རེབ་གོང་ནས་སློབ་མས་སྐད་འབོད་ལས་འགུལ་སྐོར་གནས་ཚུལ་ཁ་གསབ།

Comments (14) on “རེབ་གོང་ནས་སློབ་མས་སྐད་འབོད་ལས་འགུལ་སྐོར་གནས་ཚུལ་ཁ་གསབ།”

1. སྤྱིར་སློབ་ཕྲུག་སྟོང་ཕྲག་འགས་རང་གི་ཐོང་ཐབ་གང་ཡིན་པ་དེའི་ཆེད་དུ་ངོ་རྒོལ་བྱས་པ་ནི་དངོས་གནས་བསྟོད་ན་ཚིག་གིས་མི་འདང་བ་དང་། བསམས་ན་བློ་ངོར་མི་ཤོང་བའི་ཚོད་དུ་འདུག་པས་ཞེ་ནས་དགའ་སོང་མོད། དེ་དང་ལྷན་དུ་བློ་དོགས་གཞན་ཞིག་ཀྱང་ཡོང་བ་ནི། གནས་ཚུལ་འདི་ཞི་འཇགས་སུ་སོང་མཚམས་སུ་ག་ལེར་བོད་ཞེན་ཅན་རེ་སྲང་ལམ་ནས་ཁྱི་འཛིན་འཛིན་བྱས་མི་ཡོང་ངམ་སྙམ་ནས་སེམས་འཁྲེལ་ཞིག་ཀྱང་སྐྱེས་ཡོང་གི་འདུག
   སློབ་ཕྲུག་སྟོང་ཚོ་གསུམ་ཙམ་ཡོད་པ་ཚོའི་མངོན་འདོད་བཞིན་འགྲུབ་པའི་རེ་པ་དང་། དགེ་སློབ་མི་གཅིག་ལའང་འཛིན་བཟུང་སུན་གཙེར་གནོན་བཙུར་ཅུང་ཙམ་ཡང་མི་འབྱུང་བའི་སྨོན་ལམ་འདེབས།

2. བོད་ཡོངས་ཀྱིས་རྣམ་པ་འདིའི་སྟེང་ནས་སྐད་འབོད་ཁྲོམ་སྐོར་ཞིག་བྱ་ཐུབ་ན་གནས་སྐབས་ཀྱིས་ཐོབ་རྒྱུ་ཞིག་ཡོད་ངེས། གོང་གི་བརྙན་འཕྲིན་དེར་བལྟས་ནས་ཡོང་སྐབས། གཟི་བརྗིད་ཅིག་དང་ངར་ཤུགས་ཤིག་ཡོད་པ་དེ་དང་། ལྷག་པར་དུ་སློབ་ཕྲུག་དེ་ཚོའི་གོམ་སྟབས་རེ་རེ་ལ་མི་རིགས་དང་རྒྱལ་ཁབ། རིག་གཞུང་ཞིག་གི་བརྩེ་བ་རྣམ་དག་གིས་འཁྱུད་ནས་ཡོད་པ་མཐོང་ཐུབ། ཁོང་ཚོའི་སྐད་འབོད་ཀྱི་རྣམ་པ་དང་དེའི་ངར་ཤུགས་སོགས་ཀྱིས་ད་དུང་ང་ཚོའི་མི་རིགས་འདི་ལས་སླ་བོར་སུ་གང་གིས་ཀྱང་འཆི་ལམ་དུ་འདེད་མི་བཏུབ་པ་དེ་མཚོན་གི

   ད་རེའི་རེབ་གོང་གི་སློབ་ཕྲུག་དག་གི་ལས་འགུལ་འདིས་བོད་མི་རིགས་སྤྱི་ལ་སློབ་སྦྱོང་ཞིག་སྤྲོད་ཐུབ་པའི་ཡིད་ཆེས་ཡོད། ལྷག་པར་དུ་བོད་ཡོངས་ཀྱི་སློབ་མ་དག་གིས་འདི་ལྟར་མི་རིགས་རང་གི་རིག་གཞུང་གི་ཆེད་དུ་ལས་འགུལ་འདི་སྤེལ་ཐུབ་ན་རེ་བ་ཞིག་ཡོད་པ་གདོན་མི་ཟ།

