སངས་རྒྱས་ཀྱི་སྤྱོད་པ་ཞེས་བྱ་བའི་སྙན་དངགས་ཆེན་པོའི་ལེའུ་བདུན་པ་ལ་འགྱུར་བཅོས་ཅུང་ཟད།

Comments (94) on “སངས་རྒྱས་ཀྱི་སྤྱོད་པ་ཞེས་བྱ་བའི་སྙན་དངགས་ཆེན་པོའི་ལེའུ་བདུན་པ་ལ་འགྱུར་བཅོས་ཅུང་ཟད།”

1. ཁ་ཅིག་རི་དྭགས་བཞིན་དུ་རྩྭ་རྣམས་ལ་སྤྱོད་ལ།
   གཞན་རྣམས་བོར་པ་ཡིས་ནི་མཁའ་ལ་རྒྱུ་བའི་བྱ་ལྟར་འཚོ།
   ༼གཞན་རྣམས་བོར་བས་མཁའ་ལ་རྒྱུ་བའི་བྱ་ལྟར་འཚོ།༽
   ཁ་ཅིག་ལག་འགྲོ་རྣམས་དང་ལྷན་ཅིག་འཚོ་བ་སྟེ། 25B
   གྲོག་མཁར་གྱུར་པ་རྣམས་ནི་ནགས་ན་རླུང་གིས་འཚོ།། ༡༥ །།

   ཁ་ཅིག་རི་དྭགས་བཞིན་དུ་རྩྭ་རྣམས་ལ་སྤྱོད་པ།

   གྲོག་མཁར་གྱུར་པ་རྣམས་ནི་ནགས་ན་རླུང་གིས་སོ།། ༡༥ །།

2. བཅུ་དྲུག་པ་ནས་ད་ལྟ་ཀློག་ཁོམ་མེད། །
   འགྱུར་གསར་འདི་འདྲ་མཐོང་བ་ད་རེས་ཙམ། །
   བཀའ་དྲིན་ཆེའོ་ལ་དྭགས་འཇམ་དཔལ་ལགས། །
   བདག་ཀྱང་ལེགས་སྦྱར་སྦྱོང་ལ་དང་དོད་ཤར། །

3. བོད་བཙན་པོའི་བུ་རབས་རྣམས་ཀྱིས་རིག་གནས་འདི་འདྲ་ཞིག་ལ་མགོ་བོ་འཁོར་ནས་ཧ་ནག་པོ་ལས་བསྡད་པ་ཡིན་ན་ད་ངོ་མ་སེམས་པ་འདི་སྐྱོ་བྱེད་མིན་ན་ཅི་རེད། བཤད་སྐྱོན་ཐལ་སོང་ན་དགོངས་འགལ་མེད་པ་ཞུ། །

4. རྒན་འཇམ་དཔལ་ལགས།ཁམས་བཟང་།མཆོག་ཉིད་ཀྱིས་འདི་ལྟར་སྐུ་ངལ་ལ་མ་འཛེམས་པར་ཕྲན་ལྟ་བུའི་མིག་ལམ་དུ་གནང་བ་བཀའ་དྲིན་ཆེ། ཚིགས་བཅད་༥༧པའི་ཚིགས་རྐང་གསུམ་པར
   སྔོན་གྱི་བསྐལ་བར་དྲ་སྲོང་གིས་ཀྱང་མ་མཐོང་བའི།། ཞེས་བའི་དྲ་སྲོང་—དྲང་སྲོང་མིན་ནམ་སྙམ།
   གང་ལྟར་ལེགས་སྦྱར་སྐད་མི་ཤེས་བས་ཞིབ་དག་བྱེད་པའི་སྤོབས་པ་བདག་ལ་མ་མཆིས་སོ། ཡིན་ཡང་ཚིག་སྦྱོར་བདེ་མིན་ཕྱོགས་ནས་ཅུང་ཟད་ཞུ་འདོད་ཀྱང་ཁོམ་པ་བྱུང་མ་སོང་། གང་ལྟར་རྒན་མཆོག་ལ་སྐུ་དྲིན་ཆེ་ཞུའོ།

5. བསྟན་འགྱུར་ན་བཞུགས་པའི་སངས་རྒྱས་སྤྱོད་པའི་འགྱུར་དེ་འགྱུར་ཡག་པོ་མེད་པ་དང་། འགའ་ཤས་ནི་གོ་རྒྱུ་གང་ཡང་མེད་ཚུལ་གོ་ཐོས་བྱུང་།

6. དེ་ནས་དེ་ན་གཉིས་སྐྱེས་ཐལ་བར་ཉལ་བ་ཞིག
   ལུས་པོ་རིང་ལ་སྐྲ་ཅན་ཤིང་ཤུན་གོས་གྱོན་པ།
   ཅུང་ཟད་མིག་དག་དམར་སེར་སྣ་ཁུང་ཕྲ་ལ་རིངས།
   ལག་གཅིག་སྤྱི་བླུགས་ཐོགས་པས་ཚིག་འདི་སྐད་ཅེས་སྨྲས། ༥༡ །།

   དེ་ནས་གཉིས་སྐྱེས་ཐལ་བ་ལ་ཉལ་ཁ་ཅིག་ནི།
   ལུས་རིང་གཙུག་ཏོར་དང་ལྡན་ཤིང་ཤུན་གོས་གྱོན་ཞིང༌།
   མིག་ནི་ཅུང་ཟད་དམར་སེར་སྣ་ནི་ཕྲ་ལ་རིངས།
   ལག་གཅིག་སྤྱི་བླུགས་ལྡན་པས་ཚིག་འདི་སྨྲས་པའོ།། ༥༡ །།

   དེ་ནས་དེ་རུ་དྲང་སྲོང་ཐལ་བར་ཉལ་བ་ཞིག །
   ལུང་རིང་སྐྲ་བཅིང་གོས་སུ་ཤིང་ཤུན་གོས་གྱོན་ཞིང་། །
   མིག་གཉིས་ཅུང་ཟད་དམར་སེར་ཕྲ་ལ་རིང་བའི་སྣ། །
   ལག་ན་སྤྱི་བླུགས་ཐོགས་ཤིང་ཞལ་ནས་འདི་སྐད་སྨྲས། །

   ལེགས་སྦྱར་མཐོང་ཡང་མ་བྱུང་། ཤེས་ཀྱང་མི་ཤེས། གོང་གི་བོད་འགྱུར་གཉིས་ལ་གཞི་བྱས་དིང་གི་སྐད་དང་དོན་བསྒྱུར་གཙོ་དོན་བྱས་ནས་རྒན་འཇམ་དཔལ་ལགས་མཉེས་ཕྱིར་ཕུལ། དག་བཅོས་མཛོད།

7. རྒན་ལ་དྭགས་པས་སྐུ་ཚེགས་ལ་མ་འཛེམས་པར་མཛེས་དགའ་པོའི་སྙན་ངག་གི་རྟོགས་པ་བརྗོད་པ་ཁ་བརྡ་དྲ་བ་འདིར་བཀོད་པར་ཐུགས་རྗེ་ཆེ།
   འཆི་བས་སྐྱེ་དགུ་རྣམས་ལ་རྟག་ཏུ་འཇིགས་པ་འབྱུང་།
   འབད་པ་ཡིས་ནི་སླར་ཡང་རབ་ཏུ་སྐྱེ་བར་འདོད།
   རབ་ཏུ་སྐྱེ་བ་ཡོད་ན་ངེས་པར་འཆི་བ་འབྱུང་།
   གང་ལ་འཇིགས་པ་ཡོད་པ་དེ་ལ་གཞོལ་བར་འགྱུར།།
   ཞེས་པ་ལྟར་སྐྱེ་བ་ཡོད་ན་འཆི་བ་འབྱུང་བ་དང་འཆི་བའི་དུས་སུ་ཡང་བདག་རྒྱུན་ཆད་དོ་སྙམ་པའི་འཇིགས་སྲེད་དབང་གིས་སླར་ཡང་སྐྱེ་བ་ལེན་པར་ངེས་བས། མིའི་མི་ཚེའི་ནང་ཚོར་བ་དྲག་པོ་གཉིས་འབྱུང་བ་ནི་དང་པོར་ཨ་མའི་མངལ་ནས་སྐྱེས་དུས་ཚོར་བ་དྲག་པོ་ཞིག་འབྱུང་བ་དང་ཐ་མ་འཆི་བའི་དུས་སུ་ཚོར་བ་དྲག་པོ་ཞིག་འབྱུང་བ་ཡིན། འཆི་ཁར་དགེ་སེམས་ངང་ནས་འཆི་བ་དེ་གལ་ཆེན་པོ་ཡིན་ལ་འཆི་ཁའི་སྨོན་ལམ་དེ་ཡང་སྟོབས་ཆེན་པོ་ཡིན་པར་མདོ་ལས་གསུངས་སོ།།

8. དེ་ནས་རི་དྭགས་རྒྱལ་པོའི་འགྲོས་ཅན་རྒྱལ་པོའི་སྲས་པོ་དེ།
   རི་དྭགས་གནས་དེར་རི་དྭགས་བཞིན་དུ་རབ་ཞུགས་པ།
   ཕུན་ཚོགས་རྣམས་དང་བྲལ་ཡང་ལུས་ཀྱི་ཕུན་ཚོགས་ཀྱིས།
   དཀའ་ཐུབ་གནས་ལྡན་ཀུན་གྱི་མིག་དག་ཕྲོགས་པར་གྱུར།། ༢ །།
   འདི་ནི་ཤིན་ཏུ་སྙན་པོ་འདུག
   ཤོ་ལོ་ཀ་དང་པོ་དེ་ཅུང་ཟད་གོ་དཀའ་ཙམ་མི་འདུག་གམ།། ༡ །།

9. ཀརྡོ་ལགས། རྒྱལ་སྲས་ཤིག་གི་མཛེས་ཤིང་ཡིད་དུ་འོང་བའི་སྣང་ཚུལ་དེ་གསལ་བོར་བསྟན་འདུག །རྒྱལ་སྲིད་ལ་རོལ་བའི་འདོད་ཡོན་སྤངས་ནས་ནགས་ན་རྒྱུ་བའི་རྒྱལ་སྲས་མཛེས་དགའ་བོ་ཕྱི་རོལ་གྱི་ལྔོངས་རྒྱུར་ཕེབས་པའི་སྤྱོད་ལམ་དང་མཛེས་ཤིང་ཡིད་དུ་འོང་བའི་ལུས་ཕུན་ཚོགས་དང་ལྡན་པ་དེས་ཐུབ་པ་དཀའ་ཐུབ་ལ་གནས་པ་དག་གི་ཡིད་དག་ཀྱང་འཕྲོག་པར་གྱུར་ཏོ། །ཞེས་དེ་ལྟར་འགྲེལ་ན་ཨེ་འགྲིག་གམ།

