ཉི་མ་འཚོ།
གཅིག
ཁོ་མོ་ནི་གྱོན་ཆས་གསར་བ་དང་རྒྱན་ཆ་ལ་ཧ་ཅང་དགའ། ཁོ་མོའི་ངོ་གདོང་དང་ལུས་ཀྱི་རྣམ་པ་ནི་ནམ་ཡང་དཔེ་གསར་ཁོ་ན་ལས་མ་འདས། ཁོ་མོ་བྱིས་པ་ཞིག་གི་ཨ་མ་རེད་ཟེར་ན་སུས་ཀྱང་ཡིད་མི་ཆེས་ལ། ཁོ་མོར་ཡང་ཨ་མ་ཞིག་ཡིན་བསམ་པའི་སྣང་བ་ཁྱོན་ནས་མེད། ཁོ་མོས་ཤེལ་སྒོ་ནང་རང་ཉིད་ཀྱི་སྐྱེས་གཟུགས་དང་རྣམ་པ་ལ་ཡིད་ཚིམ་པ་ཞིག་བལྟས་རྗེས། ཐག་སྒྲ་ཞིག་གི་འགྲོས་དང་བསྟུན་ནས་ཁ་གཏད་ཕྱི་རྒྱལ་གྱི་ཟ་ཁང་ཞིག་གི་ནང་དུ་འཛུལ། ཁོ་མོས་ཁ་སང་གྲོགས་པོ་ཞིག་གི་མགྲོན་བྱས་པའི་ཟ་མ་དེ་ཡོད་མེད། ཚལ་ཐོ་ཐོག་མིག་གཤེར་གྱིས་ཕར་ཀློག་ཚུར་ཀློག་འགའ་བྱས། “དིར དིར དིར” ཁ་པར་གྱི་སྒྲ་བསྟུན་མར་གྲགས་བྱུང་།
“ཧ་ལོ(hello)། སུ་ཡིན་ནམ།”
“ང་རྒྱ་མཚོ་ཡིན། ཁྱོད་ལ་དུས་ཚོད་ཡོད་དམ།”
“དགོངས་དག ང་busy (བྲེལ་བ)ཡིན་ལོ།” ཟེར་བ་མཉམ་དུ་ཁ་པར་སྒང་གི་གཡོན་ཕྱོགས་ན་གློག་དམར་པོ་སྤར་བའི་རྟགས་དེ་མནན་སོང་།
“སྤྲང་གོག་ཁྱོད་ཚོར་སུས་ཁ་ཡ་བྱེད་དམ།” ཁོ་མོའི་གདོང་ལ་མི་འདོད་པའི་རྣམ་འགྱུར་ཞིག་བཟུང་ནས་སྐད་ཤུགས་ཆུང་ངུས་བཤད།
ཁོ་མོས་གྲོགས་པོ་ཞིག་ལ་ཞབས་ཞུ་ཡི་རིམ་པ་ཆ་ཚང་བསྒྲུབས་ཚར་རྗེས། ཆུ་ཚོད་བཅུ་གཉིས་ཟིན་འདུག་མོད། ཕྱིར་ལོག་པའི་ལམ་བར་དུ། ཡང་ཁ་པར་གྱི་སྒྲ་གྲགས་བྱུང་།
“སུ་ཡིན་ནམ”
“ང་སྟོབས་ལྡན་ཡིན། ང་དེ་རིང་ལྡི་ལི་ནས་ཡོང་བ་ཡིན།”
“ཚོང་པ་ཆེན་པོ། ཁྱོད་བདེ་མོ།” ཁ་ཡག་ཅིག་བཤད་རྩིས་བྱེད་སྐབས།
“མོ་རེ། འཛམ་བུ་གླིང་། ང་ན་ནིང་གི་མགྲོན་ཁང་དེའི་ནང་བསྡད་ཡོད། སྒོ་རྟགས་༢༠༥ཡིན། ཁྱོད་ལ་དུས་ཚོད་ཨ་ཡོད།
“ང་་་་”
“གོང་ཚད་ཁྱོད་ཀྱིས་བཤད་ན་ཆོག འཛམ་བུ་གླིང་། མགྱོགས་པ་ཤོག” མནའ་ཚིག་འདྲེས་པའི་སྐད་ཆ་དེ་ཚོ་གོ་མ་ཐག་ཁོ་མོའི་གདོང་ལ་འཛུམ་མདངས་ཤིག་འཕྱུར།
རྐང་སྣམ་ཁོམ་སྲང་ལ་གཡས་སྐོར་ཞིག་བརྒྱབ་ནས་ཆང་དྲི་དང་དུ་དྲི་འདྲེས་མའི་མགྲོན་ཁང་ནང་འཛུལ་མ་ཐག ཁོ་མོའི་མིག་ལམ་དུ་གསེར་དངུལ་གྱིས་གཡོགས་པའི་སྐྱེས་པ་སྟོབས་ཆེན་བཞི་མངོན་བྱུང་།
“ག་རེ། group(མཉམ་དུ)་ཡིན་པས།” ཁོ་མོས་དེ་ལྟར་ཟེར་བ་ན།
