སྐུ་མདུན་མཁོ་དང་མང་གཙོ་མཁོ་ཞེས་བ་མཐའ་དཔྱོད།།

Comments (17) on “སྐུ་མདུན་མཁོ་དང་མང་གཙོ་མཁོ་ཞེས་བ་མཐའ་དཔྱོད།།”

1. ཨ་ནུ་ཐང་གིས་དཀའ་ལས་བསྐྱོན་འདུག ཐུགས་རྗེ་ཆེ། གཞན་ཞུ་དགོས་པ་ཅང་མི་འདུག

2. ཡག་པོ་རེད། སྐུ་ངལ་བསྐྱོན་འདུག་པ་དོན་མཐུན་རེད།

3. ཨ་ནུ་ཐང་གི་རྩོམ་འདི་བཟང་།

4. བློ་གཟུར་བོར་གནས་ནས་བཀླགས་པ་ཡིན། འདྲི་བ་གཅིག་བློ་ལ་ཤར་བྱུང་།

   “རྒྱལ་བ་རིན་པོ་ཆེ་གལ་ཆེ་བམ། མང་གཙོ་གལ་ཆེ།” ཞེས་་དང། “སྐུ་མདུན་མཁོ་དང་མང་གཙོ་མཁོ།”ལྟ་བུའི་འདྲི་བ་དེ་གཉིས་གཅིག་པ་རེད་དམ། ངས་བལྟས་ན་དེ་གཉིས་གཅིག་པ་མཐོང་གི་མིན་འདུག

   རྒྱལ་བ་རིན་པོ་ཆེ་ལ་དད་པ་མེད་མཁན་ཚོས། “ང་ཚོས་སྐུ་མདུན་མི་མཁོ་ཟེར་རྒྱུ་མ་བྱུང་། མཁོ་དང་མཁོ། ཡིན་ནའའང་རྒྱལ་བ་རིན་པོ་ཆེ་དང་མང་གཙོ་གཉིས་ལས་མང་གཙོ་གལ་ཆེ།” ལྟ་བུའི་ལན་བརྒྱབ་ན། དེ་ལ་ཁྱེད་ཀྱིས་གང་བརྗོད།

   གཞན་ལ་ལན་གནད་དུ་འཁེལ་བ་བརྒྱབ་དགོས་ན། འདྲི་བ་བསྒྱུར་མི་རུང་། འདྲི་བ་དེ་རང་སོར་བཞག་ནས་དེ་ལ་ལན་བཀོད་ན། ཕན་པ་ཆེ་བ་མེད་དམ་བསྙམས། འདི་ཚང་མར་དཔྱད་གཞིའི་ཆེད་དུ་འབུལ།

5. ངས་བསམ་ཚུལ་འགའ་བཤད་ན་འདོད། གཞན་གྱི་ཡིད་ལ་འཐད་མིན་མི་ཤེས།

   དང་པོ།
   སྐུ་མདུན་མཁོ་དང་མང་གཙོ་མཁོ་ཟེར་བ་འདི་ལ་དམིགས་བསལ་གྱི་རྩོད་གཞི་མ་མཐོང་།
   སྐུ་མདུན་དེ་མང་གཙོའི་བཀག་རྡོ་མ་རེད་ལ་མང་གཙོ་དེ་ཡང་སྐུ་མདུན་གྱི་བཀག་རྡོ་མ་རེད། གཅིག་དེ་གང་ཟག་རེད། གཞན་དེ་ལམ་ལུགས་རེད།
   འོན་ཀྱང་། བཙན་བྱོལ་གྱི་མང་གཙོའི་ལམ་ལུགས་འདི་དང་སྐུ་མདུན་གྱི་དབར་ན་འབྲེལ་བ་ཞིག་ཡོད། རྒྱུ་མཚན། མང་གཙོ་འདི་ཐོག་མའི་ཆར་།
   མི་མང་ལ་གསོལ་རས་གནང་མཁན་དེ་སྐུ་མདུན་རེད། འདི་ནི་བྱུང་རིམ་ལོ་རྒྱུས་ཁྲོད། སྐུ་མདུན་གྱིས་བཞག་པའི་བྱས་རྗེས་རླབས་ཆེན་གཅིག་རེད།

