(དཔའ་བོ་ཚེ་དབང་ནོར་བུ་མཆོག་ལ།)
ཨ་འདུས་མིག་ཆུ།
མེས་པོའི་རུས་རྐང་ས་རུ་མི་འཐོར་སླད།།
རིགས་ཀྱི་བརྒལ་ཚིགས་ནང་དུ་མི་སྒུར་ཕྱིར།།
ནང་གི་དཔའ་གདེང་མངོན་པའི་བརྡ་རྟགས་ཤིག།།
ས་ཆེན་རྩེ་མོར་འོད་དུ་བྱས་སོང་ཨང་།།
ལྕགས་ཐག་སིལ་མའི་སྒྲ་ཡིས་ས་གཞི་འགེངས།།
རོ་དང་རུས་པ་ཆེན་པོའི་རི་རབ་བརྩེགས།།
ཡིད་ཀྱི་སེམས་ཀྱིས་མ་བཟོད་ན་ཟུག་ཀུན།།
སྐུ་ལུས་མེ་རུ་སྤར་ཏེ་གསལ་བརྡ་བྱིན།།
བཙན་པོའི་རུས་ལས་ཆད་པའི་གངས་ཅན་པ།།
རུས་པ་རྡོ་ལས་སྲ་བའི་གདོང་དམར་པོ།།
རྒྱ་ཁྱིའི་སྡེར་སྤྲད་ཙམ་ལ་མི་སྐྲག་པའི།།
བྲང་གཞུང་སྤོབས་པ་མེ་ལྕེའི་ཀློང་ནས་ངོམ།།
ཀུན་གྱིས་གཅེས་པ་བླ་མེད་ཚེ་སྲོག་དང་།།
ཀུན་ལ་ཕངས་པ་མི་ལུས་རིན་ཆེན་སྟེ།།
གདོང་དམར་མྱི་ལ་དགོས་པའི་རང་དབང་དེ།།
ཉིད་ཀྱི་སྐུ་དང་སྲོག་གིས་བརྩད་སོང་ཨང་།།
ཆབ་སྲིད་བཙན་པོའི་མུན་པ་མགོ་ལ་འཐིབ།།
མགོན་པོར་བྲལ་བའི་ན་བུན་སྙིང་ལ་འཁྲིགས།།
མུན་པ་འོད་དུ་བསྒྱུར་བའི་ཀུན་སློང་གིས།།
སྐུ་ལུས་མུན་ཆེན་འཇོམས་པའི་དཔལ་དུ་བསྒྲོན།།
ཁྱེད་ཀྱི་དགོད་དང་བརྩེ་འཛུམ་བྲལ་སོང་ཐ།།
ཁྱེད་ཀྱི་ལུས་དང་གྲུབ་མ་ཡལ་སོང་ཐ།།
ཁྱེད་ཀྱིས་བཞག་པའི་མེ་རླབས་དྲོད་མོ་དེ།།
མི་འཇིག་སྙིང་ལ་སྤར་བའི་ཚེ་འབར་ཉིད།།
ཁྱེད་ཀྱི་བླ་མེད་མི་ལུས་རིན་པོ་ཆེར།།
དཔའ་དང་སྟོབས་ཀྱི་མེ་ལྕེ་ལམ་ལམ་འབར།།
འདིར་གནས་བདག་གི་ཁྲ་ཆུང་མིག་ཟུང་ལས།།
དྲན་གདུང་མཆི་མའི་ཆར་རྒྱུན་ཤག་ཤག་འབབ།།
མིག་ཆུ་རློན་པས་ཁྱེད་ལ་སྐྱེལ་མ་བྱེད།།
སེམས་ཁམས་གཙང་མས་ཁྱེད་ལ་གྱེས་ཕྱག་འབུལ།།
སྐྱེ་བ་ཕྱི་མའི་རྣམ་ཤེས་རྩ་ཆེན་དེ།།
བོད་ཀྱི་འཁོར་ཡུག་འདི་ན་སྐྱེ་བར་ཤོག།།