“ང་ཚོ་མཉམ་དུ་ཡིན་དཱ། ཧ་ཧ་ཧ” ཁོང་ཚོས་མགྲིན་གཅིག་ཏུ་བཤད་ཚུལ་ལ་བལྟས་ན་བྲེལ་བས་སྒུག་ཡོད་པ་འདྲ།
དེ་ནི་དེང་གི་ཞབས་ཞུའི་གོ་རིམ་ཞིག་ལ་ཟེར་བ་དང་། རྒྱུ་ཐོག་ལ་རྒྱག་ཐུབ་པའི་ཞབས་ཞུའི་རྣམ་གྲངས་ཨང་དང་པོ་ཡིན།
ཁོ་མོས་དུས་ཡུན་གང་འཚམས་ཤིག་གི་རིང་ཞབས་ཞུའི་གོ་རིམ་མ་ནོར་བར་རང་ཉིད་ཀྱིས་སེམས་ཁོང་ནས་ཤོད་འདོད་པའི་གོང་ཚད་དེ་བླངས་རྗེས། རང་ཉིད་འདུག་སར་སྐྱེལ་རུ་བཅུག
གཉིས།
ཁོ་མོས་ཁྱིམ་མཚེས་ཕོ་གསར་དེ་ཟུར་མིག་གིས་ཕུགས་ཐེངས་རེར་ཁོའི་ཆུང་མས་ཁོ་ལ་བཟའ་འཁོན་ཐེངས་རེ་རྒྱག་གི་ཡོད། ད་སྐབས་དེ་ཡང་རྒྱུན་ལྡན་ལྟར་ཆགས་ནས་ཁོ་མོའི་ཧམ་པ་ཇེ་ཆེར་གྱུར་སོང་། ཁོ་མོའི་ཞབས་ཞུ་སྒྲུབ་སའི་མགྲོན་པོ་ནི་བོད་དང་།རྒྱ་གར། ཁ་ཆེ། ཕྱི་རྒྱལ་མགོ་སེར་སོགས་ཧ་ཅང་མང་ལ། ཁོ་མོར་ཁོམ་པ་ཞིག་གཏན་ནས་མེད། ཤེལ་སྒོ་ནང་རང་གི་བཟོ་ལྟ་ཡིད་ཚིམ་པ་ཞིག་བཅོས་ཡོད་ལ། གྱོན་གོས་གསར་བ་དང་དྲི་ཞིམ་སྤོས་ཆུའང་ལུས་ལ་གཏོར་ཡོད། ཡིན་ནའང་། ཁོ་མོའི་ལུས་པོའི་གསེང་ནས་སྐྱུག་བྲོ་བའི་དྲི་མ་གཞན་ཞིག་ག་ལེར་བ་སྤུའི་བུ་ག་རེ་རེ་ནས་འཐུལ་ཡོང་བ་ནི་སུས་ཀྱང་བཟོད་མི་ཐུབ་པ་ཞིག་རེད།
ཁོ་མོས་འདི་ལྟར་བྱེད་དོན་ནི་ཁྱོ་ག་དེས་གཡུགས་པས་རེད་ཟེར། འདི་ནི་ཁྱིམ་མཚེས་རྒན་མོ་དེའི་སྐད་ཆ་རེད། “ཁྱོ་ག་དེ་ཕྱི་རྒྱལ་ལ་མ་སོང་གོང་ཁོ་གཉིས་བཟའ་ཚང་བདེ་སྐྱིད་ལྡན་པ་ཞིག་ཡིན་པ་མ་ཟད། བུ་ཆུང་སྙིང་རྗེ་བོ་ཞིག་ཀྱང་ཡོད།དེང་སང་གི་འགྱུར་བ་འདི་དག་རྒན་མོ་ངའི་བསམ་ཡིད་ལས་འདས་སོང་། ཁྱིམ་མཚེས་གཡས་གཡོན་ཚང་མས་ཁོ་མོར་ཁ་ཏ་སློབ་གསོ་དང་གདུང་སེམས་མཉམ་སྐྱེད་བྱས་ནའང་། ཁོ་མོ་ནི་ཁ་ཐུར་དུ་འཁོར་བའི་རྦབ་རྡོ་ཞིག་དང་ཀུན་ནས་མཚུངས།”ཁྱིམ་མཚེས་རྒན་མོས་དེ་ལྟར་བཤད་ཚུལ་ལས་ཁོ་མོ་ལ་སེམས་ཁྲལ་ཚད་མེད་བྱེད་བཞིན་པའི་རྣམ་འགྱུར་ཞིག་མངོན་ཡོང་།
གསུམ།
