྱི་ཚོགས་དང་མི་སྒེར་ལ་དཀྲུགས་ཤིང་འཕེན་མཁན་དག་གིས་བསམ་བློ་རེ་གཏོང་ཨེ་ཤེས་བལྟས་ནས་གང་ལྟར་ལས་དེར་མ་འཇུག་རོགས་ཟེར་ནས་གདམས་ཡོད་པ་འདི་ཡིན།

12. བཀྲ་ཤིས་བདེ་ལེགས།།