10. ལེགས་བཤད་ལགས། གསལ་བཤད་གནང་བར་ཐུགས་རྗེ་ཆེ།

    ངའི་ཤོ་ལོ་ཀ་དང་པོ་དེ་ཅུང་ཟད་གོ་དཀའ་ཙམ་མི་འདུག་གམ།། ༡ །།ཟེར་བ་འདི་རེད།

    དེ་ནས་འདུན་པ་ངུ་ཞིང་གདོང་ནི་མཆི་མ་ཅན།
    བཟློག་ནས་ནགས་སུ་འདུན་པའི་ཆགས་པ་མེད་པ་ཡི།
    དོན་ཀུན་གྲུབ་པའི་ལུས་ཀྱིས་མངོན་པར་ཟིལ་མནན་ནས།
    དཀའ་ཐུབ་གནས་དེ་གྲུབ་པ་བཞིན་དུ་རབ་ཏུ་ཐོབ།། ༡ །།

11. དེ་ནས་དཀའ་ཐུབ་གནས་པ་གཞན་རྣམས་ཚུར་འོངས་ནས། །
    མི་ཡི་མཆོག་གྱུར་དེ་ལ་ཡོངས་སུ་བསྐོར་ནས་འཁོད། །
    དེ་དག་རྣམས་ཀྱི་བགྲེས་པོས་གུས་དུད་སྔོན་བཏང་ནས། །
    ཞི་བའི་དབྱངས་ཀྱིས་ཚིག་དག་འདི་སྐད་གསོལ་བར་གྱུར།། ༣༧ །།

12. དེ་ནས་འདུན་པ་ངུ་ཞིང་གདོང་ནི་མཆི་མས་བརླན།
    ཕྱིར་བཟློག་་་་་་་་་་་་་་་་་་་་་་་་་་་་་་་་་་་་་་་་་་་
    ་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
    ་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་ ། ༡ །

13. ཤངས་མཐོ་མདངས་གསལ་དང་ལྡན་ཡངས་པའི་སྤྱན་མངའ་བ། །
    ཟངས་མདོག་ཆུ་མཛེས་མཆེ་རྣོ་དཀར་བའི་ཚེམས་དང་ལྡན། །
    ལྗགས་བཟང་སྲབ་ལ་དམར་བའི་ཞལ་དང་ལྡན་པ་འདིས། །
    ཤེས་བྱའི་རྒྱ་མཚོ་མཐའ་དག་འདི་ཉིད་གསུང་བར་འགྱུར།། ༥༦ །།

14. དེ་ནས་འདུན་པ་ངུ་ཞིང་གདོང་ནི་མཆི་མ་ཅན།
    བཟློག་ནས་ནགས་སུ་འདུན་པའི་ཆགས་པ་མེད་པ་ཡི།
    དོན་ཀུན་གྲུབ་པའི་ལུས་ཀྱིས་མངོན་པར་ཟིལ་མནན་ནས།
    དཀའ་ཐུབ་གནས་དེ་གྲུབ་པ་བཞིན་དུ་རབ་ཏུ་ཐོབ།།
    ཞེས་པ་འདི་ནི་རྒྱལ་སྲས་གཞོན་ནུ་དོན་འགྲུབ་ཀྱིས་རྒྱལ་སྲིད་སྤངས་ནས་རབ་བྱུང་མཛད་པའི་ངང་ཚུལ་ལ་སྦྱར་ནས་གསུངས་པ་འདྲ། ཡབ་སྲས་གཙང་མས་རྒྱལ་སྲས་ཀྱི་བཞུགས་ཤག་གི་མཐའ་སྐོར་དམག་གིས་བསྐོར་ནས་བསྲུང་བར་མཛད་ཀྱང་རྒྱལ་སྲས་ཀྱིས་རྟ་རྫི་འདུན་པའི་རྟ་ངང་པ་འཕུར་ཤེས་ལ་བཅིབས་ནས་ཕོ་བྲང་ནས་ཕྱི་རོལ་དུ་བྲོས་པ་དང་། ནགས་སུ་བཞུད་པའི་གཏན་དེ་ཐོས་པས་གྲོགས་པོ་འདུན་པ་སེམས་སྐྱོ་བས་གདོང་མིག་ཆུས་གཡོགས་ན་ཡང་། རྒྱལ་སྲས་གཞོན་ནུ་དོན་འགྲུབ་ཀྱིས་མཆོད་རྟེན་རྣམ་དག་དྲུང་དུ་རང་གི་དབུ་སྐྲ་རང་གིས་བཅད་ནས་རང་བྱུང་མཛད་པ་དང་ལོ་དྲུག་དཀའ་བ་སྤྱད་པས་མཐར་འཇིག་རྟེན་ན་སངས་རྒྱས་ཞེས་པའི་དོན་དེ་གྲུབ་པར་གདའ་འོ། །ཞེས་དེ་ལྟར་འགྲེལ་ན་ཨེ་འགྲིག་ལགས། ཀརྡོ་ལགས།

15. དེ་ནས་འདུན་པ་ངུ་ཞིང་གདོང་ནི་མཆི་མ་ཅན།
    བཟློག་ནས་ནགས་སུ་འདུན་པའི་ཆགས་པ་མེད་པ་ཡི།
    དོན་ཀུན་གྲུབ་པའི་ལུས་ཀྱིས་མངོན་པར་ཟིལ་མནན་ནས།
    དཀའ་ཐུབ་གནས་དེ་གྲུབ་པ་བཞིན་དུ་རབ་ཏུ་ཐོབ།། ༡ །།
    ཅེས་པ་འདི།
    དེ་ནས་འདུན་པ་ངུ་ཞིང་གདོང་ནི་མཆི་མས་བརླན། །
    ཕྱིར་བཟློག་དོན་ཀུན་གྲུབ་པ་ནགས་སུ་འདུན་པ་ཡི། །
    རྒྱལ་སྲིད་ཆགས་མེད་རྒྱན་མེད་ལུས་ཀྱིས་ཟིལ་མནན་ནས། །
    དཀའ་ཐུབ་གནས་དེ་རང་ཕྱིར་གྲུབ་པ་བཞིན་དུ་གྱུར།། ༡ །།

16. སློབ་དཔོན་ལེགས་བཤདང་། མཁས་མཆོག་ཀརྡོ་གཉེར་ཕྱག་པ། ནམ་མཁའ་ལ་སོགས་པས་བོད་སྐད་ལ་ཐུགས་དོན་གཉེར་མཛད་པ་ཡོངས་ལ་ཞུ་གསོལ། ཡིག་ཆེན་དང་། ཡིག་ཆུང་གི་ཁྱད་པར་འཐོན་མི་ཐུབ་པས། ཀློག་པ་པོ་ཀུན་ལ་དབུ་རྙོག་གི་སྐུ་ངལ་ཆེ་བར་དགོངས་དག་ཞུ། སླར་སྒྱུར་བཅོས་ཀྱིས་སྔ་འགྱུར་གང་ཡིན་གསར་དུ་བསྒྱུར་དགོས་པ་དག་ཤད་ཁུག་[ ]འདི་བུར་བཅུག་པ་དང་། སླར་སྒྱུར་མི་དགོས་པའི་ཚིག་རྐང་ཚིགས་བཅད་ཀྱི་ནང་ལ་བྱུང་བ་རྣམས་རྟགས་འདི་ལྟ་བུར་ ་་་ བྲིས་ཏེ། བསྐུར་པ་ལགས། གཅིག་ཆ་ན་ད་ལྟ་གསལ་བའི་ཚབ་ལྟ་བུར་འཐོན་ནམ་སྙམ།
    འདུན་པ་ཆིབས་དཔོན་ལོག་ནས་སོང་བའི་རྗེས་སུ། དོན་ཀུན་གྲུབ་པ་ནགས་ཀྱི་བསྟི་གནས་སུ་བྱོན་ནས། གཟིགས་ཚུལ་དང་མཛད་ཚུལ་རྣམས་རང་བཞིན་བརྗོད་པའི་རྒྱན་དུ་སློབ་དཔོན་རྟ་དབྱངས་ཀྱིས་བཀོད་པ། བོད་སྐད་དུ། ལོ་ཙ་པ་ས་དབང་བཟང་པོ་དང་། བློ་གྲོས་རྒྱལ་པོ་གཉིས་ཀྱིས་བསྒྱུར་པ། ཞུས་དག་ལེགས་པར་མ་སོང་བའམ་རྐྱེན་གཞན་གྱིས་བོད་སྐད་དུ་ཡོངས་གྲགས་མ་བྱུང་། འོན་ཀྱང་ཡོངས་གྲགས་ཆེ་བའི་སྤྱོད་འཇུག་་ན་ཡང་། ད་དུང་ཞིབ་ཆ་བྱེད་ན། བཅོས་དགོས་པ་འགའ་ཞིག་སྣང་། དཔེར་ན། རུས་གོང་འབའ་ཞིག་མཐོང་ནས་ནི། ལེགས་སྦྱར་རྩ་བ་དང་། དེའི་འགྲེལ་ཆེན་ན། རུས་གོང་འགའ་ཞིག་མཐོང་ནས་ནི། ཞེས་པ་འདི་ཉིད་དོན་ལ་གནས་པར་མངོན། སི་ཏུ་པཎ་ཆེན་གྱིས་འཆི་མེད་མཛོད་ཀྱི་འགྱུར་བསྟན་འགྱུར་ན་བཞུགས་པ་ལ་འདི་དང་འདི་ནོར་འདུག་ཅེས་ན། བསྟན་བཅོས་རང་ལས་མང་བ་འབྱུང་ངེས། འོན་ཀྱང་སྒྱུར་མཁན་གྱི་ལོ་ཙ་པ་དེ་བཀའ་དྲིན་ཆེ། གཞུང་འདི་སྔར་བསྒྱུར་མེད་པ་ཡིན་ན། བསྟན་བཅོས་འདི་ལ་ཐོས་བསམ་བྱེད་པ་ཡང་མི་འབྱུང་གསུངས་པ་ཚན་རིག་དང་མཐུན་པ་ཞིག་ཏུ་ངེས་སོ།།

