སྤྱན་ཆབ།
༡༽
ལོ་སར། ཁྱོད་ཀྱི་སེམས་པས་ཀྱང་ཚོར་ཡོད་སྲིད།
བྱིས་པ་ཚོས་རྨི་ལམ་ནས་ཉིན་མོ་མཛུབ་རྩིས་བརྒྱབ་མྱོང་བའི་ལོ་སར།
ན་ཟུག་གིས་འགྱོད་གདུང་དག་མིག་སྔ་རུ་བསྐྱལ་ཡོང་བའི་ལོ་སར།
༢༽
ལོ་སར་གྱིས་ས་རྡུལ་གྱིས་མིག་ཟུང་བཀབ་པའི་སྣང་བ་ཞིག་སྟེར་ངེས།
ལོ་སར་གྱིས་མིག་ཟུང་དུ་མེ་སྟག་འཚེར་བའི་ཞེ་སྡང་ཞིག་སྤྲོད་ངེས།
༣༽
འགྱོད་གདུང་རུམ་གང་བོ་འདི་ལོ་སར་ལ་གང་དུ་ཕྱོ་དགོས།
མྱ་ངན་གྱི་ནམ་མཁའ་ནག་པོ་འདི་ལོ་སར་ལ་ཇི་ལྟར་བཀྲུ་ཨང་།
ཁ་བ་མེད་ལ་ཉི་ཟླའང་མེད་པའི་དགུན་འཁྱགས་ཚ་གདུང་ཅན་འདི།
སེམས་དང་རྐང་ལག་གི་ཕྱི་ཤིན་ཚིག་པའི་དགུན་འཁྱག་ཚ་གདུང་ཅན་འདི།
ལོ་སར་རྒད་པོས་མཆི་མས་ཅི་ལྟར་འདེད་དམ།
རྣམ་ཤེས་དེ་དག་གིས་ཀྱང་གང་དུ་གཏང་ཨང་།
༤༽
སྙིང་དང་གློ་བ་འགུལ་སྟངས་ཀྱིས་ཤ་རུས་ལ་ཅི་ཞིག་བསྙད་དམ།
ཁྲག་དང་རྐང་མར་རྒྱུ་སྟངས་ཀྱིས་ངོ་གདོང་ལ་ཅི་ཞིག་བྱུག་གམ།
༥༽
རྫ་རི་དང་རྫ་རི་འདྲ་བའི་ནག་ཡོར་ཡོར་གྱི་ཐོ་ཡོར་དེ་དག
མེ་རི་དང་མེ་རི་འདྲ་བའི་དམར་ལྷང་ལྷང་སེམས་ཁམས་དེ་དག
མིག་སྐྱིབས་བཙན་གྱིས་བཀབ་ནའང་མཐོང་ཡོང་བས།
ཡིད་སེམས་ནན་གྱིས་མནན་ནའང་དྲན་ཡོང་བས།
ལོ་སར་གྱིས་ལོ་སར་ཟ་མི་ཐུབ་ལ་གཤོག་པ་རྡེབ་པའི་མགྲོན་པོའང་ཡོད་མི་སྲིད།
༦༽
སྐྱ་མི་སྐོར་ཚོགས་དང་སྐོར་ཚོགས་བྱས་བག་མ་བསུ་མི་ཆོག
རྟ་ཕོའི་བང་རྩལ་དང་གོམ་ལག་བར་ནས་མག་པ་བསྐྱལ་མི་ཆོག
མགོ་བོ་གླག་གིས་ཁྱེར་ཤུལ་ནས་མཇིང་བ་ར་མདར་མ་སོང་ཡང་།
སྐྱིད་ཟས་སྐྱིད་ཆུ་འཐུང་ཞིང་ལོ་སར་ལ་གློ་ཉལ་བྱས་ནས་བསྡད་མི་ཆོག
༧༽
??? ??? ??? ??? ??? ???