ངག་དབང་བརྩོན་འགྲུས། རྒྱ་གར་ལྷོ་ཕྱོགས།
—ཁ་བརྡ་ལས་<<རྗེ་བླ་མའི་རྩོམ་གྱི་ཆེ་བ་མདོ་ཙམ་གླེང་བ>>ཞེས་པ་བཀླགས་རྗེས་བྲིས།
གུས་པས་ཉིན་ཤས་གོང་གྲོགས་པོ་ཞིག་ལ་བྲིས་པའི་<<མི་ཚེ་དང་སྙན་ངག་ལ་བལྟ་ཚུལ>>ཞེས་པའི་དཔྱད་རྩོམ་ལྟ་བུ་དེར་རྗེ་བླ་མའི་སྙན་རྩོམ་གྱི་སྐོར་ཅུང་ཟད་བཤད་ཡོད། རྩོམ་ཡིག་དེར་རང་ངོས་ནས་རྟོགས་དཔྱོད་དང་བཤིབས་བསྡུར་མ་བྱས་པའམ་ཡང་ན་བཤིབས་བསྡུར་བྱས་པ་ཡང་ཐལ་དྲག་པའི་སྐྱོན་ཅན་དུ་གྱུར་སོང་ཡོད་ཚོད་ལ། སྐུ་ཞབས་དབྱངས་ཅན་འབངས་ཀྱིས་སེམས་གཅོང་གི་ཚུལ་དུ་བསམ་འདུན་འགའ་བཤད་འདུག་པར་ལེགས་སོ་ཞུ་བ་ཡིན། ཁྱེད་ཀྱིས་ཤེས་དགོས་པ་ཞིག་ནི་ངས་འདིར་བཤད་པ་ཐམས་ཅད་ནི་རང་གི་འདོད་མོས་ལྟར་བཤད་པ་ཡིན་ལ། ལྷག་པར་ཁྱེད་ཀྱིས་དགེ་ཆོས་ཀྱི་རྩོམ་ཡིག་དང་བཤིབས་བསྡུར་དེ་ལྟར་བྱས་ཚེ་ངའི་བསམ་ངོར་རང་ཉིད་ཀྱིས་བཤད་པ་ལ་ཡིད་ཆེས་དང་གདེང་འཇོག་ཆེ་རུ་ཕྱིན་པའི་སྣང་བ་འཆར་གྱིན་འདུག གང་ལགས་ཞེ་ན་རྩོམ་ཡིག་ནི་མི་གཤིས་དང་བསྟུན་ནས་གླེང་དགོས་པས། བརྗོད་བྱ་གང་ཆེ་ཆེ་དང་རྗོད་བྱེད་གང་སྙན་སྙན་གྱི་སྒོ་ནས་གཤིབ་སྡུར་བྱᨓ᩶་རུང་བར་གཏན་ནས་མཐོང་གི་མེད། ཁྱེད་ཀྱིས་རྗེ་བླ་མའི་སྙན་ཚིག་ལ་ངས་བཤད་པའི་གོ་དོན་ག་རེ་ཚང་མི་འདུག་ཅེས་འདྲི་ན། སྙན་ངག་གི་མཛེས་སྡུག་ནི་མིག་གིས་མཐོང་རྒྱུ་དང་རྣམ་བས་ཐོས་རྒྱུ་ཞིག་མིན་པས་སྙན་ངག་ནི་གློག་བརྙན་ཞིག་དང་འདྲ་བར་ཕར་ལ་བཞག་ནས་བལྟ་མི་རུང་ཞིང་ཀློག་ཀྱང་མི་རུང་ཀློག་ཀྱང་མི་རུང་བ་ཞིག་ཡིན། གལ་ཏེ་སྙན་ངག་གཅིག་གི་མཛེས་སྡུས་མིག་གིས་འཚོལ་སར་སོང་ན་དེས་སྙན་ངག་གི་མཛེས་སྡུག་ནམ་ཡང་མཐོང་མི་སྲིད། ཅི་སྟེ་དེ་ལྟར་འཚོལ་དགོས་པའི་སྙན་ངག་ཅིག་ཡིན་ཚེ་དེ་ལ་སྨྲ་མི་ནུས་པའི་སྙན་ངག་གི་ཆེས་མཛེས་སྡུག་གི་དྭངས་མ་ཞིག་ནམ་ཡང་ལྡན་མི་སྲིད། དེས་ན་ངས་རྗེ་བླ་མ་སོགས་ཀྱི་རྩོམ་རིག་ལ་མིག་གིས་མཐོང་རྒྱུ་ཞིག་དང་རྣ་བས་ཐོས་རྒྱུ་ཞིག་ལས་ལྷག་པའི་རྩོམ་རིག་གིས་མཛེས་སྡུག་ལྡན་མི་འདུག་ཅེས་བཤད་ཀྱིན་ཡོད། ཁོང་གི་སྙན་རྩོམ་ལ་ཚིག་གི་འགྲོས་དང་དཔེ་ཡི་ཉམས་སོགས་ལ་བཤད་རྒྱུ་གང་ཡང་ལྷག་མེད་ཀྱང་། རང་ཉིད་ཚུར་ལ་བསྡད་སྙན་ངག་ཕར་ལ་བཞག་ཏེ་ཀློག་དགོས་པའི་བར་སྟོང་ཞིག་འདུག་པ་དེ་བཀང་རྒྱུ་ལྷག་འདུག་ཅེས་ཟེར་གྱིན་ཡོད།
དེ་བས་རྩོམ་རིག་གི་བརྗོད་སྙིང་ཟབ་ཚད་ཡང་ལྟ་གྲུབ་ག་གེ་མོ་ཞིག་གི་མ་ལག་དང་འབྲེལ་མིན་ལ་མ་ལྟོས་པར། ཚོར་བའི་གཏིང་རིམ་ནས་བྲེད་ཤ་ལང་པ་ཞིག་བྱུང་ན་དགའ་ཡང་ཆོག་ལ་སྡུག་ཀྱང་ཆོག གང་ལྟར་དེ་ནི་མི་སེམས་ཀྱི་གཤིས་ལ་འཕྲོད་སོང་བ་ཡིན་པས་བརྗོད་བྱ་ཕལ་བ་ཞིག་ཡིན་པའི་རྒྱུ་མཚན་གྱིས་རྩོམ་ཡིག་སྤྱིར་བཏང་བ་ཞིག་ཡིན་པར་ནམ་ཡང་བརྗོད་མི་ནུས། དཔེར་ན་འཇུ་སྐལ་བཟང་གི << སློབ་མཐར་ཕྱིན་པའི་མཉམ་སྤྲོའི་དགུང་ཚོགས་སྟེ་དུ >>ཞེས་པར་མཚོན་ན་ཐད་ཀར་ཐ་སྙད་ཀྱི་ལམ་ནས་འགྲེལ་བརྗོད་མི་ནུས་པའི་དགེ་སློབ་བར་གྱི་སེམས་གཏིང་གི་མྱོང་བ་དམར་མོ་དག་ཕྱིར་འདོན་བྱས་པ་ཙམ་དུ་མ་ཟད། མི་དང་མི་ཡི་བར་གྱི་འབྲལ་གདུང་གི་སེམས་གཤིས་ཕྲ་མོ་རྣམས་སྙིང་ཁ་ན་ལྡིང་ཡོང་བ་ལྟར་བསྟན་པ་མཐོང་བཞིན་དུ་བརྗོད་སྙིང་མི་ཟབས་པའི་སྐུར་བ་ཇི་ལྟར་འདེབས་རུང། ངོ་མ་རྩོམ་རིག་འདི་དག་ཀློག་པའི་དུས་སུ་རང་དབང་མེད་པར་ཁོག་འདར་རྒྱག་པའི་སྣང་བ་འཆར་བྱེད་ཅིག་ཡིན་འདུག་པས། གཅིག་བྱས་ན་འདི་ནི་ཁྱེད་ཀྱིས་ངོས་འཛིན་བྱས་པའི་རྩོམ་རིག་གི་བརྗོད་སྙིང་ཟབ་ལུགས་དེ་ལ་ཡང་བསྐྱར་ཞིབ་འཇུག་ཐེངས་གཅིག་དགོས་པའི་སྐུལ་མ་བྱས་པ་དང་འདྲའོ།། མ་ཟད་སྙན་ངག་ནི་སྒྱུ་རྩལ་གྱི་ཕུང་པོ་ཞིག་ཡིན་པས་དེ་རིང་སྙན་པའི་རྩེར་སོན་ཡང་སང་ཉིན་སྤྱི་འགྲོས་ཙམ་དུ་མི་འགྱུར་བའི་ངེས་པ་གང་ན་ཡོད་དེ། མཐའ་ན་གོས་ཐུང་ཞིག་ལ་ཆ་མཚོན་ན་ཡང་ལོ་དང་ཟླ་བའི་བར་ནས་ཕྲ་སྦོམ་དང་རིང་ཐུང་། དེ་བཞིན་གྱོན་སྟངས་སོགས་རེ་རེ་ནས་འགྱུར་བཞིན་པ་འདི་དག་མི་ཡི་མཛེས་སྤྱོད་འཚོལ་སྟངས་མི་འདྲ་བའི་དབང་གིས་བྱུང་བས་གསར་བུ་དང་མགོ་ཆུང་སོགས་གང་བརྗོད་ཀྱང་། འཛམ་གླིང་འདི་ནི་ཆེས་སྔ་མོ་ནས་འགྱུར་ལྡོག་དེ་འདྲ་ཞིག་གི་གཞན་དབང་དུ་གྱུར་ཟིན་པས་རང་ཉིད་གཅིག་པོ་སྲུབ་མེད་ཀྱི་བྲག་རྡོ་ཞིག་དང་འདྲ་བར་སྡོད་ཚུགས་ན་མ་གཏོགས། སྦལ་པ་ཡིན་ཡང་མཆོང་ལྡིང་བྱེད་པའི་དུས་ལ་ཐུག་ནས་ཡོད་དོ།།
དེས་ན་ཁ་སང་མི་ལ་སྙན་པ་དང་མཛེས་པའི་དཔལ་ཡོན་གང་ཡིན་ཡང་དེ་རིང་ཨ་འཐས་ཀྱིས་དེ་ཡི་གོ་ཆོད་པར་སྨྲ་བ་དག་ནི་རང་ཉིད་རྒུད་པའི་རྩ་བ་གཙུག་པ་དང་ཆ་འདྲ་བས་སྒེར་ཚུགས་ཀྱི་བསམ་བློ་ལྡན་པའི་སྤོབས་པ་ཞིག་ཏུ་རྩི་མི་རུང་སྟེ། དཔལ་དོན་གྲུབ་རྒྱལ་གྱིས << ལང་མཚོའི་རྦབ་ཆུ་ལས >> “ མཚར་སྡུག་འོད་སྟོང་འབར་བའི་སྔོན་ཆད་ཀྱིས་ད་ལྟའི་ཚབ་བྱེད་མི་རུང་ལ། བ་ཚྭའི་དྲི་དང་འགྲོགས་པའི་ཁར་སང་གིས་དེ་རིང་གི་སྐོམ་པ་ག་ལ་སོད། ‘’ ཅེས་ནན་གཏན་དུ་གསུངས་པ་མ་ཡིན་ནམ། ཨ་ཅང་ཅང་སྙན་ངག་ནི་མངོན་བརྗོད་དང་ཚིག་རྒྱན་སོགས་ཀྱིས་སྤུད་པར་བྱས་ཀྱང་། ཚོར་བའི་གཤིས་ཀ་དང་འཚམ་པའི་ངེས་པ་གང་ན་ཡོད་དེ། དཔེར་ན་ཟླ་བ་ཞེས་པ་དང་བསིལ་ཟིལ་ཅན་ཟེར་བ་གཉིས་རྣ་བས་ཐོས་སྐབས། ཁ་ཐུག་སེམས་ལ་ཟུག་འདྲ་ཡོང་བ་ལ་སྔ་མ་ཉེ་ཆེ་བ་མྱོང་བས་གྲུབ་པས། མཛེས་མི་མཛེས་དང་སྙན་མི་སྙན་སོགས་གཙོ་བོ་ཕྱི་ཚུལ་ལ་བལྟ་རྒྱུ་མིན་པའི་ར་སྤྲོད་བྱུང་ན། ཁྱེད་ཀྱི་བླ་ན་མེད་པའི་དྭངས་བ་ཆེན་པོ་དེར་ཡང་འགྱུར་བ་ཕྲན་བུ་རེ་འབྱུང་ངེས་པས་། བེ་རི་དང་རྗེ་བླ་མ་གཉིས་གཏན་ཐོག་གཅིག་ལ་བཞག་འདུག་བསམ་པའི་སྡུག་ཡུས་བགྲངས་མི་དགོས་ལ། རང་གཞན་གང་གི་མྱོང་ཚུལ་དང་མཐུན་མིན་ལ་མི་ལྟོས་པར་མཁས་པ་ཆེན་པོ་ཞིག་གིས་གནས་ལུགས་མཐུག་པོ་ཞིག་བརྗོད་སོང་བ་ཙམ་གྱིས། འདི་ནས་བཤད་པའི་མཛེས་སྡུག་གི་ཚད་ལོན་མིན་སྐོར་ལ་རྟོགས་དཔྱོད་ཤ་རེ་བ་འགའ་ཡོང་བར་ངེས་ཤིང། རིག་གནས་ཀྱི་ཁྱབ་ཁོངས་སུ་འདུ་བའི་མཛེས་སྡུག་གི་རིན་ཐང་གླེས་སྐབས་མི་ལ་མཐོ་དམན་དང་། གཏམ་ལ་སྦོམ་ཕྲ་ཟེར་བ་ནམ་ཡོད་མི་དཔེ་བས་ལྷ་འདྲེ་གཉིས་པོ་སྟན་ཐོག་གཅིག་ཏུ་བཞག་ཀྱང་མི་གཞི་ལ་སྐུལ་བ་བཏབ་པའི་གྲས་སུ་མི་འགྲོ་བའི་ངེས་པ་བརྙེད་པར་འགྱུར་རོ།། ལྷག་དོན་དུ་དེང་སང་མཁྲེགས་འཛིན་པ་མང་པོ་ཞིག་གིས་ཨ་གསར་དང་མགོ་ཡང་སོགས་ཟེར་ཏེ། བློ་གྲོས་དང་ཧམ་སེམས་ཀྱི་དཔལ་འབར་བའི་རང་རེའི་སྨྱུག་ཐོག་པ་གང་མང་ལ་ཤ་ཚ་མེད་པར་མགོ་ལྕག་གཡུག་ཀྱང་བྱེད་པ་ནི་མཐོང་མི་འདོད་པ་ཞིག་རེད་ལ། དེ་བས་གང་ཉིད་ཀྱི་རང་གཤིས་རྡོ་ལྕགས་ལས་གྲུབ་པའི་ངང་ཚུལ་གསལ་སྟོན་བྱས་པ་དང་ཆ་འདྲ་བས་ཞད་སྣང་ལངས་བ་ཞིག་ཀྱང་ཅི་ལ་མིན། སྐུ་ཉིད་ནས་ཀྱང་ནམ་རྒྱུན་དུ་བག་མེད་པའི་སྐད་ཆ་འདི་འདྲའི་རིགས་གང་བྱུང་དུ་མི་བཤད་པའི་རེ་བ་སེམས་གཏིང་ནས་ཞུ་བཞིན་ཡོད།
ཡག་པོ་འདུག ཡིན་ན་ཡང་། ཁ་བྱང་ལ་མི་སེམས་ཀྱི་འགྱུ་སྟངས་ཟེར་ན་དེ་བས་བརྗོད་བྱའི་གནད་འབྱིན་པའི་དགེ་མཚན་ཡོད་སྙམ།
གང་རེད་ཟེར་ན་འགྱུ་བ་ནི་ཆུ་ནང་ནས་ཉ་འཁྱུགས་པ་ལྟར་འགྱུ་བའི་རང་བཞིན་ཅན་ཞིག་སྟེ། དགའ་སྐྱོ་ཆགས་སྡང་གི་སེམས་ཀྱི་འགྱུ་བ་མི་མངོན་པའི་སྙན་ངག་ནི་རང་གིས་སྐབས་འདིའི་སྙན་ངག་སྟོང་ཆ་ཅན་དེར་འདོད་ཀྱིན་འདུག་པས་སོ།།
