མི་གསོན་པོས།
ལོ་ངོ་དགུ་བརྒྱ་ལྷག་གི་ལོ་རྒྱུས་ཀྱི་རྒྱབ་ལྗོངས་མངའ་བའི་སངས་རྒྱས་ཀྱི་སྲས་པོ་ཞིག ལོ་ན་བཅོ་ལྔ་ཙམ་གྱི་ལང་ཚོ་རྫོགས་པའི་སྙིང་སྟོབས་ཅན་གྱི་མི་བུ་དར་མ་ཞིག རང་རིགས་ལ་དུང་ཞིང་རང་དབང་ལ་དགའ་བའི་ཐུགས་འདུན་ཟབ་མོས། མུན་ནག་གི་ཁྲོད་ནས་ཧི་མ་ལ་ཡི་རི་བོ་བརྒལ་ཏེ་འཕགས་པའི་ཡུལ་དུ་གོམས་སྟབས་བསྒྱུར། བླ་མེད་ཀྱི་དབུ་ཁྲིད་ཅིག་གི་ཐུགས་འདུན་ཡོད་ཚད་བསྐང་ཞིང་། ཆོས་ལྡན་གྱི་ཞིང་ཁམས་ཤིག་ལ་རེ་བའི་ཚེ་སྲོག་ཟབ་མོ་བྱིན། ངོ་མཚར་གྱི་རྣམ་ཐར་དང་། གཟི་བརྗིད་ཀྱི་མཚན་དཔེ། རླབས་ཆེན་གྱི་མཛད་སྤྱོད་སོགས་ཀྱིས་ས་ཆེན་གྱི་ཁམས་སུ་མཚན་སྙན་ཉི་ཟླ་ལྟར་འབར་ཡང་ཕྱི་ནང་གི་རྒྱུ་རྐྱེན་དུ་མས་མཛད་འཕྲིན་གྱི་ཁོར་ཡུག་གཞན་དབང་ཅན་དུ་གྱུར་ཏེ། ཤར་ནུབ་ཀྱི་རྒྱལ་ཁབ་དུ་མར་གནས་པའི་རྗེ་གོང་འོག་གི་ཞལ་སློབ་དང་ཆོས་སྡེ་ཁག་གིས་གདན་ཞུས་ཕུལ་བ་ལྟར་ཕེབས་བསྐྱོད་ཐུབ་མེད་ཀྱང་། འདི་ལོ་བོད་མི་སྒྲིག་འཛུགས་ཀྱི་བཀའ་དྲིན་དང་། གནས་ཡུལ་རྒྱ་གར་གཞུང་གི་ཆོག་མཆན། ཨ་རིའི་སློབ་གྲྭ་ཆེན་མོ་ཁག་གི་བདག་རྐྱེན། ཀརྨ་པའི་ཐེབས་རྩ་ཚོགས་པའི་བྱ་གཞག་སོགས་ལ་བརྟེན་ནས་ཞབས་ཀྱི་འཁོར་ལོ་ཨ་རི་ཡུལ་དུ་བསྒྱུར་ཏེ་རླབས་ཆེན་གྱི་མཛད་འཕྲིན་ཟབ་མོ་ཇི་སྙེད་ཀྱིས་སེམས་དཔའ་ཆེན་པོས་འོད་སྣང་ནུབ་ཕྱོགས་སུ་མཆེད་པའི་དུས་ཀྱི་ཆར་ཏེ། སྤྱི་ཟླ་༤་ཚེས་༡༤ཉིན། ཨ་རི་ནིའུ་ཡོག་ཏུ་རྟེན་གཞི་བྱས་པའི་གསར་འགྱུར་ལས་ཁང་ཁག་གཉིས་ཀྱི་བཅའ་འདྲི་ལ་ཞལ་བཞེས་གནང་དེ་ལན་འདེབས་མཛད་པ་དང་། དགོང་མོར་ཀརྨ་པ་ཐེབས་རྩ་ཚོགས་པས་གོ་སྒྲིག་ཞུས་ཏེ་ས་གནས་ཀྱི་ཆོས་སྡེ་ཁག་གི་བླ་སྤྲུལ་དང་། ཨ་རི་བོད་ཀྱི་དོན་གཅོད་ལས་ཐོགས་པ་དང་ཟུར་པ་སོགས་ཀྱིས་མཚོན་བོད་ཀྱི་ཆེ་མཐོའི་མི་སྣ་དང་། ཨ་རི་ཡུལ་གྱི་གྲགས་ཅན་གློག་བརྙན་འཁྲབ་སྟོན་པ་སོགས་གནད་ཡོད་མི་སྣ། དེ་བཞིན་རྗེ་གོང་འོག་གི་ཞལ་སློབ་སོགས་འདུས་པ་བརྒྱ་ཕྲག་དུ་མ་ལ་བཀའ་ཆོས་ཟབ་མོ་བཀའ་དྲིན་སྩལ་གནང་གྲུབ་རྗེས་མེ་འཁོར་བརྒྱུད་དེ་རྒྱལ་ས་ཝ་ཤིན་ཊོན་དུ་ཆིབས་བསྒྱུར་བསྐྱངས།
ཉིན་ལྟར་མཇལ་འཕྲད་དང་མཛད་རིམ་སོགས་ཀྱི་ངལ་གསོའི་བར་གསེང་ཤིན་ཏུ་དཀོན་ལ་བྲེལ་ཟིང་ཧ་ཅང་ཆེ་བས་འོ་བརྒྱལ་ཆེན་པོ་བྱུང་ཡོད་ངེས་ཀྱང་། འོ་བརྒྱལ་གྱི་རྣམ་པ་ཟུར་ཙམ་ཡང་མི་བསྟན་པ་ངེད་ཅག་ཞབས་འབྲིང་བ་རྣམས་ངལ་དུབ་ཀྱི་གཉིད་དུ་ཡུལ་བར་སྙིང་རྗེ་ཆེན་པོས་གཟིགས་ཙམ་དང་། རྗེ་ཉིད་ཀྱི་སྐུ་ཡི་ལྕམ་སྲིང་མ་དངོས་གྲུབ་དཔལ་འཛོམས་ལ་ཀུ་རེ་ཅུང་ཟད་གནང་བ་སོགས་ཐུགས་སྤྲོ་སྣང་ཆེན་པོས་བཞུགས་གནང་སོང་། ནམ་སྨད་ཀྱི་ཆར་ཆུ་ཚོད་གཉིས་པ་ཙམ་ལ་ཝ་ཤིན་ཊོན་དུ་འབྱོར་ཞིང་ཕྱི་ཉིན་ཞོགས་པའི་ཆུ་ཚོད་དགུ་པ་ནས་མཛད་རིམ་དབུ་འཛུགས་གནང་རྒྱུ་དང་ཉིན་གུང་གི་གསོལ་ཚིགས་བཞེས་པའི་དུས་ཚོད་མེད་པར་མཛད་རིམ་བང་བསྒྲིགས་འདུག་ཀྱང་ངལ་དུ་དང་སྐྱོ་སྣང་གི་རྣམ་པ་མི་མངའ་བ་དང་། དེ་བཞིན་ཟླ་བ་གཅིག་ལྷག་གི་དུས་ཡུན་ཁྲོད་དུ་འདི་ལྟར་ཉིན་བཞིན་མཛད་བྲེལ་གྱིས་བསྟན་འགྲོ་བདེ་དོན་བསྒྲུབས་པ་དངོས་སུ་རང་གི་མིག་ཡིད་ཀྱིས་མཐོང་དུས་༧གོང་ས་ཐམས་ཅད་མཁྱེན་པའང་རྒྱལ་ཁབ་མང་པོར་ཆིབས་བསྒྱུར་བསྐྱངས་སྐབས་འདི་ལྟར་མཛད་བྲེལ་ཡོད་རྒྱུ་རེད་སྙམ་ནས་བོད་ཀྱི་བླ་ཆེན་རྣམས་ལ་གུས་ཞབས་མེད་པའི་ཚིག་ཐོག་ནས་བརྗོད་ན་ཤ་ཚ་ཞིག་སྐྱེས་སོང་། ཁོང་ཅག་ཡབ་སྲས་རྣམས་ཀྱིས་འདི་ལྟར་བསྟན་འགྲོ་སྤྱིར་དང་ཁྱད་པར་གངས་ཅན་བོད་ཀྱི་བསྟན་སྲིད་ལ་ཕན་པའི་ཆེད་དུ་ཉིན་མཚན་དུས་ཀུན་ངལ་དུབ་ཁུར་དུ་བླངས་ཏེ་མཛད་འཕྲིན་བསྐྱངས་བཞིན་ཡོད་ཀྱང་། ཟུར་དུ་སྐྱིད་ཉལ་བྱེད་མཁན་གྱི་སྐྱེ་བོ་བསམ་མེད་ཁ་ཤས་ཀྱིས་མཛད་འཕྲིན་གྱི་ཟར་ཟུར་གང་ཞིག་ལ་གཞི་མེད་སྐྱོན་བརྗོད་དང་བཀུར་འདེབས་བྱེད་པ་ནི་ངོ་མ་ལས་དང་རྒྱུ་འབྲས་མེད་པ་རང་རེད་སྙམ་པའི་སེམས་ཚོར་ཞིག་ཀྱང་དབང་མེད་དུ་སྐྱེས་སོང་།
