མུ་ལ།
མ་ཡུམ་སློབ་གྲྭའི་གླིང་ན།
དབྱངས་གསལ་སོ་བཞི་གྱེར་རོགས།
སྙིང་སྡུག་ལྷག་དཀར་སྒྲོན་མ།
ཁྱོད་ལ་བཅངས་བའི་བརྩེ་བ།
མི་འགྱུར་རྡོ་རྗེ་བྲག་ཡིན།
བུ་ངའི་སྙིང་གི་མེ་ཏོག
སྙིང་ཉེ་ལྷག་དཀར་སྒྲོན་མ།
སྙིང་ཉེ་ལགས། ལྷག་དཀར་སྒྲོན་མ།
ང་རང་ཁྱེད་ལ་དགའ་བ།
ནམ་ཡང་འགྱུར་བ་མེད། སྙིང་ཉེ་ལགས།
ཡངས་པའི་སྤང་ལྗོངས་སྟེང་ན།
གཡང་དཀར་ལུག་ཆུང་འཚོ་རོགས།
ཆུང་འདྲིས་ལྷག་དཀར་སྒྲོན་མ།
ཁྱེད་ལ་བཅངས་བའི་བརྩེ་བ།
མུ་མེད་རྒྱ་མཚོའི་གཏིང་ཡིན།
བུ་ངའི་སྙིང་གི་མེ་ཏོག
སྙིང་སྡུག་ལྷག་དཀར་སྒྲོན་མ།
སྙིང་སྡུག་ལགས། ལྷག་དཀར་སྒྲོན་མ།
ང་རང་ཁྱེད་ལ་དགའ་བ།
ནམ་ཡང་འགྱུར་བ་མེད། སྙིང་སྡུག་ལགས།