༄༅། །བོད་ནི་འཛམ་གླིང་གི་མཐོ་སར་གནས་པའི་རང་བཙན་གྱི་རྒྱལ་ཁབ་ཅིག་ཡིན་པ་མ་ཟད། སྐད་ཡིག་དང་། གོམས་གཤིས། རིག་གཞུང་། ས་ཁྱོན། མི་འབོར། ལོ་རྒྱུས་གང་ཅིའི་ཐད་ནས་རང་བཙན་གཙང་མར་ཁུངས་སྐྱེལ་ལྡན་པ་ཞིག་ཀྱང་ཡིན། ཕྱི་ལོ་ ༡༩༤༩ ནང་རྒྱ་དམག་བོད་དུ་སླེབས་འགོ་བཙུགས་པ་ནས་བཟུང་བོད་ཀྱི་ཁོར་ཡུག་ལ་གནོད་སྐྱོན་དང་འཕྲོག་བཅོམ། ཚད་མེད་ཀྱི་གཏོར་བཅོམ་བཏང་བ་དང་། བོད་མི་ས་ཡ་གཅིག་དང་འབུམ་གཉིས་ལྷག་གི་ཚེ་སྲོག་ཤོར་བ། དགོན་པ་དྲུག་སྟོང་ཙམ་གཏོར་བཤིག་བཏང་བ་མ་ཟད། ༡༩༥༩ ལོར་བོད་རྒྱལ་ཁབ་ཆེན་པོའི་ས་ཁུངས་ཆ་ཚང་དངོས་སུ་བཙན་བཟུང་བྱས་ཏེ། ༸གོང་ས་མཆོག་གིས་གཙོས་བོད་མི་གཅིག་འབུམ་ལྷག་ཅིག་རྒྱ་གར་གཙོ་བོ་གྱུར་བའི་རྒྱལ་ཁབ་མང་པོའི་ནང་སྐྱབས་བཅོལ་དུ་འགྲོ་དགོས་བྱུང་ཡོད། ༢༠༠༨ ལོའི་ཞི་རྒོལ་ཆེན་མོ་ནས་བཟུང་། ༢༠༡༡ ་བར་དུ་བོད་མི་དམར་གསོད་བཏང་བ་ ༢༨༥ དང་། ཉེས་མེད་བཙོན་དུ་ཚུད་པ་དང་གར་སོང་ཆ་མེད་དུ་གྱུར་བ་ ༢༢༡༩ ཙམ་ཡོད། ད་དུང་བོད་ལ་འགྲོ་བ་མིའི་ཐོབ་ཐང་དང་ཆོས་དད་རང་མོས། སྨྲ་བརྗོད་རང་དབང་། རིག་གཞུང་སྲུང་སྐྱོབ་ཀྱི་ཐོབ་ཐང་སོགས་ཉིན་རེ་ནས་ཉིན་རེར་གནས་སྟངས་ཇེ་སྡུག་དང་ཛ་དྲག་ཆགས་བཞིན་ཡོད།
ཉེ་ཆར་ ༢༠༡༡ ཟླ་ ༣ ཚེས ༡༦ ཉིན་བོད་མདོ་སྨད་རྔ་བ་ཀིརྟི་དགོན་པའི་གྲྭ་བློ་བཟང་ཕུན་ཚོགས་ནས་རྒྱ་དམར་གཞུང་གིས་བོད་ནང་དུ་མི་སྤྱོད་ལས་བརྒལ་བའི་དྲག་གནོན་བྱེད་བཞིན་པར་རང་ལུས་མེ་རུ་བསྒྲོན་ཏེ་ཞི་བའི་ངོ་རྒོལ་བྱས་པ་ནས་བཟུང་། རྒྱ་ནག་གི་དྲག་ཆས་དམག་མི་བཀོལ་ཏེ་རྔ་བ་ཀིརྟི་དགོན་པ་དང་རྔ་བའི་མི་མང་ལ་དྲག་གནོན་ཚབས་ཆེན་བྱས་དང་བྱེད་བཞིན་པའི་གནས་སྟངས་ཛ་དྲག་མུ་མཐུད་གནས་མུས་ལ་སོང་། བཙན་བྱོལ་བོད་གཞུང་མང་གཉིས་ཀྱིས་གདུང་སེམས་མཉམ་བསྐྱེད་མཚོན་ཕྱིར་ལས་འགུལ་སྣ་ཚོགས་སྤེལ་དང་སྤེལ་བཞིན་ཡོད་པར་བརྟེན། མོན་གྷོ་གངས་ལྗོངས་རང་བདེན་རྩོད་ལེན་མཐུན་ཚོགས་དང། མོན་གྷོ་དབུ་མའི་ལམ་ལས་འགུལ་ཁང། མོན་གྷོ་རྒྱལ་ཡོངས་དམངས་གཙོ་ཚོགས་པ། མོན་གྷོ་ས་གནས་བོད་ཀྱི་གཞོན་ནུ་ལྷན་ཚོགས། མོན་གྷོ་ས་གནས་བོད་ཀྱི་བུད་མེད་ལྷན་ཚོགས་བཅས་ཚོགས་པ་ལྔ་ཐུན་མོང་ནས་རྔ་བ་ཀིརྟི་དགོན་པ་གཙོས་རྔ་བའི་མི་མང་ལ་གདུང་སེམས་མཉམ་བསྐྱེད་ཀྱི་ཆེད་དུ་མོན་གྷོ་ནས་པུ་ན་བར་གྱི་རྫོང་དང་གྲོང་ཁྱེར་ཁག་ནང་ཡིག་ཆ་འགྲེམ་སྤེལ་ཆེད་རྐང་འཁོར་རྒྱང་སྐྱོད་ཀྱི་ལས་འགུལ་འདི་སྤེལ་བཞིན་ཡོད་པས། དངོས་ཡོད་བོད་དོན་ལས་འགུལ་ལ་གདུང་སེམས་མཉམ་བསྐྱེད་བྱེད་མཁན་རྒྱལ་སྤྱིའི་བོད་དོན་རྒྱབ་སྐྱོར་ཚོགས་ཁག་དང་། སྲིད་གཞུང་། མི་མང་། གྲོས་ཚོགས། རྒྱལ་སྤྱིའི་ཚོགས་སྡེ་ཁག་དང་། ལྷག་པར་དུ་རྒྱ་གར་གཞུང་མང་གཉིས་ནས་རྒྱབ་སྐྱོར་དང་ལམ་སྟོན་ཡོང་བའི་འབོད་སྐུལ་ཞུ་བ་ལགས་ན། བདེན་དོན་ལ་རྒྱབ་སྐྱོར་ཡོང་བ་མཁྱེན་མཁྱེན་ཞུ།
དགོས་འདུན་དོན་ཚན་གཉིས་དང་འབོད་སྐུལ་གཅིག།
དོན་ཚན་དང་པོ། རྒྱ་དམར་གཞུང་གིས་རྔ་བ་ཀིརྟི་དགོན་པ་གཙོས་རྔ་བའི་མི་མང་ལ་དྲག་གནོན་བྱེད་བཞིན་པ་མཚམས་འཇོག་དང་། མྱུར་ཏུ་དྲག་ཆས་དམག་མི་ཕྱིར་འཐེན་བྱེད་དགོས།
དོན་ཚན་གཉིས་པ། ཀུན་གཟིགས་པན་ཆེན་རིན་པོ་ཆེ་མཆོག་གཙོས་བོད་ནང་གི་ཆབ་སྲིད་བཙོན་པ་ཆ་ཚང་གློད་བཀྲོལ་བྱེད་དགོས།
འབོད་སྐུལ་གཅིག རང་དབང་དང་དྲང་བདེན་ལ་དགའ་བའི་རྒྱལ་སྤྱིའི་རང་དབང་གི་གསར་འགོད་པ་དག་རྔ་བ་ས་ཁུལ་དུ་ངེས་པར་ཏུ་གཏོང་རོགས་གནང།
ཞེས་མོན་གྷོ་དབུ་མའི་ལས་འགུལ་ཁང་དང་རྒྱལ་ཡོངས་དམངས་གཙོ་ཚོགས་པ། གངས་ལྗོངས་རང་བདེན་རྩོད་ལེན་མཐུན་ཚོགས། ས་གནས་བོད་ཀྱི་གཞོན་ནུ་ལྷན་ཚོགས་དང་།ས་གནས་བོད་ཀྱི་བུད་མེད་ལྷན་ཚོགས་བཅས་ཚོགས་པ་ལྔ་ཐུན་མོང་ནས། ཕྱི་ལོ་ ༢༠༡༡ ཟླ་ ༦ ཚེས་ ༨ ལ།
