རེབ་གོང་སློབ་མས་སྐད་འབོད་ལས་བྱུང་བའི་བསམ་ཚུལ།

Comments (4) on “རེབ་གོང་སློབ་མས་སྐད་འབོད་ལས་བྱུང་བའི་བསམ་ཚུལ།”

1. ན་ནིང་ 2008 ལོར་ཆབ་སྲིད་ཀྱི་ངོ་རྒོལ་དེ་ཆོལ་ཁ་གསུམ་ལ་ཁྱབ་པ་རེད། དེས་བོད་ཀྱི་ཆབ་སྲིད་ཀྱི་འཐབ་རྩོད་ལ་གསོན་ཤུགས་གསར་པ་ཞིག་རྒྱས་ཡོད། ད་རེས་སྐད་ཡིག་སློབ་གསོའི་ངོ་རྒོལ་འདི་ཡང་ཆོལ་ཁ་གསུམ་ལ་ཁྱབ་ཐུབ་རྒྱུ་ན། འདིས་བོད་ཀྱི་རིག་གནས་སློབ་གསོའི་གནད་དོན་ལ་གསོན་ཤུགས་གསར་པ་ཞིག་རྒྱས་ངེས་ཡིན།
   ད་རེས་ཀྱི་འདི་ཁྲིམས་འགལ་དུ་མི་འགྱུར་བ་དང་། དྲག་ཟིང་དུ་མི་འགྱུར་བ། སྲིད་དོན་དུ་མི་འགྱུར་བའི་སྒོ་ནས་བོད་ཡོངས་ལ་ཁྱབ་ཐུབ་པར་སྨོན།

2. སྲིན་འབུ་མེ་འཁྱེར་ལགས། ཁྱེད་ཀྱིས་བཤད་པ་དངོས་གནས་བདེན། ད་ནི་བོད་ལ་རེ་བ་འདུག་ཨཱ། རྒྱ་གོག་དེ་ཚོས་ཇི་ལྟར་བྱས་ཀྱང་མི་ཕན།