ལས་ལམ་འགྲོ་མེད་དུས་ཞི་ལ་ཆམ་པ་ཕོག་ཟེར་བ་ཅིས་མ་བདེན། ད་སྐབས་ཁོ་མོར་ཅི་ཡིན་འདི་ཡིན་མི་ཤེས་པའི་ན་ཚ་ཞིག་ཕོག་སོང་བས། སྔོན་ཆད་ཀྱི་གཟུགས་པོའི་ཉམས་དེ་བོར་ཞིང་། སྔོན་ཆད་ཀྱི་བཞིན་གྱི་མདངས་དེ་བརླགས་འདུག་པས། ཉིན་རེར་ལས་མ་འདས་པར་ཉམ་ཐག་ནད་པ་ཞིག་གི་ཚུགས་ཀ་བཅོས་མི་དགོས་པར་རང་བཞིན་གྱི་མངོན་ཡོང་གི་འདུག འདི་ནི་འཇིགས་སུ་རུང་བའི་ན་ཚ་ཞིག་ཡིན་པ་ཁོ་མོས་ཧ་གོ་བ་ནས། སྨན་པའི་རྟགས་དཔྱད་ཀྱི་ཤོག་ལྷེ་དེ་བཟུང་ནས་རྡ་སྟེང་བུ་གསོ་ཁང་ལ་ཐེངས་རེར་རྒྱུགས་འགྲོ།
“’འགན་འཛིན་ལགས། ཐུགས་རྗེ་གཟིགས། ང་བུ་ལ་ཐུག་ན་འགྲིག་གི་རེད་དམ།”
ཁོ་མོའི་མིག་ཆུ་དྭངས་མོ་ཞིག་ཁ་རས་གསེང་ལ་བཞུར་བྱུང་། འགན་འཛིན་གྱིས་ཁོ་མོ་ཡུན་རིང་གསོན་ཐབས་མེད་པའི་ཤོག་ལྷེ་དེ་ཚོར་ནན་ཏན་གྱིས་ལྟ་བཞིན་”ཁྱོད་ལ་ཁག་མི་འདུག ཁྱོད་ལ་ཁག་མི་འདུག”ཟེར་ནས་ཡང་ཡང་བཟླས།
རྡ་སྟེང་བུ་གསོ་ཁང་གི་ངྷེལ་མཚེའུ་འགྲམ་ན་བྱིས་པ་འགས་རྩེ་མོ་རྩེད་བཞིན་པའི་ནང་ནས་ཆུང་ཤོས་ནི་བསྟན་འཛིན་མིང་མེད་རེད། ལོ་བརྒྱད་ཀྱི་ཡར་སྔོན་གྱི་ཞོགས་པ་ཞིག་ལ་ཨག་སྐད་ཆེན་པོས་ཁྱིམ་ཚང་བཅུ་པ་གཉིད་ལས་སློང་མཁན་གྱི་ཕྲུ་གུ་བདག་མེད་དེའང་རེད། འོན་ཀྱང་ཁོས་རང་ཉིད་དྭ་ཕྲུག་ཅིག་ཡིན་པ་མི་ཤེས་ལ། ཨ་མས་རང་ཉིད་བཙལ་བཞིིན་པའང་མི་ཤེས། ཁྱིམ་ཚང་བཅུ་པའི་ཨ་མ་ལགས་ནི་རང་ཉིད་ཀྱི་ཨ་མ་ངོ་མར་བརྩིས་ཡོད།
“ཨ་མ་ལགས། ཐུགས་རྗེ་གཟིགས། ང་བུ་ལ་ཐེངས་ཤིག་བལྟ་རུ་འཇུག་རོགས།”ཁོ་མོའི་ཁ་རས་ཡོངས་རྫོགས་མིག་ཆུས་བརླན་འདུག
“ག་རེ་བུ། དགོས་དུས་རྡོ་རྗེ་དང་། མི་དགོས་དུས་གདོན་རྫས་ཟེར་བ་མ་ཡིན་ནམ། ངས་ལོ་བརྒྱད་ལ་གསོས་ཡོད།”ཁྱིམ་ཚང་བཅུ་པའི་ཨ་མ་ལགས་ཧ་ཅང་ཁྲོས་འདུག
“་་་་་་་་”
“ཁྱོད་གཞི་ནས་ཡོང་རྒྱུར་ངོ་མི་ཚའམ། མ་གཞི་ཁྱོད་ཨ་མ་རེད་དམ།”
བུ་ལ་བག་ཆགས་ངན་པ་མི་འཇོག་པའི་ཆེད་དུ། ཁོ་མོས་ཐག་རིང་ནས་བུ་ལ་བལྟས་རྗེས། ཁྱིམ་ཚང་བཅུ་པའི་ཨ་མ་ལགས་ཀྱི་ལག་པར་སྒོར་ཁྲི་ལྔ་ཡོད་པའི་ཁུག་མ་དེ་བཞག་ནས་ཁ་རོག་གེར་བུད་སོང་།