“དཔེར་ན་ཟླ་བ་ཞེས་པ་དང་བསིལ་ཟིལ་ཅན་ཟེར་བ་གཉིས་རྣ་བས་ཐོས་སྐབས། ཁ་ཐུག་སེམས་ལ་ཟུག་འདྲ་ཡོང་བ་ལ་སྔ་མ་ཉེ་ཆེ་བ་མྱོང་བས་གྲུབ་པས”འདི་ཚང་མ་ལ་ཏག་ཏག་འགྲིག་གི་ཨ་ཡོད། ང་ལ་མཚོན་ན་ཕྱི་མ་འདི་ཟླ་བ་ཞེས་པ་ལས་ལྷག་པའི་དེའི་རང་བཞིན་ཀྱང་གསལ་གསལ་ཐིང་ཐིང་ངང་་བློ་ངོ་ན་འཆར་གི་འདུག
དེས་མཚོན་པའི་སུའི་་རྩོམ་བཟང་དང་སུའི་རྩོམ་ངན་གཉིས་ཤེས་དགོས་སྙམ།
སྙན་ངག་སེམས་གྱི་འགྱུར་སྟེང་ཞིག་ཡིན་པས་ན། ནང་སེམས་ཀྱི་འགྱུར་བ་ལ་སྟེན་ནས་ཚིག་སྦྱོར་སྙན་མོ་རེ་བྱུང་བ་ཡིན་ལ། དེ་ཡང་གཙོ་བོ་དོན་ཟབ་པ་དང་དོན་དང་ལྡན་པ་ཞིག་ཡིན་པ་གལ་ཆེ་བ་ཡིན་མ་གཏོགས། གཞན་དུ་ན་རྨི་ལམ་ཡུལ་གྱི་བརྟན་མོ་དང་འདོད་ངན་བྱི་ལས་ཀླུ་ངག་ལྟ་བུ་ཞིག་ཡིན་ན། ཉི་མ་ཆོད་ཐབ་ཙམ་ལས་ཅི་ཡང་མི་ཕན་ནོ
མེ་ཏོག་དཀར་པོ་ལགས་ཀྱིས།
དཔྱད་རྩོམ་འདི་ཞིབ་བཀླགས་བྱས་ཡོད་མེད་ཅི་ལྟར་ཡང་། ནང་གི་ཚིག་གཅིག་དྲངས་འདུག་པ་འདིའི་གོ་བ་ལོན་མི་འདུག་སྙམ། ནམ་རྒྱུན་ང་ཚོའི་ཁ་ལམ་རྣམ་དུ་འགྲོ་འོང་བྱེད་གྲངས་མང་བ་ཟླ་བ་ཡིན་པའི་རྒྱུ་མཚན་གྱིས། ཐ་སྙད་འདི་གཉིས་ལས་ག་རུང་ཞིག་བརྗོད་པའི་མོད་བློ་ཡུལ་ན་ངང་ཝ་ལེར་ཤར་ཡོང་བའམ་ཟུག་ཡོང་བ་འདྲ་ནི་ཟླ་བ་ཞེས་པ་འདི་ཡིན་པ་རྒྱུ་མཚན་གྱིས་ཀྱང་གྲུབ་ཀྱིན་འདུག་པ་འདི་ཡིན་རྒྱུ་རེད། འདི་ལས་ཁོང་གིས་སྙན་ངག་ནི་སོ་སོའི་འཚོ་བ་དང་ཚོར་ལ་ཁ་ཐག་ཉེ་དགོས་པར་ཡང་འདོད་ཀྱིན་ཡོད་པ་ཡང་མཐོང་གིན་འདུག
འོ་རེད། རྣ་བ་བརྒྱད་པ་ལགས། སྙན་ངག་ནི་སྙན་ངག་རང་གི་སྒྱུ་རྩལ་དང་མཛེས་སྡུག་གི་ངོས་ནས་རིན་ཐང་དང་ལེགས་ཉེས་འབྱེད་དགོས་པ་ལས། ཕན་མི་ཕན་དང་དགོས་པ་ཡོད་མེད་ཀྱི་སྐད་ཆ་ཞིག་བཤད་ས་ཡོད་རྒྱུ་མ་རེད་འདོད་དོ།
ངས་ཉེ་སྔོན་ཁོང་གིས་བྲིས་པའི་དཔྱད་རྩོམ་དེ་དང་དེ་རིང་འདི་གཉིས་ཀ་བཀླགས་པའི་ཆ་ནས་བཤད་ན། དངོས་གནས་ཁོང་གི་དཔྱད་རྩོམ་འདི་དག་ནི་བློ་བསྐྱེད་མི་ཉུང་བ་སྟེར་བ་ཞིག་རེད་འདུག་པས། གྲོགས་པོ་དག་གིས་ལེགས་པར་ཀླག་ན་ཁེ་བཟང་ལས་གྱོང་མི་འདུག་ཞུ་ཐུབ་ས་རེད།
བཀླགས་ཡིན། གང་ཞིག་བརྗོད་འདོད་པ་དང་གང་བརྗོད་པའང་ཤེས་ཡོད། ངའི་ངོར་ཟླ་བ་ཟེར་དུས་ང་རྒྱུན་པར་འགྲོ་སའི་ཆང་ཁང་གི་བདག་པོ་ཟླ་བ་ཟེར་བ་དེ་རང་བློ་ལ་འཁོར། དེ་ལས་བསིལ་ཟེར་ཅན་ཟེར་དུས་མཚན་མོ་སྐྱ་ཐིང་ཐིང་མངོན་པའི་ནམ་མཁའི་ཟླ་བ་དེ་བློ་ལ་ཤར།
བཀླགས་ཡིན། གང་ཞིག་བརྗོད་འདོད་པ་དང་གང་བརྗོད་པའང་ཤེས་ཡོད། ངའི་ངོར་ཟླ་བ་ཟེར་དུས་ང་རྒྱུན་པར་འགྲོ་སའི་ཆང་ཁང་གི་བདག་པོ་ཟླ་བ་ཟེར་བ་དེ་རང་བློ་ལ་འཁོར། དེ་ལས་བསིལ་ཟེར་ཅན་ཟེར་དུས་མཚན་མོ་སྐྱ་ཐིང་ཐིང་མངོན་པའི་ནམ་མཁའི་ཟླ་བ་དེ་བློ་ལ་ཤར།
དེས་ན་ངའི་ངོར་ཟླ་བ་དང་བསིལ་ཟེར་ཅན་གཉིས་ལས་ཕྱི་མ་འདི་འཚོ་བ་དང་ཐག་ཉེ་གི་འདུག
དེ་ལ་ཁྱེད་རྣམ་པས་ཟླ་བ་ཉེ་དགོས། བསིལ་ཟེར་ཅན་རིང་དགོས་ཞེས་ཁྲིམས་བཏང་ཐུབ་གི་མ་རེད་ལ། དེ་འདྲ་དགོས་ཞེས་ཞུ་བ་འཐེན་ས་ཡང་མེད། ལྐོག་རྔན་འདྲ་སྤྲོད་ན་ནི་ངས་ཁས་ལེན་ཆོག་ ཧཧཧཧཧ་ཀུ་རེ་
སྨྱུ་གུ་རང་སྲུང་མཚོན་ཆ་དང་།།
སྙན་ངག་རང་གི་རླུང་རྟ་རུ།།
བསམས་ཏེ་སྙན་ངག་འབྲི་བ་ཡི།།
ལུགས་དེ་ནམ་ཡང་འཛིན་མི་བྱ།།
མིག་གིས་སྤྱི་ཚིགས་ཧྲིལ་བོར་ལྟ།།
ཡིད་ཀྱིས་བླང་དོར་ལེགས་ཉེས་འབྱེད།།
ལྷག་བསམ་སྤྱི་ཡི་དོན་ལ་བཅང་།།
དེ་ནི་སྙན་ངག་དགོས་པ་ཡིན།།
སྙན་ངག་རང་གི་རྒྱན་ཆ་རུ།།
མི་བྱ་སྤྱི་ཚོགས་དམིགས་བུ་དང་།།
ལམ་སྟོན་གསལ་བའི་སྒྲོན་མེ་རུ།།
འབྲི་བར་བྱ་བ་ཅིས་ཀྱང་དགོས།།
སྙན་ངག་མཚོ་ཁའི་མེ་ཏོག་བཞིན།།
བཞད་པ་ཙམ་གྱིས་མི་ཆོག་པར།།
