མི་གསོན་པོ།
——-ཆོས་རྒྱམ་དྲུང་པའི་དེབ་ལ་བལྟས་རྗེས་བྲིས།
རྐང་སྣེ་རྡོག་སོ་ནུབ་གླིང་རྒྱ་མཚོར་གྱར།།
གོམ་སྟབས་འཁྱོལ་པོས་གཞན་གྱི་རྐང་རྗེས་བཏུས།།
བསམ་གཞིག་སྟོང་གིས་ཟིན་པའི་མལ་ས་ནས།།
ཆོས་རྒྱམ་དྲུང་པའི་མཛད་རྗེས་འདི་སྐད་ཐོས།།
བདེ་སྟོང་ཟུང་དུ་འཇུག་པའི་རྒྱལ་ཐབས་ལས།།
སྙིང་རྗེ་སྲོག་གི་གཞན་དབང་གྱུར་པའི་ཞགས།།
སྲིད་པའི་གྲོང་དུ་ཕྱི་མིག་འཕངས་པའི་ཚེ།།
གསེར་ལྡན་ཆུ་བོའི་འགྲམ་དུ་ལང་ཚོ་བཞད།།
ཚུར་མཐོང་མིག་ལས་འདས་པའི་ངོ་མཚར་འཕྲུལ།།
དུས་གསུམ་རྗེན་པར་ཟློ་བའི་རྡོ་རྗེའི་ཚིག །
གང་གི་སྤྱི་བོར་སྨིན་པའི་བཀའ་ལུང་དེས།།
གོག་པོ་འགྲོས་ཀྱང་གསེར་ཁྲི་སྟེང་དུ་ལྷུངས།།
བགྲང་བྱའི་ན་ཚོད་གསར་པའི་དུས་ཀྱི་ཚེ།།
ཕྱག་རྫོགས་དགའ་མར་འཁྱུད་པའི་དགའ་སྟོན་ཉིད།།
བདེ་ཆེན་སྙིང་གི་ཐིག་ལེར་རོལ་བའི་དཔྱིད།།
རྟོགས་པ་ནང་ནས་བརྡོལ་བའི་ཟིན་ཐོ་བཀོད།།
ངན་སེམས་སྦྲུལ་གྱིས་འཁྱུད་པའི་གྲོགས་ཀྱི་གཤིས།།
འདོད་ཞེན་ཨ་ལོང་བརྩེགས་པའི་དོ་ར་ནས།
གཡོ་སྒྱུ་དགའ་མས་དབྱུང་པའི་གཏན་ཚིགས་ཀྱིས།།
ཁེར་རྐྱང་སྐྱོ་གླུ་རིང་མོ་སྙིང་དུ་བྲིས།།
རིན་ཆེན་དང་པོའི་ཐག་རྒྱ་ཁྲེགས་སེ་བཅད།།
ལྕགས་ནག་འདོམ་དགུའི་འཆིང་སྒྲོགས་ཆིལ་གྱིས་གཏོར།།
བདེན་ཞེན་འཆིང་ཐག་དོར་བའི་རྗེས་ཤུལ་ནས།།
ཡོད་ཚད་རང་དབང་བདེན་པའི་དཔང་རྟགས་རྙེད།།
རིགས་ལྡན་རྒྱུན་ཐགས་སྦྲེལ་བའི་ངོ་མཚར་གཏམ།།
ཤམ་བྷ་ལ་ཡི་རི་ནས་ཆས་སོ་སྐད།།
གླིང་ལྔའི་ཁྱོན་དུ་ཁྱབ་པའི་མཛད་འཕྲིན་གྱིས།།
བྱང་ཕྱོགས་ཁ་བའི་རི་བོ་གྱེན་དུ་བཏེགས།།
འཁོར་འདས་རིས་སུ་བཅད་པའི་དོ་རྭ་ནས།།
