རྨ་ལྷོ་དགེ་ཐོན་སློབ་གྲྭའི་རྒྱབ་འདྲེ།

Comments (11) on “རྨ་ལྷོ་དགེ་ཐོན་སློབ་གྲྭའི་རྒྱབ་འདྲེ།”

1. མདའ་ཚན་པ་ལགས། ཁྱེད་ཀྱིས་བཀོད་པའི་གསར་འགྱུར་ནི་ང་ལ་མཚོན་ན་ཡིད་མི་སྤྲོ་བའི་གསར་འགྱུར་ཞིག་རེད། ཁྱེད་ཀྱིས་གསལ་བཤད་ཀྱི་ཚུལ་དུ་བཀོད་པ་རྣམས་ནི་ངོ་མ་རྒྱ་ནག་གཞུང་གིས་ཁ་བ་གངས་ཅན་པ་རྣམས་འཐོར་བཤིག་ཏུ་གཏོང་བ་ལ་ཐབས་བྱུས་སྣ་མང་བཀོལ་བ་དེ་མཚོན་འདུག་སྙམ། ཁྱེད་ཀྱིས་མུ་མཐུད་ནས་གསལ་བཤད་འདི་འདྲ་གནང་ན་དགའ་བ་ཆེན་པོས་ཀློག་གི་ཡིན།
   ངེད་ཀྱི་སེམས་ནང་བོད་ཡུལ་གྱི་མི་སྡེ་འདི་དག་ལ་དབྱེ་ཞིབ་མང་པོ་བྱེད་རྒྱུ་བསྡད་འདུག་སྙམ། ཧོར་ཞེས་པའི་ཐ་སྙད་འདི་གཅིག་པུ་ཐོག་ནས་མདོ་དབུས་ཁམས་གསུམ་དུ་དབྱེ་ཞིབ་ཅིག་བྱེད་རྒྱུ་བསྡད་ཡོད་སྙམ། རེབ་གོང་ལ་མཚོན་ན་ཁྲི་སྡེ་གསུམ་ཞེས་བཤད་སྲོལ་ཡོད་པ་དེ་འདི་ལྟར། སྦ་རོག་རོག་ཅན་གྱི་ཁྲི་སྡེ། ཁང་སྐྱ་ལེབ་ཅན་གྱི་ཁྲི་སྡེ། གུར་དཀར་དཀར་ཅན་གྱི་ཁྲི་སྡེ། ཞེས་བཤད་ཡོང་། གུར་དཀར་དཀར་ཅན་གྱི་ཁྲི་སྡེ་ཞེས་པ་འདི་གང་རེད། དེ་བཞིན་ཧོར་དང་ཧོར་ནག་ཅེས་པའི་གྲོང་སྡེ་འདི་ཚོ་གང་རེད། དེ་བཞིན་ཡར་དེད་ན་མིའུ་གདུང་དྲུག་ཟེར་བ་དང་དེ་བཞིན་སྲོང་བཙན་སྐབས་ཀྱི་རྒྱལ་ཕྲན་དེ་ཚོ། འདི་ཚོ་ཚང་མ་ལ་རིགས་འབྱེད་རྒྱུ་ཡོད་པ་རེད་སྙམ། རིགས་གང་ཞིག་ནས་ཕྱེས་ཀྱང་སོག་པོ་རེད་ཅེས་པའི་ཐ་སྙད་འདི་འདྲ་ནི་ཅུང་བཙན་དྲགས་པ་རེད་སྙམ།