17. ཁྱེད་ཅག་རྣམས་ཀྱི་ཆོས་འདི་མཐོ་རིས་ཆེད་དུ་ཡིན།
    བདག་གི་མངོན་པར་འདོད་པ་ཡང་སྲིད་མེད་པའི་ཆེད།
    གང་གིས་བདག་ལ་ནགས་འདིར་སྡོད་འདོད་མེད་པ་སྟེ།
    རང་བཞིན་གྱིས་ནི་ཆོས་ལ་རབ་ཏུ་འཇུག་པ་ཐ་དད་དོ།། ༤༨ །།
    ཁྱེད་ཅག་རྣམས་ཀྱི་ཆོས་འདི་མཐོ་རིས་ཆེད་དུ་སྟེ།
    བདག་གི་མངོན་པར་མཐོ་བར་ཡང་སྲིད་མ་ཡིན་ཕྱིར།
    ནགས་དེར་གང་གི་བདག་ནི་སྡོད་འདོད་མ་ཡིན་ཏེ།
    ཆོས་ལས་ལྡོག་པ་རབ་ཏུ་འཇུག་པ་ཐ་དད་ཕྱིར།། ༤༨ །།
    ཁྱེད་ཅག་རྣམས་ཀྱི་ཆོས་ནི་མཐོ་རིས་ཐོབ་པའི་ཕྱིར། །
    བདག་གི་མངོན་འདོད་ཡང་སྲིད་སྐྱེ་འཚམས་གཅོད་པའི་ཕྱིར། །
    ནགས་དེར་བདག་ནི་སྡོད་འདོད་མེད་པའི་རྒྱུ་མཚན་ནི། །
    ཆོས་ལས་འཁོར་བར་འཇུག་ལྡོག་ཤིན་ཏུ་ཐ་དད་ཕྱིར།། ༤༨ །།

18. ཁྱེད་ཅག་རྣམས་ཀྱི་ཆོས་ནི་མཐོ་རིས་ཐོབ་པའི་ཕྱིར། །
    བདག་གི་མངོན་འདོད་ཡང་སྲིད་སྐྱེ་འཚམས་གཅོད་པའི་ཕྱིར། །
    ནགས་དེར་བདག་ནི་སྡོད་འདོད་མེད་པའི་རྒྱུ་མཚན་ནི། །
    ཆོས་ལས་འཁོར་བར་འཇུག་ལྡོག་ཤིན་ཏུ་ཐ་དད་ཕྱིར།། ༤༨ །།

19. ལྷ་དང་ཚངས་པ་རྒྱལ་པོའི་དྲང་སྲོང་དེ་དག་གིས།
    བསྙེན་པའི་རི་བོ་གངས་ཅན་བསོད་ནམས་ཉེ་བར་མཆིས།
    གང་དང་ཉེ་བར་གནས་པས་དཀའ་ཐུབ་ནོར་ལྡན་གྱི།
    དཀའ་ཐུབ་དེ་དག་རྣམས་ནི་མང་དུ་འཕེལ་བར་འགྱུར།། ༣༩ །།

    ལྷ་ཡི་དྲང་སྲོང་ཚངས་པའི་དྲང་སྲོང་རྒྱལ་པོ་ཡི།
    དྲང་སྲོང་གིས་བསྙེན་བསོད་ནམས་ཉེ་བར་གངས་ལྡན་རི།
    དཀའ་ཐུབ་ནོར་ལྡན་རྣམས་ཀྱི་དཀའ་ཐུབ་དེ་རྣམས་ནི།
    གང་གི་ཉེ་ལོགས་དག་ནས་མང་པོར་འགྱུར་བའོ།། ༣༩ །།

    ལྷ་དང་ཚངས་པ་རྒྱལ་པོའི་དྲང་སྲོང་དེ་དག་གིས། །
    བསྙེན་པའི་རི་བོ་གངས་ཅན་བསོད་ནམས་འཕེལ་བའི་གནས། །
    གང་དང་ཉེ་བར་གནས་པས་དཀའ་ཐུབ་ནོར་ལྡན་གྱི། །
    དཀའ་ཐུབ་དེ་དག་རྣམས་ནི་མང་དུ་འཕེལ་བར་འགྱུར།། ༣༩ །།

20. ལྷ་དང་ཚངས་པ་རྒྱལ་པོའི་དྲང་སྲོང་དེ་དག་གིས། །
    བསྙེན་པའི་རི་བོ་གངས་ཅན་བསོད་ནམས་འཕེལ་བའི་གནས། །
    གང་དང་ཉེ་བར་གནས་པས་དཀའ་ཐུབ་ནོར་ལྡན་གྱི། །
    དཀའ་ཐུབ་དེ་དག་རྣམས་ནི་མང་དུ་འཕེལ་བར་འགྱུར།། ༣༩ །།

21. ཁུར་འདྲེན་གླང་བཞིན་མགོ་བོ་རྣམས་ནི་ཕྱེད་དུད་པས།
    ལག་ན་གཉའ་ཤིང་འཛིན་པ་ཡ་མཚན་དུ་གྱུརཅིང་།
    དེ་ནས་འཁོར་ལོ་འཛིན་པ་ཆུང་མ་དང་བཅས་ཏེ།
    དབང་པོ་དང་མཚུངས་དེ་ཉིད་མཐོང་ནས་འགྲོ་མ་ནུས།། ༣ །།

    ཁུར་ལྡན་རྣམས་བཞིན་མགོ་བོ་རྣམས་ནི་ཕྱེད་དུད་པས།
    ལག་ན་གཉའ་ཤིང་བཅས་པར་འགྲོ་གྱུར་ཡ་མཚན་ལ།
    དེ་བཞིན་འཁོར་ལོས་སྒྱུར་བ་ཆུང་མ་དང་བཅས་པ།
    དབང་པོ་དང་མཚུངས་དེ་མཐོང་སོང་བར་མ་གྱུར་ཏོ།། ༣ །།

    ཁུར་ལྡན་ཁྱུ་བཞིན་མགོ་བོ་རྣམས་ནི་ཕྱེད་དུད་པས། །
    ལག་ན་གཉའ་ཤིང་འཛིན་པ་ཡ་མཚན་ཅན་དུ་མཐོང་། །
    དེ་བཞིན་འཁོར་ལོས་སྒྱུར་བ་ཆུང་མ་དང་བཅས་ཀྱང་། །
    དབང་པོ་དང་མཚུངས་དེ་ཉིད་མཐོང་ནས་འགྲོ་མ་ནུས།། ༣ །།

22. ཁུར་ལྡན་ཁྱུ་བཞིན་མགོ་བོ་རྣམས་ནི་ཕྱེད་དུད་པས། །
    ལག་ན་གཉའ་ཤིང་འཛིན་པ་ཡ་མཚན་ཅན་དུ་མཐོང་། །
    དེ་བཞིན་འཁོར་ལོས་སྒྱུར་བ་ཆུང་མ་དང་བཅས་ཀྱང་། །
    དབང་པོ་དང་མཚུངས་དེ་ཉིད་མཐོང་ནས་འགྲོ་མ་ནུས།། ༣ །།

23. སྦྱིན་སྲེག་བུད་ཤིང་དོན་དུ་བྲམ་ཟེ་ཕྱི་ལོགས་ཕྱིན།
    མེ་ཏོག་ལོ་འདབ་ཐོགས་པའི་ལག་པ་གཙང་མ་རྣམས།
    དཀའ་ཐུབ་གཙོ་བོར་བྱས་པའི་བློ་གྲོས་བྱས་པ་ཡང༌།
    དེ་ཉིད་མཇལ་བར་སོང་གི་བསྟི་གནས་སུ་མ་ཕྱིན།། ༤ །།

    སྦྱིན་སྲེག་བུད་ཤིང་ཕྱིར་ནི་བྲམ་ཟེ་རྣམས་ཕྱིན་ནས།
    མེ་ཏོག་ལོ་འདབ་རྒྱས་པའི་ལག་པ་གཙང་མ་རྣམས།
    དཀའ་ཐུབ་གཙོ་བོ་རྣམས་ནི་བློ་རྣམས་བྱས་ན་ཡང༌།
    གཤེགས་པ་མཐོང་སྟེ་ཀློག་གླར་སོང་བར་མ་གྱུར་ཏོ།། ༤ །།

    བྲམ་ཟེ་སྦྱིན་སྲེག་བུད་ཤིང་དོན་དུ་ཕྱིར་ལོགས་ཕྱིན། །
    ལག་པ་གཙང་མར་མེ་ཏོག་ལོ་འདབ་ཐོགས་པ་རྣམས། །
    དཀའ་ཐུབ་གཙོ་བོར་བསྟེན་པའི་བློ་གྲོས་རྒྱས་པ་ཡང༌། །
    དེ་ཉིད་མཇལ་བས་འོང་སའི་བསྟི་གནས་ཕྱིར་མ་ལོག། ༤ །།

24. བྲམ་ཟེ་སྦྱིན་སྲེག་བུད་ཤིང་དོན་དུ་ཕྱིར་ལོགས་ཕྱིན། །
    ལག་པ་གཙང་མར་མེ་ཏོག་ལོ་འདབ་ཐོགས་པ་རྣམས། །
    དཀའ་ཐུབ་གཙོ་བོར་བསྟེན་པའི་བློ་གྲོས་རྒྱས་པ་ཡང༌། །
    དེ་ཉིད་མཇལ་བས་འོང་སའི་བསྟི་གནས་ཕྱིར་མ་ལོག། ༤ །།

25. ཆུ་སྦྱིན་སྔོན་པོ་བཞིན་དུ་མཐོང་ནས་རྨ་བྱ་རྣམས།
    དགའ་ཞིང་གྱེན་དུ་དུད་ཅིང་སྐད་དག་འདོན་གྱུར་ལ།
    མིག་གཡོ་རི་དྭགས་རྣམས་དང་རི་དྭགས་སྤྱོད་པ་རྣམས།
    རྩྭ་ལྗང་བོར་ནས་མངོན་པར་ཕྱོགས་ཤིང་གནས་པར་གྱུར།། ༥ །།

    ཆུ་གཏེར་སྔོན་པོ་བཞིན་དུ་མཐོང་ནས་རྨ་བྱ་རྣམས།

    རྒྱ་སྐྱེགས་རི་དྭགས་སྤྱོད་ལྡན་རྣམས་དང་རི་དྭགས་རྣམས།
    འབྲུ་རྣམས་བོར་ནས་མངོན་པར་གདོང་ཕྱོགས་གནས་པར་གྱུར།། ༥ །།

