ཚེ་བརྟན་འགྱུར་མེད།
གངས་ཅན་བོད་ཀྱི་ཤར་མཚེས་རྒྱ་དམར་པོའི།།
ལྟ་སྤྱོད་རྨོངས་དང་དྲག་ཤུག་ནུས་པ་ལས།།
གངས་ཅན་གཅེས་ནོར་ཆོས་རིག་བཅོམ་འདོད་ཀྱང་།།
༸རྒྱལ་དབང་བསྟན་འཛིན་རྒྱ་མཚོས་རླབས་འཕྲིན་ལས།།
ས་སྟེང་ཡོངས་སུ་ཡིད་སྤྲོའི་ནོར་བུར་བརྟས།།
དམར་པོས་བཅོམ་པའི་བོད་རིགས་སྤུན་ཟླ་ཡི།།
དབང་པའི་ཡུལ་འཕྲོག་ལུས་ཀྱི་ཤ་ཁྲག་འཛད་ནའང།།
སེམས་ཤུགས་ཆོལ་གསུམ་གོང་བུའི་འདབ་ཡངས་དེ།།
བསྟན་འཛིན་རྒྱ་མཚོས་ཐུགས་གཉེར་བཀྲིན་ལས།།
དབང་ནོར་རྒོད་པའི་དགྲ་བོའི་ཁེངས་འཇོམ་རྒྱུ།།
སྤྱོད་ཚུལ་མིར་བཞེས་རྒྱལ་སྲས་བསྟན་འཛིན་རྒྱ་མཚོ་མཆོག།
སྐུ་ཚེ་རྒྱས་ཤིང་མཛད་འཕྲིན་ཕྱོགས་ཡོངས་སྨིན།།
ཐུགས་ཀྱི་བཞེད་དགོངས་ལྷུན་གྱི་རྫོགས་སྨོན་དང་།།
དད་ཅན་སྐྱེ་འགྲོས་གྱ་ལྔའི་འཛུམ་བཞད་ལ།།
བསུ་བའི་མེ་ཏོག་གཏོར་ཞིང་ཀྲ་ཤིས་བདེ་ལེགས་ཞུ།།