2. འདི་རིགས་མི་འབྱུང་རྒྱུ་དཀོན་པོ་རེད། ཁྱེད་ཀྱིས་འདི་གླེང་སྐབས་བོད་དུ་དུས་འགྱུར་བྱུུང་སྐབས་སྡེ་པ་གཞུང་ལ་དགའ་མཁན་དང་བཀྲས་ལྷུན་བླ་བྲང་ལ་དགའ་མཁན་ཕྱོགས་གཉིས་པོའི་མི་སྣ་རྨམས་མཉམ་དུ་གུང་ཁྲན་ཏང་གིས་བཙོན་འཇུག་བྱས་སྐབས་ཁོང་ཚོས་བཙོན་ཁང་ནང་དུ་གཞུང་དང་བླ་བྲང་གཉིས་པོའི་བཟང་ངན་བརྩད་ནས་སྡོད་ཀྱི་ཡོད་ཚུལ་དེ་དྲན་པ་སོས་བྱུང༌། ཇིང་གིར་གྱི་རྒྱུད་པ་དང་སྲོང་བཙན་གྱི་རྒྱུད་པ་ཞེས་པའི་ཆེ་ཆེ་གཉན་གཉན་དེ་ཚོ་དེ་རིང་རྒྱ་མིའི་ལག་འོག་གི་སྲིན་བུ་ཆུང་ཆུང་རེར་གྱུར་ཡོད་སྟབས་ཁྱོད་ཆེ་ང་བཙན་གླེང་ན་ངོ་མི་ཚ་འམ། སྐྱོན་ཡོད་ཚད་ཚང་མ་རྒྱ་གུང་ཁྲན་གྱི་མགོར་བཀལ་ན་ག་ལ་འགྲིགས། ཁྱེད་རང་གིས་བཤད་པའི་སྦིར་སློབ་གྲྭའི་འཁྲུགས་པ་དེ་ལྟ་བུ་རྒྱ་ནག་གིས་མི་རིགས་དབྱེ་འབྱེད་བཅད་གཏུབ་མ་བྱས་པའི་ཁོར་ཡུག་གི་བོད་རང་གི་ནང་ལ་ཡང་ཡོང་གི་ཡོད། འོ་ན་མདོ་སྟོད་དང་མདོ་སྨད་ཅེས་དབྱེ་ནས་འགེངས་ཤོག་ཚུན་བཟོ་མཁན་ད་ལྟའི་བཙལ་བྱོལ་བོད་གཞུང་ཡིན་པས་དེས་མ་འགྲིགས་པ་རེད་ཅེས་ཤོད་རྒྱུ་ཡིན་ནམ། མཚོ་སྔོན་རྒྱུད་ལ་སོག་པོ་མང་པོ་ཡོད་ཚུལ་བོད་རང་གི་ལོ་རྒྱུས་སུ་ཡང་བྲིས་པ་མང་བས་འདི་ཚོ་སོག་པོར་བརྩིས་པ་ནི་རྒྱ་ནག་གུང་ཁྲན་གྱིས་གཡོ་སྒྱུས་བཟོས་པར་ཤོད་ག་ལ་ནུས། མི་རིགས་ཆེ་ཆུང་གང་ཡིན་དང་ས་ཆ་གང་ན་གནས་ཀྱང་གཅིག་ཁོངས་སུ་གཅིག་ཐིམས་མི་འཇུག་པ་དེ་སྲིད་ཅུས་ལེགས་པོ་ཞིག་ཏུ་མཐོང༌།

3. མདོ་སྟོད་མདོ་སྨད་དབུས་གཙང་ཞེས་དང་དགེ་ལུགས། རྙིང་མ་སོགས་འགེངས་ཤོག་དགང་དགོས་པ་དེ་ཚོ་ནུབ་ཕྱོགས་ཀྱི་རྒྱལ་ཁབ་ཅིག་ལ་མཚོན་ན་མི་རིགས་དབྱེ་འབྱེད་དང་གྲུབ་མཐའ་དབྱེ་འབྱེད་ལོས་ཀྱང་ཡིན། དེ་ཚོའི་སྐོར་ངས་སྔོན་མ་ཞིག་ནས་བསམ་བློ་བཏང་བ་ཡིན། དེ་ཡག་པོ་མཐོང་མ་སོང་། ངས་གྲོགས་པོ་དེ་ཚོ་མཉམ་ཁ་བརྡ་བྱེད་སྐབས་ཡང་ཡང་ཤོད་ཀྱི་ཡོད། རྗེས་མ་ང་ཚོར་རང་དབང་ཐོབ་སྐབས་ཆོལ་ཁ་གསུམ་དུ་དབྱེ་བ་བྱ་རྒྱུ་མི་འདུག་ཅེས་ཡང་ཡང་ཤོད་མྱོང་། དེའི་སྐབས་ནང་གསེས་ཀྱི་ས་ཁོངས་མང་ཞིག་ཏུ་དབྱེ་ན་འོས་པོ་འདུག སྤྱིར་བཏང་ས་ཁོངས་ཆུང་ངུ་ཞིག་ཏུ་དབྱེ་ནའང་དེ་ལ་ཕྱོགས་རིས་ཀྱི་བསམ་བློ་ཡོང་རྒྱུ་ཡིན་པ་རེད། ཡིན་ནའང་དེ་ལ་ཁྱད་པར་ཞིག་འདུག
   བོད་ནང་ལ་མཚོན་ན། ཆོལ་ཁ་གསུམ་ལ་དབྱེ་མཚམས་གསལ་པོ་ད་བར་ཡོད་པ་མ་རེད། དེ་ལ་བརྟེན་ནས་ཆོལ་ཁའི་རྙོག་དྲ་དེ་རྩ་ནས་བྱུང་མྱོང་མེད་པ་རེད། འདི་ནས་ཕར་ཕྱིན་ན་མགོ་ལོག་རེད། ལི་ཐང་རེད། འཛམ་ཐང་རེད། རྒྱལ་རོང་རེད་ཟེར་བ་ལས་ཆོལ་ཁའི་དབྱེ་བ་མེད་པ་རེད། དེ་ཡག་པོ་རེད་སྙམ།
   ནུབ་ཕྱོགས་ལ་མཚོན་ན། གལ་སྲིད་ཁྱེད་རང་ལས་ཀ་འཚོལ་དུ་ཕྱིན་ན། སྦྱིན་བདག་གིས་ཁྱེད་རང་གིས་སྐད་ག་རེ་ཤོད་ཀྱི་ཡོད་དྲི་བ་ལས་ཁྱེད་རང་རྒྱལ་ཁབ་གང་ནས་ཡིན་ཞེས་དྲིས་ན་དེ་མི་རིགས་དབྱེ་འབྱེད་ལ་འགྲོ་གི་ཡོད་པ་ལྟར་རེད། རྒྱ་ནག་གིས་གཞུང་གི་ངོས་ནས་མི་རིགས་ཀྱི་དབྱེ་འབྱེད་མང་པོ་ཞིག་བྱས་ཡོང་གི་ཡོད་པ་རེད། ང་ཚོས་ངོས་ནས་རྗེས་མ་དེ་འདྲ་བྱ་རྒྱུ་མི་འདུག བོད་གཞུང་གིས་ད་ལྟ་བྱེད་བཞིན་པ་དེ་ཚོའང་མེད་པ་བཟོས་ན་ཡག་པོ་རེད་སྙམ།