    ཆུ་འཛིན་སྔོན་པོ་བཞིན་དུ་མཐོང་ནས་རྨ་བྱ་རྣམས། །
    དགའ་ཞིང་གྱེན་དུ་དུད་ཅིང་སྐད་དག་འདོན་གྱུར་ལ། །
    མིག་གཡོ་རི་དྭགས་རྣམས་དང་རི་དྭགས་སྤྱོད་ལྡན་རྣམས། །
    རྩྭ་ལྗང་བོར་ནས་ཁྱོད་མཐོང་ཕྱོགས་སུ་གནས་པར་གྱུར།། ༥ །།

26. ཆུ་འཛིན་སྔོན་པོ་བཞིན་དུ་མཐོང་ནས་རྨ་བྱ་རྣམས། །
    དགའ་ཞིང་གྱེན་དུ་དུད་ཅིང་སྐད་དག་འདོན་གྱུར་ལ། །
    མིག་གཡོ་རི་དྭགས་རྣམས་དང་རི་དྭགས་སྤྱོད་ལྡན་རྣམས། །
    རྩྭ་ལྗང་བོར་ནས་ཁྱོད་མཐོང་ཕྱོགས་སུ་གནས་པར་གྱུར།། ༥ །།

27. འོད་ཟེར་ལྡན་པ་ཤར་བ་ལྟ་བུར་འབར་བ་ཡིས། །
    བུ་རམ་ཤིང་པའི་རིགས་ཀྱི་སྒྲོན་མ་དེ་མཐོང་ནས། །
    སྦྱིན་སྲེག་བྱེད་པ་རྣམས་ཀྱིས་སྦྱིན་སྲེག་བསྲེག་དུས་ཀྱང་། །
    རབ་ཏུ་དགའ་བ་སྐྱེས་ཏེ་སྦྱིན་སྲེག་རབ་བྱེད་གྱུར།། ༦ །།

28. འདི་ནི་ནོར་སྦྱིན་རྣམས་ཀྱི་བརྒྱད་པ་ཡིན་ནམ་ཅི།

    ཐ་སྐར་དག་གི་ནང་ནས་གཅིག་ནི་འཕོས་སམ་ཞེས།

    དེ་མཐོང་བ་ལ་ཡ་མཚན་སྐྱེས་པར་གྱུར་པ་ཡི།

    ཐུབ་པ་རྣམས་ཀྱི་ཚིག་དེ་མཐོན་པོར་སྒྲོགས་པར་གྱུར།། ༧ །།

29. ལྷ་ཡི་ཁྱུ་མཆོག་གཉིས་པའི་ལུས་པོ་ལྟ་བུ་དང༌། །
    རྒྱུ་དང་མི་རྒྱུའི་ས་འཛིན་སྙིང་པོ་ལྟ་བུ་དང༌། །
    གློ་བུར་དུ་ནི་ཉི་མ་ས་ལ་བབས་པ་བཞིན། །
    དེས་ནི་ནགས་ཚལ་མཐའ་དག་རབ་ཏུ་སྣང་བར་མཛད།། ༨ །།

30. དེ་ནས་བསྟི་གནས་དེ་རུ་འཁོད་པ་དེ་རྣམས་ཀྱིས། །
    མགྲོན་དུ་བོས་པར་གྱུར་ཅིང་མངོན་པར་མཆོད་པར་གྱུར། །
    དེ་ཡིས་ཆུ་ལྡན་ཆུ་འཛིན་སྤྲིན་སྒྲའི་དབྱངས་ཀྱིས་ནི། །
    ཆོས་འཛིན་རྣམས་ལ་ལན་དུ་མཆོད་པ་མཛད་པར་གྱུར།། ༩ །།

31. དེ་ནས་རྣམ་པར་ཐར་བཞེད་བརྟན་པ་དེ་ཡིས་ནི། །
    དཀའ་ཐུབ་སྣ་ཚོགས་རྣམས་ལ་ངེས་པར་རྣམ་འབྱེད་ཅིང་། །
    མཐོ་རིས་མངོན་འདོད་བསོད་ནམས་བྱས་པའི་སྐྱེ་བོ་ཡིས།
    ཁྱབ་པའི་དཀའ་ཐུབ་གནས་དེར་རྗེས་སུ་དཔྱད་པར་མཛད།། ༡༠ །།

32. དཀའ་ཐུབ་ནོར་ཅན་རྣམས་ཀྱི་དཀའ་ཐུབ་ནགས་ཚལ་དེར།
    དཀའ་ཐུབ་རྣམ་པ་སྣ་ཚོགས་ངེས་པར་རིག་ནས་ཀྱང་།
    ཁྱོད་རྗེས་འབྲངས་པའི་དཀའ་ཐུབ་ལྡན་པ་ཁ་ཅིག་ལ།
    ཞི་བ་དེ་ཉིད་ཤེས་པར་བཞེད་པས་འདི་གསུངས་སོ།། ༡༡ །།

33. ༼༡༦ ལ་དྭགས་བློ་བཟང་འཇམ་དཔལ་ནས།
    སྤྱི་ལོ་ ༢༠༡༣ ཟླ་ ༥ ཚེས་ ༩ གི་ཆུ་ཚོད་ ༡༣ སྐར་མ་ ༣༣
    སློབ་དཔོན་ལེགས་བཤདང་། མཁས་མཆོག་ཀརྡོ་གཉེར་ཕྱག་པ། ནམ་མཁའ་ལ་སོགས་པས་བོད་སྐད་ལ་ཐུགས་དོན་གཉེར་མཛད་པ་ཡོངས་ལ་ཞུ་གསོལ། ཡིག་ཆེན་དང་། ཡིག་ཆུང་གི་ཁྱད་པར་འཐོན་མི་ཐུབ་པས། ཀློག་པ་པོ་ཀུན་ལ་དབུ་རྙོག་གི་སྐུ་ངལ་ཆེ་༽་་་་་ཟེར་་་

34. གང་ཕྱིར་ཆོས་ཀྱི་ཆོ་ག་དེ་ནི་ངས་མི་ཤེས། །
    བདག་གིས་དཀའ་ཐུབ་གནས་མཐོང་དི་རིང་ཐོག་མའོ། །
    ཁྱེད་ཀྱི་ངེས་པའི་ལམ་གང་བདག་རང་རབ་འཇུག་ཕྱིར། །
    དེའི་ཕྱིར་ཁྱོད་ཀྱི་ངེས་པ་བདག་ལ་བསྟན་པར་འོས། ། ༡༢ །།

35. དེ་ནས་དཀའ་ཐུབ་རྣམ་པར་སྤྱོད་པའི་དྲང་སྲོང་དེས། །
    ཤཱཀྱའི་ཁྱུ་མཆོག་ཁྱུ་མཆོག་རྣམ་གནོན་དེ་ཉིད་ལ། །
    དཀའ་ཐུབ་ཁྱད་པར་ཅན་གྱི་འབྲས་བུ་དང་བཅས་པའི། །
    གཏམ་རྣམས་རིམ་པ་བཞིན་དུ་ཚིག་གིས་བརྗོད་པར་མཛད། ། ༡༣ །།

36. ཆུ་ན་རབ་ཏུ་སྐྱེས་པའི་འབྲུ་དང་འདབ་རྣམས་ཀྱི། །
    མཆོག་ཏུ་གྱུར་པ་ཆུ་དང་འབྲས་བུ་རྩ་བ་ཉིད། །
    ཐུབ་པ་རྣམས་ཀྱི་སྤྱོད་པ་འདི་རྣམས་ལུང་མཐུན་བཞིན། །
    དཀའ་ཐུབ་རྣམས་ཀྱི་བསམ་བློ་ཐ་དད་མཐུན་བཞིན་བསྟན།། ༡༤ །།

37. ཁ་ཅིག་རི་དྭགས་བཞིན་དུ་རྩྭ་རྣམས་ལ་སྤྱོད་ལ།
    གཞན་རྣམས་བོར་པ་ཡིས་ནི་མཁའ་ལ་རྒྱུ་བའི་བྱ་ལྟར་འཚོ།
    ཁ་ཅིག་ལག་འགྲོ་རྣམས་དང་ལྷན་ཅིག་འཚོ་བ་སྟེ། 25B
    གྲོག་མཁར་གྱུར་པ་རྣམས་ནི་ནགས་ན་རླུང་གིས་འཚོ།། ༡༥ །།

38. རྡོ་ཡིས་རབ་འབད་བསྒྲུབ་པར་སྤྱོད་པ་གཞན་རྣམས་ནི། །
    ཁ་ཅིག་རང་གི་སོ་ཡིས་བཏུབས་པའི་འབྲུ་ཟ་ཞིང་། །
    ཟས་ཕྱིར་་གཞན་ནི་གཞན་གྱི་དོན་དུ་གཡོ་སྐོལ་བྱེད།
    འགའ་ཞིག་ལྷག་ཡོད་དེ་ལ་ཟས་ཀྱི་བྱ་བ་བྱེད།། ༡༦ །།

39. ཆུ་ཡིས་འབང་པའི་རལ་པའི་ཚོགས་ཅན་ཁ་ཅིག་ནི། །
    གསང་སྔགས་སྔོན་འགྲོ་ལན་གཉིས་མེ་ལ་སྲེག་ཅིང་སྦྱིན། །
    ཁ་ཅིག་ཉ་དང་མཉམ་པར་ཆུ་ལ་རྟག་ཞུགས་ནས། །
    རུས་སྦལ་བཞིན་དུ་ལུས་རྣམས་རབ་ཏུ་བསྐུམ་པའོ།། ༡༧ །།

40. དེ་ལྟར་དུས་སུ་བསགས་པའི་དཀའ་ཐུབ་སྣ་ཚོགས་ཀྱིས། །
    འགའ་ཤས་ལྷར་སྐྱེས་་གཞན་དག་མི་ཡི་འཇིག་རྟེན་དུ། །
    སྡུག་བསྔལ་ལམ་གྱིས་བདེ་བ་ཉེ་བར་འཐོབ་ཕྱིར་བརྩོན། །
    ཁྱོད་ཀྱིས་ཆོས་རྩ་བདེ་བ་ཐོབ་པ་ཉིད་དུ་གསུངས།། ༡༨ །།

41. དེ་སྐད་ཅེས་སོགས་རྐང་གཉིས་དབང་པོའི་སྲས་པོ་ཡིས། །
    དཀའ་ཐུབ་ནོར་དང་ལྡན་པ་དེ་ཡི་ཚིག་གསན་ནས། །
    དེ་ཉིད་གཟིགས་པ་མིན་པས་ངོམས་པར་མ་གྱུར་ལ། །
    རང་གིས་རྟོགས་པ་འདི་ནི་དལ་བུས་གསུངས་པར་གྱུར།། ༡༩ །།

