སྐལ་བཟང་དགྲ་འདུལ།
དེ་རིང་ནས་འགོ་འཛུགས་པའི་ཉིན་གསུམ་རིང་གི་རྡ་རམ་ས་ལའི་ལྔ་དང་ལྔ་བཅུའི་ཚོགས་འདུར། རྒྱ་ནག་རྒྱལ་ཁབ་བདེ་འཇགས་ལས་ཁུངས་ཀྱི་བློན་ཆེན་གདན་འདྲེན་བྱས་ཡོད་འདུག ཨ་རིར་གནས་སྡོད་རྒྱ་ནག་ཕྱུག་བདག་ཀོའོ་ཝུན་ཀུད་ཀྱིས་ཁ་སང་ཚེས་༥ཉིན་ཨ་རིའི་རྒྱལ་སར་གསར་འགོད་ལྷན་ཚོགས་གཅིག་ཐོག་ཏུ་གསུངས་པར། ཐེངས་འདིར་རྒྱ་ནག་གཞུང་གིས་རྡ་རམ་ས་ལར་སྐུ་ཚབ་ཚོགས་པ་གཅིག་བཏང་ཡོད་ཅིང་། སྐུ་ཚབ་ཚོགས་པ་དེ་བཞིན་རྒྱ་ནག་རྒྱལ་ཁབ་བདེ་འཇགས་ལས་ཁུངས་ཀྱི་བློན་ཆེན་གཞོན་པ་གཅིག་གིས་སྣེ་ཁྲིད་ཡོད། ཁོ་ཚོ་ཚོགས་འདུའི་སྔོན་གྱི་བདུན་ཕྲག་གཅིག་ཙམ་སྔ་རོལ་དུ་རྒྱ་ནག་ནས་རྡོག་ཐོན་བྱས་ཏེ་ཕྱིན་པ་རེད།
ཀོའོ་ཝུན་ཀུད་ཀྱིས་ཉིན་ཤས་གོང་དུ་གནས་ཚུལ་འདི་དང་འབྲེལ་བའི་ཐད་གསུངས་པར། ཐེངས་འདིའི་རྒྱ་གཞུང་སྐུ་ཚབ་ཚོགས་པའི་ལས་འགན་གཙོ་བོ་ནི་གནས་ཚུལ་བསྡུ་རུབ་རེད། ཐེངས་འདིའི་ཚོགས་འདུ་གོ་སྒྲིག་བྱེད་ཕྱོགས་ཀྱང་དམིགས་བསལ་བ་ཞིག་ཡིན་འདུག
ཁ་སང་གི་གསར་འགོད་ལྷན་ཚོགས་དང་འབྲེལ་བའི་ཐད་བོད་ཀྱི་བང་ཆེན་དུ་གནས་ཚུལ་སྤེལ་བར། ” ཚོགས་བཅར་རྣམས་ཀྱིས་བསམ་ཚུལ་སྦས་གསང་མེད་པར་བཤད་ཐུབ་ཆེད་དུ། དེ་གར་བརྒྱུད་ལམ་ཁག་ཡོང་ཆོག་གི་མེད་པ་དང་། གཞུང་འབྲེལ་བརྒྱུད་ལམ་གྱིས་ཀྱང་དབུ་འབྱེད་མཛད་སྒོ་དང་། ཚེས་༧ གྱི་ཉིན་ཕྱེད་ལ་༧གོང་ས་མཆོག་གི་ཆིབས་བསྒྱུར་དང་བཀའ་སློབ། མཇུག་བསྡོམས་མཛད་སྒོ་སོགས་ལ་མ་གཏོགས་གནས་ཚུལ་འགོད་པར་ཡང་ཆོག་མེད་པ། དེ་བཞིན་གཞུང་འབྲེལ་མིན་པའི་བརྒྱུད་ལམ་ཚོས་ཚོགས་བཅར་བ་བཅར་འདྲི་བྱེད་ཆོག་ཀྱང་། ཚོགས་ཡུལ་དུ་ཡོང་ཆོག་གི་མེད་ཁར། ཚོགས་བཅར་བ་ཚོས་བཅར་འདྲི་དང་ལེན་བྱེད་སྐབས་ཚོགས་བཅར་བ་མི་གཞན་གྱི་མིང་འདོན་ཆོག་གི་མེད་ཁར། ཚོགས་བཅར་བ་ཚོས་ཚོགས་འདུའི་ནང་ཁ་པར་འཁྱེར་པ་དང་སྒྲ་འཇུག་བྱེད་ཆོག་གི་མེད་པའི་སྒྲིག་འཛུགས་ཡོད་སྐོར་གསུངས་སོང་།”