གང་ཤར་གྲོགས་སུ་ཁྱེར་བའི་རྟུལ་ཞུགས་འགྲོས།།
གཏད་མེད་གཅེར་བུ་རྒྱུ་བའི་རུ་ཤན་གྱིས།།
སྣང་བ་ཆུ་རུ་བྲིས་པའི་རྗེས་ཤུལ་དེད།།
མྱོས་བྱེད་ཟེགས་མ་འཐུང་བའི་ཚོམ་བུ་རུ།།
རེ་དོགས་ཤུན་པ་དོར་བའི་བརྡ་ཐབས་སུ།།
ཚུལ་འཆོས་གཡོ་སྒྱུ་དབྲལ་བའི་སྟངས་སྟབས་ཀྱིས།།
སྟོང་གཟུགས་བདེ་ཆེན་རོལ་མོ་དལ་གྱིས་དཀྲོལ།།
འཁྲུལ་སྣང་ཨ་འཐས་རྒྱུ་བའི་འཁོར་བའི་གྲོང་།།
རྩེད་དགའི་དཔྱིད་ལ་རོལ་བའི་བདེ་ཆེན་གར།།
གསང་གསུམ་རྒྱ་རུ་སྤྲོས་པའི་ཨེ་ཝམ་འགྲོས།།
ཡིད་ཀྱི་ཏིང་འཛིན་སྦར་བའི་གྲོགས་སུ་སྒྲོན།།
དྲན་རྟོག་འགྱུ་བག་རྒོད་པའི་ཚོར་སྣང་གསེབ།།
རང་རིག་སྒྲེན་མོར་རྒྱུ་བའི་འཇོ་སྒེག་ཉམས།།
བྱིང་རྒོད་ཡོལ་རས་བསལ་བའི་རྗེན་པའི་གཤིས།།
ཤེས་རབ་སྨྱོན་པའི་བརྟུལ་ཞུགས་དང་དུ་བླངས།།
ཧཧ།སྙིང་རྗེ་ཆོས་རྒྱལ་དྲུང་པའི་མིང་ཙམ་བྲིས་ཤེས་མི་གདའ་མོད།ད་དུང་ཁ་པོ་སྒྲོག་ཁུལ་བྱེད།
ཧ་ཧ་གྲོགས་པོ་ལ་སྟོད་པ་ལགས། དྲུང་པའི་མཚན་ལ་ཆོས་རྒྱལ་དྲུང་པ་ཟེར་ནས་ཞུ་བ་མ་རེད། ཁོང་གི་མཚན་ཆ་ཚང་ལ་དྲུང་ཆེན་ཆོས་ཀྱི་རྒྱ་མཚོ་ཞེས་པ་དེ་ཉིད་བསྡུས་མིང་ཆོས་རྒྱམ་དྲུང་པ་ཞེས་བརྗོད་པ་རེད། ཁོང་གི་རྣམ་ཐར་ལ་གཟིགས་དང་ཧ་གོ་ངེས། མ་བརྟག་འུར་གཏམ་ཁོ་ནས་གཞན་ལ་གཅིག་བཤད་རྒྱུ་རྙེད་ཐབས་བྱེད་པ་ནི་རང་མཚང་འདོན་པ་ཙམ་ལས་གཞན་ཅི་ཡོད།
དྲུང་པ་རིན་པོ་ཆེའི་ཡང་སྲིད་ངོས་འཛིན་ཐུབ་མེད་པ་ཡིན་ནམ། གོ་རྒྱུ་ཚོར་རྒྱུ་གང་ཡང་མི་འདུག་པས་་་་་
དྲུང་པ་རིན་པོ་ཆེའི་ཡང་སྲིད་ངོས་འཛིན་བྱས་ཟིན། ཁོང་ད་ལྟར་བོད་ནང་དུ་བཞུགས་འདུག
ཤེས་རབ་སྨྱོན་པ་མ་རེད། རིག་པ་སྨྱོན་པ་ལབ་དགོས་རེད།
