ཀ་ཐར་ཚེ་རིང་།
ལོ་མང་ཞིག་ནས་བཟུང་ཨ་རིར་གནས་སྡོད་རྒྱ་མི་ཞིག་གིས་རང་ཉིད་སངས་རྒྱས་གསུམ་པ་༼རྡོ་རྗེ་འཆང་སྐུ་ཕྲེང་གསུམ་པ་༽ཡིན་པར་བརྗོད་ནས་བོད་ཀྱི་བླ་མ་ཆེ་ཁག་ཐམས་ཅད་ཀྱི་ཕྱག་ཡིག་རེག་ཐབས་བྱས་ཡོད་པ་དང་། དེ་རྗེས་དེབ་ཧ་ཅང་མང་པོ་བཟོས་ཤིང་། དེའི་ནང་དུ་དུས་འཁོར་དང་འཇིགས་བྱེད། དམ་ཅན་ཆོས་རྒྱལ། རྡོ་རྗེ་ཕུར་བ་དང་རྟ་མགྲིན་སོགས་གསར་མ་རྙིང་མ་གཉིས་ཀྱི་ཡི་དམ་རྣམས་དང་། རྒྱ་བོད་ཀྱི་པཎ་གྲུབ་ཐམས་ཅད་ཁོ་རང་གི་བཀའ་སྡོད་དང་སྤྲུལ་པའམ། ཡང་ན་བྱིན་གྱིས་བརླབས་པ་ཡིན་མདོག་གིས་ཁོ་རང་གི་པར་གྱི་འོག་ན་བསྒྲིགས་ཡོད་པ་རྒྱལ་ཕྱི་ནང་གང་སར་བཀྲམས་ཡོད་པ་རེད།
འདི་དག་རྒྱ་མི་དེ་གཅིག་པོས་ལས་ཀ་རེད་དམ་ཟེར་ན་མ་ཡིན་པར། བོད་བླ་མང་པོ་ཞིག་གིས་ཀྱང་རྒྱ་མི་དེ་སངས་རྒྱས་གསུམ་པ་ཡིན་ལུགས་ཡིན་ཚུལ་གྱི་ཡི་གེ་མང་པོ་གནང་འདུག དེའི་ཁྲོད་ན་འབུར་དུ་ཐོན་པ་ཞིག་ནི་ཀརྨ་པ་ཨོ་རྒྱན་ཕྲིན་ལས་རྡོ་རྗེའི་ཆེས་ཐོག་མའི་ཡོངས་འཛིན་བདུད་མོ་ཆོས་རྗེ་༼མིང་གི་དག་ཆ་མ་ཤེས། གོ་ཚོད་ལ་བདུད་མོ་ཆོས་རྗེ་འདྲ་ཞིག་ཟེར་བཞིན་འདུག་པས་སྒྲ་གདངས་ལས་ཚོད་དཔག་བྱས་ཏེ་བྲིས་པ་ཡིན།༽ཟེར་བ་དེ་རེད།
བདུད་མོ་ཆོས་རྗེས་རྒྱ་མི་སངས་རྒྱས་གསུམ་པ་ཟེར་བ་དེ་རྡོ་རྗེ་འཆང་ཡིན་པར་མ་ཟད། ཀརྨ་པ་ལ་བྱིན་གྱིས་བརླབས་པ་ཁོ་རང་གི་དག་སྣང་གིས་དངོས་སུ་མཇལ་ཚུལ་གྱི་ཡི་གེ་བྲིས་ཤིང་། ད་དུང་བདེན་དཔང་སྟོབས་ཆེན་གྱི་ཆེད་དུ་ཡི་གེ་དེ་ལག་པས་བཟུང་ནས་པར་ཡང་བརྒྱབ་འདུག ཡི་གེ་དེར། ངའི་སྐྱེ་བ་འདིས་ཀརྨ་པ་སྐུ་ཕྲེང་བཅུ་བདུན་པ་ཨོ་རྒྱན་ཕྲིན་ལས་རྡོ་རྗེ་ལ་ཐོག་མར་ན་བཟའ་གོན་མཁན་དང་ཡི་དམ་གྱི་དབང་བསྐུར་མཁན་ཡང་ཡིན།