    དེ་སྐད་ཅེས་སོགས་ཀྱིས་ཚིག་གི་འགྲོས་ལ་བལྟས་ན།
    ངས།
    ཁྱོད་ཀྱིས་ཆོས་རྩ་བདེ་བ་ཐོབ་པ་ཉིད་དུ་གསུངས།། ༡༨ །།
    ཞེས་པའི་ཁྱོད་ཀྱིས་ཞེས་པ་བཅུག་པ་ནོར་བ་རེད།
    ཆོས་ཀྱི་རྩ་བ་བདེ་བ་ཐོབ་པ་ཉིད་དུ་གསུངས།། ༡༨ །།ཞེས་གསུང་མཁན་དེ་ཡང་ཕྱི་རོལ་པ་ལ་སྦྱར་ནའོ། །

42. སྡུག་བསྔལ་བདག་ཉིད་དཀའ་ཐུབ་རྣམ་པ་དུ་མ་སྟེ། །
    དཀའ་ཐུབ་དག་གི་འབྲས་བུ་མཐོ་རིས་གཙོ་བོའོ། །
    འཇིག་རྟེན་ཡོངས་སུ་ལས་ཀྱི་འགྱུར་བ་དང་ལྡན་ལ། །
    དཀའ་ཐུབ་རྣམས་ཀྱི་ངལ་འབྲས་འདི་ནི་ཉུང་བའོ།། ༢༠ །།

43. ཕངས་པ་རྣམས་དང་གཉེན་དང་ཡུལ་རྣམས་བོར་ནས་ནི།
    གང་ཞིག་མཐོ་རིས་སྐྱེ་ཕྱིར་འགྲོ་ངེས་ལམ་སྤྱོད་པས། །
    རྣམ་པར་བྲལ་བར་གྱུར་ཀྱང་དེ་དག་སླར་ཡང་ནི། །
    ཤིན་ཏུ་འཆིང་བ་ཆེན་པོར་འགྲོ་རྒྱུ་འབའ་ཞིག་གོ། ༢༡ །།

    ཡ་སྒྲོལ་མ་ཉེར་གཅིག་ལ་བཞག སྔ་དྲོའི་ཆུ་ཚོད་༤་དང་སྐར་མ་༢༥སླེབས་འདུག ནམ་ཡང་ལངས་གྲབས་ཡོད་པ་འདྲ།

44. འདོད་པའི་རྒྱུའི་ཕྱིར་ལུས་ཀྱི་ངལ་དུབ་དཀའ་ཐུབ་ཀྱིས། །
    འདོད་པའི་བདེ་ལ་རབ་ཏུ་འཇུག་པར་འདོད་པ་རྣམས། །
    འཁོར་བའི་རྒྱ་མཚོའི་སྐྱོན་རྣམས་ཡོངས་སུ་མི་དཔྱོད་པར། །
    འདོད་པའི་རྒྱུ་ལས་སྡུག་བསྔལ་ཁོ་ན་རྗེས་སུ་འདོད།། ༢༢ །།

45. འཆི་བས་སྐྱེ་དགུ་རྣམས་ལ་རྟག་ཏུ་འཇིགས་པ་སྟེར། །།
    འབད་པ་ཡིས་ནི་སླར་ཡང་རབ་ཏུ་སྐྱེ་བར་འདོད། །
    རབ་ཏུ་སྐྱེ་བ་ཡོད་ན་ངེས་པར་འཆི་བ་ཡོད། །
    གང་བྲལ་འཇིགས་པ་ཡོད་པ་དེ་ལ་གཞོལ་བར་འགྱུར།། ༢༣ །།

46. འཇིག་རྟེན་འདི་ཡི་དོན་དུ་ཁ་ཅིག་ངལ་བར་འགྱུར། །
    གཞན་རྣམས་མཐོ་རིས་དོན་དུ་ངལ་བ་རྩོམ་པར་བྱེད། །
    བདེ་བའི་དོན་དུ་སྲེད་པས་མ་ཚིམས་དོན་མེད་བྱེད། །
    གསོན་པའི་འཇིག་རྟེན་དོན་མེད་མི་འདོད་ཉིད་དུ་ལྷུང།། ༢༤ །།

47. གང་གིས་དམན་པ་དོར་ནས་མཆོག་འཕགས་ཅན་འགྲོ་བ། །
    འབད་པ་འདི་ནི་ངེས་པར་སྨད་པ་མ་ཡིན་ལ། །
    ཤེས་ལྡན་རྣམས་དང་མཉམ་དུ་ཡོངས་སུ་འབད་བྱས་ན། །
    འབད་པ་དེ་ཉིད་གང་དུ་སླར་ཡང་བྱ་དགོས་མེད།། ༢༥ །།

48. གལ་ཏེ་འདིར་ནི་ལུས་ཀྱི་གདུང་བ་ཆོས་ཡིན་ན། །
    ལུས་ཀྱི་བདེ་བ་ཆོས་མིན་ཡིན་པར་འགྱུར་བ་སྟེ། །
    ཕ་རོལ་དུ་ནི་བདེ་བ་ཆོས་ཀྱིས་འཐོབ་འདོད་ལ། །
    དེའི་ཕྱིར་ཆོས་ཀྱིས་ཆོས་མིན་འབྲས་བྱིན་འདོད་དང་མཚུངས།། ༢༦ །།

49. གང་གི་ཕྱིར་ན་སེམས་ཀྱི་དབང་གིས་ལུས་པོ་ནི། །
    རབ་ཏུ་འཇུག་པ་དང་ནི་ལྡོག་པ་ཉིད་དུ་འགྱུར། །
    དེ་ཡི་ཕྱིར་ན་སེམས་ཉིད་འདུལ་བ་རིགས་པ་སྟེ། །
    སེམས་ལས་གཞན་པའི་ལུས་འདུལ་ཤིང་དང་འདྲ་བ་ལགས།། ༢༧ །།

50. བཟའ་བ་གཙང་བས་གལ་ཏེ་བསོད་ནམས་འདོད་ན་ནི། །
    དེའི་ཕྱིར་རི་དྭགས་རྣམས་ལའང་བསོད་ནམས་ཡོད་པ་སྟེ། །
    སྐྱེས་བུ་གང་དག་ཕྱི་རོལ་འབྲས་བུར་རྗེས་བསྙེགས་པའི། །
    ཉེས་པས་བལྐལ་པའི་དོན་རྣམས་གཞན་དུ་ཁ་ཕྱོགས་གྱུར།། ༢༨ །།

51. གལ་ཏེ་སྡུག་བསྔལ་མཚམས་སྦྱོར་བསོད་ནམས་རྒྱུ་ཡིན་ན། །
    དེས་ན་བདེ་བར་་མཚམས་སྦྱོར་བྱ་བའང་དེ་ལྟར་འགྱུར། །
    ཇི་ལྟར་བདེ་བ་མཚམས་སྦྱོར་བ་ལ་ཕན་ཡོན་མེད་ན་ནི། །
    དེ་ལྟར་སྡུག་བསྔལ་མཚམས་སྦྱོར་བ་ལའང་ཕན་ཡོན་མེད་པ་ཉིད།། ༢༩ །།

52. དེ་ལྟར་གང་གིས་ལས་ངན་རྣམ་པར་སྦྱོང་བའི་རྒྱུར། །
    ཆུ་ལ་རེག་པར་བྱེད་ཅིང་སྟེགས་བུར་རབ་འཇུག་པ། །
    ཆུ་ཡིས་སྡིག་པ་དག་པར་བྱེད་པ་མ་ཡིན་པས། །
    དེར་ཡང་འདི་ནི་་ཡིད་ལ་ཚིམ་པ་འབའ་ཞིག་ཙམ།། ༣༠ །།

53. ཡོན་ཏན་ལྡན་པ་རྣམས་ཀྱིས་གང་དང་གང་ལ་རེག །
    གལ་ཏེ་དེ་དེའི་ཆུ་རྣམས་ས་རུ་སྟེགས་བུར་འདོད། །
    ཆུ་ནི་ཐེ་ཚོམ་མེད་པར་ཆུ་ཉིད་འབའ་ཞིག་ལས། །
    དེའི་ཕྱིར་ཡོན་ཏན་ཁོ་ན་སྟེགས་བུ་ཡིན་པར་འགྱུར།། ༣༡ །།

54. །། ༣༢ །།པ་ཆད་པ་འདྲ།

55. དེ་ནས་སྦྱིན་སྲེག་དུ་བས་ཁ་དོག་འགྱུར་བའི་ཤིང༌། །
    དཀའ་ཐུབ་རབ་ཏུ་ཞི་བའི་ཁྲུས་སར་རྣམ་པར་ཞུགས། །
    མངོན་པར་བུད་པའི་རབ་ཏུ་འབར་བས་མེ་ཡི་ཐལ་བ་ཡིས། །
    དབང་བསྐུར་བྱས་པའི་དྲང་སྲོང་སྐྱེ་བོས་ཡོངས་སུ་ཁྱབ།།༣༣ །།

    ་་་་་༼བཟླས་བྱའི་དབྱངས་ཀྱིས་ཀུན་ནས་སྐད་སྒྲོགས་ལྷ་ཡི་ཚོགས།
    ཆོས་ཀྱི་ལམ་གྱི་ལས་ཀྱི་མཐའ་བཞིན་རབ་ཏུ་ཞུགས་པའོ། སླར་ལེགས་སྦྱར་ལྟ་དགོས།༽་་་་ཟེར།

56. ཐང་འགའ་མཚན་མོར་ཐང་དེར་འོད་དཀར་ངོ་གདོང་ཅན། །
    དཀའ་ཐུབ་རྣམས་ལ་ཡོངས་སུ་རྟོག་ཅིང་ཞུགས་གྱུར་ལ། །
    དཀའ་ཐུབ་བརྟགས་པ་ཐམས་ཅད་ཡོངས་སུ་རྫོགས་གྱུར་ན། །
    དཀའ་ཐུབ་ཞིང་གི་ཐང་དེ་ལས་ནི་གཤེགས་པར་གྱུར།། ༣༤ །།

57. གཟུགས་བཟང་བདག་ཉིད་ཆེན་པོར་ཉམས་སད་ཀུན་སློང་གིས། །
    དཀའ་ཐུབ་གནས་ལྡན་རྣམས་ནི་དེ་ནས་དེའི་རྗེས་གཤེགས། །
    འཕགས་པ་མིན་རྣམས་དགྲ་བཅོམ་གནས་ཡུལ་འགྲོ་བ་ལྟར། །
    དྲང་སྲོང་ཆེ་རྣམས་ཆོས་ཀྱི་རྗེས་སུ་འགྲོ་དང་མཚུངས།། ༣༥ །།