   གཉིས།
   མང་གཙོ་ཡར་རྒྱས་འགྲོ་བར་སྐུ་མདུན་གྱིས་བཀག་བྱེད་གི་འདུག་ཟེར་མཁན་ཡོད་པ་འདྲ། དེ་ཚོའི་རིགས་ཀྱིས།
   གང་ཟག་དང་ལམ་ལུགས་དབར་གྱི་གནད་དེ་ཚོ་མ་རྟོགས་་པ་རེད་འདོད། བཙན་བྱོལ་གྱི་མང་གཙོ་འདི་ད་དབར་དུ། སྒང་ནས་མར་ལ་འགྱུར་བ་བཏང་བསྡད་པ་རེད།
   འོག་ནས་ཡར་འགྱུར་བ་གཏོང་མ་ཐུབ་པར་ལྷག་པ་རེད་། འདི་ཚོ། སྐུ་མདུན་གྱིས་མར་གནང་བ་དེ། མི་མང་དང་དེའི་སྐུ་ཚབ་ཀྱིས་བེད་སྤྱོད་གཏོང་མ་ཐུབ་པ་རང་རེད།

   གསུམ།
   ཁྱད་མཚར་བའི་གནད་དོན་གཅིག་ནི། སྐུ་མདུན་གྱིས། ང་ཕྱེད་བགྲེས་ཡོལ་ཡིན། མི་རིང་བར་བགྲེས་ཡོལ་ཆ་ཚང་ཞུ་གི་ཡིན། ཆབ་སྲིད་ཀྱི་འགོ་འཁྲིད་དེ་བཀའ་བློན་ཁྲི་བ་ཡིན་ཞེས་ཐེངས་མང་གསུངས་སོང་།
   འོན་ཀྱང་། ང་ཚོའི་གྲོས་ཚོགས་ཀྱིས་དེ་ལས་ལྡོག་སྟེ། ད་དུང་ཡང་།སྐུ་མདུན་གྱིས་ཡེ་ཤེས་དབྱིངས་དཔྱད་གནང་ནས་ཐག་གཅོད་གནང་རོགས་ཟེར་གི་འདུག
   འདི་ནོར་བ་རེད་དྲན། འདི་མང་གཙོ་ཡར་རྒྱས་སུ་འགྲོ་བའི་བཀག་རེད། མར་ལ་འགན་སྤྲད་ན། དེ་འཁུར་དགོས་རེད་མ་གཏོགས།
   ངས་འགན་དེ་འཁྱོགས་ས་མ་རེད། སྐུ་མཁྱེན། ཁྱེད་ཀྱིས་འགན་དེ་ཚོ་འཁུར་རོགས་གནང་ཞེས་ཡར་སྐུ་མདུན་ལ་ཕུལ་ན། དེ་ནོར་བ་རེད།
   དེ་མང་གཙོའི་བཀག་རྡོ་ངོ་མ་དེ་རེད།