3. ད་རེས་ལས་འགུལ་འདི་བོད་ཡོངས་སུ་ཁྱབ་ཐུབ་གི་མ་རེད་འདོད། རྒྱུ་མཚན་ནི། རྨ་ལྷོ་དང་མཚོ་ལྷོ་སོགས་བོད་ས་འགའ་རེ་མ་གཏོགས་སྔོན་མ་ནས་བོད་ཡིག་མ་གཏོགས་གཞན་པའི་སློབ་ཚན་ཁག་རྒྱ་ཡིག་ནང་ཁྲིད་དང་འཁྲིད་བཞིན་ཡོད་པ་རེད་ཟེར། རྨ་ལྷོ་ཁུལ་ལ་མཚོན་ནའང་། རྨ་ལྷོ་སོག་རྫོང་གིས་ལོ་ཤས་གོང་ནས་རྒྱ་ཡིག་ཅན་དུ་བསྒྱུར་འདུག བསླབ་གཞི་ཚང་མ་བོད་ཡིག་ནང་ཁྲིད་མ་ཁྲིད་སྐོར། བོད་ཀྱི་སློབ་གསོའི་ལས་དོན་གཉེར་མཁན་ཚོའི་ནང་ལའང་བསམ་ཚུལ་མ་མཐུན་པ་ཡོད་པ་འདྲ། བསླབ་གཞི་ཚང་མ་བོད་ཡིག་ནང་ཁྲིད་ན་ཡག་པོ་རེད། དེ་ལ་རྒྱབ་སྐྱོར་ཡོད་དེ། རྒྱ་ཡིག་ཡག་པོ་ཞིག་མ་ཤེས་ན་བྱ་བ་མི་ལོན་པའི་དཀའ་ངལ་ཡོད་པ་དེའང་དངོས་ཡོད་གནས་ཚུལ་ཞིག་རེད། རྒྱལ་ཡོངས་གཅིག་གྱུར་གྱི་ཡིག་རྒྱུགས་ལེན་པ་ང་ཁྱད་པར་ཡོད་པ་འདྲ།
   རྨ་ལྷོ་ལ་མཚོན་ན། སྔོན་མ་ཞིག་ནས་དངོས་ཁམས། རྫས་འགྱུར། ས་རྒྱུས། ལོ་རྒྱུས། རྒྱུན་ཤེས་སོགས་བོད་ཡིག་ནང་ཁྲིད་པ་རེད། ཡིན་ནའང་། སློབ་ཆེན་སོགས་ལ་ཚུད་རྒྱུགས་གཏོང་སྐབས་དཀའ་ངལ་ཞིག་འཕྲད་པ་རེད། དེ་ནས་སློབ་གསོའི་ལས་དོན་གཉེར་མཁན་བོད་མིའི་འགོ་ཁྲིད་སེམས་ཤུགས་ཅན་དེ་འདྲས་ཤུགས་རྒྱབ་ནས་དྲི་གཞི་ཚང་མ་བོད་ཡིག་ནང་འདོན་དགོས་པའི་དགོངས་ཚུལ་བཏོན་འདུག ཡིན་ནའང་། དེ་ལ་བོད་རང་གི་ནང་ནས་ཁ་གཏད་གཅོག་མཁན་བྱུང་བརེད། བོད་རང་སྐྱོང་ལྗོངས་ནི་དེ་ལ་ལ་ངོ་རྒོལ་བྱེད་མཁན་དང་པོ་དེ་ཆགས་པ་རེད། དེ་ནས་མཐར་དྲི་གཞི་ཚང་མ་རྒྱ་བོད་གཉིས་ཀྱི་ནང་བཟོ་རྒྱུ་བྱས་ནས་སྐབས་ཤིག་དེ་ལྟར་བྱས་པ་འདྲ་ད་ལྟ་་མི་ཤེས།
   བོད་ཡིག་བསླབ་ན་དེ་ལ་མདུན་ལམ་ཞིག་དགོས་པ་རེད། དེ་ལ་མདུན་ལམ་མེད་ན་མི་ཕལ་ཆེ་བས་རང་བཞིན་གྱིས་རྒྱ་ཡིག་སྦྱོང་འགྲོ་གི་རེད། ད་མདུན་ལམ་ཟེར་ན་ག་རེ་རེད། བོད་ཀྱི་ས་ཁུལ་དུ། གཞུང་འབྲེལ་ཡི་གེ་དེ་བོད་ཡིག་བྱེད་དགོས་པ་རེད། དེ་མ་ཡོང་ནའང་རྒྱ་བོད་གཉིས་ཀ་ངེས་པར་བྱེད་དགོས་པ་རེད། དེ་ལྟར་མིན་ན། དེ་ནི་འདྲ་མཉམ་ཞིག་མ་རེད།
   རྩ་ཁྲིམས་ནང་མི་རིགས་འདྲ་མཉམ་བྲིས་འདུག བཅའ་ཁྲིམས་ནང་གི་མི་རིགས་ཀྱི་སྐད་ཀྱི་སྐོར་བྲིས་ཡོང་བ་དེར་བལྟས་ན། རྩ་ཁྲིམས་ནང་གི་འདྲ་མཉམ་ཟེར་བ་དེ་རང་བཞིན་གྱིས་མེད་པ་ཆགས་འདུག མེད་པ་ག་འདྲ་བྱས་ཆགས་འདུག་ཟེར་ན། དོན་ཚན་ཞིག་ནང་། རྒྱལ་ཁབ་ཀྱིས་རྒྱལ་ཡོངས་གཅིག་གྱུར་གྱི་སྐད་བེད་སྤྱོད་གཏོང་གི་ཡིན་ཟེར་བ་འདྲ་ཞིག་བཤད་ཡོད་པ་རེད། གཅིག་གྱུར་གྱི་སྐད་ཟེར་བ་དེ་ཕུ་ཐུང་ཧྭའམ་མན་ཌེ་རེན་ཟེར་གི་ཡོད་པ་རེད། མདོར་དེད་ན། གཞུང་འབྲེལ་གྱི་སྐད་རྒྱ་སྐད་ཡིན་ཟེར་གི་ཡོད་པ་རེད།
   དེ་ཡིན་ན། རང་མི་རིགས་ཀྱི་སྐད་སྦྱོང་ཆོག་པའི་ཐོབ་ཐང་ཡོད་ཟེར་བ་དང་། རང་སྐྱོང་དངོས་སུ་བྱེད་པའི་ས་ཁུལ་དུ་མི་རིགས་དེའི་སྐད་བེད་སྤྱོད་གཏོང་ཆོག་པ་ལྟ་བུ་ཞིག་བཤད་ཡོད་པ་དེ་ཚོ་རང་བཞིན་གྱིས་ནུས་མེད་དང་ནུས་པ་ཆུང་དུ་ཆགས་པ་རེད།