ཝ་ཤིན་ཊོན་དུ་ཨ་རི་ཞི་བདེ་སློབ་གླིང་གི་སྤྱི་ཁྱབ་མཆོག་དང་། གྲོས་ཚོགས་ཀྱི་ཚོགས་མི། དེ་བཞིན་གཞུང་ཞབས་པ་སོགས་གནད་ཡོད་མི་སྣ་རྣམས་དང་མཇལ་འཕྲད་དང་བགྲོ་གླེང་སོགས་མཛད་ཡོད་ཀྱང་དེ་རིང་རང་ཉིད་མི་ནི་སོ་ཊ་རུ་འགྲོ་དགོས་སྟབས་ཟིན་ཐོ་འགོད་པའི་གོ་སྐབས་མ་ཐོབ། བོད་སྐད་ཡིག་གི་གསར་འགྱུར་བརྒྱུད་ལམ་ཆེ་ཤོས་གཉིས་ཏེ་ཨེ་ཤེ་ཡ་རང་དབང་རླུང་འཕྲིན་ཁང་དང་། ཨ་རིའི་བོད་སྐད་རླུང་འཕྲིན་ཁང་གཉིས་ཀྱིས་བཅར་འདྲི་ཞུ་རྒྱུའི་གསོལ་བ་བཏབས་པ་ལྟར་ཞལ་བཞེས་བཀའ་ལན་ལྷུག་པོ་སྩལ་གནང་། ཨེ་ཤེ་ཡ་རང་དབང་རླུང་འཕྲིན་ཁང་གིས་བཅར་འདྲིའི་མཇུག་ཏུ་༧དཔལ་རྒྱལ་དབང་ཀརྨ་པས་གཞིས་བཞུགས་བོད་མི་རྣམས་ཀྱི་སྙིང་སྟོབས་དང་སེམས་ཤུགས་ལ་བསྔགས་བརྗོད་ཆེན་པོ་གནང་བ་དང་། ད་ལྟའི་བོད་མིའི་གནས་སྟངས་དཀའ་ངལ་དང་སྡུག་བསྔལ་ནང་དུ་གནས་ཡོད་ཀྱང་སེམས་ཤུགས་དང་སྙིང་སྟོབས་ཆེན་པོས་མཐུན་འབྲེལ་དང་གཅིག་གྱུར་ཐོག་ཏུ་ཡར་རྒྱས་ཆེན་པོ་ཕྱིན་ཡོད་པ་མ་ཟད་དཔལ་འབྱོར་དང་ཤེས་ཡོན་གང་ཐད་ནས་སོ་སོ་རང་གི་རྐང་པའི་ཐོག་ཏུ་ལངས་པའི་མདུན་བསྐྱོད་ཀྱི་གོམས་སྟབས་སྤོ་བཞིན་པ་ལའང་བསྔགས་བརྗོད་དང་ཡིད་རང་གནང་ཞིང་།
ཕྱིས་སུ་བོད་མི་ཡོངས་ཀྱིས་མཐུན་འབྲེལ་རྡོག་རྩ་གཅིག་སྒྲིལ་གྱིས་ཤེས་ཡོན་དང་། དཔལ་འབྱོར་ཐོག་ཏུ་སོ་སོའི་རང་མགོ་ཐོན་པ་ཞིག་ལ་འབད་བརྩོན་བྱེད་རྒྱུ་འབོད་སྐུལ་གནང་སོང་། ས་གནས་ཝ་ཤིན་ཊོན་དུ་གནས་སྡོད་བྱེད་མཁན་གྱི་བོད་རིགས་རྣམས་ལ་བླང་དོར་གྱི་བཀའ་སློབ་ཀྱང་སྩལ་ཏེ་ཝ་ཤིན་ཊོན་གྱི་མཛད་སྒོ་ལེགས་པར་གྲུབ་འདུག ཉིན་འདི་ནས་སྤྱི་ཚེས་༢༦ བར་དུ་སོ་སོ་རང་ཉིད་སྒེར་དོན་གྱིས་བྲེལ་བ་ཞིག་གིས་སྐུ་བཅར་ཞུ་རྒྱུའི་གོ་སྐབས་ཐོབ་མ་སོང་བས་ཟིན་བྲིས་འདེབས་འདེབས་ཐབས་བྲལ་བས་ཀློག་པ་ཡོངས་ལ་དགོངས་དྭངས་ཞུ་རྒྱུ་བཅས།