   བཞི།
   གནད་དོན་གཞན་ཞིག་ནི། བཙན་བྱོལ་གྱི་མང་གཙོ་འདི་། སྐུ་མདུན་གྱི་སྐུ་གསུང་ཐུགས་ཀྱི་བསིལ་གྲིབ་འོག།
   ད་བར་ཡར་རྒྱས་གང་འཚམས་ཕྱིན་པ་རེད་ལ། ད་དུང་ཡིན་ན་ཡང་། འགྲོ་སའི་ལམ་ཁ་དེ་ཧ་ཅང་རྒྱ་ཆེན་པོ་རེད། རྒྱ་ཆེ་ཞིང་ཁོད་ཡངས་བའི་ལམ་ཁ་འདི། མི་མང་ཚོས་བེད་སྤྱོད་གཏོང་ཐུབ་དགོས་རྒྱུ་གལ་ཆེ་གི།
   མཚམས་ལན་རེར། མི་མང་གི་ཁྲོད་ནས། སྐུ་མདུན་གྱི་དགོངས་ཚུལ་དང་བསམ་ཚུལ་ཐ་དད་ཡོད་མཁན་ཡོང་སྲིད་པ་རེད། བསམ་ཚུལ་མི་མཐུན་པ་ཡོང་ན།
   དེས་། སྐུ་མདུན་ལ་འགོག་རྐྱེན་བཟོ་གི་མ་རེད་ལ་མང་གཙོ་ལ་ཡང་འགོག་རྐྱེན་བཟོ་གི་མ་རེད། བསམ་ཚུལ་མི་མཐུན་པ་ཡོང་མཁན་དེ་ཚོར། གཞུང་གིས་ཉན་ཤེས་གནང་རྒྱུ་གལ་ཆེན་པོ་རེད་མ་གཏོགས།
   བསམ་ཚུལ་མི་མཐུན་པ་འཛིན་མཁན་ཡོང་ན། བསམ་ཚུལ་མི་མཐུན་པ་ཡོད་མཁན་དེའི་རིགས་སྐུ་མདུན་དང་དགྲ་ཟླའི་ངོ་བོར་བསྒྱུར་ན། དེ་བྱབ་ཆུང་གིས་བྱེད་སྟངས་རེད། སྐུ་མདུན་གྱི་དགོངས་གཞི་དང་མང་གཙོའི་གཞི་རིམ་གྱི་གནད་དོན་་དེ་ཚོ་མ་མཁྱེན་པའི་སྐྱོན་རེད། ད་མང་ཐལ་སོང་། དགོངས་དག་ཞུ། དེ་ཙམ་ཡིན།

6. “གཅིག་དེ་གང་ཟག་རེད། གཞན་དེ་ལམ་ལུགས་རེད།” ཟེར་བའི་སྐད་ཆ་འདི་ལ་རྩོད་གཞི་ཞིག་འདུག འདིའི་སྐོར་ལ་བཤད་བཞིན་པའི་སྐུ་མདུན་ཟེར་བ་དེ་༧རྒྱལ་དབང་སྐུ་ཕྲེང་བཅུ་བཞི་བ་ཁོ་ནར་ངོས་ལེན་བྱས་ན་ཁོང་ཚོའི་རྩོད་གཞིའི་རྩ་བ་ལ་ཡ་མེད་བྱས་པ་རེད་བསམ། ཁོང་ཚོའི་རྩོད་གཞི་ནི་སྐུ་མདུན་གྱི་སྐུ་ཕྲེང་རིམ་བྱོན་གྱི་ལམ་ལུགས་ཏེ། དབྱིན་སྐད་དུ། “Institution of the Dalai Lama” ཟེར་བ་དེ་རེད།
   དཔེར་ན། འཇམ་དབྱངས་ནོར་བུ་སོགས་ཀྱིས་བཤད་པའི་ Future of the Dalai Lama(s) and Tibetan Democracy ཞེས་པ་ལྟ་བུ་རེད། བགྲོ་གླེང་གཏམ་བཤད་འདིར་འབྲེལ་ཐག་འདི་ནས་གཟིགས་ཐུབ། http://www.youtube.com/watch?v=IexI2-5ORmA

7. དྲི་བ་འདི་ཡ་མཚན་ཞིག་རེད། སྐུ་མདུན་དགོས་ན་དམངས་གཙོ་དོར་དགོས་པ་དང་། དམངས་གཙོ་དགོས་ན་སྐུ་མདུན་དོར་དགོས་པ་འདྲ་བོ་ཞིག་གི་སྟེང་ནས་དྲི་བ་བཀོད་འདུག གལ་ཏེ་གཅིག་དགོས་ན་གཅིག་དོར་དགོས་ན། ང་ལྟ་བུ་ལ་མཚོན་ན་དམངས་གཙོ་མི་དགོས་སྐུ་མདུན་དགོས་ཟེར་ནས་ལན་འདེབས་ཀྱི་ཡིན། དམངས་གཙོ་ལམ་ལུགས་མིན་ན་འང་ལམ་ལུགས་གཞན་གྱི་སྟེང་ནས་སྡོད་འདོད་ཡོད། འོན་ཀྱང་སྐུ་མདུན་མ་ཡིན་པའི་གང་ཟག་གཞན་ཞིག་གི་འོག་ནས་སྡོད་འདོད་མེད།
   དེ་མིན་སྐུ་མདུན་དང་དམངས་གཙོ་གཉིས་ཀ་དགོས་ཟེར་ནས་ལན་འདེབས་འདོད། ཡ་ཡ་དེ་ཙམ་ཡིན་ཡ།