མཚོ་གཏིང་གནས་པའི་ནོར་བུ་ལྟར།།
རིན་ཐང་ལྡན་པ་ངེས་པར་དགོས།།
སྙན་ངག་བསྟོད་སྨད་བྱ་བྱེད་དང་།།
མཛེས་མ་བསྔགས་བྱེད་ཙམ་ཞིག་མིན།།
སྤྱི་ཚོགས་ཁ་ལོ་བསྒྱུར་བྱེད་ཀྱི།།
རླུང་གི་འཕྲུལ་འཁོར་ལྟ་བུ་ཡིན།།
ཚོར་བས་བྲིས་པའི་སྙན་ངག་ལ།།
ལམ་སྟོན་ནུས་པ་མི་ལྡན་པས།།
དཔྱོད་ཤེས་རིག་པས་སྦྱར་བ་ཡི།།
སྙན་ངག་རིག་པའི་སྒྲོན་མེ་ཡིན།།
ཡོད་ཀྱང་མ་མཐོང་ཆོས་དངོས་ཀུན།།
རིག་ཀྱང་མི་ཤེས་ཇི་སྙིད་པ།།
སྙན་ངག་ལམ་ནས་གསལ་བར་བྱེད།།
དེ་ནི་སྙན་ངག་དགོས་པ་ཡིན།།
སྨྱུ་གུ་ལག་ལ་ཐོགས་ཙམ་གྱིས།།
ཅི་ཞིག་འབྲི་བ་མི་བརྙེད་ཅིང་།།
སྤྱི་ཚོགས་མིག་གིས་མ་བལྟས་པར།།
བྲིས་པའི་སྙན་ངག་ཞ་ར་ཡིན།།
དོན་རྡོག་རྡོག་དེ་གང་ཤོད་ཀྱི་ཡོད་མེད་གསལ་པོ་མིན་འདུག།
འདྲིབ་གཅིག་ལ། འོ་ན། གང་ལ་སྙན་ངག་ལེགས་པོར་ཆ་འཇོག་དགོས་སམ།
གསུངས་པ་ནི་ཤིན་ཏུ་བདེན་འོང་ཀྱང་ཕལ་ཚིག་ཁོ་ན་བེད་སྤྱད་དེ་མིའི་འདོད་པ་རང་ལ་བསྟུན་
དགོས་ན་སྙན་པོ་ཇི་ཙམ་ཡོད་ན་སྙམ།
ཀློག་མེད། ཡིན་ན་ཡང་མཆན་ཅིག་འབྲི་འདོད་བྱུང་། གང་ལ་ཟེར་ན། དུས་རབས་ཉི་ཤུ་རྩ་གཅིག་ལ་སླེབ་ན་ཡང་། སྙན་ངག་ཟེར་བ་འདི་ནི་གང་ཡིན་ལབ་མ་ཤེས་བར་ལུས་འདུག་པས་ངོ་ཡང་ཚ་ལ། སེམས་ཡང་སྐྱོ།
ཁྱོད་ཀྱིས། ངས་རྗེ་བླ་མ་སོགས་ཀྱི་རྩོམ་རིག་ལ་མིག་གིས་མཐོང་རྒྱུ་ཞིག་དང་རྣ་བས་ཐོས་རྒྱུ་ཞིག་ལས་ལྷག་པའི་རྩོམ་རིག་གིས་མཛེས་སྡུག་ལྡན་མི་འདུག་ཅེས་བཤད་ཀྱིན་ཡོད། ཁོང་གི་སྙན་རྩོམ་ལ་ཚིག་གི་འགྲོས་དང་དཔེ་ཡི་ཉམས་སོགས་ལ་བཤད་རྒྱུ་གང་ཡང་ལྷག་མེད་ཀྱང་། ཟེར། ཁྱོད་རང་ཐེ་བའི་འགྲོ་བ་མི་རྣམས་དུས་རྟག་ཏུ་ཉོན་མོངས་དུག་གསུམ་གྱི་གཞན་དབང་སྟབས་བསྟུན་ཁོ་ནའི་ནང་དུ་འཚོ་བས། རྟོག་པའི་འཆར་ཡན་དང་ཐོས་ལོ་དང་ཟེར་སྒྲོས་རྗེས་སུ་འབྲངས་བ་ཙམ་ལས་དངོས་པོའི་གནས་ལུགས་ལ་གདེངས་འཇོག་བྱེད་པ་ནི་དཀའ་རྙོག་ཆེ། དེས་ན་རང་གི་འདོད་འདུན་དང་མ་མཐུན་པས་རྩོམ་རིག་གི་མཛེས་སྡུག་ལྡན་མི་འདུག་ཅེ་ན་ཁྱོད་ཀྱི་བློ་ངོར་དེ་ལྟར་ཡིན་དུ་ཆུག་ཀྱང་སྙན་ངག་གི་རིན་ཐང་ལ་ལྟ་མཁན་ཞིག་གི་ངོས་ནས་ལྐུགས་པའི་རྣམ་འགྱུར་ཞིག་ཐོན་འདུག །
རྗེ་བླ་མའི་ཕུལ་དུ་བྱུང་བའི་སྙན་ངག་ནི་རྩ་བའི་བརླན་གཤེར་ཕོར་གང་ལྟ་བུ་སྟེ། ཁྱེད་ཅག་ལྷ་མི་ཡི་དྭགས་གསུམ་གྱིས་ལྟ་བའི་ཚེ་ལྷ་ལ་བདུད་རྩི་དང་མི་ལ་ཆུ། ཡི་དྭགས་ལ་རྣག་ཁྲག་ཡིན་པའི་ཕྱིར།
དེས་ན་གོང་གི་དཔེ་མཚོན་དེ་བཞིན་རྗེ་བླ་མའི་སྙན་རྩོམ་རྟག་ངུའི་རྟོགས་བརྗོད་ལྟ་བུ་ལ་སོ་སོའི་ངོས་ནས་རིན་ཐང་ལྟ་ཤེས་ན་དཔེ་རྒྱན་གྱིས་སྤྲས་པ་དེ་ལས་ལྷག་པའི་སྙན་དངགས་ཤིག་བོད་གངས་ཅན་ལ་བྱུང་མེད།
དེས་ན་གོང་གི་དཔེ་མཚོན་དེ་བཞིན་བེ་རི་བླ་མའི་སྙན་རྩོམ་མན་ཇུ་ཊི་ལའི་སྙན་ངག་ལྟ་བུ་ལ་སོ་སོའི་ངོས་ནས་རིན་ཐང་ལྟ་ཤེས་ན་དཔེ་རྒྱན་གྱིས་སྤྲས་པ་དེ་ལས་ལྷག་པའི་སྙན་དངགས་ཤིག་བོད་གངས་ཅན་ལ་བྱུང་མེད།
རྗེ་བླ་མའི་རྟག་ངུའི་རྟོགས་བརྗོད་ལས། རྒྱུ་སྐར་ཁྲོད་ན་ཀུ་མུད་གཉེན་ལྟར་མཐོང་བ་ཙམ་གྱིས་གདུང་བ་སེལ།།རི་དྭགས་ཁྲོད་ན་སེངྒེ་ལྟ་བུར་འཁོར་དུ་འཇིགས་པ་ཀུན་དང་བྲལ།།གླིང་བཞིའི་དབུས་ན་ལྷུན་པོ་ཇི་བཞིན་དགེ་མཚན་དུ་མས་ཀུན་ནས་བརྗིད།།ཅེས་རྟག་ངུ་དང་བུ་མོ་ལྔ་བརྒྱས་རིང་མོ་ཞིག་ནས་ཡང་ཡང་ཡིད་ལ་གཅགས་པའི་འཕགས་པ་ཆོས་འཕགས་ཐོག་མར་མཐོང་སྣང་ལྟར་སྙན་གཞུང་གི་ཆོས་དཔེ་སྦྱོར་ཚུལ་ཕུལ་དུ་བྱུང་བ་ཞིག་ཡིན་འདུག །
རྗེ་བླ་མའི་སྙན་ངག་དང་་་་བེ་རི་བའི་སྙན་ངག་གཉིས་བསྡུར་བ་ནི་་་་་་མེ་དཀར་ཁྱོད་དང་་་་ངའི་སྙན་ངག་གཉིས་བསྡུར་བ་འདྲ་ཞིག་རེད་དོ།
