ཨ་རིག་དགེ་མཐོང་།
༢༠༡༡་ལོ་མཇུག་གི་གནམ་གང་གི་དགོང་མོའི་ཆུ་ཚོད་༩་བའི་ཐོག ་སེར་བྱེས་བྱ་བྲལ་ཁང་ཚན་གྱི་དགེ་བསྐོས་དགེ་བཤེས་ཕུན་ཚོགས་ཚུལ་ཁྲིམས་གཙོས་ལས་སྣེ་དག་གི་གོ་སྒྲིག་འོག་བོད་ནང་གི་རང་ལུས་མཆོད་འབུལ་མེ་བསྲེགས་ཀྱི་མཚོན་པའི་བོད་མི་དཔའ་བོ་དཔའ་མོ་འདས་ཟིན་པ་དག་ལ་བསྔོ་སྨོན་དང་། ད་ལྟ་བཙོན་འོག་ན་མནར་གཅོད་མྱོང་བཞིན་པ་དག་གི་སྡུག་བསྔལ་འཕྲལ་སེལ་ཡོང་བའི་གསོལ་འདེབས་དང་། བོད་ནང་གི་གཞིས་ལུས་སྤུན་ཟླ་ཚོ་ལ་གདུང་སེམས་མཉམ་སྐྱེད་ཀྱི་སླད་དུ། གཙང་ཞིང་དག་པའི་མར་མེ་སྟོང་མཆོད་བསྒྲོན་པ་དང་། བསྡོ་བ་སྨོན་ལམ་གསུངས་པ།
ལྷག་པར་མེ་བསྲེགས་བཏང་བའི་དཔའ་བོ་དཔའ་མོ་ཡོངས་ཀྱི་སྐུ་པར་དང་ཚབ་མཚོན་གཟུགས་རིས་བཅས་ཀྱི་སྟེང་དུ་མཚན་དང་ས་གནས་གང་ཡིན། ཆོལ་ཁ་དང་ཆོས་ལུགས། དུས་ཚིགས་ནམ་བྱུང་སོགས་གསལ་ཁ་ཡོད་པའི་སྟེང་ནས་པར་རིས་ཆེན་པོ་ཞིག་ཀྱང་བཤམས།
གཞན། དགོང་མོ་དེར་མགོ་བླ་སྤྲུལ་དགེ་བཤེས་ནས་མཇུག་གསར་བ་ཡན་ཆད་ཕེབས་དགོས་པའི་རྒྱུ་མཚན་དང་བཅས་གསུངས་པས་དགེ་འདུན་པ་གང་མང་ཕེབས་པ་དང་། མར་མེ་ལ་ཞལ་འདེབས་དང་འཕྲིན་བཅོལ་སོགས་ཀྱི་སླད་དུ་གྲྭ་རྐྱང་དག་གིས་དངུལ་གང་འཚམ་བཏང་སོང་། ནམ་རྒྱུན་ཡིན་ན་བྱ་བྲལ་ཁང་ཚན་གྱིས་ལོ་སར་རྒྱས་པ་གཏོང་མོད། ད་ལོ་བོད་ནང་གི་ད་ལྟའི་གནས་སྟངས་སོགས་ལ་གཞིག་སྟེ་ལོ་སར་བཏང་མེད་པ་དང་། དགོང་མོ་ཆུ་ཚོད་༡༠་བ་ནས་༢་བ་པར་ཚོགས་འཚོགས་ཏེ་ལྷ་མོ་སོགས་ཀྱི་འཕྲིན་བཅོལ་དང་བསྐང་གསོལ་རྒྱས་འདོན་གནང་། ཁང་ཚན་གྱི་ཕྱག་མཛོད་ཁང་གིས་དགེ་འདུན་པ་ཚོ་ལ་སྐུ་འགྱེད་སྒོར་ལྔ་བཅུ་རེ་དང་། གཞན་སྦྱིན་བདག་མང་བོ་ཞིག་གིས་དགེ་འདུན་པ་ལ་བསྙེན་བཀུར་ཟབ་རྒྱས་གནང་།