8. ང་ལ་དམངས་གཙོ་མཁོ། དམངས་གཙོ་མཁོ་བའི་རྒྱུ་མཚན་གྱིས་སྐུ་མདུན་མཁོ། སྐུ་མདུན་ནི་ང་ཚོའི་དམངས་གཙོ་གསོལ་རས་གནང་མཁན་རེད། ང་ཚོ་དམངས་གཙོའི་ལམ་ལ་འཁྲིད་མཁན་རེད།
   སྐུ་མདུན་མཁོ། རྒྱུ་མཚན་ནི་ང་ལ་དམངས་གཙོ་མཁོ་བའི་ཕྱིར། སྐུ་མདུན་དང་དམངས་གཙོ་གཉིས་ལ་གདམ་གསེས་ཤིག་མེད་པར་དེ་གཉིས་ངའི་སེམས་ནང་གཞི་གཅིག་ཏུ་གྲུབ་འདུག
   ཡིན་ནའང་། སྐུ་མདུན། གནས་སྐབས་རིང་བོད་ཀྱི་སྤྱི་ཚོགས་འདི་བདག་མེད་དུ་བཞག་ནས་མཚམས་ལ་བཞུགས་རོགས་གནང་།
   དམངས་གཙོའི་ལམ་ལ་འཁྲིད་མཁན་ཞིག་ཡོད་ན། དེས་འཁྲིད་པར་སྒུག་སྡོད་པ་ལས་རང་ཉིད་ཀྱི་ངོས་ནས་གོམ་པ་གཅིག་སྤོ་བར་ཡང་བརྩོན་པར་མི་བྱེད། གལ་སྲིད་ལམ་འཁྲིད་ཅིག་མེད་པ་ཡིན་ན། ནུར་ནས་ཡིན་ནའང་འགྲོ་གི་རེད། གོག་ཐུབ་ས་ནས་གོག་ནས་འགྲོ་གི་རེད། ལངས་ཐུབ་ས་ནས་ལངས་ནས་འགྲོ་གི་རེད། དེ་ཡིན་ན། སྐབས་ཤིག་ལ་རྒྱུགས་ནས་ཀྱང་འགྲོ་ཐུབ་གི་རེད་ལ་མཆོངས་ནས་ཀྱང་འགྲོ་ཐུབ་ཀྱི་རེད།
   རྟག་པར་སུ་ཞིག་ནས་ལག་མགོ་རུ་འཇུས་ཏེ་འཁྲིད་འགྲོ་དགོས་པ་གང་དེ་ནི་ནམ་ཡང་རང་ངོས་ནས་འགྲོ་ཐུབ་རྒྱུ་མིན་པ་རེད།
   ཡག་པོ་ཞིག་བསམ་པ་ཡིན་ན། གོང་གི་གདམ་གསེས་ཅན་གྱི་དྲི་བ་དེ་ལ་ཡང་རྒྱུ་མཚན་མེད་པ་ཞིག་རེད་མི་འདུག