ཆར་རླུང་འཚུབ་ཅིང་འབྲུག་སྒྲ་ལྡིར་བའི་མཚན་མོར་དེར། གློག་འོད་འཁྱུག་པའི་ངོས་ན་བུད་མེད་སྐམ་པོ་ཞིག་རྡ་སའི་ནགས་ཀླུང་སྟུག་པོའི་ཁྲོད་ནས་མངོན་ཡོང་ལ། དེ་དང་མཉམ་དུ་སྐྱི་གཡའ་བའི་ངུ་འབོད་ཀྱང་ལྷང་ངེར་གོ་ཡོང་། འཇིགས་སུ་རུང་བའི་མཚན་མོར་དེར། ཁོ་མོའི་རུས་གོག་སྤར་མོ་གང་བོ་འདི་ལྟར་ཆར་རླུང་ཁྲོད་ལྷེབ་ལྷེབ་དུ་འཕུར་བཞིན་འདུག
ཆང་སའི་དྲྭ་བར་བཀླགས།
ཡག་པོ་བྲིས་འདུག འདི་དངོས་ནས་ཡིན་པ་འདྲ་ལ། དེ་ལྟར་ཁྱེད་ཀྱི་གྲོགས་མོ་ཞིག་ཡིན་སྙམ།
སྒྱུ་རྩལ་བརྩམས་ཆོས་སམ་རྩོམ་རིག་གསར་རྩོམ་ཁྲོད་ཀྱི་ཐེ་ཚོམ་དང་དོགས་སློང་ནི་རྩོམ་རིག་མཛེས་དཔྱོད་ཀྱི་རིན་ཐང་འབྱུང་བའི་སྒོ་མོ་ཉག་ཅིག་ཏུ་གསུངས་པ་བཞིན། བཙན་བྱོལ་སྤྱི་ཚོགས་ཁྲོད་ཀྱི་ན་གཞོན་བུད་མེད་རྩོམ་པ་པོ་ཉི་མ་མཚོས་སྒྲུང་རྩོམ་རེ་རེར་ཡང་སྤྱི་ཚོགས་སྒུལ་ཤུགས་ཀྱི་ནུས་པ་ཆེས་ཆེར་ལྡན་ན། ཁོ་བོས་འདིར་མུ་མཐུད་སྒྱུ་རྩལ་གྱི་ལྗགས་ཕྱེ་གྱ་ནོམ་པ་རེ་བསྩལ་བར་ཐུགས་རྗེ་བླ་ལྷག་ཏུ་ཆེ་ཞུ་འདོད་བྱུང།
རྡ་སའི་རི་གྲོང་རང་རེད་འདུག ངོ་མ་གསོ་ཉམས་ལྡན་གི འདི་འདྲའི་རྡ་སའི་འཚོ་བ་སྒྱུར་རྩལ་གྱིས་ལམ་ནས་དངོས་བྲིས་བྱས་བ་ཞིག་ད་རག་བར་མཐོང་མྱོང་མེད། མཛངས་མའམ་རྩོམ་འབྲི་མ་ཉི་མ་འཚོར་བཀའ་དྲིན་ཆེ་ཞུ། ལྷག་པར་མུ་མཐུད་ནས་རྒྱུན་སྲིང་སྟེ་འདི་ལྟ་བའི་སྒྱུར་རྩལ་རྩོམ་རིག་གང་མང་ངའི་ཀློག་པ་པོ་ཀུན་གྱི་མིག་ལམ་ཏུ་སྤེལ་རྒྱུར་རེ་བ་ཆེ། སྤྱིར་འུ་ཚང་གི་ཨ་མ་ཚོས་འདི་ལྟར་བུའི་ལས་སུ་ཞུགས་རྒྱུར་གལ་ཆེར་བ་འདུག
ཡག་པོ་འདུག ཐེངས་གཉིས་ལ་ཞིབ་ཀློག་བྱས་ཡིན། སྐྱོན་ཕྲན་བུ་ཞིག་ཡོད་པ་ནི་བྱ་བ་འགའ་རེ་གློ་བུར་དུ་བརྗོད་འདུག དེ་གོ་རིམ་དང་ཞིབ་ཆ་ཡོད་ན་དེ་ལས་བཟང་བར་སེམས།
རྩོམ་ཡོངས་བཀླགས་ཟིན། སྐྱོན་ཞིག་ནི། བུད་མེད་དེ་ཁྱོ་ག་དང་ཁ་འབྲལ་དགོས་པའི་རྒྱུ་མཚན་མ་བྲིས་པས།
བུད་མེད་དེས་རང་གིས་རང་ཉིད་མེད་པ་བྱེད་དགོས་པ་ཤེས་ཀྱི་མི་འདུག
ཡོན་ཏན་ཞིག་ནི་སྒྲུང་གི་དཀྱོགས་མཚམས་དང་མི་སྣའི་སྣང་བརྙན་ཡག་པོ་བསྐྲུན་འདུག