ཉིན་ཤས་སྔོན་དག་སྣང་དུ་ཀརྨ་པའི་དབུའི་ཐད་དུ་རྡོ་རྗེ་འཆང་གསལ་ནས་འོད་ཟེར་འཕྲོས་པས་འོད་ཟེར་གྱིས་ཀརྨ་པར་བྱིན་གྱིས་བརླབས་པར་མཇལ་བ་དང་། མི་རིང་བར་རྡོ་རྗེ་འཆང་ཆེན་གོས་སེར་པོ་དང་། དབུ་སྐྲ་སྟོད་ཁེབས་པ་གཟི་བརྗིད་ཅན་བཞུགས་ཚུལ་གྱི་རྒྱབ་ཏུ་བྲག་རི་དང་། རྫིང་བུ་དང་། ཁང་བཟང་དང་། གུར་གུམ་མེ་ཏོག་དང་། ཤུག་པའི་སྡོང་པོ་སོགས་ཡོད་པར་སྣང་། སོགས་ནས་ཉེ་ཆར་རྡོ་རྗེ་འཆང་སྐུ་ཕྲེང་གསུམ་པའི་ཕྱག་དཔེ་ཐོབ་རྗེས་དེའི་ཤོག་གྲངས་21 པའི་ནང་གི་རྨད་བྱུང་གི་སྣང་བརྙན་མཇལ་བ་སྔོན་གྱི་དག་སྣང་དང་གཅིག་པ་ཡིན་ཚུལ་སོགས་བྲིས་འདུག་པ་པར་རིས་ལྟར་ཡིན་པས་ཀུན་གྱིས་གཟིགས་མཛོད། མཉམ་དུ་རིན་ཐང་ཅན་གྱི་འདྲ་པར་དགུ་ཡོད་པ་ལ་རེ་རེ་བཞིན་པར་གྱི་འོག་ཏུ་འགྲེལ་བཤད་བྱས་ཡོད།
འདི་ནི་འདས་ཟིན་པའི་གནས་ཚུལ་ཞིག་རེད། རྟ་རྒྱུག་ཚར་ཐལ་ཚུབས་ཡལ་ཚར་བ་ཞིག་འདིར་བསྐྱར་བཀོད་བྱེད་དགོས་པའི་དགོས་དམིགས་ཅི་ཞིག་ཡིན་ནམ།
ས་སྐྱ་གོང་མའི་ཀྱང་རྟགས་ཡིག་གནང་ཡོད་པ་མ་ཟད་བོད་ཀྱི་བླ་མ་ཕལ་ཆེར་གནང་ཡོད་རེད།།
དེང་སང་བླ་མ་ཚོར་སུས་དངུལ་མང་པོ་སྤྲད་ན་བདེན་དཔང་ཡི་གེ་རེག་སླ་བོ་རེད། ཡིན་ཡང་ཁོང་ཚོའི་དག་སྣང་ནི་དངུལ་ལས་བྱུང་བའི་དག་སྣང་ཞིག་ལས་སྡིག་པ་སྦྱངས་ཏེ་དག་པའི་སྣང་བ་ཞིག་མིན། འདིའི་རིགས་ནི་ཤིན་ཏུ་མང་པོ་ཡོད་པ་རེད་དེང་སང་། ཁོང་ཚོ་ལོང་བས་ལོང་པ་ལ་ལམ་ཁྲིད་དེ་གཡང་ལ་མཆོངས་ཀི་འགྲོ་གི་ཡོད་པ་གཅིག་མཚུངས་ཡིན།
ད་ལྟད་མོ་རེད།
ད་བཤད་ན་བཤད་ན་ཀརྨ་ནག་རིལ་ཐུབ་ས་མ་རེད་དོ། ཁ་སང་རྒྱལ་སྤྱིའི་ནང་པའི་ལྷན་ཚོགས་ཐོག་གསུང་བཤད་གནང་བ་མ་ཟད། སྐུ་འགྲོན་གཙོ་བོའི་གྲལ་རེད་འདུག འབྲི་གུང་ཨ་ཕྱི་སྙིང་གས་ན་ཡང་སྡུག་གྱོང་ཡིན་ས་རེད། ཧཧ