4. གསར་འགྱུར་གྱི་འབྱུང་ཁུངས་གསལ་བོ་ཞིག་འགོད་རོགས་ཞུ། ད་དུང་ཡིག་ནོར་དང་ཚིག་སྐྱོན་ལའང་ཅུང་ཙམ་གཟབ་རྒྱུ་གལ།

5. གང་ལྟར་ཡང་བོད་མི་རིགས་ནང་ཁུལ་ཡིན་ནའང་རེད། མི་རིགས་གཞན་དང་འབྲེལ་གཏུགས་བྱེད་ཕྱོགས་ཐད་ཡིན་ནའང་རེད། རྒྱུ་མཚན་ཤོད་ཐུབ་པ་དང་། བློ་གྲོས་བེད་སྤྱོད་བྱས་ནས་རྙོག་ཟིང་ལས་སྒྲོལ་ཐབས་བྱེད་རྒྱུ་འདི་ཡག་པོ་མེད་འགྲོ་བསམ། འཁྲུག་པས་འཁྲུག་པ་བཟོ་བ་ལས་ཐག་གཅོད་བྱེད་མི་ཐུབ། ཁྱེད་སོག་པོ་རེ་གཉིས་བརྡུང་ན་སོག་པོ་མང་པོའི་སེམས་ལ་ན་ཚ་མི་བཟོའམ། མ་གཞི་ནས་ང་ཚོ་ད་ལྟ་བཟོད་པར་དཀའ་བའི་སྡུག་བསྔལ་འདི་འདྲ་ཞིག་གི་ནང་ལྷུངས་རང་གི་མི་རིགས་སྐྱོབ་ཐབས་བྱེད་པའི་འགག་གནད་དུས་ཚོད་འདི་འདྲ་ཞིག་ལ་ཡང་སྐྱར་མི་རིགས་གཞན་དང་རྙོག་ཟིང་སློང་བ་འདི་གན་མེད་པའི་རྟགས་རེད། རྙོག་ཟིང་འདིའི་ནང་མགོ་ཁྲིད་མཁན་གྱི་བོད་པ་བསམ་མེད་ཚོའི་གདོང་ལ་ཚང་མས་ཆིལ་མ་འདེབས་རོགས།

6. Dhatsenpa,
   Do us a favour, Please provide us the link to the fight at Malo Teacher Training School.
   Thanks.

7. གྲོགས་པོ་ཚོ།
   གཤམ་གསལ་གྱི་འབྲེལ་ཐག་ན་གོང་གསལ་གྱི་གསར་འགྱུར་འཁོད་འདུག
   http://www.tibetabc.cn/u/wanmarenzeng/archives/2008/200871114926.html

8. གནས་ཚུལ་འདིའི་རིགས་གོ་ན་མི་སྤྲོ་བ་ཞིག་ཡིན་པ་བདེན་མོད། ང་ཚོས་ཞིབ་ཚགས་པོས་ཞིབ་འཇུག་དང་བསམ་གཞིགས། གང་ལ་གང་འཚམས་ཀྱི་ཐབས་ལམ་འཚོལ་རྒྱུ་གལ་ཆེ་བར་སྙམ།

9. hi goodnews

10. those news are absolutely that i think so

11. the cause is there are not tibetan landuage so i wrote english