དངོས་གནས་སྤྱི་ཚོགས་ཀྱི་ཕྱོགས་གཅིག་ཞིབ་འབྲི་བྱས་འདུག་པ་དོན་སྙིང་ལྡན་པ་ཅིག་རེད་མོད།་ད་རུང་སྤྱི་ཚོགས་ཀྱི་ཉམས་མྱོང་དང་འཚོ་བའི་བདེན་དོན་སོགས་མ་འདང་བའི་ཆ་ཅུང་རེ་ཡོད་པ་མ་ཟད།བརྗོད་གཞི་འདི་འདྲ་ང་ཚོའི་སྤྱི་ཚོགས་ནང་ཧ་ཅང་ཉུང་ང་རེ་ཟུང་ཙམ་ཡིན་པས།གུས་པའི་རེ་བར་རྩོམ་པ་མོ་མཆོག་ནས་དེ་ལས་ཀྱང་ཉེན་ཚབ་ཅན་རང་རེའི་སྤྱི་ཚོགས་ནང་ཕོ་མོའི་གསང་འབྲེལ་གྱི་བརྩེ་དུང་དང་འགལ་འདུ་སོགས།འཛམ་གླིང་གང་སར་རྐུན་ཇག་འདུར་འདུར་བྱེད་མཁན་དང་བྱ་བ་བཟང་ངན་སྣ་ཚོགས་མཐོང་མྱོང་མཁན་ནུབ་ཕྱོགས་པ་ཚོའང་ཧང་སངས་འགྲོ་བ་དེ་འདྲའི་རིགས་འདུག་པ་རྣམས།སྒྲུང་རྩོམ་ལམ་དྲངས་ཐུབ་ན་དངོས་གནས་རིན་ཐང་ལྡན་པ་ཅིག་དང་མི་ཚོ་ཧ་ལས་པ་ཅིག་ཡོང་ས་རེད།
བསམ་པའི་ཀློང་ན། རྩམ་སྒྲུང་དེ་ལྟ་བུ་རྡ་སའི་རི་གྲོང་ན་དངོས་སུ་བྱུང་མེད་དམ་བསམ་པའང་བྱུང། ཇི་ལྟར་ཡང་ཧ་ཅང་ལེགས་པོ་བྲིས་འདུག
གནས་ཚུལ་བྲིས་པ་རྣམས་འགོད་གྲོ་པོ་འདུག།
རྩོམ་སྙན་མོ་བྲིས་འདུགས་ཐུགས་རྗེ་ཚར་གཅིག་བཀླགས་ཡིན་དུས་ཚོད་བྱུང་ན་་ཡངས་བསྐྱལ་ཀློག་རྒྱུ་ཡིན་། རྩོམ་དེ་འདྲ་མུ་འཐུད་དུ་སྤེལ་བར་ཞུ་ལེགས་།
སྙན་པ་ལ་ཚོད་ཅིག་མི་འདུག་་་་་་བཀའ་དྲིན་ཆེ་་་་རིག་བཟང་མ།
རྡ་སའི་རི་གྲོང་ཆུང་ཆུང་དེ་ན་འདི་འདྲའི་སྒྲུང་མང་ནི་རེད། ད་རུང་བྱུང་ན་མོ་ཏོ་དེའི་མིང་དངོས་སུ་ཤོད་མ་ཐུབ་རུང་་་་་གཟུགས་རིང་ཐུང་དང་་ཤ་མདོག་དཀར་ནག་་་ནུ་མ་ཆེ་ཆུང་་་་ཨོང་ཤ་ག་འདྲ་ཡོད་མེད་སོགས་ཅུང་ཞིབ་མོར་བྲིས་ན་་་་ཕན་ཐོགས་ཏག་ཏག་ཡོང་གི་རེད་་་་
བུ་མོ་ཚོས་རྩོམ་དེ་འདྲ་རེ་བྲི་ན་བོད་པའི་འཇིག་རྟེན་དེ་གསར་པ་ཞིག་ཏུ་ངོ་མ་སྒྱུར་ཐུབ།རྒྱུན་དུ་བུད་མེད་ལ་ཐོབ་ཐང་དགོས་ཟེར་ནས་འུར་ཆ་རྒྱག་མི་དགོས་པ་རང་དབང་རང་ལག་ལ་ཡོད་པ་དེ་འདྲ་ཡོང་རྒྱུ་རེད།
སྙན་པོ་བྱུང་། ཁྱེད་ཀྱི་འབྲི་རྩལ་དང་ཞིབ་འཇུག་བྱེད་སྟངས་ལེགས་སོ།།
སྒྱུ་རྩལ་བརྩམས་ཆོས་སམ་རྩོམ་རིག་གསར་རྩོམ་ཁྲོད་ཀྱི་ཐེ་ཚོམ་དང་དོགས་སློང་ནི་རྩོམ་རིག་མཛེས་དཔྱོད་ཀྱི་རིན་ཐང་འབྱུང་བའི་སྒོ་མོ་ཉག་ཅིག་ཏུ་གསུངས་པ་བཞིན། བཙན་བྱོལ་སྤྱི་ཚོགས་ཁྲོད་ཀྱི་ན་གཞོན་བུད་མེད་རྩོམ་པ་པོ་ཉི་མ་མཚོས་སྒྲུང་རྩོམ་རེ་རེར་ཡང་སྤྱི་ཚོགས་སྒུལ་ཤུགས་ཀྱི་ནུས་པ་ཆེས་ཆེར་ལྡན་ན། ཁོ་བོས་འདིར་མུ་མཐུད་སྒྱུ་རྩལ་གྱི་ལྗགས་ཕྱེ་གྱ་ནོམ་པ་རེ་བསྩལ་བར་ཐུགས་རྗེ་བླ་ལྷག་ཏུ་ཆེ་ཞུ་འདོད་བྱུང།