3. ངོ་མ་བརྗོད་མི་ཤེས་པའི་དགའ་སྣང་ཞིག་གིས་གོང་གི་སློབ་མ་འདི་ཚོའི་སྐད་འབོད་བྱེད་སྟངས་ཀྱི་རིམ་དང་བཀོད་བསྒྲིགས་སོགས་ལ་བལྟས་ཚེ་བོད་མི་རིགས་ཀྱི་ལ་རྒྱ་དང་། མི་རིགས་ལ་བཅིངས་པའི་བརྩེ་སེམས་སོགས་ལྷད་མེད་ཡིན་པ་མཚོན་ཐུབ། སེམས་ཤུགས་དང་། སྟོབས་ཤུགས། ངར་ཤུགས་བཅས་ལས་བོད་མི་རིགས་འདི་ད་དུང་གསོན་ཐུབ་པའི་རེ་བ་ཇེ་ཆེ་ནས་ཇེ་ཆེ་རེད། ལྷག་པར་དུ་བོད་ཕྱི་ནང་གཉིས་ཀར་བློ་འཚབ་སྐྱེས་གཞི་ཞིག་སྟེ་བོད་ཀྱི་སྐད་ཡིག་ཉམས་ཆགས་ཀྱི་ཐད་ལའང་སེམས་གསོ་ཐུབ་ངེས་རེད།
   འདི་བཞིན་རྒྱ་དམར་གྱི་བཙན་གནོན་ལ་མ་འཛེམ་པར་བོད་ཀྱི་རིག་གཞུང་གི་ཐོག་ལ་དོ་སྣང་དང་ཐུགས་འཁུར་གནང་གི་ཡོད་ན་ང་ཚོ་འདིར་གནས་པའི་སློབ་གྲྭ་ཁག་དང་དགོན་པ་ཁག་གིས་ཁོང་ཚོར་གདུང་སེམས་མཉམ་བསྐྱེད་ཇི་ལྟར་བྱེད་རྒྱུ་ཡིན།

4. ཁ་གསལ་བོ་མ་རེད། མི་རིགས་རང་གི་སྐད་ཡིག་སློབ་ན་ཆོག་ན་ཆོག་གི་མོ་དེ་མིན་གཞན་ཅི་ཞིག་དགོས་པ་རེད།
   སློབ་གྲྭ་ཁག་གི་སློབ་དེབ་རིགས་ལས་མི་རིགས་རང་གི་སྐད་ཡིག་སློབ་དེབ་ཕུད། དེ་མིན་གྱི་སློབ་དེབ་ཚང་མ་རྒྱ་ཡིག་གི་ལམ་ནས་འཁྲིད་སྦྱོང་དགོས་པའི་གླེང་སློང་རིམ་པར་བྱུང་ཡོད་འདུག་
   དེ་མིན་གྱི་སློབ་དེབ་ཚང་མ་ཟེར་ན་ག་རེ་ག་རེ་ཡོད་པ་རེད། གསལ་བར་གསུངས་དང།