སྤྲུལ་རྐུ་ལུང་རྟོག་ལགས། སྤྲུལ་རྫུན་ནག་རིལ་དེ་མོས་ཟིག་རེད། ཧ ཧ ལོ་རྒྱུས་ནག་པོ་ཅན་ཚོས་ནང་བསྟན་འདི་འདྲས་བཤིག་ནས་ངོ་ཚ་མེད་པ་ཚོས་ལབ་ལབ་རེད། ༧རྒྱལ་བ་རིན་པོ་ཆེ་དབུ་བསྐོར་བརྫུན་ཞུས་ཚར་ན་ལུང་རྟོག་ཁྱེད་དགའ་ནས་ཤི་ན་ཡང་སེམས་ཅན་མོས་པ་རེད་མོ། དེ་བས་རྒྱལ་བ་འབྲི་གུང་བཀའ་བརྒྱུད་པ་ལ་མཁས་གྲུབ་མང་ནི་རེད་ཀོ །
ཨ་ཕྱི་ལགས། རྒྱ་བ་ཀརྨ་པ་ནག་རིལ་ཡིན་ནའང་འདྲ་སྐྱ་རིལ་ཡིན་ནའང་འདྲ་གང་ལྟར་ཕྲག་དོག་མེ་ལྟར་འབར་བའི་དྲ་འབུ་ཁྱེད་རང་ལྟ་བུས་ཁོང་གི་སྐུའི་བ་སྤུ་གཅིག་ལའང་དོ་བའི་རེ་བ་མེད། ཁོང་གི་མཛད་འཕྲིན་ནམ་མཁའ་ལྟར་རྒྱས་ཤིང་དད་ལྡན་འཁྲི་སྟོང་མང་པོས་དགའ་བའི་ཐལ་མོ་བརྡབ། དད་པའི་མིག་ཆུ་ཞུར། དུང་བའི་བསྟོད་བསྔགས་བྱེད་བཞིན་པར་ཁྱེད་རང་མ་དགའ་ནས་ཕྲག་དོག་གི་ཤི་སོང་ནའང་སྡུག་གྱོང་རེད། རྒྱལ་བ་རིན་པོ་ཆེར་དབུ་བསྐོར་བརྫུན་ཞུས་ཟེར་ན་ག་རེ་རེད། རྒྱལ་བ་རིན་པོ་ཆེ་དབུ་འཁོར་ཆོག་ཆོག་མ་གཏོགས་ཁོང་རང་རང་ལ་ཐག་དཔྱོད་གནང་བའི་ནུས་པའམ་གནམ་དཔྱོད་མེད་པ་རེད་གསུང་གི་ཡོད་དམ། འབྲི་གུང་བཀའ་བརྒྱུད་པ་ལ་གྲུབ་ཐོབ་མང་པོ་ཡོད་ན་དགའ་བའི་རྗེས་སུ་ཡི་རང་ཞུ་བ་ལས་ཕྲག་དོག་འགྲན་སེམས་ནམ་ཡང་མེད། ཀརྨ་པ་མཁྱེན་ནོ།
བོད་ཀྱི་སྤྲུལ་སྐུ་ང་ཡིན་ཁོང་ཡིན་ཟེར་མཁན་མང་དུ་ཡོད་ཀྱང་གནའ་ནས་ད་བར་དུ་བོད་གངས་ཅན་ལྗོངས་སུ་ས་གྲགས་གནམ་གྲགས་ཀྱི་སྤྲུལ་སྐུ་ནི། ཏ་ལི་བླ་མ་རིམ་བྱོན་དང། པཎ་ཆེན་རིམ་བྱོན་དང། ཀརྨ་པ་རིམ་བྱོན་ལས་སྐད་གྲགས་ཆེ་བ་ཞིག་བྱུང་ཚོད་མི་འདུག གང་ལྟར་ཀརྨ་པ་མཆོག་གི་མཛད་འཕྲིན་རྒྱས་བཞིན་པའི་མཛད་བཟང་ལ་མི་བཟོད་པའི་ཕྲག་དོག་ཅན་གྱི་མིག་རིལ་ཐང་ལ་ལྷུང་ཀྱང་སྡུག་གྱོང་རང་རེད།