སྙན་པོ་ཞེ་དྲག་བྲིས་འདུག་སྐྱབས་ཡུལ་རྣམས་ནས་དམ་པ་ཁོང་ངན་འགྲོར་མི་སྟུང་ཞིང་ཆོས་ལྡན་ཞིང་དུ་སྐྱེ་བའི་ཐུགས་སྨོན་སྐྱབས་འཇུག་བརྩེ་བས་གཟིགས་པ་མཁྱེན།།།
རྒྱལ་གཅེས་དཔའ་རྒོད་གྲྭ་ཚེ་དབང་ནོར་བུ་མཆོག་ལ་སེམས་ཁོང་རུས་པའི་གཏིང་ནས་མྱ་ངན་ཞུ། དཔའ་རྒོད་རེ་རེ་བཞུད་ཤུལ་ནས་ང་ཚོས་མྱ་ངན་ཞུ་ཚིག་རེ་ལས་ཇི་ཡང་འཇོན་ཀི་མེད། དེའི་ཞོར་ནས་ད་དུང་མར་མེ་ཁྲོམ་སྐོར་རེ་བྱས་རྗེས་རྒྱལ་གཅེས་དཔའ་རྒོད་ཁོང་ཚོའི་རེ་འདུན་དང་ཕྱི་རབས་པར་བཞག་པའི་ཁ་ཆེམས་ཡོད་ཚད་མཇུག་བསྡུ་ཀི་ཡོད། ང་ཚོའི་ཁོང་ཅག་གི་རེ་འདུན་བསྒྲུབ་མི་ཐུབ་ཀྱང་ང་ཚོའི་སྒྲིག་ཁོང་ནས་འཇིག་མི་ཐུབ་པའི་རྡོ་རིང་ཞིག་བཞེངས་ནས་རང་ཉིད་ཀྱི་ཚེ་སྲོག་མི་རིགས་ཀྱི་ཕྱིར་དུ་ཕུལ་ཟིན་པའི་རྒྱལ་གཅེས་པ་རེ་རེའི་མིང་གཞུང་མུ་མཐུད་ནས་རྡོ་རིང་གི་ངོས་སུ་ཕབ་དགོས། རྒྱལ་གཅེས་པ་རེ་རེ་བཞིན་འདི་ལྟར་བཞུད་སོང་ནའང་ང་ཚོའི་ངོས་ནས་དྲན་རྟེན་ལྟ་བུ་ཞིག་དང་ཁོང་ཚོ་ཅི་ཞིག་གི་ཆེད་དུ་ཚེ་སྲོག་བློས་བཏང་གནང་བ་ང་ཚོའི་ཕྱི་རབས་པའི་སྡེ་ལ་གསལ་བཤད་ཡང་དག་ཅིག་གནང་རྒྱུའང་གལ་ཆེན་ལྟ་བུ་སྣང་།
ཨོ་ལེ། སྙིང་རྗེ་ཡང་དོན་དམ་པའི་ཕོ་རྒོད་ཅིག་བོད་དོན་ལ་གཤེགས་སོང་ནི་རེད། མ་གཞི་འདི་ལྟ་བུའི་རང་སྲོག་བློས་གཏོང་ཐུབ་པའི་དཔའ་བོ་ཞིག་ཡིན་ན་རྒྱ་དཔོན་མཐོན་པོ་ཞིག་དང་རོ་རྡོས་མི་བྱེད་པར་རང་སྲོག་གཅོད་དོན་ཅི་ཡིན་ནམ། ཨོཾ་མ་ཎི་པདྨེ་ཧཱུྂ། ཨོཾ་མ་ཎི་པདྨེ་ཧཱུྂ། ཨོཾ་མ་ཎི་པདྨེ་ཧཱུྂ། ཨོཾ་མ་ཎི་པདྨེ་ཧཱུྂ། ཨོཾ་མ་ཎི་པདྨེ་ཧཱུྂ། ཨོཾ་མ་ཎི་པདྨེ་ཧཱུྂ། ཨོཾ་མ་ཎི་པདྨེ་ཧཱུྂ། ཨོཾ་མ་ཎི་པདྨེ་ཧཱུྂ། ཨོཾ་མ་ཎི་པདྨེ་ཧཱུྂ། ཨོཾ་མ་ཎི་པདྨེ་ཧཱུྂ། ཨོཾ་མ་ཎི་པདྨེ་ཧཱུྂ། ཨོཾ་མ་ཎི་པདྨེ་ཧཱུྂ། ཨོཾ་མ་ཎི་པདྨེ་ཧཱུྂ། ཨོཾ་མ་ཎི་པདྨེ་ཧཱུྂ། ཨོཾ་མ་ཎི་པདྨེ་ཧཱུྂ།