ཡག་པོ་འདུག
ཨཨཨ
སྒྱུ་རྩལ་གི་གསོན་ཉམས་ལྡན་པ།
ཀློག་འདོད་གི་བྲོ་བ་ལྡན་པ།
བརྗོད་བྱ་གི་ནང་དོན་ལྡན་པ།
དངོས་བྱུང་གི་ལོ་རྒྱུས་ལྡན་པ།
དངོས་ནས་བཞིན་བཟང་མ་ཉི་མ་འཚོ། ཁྱེད་ངེད་ཀློག་པ་པོ་རྣམས་ཀྱི་ཡིད་སེམས་ལ་རང་དབང་མི་སྟེར་བའི་ལེགས་རྩོམ་འདི་འདྲ་བ་ག་རེ་བྱས་ནས་ད་ལྟ་བར་དུ་ཁ་བརྡ་དྲ་ནང་དུ་མ་བཀོད་པ་ཡིན།
རྗེས་སོར་འདི་འདྲ་བའི་དངོས་བྱུང་རྩོམ་བྲིས་གང་ཡོད་པ་ངེད་ཀློག་མཁན་གི་མིག་མདུན་ལ་སྦས་གསང་མི་གནང་རོགས།
རྩམ་དགའ་རྩམ་པའི་ཁུག་ཏི།།
རྩོམ་ཡིག་འདི་ལ་མ་དགའ།།
རྩོམ་ཡིག་ནང་གི་མོ་དེའི།།
ཨོང་ཤ་ནུ་མར་དགའ་འདུག།
འདོད་ལྷ་ཁམས་པའི་འདོད་ཆགས།།
སྒྱ྄ུ་རྩལ་རྩོམ་ཡིག་ཕར་ཞོག།
རྩོམ་གྱི་མི་སྣར་མ་ལངས།།
རྩོམ་པ་པོ་ལངས་འདུག།
མི་རེའི་དགའ་ཕྱོགས་ཟེར་བ།།
ཡ་མཚན་ནང་གི་ཡ་མཚན།།
མཆན་པ་མང་པོ་ཞིག་ནི།།
དགའ་ཕྱོགས་བཤད་པར་སྐྲག་འདུག།
ཀ་ཀ ཀོ་ཀོ ཟླ་མེད་ཟླ་མེད། ངའི་དགའ་ཕྱོགས་ཀྱང་་་་་་ཀ་ཀ་ཀི་ཀི་་་་
འདོད་ལྷ་ཁམས་པ་ནས།
༼སྒྱུ་རྩལ་གི་གསོན་ཉམས་ལྡན་པ།
ཀློག་འདོད་གི་བྲོ་བ་ལྡན་པ།
བརྗོད་བྱ་གི་ནང་དོན་ལྡན་པ།
དངོས་བྱུང་གི་ལོ་རྒྱུས་ལྡན་པ།༽ ཅེས་བྲིས་འདུག
སྔོན་རིག་གནས་གསར་རྗེས་ཀྱི་རླུང་འཚུབ་ལྡང་དུས་བོད་ཀྱི་བརྡ་སྤྲོད་ཀྱི་གཞུང་ལས་གི་གཅིག་བུ་ལས་འགྲེལ་སྒྲའི་ཕྲད་ལྷག་མ་ཁུར་སོང་བ་རེད། དེ་རིང་ཁྱོད་ཀྱི་རྩོམ་ཡིག་གློག་དུས་བཙན་བྱོལ་དུ་ཡང་དེ་འདྲའི་རླུང་བུ་གཡུག་པ་མིན་ནམ་སྙམ་པའི་དོགས་པ་བྱུང་།
ཀ་ཡེ་ཁུ་ལོ་གཞོན་ནུ་ཟླ་མེད། །
ཁ་རོག་སྡོད་ཚོད་མེད་ཚུལ་བལྟས་ན། །
ག་ལེར་སེམས་ནང་ཅི་ཞིག་དྲན་པ། །
ང་ཚོ་ལས་ཀྱང་སྡིག་ཅིག་ཡིན་ཚོད། །
ཁྱེད་ཀྱི ་སྙན་རྩོམ་གྱི་བྲོ་བ་ཟབ་མོ་ལྷོག་ལྷོག་གདུ་སྐབས་ངའི་སེམས་ངོགས་སུ་སེམས་ཚོར་དྲག་ཏུ་ལྡང་བའི་ཆུ་རྒྱུན་རིང་མོ་ཞིག་ཁད་ཀྱིས་བྲང་གཞུང་ངོགས་སུ་བཞུར་གྱིན་འདུག་ཁྱེད་ཀྱི་བཞག་པའི་ལོ་རྒྱུས་སོ་མ་ཞིག་རེད་ནམ་ཡང་བརྗེད་མི་སྲིད་ཁྱེད་སྒུག་གྱིན་ཡོད་ཁྱེདའཚོལ་གྱིན་ཡོད་་་་་་་་་་་