༼བོད་དོན་ལ་སེམས་ཤུགས་དང་ལ་རྒྱ་ཆེ་བའི་གྲོགས་པོ་སུ་རུང་ལ་ལས་འགུལ་ངོ་སྤྲོད་འདི་འབྱོར་ཕྱིན་བདེན་པ་ར་སྤྲོད་ཆེད་ཕན་ཚུན་གཅིག་གིས་གཅིག་ལ་སྐུར་རོགས་གནང་༽
རྣམ་པ་ཚོས་འདི་ལྟར་ལས་འགུལ་སྤེལ་བར་ཐུགས་རྗེ་ཆེ་ཞུ་ཀི་ཡོད།
བོད་མི་རིགས་ཀྱི་རང་དབང་འཐབ་རྩོད་ཆེད་དཀའ་སྤྱད་དང་ལེན་བྱེད་བཞིན་པའི་ཚོགས་སྡེ་ཁག་དང་།ལས་འགུལ་འདིར་མཉམ་ཞུགས་བྱེད་བཞིན་པའི་རྒྱལ་གཅེས་བུ་རྒོད་རྣམ་པར་དུས་དང་རྣམ་པ་ཀུན་དུ་རྗེས་སུ་ཡི་རང་ཞུ་རྒྱུ་ཡིན།
ལས་འགུལ་དེར་ཧ་ཅང་དགའ་བོ་ཡོད།
མ་འོང་པ་ང་ཡང་ལས་འགུལ་དེའི་ནང་འཛུལ་ཞུགས་བྱེད་འདོད་ཡོད།
སྐྱབས་ཡུལ་དགེ་འདུན་པ་ཚོས་འདི་ལྟར་བོད་དོན་ཆེད་དུ་ལས་འགུལ་སྤེལ་གནང་བར་བཀའ་དྲིན་ཆེ་ཞུ། ལམ་སྐབས་བདེ་འཇགས་དང་དགོས་འདུན་ཁག་འགྲུབ་པར་སྨོན།
རྐང་འཁོར་གྱིས།
རྐང་འཁོར་བཞོན་ནས་བོད་ལ་འགྲོ། །
རྐང་འཁོར་བསྐོར་ནས་སྐོར་རར་འགྲོ། །
རྐང་འཁོར་བཏང་ནས་ཁོར་ཡུག་སྲུངས། །
རྐང་འཁོར་སྒང་ནས་བོད་དོན་སོམས། །
རྐར་འཁོར་ལས་ལྷག་འཕྲུལ་བསྐྱོད་མེད།
ལག་ཁྱེར་ཡོད་ན་ལུང་མེད་ཡིན།
གར་འགྲོ་དེར་ལ་མི་ཁུངས་རག་ཐབས་ཀྱིས།
བལ་ཡུལ་རྒྱ་གར་ཐེ་བན་ཨ་རི་བཅས།
ཕྱི་ཡུལ་དངོས་རྫས་དུ་མར་ལོངས་སྤྱོད་དང་།
རང་དབང་ཚད་ལྡན་མཐུན་རྐྱེན་མཆིས་ན་ཡང་།
རྩ་ཆེན་དམ་ཆོས་ཞིང་ལྡན་ཕ་མེས་ཡུལ།
ཆ་ཤས་ཡིན་པར་དགའ་སྤྲོ་སྤོབས་པ་བསྐྱེད།
ལག་ཁྱེར་གང་གིས་གངས་ཅན་ཚབ་ཡོང་དཀའ།
ཕྱི་ནང་སྤུན་ཟླ་མཉམ་འཛོམས་སྨོན་འདུན་ཞུ།
རྐང་འཁོར་ཐོག་བོད་དོན་ལས་འགུལ་སྤེལ་བ་ལ་གུས་བཏུད་དང་དགའ་བསུ་ཞུ།
རང་དོན་དོར་ནས་སྤྱི་དོན་ལམ་བགྲོད་པ།
གུས་བཏུད་ཆེ་བསྟོད་ལྡན་པ་ཤ་སྟག་ཡིན།
ཞུམ་པ་མེད་པའི་སེམས་ཤུགས་དེ་ལ་མཆོད།
ལས་འགུལ་དེ་བཞིན་མུ་མཐུད་བརྩམ་པར་སྨོན
