ནམ་མཁའ།
དྲན་པའི་སེམས་ཀྱི་བུ་ཆུང་འཁྱམས་པོ་འདི།།
གངས་རིའི་ལྗོངས་ཀྱི་དབྱངས་ཅན་ངག་གི་སྤུན།།
མཚོ་ཆེན་སྔོན་མོའི་འགྲམ་རུ་འཁྲུངས་པ་ཡི།།
དཔལ་གྱི་ལྷ་མོའི་ཕྱོགས་སུ་ཡང་ཡང་ཤོར།།
སྲབ་སྒྲོག་དྲན་ཤེས་ནན་གྱིས་བསྟེན་ན་ཡང་།།
ཐོགས་མེད་ཚོར་བ་སུ་ཡིས་འགོག་ནུས་སམ།།
འགོག་པར་འདོད་ཀྱང་མི་ནུས་དྲན་པའི་སེམས།།
འགོག་པའི་ཐབས་ལ་སྒྱུ་མའི་རང་བཞིན་སྟེ།།
འགྱུར་བའི་གཤིས་ཀྱི་མི་རྟག་འཇའ་ཚོན་སེམས།།
སེམས་པ་སྒྱུ་མའི་གྲོང་དུ་རྒྱུ་བའི་ཚེ།།
སྲིན་འབུ་སྡོམ་ཡང་རང་གི་དྲྭ་རྒྱ་རུ།།
གང་ཞིག་འཛིན་ལ་ཡིབ་སྒུག་བྱས་པ་བཞིན།།
རང་སེམས་རང་གིས་མྱོང་བ་མི་མཐོང་ཚེ།།
གཞན་གྱིས་སེམས་སུ་གསང་བའི་རི་མོ་ཡང་།།
ལྐོག་གྱུར་གནས་ཀྱི་ཐིག་རྩའི་བཟོ་བོ་ཡིས།།
ཚོན་གྱིས་རྒྱན་ཆས་སྤྲས་ལ་སུ་ཡིས་ཤེས།།
ཨ་ཁུ་གནམ་མཁའི་སྙན་ངག་འདི་ངོ་མ་གོ་ཁག་སེ་འདུག་ག་་་ཐེངས་གཉིས་ལ་བཀླགས་པས་གཞི་ནས་དོན་སྤྱི་ཙམ་བློ་ངོར་བབ་སོང་་་་་གྲོགས་པོ་ལགས་་ཁྱོད་ཀྱིས་དཔྱད་རྩོམ་དང་་སྒྲུང་རྩོམ་བྲིས་ན་ངོ་མས་་སྙན་ངག་ལས་ཡག་གི་བསམ་བྱུང་།
རྒན་ནམ་མཁའ་ལགས་ཀྱིས་ལྐོག་འགྱུར་གྱི་སྙན་རྩོམ་དེར་གོ་བ་གཏིང་ཟབ་ཡོད་པ་འདྲ་
འོན་ཀྱང་རང་སེམས་རང་གིས་མ་མྱོང་བ་དེ་ནི་ལུང་རིག་གང་ལ་འགལ་ཏེ། རང་སེམས་
རང་རིག་མངོན་གསུམ་གྱིས་དུས་རྣམ་ཀུན་ཏུ་མྱོས་པས་སོ། ཡང་གོ་བ་གཞན་ཞིག་ཡོད་
ན་ཐུགས་དག་པར་གནང་རོགས།
བདེན་པ་རེད་གོང་གི་དྲ་གྲོགས་གཉིས་ཀྱིས་གསུངས་ལ་མངོན་པར་བསྟོད་དོ་ཞུ་རྒྱུ་ཡིན།ད་ཐེངས་ཀྱི་འདི་མཁྲེགས་པོ་འདྲ་ཞིག་འདུག
ནམ་མཁས་སྙན་ངག་ལ་གོ་བ་ཅུང་གཏིང་ཟབ་མོ་རེད། འདིར་འཛོམས་པའི་དྲ་གྲོགས་ཚོས་གོ་བ་ལོན་ཐབས་ལ་སེམས་ཀྱི་རང་བཞིན་ལ་དཔྱད་ཞིབ་བྱེད་དགོས་འདུག་སྙམ་བྱུང་། སེམས་ཀྱི་འགྱུར་ལྡོག་དང་སེམས་གཏད་ས་སོགས་འགྱུར་མེད་རྟག་བརྟན་ཞིག་མིན་པའི་ཆ་ནས་་ཕྱོགས་གང་ལཡང་འཁོར་འགྲོ་བ་འདིའི་རྒྱུ་མཚན་འཚོལ་དགོས་སྙམ་པའོ།