བཀླགས་ཟིན། མི་སྣའི་བར་གྱི་སྐད་ཆར་གསོན་སྙན་ཆེ་ཆེར་ཐོན་འདུག ཨ་མ་སེམས་ཆུང་ཞིག་གིས་བུ་མོར་ཁ་ཏ་བྱེད་པ་ཞིག་ལ་རིག་གི
ཟླ་མེད་ལོ་ལོ།
མི་མཇེད་འཇིག་རྟེན་གྱི་འདོད་པའི་ཁམས་ཆེན་མོ་འདི་ན་འདོད་ཆགས་དང་མི་ལྡན་པའི་སྐྱེ་བ་བླངས་ཡོད་མཁན་ཞིག་མེད། གལ་སྲིད་འདོད་ཆགས་དང་མི་ལྡན་པའི་སྐྱེ་བོ་ཞིག་ཡིན་ན་འདོམས་ཀྱི་དབང་བོར་རྩ་གཅིག་མ་ཚང་བའི་རྟགས་ཡིན། སོང་ཙང་། འདོད་ཁམས་གི་གང་ཟག་དང་སྲོག་ཆགས་ཤིག་ཡིན་ན་འདོད་ཆགས་ནི་འཇིག་རྟེན་དུ་ཡོང་ཉིན་ནས་ལྷན་སྐྱེས་སུ་ཡོད་ལ། ཡོད་དགོས་ངེས་ཤིག་ཀྱང་ཡིན།
ཁ་ནས་མི་དགོས་ཟེར་མཁན་མང་ན་ཡང་ཁོག་ན་མི་དགོས་མཁན་ཞིག་མེད་ཟེར་ན་མི་ཆོག་རྒྱུ་མེད། དེ་གཅིག་ཡིན། དེ་ནས།
མིང་ལ་གཞོན་ནུ་བཏགས་ཀྱང་། །
དོན་ལ་མི་རྒན་ལོ་ལོན། །
གཞན་གྱི་སྐྱོན་མཚང་བརྗོད་ལ། །
འགྲན་ཟླ་མེད་པའི་ཁ་རྒོད། །
སྒྱུ་རྩལ་རྩོམ་ལ་བྱང་བའི། །
ན་གཞོན་བུ་དང་བུ་མོའི། །
སེམས་ཤུགས་ཐུར་དུ་མ་འདྲུད། །
སྤོབས་པའི་ཁ་གཡང་སྒྲོགས་ཤིག །
ཤུག་པ་ལགས།
ཁྱེད་ཀྱིས་ངའི་གི་སྒྲ་ལ་རྒོལ་གཏམ་སྤེལ་པར་ངོས་ལེན་ཡོད། ཡིན་ན་ཡང་། རང་གི་ལྟ་ཚུལ་བཞིན་གི་སྒྲ་འཇུག་ཚུལ་ལ་གསལ་བཤད་མི་འདུག་ཁར་མ་དགོས་པའི་རིག་གནས་གསར་རྗེ་ཟེར་བའི་ཚིག་རྙིང་ཚིགས་དྲི་ཁ་བ་དེ་མི་དགོས་བཞིན་དུ་འདིར་འཁུར་ཡོང་འདུག ས་འོག་ལ་སྦས་པའི་རོ་གོག་དེ་ཕྱིར་མ་བཏོན་ན་ཡག་གི་རེད།
མ་གཞི་འབྲེལ་སྒྲ་རྣམ་པ་ལྔ་བོ་སྦྱོར་ཚུལ་རང་རང་གི་མཐའ་རྟེན་གྱི་ཡི་གེ་ལ་ལྟོས་དགོས་ན་ཡང་། ངའི་འདི་ནས་གི་སྒྲ་ཁོ་ན་བྲིས་པ་ནི་རང་གི་ངག་ནས་བརྗོད་བདེ་ཁོ་ནའི་ཕྱིར་དུ་བྲིས་པ་ཡིན་ལགས། མི་གཞན་ལ་བསམ་བློ་ཅང་བཏང་མེད།
འདོད་ལྷ་ཁམས་པ་ལགས།
ཉིད་ཀྱིས་གི་གཅིག་བུ་བྲིས་པ་དེ་ནོར་ནས་བྲིས་འདུག་བསམ་པ་ང་ལ་ཡང་མེད། དེའི་ཕྱིར་མཐའ་རྟེན་གང་ལ་འབྲེལ་སྒྲའི་ཕྲད་གང་སྦྱོར་མིན་གྱི་འགྲེལ་བཤད་ནི་ལྷག་མ་ཞིག་ཏུ་མཐོང་སོང་།