སྐྱབས་ཡུལ་དགེ་འདུན་རྣམ་པ་ངོ་མ་ཁྱེད་ཚོ་ནི་དགེ་འདུན་བའི་མིང་དང་མཚུངས་པ་ཞིག་ཡིན་པར་མ་ཟད་སྐྱེ་འགྲོ་རྣམས་སྡུག་ངལ་ལས་ཐར་ཐུབ་འབའ་ཞིག་གི་ཆེད་ཚ་གདུང་ལ་རྒྱབ་ཕྱོགས་ནས་དེ་འདྲས་བཟོད་སྲན་ངང་བོད་མིའོ་བདེ་སྡུག་གི་ཆེད་རྐང་འཁོར་ཐོག་ལས་འགུར་འདི་འདྲ་ཞིག་གནང་པ་ཐུགས་རྗེ་ཆེ།
དགའ་ལྡན་ཕོ་བྲང་དགེ་ལུགས་པ་དང་དབུས་གཙང་གཅིག་པོའི་གཞུང་མ་རེད། ད་སྐབས་བཤད་ཀྱིན་པའི་བོད་ཆོལ་ཁ་གསུམ་དང་མཚོ་སྔོན་ཕྱོགས་ཀྱི་བོད་སོག་དང་བཅས་པའི་གཞུང་རེད། དེ་དག་གི་གཞུང་དགའ་ལྡན་ཕོ་བྲང་རེད་ལ། དགའ་ལྡན་ཕོ་བྲང་གི་ལྷ་འབངས་དེ་དག་རེད། དགའ་ལྡན་ཕོ་བྲང་བཙུགས་མ་ཐག་པ་ནས་ད་ལྟ་བར་དུ་ལོ་རྒྱུས་ཀྱི་དྲི་མ་ཡལ་བར་ཡོད། སྡེ་པ་སངས་རྒྱས་རྒྱ་མཚོས་བརྩམས་པའི་༼རབ་གསལ་གསེར་གྱི་སྙེ་མ་༽སོགས་དངོས་ཡོད་ཀྱི་གནས་སྟངས་མང་པོ་ཞིག་གིས་ཁ་གྲག་གི་ཡོད་པ་རེད། བོད་གཞུང་གི་དབུ་ཁྲིད་སྤྲུལ་སྐུ་ཡིན་པ་དང། འགྲུམ་འགྲུལ་ཞན་པ། ས་ཁད་རྒྱ་ཆེ་བ། སུལ་བུའི་དུས་ཀྱི་རྔ་མ་རིང་བ། སྟོབས་ཤུགས། དམག་ཤུགས་སོགས་གང་ཅིའི་ཆ་ནས་ཞན་རྐྱེན། བོད་ཀྱི་ས་ཁོངས་ཆ་ཚང་ལ་ཚད་མཐོའི་བདག་དབང་གིས་ནུས་ཤིག་སྤེལ་བ་དང་། ཁྲལ་བསྡུ་བ་སོགས་སུ་འཐུས་ཞོར་ཕྱིན་ཡོད་པ་བཤད་མི་དགོས་ཀྱང་། ཆབ་མདོ་སྤྱི་ཁྱབ་བམ་མདོ་སྨད་སྤྱི་ཁྱབ་བཙུགས་ཏེ་དངོས་སུ་ལག་བསྟར་གྱིས་འགོ་བཙུགས་ནས་མདོ་ཁམས་ཕྱོགས་ཀྱི་དཔོན་པོ་མང་པོར་བོད་གཞུང་གིས་འཇའ་ས་དང་དཔོན་ཐོབ་སྤྲད་ཡོད། དེ་ནི་འབྲེལ་བ་རང་བཞིན་པ་དང། དབང་བསྒྱུར་བྱས་པ་གང་ཡང་མིན་པར། ཐོབ་ཐང་སྤྲད་མཁན་དང་ལེན་པ་པོ་གཉིས་ཆས་རྒྱལ་ཁབ་གཅིག་དང་མི་རིགས་གཅིག་གི་འདུ་ཤེས་དང་དོན་དངོས་ལ་བརྩི་བསྐུར་ཆེན་པོ་བྱས་པ་རེད། ཆོས་ཕྱོགས་ནས་བསམ་བློ་བཏང་པ་ཡིན་ནའང་། དགའ་ལྡན་ཕོ་བྲང་གི་ཐོག་མའི་མཚན་དེ་དགེ་ལུགས་པའི་བླ་མ་ཞིག་གི་བླ་བྲང་གི་མིང་ཡིན་པར་ཆ་བཞག་ན། དེ་གཞུང་གི་ངོ་བོར་གོ་འཕོས་པ་རེད། རྒྱལ་ཁབ་ཁ་བྲལ་དང་། ཆོས་ལུགས་ཁ་བྲལ་བའི་འགོག་རྐྱེན་ལ་མ་ལྟོས་པར། རྩ་བའི་ཆ་ནས་བོད་བརྒྱུད་ནང་བསྟན་གྱི་ཆོས་ལུགས་ལ་སྤྱི་ལ་ཁྱབ་བའི་འགན་ཁྱེར་བ་རེད། སྔོན་མའི་གཞུང་དགོན་གྱི་ཐོ་ཡིག་སོགས་སུ་ལྟོས་དང་གསལ་ཐག་ཆོད་རེད། གཞུང་ལས་ཀྱི་སྣེ་མོ་འགས་ལས་སྟངས་མ་འགྲིག་པ་ཡོང་མྱོང་བ་རེད་ལ། ཡོང་པ་སྲིད་པ་རེད། དེ་ནི་ང་ཚོ་གཅིག་པོའི་ཚབས་ཆེའི་དོན་དག་ཅིག་མ་རེད། ད་ལྟ་དེ་ལས་ཀྱང་གུ་དོག་པ་དང་རྣམ་རྟོག་སྐྱེ་དགོས་དོན་གཏན་ནས་མེད། གནས་སྐབས་དེ་ཙམ་གྱིས་མཚམས་འཇོག་རྒྱུ་ཡིན།།
གྲྭ་བ་ཚོས་རྐང་འཁོར་བཅིབས་པ་ཡིན་ན། བླ་རྒན་ཁ་ཤས་རླུང་ལངས་ནས་ཚོགས་ནས་ཕུད་ཀི་ཡིན་མི་ཟེར་རམ། རྩེད་མཚར་ཡིན། ལས་འགུལ་འདི་ཡག་པོ་འདུག
པར་དེ་ཚོ་ལྟོས་ཀྱིན་ལྟོས་ཀྱིན་བློ་སེང་གི་གསར་གཏོད་ཟེར་བ་དེའི་ལས་འགུལ་སྤེལ་སྟངས་དག་ཀྱང་འདི་འདྲ་ཞིག་ལོས་ཡིན་བསམས་ཀྱི་འདུག
བཀའ་དྲིན་ཆེའོ།།
ཁྱེད་ཅག་གིས་ལས་འགུལ་གྱིས་ང་ཚོའི་དཀའ་སྡུག་བསལ་བར་ཤོག
བཀའ་དྲིན་ཆེའོ།།
ཁྱེད་ཅག་གིས་ལས་འགུལ་འདིས་ང་ཚོའི་གནས་སྟངས་ཇེ་བཟང་དུ་ཡོང་བར་སྨོན།
བཀའ་དྲིན་ཆེའོ།།
ཁྱེད་ཅག་གིས་ལས་འགུལ་གྱི་རྗེས་སུ་འདི་ལྟར་མུ་མཐུད་ནས་ཡོང་བར་སྨོན།
བཀའ་དྲིན་ཆའོ།།
ཁྱེད་ཅག་གིས་ལས་འགུལ་འདི་འཛམ་གླིང་ལ་ཁྱབ་པར་རེའོ།།
བཀའ་དྲིན་ཆེའོ།།
ཁྱེད་ཅག་གིས་ལས་འགུལ་གྱིས་ང་ཚོ་སད་དུ་འཇུག་པར་ཤོག
བཀའ་དྲིན་ཆེའོ།།
ཁྱེད་ཅག་གིས་ལས་འགུལ་འདིས་ང་ཚོའི་མདུན་ལྗོངས་གསལ་བར་ཤོག
ཚེ་སྐྱིད་ལགས།ཁྱེད་ཀྱིས་མཆན་བཏབ་པ་དང་བསམ་ཚུལ་ག་རེ་བཤད་ན་ལྷག་བསམ་རྣམ་དག་གི་དྲི་མ་ཞིག་འདུག་པས་ང་ངོ་མ་ཁྱོད་ལ་རང་བཞིན་གྱིས་དུང་བ་ཞིག་ཡོང་གིན་འདུག་་་རྐང་འཁོར་འགྲུལ་བསྐྱོད་པ་ཚོས་དགོས་དོན་འགྲུབ་པར་ཤོག
༄། བཀུར་འོས་དྲ་གྲོགས་བཅོ་ལྔ་ལྷ་མོ་ལགས།
