དབུ་མའི་ལམ་གྱི་མི་མང་ལས་འགུལ་ཁང་གི་བཀོད་སྒྲིག་འོག རང་ལུས་མེར་བསྲེགས་བཏང་བ་དང་མེ་མདས་བསད་པ་བཅས་ཀྱི་མཚོན་དོན་མི་གྲངས་སུམ་ཅུས་ཆུ་འབྲུག་ལོ་སར་ཚེས་གཅིག་ནས་ཚེས་གསུམ་བར་རྒྱལ་ཚོགས་གཉིད་དཀྲོག་ལས་འགུལ་དབུ་འཛུགས་གནང་ཡོད་ཅིང་། དེ་འང་ལོ་སར་ཚེས་གཅིག་ཉིན་གྱི་སྔ་དྲོའི་ཆུ་ཚོད་བཅུ་གཉིས་སྟེང་བོད་མི་མང་སྤྱི་འཐུས་ཚོགས་གཙོ་དབུ་བཞུགས་ཐོག་རྗེས་དྲན་རྡོ་རིང་མདུན་མཛད་སྒོ་ཚུགས་ཡོད་པ་དང་། སྐབས་དེར་ཚོགས་གཙོ་མཆོག་དང་ཧིན་བོད་མཛའ་ཚོགས་ཀྱི་ཚོགས་གཙོ་ཟུར་བ་བཅས་ཀྱི་གཏམ་བཤད་གྲུབ་མཚམས། རྒྱལ་ཚོགས་ལ་འབུལ་རྒྱུའི་དགོས་འདུན་དོན་ཚན་བདུན་ཅན་དེ་དཔའ་བོའི་རྡོ་རིང་མདུན་ཁྲག་གིས་བྲིས་པ་དང་། མཛད་སྒོ་གྲུབ་མཚམས་མེག་ལོར་ནས་གོམ་བགྲོད་ཀྱིས་ཀ་ཅ་རིར་འབྱོར་མཚམས་རྒྱ་གར་གསར་འགོད་པར་གསར་འགོད་གསལ་བསྒྲགས་སྤེལ་ཡོད་པ་དང་། རྡ་ས་ནས་ལྡི་ལི་བར་གྱི་གྲོང་ཁྱེར་ཆེ་ཁག་ནང་གོམ་བགྲོད་དང་། མར་མེ་ཁྲོམ་སྐོར། ཡིག་ཆ་འགྲེམས་སྤེལ། རྒྱ་གར་གནད་ཡོད་མི་སྣ་གདན་ཞུས་ཀྱིས་ད་ལྟའི་བོད་ནང་གི་ཛ་དྲག་གནས་སྟངས་ལ་བདེན་རྒྱབ་འབོད་སྐུལ་ཞུ་རྒྱུ་བཅས་དང་། ཚེས་གསུམ་ཉིན་ལྡི་ལིར་རྟེན་གཞི་བྱས་པའི་རྒྱལ་ཚོགས་ཀྱི་ཡན་ལག་ལས་ཁུངས་སུ་ཁྲག་གི་སྙན་ཞུ་འབུལ་རྒྱུ་རེད།
http://www.tibettimes.net/blogs.php?id=55&post_id=19183
་རྒྱལ་ཚོགས་གཉིད་ལས་སད་ཡོད་ལ་བོད་ཀྱི་གནས་ཚུལ་ཤེས་ཀྱི་ཡོད།ཡིན་ཡང་ཁོ་ཚོ་ང་ཚོ་ལ་བདག་པོ་རྒྱག་ཐུབ་པའི་ནུས་མཐུ་མེད།རྒྱལ་ཚོགས་གཉིད་ལས་དཀྲོགས་པ་ལས་བོད་མི་ས་ཡ་དྲུག་མཉམ་གཅིག་སྡེབ་གཅིག་གཉིད་ལས་སད་ནས་་རྒྱ་དམར་གྱི་སྲིད་གཞུང་ལ་ཡ་ལན་སྤྲད་དགོས།རང་དོན་རང་གིས་སྒྲུབ་དགོས་པ་ལས།ནམ་ཡིན་ཡང་ཁྱེད་ཀྱི་གནང་རོགས་ཞཻས་ཞུ་འབུལ་བྱས་བསྡད་ན་ཡོང་ཐབས་མེད།
རྣམ་པ་ཚོའི་རྣམ་པ་གསར་བའི་ལས་འགུལ་འདི་ཡག་པོ་འདུག རྒྱལ་ཚོགས་སད་ཡོད་མེད་དང་རོགས་ནུས་ཡོད་མེད་དེ་གཞན་ཞིག་རེད། གང་ལྟར་འཁང་ར་དང་ལེ་བདའ། རེ་སྐུལ་རང་བཞིན་གྱི་ངོ་རྒོལ་རྣམ་པ་ཞིག་རེད། ང་ཚོའི་ཕྱིའི་དྲིལ་བསྒྲགས་ལ་རྒྱབ་སྐྱོར་གྱི་ཁ་གྲགས་མཁན་གཙོ་བོ་དེ་རྒྱལ་ཚོགས་ཡིན་དགོས།
རྒྱལ་ཚོགས་གཉིད་ཀྱིས་མ་མྱོས་ཕྱོགས་ལྷུང་འདོད་པས་མྱོས།
རྒྱ་དམར་དངུལ་གྱིས་རབ་ཏུ་བཟི་གྱུར་ནས།
ཉམ་ཆུང་བོད་མིའི་བདེ་སྡུག་སྐྱུར་བ་རེད།
རྒྱལ་ཚོགས་གཉིད་ལས་བླངས་པའི་དགོས་པ་ཅི།
རྒྱལ་ཚོགས་གང་ནས་གཉིད་འདུག གལ་སྲིད་གཉིད་འདུག་པའི་དབང་དུ་བཏང་ཡང་གཉིད་དཀྲོགས་མཁན་མེད་ན་ཅི་ལྟར་སད་ཐུབ།
བོད་ཀྱི་དུས་བབ་སོགས་སུ་དབུ་མའི་ལམ་མི་མང་ལས་འགུལ་ཁང་གི་གཞིས་ལུས་བོད་མི་ཚོར་འབོད་སྐུལ།ཅེས་པའི་སྐད་ཆ་ཞིག་ཐོན་འདུག་དེ་ཡང་དུས་སྐབས་འདི་འདྲ་ཞིག་ལ་སྐུ་ངོས་ཟླ་བ་ཚེ་རིང་གི་ལམ་སྟོན་འོག་ཤར་ཕྱོགས་ཁུག་རྟས་ལས་འགུལ་ཁང་ལ་ལས་འགུལ་རྣམ་པ་མི་འདྲ་བ་ཞིག་སྤེལ་ཆར་ཡོད་ན་བསམ་ཏེ་གོ་རིམ་ཡོངས་རྫོགས་ཐེངས་གཅིག་ཀླགས་པ་ཡིན། འོན་ཀྱང་འདིར་ནང་དོན་ཡོངས་རྫོགས་རྒྱ་ནག་གི་བཀོད་ཇུས་འོག་འགྲོ་བ་མན་ནམ་བསམ་པའི་དོགས་ཡོད་ཚིག་དོན་མང་བ་དང་གཞི་རྩའི་ཆ་ནས་བོད་སྤྱི་དོན་ལ་དགོངས་བཞེད་མ་གནང་བ་དང་གཞིས་བཞུགས་སྤུན་ཟླའི་དངོན་མདོད་མ་རྟོགས་པ་སོགས་མཆལ་གཏམ་སྣ་ཚོགས་བཤད་འདུག་པས་ཧ་ཀྱང་བློ་ཕམ་སྐྱེ་བྱུང་། ཡིན་དང་ཡིན། བོད་ནང་ནས་ལས་འགུལ་མ་སྤེལ་བ་ཡིན་ན་བཙན་བྱོལ་བས་ག་