རེབ་གོང་མདོ་བ་ནས་ཀླུ་འབུམ་ཚེ་རིང་གིས་རང་ལུས་མེར་བསྲེགས་ཀྱིས་ངོ་རྒོལ་བྱས་པའི་གནས་བསྡུས།

Comments (3) on “རེབ་གོང་མདོ་བ་ནས་ཀླུ་འབུམ་ཚེ་རིང་གིས་རང་ལུས་མེར་བསྲེགས་ཀྱིས་ངོ་རྒོལ་བྱས་པའི་གནས་བསྡུས།”

1. དེ་ཡང་འདི་ནས་བདག་གིས་ཅི་ཞུ་བ། ཕ་ཡུལ་ཕྱོགས་སུ་ཆེད་དུ་གཉེར་བའོ་། ཇི་ལྟར་མི་ལ་བསྒྲགས་པར་བྱ་བའི་ཚེ། ཕན་དང་གནོད་པ་གང་ཡོད་ལེགས་པོར་ལྟོས། ལས་ཀྱིས་བགོས་བའི་བདག་ཅག་ཕ་ཡུལ་ན། ཤ་རུས་གཅིག་པའི་བོད་རིགས་སྤུན་ཟླ་ཚོ། གཅིག་རྗེས་གཉིས་མཐུད་མེ་ལྕེ་ལ་འབར་དུས། སེམས་ཚབ་ཀུན་ལ་ཡོད་པ་བརྗོད་མ་དགོས། ད་ནི་མེ་ལ་མ་སྲེགས་ཟེར་བའི་བསྐུར་སློང་ཞིག། ཕ་ཡུལ་གངས་ཅན་ཕྱོགས་ལ་ཀུན་གྱིས་གཏོང་རན་རེད། མཉམ་འབྲེལ་རྒྱལ་ཚོགས་ཟེར་ནས་སྐྱོབས་མཁན་དང་། ཨ་རིའི་དམག་དཔུང་ཟེར་ནས་གདོང་གྲོགས་ཞིག། ཡོང་རྒྱུ་མེད་པ་བོད་ལ་བསྒྲགས་ན་བསམ། གང་ལ་ཀུན་གྱིས་ཉན་པ་གཙོ་འཛིན་དེས། ཀུན་གྱི་དོན་ལ་གསུང་ཞིག་འབྱོན་ན་ལེགས། སྨྱལ་བའི་འཕྲང་དང་འདྲ་བའི་བདག་ཅག་ལས། མྱུར་དུ་བདེ་ལྡན་ཞིང་ཏུ་གྱུར་བར་སྨོན།

2. གནས་འགོད་པ་ཟུང་ལ་ཞུ་རྒྱུར།

   ཁྱེད་གཉིས་ནས་རྒྱལ་གཅེས་པ་ཁོང་ཉིད་མཚམས་སྦྱོར་སྐབས་སུ་གུས་ལུགས་གི་རྣམ་པ་དང་བཅས་ངོ་སྤྲོད་ཞུ་རྒྱུ་སོགས་ལ་ཐུགས་སྣང་གནང་རྒྱུ་ནི་ཧ་ཅང་གལ་ཆེ་བ་རེད་འདོད།

   དཔེར་ན། ཕ་ཚེ་ཁོ་དང་མ་ཚེ་འདས་རྡོ་རྗེ་སྐྱིད་གཉིས་ཀྱི་བུ་ཡིན་པ་དང་། དེ་སྔོན་སྤེན་དཀར་ཐང་དགོན་པའི་ཆོས་སྒོར་ཞུགས་མྱོང་ཡོད་ན་ཡང་ལོ་གཉིས་ཀྱི་རྗེས་སུ་སྐྱ་སར་བབས་ཡོད་འདུག་ཞེས་འརྗོད་ཚེ་ཀློག་མཁན་དག་གི་རྣ་ལ་མི་མཛེས་པ་དེ་འདྲ་ཀྱང་མེད། ཡིན་ཡང་།

   དེ་འདྲ་མིན་པར་༼ ཕ་ཚེ་གོ་དང་མ་རྡོ་རྗེ་སྐྱིད་གཉིས་ཀྱི་བུ་ཡིན་པ་དང་། ཨ་མ་སྐུ་གྲོངས་ཡོད་འདུག ལོ་གཉིས་ཀྱི་རྗེས་སུ་གྲ་བ་ལོག་ཡོད་འདུག ༽ ཅེས ་ཁ་རི་ཁ་ཐུག་གི་ཚིག་འདི་འདྲ་ནི་དོན་ལ་གནོད་སྐྱོན་ཆེར་མེད་ཡང་ཀློག་དུས་རྣ་ལ་སྙན་པོ་རང་མི་འདུག སོང་ཙང་མི་རིགས་གི་དོན་དུ་རང་གི་ལུས་སྲོག་ཡོད་ཚད་བློས་བཏང་བའི་རྒྱལ་གཅེས་པ་ཞིག་ལ་མཚོན་ན་བོད་མི་སྤྱི་བོ་གནམ་བསྟན་ཡོངས་ཀྱིས་ལུས་ངག་ཡིད་གསུམ་ཡོངས་ཀྱིས་གུས་བཀུར་རྣམ་དག་ཞུ་དགོས་པ་ནི་ཧ་ཅང་གལ་ཆེན་ནང་གི་དོན་ཆེན་ཡིན།

   དགོངས་དག

3. ཡང་ནས་ཡང་དུ། བསྐྱར་ནས་བསྐྱར་དུ། སེམས་ནང་ངུ་ཤོར། བསམ་བཞིན་ཁོང་ཁྲོ། བྱེད་ཐབས་ཇི་ཡོད།
   ཨོ་མ་ནི་པདྨའི་ཧུང། དཀོན་ཅོག་གི་མཁྱེན་ནོ།