4. ད་ཐེངས་བོད་ནང་དུ་སློབ་ཕྲུག་ཚོས་སྐད་ཡིག་གི་ཆེད་དུ་སྐད་འབོད་བྱས་པ་དེ་ཞི་རྒོལ་དང་དྲག་རྒོལ་གང་ཡང་མ་རེད། འདི་ནི་བོད་མི་རིགས་ལ་ཐོབ་ཐང་དང་བདག་དབང་ཡོད་པའི་སྐད་ཡིག་སྲུང་སྐྱོབ་དགོས་པའི་འབོད་སྐུལ་ཙམ་རེད། གཞིས་པ་ཚོས་ལས་འགུལ་ཅི་འདྲ་ཞིག་བརྩམས་ཀྱང་ང་ཚོས་དེ་ལ་འགྲེལ་ལོག་བརྒྱགས་ཏེ་ཞི་རྒོལ་དང་དྲག་རྒོལ་གྱི་ཐ་སྙད་ཅིག་སྦྱར་ཏེ་རྒྱ་ནག་གཞུང་གི་ཁྲིམས་འགལ་གྱི་ལས་འགུལ་ལྟབུ་ཞིག་བཟོ་བཞིན་ཡོད།
   འདི་ནི་རྒྱ་གཞུང་གི་ཁྲིམས་འགལ་དང་སྲིད་ཇུས་ལ་གནོད་པའི་ལས་འགུལ་དེ་འདྲ་གང་ཡང་མ་རེད། རྒྱ་ནག་མི་དམངས་སྤྱི་མཐུན་རྒྱལ་ཁབ་འདིའི་ཁྲིམས་འོག་ཏུ་ཡོད་པའི་མི་རིགས་ཤིག་གི་བསམ་བློའི་རྟོགས་སད་དང་ཡར་རྒྱས་ཀྱི་མངོན་རྟགས་རེད། རྒྱ་ནག་མི་དམངས་སྤྱི་མཐུན་རྒྱལ་ཁབ་ཡར་རྒྱས་དགོས་ན་དེའི་སྒྲིག་འཛུགས་ཀྱི་ཆ་ཤས་བོད་མི་རིགས་དང་དེའི་སྐད་ཡིག་རིག་གཞུང་སྲུང་སྐྱོབ་བྱེད་པ་ནི་ད་ལྟའི་རྒྱ་ནག་གི་སྲིད་ཇུས་ལ་བོད་ཀྱི་སློབ་ཕྲུག་ཚོས་རྒྱབ་སྐྱོར་དང་མཐུན་འགྱུར་བྱས་པ་ལས།
   རྒྱ་ནག་གི་སྲིད་ཇུས་དང་རྩ་ཁྲིམས་དང་མི་མཐུན་པའི་ཁྲིམས་འགལ་དང་རྒོལ་བ་གཏན་ནས་མ་རེད། དེས་ན་ཕྱི་ལོགས་ན་ཡོད་པའི་བོད་མི་ཚོས། སློབ་ཕྲུག་ཚོས་སྤེལ་བའི་ཁྲིམས་མཐུན་གྱི་ལས་འགུལ་དེ་ཞི་དྲག་གི་རྒོལ་བའི་ཐ་སྙད་ཅིག་བཙན་སྤྱར་བྱས་ཏེ་ཁོང་ཚོ་ཁྲིམས་འགལ་དང་ཉེས་ཅན་ཞིག་མ་བཟོ་རོགས་གནང།