དྲ་གྲོགས་ཨ་འདུས་ལགས་ཀྱིས་བསྟོད་པའི་མཐེ་བོང་གནམ་ལ་བརྩེངས་ཏེ་དཔའ་བོ་ཁོང་གི་དམར་བོ་མེ་ཡི་སྣང་བརྙན་དམར་ལེམ་བ་ཞིག་བཞེངས་བསྐྲུན་གྱིས་འདིར་བཀོད་པ་ཡག་བྱུང་ཟེར་རྒྱུ་ཡིན། གཞན་དེང་སང་སློབ་དཔོན་ཡིན་ན། ཧེ་རུ་ཀ་ཡིན་ན་དེ་ཚོས་བུ་མོ་ཞིག་ལ་ཅིག་བཤད་མ་ཐུབ་ནས་བསྡད་འདུག ཧ་་་ཧ་་་ཧ་་
འཇིགས་རུང་སྲིད་པ་མུན་པའི་ཐང་ཆེན་དུ།།
བདེན་པའི་སྙིང་སྟོབས་ཕ་མཐའ་བྲལ་བའི་ཀློང་།།
གཅེས་པའི་ལུས་སྲོག་བསྒྲོན་པའི་དགེ་བ་ཅན།།
ཁ་བའི་ལྗོངས་ཀྱི་དཔའ་བོ་ཁྱེད་ལ་འདུད།།
རྒྱལ་གཅེས་པ་ཁོང་ལ་སེམས་ཁོང་ནས་གུལ་ཕྱག་འབུལ།
དཔའ་པོ་རེད་ཅེས་བརྗོད་ན་དཔའ་རྟགས་མེད།།
གླེན་པ་རེད་ཅེས་བརྗོད་ན་ཀུན་གྱིས་བསྡིགས།།
གཞན་དགྲ་རང་གི་སྲོག་ཏུ་མ་བབས་པར།།
རང་ཉིད་རང་གི་གཤེད་མར་བབས་འདི་སྐྱོ།།
དྲ་གྲོགས་བསམ་ཤེས་པ་གང་མང་ཞིག་འདིར་ཕེབས་ནས་དགོངས་ཚུལ་རེ་གསུངས་པར་ཐུགས་རྗེ་ཆེ་ཞུ་བ་དང་། གཞན་རེ་གཉིས་ཀྱིས་དཔའ་བོ་གང་ཉིད་ཇི་ལྟར་ཤི་བ་དང་ཇི་ཞིག་གི་ཆེད་དུ་ཤི་བ་མ་ཤེས་ཚེ། རྔ་མ་མེད་པའི་ཁྱི་རེད་ཅེས་བཤད་རྒྱུ་ལས་བདག་ལ་ལན་ཞིག་མ་རྙེད་ཐ། ཁྱེད་ཚོ་འགའ་ཞིག་གིས་བསམ་བློ་བ་ཡིན་མདོག་གིས་དམ་པ་འདི་དག་ལའང་ཁ་རྡུང་བར་བརྩོན་པ་ནི་ངོ་མ་ངོ་གནོང་དགོས་པའི་གནས་ཤིག་ཏུ་མཐོང་ངོ། ཆུ་ཐིགས་སྔོན་མ་ཞེས་པ་འདིས་བདག་ལ་དུས་བབ་དྲ་ཚིགས་ནས་ཀྱང་འདྲ་མིན་བཤད་མྱོང་བ་བཞིན་དེ་རིང་འདིར་འོང་ནས་ང་ལ་སྡིགས་པའི་སླད་དུ་དཔའ་བོ་གང་ཉིད་ལ་སྡུག་པར་བྱེད་པ་ནི། ངོ་མ་ཐེ་ཚོམ་གྱི་གནས་ཤིག་ཏུ་འཁུམས་སོ། སྨྱུག་མིང་རྫུན་་མ་ཞིག་གི་འོག་ནས་དཔའ་བོ་ཡིན་མདོག་དང་། མཁས་པ་ཡིན་མདོག་ག་ཚོད་བྱས་ཀྱང་ང་དང་ལོ་རྒྱུས་ཀྱི་ངོས་ནས་ས་འོག་དར་ཐག་ཟེར་བཞིན་ཡོད་ལ། ཆུ་འཇམ་བྲག་བཤིགས་ཟེར་བཞིན་འདའ་འོ། གལ་ཏེ་ཁྱེད་ལ་ཕོག་སོང་ན་ཁྱེད་ཀྱི་སྙིང་ལ་ཕོག་པར་ཤོག་ཟེར་རྒྱུ་ཡིན་ལ། ཁོང་ཁྲོས་མེ་ལྕེ་འབར་བར་ཤོག་ཅེས་ཆུ་ཐིགས་སྔོན་མོ་ལ་གདམས་པའོ།།
རང་སྲོག་མེ་ལ་སྒྲོན་ན་གླེན་པ་ཡིན།།
རང་གིས་རང་ལ་བསྡིག་ན་དཔའ་བོ་མིན།།
དུས་རབ་འདི་ཡི་དཔའ་བོའི་ལག་ཆ་ནི།།
རྣམ་དཔྱོད་དཀྲུས་པའི་ཁྲོད་ཀྱི་སྨྱུ་གུ་ཡིན།།
དཀྲུག་་་་་
འོན་ཀྱང་འདས་པོ་འདི་ཡི་ལྷག་བསམ་ལ།།
བསྔགས་བརྗོད་ལུས་ཡོད་འཇིག་རྟེན་ཕྱི་རུ།།
བདེ་ལྡན་མགོན་གྱི་ཞིང་དུ་སྐྱེ་བར་ཤོག།
ཨ་འདུག་མིག་ཆུ་ལགས་་་་དེ་འདྲའི་བློ་ཁོག་ཆུང་ཆུང་གི་ཚུལ་མ་སྟོན་དང་།
ཞིབ་མོར་དཔྱོད་དང་་་ངས་ཁྱེད་ལ་སྡིགས་ར་བཏང་འདུག་གམ་་་་ངས་གོང་དུ་བཀོད་པའི་མཆན་ལ་ལྟོས་དང་་་་སྐད་ཆ་འདི་འདྲ་ཞིག་ཁོག་ལ་མ་ཤོང་ན་ད་ཅི་བཤད་དགོས་པ་རེད་་་་རྟག་པར་ཁྱེད་ལ་ངོ་བསྟོད་རྐྱང་རྐྱང་བྱེད་དགོས་པ་ཨེ་རེད། སྤྱིར་བཏང་ངོ་སོས་དགའ་མཁན་གྱི་མི་ཞིག་ཡིན་ན་དེ་ལ་ཚད་འཛིན་ས་ཞིག་མེད་ཁོ་ཐག་ཡིན།
གནམ་གྱི་མཐོངས་ནས་འབྲུག་སྐད་ཐེངས་གསུམ་གྲག།
ལེ་ལོ་གཉིད་དུ་ཡུར་བའི་སེམས་པ་དཀྲོག།
ཞིབ་ཏུ་བསམ་ན་དཔའ་བོའི་ངར་སྐད་ཅིག།
དེ་རིང་བདག་གི་རྣ་བ་སིམ་པར་བྱེད།།
ཆུ་ཐིགས་སྔོན་མོ་ལགས། འདི་འུ་གཉིས་ཀྱིས་རྩོད་པ་བྱེད་སའི་གླེང་སྟེགས་མ་ཡིན་པས་ངས་ཁྱེད་དང་རྩོད་པ་བྱེད་ན་མི་སྤྲོ་མོད། གང་ལྟར་གསལ་བཤད་ཅིག་བྱེད་རྒྱུར། ངས་ཁྱེད་ཀྱིས་ང་ལ་ངོ་བསྟོད་བྱས་མི་འདུག་ཅེས་ཤོད་ཀྱི་མེད་ཀྱང་། ཁྱེད་ཀྱིས་དཔའ་བོ་གང་ཉིད་ལ་དཔའ་རྟགས་ཞེས་སྟོན་རྒྱུ་མེད་པར་དེ་ལྟར་མ་བསྲེགས་བཏང་པ་ནི། བླུན་རྟགས་སོ་ཞེས་ངོ་ཚ་ཁྲེལ་མེད་ཀྱིས་བཤད་སོང་བ་འདིས་ང་ལ་སྡིགས་པ་བྱས་པ་ལས་སྡུག་སོང་ཐ་ཅེས་སྨྲ་བཞིན་པ་ལས། ཁྱེད་ཀྱིས་ང་ལ་ངན་སྨྲས་བྱས་འདུག་ཅེས་ཞུ་རྒྱུ་མ་བྱུང་ལ། རབ་བྱུང་ན་ཉིད་ཀྱི་ཆོ་མེད་པའི་ཚིགས་བཅད་དེ་ཕྱིར་འཐེན་བྱེད་ཐུབ་ན། ཁྱེད་རང་ལ་ཕན་པ་ཡོད་པ་རེད་ཅེས་བསླབ་བྱ་ཙམ་རྒྱག་བཞིན་ཡོད། གཞན་གང་ཡང་མེད་བདེ་མོ།
ཨེ་རེད་་་་དེས་ན་ཁྱེད་ཀྱིས་དུབ་བབ་ནང་ནས་ཀྱང་ང་ལ་འདུག་ཀ་མི་འཇོག་གི་ཞེས་བྲིས་འདུག་པས་དེ་དུས་ངས་མེ་སྲེག་བཏང་བའི་མི་དག་ལ་ཁ་བཏང་འདུག་གམ། སྔོན་གྱི་སྙིང་ནད་སེམས་ལ་ཡོད་ན་ཚིག་ཅི་བཤད་ཀྱང་གནོད་ནི་རེད།
ད་དུང་ངས་མེ་སྲེག་བཏང་བའི་གྲྭ་བ་ཚོ་དཔའ་བོ་རེད་ཅེས་ངོ་སོ་བྱེད་ཀྱི་མེད། ཁོང་ཚོས་གླེན་རྟགས་བསྟན་པའམ་ཡང་ན་ཁོང་ཁྲོས་མ་བཟོད་པས་རེད། གྲྭ་བ་ཚོས་སློབ་གཉེར་ཅི་བྱས་ཀྱང་ཐ་ན་རང་ཉིད་ཀྱིས་ཅི་བྱེད་ཀྱི་ཡོད་པའང་ཤེས་ཀྱི་མི་འདུག་་་་མ་ཟད་ད་དུང་ཁ་ནས་བདག་གཞན་མཉམ་བརྗེ་ཞེས་ཚིག་སྐམ་རེ་མི་མང་ཚོའི་མདུན་ནས་སྐྱོར་བ་ཙམ་ལས་དོན་དུ་མཉམ་བརྗེ་ཞིག་གི་ཟུར་ཙམ་ཡང་སོང་མེད་པ་དངོས་མཐོང་ཡིན་པ་སུས་ཀྱང་བསྙོན་དུ་མེད་པ་ཞིག་རེད་ཅེས་བཤད་ཀྱིན་ཡོད།
བོད་ཀྱི་ལ་རྒྱ་དང་མི་རིགས་ཀྱི་ལྟ་བ་འཛིན་དགོས་ན་བོད་སྐད་ཡིག་དང་རིག་གཞུང་ལ་གཅེས་འཛིན་དང་་་་ད་དུང་བོད་མི་ནང་ཁུལ་འཆམ་མཐུན་ཡོང་ཐབས་སོགས་ལ་རང་ནུས་གང་ཡོད་བཏོན་ན་དེ་ནི་གནས་ལུགས་དང་མཐུན་པ་་་་མི་རིགས་དང་རིག་གཞུང་ལ་ཕན་པའི་རླབས་ཆེན་གྱི་ལས་ཀ་ཞིག་རེད་ཅེས་གུས་པས་མགྲིན་མ་གཟེངས་སུ་བཞགས་ནས་བཤད་ཀྱིན་ཡོད།
