ལོ་མ་རྒྱལ།
སྦྲང་མའི་རྭ་ཅོ་མཉེན་མོ་དེ།།
ལྷམ་ལྷམ་གཡོ་བཞིན་རང་ལམ་འཚོལ།།
རྐང་ལག་ཕན་ཚུན་བརྡར་བརྡར་ཡིས།།
བར་སྣང་དབྱིངས་སུ་འཕུར་བར་བརྩམ།།
ས་ལ་ཡངས་བའི་ནམ་མཁའ་འདེབས།།
སྦུག་གུ་ནང་གི་ཆུ་ཐིགས་མཛེས།།
ས་ལ་སྒྲ་བཅས་ཐིགས་ཀྱིན་འདུག །
ཁང་བྱི་སྦུག་གུའི་ཐོག་ཏུ་བབས།།
ཐིགས་པས་དཀྲོལ་བའི་གཞས་ལ་གསན།།
ས་ལ་ཡེ་ཡི་གླུ་དབྱངས་འདེབས།།
ནགས་བྱི་རྔ་མ་ཀེར་རེར་རྒྱུགས།།
རྩྭ་ཡི་གསེབ་ནས་ཤིང་ལ་འཛེགས།
རྩེ་མོར་བསྙེགས་ཏེ་རྔ་མ་གཡུགས།།
རྣམ་རིག་རྒོད་པ་གློག་དང་འདྲ།།
ས་ལ་ནགས་བྱིའི་རྩེད་འཇོ་འདེབས།།
འདབ་མ་ལ་ལ་ས་ལ་བབས།།
ལོ་མ་ལ་ལ་ཆུ་ན་འབབ།།
དེ་ཡང་སྙན་པའི་སྒྲ་དབྱངས་བཞིན།།
ལྡུམ་རའི་ཁྲོད་ན་ཧ་ཅང་མཛེས།།
ས་ལ་རྒུད་པའི་མཛེས་བ་འདེབས།།
ལྗོན་པའི་ཤུན་པ་ཛ་འཛོར་མང་།།
རེག་བྱ་ཀུན་ལ་ཧ་ཅང་རྩུབ།།
ལྗོན་པའི་ལྟེ་བའི་སྙིང་བོ་དེ།།
མིག་ལྡན་སུ་ཡིས་མཐོང་སོང་ངམ།།
ས་ལ་ལྗོན་པའི་སྙིང་བོ་འདེབས།།
མིང་ནི་ཅི་ཡིན་མི་ཤེས་བའི།།
བྱི་འུ་སྡོང་བའི་རྩེ་ནས་གྲགས།།
ཕུག་རོམ་མཁའ་ལ་སྤུར་བ་དང་།།
འདུ་ཁང་ཐོག་གི་དུང་སྒྲ་འདྲ།།
ས་ལ་བྱ་ཡི་འབོད་སྒྲ་འདེབས།།