དེའི་སྐབས་ཀྱི་སྐྱབས་ཞུའི་ནང་དོན་གཙོ་བོ་བོད་ནང་གི་སྤུན་ཟླ་གྲོངས་ཟིན་པ་དག་ལ་དལ་འབྱོར་གྱི་རྟེན་བཟང་ལེགས་པོ་ཐོབ་པ་དང་། ཤུལ་ལྷག་ཚོའི་བསམ་དོན་འགྲུབ་ཆེད་དུ་ཞེས་གསལ་བར་བྲིས་འདུག གང་ལྟར་ཁང་དགེ་མཆོག་གིས་གདུང་སེམས་མཉམ་བསྐྱེད་དང་བསྔོ་བ་སྨོན་ལམ་གསུངས་དགོས་ལུགས་ཀྱི་རྒྱུན་མཚན་གང་མང་གནང་ཡང་ཡིག་ཚོགས་ལ་དོགས་ནས་མ་བྲིས། ། ཨ་རིག་དགེ་མཐོང་གིས་མཁོ་སྤྲོད་བྱས།
གྲོགས་པོ་དགེ་མཐོང་ལགས་ཀྱིས་མཆོད་འབུལ་གྱི་གནས་ཚུལ་འདིར་འགོད་པར་ཐུགས་རྗེ་ཆེ།
ཞོལ་དུ་ཞུ་རྒྱུར་བྱ་བྲལ་ཁང་མཚན་ལ་དགེ་སྐོས་གཅིག་གང་ནས་བྱུང་བ་རེད། གོང་དུ་དགེ་སྐོས་དང་འོག་ནས་ཁང་དགེ་ཞེས་ཡི་གེ་དུམ་བུ་ཞིག་ལ་མིང་ཚིག་མི་མཐུན་པ་གཉིས་བེད་སྦྱོད་བྱེད་པར་དགེ་མཚན་དེ་ཙམ་མ་ཐོང།
ཚྭ་བ་ཁང་ཚན་ལ་དགེ་བསྐོས་མེད་པས་ག་རེ་བྱེད་བྱེད་ཡིན་པ་འདྲ། ཀུ་རེ་ཡིན། ཁང་ཚན་གྱི་དགེ་བསྐོས་ཡོད་རེད་ལོ། ལོ་རྒྱུས་ཀྱི་ཡིག་ཚགས་རིགས་བསྔོག་ནས་ལྟ་རོགས་ཞུ། གཞན། ཁྱེད་ཕེབས་པར་དགའ་བསུ་ཞུ། དགེ་བསྐོས་ལབ་ན་གདན་སའི་གྲྭ་ཚང་གང་རུང་ཞིག་གི་དགེ་བསྐོས་མིག་ལམ་དུ་འཆར་བ་ནི་སེམས་ཏོག་ཙམ་ཆུ་དྲག་པས་རེད་ལགས།
དགོང་། ཞེས་པར་བཀའ་འགྱུར་བསྟན་འགྱུར་དང་། བུ་སྟོན་རིན་པོ་ཆེ་དང་། ཡོངས་འཛིན་ཡེ་ཤེས་རྒྱལ་མཚན་སོགས་བོད་ཀྱི་ཚད་ལྡན་གྱི་ཡིག་ཆ་དག་དང་། དེ་དག་མཐུན་པར་དག་ཡིག་ཟ་མ་ཏོག་དང་། ངག་སྒྲོན་སོགས་ན། དགོངས། ཞེས་བཀོད་དོ།།
དངོས་གནས་ཡག་པོ་འདུག་དྲན་སོང་། ཐུགས་སྨོན་སྐྱབས་འཇུག་ཡག་པོ་གནང་ཡོད་པའི་རེ་བ་ཆེ།
གལ་ཏེ་དེ་ལྟར་མིན་ན་ཧ་ལས་རྒྱུ་མི་འདུག
བྱ་བྲལ་ཟེར་བ་དེའི་དོན་ཧ་གོ་ན་བཟང།
༢༠༡༡ ལོའི་ལོ་མཇུག་མ་རེད་ ༢༡༣༨ ལོའི་ལོ་མཇུག་རེད། ཧ་ཧ་ཧ་ཧ་ཧ་
སེར་ཤུལ་བྱ་བྲལ་ཁང་ཚན་དང་གྲྭ་རྟ་ཁང་ཚན་དེ་འདྲ་བོ་རེད། ད་རུང་མང་ནི་རེད།
བྱ་བྲལ་ཁང་ཚན་ཡིན་ནི་མ་རེད་བྱ་འབེལ་ཁང་ཚན་ཡིན་ནི་རེད།