ཀརྨ་པ་ཞྭ་དམར་པ་དེ་ཚོར་ཇུས་གཏོགས་མང་པོ་བྱེད་ཁོམ་མི་འདུག་ཀྱང་། བདེན་དོན་ཞིག་ཤེས་འདོད་ཀྱིས་རྐྱེན་བྱས་ཏེ་སྟོབས་དགའ་གཡུལ་རྒྱལ་གྱིས་བརྩམས་པའི་(གཏམ་སྣ་ཚོགས་ཀུན་རྟོག་གི་རི་མོ།)ཞེས་པའི་དེབ་དེ་ཐེངས་འགའ་ཀློག་དགོས་ཐུག་བྱུང་བས། ཨྱོན་ཕྲིན་ལས་རྡོ་རྗེ་ཟེར་བ་དེ་དོན་ངོ་མ་ཅི་ཞིག་གི་སྐྱེ་བ་ཡིན་མིན་དེ་ཡག་པོ་བྱས་ནས་ཤེས་བྱུང་བ་མ་ཟད། སྟོབས་དགའ་གཡུལ་རྒྱལ་ཁོ་རང་ཡང་ར་བ་གང་ཞིག་ལས་ཐར་ཐུབ་མེད་པའི་རང་མཚང་དེ་གསལ་པོར་རིག་བྱུང་།
རྡོ་རྗེ་འཆང་གསུམ་པ་ཞེས་པའི་མཚན་དང་། བརྟགས་ཡིག་དངུལ་དངོས་སྤྱད་ནས་རྐུས་པའི་བརྙན་ཐུང་ཞིག་ཡུ་ཊུབ་དྲྭ་རྒྱར་སྔར་ལོ་ཞིག་ལ་མཐོང་སོང་། ༧ས་སྐྱ་གོང་མ་རིན་པོ་ཆེས་ཁྱོན་ནས་བརྟགས་ཡིག་དེ་འདྲ་ཞིག་གནང་རྒྱུ་མ་བྱུང་གསུངས་པ་གཞན་ཡིད་ཆེས་ཕེར་ངེས་ལས་ཐོས་པ་མ་ཟད། སྐྱབས་མགོན་གོང་མ་རིན་པོ་ཆེའི་ས་རྟགས་དངོས་དང་། བརྫུན་མ་གཉིས་བར་ཁྱད་འཕྲུལ་ཆས་བེད་སྤྱོད་མི་དགོས་པ་རྒྱུས་མངའ་ཡོད་པ་ཀུན་གྱིས་ཤེས་རྟོགས་ཐུབ་པའི་གནས་ཚུལ་ཡང་ཐོས།
གང་ལྟར་སྨྱུག་ཐོག་པ་རྣམས་ཀྱིས་འདི་འདྲའི་ཆོམ་རྐུན་པ་ཆེན་པོ་ཞིག་ཁུ་སིམ་གྱིས་ཡན་པོར་གཏོང་བ་གཏན་ནས་མི་འོས། འོན་ཅང་ཕྲན་གྱིས་འདིའི་སྐོར་གནས་ཚུལ་གསལ་པོ་ཞིག་ད་དུང་ཤེས་མ་སོང་།
གོ་ཐོས་ལ་བླ་མ་མང་པོའི་མངོན་མཁྱེན་ནི་སྨོན་ནས་ཤེས་པར་སོང་བརྟེན། གོང་མ་རིན་པོ་ཆེའི་བརྟག་ཡིག་བརྫུན་མར་ལ་བརྟག་དཔྱད་མེད་པར་ཡིད་ཆེས་བྱས་རྐྱང་མཛད་པའི་ཉེར་ལེན་གྱིས། ཀུན་གྱི་སྤྲུལ་གཞིར་སྐད་པའི་ཆོས་ཀྱི་ཆོམ་རྐུན་པ་འདི་བྱུང་ཚར་འདུག
ངས་བསམ་ན། ནང་ཁུལ་གྱི་བླ་སྤྲུལ་མིང་དང་གོ་ས། ཆེ་གཉན་རྩོད་པའི་ཚབ་ལ། སྨྱུག་རྩེ་འདི་འདྲའི་རིགས་ཅན་ལ་གཏད་བྱེད། དམ་ཆོས་སྲུང་སྐྱོབ་ཐུབ་ན། གང་ཟག་སྒེར་བ་རེ་ཟུང་གང་ཆགས་ན་སྐྱོན་གུད་ཆེན་པོ་ཕོག་མི་སྲིད།