དེ་རིང་མ་གཏོགས་པའི་ཉིད་ཀྱི་མིང་འདི་ཕལ་ཆེར་མཐོང་མ་མྱོང་བ་དང་གོ་མ་མྱོང་བ་ལྟ་བུ་ཞིག་རེད་དེ། སྐུ་ཉིད་ཀྱིས་བུ་མོ་ང་ལ་སེམས་ཤུགས་སྤར་སྟངས་ཀྱིས་བརྒྱུད་རིམ་ལ་ཅིག་བལྟས་དུས། རྒྱུན་དུ་དོ་སྣང་ཡོད་པའི་རྣམ་འགྱུར་གསལ་བོ་ཞིག་མངོན་འདུག་ན། ང་ནི་དགའ་སོང་། ང་ནི་བདེ་སོང་། ང་ནི་སྐྱིད་སོང་། གང་གིས་ཟེར་ན། དེང་སང་། ང་ཚོའི་སྤྱི་ཚོགས་ཁྱོན་ཡོངས་ཀྱི་གནས་སྟངས་ནི། གུ་དོག་ཅིང་ཡི་རངས་མི་ཐུབ་པའི་གནས་ཚུལ་ཞིག་གི་ལྷུང་ཡོད་ཀྱང་རུང་། སྐུ་ཉིད་ཀྱིས་ང་ལ་ངོས་འཛིན་ཞིག་བཤད་པ་ནི། ཞེ་སེམས་ལ་དྲོད་ཁོལ་ཞིག་སྤྱིན་སོང་ལགས། འདི་ནི། ངོ་བསྟོད་དང་ཁ་ཡག་ལ་དགའ་དྲགས་པས་མི་རུང་། གདེང་ཚོད་ཅིག་དང་རྒྱུན་འཁྱོངས་ཤིག་གི་སེམས་འདུན་སྟེར་བས་རེད་ལགས། དེས་ན། ངའི་ངོས་ནས་བཀའ་དྲིན་ཆེ་ཞུའོ།།
བོད་དོན་སེམས་ལ་བཅིངས་ནས་འདི་ལྟར་རྐང་འཁོར་རྒྱང་བསྐྱོད་ཀྱི་ལས་འགུལ་འདི་ལྷོ་ཕྱོགས་ས་གནས་བོད་ཀྱི་གཞོན་ནུ་ལྷན་ཚོགས་དང་། ས་གནས་བུད་མེད་ལྷན་ཚོགས། ས་གནས་གངས་ལྗོངས་རང་བདེན་རྩོད་ལེན་མཐུན་ཚོགས། ས་གནས་དབུ་མའི་ལམ་ལས་འགུལ་ཁང་། ས་གནས་བོད་རྒྱལ་ཡོངས་དམངས་གཙོ་ཚོགས་པ་བཅས་ཀྱི་གོ་སྒྲིག་འོག་ནས་རྐང་འཁོར་རྒྱང་བསྐྱོད་ཀྱི་ལས་འགུལ་འདི་ལ་གདུང་སེམས་མཉམ་བསྐྱེད་བྱེད་རྒྱུ་ཡིན། འདི་བཞིན་ཚོགས་པ་ལྔ་མཐུན་སྒྲིལ་གྱི་འོག་ནས་ལས་འགུལ་སྤེལ་བ་དེ་དམིགས་བསལ་བ་ཞིག་ཡིན་པས་མུ་མཐུད་དུ་འབད་བརྩོན་གནང་རོགས་གནང་ཞུ་རྒྱུ་ཡིན། ལྷག་པར་དུ་ལས་འགུལ་ནང་མཉམ་ཞུགས་གནང་མཁན་ཚོར་དམིགས་བསལ་ཐུགས་རྗེ་ཆེ་ཞུ་རྒྱུ་ཡིན། ལས་འགུལ་ལམ་ལྷོང་ཡོང་བའི་སྨོན་འདུན་ཞུ་བཞིན་ཡོད།
རྐང་གཉིས་ཕྱི་ནང་བོད་མི་ཚོར།
རྐང་བཞི་ཕྱུགས་ཀྱི་་མཐོང་མེད་པས།
རྐང་ལམ་ཕྲ་མོའི་བཤུལ་རྗེས་སུ།
རྐང་འཁོར་ལས་འགུལ་རྗེས་ཡི་རངས།
ཁ་དྲོ་བཀྲ་ཤིས།