རྒྱ་རིགས་རྩོམ་པ་པོ་ཚོའོ་ཁྲང་ཆིན་ངོ་སྤྲོད། ཙ་ཡུས་ཕུན་ཚོགས།

དེང་རབས་བོད་ཀྱི་རྩོམ་པ་པོའི་ཁྲོད་དཔྱད་བརྗོད་རྩོམ་འབྲི་བ་ཁོང་ལྟ་བུ་མི་འབྱུང་དོན་ག་རེ་ཡིན་ནམ། 

ཚོའོ་ཁྲང་ཆིན་ལགས་ནི་དང་ཐོག་སྙན་ངག་གསར་རྩོམ་དང་། སྙན་གཞུང་ཉམས་ཞིབ་པ་ཞིག་ཡིན་ལ། སྤྱི་ལོ་༡༩༨༢ལོར་རྒྱ་ནག་ཤི་ལོན་ཅང་སློབ་གྲྭ་ཆེན་མོའི་(黑龍江大學)རྒྱ་ཡིག་སྡེ་ཁག་ནས་སློབ་མཐར་ཕྱིན། མཐོ་སློབ་དེར་སྡོད་སྐབས་རྩོམ་རིག་ཚོགས་ཤོག<<ལམ་ཆེན་ཚོགས་ཤོག>>《大路社》ཞེས་པ་གསར་འདོན་སྣེ་ཁྲིད་དང་རྩོམ་སྒྲིག་པའི་ལས་འགན་བཞེས། སློབ་མཐར་ཕྱིན་རྗེས་<<ཧྲིན་ཀྲིན་ན་གཞོན་ཚོགས་ཤོག>>(深圳青年報)རྩོམ་སྒྲིག་པའི་ལས་འགན་བཞེས། སྤྱི་ལོ༡༩༨༧ལོར་<<ཧྲིན་ཀྲིན་ན་གཞོན་ཚོགས་ཤོག>>རྒྱ་གཞུང་གིས་བཀག་སྡོམ་བྱས་རྗེས། སྤྱི་ལོ་༡༩༨༨ལོར་རྩོམ་སྒྲིག་པའི་ལས་ཐོག་ནས་ཨ་རིར་སྐྱབས་བཅོལ་དུ་ཕྱིན།

སྤྱི་ལོ་༡༩༨༩ལོར་ཨ་རིར་<<གསར་འགྱུར་རང་དབང་ཚོགས་ཤོག>>ཞེས་པའི་རྒྱ་ཡིག་ཚོགས་ཤོག་གསར་འགྲེམས་བྱས། ལོ་གཅིག་གི་རྗེས་སུ་ཁོ་ལིམ་པི་ཡ་སློབ་ཆེན་(Columbia University-) ནང་ཨེ་ཤི་ཡ་ཤར་མ་དང་། ཧ་ཝེ་ཤར་ནུབ་གསར་གནས་ཉམས་ཞིབ་ལྟེ་གནས་ཁང་ (Hawaii East-West Center)དུ་ཕྱག་ལས་གནང་རྗེས་ཨ་རིའི་གྲོང་ཁྱེར་ཉོ་ཡོག་ནང་གཞི་སྡོད་བྱས།

སྔ་ཕྱིར་ཐེ་ཝན་གྱི་<<རང་དབང་ཚོགས་ཤོག>> <<ཧང་ཀོང་གི་ཉིན་རེའི་ཚོགས་ཤོག>> གཙོས་ཚོགས་ཤོག་དང་དུས་དེབ་བརྒྱ་ཕྲག་བརྒལ་བའི་ནང་ཆབ་སྲིད་དཔྱད་བརྗོད་ཀྱི་རྩོམ་ཡིག་སྟོང་ཕྲག་བརྒལ་བ་སྤེལ་འདུག་ཅིང་། ཨེ་ཤི་ཡ་རང་དབང་བརྙན་འཕྲིན་ཁང་དང་། གསར་འགྱུར་རང་དབང་བརྙན་འཕྲིན་ཁང་བཅས་ཀྱི་གསར་འགྱུར་དཔྱད་བརྗོད་པའི་ཐུགས་འགན་ཀྱང་བཞེས། སྤྱི་ལོ་༢༠༠༤ནས་༢༠༠༥བར་གྲུང་ཧྭ་བརྙན་འཕྲིན་བཟོ་ལས་ཁང་གི་སྤྱི་ཁྱབ་འགན་འཛིན་ཅང་ཀྲིན་ལགས་ཀྱིས་གདན་ཞུ་གནང་བ་ལྟར་ཐེ་ཝན་དང་ཧང་ཀོང་སོགས་སུ་གསར་འཛུགས་བྱས་པའི<<་གྲུང་ཧ་དགོང་དྲོའི་གསར་འགྱུར>> (華視晚間新聞)སོགས་ཀྱི་ཆབ་སྲིད་དཔྱད་བརྗོད་པའི་ལས་འགན་བཞེས། སྤྱི་ལོ༢༠༠༦ལོ་ནས་<<ཚོའོ་ཁྲང་ཆིན་ གྱི་གླེང་སྟེགས་>>ཞེས་པའི་དྲ་ཐོག་དཔྱད་བརྗོད་གླེང་སྟེགས་ཤིག་གསར་འཛུགས་གནང་སྟེ་མུ་མཐུད་རྒྱལ་སྤྱི་དང་རྒྱ་ནག་བཅས་ཀྱི་ཆབ་སྲིད་གནད་དོན་ཐད་གླེང་སློང་ཤུགས་ཆེན་བྱེད་ཀྱིན་ཡོད།