58. དེ་ནས་རལ་པ་ཤིང་ཤུན་ཟུར་ཕུད་ཀྱིས་རོལ་པའི། །
    དཀའ་ཐུབ་ནོར་དང་ལྡན་པ་དེ་རྣམས་དེས་གཟིགས་ཤིང་། །
    དེ་དག་རྣམས་ཀྱི་དཀའ་ཐུབ་ལོ་འདབ་རྗེས་སུ་བསྔགས། །
    དཔལ་དང་ལྡན་པ་དགེ་བའི་ཤིང་གི་རྩ་བར་གནས།། ༣༦ །།

59. ༡༡༽ ཀརྡོ་གཉེར་ཕྱག་པ་ནས།
    དེ་ནས་དཀའ་ཐུབ་གནས་པ་གཞན་རྣམས་ཚུར་འོངས་ནས། །
    མི་ཡི་མཆོག་གྱུར་དེ་ལ་ཡོངས་སུ་བསྐོར་ནས་འཁོད། །
    དེ་དག་རྣམས་ཀྱི་བགྲེས་པོས་གུས་དུད་སྔོན་བཏང་ནས། །
    ཞི་བའི་དབྱངས་ཀྱིས་ཚིག་དག་འདི་སྐད་གསོལ་བར་གྱུར།། ༣༧ །།

60. ཁྱོད་ཉིད་བྱོན་པས་བསྟི་གནས་གང་བ་བཞིན་དུ་གྱུར།
    གཤེགས་ན་ཕུན་སུམ་ཚོགས་པས་སྟོངས་པ་བཞིན་གྱུར་པ། །
    འཚོ་བར་འདོད་པའི་སྲོག་གིས་ལུས་པོ་འདོད་པ་བཞིན། །
    དེའི་ཕྱིར་བརྩེ་བས་འདི་དག་འབོར་བར་འོས་མ་ཡིན།། ༣༨ །།

61. ༢༠༽ ཀརྡོ་གཉེར་ཕྱག་པ་ནས།
    སྤྱི་ལོ་ ༢༠༡༣ ཟླ་ ༥ ཚེས་ ༩ གི་ཆུ་ཚོད་ ༡༩ སྐར་མ་ ༤༢

    ལྷ་དང་ཚངས་པ་རྒྱལ་པོའི་དྲང་སྲོང་དེ་དག་གིས། །
    བསྙེན་པའི་རི་བོ་གངས་ཅན་བསོད་ནམས་འཕེལ་བའི་གནས། །
    གང་དང་ཉེ་བར་གནས་པས་དཀའ་ཐུབ་ནོར་ལྡན་གྱི། །
    དཀའ་ཐུབ་དེ་དག་རྣམས་ནི་མང་དུ་འཕེལ་བར་འགྱུར།། ༣༩ །།

62. དེ་བཞིན་ཀུན་ནས་བསོད་ནམས་དག་གི་རྟེན་གྱུར་ལ། །
    མཐོ་རིས་འགྲོ་བའི་ཐེམ་སྐས་དག་ཏུ་གྱུར་པ་སྟེ། །
    ལྷ་ཡི་དྲང་སྲོང་རྣམས་དང་དྲང་སྲོང་ཆེན་པོ་སོགས། །
    ཆོས་ཀྱི་བདག་ཉིད་རང་བཞིན་ལྡན་པ་རྣམས་ཀྱིས་བསྙེན།། ༤༠ །།

63. འདི་ནས་སླར་ཡང་ཆོས་ཀྱི་ཁྱད་འཕགས་ཕྱིར་དུ་ནི། །
    བྱང་གི་ཕྱོགས་ཉིད་ཁོ་ནར་བསྙེན་པར་ནུས་པ་སྟེ། །
    བློ་དང་ལྡན་པས་གོམ་གང་གཅིག་ཏུ་གྱུར་པ་ཡང༌། །
    ལྷོ་ཡི་ཕྱོགས་སུ་འགྲོ་བར་ནུས་པ་མ་ཡིན་ནོ།། ༤༡ །།

64. གལ་ཏེ་དཀའ་ཐུབ་ནགས་འདིར་བྱ་བ་ངན་པའམ། །
    ཁྱེད་འདིར་བཞུགས་འདོད་མེད་པ་འདྲེས་མའི་ཆོས་ཀྱིས་སམ། །
    ཀུན་ནས་ལྟུང་བ་མི་གཙང་གཟིགས་གང་གསུང་བའི་ཕྱིར། །
    དེ་ཡི་གསུང་ཡུན་རེ་ཞིག་བཞུགས་པར་འོས་པ་ལགས། ༤༢ །།

65. དཀའ་ཐུབ་གཏེར་དང་རབ་ཏུ་མཚུངས་པ་གྱུར་པ་ཁྱེད། །
    འདི་དག་རྣམས་ཀྱང་དཀའ་ཐུབ་གྲོགས་སུ་འདོད་པ་སྟེ། །
    དབང་པོ་དང་མཚུངས་ཁྱེད་དང་ལྷན་ཅིག་གནས་པའི་ཕྱིར། །
    ཕུར་བུ་ཡི་ཡང་མངོན་པར་མཐོ་བར་འདྲེན་པ་བཞིན།། ༤༣ །།

66. དཀའ་ཐུབ་ལྡན་པའི་གཙོ་བོས་དེ་སྐད་གསོལ་པ་ན། །
    སྲིད་པ་རབ་ཏུ་འཇོམས་ཕྱིར་དམ་བཅའ་མཛད་པ་ཡི། །
    མཁས་པའི་གཙོ་བོ་དེས་ཀྱང་དཀའ་ཐུབ་ལྡན་དབུས་སུ། །
    མཁྱེན་བརྩེས་ནང་དུ་གཏོགས་པའི་རང་བཞིན་ཚིག་དག་གསུངས།། ༤༤ །།

67. རང་གི་སྐྱེ་བོ་ཉིད་དང་མཚུངས་པར་མགྲོན་ལ་གཅེས། །
    དྲང་པོའི་བདག་ཉིད་ཆོས་བདག་ཐུབ་པ་རྣམས་ཀྱིས་ནི། །
    བདག་ལ་དེ་ལྟར་བསམ་པ་རྣམ་དག་སྐྱེས་པ་ཡིས། །
    བདག་ལ་དགའ་བ་མཆོག་དང་བཀུར་སྟི་བསྐྱེད་པར་བྱས།། ༤༥ །།

68. མདོར་ན་བརྩེ་ཞིང་ཡིད་འོང་ངག་ཚིག་གིས་བསྙེན་པའི། །
    ཁྲུས་དག་བྱས་པ་བཞིན་དུ་བདག་རང་གྱུར་པ་ནི། །
    ཆོས་གསར་པ་ནི་འཛིན་པར་བདག་གི་དགའ་བ་ཉིད། །
    ད་ལྟར་སླར་ཡང་ཅུང་ལྷག་གཡོ་བར་གྱུར་པ་ཉིད།། ༤༦ །།

69. དེ་ལྟར་རབ་ཏུ་ཞུགས་པར་ཁྱེད་ཅག་སྐྱབས་འོས་དག །
    ཤིན་ཏུ་ཕྱོགས་སུ་ལྷུང་པ་ཡང་དག་སྲོང་པ་རྣམས། །
    བོར་ནས་འགྲོ་ཞེས་ཁོ་བོ་ལ་ཡང་སྡུག་བསྔལ་ཏེ། །
    ཇི་ལྟར་གཉེན་འདུན་སྤངས་པ་དེ་ལྟར་གྱུར་པ་བཞིན།། ༤༧ །།

70. ༡༨༽ ཀརྡོ་གཉེར་ཕྱག་པ་ནས།
    སྤྱི་ལོ་ ༢༠༡༣ ཟླ་ ༥ ཚེས་ ༩ གི་ཆུ་ཚོད་ ༡༩ སྐར་མ་ ༢༧
    ཁྱེད་ཅག་རྣམས་ཀྱི་ཆོས་ནི་མཐོ་རིས་ཐོབ་པའི་ཕྱིར། །
    བདག་གི་མངོན་འདོད་ཡང་སྲིད་སྐྱེ་འཚམས་གཅོད་པའི་ཕྱིར། །
    ནགས་དེར་བདག་ནི་སྡོད་འདོད་མེད་པའི་རྒྱུ་མཚན་ནི། །
    ཆོས་ལས་འཁོར་བར་འཇུག་ལྡོག་ཤིན་ཏུ་ཐ་དད་ཕྱིར།། ༤༨ །།

71. ནགས་འདི་བཞག་ནས་བདག་ནི་འགྲོ་བའི་རྒྱུ་མཚན་ལ། །
    བདག་ནི་འདི་ལ་མི་དགའ་མ་ཡིན་གཞན་ལ་སྨད་ཕྱིར་མིན། །
    སྔོན་དུས་ཆོས་རྗེས་མཐུན་ཙམ་གནས་པ་ཁྱེད་ཅག་རྣམས། །
    ད་ལྟ་ཐམས་ཅད་དྲང་སྲོང་ཆེན་པོར་མཚུངས་པས་སོ།། ༤༩ །།

72. དེ་ནས་དོན་དང་ལྡན་ལ་བདེ་ཞིང་ཡིད་དུ་འོང༌། །
    ལེགས་མཐུན་གདངས་དང་ལྡན་ལ་སྙིང་པོ་དང་ལྡན་པའི། །
    གཞོན་ནུའི་ཚིག་དག་དཀའ་ཐུབ་ལྡན་པ་དེ་རྣམས་ཀྱིས། །
    ཐོས་ནས་ཁྱད་འཕགས་དང་ལྡན་བཀུར་སྟི་མང་པོ་བྱས།། ༥༠ །།

73. ༦༽ ཀརྡོ་གཉེར་ཕྱག་པ་ནས།
    སྤྱི་ལོ་ ༢༠༡༣ ཟླ་ ༥ ཚེས་ ༩ གི་ཆུ་ཚོད་ ༨ སྐར་མ་ ༡༩

    དེ་ནས་དེ་རུ་དྲང་སྲོང་ཐལ་བར་ཉལ་བ་ཞིག །
    ལུང་རིང་སྐྲ་བཅིང་གོས་སུ་ཤིང་ཤུན་གོས་གྱོན་ཞིང་། །
    མིག་གཉིས་ཅུང་ཟད་དམར་སེར་ཕྲ་ལ་རིང་བའི་སྣ། །
    ལག་ན་སྤྱི་བླུགས་ཐོགས་ཤིང་ཞལ་ནས་འདི་སྐད་སྨྲས།། ༥༡ །།