9. ཁ་བྱང་འདི་ཕྲན་བུ་ནོར་འདུག་ཀྱང་ཁྱད་ཞེ་དྲག་མི་འདུག མཁོ་མི་མཁོ་དང་གལ་ཆེ་ཆུང་གང་བཤད་ཀྱང་༸གོང་ས་མཆོག་དང་མང་གཙོ་གཉིས་གདམ་ཀ་སྤྲད་ཀྱི་ཡོད་པ་རེད། དེ་གདམ་དགོས་པའི་དུས་ཤིག་འཆར་མི་སྲིད་སྙམ། བརྒྱ་ལ་གལ་ཏེ་ཤར་བའི་དབང་དུ་བཏང་ན། དབུ་ཁྲིད་རྒྱལ་བ་རིན་པོ་ཆེས་བོད་མི་རྣམས་ཆོས་སྲིད་ཀྱི་ཕུན་ཚོགས་ལ་སྦྱོར་བ་ལས་ལྷག་ཅིག་མང་གཙོའི་ལམ་ལུགས་འདིས་སྦྱོར་མི་ཐུབ་པ་ས་རིས་ཐང་གསལ་ཡིན་པས། དབུ་ཁྲིད་འདི་གདམ་རྒྱུ་ལོས་ཡིན། དབུ་ཁྲིད་འདི་ཡོད་ན། ལམ་ལུགས་ནི་གཞན་ཞིག་ཀྱང་བཟོས་ཆོག་གི་རེད།

10. ངས་དྲི་བ་འདི་ལ་མགོ་དགོས་སམ་ལུས་དགོས་ཞེས་ཕར་འདྲི་ས་རེད། མགོ་མེད་པའི་ལུས་ཀྱིས་བག་ཆགས་ཅིག་བཞག་ཐུབ་རྒྱུ་རེད་དམ། ༸གོང་ས་མཆོག་ལྟ་བུའི་དབུ་ཁྲིད་ཅིག་ཡོད་ན་ང་ཚོས་ཅི་ཡང་ཐུབ་ལ་ཅི་ཡང་ནུས། དེ་མིན་དབུ་ཁྲིད་ཁྱད་འཕགས་ཁོང་མེད་ན་ལམ་ལུགས་བཟང་པོ་ག་འདྲ་ཞིག་ཡོད་ཀྱང་ང་ཚོར་ཐོབ་རྒྱུ་ཅི་ཡང་མེད་པ་གསལ་བོ་རེད། སྐུ་ཕྲེང་བཅུ་གསུམ་པ་ཕེབས་ནས་བཅུ་བཞི་པ་ཁྲི་ལ་མ་བཞུགས་པའི་དབར་དུ་ར་སྟག་སོགས་དོན་མེད་རྙོག་གླེང་གང་འདྲ་བྱུང་ཡོད། སྔོན་བྱུང་གི་ལོ་རྒྱུས་ལས་ད་ལྟའི་གནས་བབ་ལ་བསམ་བློ་གཏོང་ཤེས་པ་དེ་གལ་ཆེ་རེད། དེས་ན་ངས་༸གོང་ས་མཆོག་དགོས་ལ་མང་གཙོ་ཡང་དགོས། དེ་གཉིས་ནི་རྒྱལ་ཁབ་གཞན་དང་མི་འདྲ་བ་ང་ཚོ་ལ་ཕན་ཚུན་རྟེན་དང་བརྟེན་པ་ལས་གྲུབ་པ་ཞིག་རེད།
    དེས་ན་ངས་སྤོབས་པ་ཆེན་པོས་དད་པ་ཙམ་རྒྱུ་མཚན་མིན་པ་༸གོང་ས་མཆོག་དགོས་ཞེས་ལན་འདེབས་ཀྱི་ཡིན།

    ངས་ལན་འདི་ཡིན། མགོ་དགོས་སམ་ལུས་དགོས་ཞེས་པ་དེ་རེད།

11. བལ་གཞུང་ཛ་དྲག་གཉེན་རྟོགས་ནས་བོད་མི་ཚོའི་འོས་བསྡུས་བཀག་ཉར་བྱས་པ།
    དེ་རིང་ཕྱི་དྲོ་ཆུ་ཚོད་གསུམ་དང་ཕྱེད་ཙམ་དུ་བལ་བོའི་ཛ་དྲག་གཉེན་རྟོགས་མི་དམག་མི་བཞི་བཅུ་ཙམ་གྱི་མཆོད་ཇོ་ས་གནས་འོས་བསྡུས་ཁང་དུ་བླུ་བུར་དུ་ཡོང་ནས་འོས་བླུག་ཚར་ལ་ཉེས་པའི་སྐབས་སུ་འོས་སྒམ་ཚང་མ་ཁྱེར་ཕྱིན་སོང་། དེ་བཞིན་འཕགས་ཤིང་དང་ཇོ་ཁེལ་གཉིས་ཀྱི་ཡང་དུས་ཚོད་དང་སྐར་མ་དུས་ཐོག་ཏུ་གཞུང་བསྡུས་བྱ་ཡོད།
    གྲོགས་པོ་ཚོ་ད་ཚོའི་བལ་ཡུལ་ནང་བོད་མི་སྐྱབས་བཅོལ་བ་ཚོའི་དཀའ་ངལ་འདི་ཧ་ཀྱང་ཛ་དྲག་ཡིན།