5. ཡོངས་སུ་ཞི་བ་དང་དྲང་བདེན་གྱི་སྐད་འབོད་འདི་ལ་དྲག་གནོད་ཀྱི་ལམ་སྣེ་མི་རྙེད་པ་བྱེད་རྒྱུ་གལ་ཆེན་པོ་རེད། དགེ་རྒན་ཚོའི་ལྟ་ལྟོག་འཐུས་ཚང་བྱེད་རྒྱུའི་རེ་འབོད་བྱེད་ཀྱི་ཡོད། གཞན་ཡང་མང་ཚོགས་དང་དགེ་འདུན་པ་སོགས་མི་གཞན་པ་སློབ་ཕྲུག་ཚོའི་ཉེ་སར་རྒྱུགས་ནས་ཟིང་སློང་གི་ངོ་བོ་མ་ཐོན་གལ་ཆེར་འཛིན་དགོས། མང་ཚོགས་ཐག་རིང་ནས་འདུག་རྒྱུ་གལ་ཆེན་པོ་རེད། སློབ་ཕྲུག་ཁོ་ན་གྲལ་སྒྲིག་ནས་གོ་རིམ་མ་འཆོལ་བའི་ཐོག་ནས་རེ་འདུན་སྐད་འབོད་བྱེད་དགོས་པ་གསར་འགོད་པ་གཙོའི་བོད་ནང་འབྲེལ་བ་ཐུབ་མཁན་ཚོས་བསྐུལ་མ་ནན་པོ་གནང་རོགས། ཕྱི་ལོག་ནས་ཀྱང་ངར་ངར་རྫིག་རྫིག་བྱས་ཏེ་ལས་འགུལ་འདི་བཞིན་ཆབ་སྲིད་ཀྱི་ངོ་བོར་མི་བསྒྱུར་བ་གཙོ་འཛིན་བྱེད་དགོས། དེ་མིན་རང་གི་བསམ་ཚུལ་གང་ཡོད་པ་གསར་འགྱུར་འདི་དག་དང་བསྲེས་ནས་ཁྱབ་བསྒྲགས་བྱས་ཏེ་ངོ་བོ་གཞན་དུ་བསྒྱུར་རྒྱུའི་ཕྱོགས་ལ་གཟབ་ནན་བྱེད་དགོས། ༧གོང་ས་མཆོག་གིས་བོད་མི་རིགས་ལ་ཞི་བའི་འཐབ་རྩོད་ཀྱི་རྨང་གཞི་བཙུགས་ཏེ་དབུ་ཁྲིད་གནང་པར་ཡིད་གཏིང་ནས་ཐུགས་རྗེ་ཆེ་ཞུ་གི་ཡོད། ཁོང་མིན་ན་ཕྱི་ལོག་གི་བོད་མི་ཆབ་སྲིད་པའི་མིང་ཁྱེར་མཁན་འུར་ཚ་བོ་དེ་ཚོས་བོད་ནང་གི་བོད་མི་རྣམས་བཙོང་རྒྱུའི་ཉེན་ཁ་མཐོང་གི་འདུག བོད་ནང་དྲག་གནོད་ཚད་མེད་ཕོག་བཅུག་རྗེས་ད་དུང་སྲོག་མ་ཤོར་ཞིང་ཁྲག་མ་བཞུར་བར་རྩ་དོན་གང་ཡང་འགྲུབ་ཀི་མ་རེད་ཟེར་ནས་སྐད་ཆ་རྫིག་པོ་བཤད་ཞོར་ལ་རང་ཉིད་ཉེན་ཁ་མེད་སར་སྐྱབས་བཅོལ་ནས་འདུག་གི་རེད། ༧གོང་ས་མཆོག་ལ་སླར་ཡང་ཐུགས་རྗེ་ཆེ་ཞུ་ན་འདོད་སོང་།

6. དེ་ད་ཕལ་ཆེར་ལོ་རྒྱུས། ས་རྒྱུས། ཚན་རིག རང་བྱུང་། དངོས་ཁམས་རིག་པ། འབྱུང་རྩིས། སྤྱི་ཚོགས་ཚན་རིག ཨང་རྩིས་ལ་སོགས་པ་མང་རྒྱུ་རེད་པ། ངས་ཀྱང་དེང་གི་སློབ་མ་ཚོར་སློབ་གཞིའི་སློབ་ཚན་དུ་ཡོད་གསལ་བོ་མི་ཤེས་ཡ།