ཡང་འདིའི་ཐད་ནོར་ཝེའི་རླུང་འཕྲིན་ཁང་གིས་གནས་ཚུལ་སྤེལ་གསལ་དུ། “ཚོགས་འདུ་གོ་སྒྲིག་གནང་མཁན་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ནས་ཐེངས་འདིའི་ཚོགས་འདུ་ལ་ཆབ་སྲིད་ཀྱི་ལས་དོན་ཧ་ཅང་གལ་གནད་ཅིག་ཏུ་ངོས་འཛིན་གྱིས་ཚོགས་འདུར་ཕེབས་མཁན་བོད་རིགས་མིན་པའི་གནད་ཡོད་མི་སྣ་སུ་གཅིག་གི་མཚན་སོགས་གང་ཡང་གསུངས་གནང་མེད་ནའང། གདན་ཞུས་མི་སྣ་དེ་དག་ཁྲོད་ཨ་རིའི་ཕོ་བྲང་དཀར་པོ་དང་ཕྱི་སྲིད་ལས་ཁུངས། དེ་བཞིན་གྲོས་ཚོགས་སོགས་སུ་ཕྱག་ལས་གནང་མྱོང་མཁན་དང་། ཁེ་ན་ཌ་སོགས་རྒྱལ་ཁབ་ཁག་ཅིག་གི་བློན་ཆེན་ཟུར་པ་ཁ་ཤས། སྒོས་སུ་རྒྱ་གར་གཞུང་འཛིན་ BJP ཆབ་སྲིད་ཚོགས་པའི་མགྲིན་ཚབ་པ་གཙོས་པའི་གནད་ཡོད་མི་སྣ་གཞན་ཁག་ཅིག་ཀྱང་གདན་ཞུས་ཕུལ་ཡོད་པ་གསུངས་ཡོད།”
ཚོགས་བཅར་བའི་ཁྲོད། ཨ་རིར་གནས་སྡོད་རྒྱ་ནག་དམངས་གཙོ་དོན་གཉེར་བ་ཡང་ཅེན་ལིས་ཕེབས་ཡོད་འདུག དེའང་ཀོའོ་ཝུན་ཀུད་ཀྱིས་གསུངས་པར། ཡང་ཅེན་ལིས་ད་ལྟ་རྡ་རམ་ས་ལར་ཡོད་ཅིང་། ཐེངས་འདིར་ཁོང་དང་ཁོང་གི་ནང་མིར་རྒྱ་ནག་གཞུང་གིས་ཉེན་ཁ་བཟོས་ཤིང་། ཡང་ཅེན་ལིས་རང་ཉིད་ལ་ཏོག་ཙམ་མ་གཏོགས་གནོད་འཚེ་འཕོག་ཡོད།
ནམ་རྒྱུན་ལུགས་སྲོལ་ལྟར་ན། ཚོགས་འདུར་སྐུ་མགྲོན་གཙོ་བོ་དང་དམིགས་བསལ་སྐུ་མགྲོན་སོགས་ཡོད་ཅིང་། ཐེངས་འདིར་ཡང་དེ་ལྟར་ན་དེ་དག་སུ་ཡིན་ནམ།
གཞི་རྩའི་ཕྱུག་བདག་ཀོའོ་ཝུན་ཀུད་ཀྱིས་ཝང་ཆིས་ཧྲན་སོགས་རྒྱ་ནག་དཔོན་རིགས་ཀྱི་ལྐོག་ཟ་རུལ་སུངས་འཐེར་འདོན་བྱས་དང་བྱེད་བཞིན་ཡོད་ཅིང་། རྒྱ་ནག་གཞུང་གིས་ཀྱང་ཁོང་ལ་ཉེས་པ་བཙུགས་ཏེ་འཛིན་བཟུང་བཀའ་རྒྱ་བཏང་ཡོད། ཀོའོ་ཝུན་ཀུད་ད་ལྟ་ཨ་རིར་གནས་ཤིང་། ཆབ་སྲིད་སྐྱབས་བཅོལ་ཞུ་བཞིན་ཡོད།
ལྔ་དང་ལྔ་བཅུའི་ཚོགས་འདུའི་ནང་རྒྱ་ནག་གི་བདེ་སྲུང་བློན་ཆེན་ཕེབས་ཡོད་ན་ཉེན་ཚབ་ཆེ་བའི་ཆབ་སྲིད་མ་རེད་དམ་? གནས་ཚུལ་འདི་དག་རྒྱ་གར་གཞུང་གི་མཁྱེན་རྟོགས་ཡོད་པ་ཡིན་ནམ་?
རྒྱ་ནག་གི་བདེ་སྲུང་བློན་ཆེན་དང་ཟུར་ཐུག་ཙམ་བྱེད་ཐུབ་ན་ཡང་གྲོས་མོལ་དང་ཐག་ཉེ་བཅར་ཡོད།
ཡིན་ན་ཡང་ཧ་ཅང་དཀའ་མོ་རེད
བོད་རྒྱའི་འབྲེལ་ལམ་དེ་རྒྱ་ནག་གི་ཐབ་ཕྱོགས་གཅིག་རྒྱུར་གྱི་མི་སྣ་རྒྱུད་ནས་འགྲོ་དགོས་པ་ལས་རྒྱ་ནག་གི་བདེ་སྲུང་བློན་ཆེན་དང་འབྲེལ་བ་གནང་གི་ཡོད་ན་འདི་ནི་ཁ་ཕྱོགས་གསར་པ་དང་ཆབ་སྲིད་གསར་པ་ཐབས་ལམ་གསར་པ་ཞིག་ཀྱང་ཡིན་སྲིད་ལ་གལ་ཆེ་བཤོས་དེ་ལྔ་དང་ལྔ་བཅུའི་ཚོགས་འདུ་གྲོལ་རྗེས་བཙན་བྱོལ་སྤྱི་ཚོགས་ནང་ལབ་རྒྱུ་གླེང་རྒྱུ་མ་ལྷག་ན་དེ་ང་ཚོའི་རྒྱལ་ཁ་ལ་ངོས་འཛིན་ཞུ་གི་ཡོད་།
༄༅། ལྔ་དང་ལྔ་བཅུའི་ཚོགས་འདུར་་་རྒྱ་ནག་གི་བདེ་སྲུང་བློན་ཆེན་ཕེབས་ཡོད་པ་དེ་ནི་བཟང་
ཕྱོགས་ཀྱི་གནས་ཚུལ་ཞིག་རེད། མེས་འཚིག་མེ་རང་ལ་གཏུགས་དགོས་སྐོར་༧གོང་ས་མཆོག་གིས་
སྔ་མོ་ནས་བཀའ་གནང་ཡོད་པ་རེད། ག་དུས་ཡིན་ཡང་ཕར་སྐད་ངན་དང་ཚུར་སྐད་ངན་བརྒྱབ་ནས་
བསྡད་ན་ཆོ་གང་ཡང་མི་འདུག་བསམ་།
དེ་བདེན་པ་ཡིན་ན་བཀའ་ཤག་གསར་བའི་ཧ་ལས་པའི་གྲུབ་འབྲས་ཞིག་ལ་རྩིས་ཆོག་གི་རེད། གདོང་དང་གདོང་ཐུག་ནས་སྐད་ཆ་བཤད་རྒྱུ་བྱུང་བ་རེད། ག་ལེར་མུ་མཐུད་ནས་ཕྱག་ལས་གནང་བ་ཡིན་ན་གྲུབ་འབྲས་ཡག་པོ་ཞིག་ཡོང་ངེས་རེད། གལ་ཏེ་གསང་བ་ཡིན་ན་གསང་བའི་ལས་དོན་དེ་གསང་བས་སྒྲུབ་ན་ཡག་པོ་འདུག མགོ་ཚོས་ལ་མ་ཚོས་ཀྱི་སྐད་ཆ་མང་བོ་བསྒྲགས་ན་བོད་དོན་ལ་ཕན་ལས་གནོད་ཆེ་སྲིད། ང་རང་ཚོ་ལ་ཆབ་སྲིད་ཀྱི་སློབ་སྦྱོང་མེད་ཙང་སྐད་ཆ་ཉུང་ན་ཡག་པོ་མེད་དམ་སྙམ།
འབྲོག་ལམ་ས་ཁུལ་དུ་རྒྱ་དཀར་ས་མཚམས་རྩོད་གླེང་གི་སྙོགས་རྫིང་ཆེ་བའི་སྐབས་འདིར་ང་ཚོའི་ལྔ་དང་ལྔ་བཅུའི་ཚོགས་འདུར་རྒྱ་ནག་གི་བདེ་སྲུང་བློན་་ཆེན་གདན་འདྲེན་ཞུས་ཡོད་ན་གནས་ཡུལ་རྒྱལ་ཁབ་ཀྱི་ང་ཚོར་བལྟ་སྟངས་ག་འདྲ་ཡོད་ན་?
