རྫ་སྐྱེས་ཕུར་བ།
དེ་རིང་ནས་ངེད༼རྫ་ཆུའི་རླབས་སྒྲ༽འི་དྲ་བ་དངོས་སུ་ཤར་གཏོང་བྱས་ཡོད། ཀློག་པ་པོ་རྣམ་པས་རྩིང་ཀློག་དང་ཞིབ་ཀློག་ཅི་ཁོམ་གྱིས་དོ་སྣང་གནང་རོགས་ཞུས་ཡོད། ད་ལྟའི་བོད་དྲའི་སྒང་གི་ཀློག་པ་པོའི་བརྒྱ་ཆའི་བརྒྱད་ཅུ་ཡན་ནི། ལག་འཕྲིན་ནང་སྟབས་བདེའི་དྲ་འཇུག་བྱེད་མཁན་རྐྱང་ཡིན་སྟབས། ངེད་དྲ་བའི་མ་ལག་གི་འཆར་གཞིའི་བཟོ་བཀོད་དེ་ལག་འཕྲིན་ཅན་གྱི་འཆར་ངོས་ཚད་གཞི་དང་བསྒྲིགས་ཡོད། འཆར་འགོད་དང་མཛེས་བཟོའི་ཐད་ནས་ཀྱང་སྐྱུག་མེར་བའི་ལད་ཟློས་ཀྱི་ཆ་དག་གང་ནུས་ཀྱིས་བསལ་ཏེ། དྲ་བའི་རྩིག་ངོས་དང་བཟོ་རྩལ་གསར་བར་བསྟུན་ཡོད།
དྲ་བའི་དུས་ཡུན་དང་བརྟན་བརླིང་གཙོ་བོར་དམིགས་སུ་བཟུང་སྟེ་ནང་ཁུལ་གྱི་ཆབ་སྲིད་དང་དངོས་སུ་འགལ་བའི་རྩོམ་ཡིག་འགོད་ཀྱི་མིན། དེ་མིན་རྩོམ་ལུས་ཀྱི་ཕྱོགས་རིས་ཤན་འགྱེད་དང་། གསར་རྙིང་གི་གང་གི་དབྱེ་བ་མེད་པར་རྩོམ་ཡིག་སྤུས་ཚད་ལོང་བ་གང་མང་ཞིག་འདི་རུ་དགོད་རྒྱུ་ཡིན།
དྲ་བའི་རིག་གནས་དང་བརྡ་འཕྲིན་གྱི་ཁྱབ་ཚད་ཉིན་ནས་ཉིན་རེར་འཕེལ་ཏེ་ཚ་རླབས་ལྟ་བུ་ཞིག་འཕྱུར་འོང་པའི་དུས་འདིར། རང་ཡིག་རང་སྐད་སྦོ་ལུག་མ་འདི་ཡི་སྟེང་དུ་རྔམ་ཟུར་དང་དབང་ཤུགས་ཀྱི་སྐམ་པས་བཅུམས་ཤིང་། ཐོ་བས་བཅོམ་པའི་ཚུལ་དེ་མཐོང་མི་བཟོད་པའི་འཇིགས་པ་ངོ་ནག་མ་དེ་ལ་གདོང་གཏད་དེ་བསྐྱོད་དགོས་སྙམ་པའི་སེམས་འཕང་དབལ་ཚ་བ་ཞིག་ཡོད་པ་འོ་སྐོལ་ཚང་མ་འདྲ་མཚུངས་ཡིན་ཙང་། ཕ་སྐད་རྩོམ་རིག་གི་འཕྲིན་ལས་དར་ཞིང་རྒྱས་པའི་དཔུང་རོགས་ཤིག་ཡོང་ན་སྙམ་པ་ཡང་ངེད་དྲ་བའི་སེམས་བསྐྱེད་དོ།།
ངེད་དྲ་བར་རྩོམ་བསྐུར་ཡུལ།
ཡིག་ཟམ། phurwachetan@yahoo.in
གླེང་མོལ། 1182428948
དྲ་འཇུག་གནས། http://sunzachu.gotoip1.com/bo/