12. ང་ཚོ་བོད་མི་ཚོ་ལ་མཚོན་ན་སྐུ་མདུན་མཁོ་བ་དེ་མང་གཙོ་མཁོ་བ་རང་རེད། གནད་དོན་འདིའི་འཐད་ལ་མཐའ་དཔྱོད་རྒྱུ་ཞིག་མེད་གི་མོ། །ཨ་ནུ་ཐང་། དགོང་མོ་བདེ་ལེགས།

13. འོས་སྒམ་ལ་མཐའ་དཔྱོད་བྱེད་རྒྱུ་ཡོད་ས་རེད། འོས་སྒམ་གྱི་རིན་གོང་ཧ་ཅང་ཆེ་པས་བལ་ཡུལ་གྱི་གཉེན་རྟོགས་པས་ངོ་ཚ་ལ་མ་འཛེམ་པར་འཕྲོག་ཚུལ་གླེང་ལ་ཕྱིར་འཕྲོག་ཐུབ་ན་ཚེ་གང་རྒྱུ་ནོར་ལ་སེམས་ཁྲལ་མི་དགོས་བས་སོང་ན་ཡག་ས་མ་རེད་དམ། གཙང་ཁ་ལགས། འགྲོ་རྒྱུ་མིན་པས། འོས་སྒམ་ཕྱི་ལེན་དུ་འགྲོ་རྒྱུ་མིན་པས། གཟིམ་འཇགས་གནང་།

14. ཨ་ནུ་ཐང་། མི་ཚོས་ཁྱོད་རང་རྒྱུ་དགའ་ཆེ་བ་ཤེས་ནས་རྫུན་ལབ་པ་རེད། འོས་སྒམ་ལ་རིན་གོང་མཐོ་བ་དེ་འདྲ་ཞིག་ཡོད་ནི་མ་རེད། དེའི་འཐད་བསམ་བློ་མང་པོ་མ་གཏང་། སྨྱོན་པ་ཆགས་རྒྱུ་རེད། ཨེ་གོ་ཐལ། མྱི་ལྡང་།

15. གཙང་བུ།
    རྒྱ་མིའི་སྒོར་མོ་མེད་ན་བལ་ཡུལ་གྱི་གཉེན་རྟོགས་པས་འཕྲོག་དགོས་དོན་མེད། དེ་ཙམ་མི་ཤེས་ན་ལྐུག་པ་རེད།

16. གཙང་ཁ། ཁྱེད་ཀྱིས་གསལ་བཤད་བྱས་བ་ལེགས། དེ་མིན་ང་སྨྱོན་པ་ཆགས་ས་རེད། གོ་ཐོས་ལ་རྒྱ་མིའི་དངུལ་མེད་ན་བལ་གྱི་གཉེན་རྟོགས་པ་ཡོང་གི་མ་རེད་ཟེར། དེ་བདེན་པ་རེད་དམ། འོས་ཤོག་རེ་ལ་ཨ་སྒོར་༥༠༠་རེད་ཟེར།

17. Rigshongyaltso དང་། ཨ་ནུ་ཐང་བསོད་ནམས་ལགས། ཁྱོད་གཉིས་ཀྱིས་རྒྱ་མིའི་དངུལ་མེད་ན་བལ་གྱི་གཉེན་རྟོག་པས་འཕྲོག་གི་མ་རེད་ཟེར་བ་འདི། ད་དུང་ཐག་བཅད་སྔ་གྲབས་ཀྱི་རེད།