ཚོགས་འདུའི་ཐོག་གསར་འགོད་པ་སུ་གང་ཡངས་ཡོངས་མི་མཆོག་པ་བྱས་ཡོད་རེད་ལབ་གི་འདུག་འ
#6 གཞུང་པ་ཚེ་དབང་བསོད་ནམས་ ཡི་གེ་འབྲི་དུས་གཟབ་ཙམ་གནང་རོགས། བོད་ཡིག་ལ་དྲི་ཚིག་མང་བོ་ཡོད་རེད། ཡིན་ནམ། འབྲི་དགོས་རེད། ཡིན་ན་? དྲི་རྟགས་འདི་ལ་དགོས་པ་མིའདུག དབྱིན་ཡིག་ལ་དྲི་ཚིག་མེད་ཙང་རྟགས་འདི་བྲིས་པ་རེད། འདིས་རིགས་ཀྱིས་མི་རིགས་ཞིག་གི་སྐད་ཡིག་ཉམས་རྒུད་དུ་གཏོང་བཞིན་པ་མཁྱེན་པར་མཛོད། དུས་བབ་དུ་ཡང་ཁྱོད་ཀྱིས་དྲི་རྟགས་བརྒྱག་འདུག་པ་མཐོང་། བོད་ལ་གམ་ངམ་དམ་ནམ་བམ་མམ་བམ་རམ་ལམ་སམ་ཏམ་སོགས་ཡོད་བཞིན་དུ་ཡིག་རིགས་འདྲ་མིན་མཉམ་བསྲེས་བྱས་ན་ཡག་པོ་མི་འདུག རྗེས་ཕྱོགས་གཟབ་པར་འཚམ།
ན་ནི་གར་དང་བསྣན་པའི་སྒྲ་
རྗེས་ཕྱོགས་གཟབ་པར་འཚམ་ ཧཧཧ
ནམ་རྒྱུན་ཡིན་ན་སྲིད་སྐྱོང་ལ་ཡུལ་ག་ཤེད་ཅིག་ནས་གཟེངས་རྟགས་ཐོབ་རབས་དང་ཚོགས་པ་ཅིག་ཅིག་དང་མི་སྒེེར་ཉིག་ཉིག་གིས་ཆེ་བསྟོད་བྱས་རབས་ཤིག་མ་གཏོགས་བོད་དོན་སྨན་པའི་ལས་ཀ་བྱས་རབས་མཐོང་རྒྱུ་ཧ་ཅང་དཀོན་མོད། ད་རེབ་ཀྱི་ལྔ་དང་ལྔ་བཅུའི་ཚོགས་འདུ་དང་བོད་རྒྱ་ཞི་མོལ་ཚོགས་ཆུང་གིས་ཚོགས་འདུ་དེ་གཉིས་ནི་ཁོས་འཛིན་སྐྱོང་བྱས་རིང་གི་ལས་ཀ་ཡག་པོ་ཞིག་ལ་ངོས་འཛིན་ཞུ་ཆོག་སྙམ།
རྒྱ་ནག་གི་གནད་ཡོད་མི་སྣ་ཞིག་ཚོགས་ཞུགས་བྱས་ཡོད་རེད་ཟེར་བ་དེར་ཡིད་ཆེས་མེད། གལ་སྲིད་ཡོད་ཀྱང་དེ་ནི་གཡོ་ཐབས་འབའ་ཞིག་ཡིན་པ་ལས་དོན་དངོས་ཀྱི་དཀའ་ངལ་སེལ་རྒྱུའི་འདོད་པ་ཡོད་ནས་ཡོང་བ་ཞིག་མིན་པ་སྔོན་གྱི་ཉམས་མྱོང་དང་ད་ལྟའི་གནས་བབས་གང་ལས་ཀྱང་ཤེས་ཐུབ། དེ་བས་ན་མགོ་ནག་རྣམས་མ་འཁྲུལ། མ་དགའ། མ་འཐོམ།
རྒྱའི་ཚོང་པ་མགོ་རིལ་དེ་ལ་གསང་བ་གཉིས་དངོས་གནས་བཤད་ཡག་ཡོད་པ་རེད། དེ་ནི་དེ་སྔོན་ནས་བཤད་ཚར་བ་རེད། ད་ཁོ་ལ་གསང་བ་བཤད་རྒྱུ་གཅིག་ཀྱང་ཡོད་པ་མ་རེད་ཅེས་རྒྱལ་སྤྱིའི་ཆབ་སྲིད་དཔྱད་ཞིབ་པ་མང་པོས་གསུངས་པ་རེད། ད་ཁོ་རང་བོང་བུ་དོན་རྒྱུའི་མཚམས་ལ་སླེབས་ཡོད་རེད།