ཚོའོ་ཁྲང་ཆིན་ནི་རྒྱ་རིགས་མི་མང་ལས་འགུལ་ནང་མཉམ་ཞུགས་མུ་མཐུད་བྱེད་མཁན་ཞིག་ཡིན་པ་མ་ཟད། ཕྱི་སྡོད་རྒྱ་རིགས་ཁྲོད་རྒྱ་གཞུང་ལ་ངོ་རྒོལ་ཤུགས་ཆེར་གཏོང་མཁན་གྱི་སྣེ་ཁྲིད་པ་དང་སྟོབས་ཤུགས་འདོན་མཁན་གྱི་གལ་ཆེན་མི་སྣ་ཞིག་ཡིན་ལ། དྲང་ཚུགས་ལྡན་པའི་ཆབ་སྲིད་དཔྱད་བརྗོད་པ་དང་། ལོ་རྒྱུས་དཔྱད་བརྗོད་པ། སྤྱི་ཚོགས་དཔྱད་བརྗོད་པ་ཞིག་ཀྱང་ཡིན། ཁོང་གི་དྲ་གནས་འདིར་ཨ་རི་དང་། རྒྱ་ནག ཡོ་རོབ། ཨ་ཧྥི་རི་ཀ་སོགས་འཛམ་གླིང་ཡུལ་གྲུ་ཁག་གི་ཆབ་སྲིད་ཀྱི་གནད་དོན་དང་། རྒྱལ་སྤྱིའི་གནད་དོན། རྒྱ་ནག་གི་གདན་དོན་བཅས་ལ་ཉམས་ཞིབ་གཏིང་ཟབ་ཀྱིས་དཔྱད་བརྗོད་སྤེལ་ཀྱིན་ཡོད་པ་མ་ཟད། བོད་ཀྱི་་ལོ་རྒྱུས་དང་ཆབ་སྲིད་གནད་དོན་ཐད་དྲང་ཚུགས་ཀྱི་དཔྱད་བརྗོད་གང་མང་སྤེལ་དང་སྤེལ་བཞིན་པ་ཡིན། རྩོམ་ཡིག་མང་པོ་དྲ་ལམ་དུ་བརྒྱུད་འགོད་བྱེད་ཀྱིན་འདུག་ལ། བརྩམས་དེབ་ཏུ་གྲུབ་ཚར་བའི་དཔྱད་བརྗོད་བརྩམས་ཆོས་དེབ་དྲུག་ལྷག་ཡོད་འདུག

ཁོང་གི་བརྩམས་དེབ་རྣམས་ཀྱི་མིང་གཤམ་གསལ།

《詩的技巧》，1984年，北京：中國青年出版社，與謝文利合著。

2《中國現代主義詩群大觀》1988年，上海：同濟大學出版社，與徐敬亞、呂貴品、孟浪合編。

3《中國大陸知識份子論西藏》，1996年，台北：時報文化，主編。

4《獨立的價值：全世界文明社會共同認知的價值》，2004年，台北：玉山社。

5《美國價值》，2004年，台北：玉山社。

6《理性的歧途：東西方知識分子的困境》，2005年，台北：允晨文化。

7《台灣的抉擇》，2006年，台北: 前衛出版社

གནས་ཚུལ་རྒྱས་པ་ཁག་མི་སྒེར་དྲ་ཚིགས་འདིར་གསལ།