སྙན་ངག་འདི་དྲ་གྲོགས་ཚོས་གོ་བ་ལེན་ཕྱོགས་མ་འདྲ་བ་བྱུང་འདུག ཡིན་ན་ཡང་འདིས་ང་ཚོའི་སེམས་ཀྱི་འགྱུ་སྟངས་ཀྱི་དབང་གིས་གང་ཞིག་ཡིད་ལ་དྲན་པ་ཡང་སྐད་ཅིག་ཉིད་ལ་འགྱུར་བའི་འཇའ་ཚོན་ལྟར་གྱུར་བ་དང་།ཡང་ན་ཐད་གར་དུ་གོ་བ་བླངས་ཚེ།བུ་མོ་ཞིག་དྲན་ན་ཡང་རང་གི་སེམས་ཡང་སྒྱུ་མའི་གྲོང་ཁྱེར་ནང་ནས་འཁྲུལ་འགྲོ་བས་གང་ཞིག་ལ་གཏད་དགོས་བ་མི་ཤེས་ཚེ།གཞན་གྱི་སེམས་སུ་གཉར་བའི་གསང་བ་ཞིག་རྟོགས་ག་ལ་ཐུབ།དེ་ནི་ལྷ་བྲིས་པ་ཞིག་གིས་ཐིག་རྩ་རྒྱབ་ཀྱང་ཚོན་མདངས་ཀྱིས་རྒྱན་མིན་བཞིན་ཐག་གཅོད་མིན་ལྟར་རེད་སྙམ་སོང་།དེ་མིན་ལུང་རིག་དང་འགལ་མིན་མི་ཤེས།
lha motseringལགས་ཀྱིས་འགྲེལ་བ་ཟོར་པོ་རེད་ཡིན་ཡང་ཁྱེད་ཀྱི་གོ་བ་ལེན་ཐབས་དེ་ལྟར་ན་
སེམས་བུ་མོ་ཁོ་ན་འཁོར་བ་བརྟག་དགོས་པ་མིན་ཞིང་གཙོ་བོ་རང་སེམས་ཀྱི་གཡོ་སྒྱུ་སོགས་
མ་དག་པའི་ལས་ལ་་འཇུག་པའི་ཚེ་རང་ངོར་གྲུབ་མིན་ལ་དཔྱད་དགོས་པར་སེམས། ཡང་ཀླད་
རྙིང་མཁྲེགས་ཟུང་ལྟ་བུར་སོང་ན་ལ་མ་དག་མོད།
བུ་མོ་རེབ་སྐྱིད་མཚོ་ལགས། རེད་ལགས་མི་རེ་རེ་གོ་བ་ལེན་སྟངས་འདྲ་གི་ཡོད་ཀྱི་མ་རེད། ཡིན་ཡང་ངས་འགྱུར་བའི་གཤིས་ཀྱི་མི་རྟག་འཇའ་ཚོན་སེམས་ཟེར་བ་འདི་ལ་གོ་བ་ཅུང་ཟད་ལེན་སྟངས་དེ་འདྲ་མིན་ནམ་སྙམ།མཆོག་ཉིད་ཀྱི་གསུངས་པ་ལ་ཡང་གནས་ལུགས་གསལ་བོ་རེ་ཡོད་ཐག་གིས་ཆོད།
ཨ་ཁུ་ཚང་གི་སྙན་ངག་འདིའི་ཚིག་རྐང་དང་བོར་འདྲེ་ངའི་གོ་བར་ལོན་ཚུལ་ཙམ་ཞུས་ན་འདོད།
དྲན་པའི་སེམས་ཀྱི་བུ་ཆུང་འཁྱམས་པོ་འདི།།གངས་རིའི་ལྗོངས་ཀྱི་དབྱངས་ཅན་ངག་གི་སྤུན།།
འདིས་ཨ་ཁུ་རང་གི་སེམས་པ་སྟེ་བུ་ཕྲུག་ལྡོམ་པོ་ཞིག་གི་གཟུགས་སུ་བྱས་ཏེ་གངས་རིའི་ལྗོངས་ཀྱི་སྙན་ངག་སྨྲ་བ་དག་གི་དོ་ཟླར་འོས་ཞེས་ཨ་ཁུ་རང་ཉིད་སྙན་ངག་པ་ཞིག་ཡིན་པར་སྟོན་གྱིན་ཡོད་པ་འདྲ།
མཚོ་ཆེན་སྔོན་མོའི་འགྲམ་རུ་འཁྲུངས་པ་ཡི།།
དཔལ་གྱི་ལྷ་མོའི་ཕྱོགས་སུ་ཡང་ཡང་ཤོར།།
འདི་གཉིས་ཀས་་་དཔའ་དོན་འགྲུབ་རྒྱལ་སོགས་མཚོ་སྔོན་པོའི་ཉེ་འགྲམ་དུ་སྐྱེས་པའི་སྙན་ངག་སྨྲ་བ་དག་གི་རྗེས་སུ་ཨ་ཁུ་ང་རང་ཡང་ནས་ཡང་དུ་སེམས་པ་ཤོར་བའམ་དྲན་གྱིན་ཡོད་ཟེར་དགོས་པ་འདྲ།
ཚིག་བཞིའི་འདི་ཚིག་སྙན་མོ་འདུག་ཀྱང་་་་བརྗོད་དོན་དངོས་མི་གསལ་བས་་་ཨ་ཁུའི་སྙན་ངག་འདི་ལ་་ཞེ་དྲག་དགའ་མ་སོང་་ངོ་མ་ཡིན་་་་འདི་ལ་འགྲེལ་སྟངས་གཞན་ཞིག་ཡོད་རྒྱུ་ཡོད་ཀི་ར་་་་འགྲེལ་བདེ་མོ་རང་མི་འདུག་ལགས།