་་་་་་་་་་་་་་་་་་་་་་་་་་ མཚན་སྙན་ཉི་ཟླ་ལྟར་འབར་ཡང་ཕྱི་ནང་གི་རྒྱུ་རྐྱེན་དུ་མས་མཛད་འཕྲིན་གྱི་ཁོར་ཡུག་གཞན་དབང་ཅན་དུ་གྱུར་ཏེ། ཤར་ནུབ་ཀྱི་རྒྱལ་ཁབ་དུ་མར་གནས་པའི་རྗེ་གོང་འོག་གི་ཞལ་སློབ་དང་ཆོས་སྡེ་ཁག་གིས་གདན་ཞུས་ཕུལ་བ་ལྟར་ཕེབས་བསྐྱོད་ཐུབ་མེད་ཀྱང་།
འདི་ལོ་བོད་མི་སྒྲིག་འཛུགས་ཀྱི་བཀའ་དྲིན་དང་། གནས་ཡུལ་རྒྱ་གར་གཞུང་གི་ཆོག་མཆན། ཨ་རིའི་སློབ་གྲྭ་ཆེན་མོ་ཁག་གི་བདག་རྐྱེན། ཀརྨ་པའི་ཐེབས་རྩ་ཚོགས་པའི་བྱ་གཞག་སོགས་ལ་བརྟེན་ནས་ཞབས་ཀྱི་འཁོར་ལོ་ཨ་རི་ཡུལ་དུ་བསྒྱུར་ཏེ་རླབས་ཆེན་གྱི་མཛད་འཕྲིན་ཟབ་མོ་ཇི་སྙེད་ཀྱིས་སེམས་དཔའ་ཆེན་པོས་འོད་སྣང་ནུབ་ཕྱོགས་སུ་མཆེད་པའི་དུས་ཀྱི་ཆར་ཏེ། སྤྱི་ཟླ་༤་ཚེས་༡༤ཉིན། ཨ་རི་ནིའུ་ཡོག་ཏུ་རྟེན་གཞི་བྱས་པའི་གསར་འགྱུར་ལས་ཁང་ཁག་གཉིས་ཀྱི་བཅའ་འདྲི་ལ་ཞལ་བཞེས་གནང་དེ་ལན་འདེབས་མཛད་་་་་་་་་་་་་་་་་་་་་་་་
་་་་་་་་་་་་་ ཁོང་ཅག་ཡབ་སྲས་རྣམས་ཀྱིས་འདི་ལྟར་བསྟན་འགྲོ་སྤྱིར་དང་ཁྱད་པར་གངས་ཅན་བོད་ཀྱི་བསྟན་སྲིད་ལ་ཕན་པའི་ཆེད་དུ་ཉིན་མཚན་དུས་ཀུན་ངལ་དུབ་ཁུར་དུ་བླངས་ཏེ་མཛད་འཕྲིན་བསྐྱངས་བཞིན་ཡོད་ཀྱང་། ཟུར་དུ་སྐྱིད་ཉལ་བྱེད་མཁན་གྱི་སྐྱེ་བོ་བསམ་མེད་ཁ་ཤས་ཀྱིས་མཛད་འཕྲིན་གྱི་ཟར་ཟུར་གང་ཞིག་ལ་གཞི་མེད་སྐྱོན་བརྗོད་དང་བཀུར་འདེབས་བྱེད་པ་ནི་ངོ་མ་ལས་དང་རྒྱུ་འབྲས་མེད་པ་རང་རེད་སྙམ་པའི་སེམས་ཚོར་ཞིག་ཀྱང་དབང་མེད་དུ་སྐྱེས་སོང་། ་་་་་་་་་་་་་་
དབུ་ཞྭ་མི་འདྲ་བ་ཅིག་བཞེས་ནས། ཆོས་འཆད་གནང་དགོས་ཡ་འདི། བོད་ཆོས་ཀྱི་ཞན་ཆ་ཅིག་མཐོང་བགྱིད་འདུག
གཞས་མ་ཨ་ནི་ཆོས་དབྱིངས་སྒྲོལ་མའི་དབུ་ཞྭ་ལ་ལན་ཅིག་གཟིགས་དང་།
https://www.facebook.com/anichoying/photos/a.346650490093.346167.110765545093/10154564477585094/?type=1&theater
དབུ་ཞྭ་མེད་པའི་ཐེག་དམན་པའི་བཙུན་མ་འདི་ལ་ཡང་། ཐང་མ་གཅིག་གཟིགས་དང་།
https://www.facebook.com/photo.php?fbid=10200407058016710&set=a.1023532686264.3355.1763668657&type=1&theater
བསྐལ་བ་ལྡན་འདུག། ཁོང་ཚོ་སུ་སུ་རེད། ཧ་ཧ་ཧ།
གཟིགས་དང་། སྐུ་པར་བཞི་པའི་ནང་ལ། བུད་མེད་གཅིག་གིས་ལག་གཉིས་ཐལ་མོ་སྦྱར། བུད་མེད་གཅིག་གིས་་་་་་
བོད་ཀྱི་བླ་མ་ཚོར་ནུབ་ཕྱོགས་པའི་མགོ་བསྐོར་བཏང་ནས་འཁྲིད་འགྲོ་གི་འདུག ཁོང་ཚོར་བྱ་དགའ་འབུལ་ནས་ནས་མིང་སྙན་པོ་བཏགས་པ་དང་། བྱམས་བརྩེའི་བཀའ་སློབ་གནང་དུ་བཅུག་ནས། ཨ་རི་མི་ཉུང་ཤས་དང་ཨེ་ཤི་ཡའི་མི་འགའ་ཤས་་ལ་མགོ་བསྐོར་བཏང་། ཕྱོགས་གཞན་དུ་དྲག་པོས་ཉིན་ལྟར་དགྲ་བོར་ཡ་ང་སྙིང་རྗེ་མེད་པར་ཁ་བཏད་བཅག ད་དེ་ཚོ་བོད་པ་དགའ་ཡ་ཡོད་མ་རེད། ཆབ་སྲིད་ཀྱི་རྩེད་མོ་རང་རེད།
རེད་ཡ་ དཔལ་རྒྱལ་བ་ཀརྨ་པ་མཁྱེན་ནོ། རྩ་བའི་མཛད་སྤྱོད་དང་བླ་ཉམ་སོགས་བོད་སྤྱི་ལ་ཕན་པར་སེམས། ཡིན་ན་ཡང་རྒྱ་འདྲེ་དམར་པོ་ལ་དམིགས་ཕུག་པའི་དགག་པ་དང་། དོལ་འདྲེ་སྐོར་བཀའ་ནན་པོ་ཞིག་གནང་གལ་ཆེ། ད་ལྟ་ང་ཚོ་འཛམ་བུ་གླིང་བོད་པའི་མཚོན་རྟགས་ཅིག་པུ་ནི་གོང་ས་མཆོག་ཡིན་ན་། བླ་ཆེན་མི་ཆེན་ཚོས་གོང་ས་མཆོག་ལ་བརྒྱབ་སྐྱོར་ཤུགས་ཆེན་པོ་བྱེད་གལ་ཆེ། སོ་སོ་ལ་དོལ་ཚོགས་ངོ་རྒོལ་བརྒྱབ་མི་ཡོང་ངམ་སྙམ་པའི་ཞེ་སྣང་དེ་བོད་པའི་བླ་ཆེན་མི་ཡོང་ནས་སྦྱང་རིང་དུ་སྤང་གལ་ཆེ། ཀརྨ་པ་མཁྱེན་ནོ་། ཁྱེད་སྐུ་ཚེ་དྲང་སོང་ཚེ་མཐའ་ཡས་པའི་ངོ་བོ་བཞུགས་སུ་གསོལ།