འོན་ཀྱང་ཁ་སང་གི་རིག་གནས་དམར་གསོད་ཀྱི་ལོ་རྒྱུས་ལ་དེ་རིང་ཕྱིར་དྲན་བྱེད་འོས་ཞེས་པ་ཙམ་ཡིན། བཤད་ཐལ་ཤོར་སོང་ན་དགོངས་དག་ཞུ་་་་ཞུ
ཁ་བརྡ་ཚང་ལ་བཀྲིས་བདེ་ལེགས།
ཐུགས་རྗེ་ཆེ།
ཡག་པོ་འདུག
གནས་ཚུལ་གསལ་པོ་ཞེས་དྲགས་འདུག།
སྒྲུང་རྩོམ་ཡག་གི་་་་མི་ཡག་གི་ན་ཨ་མའི་ཤ།
བསྟན་བསྐལ་དབུས་པ་དང་ལུང་རྟོགས་ཨ་མདོ་བ་རེད། འདི་བོད་སྐད་ཡིག་གི་ཞན་ཆ་ལྷང་ལ་བུད་པའི་རྟགས་མཚན་ཁ་གསལ་ཏེ་ཚིག་རྐང་བཅུ་ཙམ་གྱི་ཡི་གེའི་ནང་འབྲི་བ་པོའི་ཕ་ཡུལ་གསལ་བས་སོ།།
འདི་འདྲ་བོད་ཆིག་སྒྲིལ་ཕན་པ་མེད་པའི་ལས་སོ།།
བྱེ་བྲག་ཡག་པོ་བྲིས་གནང་ཤག་བསྔགས་བརྗོད་ཡོད་ད།
སྒྲུང་འདི་ངོ་མ་ཡིན་ན་སེམས་འགུལ་འཐེབ་པ་ཞིག་རེད་འདུག གལ་ཏེ་ངོ་མ་མིན་ནའང་ང་ཚོའི་སྤྱི་ཚོགས་ནང་དུ་དེ་འདྲ་ཡོད་སྲིད་པ་རེད། བོད་མི་རྒན་གཞོན་དར་གསུམ་ཡོངས་རྫོགས་ནས་གཟབ་གཟབ་བྱེད་དགོས། མི་ལུས་རྩ་ཆེན་དེ་བེད་སྤྱོད་ལེགས་པར་གཏོང་ཐབས་བྱེད་ཨ་།
བརྩམས་སྒྲུབ་འདི་ནི་ད་ལྟའི་དུས་སྐབས་འདིར་རྡ་སའི་རི་གྲོང་ལ་མཚོན་ན་སྤྱིར་བཏང་ནང་གི་ཆེས་སྤྱིར་བཏང་གི་གནས་ཚུལ་ཞིག་ཏུ་གྱུར་ཏེ་གནད་འགག་དང་ཉེན་ཁ་ཡོད་ཟེར་བ་ཙམ་ལས་དོན་དུ་དེའི་ཚེ་སྲོག་འཕྲོག་པའི་རང་བཞིན་དེ་སེམས་ན་འཁོར་མཁན་ཉུང་ཉུང་ཡིན་པས་རྩོམ་པ་པོ་ཁོ་རང་གི་མཐོང་ཚུལ་གསར་པ་ཞིག་དཔེ་གཞི་རུ་བཞེངས་ཏེ་རྩོམ་རིག་གི་གར་སྟེགས་སུ་བཤམས་པ་ནི་བཤད་མ་དགོས་ལ།་་་་ལྷག་པར་འོས་འཚམས་གྱི་བྱུང་རིམ་དང་རྩོམ་གྱི་སྒྲིག་གཞི།་་་མི་སྣ་བཀོད་འབྲི་དང་སྐད་ཆ།་་་་བརྗོད་བྱ་སོགས་ནི་དུས་དང་མཐུན་པའི་རྡ་སའི་རི་གྲོང་གི་སྒྱུ་རྩོམ་མཛེས་དཔྱོད་ཀྱི་རིན་ཐང་མཆིས་པ་སོགས་དུས་དང་མཐུན་པའི་ཆར་པ་རང་རེད།
ང་སྟོབས་ལྡན་ཡིན། དེང་སང་ཨ་རིར་སྡོད་གི་ཡོད། སྙིང་རྗེ་མོ་མཉམ་དུ་ཚར་མང་པོ་སྡད་ཚར་པ་ཡིན། མོ་མོ་རང་གི་ལས་ཀ་ལ་འཇོན་པོ་ཧ་ལས་པ་ཡོད།
ཡིན་ནའང་འཇིགས་སུ་རུང་བའི་ནད་དེ་ང་ལ་་་་་་་་
རྡ་ས་ན་ཡ་མཚན་གྱི་གནས་ཚུལ་ཅི་ཡང་ཚོར་རྒྱུ་ཡོད་ལ། ངོ་མཚར་བའི་ལྟད་མོ་ཅི་ཡང་མཐོང་རྒྱུ་ཡོད།