རྟག་ངུའི་རྟོགས་བརྗོད་ལས། དེ་ཡིད་ནུབ་ཀྱི་ས་འཛིན་རྩེར།།རྒྱལ་བ་ཉིན་མོར་བྱེད་པོས་བོར།།དགའ་བ་ཉམས་པའི་ཟླ་ཟེར་དང་།།གདུང་བའི་ཀུ་མུད་མཉམ་དུ་གཡོས།།ཞེས་རྟག་ངུའི་སེམས་ནི་ནུབ་རིའི་གཟུགས་སུ་བཀོད། སངས་རྒྱས་ཀྱི་སྐུ་གཟུགས་དེ་ཉི་མའི་གཟུགས་སུ་བཀོད་ནས་ནུབ་རིའི་རྩེ་ནས་ཉི་མ་ནུབ་པའི་བྱུང་རིམ་དང་སྦྱར་ནས་དོན་ལ་རྟག་ངུའི་མཐོང་སྣང་ལ་སངས་རྒྱས་ཀྱི་སྐུ་གཟུགས་ཡལ་བའི་བྱུང་རིམ་དང་སྦྱར་བ་ནི་གཟུགས་རྒྱན་དང་རབ་རྟོག་གི་རྒྱན་འདྲེས་བར་བྱས་པ་ལྟ་བུའོ།།
ངའི་བློ་ངོ་ན་འཆར་ཚུལ་དང་བསམ་ཚུལ་དེ་རང་རེད། དེ་ལ་ཐབས་ཤེས་ཡོད་མ་རེད། ཚང་མའི་བསམ་ཚུལ་གཅིག བྱས་སྟངས་བྱེད་སྟངས་གཅིག་དགོས་ཟེར་ན་དམར་པོའི་རིང་ལུགས་པ་ངོ་མ་དེ་རེད།
དཔལ་ལྡན་ས་གསུམ་མའི་ཚིགས་བཅད་༢༧པ་ན། མཁས་གྲུབ་རྗེས་རྒྱལ་ཚབ་རྗེ་ལ་བསྟོད་པའི་མཇུག་དེར།
རབ་བྱེད་འདི་ཡང་གངས་རིའི་ཁྲོད་འདི་ན།
སྙན་དངགས་དབང་པོ་ཀུན་གྱི་མགོ་བོ་ལ།
ཚིག་གི་གོམ་པ་འགོད་མཁས་དགེ་ལེགས་དཔལ།
བཟང་པོས་ཚིག་གི་སྦྱོར་བ་སྤངས་ཏེ་སྨྲས།།
ཞེས་ཚིག་གི་སྦྱོར་བ་སྤངས། གསུངས་པ་ལ་གོ་བ་ཇི་ལྟར་ལེན་ནམ། ཞེས་སོ།།
མངོན་བརྗོད་ལ་གོ་དགོས་མིན་ནམ་ལེགས།
མཆན་ཨང་༡༩་པ་མེ་དཀར་གྱི་གསུང་དེ་འདིར་མཆན་བུ་འདེབས་མཁན་ཚང་མས་བཟུང་།
སྙན་ངག་ཟེར་བ་དེར་ཐུན་མོང་གིས་ཁས་ལེན་པའི་མཚན་ཉིད་ཅིག་འཇོག་མ་ཐུབ་པ་དང་སྒྱུ་རྩལ་རིན་ཐང་ལྟ་ཚུལ་ལ་ཡང་ཐུན་མོང་གིས་མགྲིན་གཅིག་ཏུ་ཁས་ཆས་མེད་པའི་རྒྱུ་མཚན་ཡང་འདི་འདྲ་ཞིག་ལོས་ཡིན་འདོད་ཐལ།
རྒན་ལ་དྭགས་པས་གསུངས་པ་ལྟར།
རབ་བྱེད་འདི་ཡང་གངས་རིའི་ཁྲོད་འདི་ན།
སྙན་དངགས་དབང་པོ་ཀུན་གྱི་མགོ་བོ་ལ།
ཚིག་གི་གོམ་པ་འགོད་མཁས་དགེ་ལེགས་དཔལ།
བཟང་པོས་ཚིག་གི་སྦྱོར་བ་སྤངས་ཏེ་སྨྲས།། ཞེས་པའི་སྤངས་ཞེས་པ་འདིའི་དོན་བདག་གིས་སེམས་པ་ལྟར་ན་འཇིགས་པ་སྤངས་སྟེ་སྨྲས་ཞེས་པ་ལྟ་བུར་གོ །རྒྱུ་མཚན་ཅི་ཡིན་ཞེ་ན། བརྡ་རྙིང་ལ་སྤང་བ་དང་སྤངས་བ་མི་འཇིགས་པ་དང་བཅོལ་བ་ལ་གོ་བ་དང་། མ་འདྲེས་པ་བཅོ་བརྒྱད་བཤད་པའི་སྐབས་མི་འཇིགས་པ་བཞིའི་ཡ་གྱལ་སྤངས་བ་ཕུན་ཚོགས་ལ་མི་འཇིགས་པ་ནི་འདོད་ཆགས་ལ་སོགས་པའི་ཉོན་མོངས་བ་ཐམས་ཅད་ཟད་པ་དང་དེ་ལྟར་ཞལ་གྱིས་བཞེས་པ་ལ་རྒོལ་བའི་གནས་མེད་པ་ལ་མི་འཇིགས་པ་ཟེར་གི་ཡོད་པ་རེད།
སློབ་དཔོན་ལེགས་བཤད་ཀྱིས་གསུངས་པ་ལྟར། ལི་ཤིའི་གུར་ཁང་ན། སྤང་བ་ནི་མི་འཇིགས་པ། ཞེས་གསུངས་པ་མཐོང་། དེ་ལྟར་ན། ཚིག་གི་སྦྱོར་བར་སྤང་སྟེ། ཚིག་གི་སྦྱོར་བ་ལ་མི་འཇིགས་པ་ཞེས་གོ་བ་ཡོད་ཀྱང། དཔེ་དག་པ་ན་ཇི་ལྟར་ཡོད་པ་ལ་རྗེས་འཚོལ་དགོས་བསམས། རབ་བྱེད་འདི་ན་སྙན་དངགས་ཀྱི་རྒྱན་ངོས་འཛིན་ན། གཟུགས་ཅན་དང་དཔེ་རྒྱན་གཉིས་ཁོ་ནར་ཁོ་བོས་ངོས་བཟུང་ཡང་། ཁྱེད་རྣམས་ལས་སུ་དག་ལ་བསྟན་བཅོས་འདིའི་དཔེ་ཆ་ཡོད་ན། སྙན་དངགས་མེ་ལོང་མ་ན་བཤད་པ་ལྟར་དཔེ་རྒྱན་གཟུགས་ཅན་སོགས་ལ་གཟིགས་རྟོག་གིས་རང་གིས་གང་རྙེད་པ་དེ་འབྲི་ན། ཀློག་མཁན་མང་པོར་ཕན་ངེས། ཞེས་སོ།།
མཆན་༧ པ། མེ་ཏོག་དཀར་པོ་ལ་ངས་གཅིག་བཤད། ཁྱོད་ཀྱིས་དཔྱད་རྩོམ་འདི་བཀླགས་ཡོད་ན་ང་ལ་ངོམས་སོ་བྱེད་མི་དགོས། ངས་ཁྱོད་ལ་བསམ་བློ་གཏོང་ས་ཁ་ཤས་རིག་ཡོད་པའི་ཡིད་ཆེས་ཡོད། ཡིན་ནའང་ཟླ་བ་ཞེས་པ་ལས་བསིལ་ཟིལ་ཅན་ཞེས་པ་འདི་བློ་ངོར་འཆར་སླ་བའི་རྒྱུ་མཚན་ལ་རིགས་འདེད་ཀྱིས་ཤེས་མ་ཐུབ་པ་ནི་སྙིང་རྗེ་བ་ཞིག་རེད། ད་དུང་ངས་ཁྱོད་ལ་ངོ་སྤྲོད་བྱས་ན་དེ་ནི་ཏག་ཏག་་”ཟླ་བ”ཞེས་སྨྲས་ཚེ་ཁྱེད་ཀྱི་མིག་སྔར་ཚོང་ཁང་ནང་གི་མི་དེ་ཤར་ཡོང་བ་ལས། མཚན་མོའི་ནམ་མཁའ་ན་ངང་གོར་རེར་ཤར་འདུག་པའི་ཟླ་བ་མི་ཤར་བའི་གནས་ལུགས་དང་གཅིག་པ་གཅིག་ཀྱང་ཡིན་སྟེ། ཁྱོད་ལ་ནམ་མཁའི་ཟླ་བ་ལས་ཚོང་ཁང་ནང་གི་མི་དེ་ཁ་འདྲེས་མིག་འདྲེས་སུ་བ་གྲངས་མང་བ་དང་ལོབ་ཆེ་ཡིན་པའི་རྒྱུ་མཚན་འདི་ཁོ་ནས་ཀྱང་ཤེས་ཐུབ། ཁྱོད་ཀྱིས་བདེན་པ་ལས་སླ་བ་འདི་འདྲ་ཞིག་ཀྱང་ཁས་མ་བླངས་ན། ཁོང་གིས་དངོས་གནས་ཁྱེད་ལ་བཙན་བཀའ་གཏོང་བའམ་ཡང་ན་ཞུ་བ་བྱེད་པ་ལས་ཐབས་ཤེས་མེད་པ་ཁོག་ཐག་རེད་ཞུ།