74. བློ་དང་ལྡན་པ་ཁྱོད་ཀྱི་རྟོགས་པ་རྒྱ་ཆེན་ཉིད། །
    གཞོན་ནུ་ཁྱེད་ཀྱིས་སླར་སྐྱེ་དེ་ལ་ཉེས་པ་གཟིགས། །
    མཐོ་རིས་ཉིད་དང་ངེས་ལེགས་ཐར་པར་རྣམ་དཔྱོད་ཕྱིར། །
    ཐར་པར་གང་གི་བློ་གྲོས་ཡོད་པ་དེ་ཡིན་ནོ།། ༥༢ །།

75. མཆོད་སྦྱིན་དཀའ་ཐུབ་ངེས་པ་དེ་དང་དེ་རྣམས་ཀྱིས། །
    ཆགས་དང་ལྡན་རྣམས་མཐོ་རིས་ལ་ནི་འགྲོར་འདོད་ལྟར། །
    དགྲ་བོ་བཞིན་དུ་ཆགས་དང་ལྷན་ཅིག་གཡུལ་སྤྲད་ནས། །
    བློ་དང་ལྡན་པ་ཐར་པར་ཡོངས་སུ་འགྲོ་བར་འདོད།། ༥༣ །།

76. དེས་ན་གལ་ཏེ་ཁྱོད་ཀྱི་བློ་གྲོས་འདི་ངེས་ན། །
    སྐྱེན་པར་ཁྱེད་ཉིད་འབིགས་བྱེད་ཕུག་པར་གཤེགས་མཛོད་ཅིག །
    དེ་ན་མཐར་ཐུག་ངེས་པར་ལེགས་པའི་མིག་ཐོབ་པ། །
    ཐུབ་པ་སྒྱུ་རྩལ་ཤེས་ཀྱི་བུ་གང་དེར་གནས་བྱ།། ༥༤ །།

77. དེའི་ཕྱིར་ཁྱོད་ཀྱིས་དེ་ཉིད་ལམ་ནི་ཐོས་འགྱུར་ལ། །
    བསླབ་པར་གྱུར་ན་ཡང་དག་པ་ཡི་ལམ་དུ་འགྱུར། །
    ཇི་ལྟར་བདག་གིས་མཐོང་བའི་བློ་གྲོས་དེ་དེ་ལྟར། །
    དེ་ཉིད་ཀྱིས་ཀྱང་བློ་གྲོས་མཐོང་ནས་གཤེགས་པར་འགྱུར།། ༥༥ །།

78. ༡༣༽ ཀརྡོ་གཉེར་ཕྱག་པ་ནས།
    སྤྱི་ལོ་ ༢༠༡༣ ཟླ་ ༥ ཚེས་ ༩ གི་ཆུ་ཚོད་ ༡༡ སྐར་མ་ ༡༣

    ཤངས་མཐོ་མདངས་གསལ་དང་ལྡན་ཡངས་པའི་སྤྱན་མངའ་བ། །
    ཟངས་མདོག་ཆུ་མཛེས་མཆེ་རྣོ་དཀར་བའི་ཚེམས་དང་ལྡན། །
    ལྗགས་བཟང་སྲབ་ལ་དམར་བའི་ཞལ་དང་ལྡན་པ་འདིས། །
    ཤེས་བྱའི་རྒྱ་མཚོ་མཐའ་དག་འདི་ཉིད་གསུང་བར་འགྱུར།། ༥༦ །།

79. ཁྱོད་ཀྱི་ཟབ་པ་ཉིད་དང་གཏིང་དཔག་དཀའ་བ་དང་། །
    གསལ་བ་ཉིད་དང་མཚན་མ་གང་དག་དེ་རྣམས་གང་། །
    སྔོན་གྱི་བསྐལ་པར་དྲང་སྲོང་གིས་ཀྱང་མ་མཐོང་བའི། །
    ས་འདིར་སློབ་དཔོན་ཁྱེད་ཉིད་ཀྱིས་ནི་མངོན་དུ་མཛད།། ༥༧ །།

80. བསྟི་གནས་བཟང་ལྡན་རྣམས་ཀྱང་དཀའ་ཐུབ་ནགས་དེར་ཞུགས།།
    དེ་ནས་དྲང་སྲོང་སྐྱེ་བོ་རྣམས་ལ་དམ་པ་མཆོག །
    ཅེས་ཏེ་དགའ་བར་མཛད་ནས་མི་བདག་སྲས་པོ་གཤེགས། །
    དེ་རྣམས་ཀྱིས་ཀྱང་དེ་ལའང༌ཚུལ་བཞིན་བསྟོད་ནས་གྱེས། ། ༥༨ །།

    ་་་་་་ (འདིར་ཚིག་རྐང་གཉིས་ཆད་པར་མངོན་སླར་ལེགས་སྦྱར་བོད་འགྱུར་དཔེ་དག་བལྟ་དགོ)་་་་་ ཟེར།

    སངས་རྒྱས་ཀྱི་སྤྱོད་པ་ཞེས་བྱ་བའི་སྙན་དངགས་ཆེན་པོ་ལས། །དཀའ་ཐུབ་ཀྱི་ནགས་སུ་ཞུགས་པའི་ལེའུ་སྟེ་བདུན་པའོ།། །

    འདིར་སྨྲས་པ།
    སངས་རྒྱས་སྤྱོད་པ་ཞེས་པའི་སྙན་དངགས་ཆེན་མོ་ལས། །
    དཀའ་ཐུབ་ནགས་སུ་ཞུགས་པའི་ལེའུ་བདུན་པ་འདི། །
    ལ་དྭགས་མཁས་དབང་འཇམ་དཔལ་ལགས་ཀྱིས་ཁ་བརྡར་དྲངས། །
    ཀརྡོ་ང་ཡིས་འོལ་ཚོད་རང་བཟོ་བྱས་པའི་དགེས། །
    ཁ་བརྡའི་ཚེ་དང་བསྟན་པ་ཡུན་རིང་གནས་ཕྱིར་བསྔོ། །

81. སྙན་དངགས་མཁས་པའི་དབང་པོ་ཀརྡོ་གཉེར་ཕྱག་པ་མཆོག་གིས་བརྩོན་པ་ཆེན་པོས་ཚིགས་བཅད་རྣམས་བཀོད་པར་བཀའ་དྲིན་ཆེ། མ་འོངས་པ་ན་སྙན་དངགས་ཀྱི་གཞུང་འདི་རྩ་བའི་ལེགས་སྦྱར་དང་མཐུན་པར་བཟོ་བ་ལ་་ཕན་ཐོགས་ཆེན་པོར་འགྱུར་ངེས་ལགས། སྔར་བོད་དུ། བཀའ་གདམས་པ་དགེ་བཤེས་ཞིག་གིས་ལེགས་སྦྱར་སྐད་མི་མཁྱེན་ཀྱང་། དེ་དུས་ཀྱི་ལོ་ཙ་པ་ཞིག་གིས་བསྒྱུར་པ་གཟིགས་པ་ན། གཞུང་གི་འགྲོས་དང་བསྟུན་ཏེ། འདི་ལ་འདི་འདྲ་དགོས་གསུངས། དེ་ལ་སྒྲ་སྒྱུར་པ་དེས་རྒྱ་གཞུང་ལ་ཞིབ་ཏུ་དཔྱད་པ་ན། ཇི་ལྟར་གསུངས་པ་ལྟར་ཡོད་པའི་ལོ་རྒྱུས་འདི་ལམ་རིམ་བླ་བརྒྱུད་དུ་༧པཎ་ཆེན་བློ་བཟང་ཡེ་ཤེས་ཀྱིས་བྲིས། ཁྱེད་ཀྱིས་ལེགས་སྦྱར་མཁྱེན་ནམ་མི་མཁྱེན་མ་ཤེས་ཀྱང་། སྤོབས་པ་ཆེན་པོ་ཆེན་པོས་འབད་པ་མཛད་པ་དེ། མིག་དཔེར་འོས་པ་ཞིག་ཏུ་སྣང་སྟེ།
    ་
    ཡོན་ཏན་མ་ལུས་བརྩོན་འགྲུས་རྗེས་འགྲོ་ཞིང་།
    བསོད་ནམས་བློ་གྲོས་ཚོགས་ནི་གཉིས་ཀྱི་རྒྱུ།།
    ་
    ཞེས་གསུངས་པ་ལྟར་རོ།྄ །

82. ལ་དྭགས་པ་བློ་བཟང་འཇམ་དཔལ་ལགས། དཔལ་ལེགས་ལྡན་ནག་པོའི་གླུ་འདི་བོད་སྐད་ལ་བསྒྱུར་དགོས་པ་འདུག དགེ་འདུན་ོས་འཕེལ་ཀྱིས་ལེའུ་ཁ་ཤས་ཤིག་བསྒྱུར་ན་ཡང་ཆ་ཚང་བ་བསྒྱུར་ཐུབ་མི་འདུག འདི་ངོ་མ་གཞུང་རྩ་བ་ཆེན་པོ་ཞིག་ཡིན་པར་ངེས།

83. ༡༽ཤངས་མཐོ་མདངས་གསལ་དང་ལྡན་ཡངས་པའི་སྤྱན་མངའ་བ། །
    ༢༽ཟངས་མདོག་ཆུ་མཛེས་མཆེ་རྣོ་དཀར་བའི་ཚེམས་དང་ལྡན། །
    ༣༽ལྗགས་བཟང་སྲབ་ལ་དམར་བའི་ཞལ་དང་ལྡན་པ་འདིས། །
    ༤༽ཤེས་བྱའི་རྒྱ་མཚོ་མཐའ་དག་འདི་ཉིད་གསུང་བར་འགྱུར།། ༥༦ །།

    ལེགས་སྦྱར་རང་དུ་། རྒྱ་མཚོ་འཐུང་བའི་མིང་ཚིག་རང་གིས་དཔེ་དཔེ་ཅན་དུ་སྦྱར་ཡོད་ན།

    ༤༽ཤེས་བྱའི་རྒྱ་མཚོ་མཐའ་དག་འདི་ཉིད་འཐུང་བར་འགྱུར།། ༥༦ །།

84. ༧༨༽ ཀརྡོ་གཉེར་ཕྱག་པ་ནས།
    སྤྱི་ལོ་ ༢༠༡༣ ཟླ་ ༥ ཚེས་ ༡༠ གི་ཆུ་ཚོད་ ༡༤ སྐར་མ་ ༣༥

