ལོག་སྨྲ་ཚར་གཅོད།
ནག་པོ་རྒྱ་ཡིས་དྲག་ཤུགས་བཙན་པོས་གཡུལ་གཤོམ་དམག་དཔུང་ཕྱོགས་བཞིར་བཀོད།།
ཁེངས་དྲེགས་ང་རྒྱལ་འཁོར་སྒྱུར་འགྲན་ཞིང་གཡོ་སྒྱུའི་འུར་སྒྲོག་གླིང་བཞིར་ཁྱབ།།
ཉམ་ཆུང་གྲངས་ཉུང་མི་རིགས་ཁག་ལ་བཙན་གནོན་ཉིན་མཚན་དུས་བཞིར་བྱེད།།
སྟོབས་ཤུགས་ཆེ་ཆུང་བཙན་གནོན་འདི་ལ་རྒྱལ་ཚོགས་ད་དུང་གཉིད་ལོག་གམ།།
ཁ་བའི་ལྗོངས་སུ་བྱམས་སེམས་ཆེ་བའི་འཚེ་མེད་མི་རིགས་དམར་གསོད་འོག །
གོ་ལའི་ཡང་སྟེང་མཐོ་སྒང་བོད་ཀྱི་རྩ་ཆེན་ཁོར་ཡུག་གཏོར་བརླག་དང་།།
སྐྱེ་འགྲོ་ཀུན་གྱི་གཅེས་ནོར་དམ་པ་བོད་བརྒྱུད་ནང་བསྟན་སྟོང་ཉེ་ནའང་།།
འགྲོ་བ་མི་ལ་འགན་ཁུར་མིང་ཁྱེར་རྒྱལ་ཚོགས་ད་དུང་མིག་ལོང་ངམ།།
ཆབ་སྲིད་ལམ་ལུགས་གཅིག་སྡུད་ཅན་གྱི་དམར་པོའི་ལྟ་བ་མཁྲེགས་འཛིན་འོག །
མེ་ལྕེ་དྲག་པོའི་ཀློང་ན་འགྱིངས་པའི་དཔའ་རྒོད་བརྒྱ་དང་ཉེར་གཅིག་གིས།།
མི་རིགས་རང་དབང་རྩོད་ལེན་ཆེད་དུ་རང་ལུས་མེ་རུ་བསྒྲོན་ན་ཡང་།།
ཁ་བ་ཅན་པས་རེ་སྟོང་བཅོལ་ས་ཨ་རི་ད་དུང་རྩ་ཁུམས་སམ།།
སྤྱན་རས་གཟིགས་ཀྱི་གདུལ་ཞིང་གནས་དེ་མི་ཡུལ་དམྱལ་ཁམས་གསོན་པོར་གྱུར།།
སྐྱབས་ཡུལ་བླ་མ་རིགས་མཐུན་སྤུན་རྣམས་གཞན་ཡུལ་ས་མཐར་རྒྱང་འབུད་བཏང་།།
ཁྱོ་བོའི་ཤུལ་ལུས་བུ་མེད་ཡུགས་ས་ཕྲུ་གུ་རྣམས་ཀྱང་ད་ཕྲུག་གྱུར།།
སྨྲེ་སྔགས་ངུ་སྒྲས་བོད་ཁམས་ཁྱབ་ཀྱང་ཡོ་རོབ་ད་དུང་བཟིས་དྭངས་སམ།།
རྒྱལ་ཚོགས་ལ་རེ་བ་ཁྱོན་ནས་བྱ་རྒྱུ་ལྷག་མེད། ཧ་ཐོ་ན་འགྲོ་བའི་མི་ཐོབ་ཐང་གི་གྲོས་ཆོད་འདྲ་པོ་བཞག་སྲིད། འོན་ཀྱང་བོད་ནང་ལ་ཁྱོན་ཡོངས་ནས་དོན་དངོས་ཀྱི་ནུས་མི་ཐོན་ཐག་ཆོད་ཡིན་པ་ནི་འདས་པའི་རྒྱལ་ཚོགས་ཀྱི་བྱེད་སྟངས་ནས་ཤེས་གསལ་རེད།
སྔར་གྱི་དུས་སུ་རྒྱ་ནག་གོང་མ་ཡི། །
སྐུ་ཚེ་ཡུ་བརྟན་ཞབས་བརྟན་བོད་པས་བསྒྲུབས། །
ཕྱིས་ཀྱི་དུས་སུ་མ་འོ་དམར་པོ་ཡིས། །
ཞབས་བརྟན་དཔེ་རྣམས་མེར་བསྲེགས་ཐལ་བར་བརླགས། །
ད་ལྟའི་དུས་སུ་འཛམ་གླིང་ཞི་བདེའི་ཕྱིར། །
འཚེ་མེད་ཞི་བའི་ལམ་ལུགས་བོད་པས་སྤེལ། །
རྒྱལ་ཚོགས་ཨ་རི་ཡུ་རོབ་མིག་ཡོད་ཀྱང་། །
རྒྱ་རིགས་དཔོན་ངན་ཚོས་ཀྱང་མི་མཐོང་ཅི། །
སྔར་ཡོད་བོད་ཀྱི་གཏམ་དཔེ་ལ། །
རྒྱ་རྣམས་དྭོགས་པས་ཤི་ཞེས་ལྟར། །
གཞིས་བྱེས་བོད་མི་འཁྱོན་ཡོངས་ཀྱིས། །
རང་བཙན་མ་རྩོད་དབུས་ལམ་རྒྱུགས། །
བོད་རྣམས་རེ་བས་ཕོངས་ཟེར་ལྟར། །
གཞན་ལ་རེ་བ་མ་བཅོལ་བར། །
འགྱེལ་ས་རང་ནས་རང་འགུལ་གྱིས། །
རང་ཐག་རང་བཅད་ལས་འགུལ་རྩོམས། །
སེམས་དཔའ་ཆེན་པོ་གན་དྷིས།
དང་པོ་དགྲ་ཡིས་མེ་ཤེས་པར་བསྐྱུར་རྐྱང་བྱེད།
གཉིས་པ་མ་བདེ་ནས་འཁྲལ་བགད་བྱེད།
གསུམ་པ་འཛིངས་ཀར་འོངས།
བཞི་པ་རང་ཉིད་ལ་རྒྱལ་ཁ་ཐོབ།
མེ་ཤེས་པར་་་་་ དེ་མི་ཤེས་པར་་་་་་་་ ལ་བཅོས།