དེ་མིན་འདི་ལྟར་བྱས་ན་རང་གཞན་གཉིས་ཕུང་ལས་མེད་པས་དཔའ་བོ་ཞེས་བརྗོད་མི་ནུས་པ་ནི་ངས་བལྟ་སྟངས་ཤིག་ཡིན་པ་ལས་ཉིད་ལ་འཁང་ར་བྱེད་འདོད་པས་མིན་པ་ཤེས་དགོས།
ངའི་འདིར་བརྗོད་འདོད་པ་ནི། བོད་མི་ས་ཡ་དྲུག་གི་བདེན་པ་དང་རང་དབང་གི་ཆེད་དུ་རང་ལུས་མེར་བསྲེགས་ཤིང་རང་སེམས་བོད་མིར་ཕུལ་བའི་དཔའ་བོ་ཁོང་གི་མཛད་རྗེས་ལ་བསྔགས་པ་བྱེད་པ་ཕར་བཞག རང་སྲོག་བློས་གཏོང་བྱས་པ་དེ་དེང་དུས་ཀྱི་ཕོ་གསར་མོ་གསར་རྣམས་ཀྱི་བྱེད་ཚུལ་དང་འདྲ་བར་རང་ཚུགས་མ་ཟིན་པའི་ཚོད་དུ་བརྩི་མཁན་ཀླད་མེད་འགའ་ཞིག་གིས་མཆན་ཐུང་འགའ་བཀོད་འདུག་པས་དེ་དག་ལ་རེ་བ་ཅུང་ཞིག་ཞུ་འདོད་བྱུང་། གང་ཡིན་ཟེར་ན། ང་ཚོ་བོད་པས་སྔར་ནས་ད་བར་དུ་ལས་ཀ་དེ་འདྲ་རང་བྱས་ནས་གཞན་འོག་ཏུ་ཤོར་བ་རེད། བོད་མི་ཞིག་ལ་འཇོན་ཐང་གང་འཚམས་ཤིག་ཡོད་ཡོང་དུས། དེ་ལ་རྒྱབ་སྐྱོར་དང་རོགས་རམ་འདེགས་བྱས་ནས་མཐོ་སར་ཡར་བསྐྱར་རྒྱུའི་ཚབ་ཏུ་མར་རྐང་པ་ནས་འཐེན་ཐབས་འཚོལ་མཁན་མང་པོ་ཞིག་ཡོད་པ་རེད། དེར་བརྟེན་ང་ཚོའི་ཕྱིར་བལྟས་ཤིག་བྱས་ཚེ་འདས་པའི་ལོ་རྒྱུས་ཀྱི་ནང་དུ་དེ་འདྲའི་རིགས་མང་པོ་ཞིག་བྱུང་བ་མཐོང་དུ་ཡོད་པ་རེད། དེ་བཞིན་དུ་ད་ལྟ་ཡང་གདོད་འདྲེ་མངོན་སུམ་དུ་ཁོག་ལ་ཞུགས་པའི་མི་ཙམ་པོ་བ་འགའ་ཞིག་གིས་མི་མང་གི་བློ་ལོག་པའི་ལམ་དུ་འཁྲིད་ཐབས་བྱེད་བཞིན་འདུག རང་ཉིད་ལ་རང་དབང་འཐབ་རྩོད་ཀྱི་ཆེད་དུ་བློ་སྟོབས་སུ་ལས་ཞན་ཡང་། བློ་སྟོབས་དང་ནུས་པ། བརྩོན་འགྲུས་དང་ཆོད་སེམས། དྲང་བདེན་དང་ལ་རྒྱ། མདུན་ལམ་དང་དམིགས་ཡུལ། གཞེས་ཕྱེས་བོད་མིའི་བདེན་དོན་ལ་བསམ་གཞིག་གཏོང་མཁན་གཞོན་སྐྱེས་དཔའ་བོ་ཁོང་ལྟ་བུར་དམའ་འབེབས་དང་བརྙས་བཅོས་མ་གཏོང་རོགས་ཞེས་ཞུ་འདོད་བྱུང་།