རེའི་གནང་ཐུབ་ས་རེད་ཅེས་དྲི་བ་འདིར་ལན་མེད་པ་ཤེས་ཀྱི་ཡོད་། དངོས་ཡོད་ད་བར་བོད་ཀྱི་གནད་དོན་མཛམ་གླིང་གི་དོ་སྣང་དང་གནས་དོན་གལ་ཆེན་ཆགས་པ་དེ་གཞིས་བཞུགས་བོད་མིའི་རང་སྲོག་བློས་བཏང་བའི་ལས་མགུལ་དག་གི་གྲུབ་འབྲས་ཁོ་ན་རེད་ཅེས་བཤད་ན་མ་འགྲིག་པ་གང་ཡང་མེད་། གལ་སྲིད་བོད་ནང་ནས་བོད་བསྟན་སྲིད་དོན་ལས་འགུལ་སྤེལ་མཚམ་བཞག་པའི་ཉིན་མོ་དེ་ནས་བོད་དོན་ཟེར་བ་དེ་རྒྱ་གཞུང་གི་ཧམ་བཤད་བཞིན་ཏ་ལའི་བླ་མ་སྒེར་དང་ཁོང་གི་འབྲེལ་ཡོད་འགས་གནད་དོན་ཅན་ལ་རང་བཞིན་དུ་འགྱུར་བ་རེད་། གནས་ལུགས་དེའི་ཕྱིར་བོད་སྤྱི་པའི་རྩ་དོན་དེར་བོད་མི་ཚང་མས་འགན་འཁྱེར་དགོས་པ་ཙམ་མ་ཚད་མེ་བསྲེགས་པ་སོགས་རང་སྲོག་བློས་བཏང་མཁན་ཁྲི་འབུམ་ཡོད་དགོས་པ་དང་ཡོད་པ་དེ་ཞན་ཆ་མ་ཡིན་པ་དཔའ་བོ་དེ་དག་མི་རིགས་ཀྱི་སྤོགས་ལ་རྩིས་དགོས་ངེས་རེད་། དེས་ན་དེ་རིང་ཁྱེད་རང་ཚོའི་ལས་འགུལ་ཁང་གི་གནས་ལུགས་དེ་དག་(འབྲེལ་བཤད་ཡག་པོ་རྒྱབ་ན་སེམས་ཁུལ་ཡོད་མདོག་)ཤེས་བཞིན་གཞན་དབང་དུ་སོང་བའི་སྐད་ཆ་འདི་མི་དགོས་པ་ཞིག་མཐོང་སོང་། དམིགས་བསལ་དྲི་བཀུལ་ཞུ་དོན་སྐུ་ངོ་ཟླ་བ་ཚེ་རིང་གཙོའི་འབྲེལ་ཡོད་དབུ་མའི་ལམ་མི་མང་ལས་འགུལ་ཁང་གི་ལས་བྱེད་རྣམས་པས་བོད་ཁམས་དང་ཨ་མདོའི་ད་སྐབས་གནད་དོན་དེ་མི་རེ་གཉིས་ཀྱི་མེ་བསྲེགས་བཏང་མ་བཏང་གི་གནད་དོན་དུ་མ་དགོངས་པ་བོད་སྤྱི་པའི་རྩ་དོན་ཆགས་དང་འཇིགས་ཡང་ན་གནས་ཐུབ་དང་མི་ཐུབ་ཀྱི་གནས་དོན་ལ་དགོངས་ནས་འདས་པོ་རྣམས་པའི་མངོན་མདོད་བཞིན་བོད་དོན་བརྩོད་རོགས་། ལས་འགུལ་སྤེལ་རོགས། ལས་འགུལ་དེ་ནང་ཁུལ་དམག་འཐབ་ལ་མ་སོང་བོད་སྤྱི་པའི་དོན་དུ་སྤཻལ་རོགས་