བརྒྱད་སྟོང་པ་ལས།
ཡང་དེ་བཞིན་གཤེགས་པ་རྣམས་བྱོན་པ་དང་བཞུད་པ་མེད་པ་འདི་བཤད་པའི་ཚེ་ས་གཡོ་བ་ཆེན་པོ་བྱུང་སྟེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱུ་ཁམས་འདི་ཐམས་ཅད་ལྟས་ཆེན་པོ་བཅོ་བརྒྱད་དང་རྣམ་པ་དྲུག་ཏུ་གཡོས་པ་འདི་ལྟ་སྟེ།
འགུལ་རབ་ཏུ་འགུལ་ཀུན་ཏུ་རབ་ཏུ་འགུལ། །
གཡོས་རབ་ཏུ་གཡོས་ཀུན་ཏུ་རབ་ཏུ་གཡོས། །
ལྡེག་རབ་ཏུ་ལྡེག་ཀུན་ཏུ་རབ་ཏུ་ལྡེག །
འཁྲུགས་རབ་ཏུ་འཁྲུགས་ཀུན་ཏུ་རབ་ཏུ་འཁྲུགས། །
ཆེམ་ཆེམ་རབ་ཏུ་ཆེམ་ཀུན་ཏུ་རབ་ཏུ་ཆེམ། །
འུར་འུར་རབ་ཏུ་འུར་ཀུན་ཏུ་རབ་ཏུ་འུར་ཏེ། བདུད་ཀྱི་གནས་ཐམས་ཅད་ཀྱང་དཀྲོགས་ཤིང་སྤ་བཀོང་བར་གྱུར་ཏོ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་རྩ་དང་ཤིང་གེལ་བ་དང་སྨན་དང་ནགས་ཚལ་ཅི་སྙེད་ཡོད་པ་དེ་དག་ཐམས་ཅད་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་འཕགས་ལ་གལ་བ་དེར་ལོགས་སུ་རབ་ཏུ་འདུད་པར་གྱུར་ཏོ། །
ཤུལ་ལུང་པས་ཀྱང་ངའི་འདོད་པ་དེ་རྟོགས་མ་སོང་། ང་ལ་སིལ་ཟེར་ཅན་་་ཟླ་བ་་་ལས་རྟོགས་སླ་བ་འདུག་པས་ཀུན་ལའང་དེ་ལྟར་རོ་མ་བརྗོད་དོ།། དེ་ན་བློ་ལྷོད་ཀྱིས་བཞུགས་སོ།།
ངས་འདི་ལྟར་ལྟས་ན་འདིར་ཡོང་བའི་མཆན་འགོད་པ་མང་པོ་ཞིག་གིས། རྗེ་བླ་མའི་རྩོམ་ཡིག་འདྲ་རེ་མཐོང་མྱོང་བ་ལས། ངག་དབང་བརྩོན་འགྲུས་ཀྱིས་མཚན་གཞི་རུ་བཞག་པའི་སྙན་ངག་དེ་འདྲ་མཐོང་མྱོང་མེད་སྣང་ཞིག་ཤར་ཡོང་གིན་འདུག
གང་ལྟར་ངས་བསམས་ན་ཁོང་གིས་བཤད་བཞིན་པའི་སྙན་ངག་ནི། དཔེར་ན། ད་ལྟ་རྒྱ་ནག་གི་བཙོན་འོག་ཏུ་ཡོད་པའི་ན་གཞོན་སྙན་ངག་པ། ཐེའུ་རང་ལགས་ཀྱིས་བྲིས་པའི་<> ཞེས་པ་ལྟ་བུ་དག་ཡིན་ཚོད་འདུག་པས་འདིར་ཁོང་གི་སྙན་ངག་དེ་ཁྱེད་བཏགས་ནས་བསྟན་ན
ཁ་བྱང་ལ།
ང་རང་རྨང་ནས་སྒུལ་བྱུང་།
གློ་བུར་གློ་བུར་དུ ཞོད་འཇགས་སུ་མ་སོང་བའི་རླུང་འཚུབ་ལྡང་འོ་ཚེ
ང་རང་རྨང་ནས་སྒུལ་གྱིན་འདུག གངས་རི་དང་རྩྭ་ཐང་ཡང
དབལ་བཟའ་ནོར་འཛིན བླ་བྲང་འཇིགས་མེད
དཔའ་སྙིང་རྡོག་རྡོག་ཚོ་རེ་རེ་བཞིན་བོར་སོང་བ་ཐོས་ཚེ
གློག་ཀླད་དང་ཁ་གཏད་དུ་བཙོག་པའི་འདིའང
སུ་ཞིག་གི་མནར་གཅོད་བཙན་གྱིས་མྱོང་བ་དང་ཀུན་ནས་འདྲ་ཨང
རང་གིས་རང་ལ་བཟོས་པའི་བཙོན་ཁང་ཞིག་དང་འདྲ་བའི་ཟིན་བྲིས་སུ་འཇུག་ཐེངས་རེ་རེར
མྱི་བོར་བའི་བཙལ་ཡིག་ཏག་ཏག་གི་བར་གསེང་འགྲིམས་དགོས་བྱུང་བ་འདི་ཅི་ཡིས་ཁེག་གམ
གློ་བུར་གློ་བུར་དུ ང་རང་ཉིད་ལ་བྲེད་ཤ་ལངས་ཡོང
གློ་བུར་གློ་བུར་དུ ངས་རང་ཉིད་ལ་ལྐོག་ཉན་བྱེད་དགོས་སོང
དེ་ལས་ཀྱང དེ་ལས་ཀྱང
གློ་བུར་གློ་བུར་དུ ཞོད་འཇགས་སུ་མ་སོང་བའི་རླུང་འཚུབ་ལྡང་འོང་ཚེ
ང་རང་རྨང་ནས་སྒུལ་གྱིན་འདུག གངས་རི་དང་རྩ་ཐང་ཡང
༢༠༠༨ . ༡༡ . ༦ . ཉིན་བྲིས།
ངས་ཐེའུ་རང་ལགས་ཀྱི་སྙན་རྩོམ་འདི་འདི་ལྟར་བཀོད་ན། རྗེ་བླ་མ་སོགས་ཀྱི་དཔེ་གཟུགས་སྒྲ་གསུམ་ལ་ཧང་སང་ནས་ཡོད་པའི་སྲོལ་རྒྱུན་ཤུལ་འཛིན་པ་ཁྱེད་ཅག་གིས་རོལ་མྱོང་ཅི་ཡང་བྱེད་མི་ཤེས་པ་སྲིད་པས། ངས་ཐེའུ་རང་ལགས་ཀྱི་སྙན་ངག་འདིའི་རྩོམ་ཐབས་དང་མྱོང་རོལ་གྱི་སྒོ་མོ་ཅུང་ཟད་ཅིག་འབྱེད་པར་བྱེད་ཆོག