    ༡༣༽ ཀརྡོ་གཉེར་ཕྱག་པ་ནས།
    སྤྱི་ལོ་ ༢༠༡༣ ཟླ་ ༥ ཚེས་ ༩ གི་ཆུ་ཚོད་ ༡༡ སྐར་མ་ ༡༣

    ཤངས་མཐོ་མདངས་གསལ་དང་ལྡན་ཡངས་པའི་སྤྱན་མངའ་བ། །
    ཟངས་མདོག་ཆུ་མཛེས་མཆེ་རྣོ་དཀར་བའི་ཚེམས་དང་ལྡན། །
    ལྗགས་བཟང་སྲབ་ལ་དམར་བའི་ཞལ་དང་ལྡན་པ་འདིས། །
    ཤེས་བྱའི་རྒྱ་མཚོ་མཐའ་དག་འདི་ཉིད་གསུང་བར་འགྱུར།། ༥༦ །།
    ཆུ་མཆུ་ལ་ཆོས་པ།
    ཤངས་མཐོ་མདངས་གསལ་དང་ལྡན་ཡངས་པའི་སྤྱན་མངའ་བ། །
    ཟངས་མདོག་མཆུ་མཛེས་མཆེ་རྣོ་དཀར་བའི་ཚེམས་དང་ལྡན། །
    ལྗགས་བཟང་སྲབ་ལ་དམར་བའི་ཞལ་དང་ལྡན་པ་འདིས། །
    ཤེས་བྱའི་རྒྱ་མཚོ་མཐའ་དག་འདི་ཉིད་གསུང་བར་འགྱུར།། ༥༦ །།

85. དཔལ་ལེགས་ལྡན་ནག་པོའི་གླུ་ཨེ། དེ་ག་འདྲ་ཅིག་ཡོད་དམ། སྐད་ཡིག་ལེགས་སྦྱར་གཅིག་པུའི་ནང་ལ་ལུས་པ་ཅིག་ཡིན་ནམ། ལགས།

86. སངས་རྒྱས་ཀྱི་སྤྱོད་པའི་།དཀའ་ཐུབ་ཀྱི་ནགས་སུ་ཞུགས་པའི་ལེའུ་སྟེ་བདུན་པ་དང་། དཔལ་ལེགས་ལྡན་ནག་པོའི་གླུ་གཉིས་ཀྱི་ལེགས་སྦྱར་ཅིག་སུ་རུང་ཅིག་གིས་བྱུང་ན་ངའི་གློག་འཕྲིན་ཁ་བྱང་ kardorime@gmail.com འདིའི་ཐོག ང་ལ་་བསྐུར་རོགས་གནོངས་དང་། ཐུགས་རྗེས་གཟིགས།

87. དགེ་འཇམ་དཔལ་ལགས་ལ་བཀྲིན་ཆེ་ཞུ། ང་ནི་ལས་བྲེལ་དབང་གིས་འདིར་མཉམ་ཞུགས་ཀྱིས་བགྲོ་གླེང་བྱ་རྒྱུ་མ་རག་ཀྱང་མིག་ཟུར་ཡུད་ཙམ་བསྐྱོད་པས་ཚིམ་པ་ལྷག་པར་ཐོབ། རིགས་ལམ་སློབ་ཟུར་རྒན་པ་འདི་ཚོ་འདྲ་ས་མིན་འདུག ཐུགས་རྗེ་ཆེ།
    མཆན་ ༨༡༽ ནང་དགེ་འཇམ་དཔལ་ལགས་ཀྱིས་བཤད་པ་དེ་པ་ཚབ་ལོ་ཙཱ་བ་ཉི་མ་གྲགས་དང་བཀའ་གདམས་པའི་དགེ་བཤེས་ཤར་བ་ཡོན་ཏན་གྲགས་གཉིས་པོའི་ལོ་རྒྱུས་ཀྱི་དུམ་བུ་ཞིག་རེད།

88. སློབ་དཔོན་རྟ་དབྱངས་ཀྱི་རྣམ་ཐར་ནང་ལ། ནང་པའི་དཔེ་མཛོད་ནང་ལ་སྟོན་པས་རང་ཉིད་ལུང་བསྟན་པ་དེ་མཐོང་ཚུལ་དང་། དེ་ནས་ནམ་མཁར་ཕུར་ནས་སློབ་དཔོན་ཨརྱ་དེ་ཝས་རྗེས་དེད་ཀྱིས་མཐར་གནམ་གྱི་སྤུ་གྲི་བསྟན་པ་འདི་ནི། དེ་དུས་ནས་ནང་པས་ཕྱི་ཡི་ཚན་རིག་མཁྱེན་ཚར་འདུག་པ་འདི་ལ། ང་དུས་རྟག་ཏུ་ཡ་མཚན་ཆེ་དྲགས་ནས། ངས་མགོ་སེར་སློབ་མ་ཚོ་ལ་ངོམ་ངོམ་བྱས་ནས་ཡང་ཡང་བཤད་མྱོང་།

89. མངོན་རྒྱན་ལས།
    ལྷ་ཡི་རྒྱལ་པོས་ཆར་འབེབས་ཀྱང་། །
    སྙན་དངགས་ཀྱི་མིང་གི་མངོན་བརྗོད་ནང་ལ། འབྲུག་སྦྲ་ལ་སྤྲིན་སྒྲ་གསུངས་པ་འདི། དངོས་ཡོད་གནས་ཚུལ་དང་མཐུན། སྤྲིན་སྒྲ་ནི། དངོས་མིང་དང་འབྲུག་སྒྲ་ནི་བཏགས་ཡིན་པ་ལ་མགོ་བཟློག་ནས་བེད་སྤྱོད་ད་ལྟའང་བྱེད། འཇིག་རྟེན་གྲགས་ཚོད་ལ་ནུས་པ་ཤིན་ཏུ་ཆེ་པོ་ཡོད་པ་འདིས་ཤེས། ཐལ་འགྱུར་བའི་ལུགས་ཀྱི་ཐ་སྙད་ཙམ་དུ་གྲུབ་པ་དང་འབྲེལ་ཆེ་བའང་རྒྱུ་མཚན་འདི་ལ་ཐུག

90. ཐུན་མོང་མ་ཡིན་པའི་རྒྱན་བཤད་པའི་སྐབས་ཡི་གེ་ལྕི་ཡང་ངམ་འཇམ་རྩུབ་ཀྱི་ཚུལ་དེ་བོད་དུ་དུས་ནམ་ནས་དར།

91. ཨཤྲམ་ཡིས་མི་ཚེ་ལྟ་སྟངས་ལ་ཤུགས་རྐྱེན་ཐེབས་ཚུལ་གླེང་བ།
    རྩོམ་པ་པོ། འབྲོག་རུ་ཆོས་དར།
    http://www.khabdha.org/?p=83749#comment-230081

92. དེ་ནས་དེ་ན་གཉིས་སྐྱེས་ཐལ་བར་ཉལ་བ་ཞིག

    ལུས་པོ་རིང་ལ་སྐྲ་ཅན་ཤིང་ཤུན་གོས་གྱོན་པ།

    ཅུང་ཟད་མིག་དག་དམར་སེར་སྣ་ཁུང་ཕྲ་ལ་རིངས།

    ལག་གཅིག་སྤྱི་བླུགས་ཐོགས་པས་ཚིག་འདི་སྐད་ཅེས་སྨྲས། ༥༡ །།

    [དེ་ནས་གཉིས་སྐྱེས་ཐལ་བ་ལ་ཉལ་ཁ་ཅིག་ནི།

    ལུས་རིང་གཙུག་ཏོར་དང་ལྡན་ཤིང་ཤུན་གོས་གྱོན་ཞིང༌།

    མིག་ནི་ཅུང་ཟད་དམར་སེར་སྣ་ནི་ཕྲ་ལ་རིངས།

    ལག་གཅིག་སྤྱི་བླུགས་ལྡན་པས་ཚིག་འདི་སྨྲས་པའོ།། ༥༡ །།]
    ་
    ༦༽ ཀརྡོ་གཉེར་ཕྱག་པ་ནས།
    སྤྱི་ལོ་ ༢༠༡༣ ཟླ་ ༥ ཚེས་ ༩ གི་ཆུ་ཚོད་ ༨ སྐར་མ་ ༡༩

    དེ་ནས་དེ་རུ་དྲང་སྲོང་ཐལ་བར་ཉལ་བ་ཞིག །
    ལུང་རིང་སྐྲ་བཅིང་གོས་སུ་ཤིང་ཤུན་གོས་གྱོན་ཞིང་། །
    མིག་གཉིས་ཅུང་ཟད་དམར་སེར་ཕྲ་ལ་རིང་བའི་སྣ། །
    ལག་ན་སྤྱི་བླུགས་ཐོགས་ཤིང་ཞལ་ནས་འདི་སྐད་སྨྲས།། ༥༡ །།
    ་
    དེ་ནས་དེ་རུ་དྲང་༼ གཉིས་སྐྱེས་ ༽ སྲོང་ཐལ་བར་ཉལ་བ་ཞིག །
    ལུས་རིང་སྐྲ་བཅིང་གོས་སུ་ཤིང་ཤུན་གོས་གྱོན་ཞིང་། །
    མིག་གཉིས་ཅུང་ཟད་དམར་སེར་ཕྲ་ལ་རིང་བའི་སྣ། །
    ལག་ན་སྤྱི་བླུགས་ཐོགས་ཤིང་ཞལ་ནས་འདི་སྐད་སྨྲས།། ༥༡ །།

93. འགྱུར་བདེ་མིན་ལ་མ་ལྟོས་པར་འདིའི་ཐད་སྐུ་ཚེགས་གནང་བ་ལ་བཀའ་དྲིན་ཆེ།
    རྒྱ་གར་ན་ད་དུང་ང་ཚོའི་སྐད་དུ་བསྒྱུར་དགོས་པ་མང་དག་ཅིག་འདུག་པས། ཉུང་ཙམ་རེ་བསྒྱུར་མཁན་དག་ལའང་ཁོ་བོས་སེམས་གཏིང་ནས་དགའ་གུས་ཞུ་བཞིན་ཡོད།

94. ང་ཚོའི་སྐད་དུ་བསྒྱུར་དགོས་པ་དཔེ་ཐུང་འདྲ་ཡོད་ན། གཤམ་འཁོད་གློག་འཕྲིན་ཐོག་ངོ་སྤྲོད་གནང་ན། ཚོད་ལྟ་བྱ་འདོད་ཡོད། kardorime@gmail.com