བྱང་སྐར་གྱིས་བསྒྱུར།
པའེ་ཡུའེ་ཡིས་སྒྲིག་སྒྱུར་བྱས།
ཝེ་སི་ཀྲ་མིན་སི་ཀྲེར་ཆོས་ཁང[1]གི་ས་འོག་ཁང་པ་རུ། དབྱིན་ཇིའི་རྒྱལ་ཆོས་ཀྱི་ཆོས་གཙོ[2]ཞིག་གི་དུར་བྱང་ལ་གཤམ་གསལ་གྱི་ཚིག་དག་བརྐོས་འདུག
ང་ནི་ལོ་ན་གཞོན་ཞིང་ཡོད་ཚད་རང་དབང་ལ་ཡོད་དུས། ངའི་ཡིད་བྱེད་ལ་ཐོགས་རེག་མེད་པས། ས་འཛམ་བུ་གླིང་འདི་ངས་ལེགས་ལམ་དུ་བཀྲི་དགོས་སྙམ་དུ་བསམས།
ང་ནི་ན་སོ་དར་ལ་བབས་ཏེ་བློ་རིག་ལ་ཤེད་ཕྱེ་འོངས་དུས། འཛམ་བུ་གླིང་ལེགས་ལམ་དུ་བཀྲི་མི་ཐུབ་པ་ངས་ཧ་གོ་སོང་། དེར་རང་གི་འདུན་མ་ཅུང་ཆུང་དུ་བཏང་ནས། སོ་སོའི་རྒྱལ་ཁབ་ཙམ་ལེགས་ལམ་དུ་བཀྲི་བས་ཀྱང་འཐུས་སྙམ།
ཡིན་ན་ཡང་ངའི་རྒྱལ་ཁབ་ཀྱང་ངས་ལེགས་ལམ་དུ་བཀྲི་ཐུབ་པ་ཞིག་མིན་པ་འདྲ།
ང་ནི་རྒ་བའི་ཁུར་གྱིས་ནོན་ཞིང་མཐའ་མཇུག་གི་རེ་འབྲས་ཤིག་ཡིད་ལ་བརྣགས་ཏེ། རང་གི་ཁྱིམ་ཚང་དང་ནང་མི་ཚོ་ལེགས་ལམ་དུ་བཀྲི་བར་བརྩམས་པ་ན། ཀྱི་ཧུད། ཁོ་ཚོ་སུ་གཅིག་གིས་ཀྱང་ངའི་ཁ་ལ་མི་ཉན།
ད་ལྟར་འཆི་དོང་ཁར་ལག་པ་བཞག་འདུག་པའི་སྐབས་སུ་ངས་གནས་ལུགས་ཤིག་གཞི་ནས་ རྟོགས་སོང། གལ་ཏེ་དང་ཐོག་ངས་རང་ཉིད་ལེགས་ལམ་དུ་བཀྲིས་པ་ཡིན་ན། དེའི་མཇུག་ཐོགས་སུ་ངས་རང་གི་ནང་མི་ལེགས་ལམ་དུ་བཀྲིས་ཆོག་ལ། དེ་ནས་ཁོ་པ་ཚོའི་སྐུལ་ལྕག་དང་རོགས་རམ་ལ་བརྟེན་ནས། ངས་རང་གི་རྒྱལ་ཁབ་ལེགས་ལམ་དུ་བཀྲི་ཐུབ་ལས་ཆེ། དེ་ལྟར་འཇུག་ལྡོག་ནོར་མེད་ཚེ། གཅིག་བྱས་ན། མཐར་ཐུག་ངས་འཛམ་བུ་གླིང་འདིའང་ལེགས་ལམ་དུ་བཀྲི་ཐུབ་ཀྱང་ཐང་ཨང།
དུས་དེབ《读者》ཡི2005ལོའི་འདོན་ཐེངས་གསུམ་པ་ལས་བདམས་ཏེ་བསྒྱུར།
བྱིས་དུས་ནས་གནས་ལུགས་རྟོགས་མཁན་དཀོན་ན་ཡང། དར་མའི་དུས་དང་རྒས་པའི་དུས་སུ་གནས་ལུགས་གང་མང་རེ་ཚོར་ཐུབ་མཁན་མང། ཁྱེད་རང་ཡང་་དུར་དོང་གི་ཁ་ནས་རྟོགས་པ་བརྙེས་པ་འདི་རྦད་དེ་འཕྱིས་དྲགས་པ་ཞིག་མིན།
ཆེས་ཚབས་ཆེ་བ་ནི་བྱིས་དུས་ཀྱི་མི་ཡ་རབས་དག དར་མ་དང་རྒས་པའི་དུས་སུ་མ་རབས་སུ་གྱུར་ཏེ་ཐ་མར་དུར་དོང་ནང་ནས་འདྲེར་སྐྱེ་བ་དག་གོ