རྒན་ལ་དྭགས་སོགས་གཙོ་བྱས་ཏེ་དྲྭ་འབུ་ཁ་ཅིག་གིས་གཞན་ལ་སྐྱོན་བརྗོད་ཁོ་ན་བྱས་ནས་དུས་ཚོད་བསྐྱལ་བཞིན་པར་མ་ཟད་རང་ཉིད་ལ་ཡིག་ནོར་གྱིས་བཀངས་ཡོད་པར་ངོས་འཛིན་བྱེད་ཤེས་ཀྱི་མེད་པ་ངོ་རེ་གནོང་།།
ཧ་ཧ་་རྒན་ལ་དྭགས་པས་ཡིག་ནོར་ཟེར་་་་
ཤེས་རབ་སྨྱོན་པ་ཡིན་གྱི་མ་རེད། ངས་དེ་སྔོན་ crazy wisdom ལ་ཡེ་ཤེས་འཆོལ་བ་འཁོད་པ་ཞིག་མཐོང་བྱུང། །
ཡེ་ཤེས་འཆོལ་བ་ལབ་ན་ཏག་ཏག་ཅིག་བསྡད་ཡོད་མ་རེད། རིག་པ་འཆོལ་བའམ་རིག་པ་སྨྱོན་པ་ལབ་ན་འགྲིག་གི་རེད།
བོད་སྐད་དུ། ཡེ་ཤེས་འཆལ་བའི་ཐ་སྙད་མེད་ཀྱང་། ཤེས་རབ་འཆལ་བའི་ཐ་སྙད་ཡོད། དེས་ན། ཡེ་འཆལ་མིན་པར། ཤེས་འཆལ་ཞེས་བསྒྱུར་དགོས་སྙམ་མོ།།
ཀ་རྡོ་ལགས། crazy wisdomལ་ཤེས་རབ་འཆལ་བ་ཞེས་བསྒྱུར་ན་མི་བདེ་བ་འདུག
རྒྱུ་མཚན་ནི།
༡ དབྱིན་ཡིག་གི་ནང་དོན་དེ་ལ་ངན་ཕྱོགས་ཀྱི་གོ་བ་ལྟ་ཅི། དེ་ལ་ངེས་དོན་གྱི་དགོས་པ་ཡོད་པའི་བརྡ་གཅིག་ཡིན་སྟབས། ཚིག་དེའི་དོན་འགྱུར་ཉེ་ཤོས་ནི་རྟུལ་ཞུགས་ཀྱི་རྣལ་འབྱོར་ལྟ་བུའོ།
རྟུལ་ཞུགས་ཀྱི་སྤྱོད་པའི་རྣལ་འབྱོར་བ་ཞེས་བཀའ་བརྒྱུད་ཀྱི་གྲུབ་ཐོབ་འབྲུག་པ་ཀུན་ལེགས་དང་གཙང་སྨྱོན་སོགས་ནས་དར་བའི་གྲུབ་ཐོབ་ཀྱི་ཉམས་ལེན་དེ་ལ་དབྱིན་ཡིག་ལ་Crazy Wisdom ཞེས་བསྒྱུར་འདུག
དྲུང་པས་སློབ་མ་ལ། སྤྱོད་པ་ཕྱི་གསལ་ནང་གསལ་བྱེད་པ་འདི་ཆོས་ཉམས་ལེན་པའི་ཐེམ་སྐས་ཡིན་ཞེས་རྒྱུན་པར་བཤད་འདུག ཁོང་ལྟར་ན། སྤྱོད་པ་ཕྱི་ནང་མེད་པའི་རང་བཞིན་དག་པ་དེའི་སྟོབས་ཀྱིས་ནང་རྟོག་པ་འཕེལ་བའི་གྲོགས་སུ་གྱུར་སྟབས། དེ་ལ་རྟུལ་ཞུགས་ཀྱི་རྣལ་འབྱོར་ཞེས་བཤད་དོ།