དེས་ནས་ཁྱེད་ཚོས་རྣམ་རྟོག་དང་ཐེ་ཚོམ་མེད་པར་ཤར་སེ་ཀློགས་པར་གྱིས་ཤིག་ཞུ།
རྩོམ་ཡིག་འདི་ནི་ཐེའུ་རང་ལགས་ཀྱིས་”ས་བྱི་ཞི་རྒོལ་ཆེན་མོ”འཇུག་མ་དྲིལ་བའི་ལོ་མཐའ་དེར་བྲིས་པ་ཞིག་རེད་ལ། ལོ་དེར་བོད་ཁམས་ཡོངས་སུ་”གློ་བུར་གློ་བུར་དུ”དགྲ་བོ་རྒྱ་དམར་གྱིས་ལོ་མང་རིང་དྲགས་གནོན་བྱས་ཀྱང་། “ཞོད་འཇགས་སུ་མ་སོང་བའི་”ངོ་རྒོལ་གྱེན་ལངས་ཀྱི་”རླུང་འཚུབ་ལྡང་འོ་ཚེ”ཤ་ཞེན་དང་ན་ཟུག སེམས་ཁུར་དང་འཇིགས་སྐྲག་ཅི་ཞིག་གིས་རྩོམ་པ་”ང་རང་རྨང་ནས་སྒུལ་གྱིན་འདུག” ལ། གནད་དོན་འདིས་ནི་ང་ནས་ཁྱོད་དང་ཁྱོད་ནས་ང་ཚོ་སྟེ། འདོར་ན་མཐོ་སྒང་གི་ཡོད་ཚད་ལ་གཟོད་མི་ཐུབ་པའི་ན་ཟུག་ཅི་ཞིག་གིས་སྒུལ་གྱིན་འདུག་ཚུལ་ལ “གངས་རི་དང་རྩྭ་ཐང་ཡང”ཞེས་ཚིག་སྣེ་བཅད་དེ་ཀློག་པ་པོར་རོལ་མྱོང་གི་སྐལ་བ་བྱིན་འདུག་པ་འདི་ནི། ཆེས་ཕུལ་དུ་བྱུང་བའི་རྩོམ་ཐབས་ཤིག་ཡིན་སྟེ། ཀློག་པ་པོ་སོ་སོའི་རྣམ་དཔྱོད་ཀྱིས་ཅི་ཙམ་འདང་འདང་བར་”ས་བྱི་ཞི་རྒོལ་ཆེན་མོའི”མོའི་སྔ་ཕྱི་བར་གསུམ་གྱི་གནས་བབས་ལ་རོལ་མྱོང་བྱེད་པའི་སྐལ་བ་ཡོད་པར་བྱས་པ་ལས་མྱངས་པའི་སེམས་འགྱུར་རམ་བྲོ་བ་ནི། རྗེ་བླ་མ་དང་བེ་རུ་སྨྱོན་པ་ལྟ་བུས་དཔེ་གཟུགས་སྒྲ་གསུམ་གྱིས་ཚིག་བཅད་སྟོང་ཕྲག་ལྔ་བརྒྱ་བྲིས་ཀྱང་མི་ཡོང་ཁོག་ཐག་རེད་འདུག་གོ
ད་དུང་ཚིག་རྐང་ཕྱི་མ་དག་རེ་རེ་བཞིན་འདི་ལྟར་འགྲེལ་ན། ཡིག་ཚོགས་ཆེ་བས་ཧ་ཅང་ཉོག་པར་འགྱུར་བ་དང་། ཡང་ན་རྩོམ་པ་པོ་ཐེའུ་རང་ལགས་ཀྱིས་ཆེད་དུ་ཀློག་པ་པོ་གནང་བའི་རོལ་མྱོང་གི་སྐལ་བ་ལ་བདག་གི་སྡུག་ལག་འདིས་བཅད་བཏུབ་བྱས་པའི་ནག་ཉེས་དུ་འགྱུར་སྲིད་པས་མང་དུ་མི་སྤྲོས་ཀྱང་། དེང་སང་ན་གཞོན་རྩོམ་པ་པོ་དག་གིས་གསར་དུ་འབྲི་བཞིན་པའི་སྙན་ངག་དམར་དཀར་སྤུ་ལུ་དང་སྦྲང་ཆང་བསིལ་མ་འདྲ་བོ་དག་ལ། བྲོ་ནག་ཆུ་བཙོས་དང་ཆུ་ནག་ཧུབ་མཐུང་བྱས་པ་ཙམ་ལས་བྲོ་བ་ཏིལ་འབྲུ་ཙམ་ཡང་མི་མྱོང་བའི་སྲོལ་རྒྱུན་པ་དག་ལ། ཟ་འདོད་ཀྱི་འགྲམ་ཆུ་སློང་བྱེད་དུ་ངོ་སྤྲོད་རག་བཤད་ཙམ་བྱས་ན། ཡག་ཏུ་མ་སོང་ནའང་ཙོག་ཏུ་མི་འགྲོ་བའི་ཡིད་ཆེས་ཤིག་འདུག་པས་རག་བཤད་ཙམ་བྱས་ན།
འདོར་ན་ཁོང་གིས་ཚིག་རྐང་ཕྱི་མ་དེ་ག་རང་དུ་”ས་བྱི་ཞི་རྒོལ་ཆེན་མོའི”རྒྱུད་རིམ་ལས་མནར་མྱང་བ་ཡོངས་གྲགས་སུ་གྱུར་མི་སྣ་”དབལ་བཟའ་ནོར་འཛིན བླ་བྲང་འཇིགས་མེད་”གཉིས་ཀྱིས་མཚོན་པའི་”དཔའ་སྙིང་རྡོག་རྡོག་ཚོ་རེ་བཞིན་བོར་སོང་བ་ཐོས་ཚེ” བོར་སོང་བ་དང་འཛིན་བཟུང་བྱས་སོང་བ་དེ་དག་ལ་ཡོད་པའི་མནར་གཅོད་ལས་ཀྱང་ “གློག་ཀླད་དང་ཁ་གཏད་དུ་བཙོག་པ་འདིའང”སྲིད་དབང་སྒེར་གཅོད་རིང་ལུགས་པ་”སུ་ཞིག་གི”ལག་འོག་ནས་མི་གཟོད”མནར་གཅོད་བཙན་གྱིས་མྱོང་བ་དང་ཀུན་ནས་འདྲ་ཨང”ཞེས་རྩོམ་པ་ཁོང་ལ་མྱ་ངན་དང་ན་ཟུག་ཅི་ཡོད་འདྲི་བར་བྱས་སྟེ། ང་ཚོའི་ཁོང་གི་མྱོང་བ་དང་ན་ཟུག་ལ་རྒྱུས་ལོན་བྱེད་དགོས་པར་བྱས་འདུག་པ་དང་འདི་རེད་ལ།
དེ་ལས་ཀྱང་རྩོམ་པ་པོ་ཁོང་ནི་རིགས་ཞེན་དང་ན་ཟུག ཚོར་བ་དང་གནས་ལུགས་ཀྱི་ཉིང་ཁུ་གྱེར་བའི་ཡི་གེ་ཞིག་ཡིན་ཞིང་། མགོ་བོ་ནང་དུ་བཀུག་ན་མི་འདུག་པར་ཕྱི་ནང་འགྱུར་བ་འཚོལ་བའི་ན་གཞོན་ཞིག་ཡིན་ངོས་ནས། ནམ་རྒྱུན་བཞིན་”རང་གིས་རང་ལ་བཟོས་པའི་བཙོན་ཁང་ཞིག་དང་འདྲ་བའི་ཟིན་བྲིས་སུ་འཇུག་ཐེངས་རེ་རེར”ཡང་། རྒྱལ་ཕྱི་ནང་གི་དྲ་ཚིགས་རྣལས་ཐོན་པའི”མྱི་བོར་བའི་བཙལ་ཡིག”འཛིན་བཟུང་བཙན་ཁྲིད་བྱས་སོང་བའི་གནས་ཚུལ་”ཏག་ཏག་གི་བར་གསེང་འགྲིམས་དགོས་བྱུང་བ་འདི་ཅི་ཡིས་ཁེག་གམ”ཞེས་ང་ཚོར་སླར་ཡང་བསམ་གཞིག་གི་གོ་སྐབས་བྱིན་པ་འདུག་པ་འདི་ཡང་། ང་ཚོར་ཆེད་དུ་བྱས་པ་ལས་ཁོང་གིས་སྒྲ་རྒྱན་གཟུགས་གསུམ་གྱི་འགྲོ་སྟངས་མ་ཤེས་པ་ཞིག་གཏན་ནས་མ་རེད་སྙམ།
དེ་ལས་གནས་བབས་དེ་ལྟ་བུ་ཞིག་གི་འོག་ནས་བསམས་ན། ཁོང་དང་ཁོ་འདྲ་བའི་”ས་བྱི་ཞི་རྒོལ་ཆེན་མོ”དང་འབྲེལ་ཡོད་དུ་གྱུར་པའི་མི་སུ་འདྲ་ཞིག་ཡིན་ནའང་ “གློ་བུར་གློ་དུ བྲེད་ཤ་ལངས་འོང་ལངས་ཡོང་” བ་ནི་རང་བཞིན་ཞིག་ཡིན་ལ། དེ་བས་ཀྱང་”གློ་བུར་གློ་བུར་དུ རང་ཉིད་ལ་ལྐོག་ཉན་བྱེད་དགོས་སོང་”ཞེས་དངོས་སུ་གཏམ་ཞིང་། ཞོར་དུ་”དེ་ལས་ཀྱང་ དེ་ལས་ཀྱང་”ཞེས་ཚིག་གཉིས་རྐང་གཉིས་ཆེད་དུ་བཀོད་པ་ནི། ང་ཚོར་དེ་དང་དེ་ལྟ་བུ་”བྲེད་ཤ་ལངས་དགོས”ས་དང་”ལྐོག་ཉན་བྱེད་དགོས”ས་དུ་མ་ཞིག་ཡོད་པ་ངོས་འཛིན་བྱེད་དུ་བཅུག་པ་རེད་འདུག
ཀློག་པ་པོ་ང་ཚོ་རྩོམ་པ་པོ་ཁོང་གིས་ཚོར་བའི་ལམ་སྟོན་གྱིས་རྗེས་སུ་འོང་ཞིང་ཚད་འདིར་ཐོན་དུས། འཛམ་གླིང་མཐོ་སྒང་དུ་གནས་པའི་བོད་ཁམས་ཡོངས་སུ།
” གློ་བུར་གློ་བུར་དུ ཞོད་འཇགས་སུ་མ་སོང་བའི་རླུང་འཚུབ་ལྡང་འོ་ཚེ
ང་རང་རྨང་ནས་སྒུལ་གྱིན་འདུག གངས་རི་དང་རྩྭ་ཐང་ཡང”
རང་དབང་མེད་པར་་ཡམ་ཡོམ་དུ་འགུལ་གྱི་འདུག་པ་སྣང་བ་མྱོང་བ་སྐྱེ་ཐུབ་པ་བྱས་འདུག་པ་འདི་རེད་འདུག་གོ
འོ་རེད་ད་མི་འགྲེལ་དྲན་གྱིན་དྲིན་གྱིན་འཇུག་ཏུ་མ་ཐོན་པར་འགྲེལ་ཚར་འདུག འདི་ཡང་ངས་སྙན་ངག་འདིའི་སྒྱུ་རྩལ་དང་ཡིད་འགུག་གི་ནུས་པ་ཞིག་བསླུས་སོང་བ་རེད་ཅེས་བཤད་ན་ཏག་ཏག་རེད།
གོང་གི་འགྲེལ་སྟངས་འདི་ནི་རང་ཉིད་ཀྱིས་སྙན་ངག་འདི་མྱོང་རོལ་བྱེད་སྟངས་ཤིག་ཡིན་ལ། ད་དུང་ཀློག་པ་པོ་གཞན་དག་གི་རང་རང་སོ་སོའི་རོལ་མྱོང་གི་ནུས་པ་ཆེ་ཆུང་ལ་རོ་བྲོ་ཅི་ཡང་འཐོབ་ཐུབ་པ་ནི། དེང་རབས་སྙན་ངག་གི་ཆེས་འབུལ་དུ་ཐོན་པའི་སྒྱུ་རྩལ་ཞིག་ཀྱང་རེད་དོ།
ད་དུང་ཐེའུ་རང་གིས་འདིར་སྤྱད་ཡོད་པའི་ཐ་སྙད་དག་ནི་ངག་དབང་བརྩོན་འགྲུས་ལགས་ཀྱིས་བཤད་ཀྱིན་པའི། ང་ཚོ་དང་ཆེས་ཁ་ཐག་ཉེ་ཞིང་འབྲེལ་འདྲིས་ཟབ་པའི་ཐ་སྙན་ཀྱང་ཀྱང་ཡིན་པ་འདི་ཡང་ཡོན་ཏག་ཞིག་ལས་ཅི་ཡང་མ་རེད་འདོད།
མཐའ་དོན་དྲ་མཆན་པ་ཚོར་རེ་བ་ཞིག་ཞུ་འདོད་པ་ནི། བསམ་ཚུལ་དང་མཆན་གང་ཞིག་བཀོད་ཀྱང་རང་ཉིད་ཀྱི་བསམ་ཚུལ་དངོས་མ་དང་། རང་ཉིད་ཀྱི་ཤེས་རབ་སྤྱད་ནས་གཞན་ལ་བློ་བསྐྱེད་སྦྱིན་ཐུབ་པའམ། ཡང་ན་ཉིད་ལ་ཁེ་བཟང་འཐོབ་ཐུབ་པ་ཞིག་ལ་འབད་རྩོན་བྱེད་རྒྱུ་ལས། དྲ་ཐག་གི་སྣེ་མོའི་རང་ངོ་བསྟན་མི་དགོས་པའི་རྒྱུ་མཚན་དུ་བྱས་ནས། སྐད་ཆུ་གང་བྱུང་ཁྱི་གཅིན་གཏོང་གཏོང་མ་བྱས་ན་དགའ་གི་རེད་ཅེས་པ་འདི་ཡིན། གལ་སྲིད་ཁྱེད་ཅག་ཀྱིས་དེ་ལྟར་བྱེད་འདོད་ན་གྱིས་དང་ངས་འདི་ནས་ཁྱོད་ལ་སྲོག་ཁྲིམས་གཅོད་མི་ཐུབ་པ་ནི་ཁོག་ཐག་རེད་ཅེས་པ་འདི་ཡིན།
མ་གཞི་ངས་ཀྱང་ཀུན་སློང་དེ་ལྟ་བུ་ཞིག་ཉར་ཅི་ཐུབ་ཀྱིས་དྲ་ལམ་དུ་ཡོང་གིན་ཡོད། དེ་རིང་ཡང་ཀུན་སློང་དེ་ལྟ་བུ་ཞིག་བཟུང་ན། མཆན་རིང་པོ་འདི་ལྟ་བུ་ཞིག་འབྲི་བའི་ངལ་བར་བརྟེན་པ་ཡིན་ལ། གལ་སྲིད་རང་ཁེ་གཞན་ཕན་ཅི་ཡང་མ་བྱུང་ན་ནི། སྡུག་གྱོང་ལས་ཅི་ཡང་མེད་པའང་གསལ་བོར་ཤེས་ཀྱིན་ཡོད་དོ།
མཆན་འདི་བྲིས་ན་ཕལ་ཆེར་ཆུ་ཚོད་གཅིག་ལྷག་ཙམ་འགུལ་སོང་འདུག་པ་ལ་དུས་ཚོད་ཤོར་སོང་བའི་སེལ་སྣ་ད་དུང་ཡང་མི་འདུག
ཡ་ཡ་་་་ ་ད་དེ་ཙམ་ཡིན། ད་དུང་བསམ་ཚུལ་དང་དཔྱད་བསྡུར་ངོ་མ་བྱེད་མཁན་ཡོད་ན་མུ་མཐུད་ནས་ཡོང་ཆོག་པས་དེ་ལུགས་ཀྱང་ཡིད་འཇོག་གྱིས་ཤིག་ལོ་་་་་་་་
འོ་རེད། མཆན་འདི་ཁ་ཐུག་དྲ་ལམ་ནས་བཏགས་པས་ཡིག་འབྲུ་ཆད་ལྷག་འདྲ་ཡོད་ན་བཅོས་ཆོག་ཀྱང་ཞུ།