7. ངའི་མཆན་བཏབ་ཚར་བ་དང་དུས་མཉམ་བབ་ནང་ཆབ་བྲག་ལྷ་མོ་སྐྱིད་ཟེར་བ་སྤྱི་འཐུས་མིང་ཁུར་དེས་མཁས་མདོག་ཁ་བོ་བྱས་ནས་ལས་འགུལ་འདི་ཐོག་རྫིག་མདོག་ཁ་བོ་རང་གི་བསམ་ཚུལ་མང་པོ་བསྣན་ནས་འགྲེལ་བཤད་བརྒྱབ་འདུག་པས་ཡག་པོ་མ་རེད། ཐུགས་རྗེ་ཆེ་བོད་མི་མ་བཙོང་རོགས། དྲག་གནོན་གྱི་སྣ་འདྲེན་མ་བྱེད་རོགས། བོད་མི་རིགས་ཀྱི་ཚེ་སྲོག་ལ་ཆེ་མཐོང་སྤྲོད་རོགས།

8. ༡༩༨༤ལོའི་ཟླ༥ཚེས༣༡ཉིན་རྒྱལ་ཡོངས་མི་དམངས་འཐུས་མིའི་ཚོགས་ཆེན་སྐབས་དྲུག་པའི་གྲོས་ཚོགས་ཐེངས་གཉིས་པའི་ཐོག་གྲོས་འཆམ་བྱུང་ཞིང༌། ༢༠༠༡ལོའི་ཟླ་༢ ཚེས་༢༨ཉིན་རྒྱལ་ཡོངས་མི་དམངས་འཐུས་མིའི་ཚོགས་ཆེན་སྐབས་དགུ་བའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་ཉི་ཤུ་བའི་ཐོག་བཞག་པའི་མི་རིགས་ས་ཁོངས་རང་སྐྱོང་བྱེད་ཕྱོགས་སྐོར་གྱི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བཅའ་ཁྲིམས་ལ་བཟོ་བཅོས་རྒྱག་རྒྱུའི་སྐོར་གྱི་ཆོད་དོན་ལྟར་བཟོ་བཅོས་བརྒྱབ་ཡོད།
   　དོན་ཚང་དང་པོ། མི་རིགས་ས་ཁོངས་རང་སྐྱོང་བྱེད་ཕྱོགས་སྐོར་གྱི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བཅའ་ཁྲིམས་འདི་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་གཞིར་བཟུང་ནས་གཏན་ལ་ཕབ་པ་ཡིན།
   དོན་ཚན་བཅུ་པ། མི་རིགས་རང་སྐྱོང་ས་གནས་ཀྱི་རང་སྐྱོང་ལས་ཁུངས་ཀྱིས་ས་གནས་དེ་གའི་མི་རིགས་ཁག་ཚང་མར་རང་ཉིད་ཀྱི་སྐད་ཡིག་བེད་སྤྱོད་དང་དར་རྒྱས་སུ་གཏོང་བའི་རང་དབང་ཡོད་པ་དང༌། རང་ཉིད་ཀྱི་ཡུལ་སྲོལ་གོམས་གཤིས་སྔར་མུས་འཛིན་པའམ་བསྒྱུར་བཅོས་བྱེད་པའི་རང་དབང་ཡོད་པར་འགན་སྲུང་བྱ་རྒྱུ།ཞེསབཀོད་འདུག

   ཁ་དོན་ཚིག་ལ་མ་གནས་པའི་མི་ངན་དང་རྩ་ཁྲིམས་ལག་ལེན་མེད་པའི་རྒྱལ་ངན་ཀྲུང་གོ་བ་ལ་ངོ་ཚ་རྒྱུ་ཡོད་དམ། ངས་བལྟས་ན་ངོ་ཚ་རྒྱུ་མེད། འདི་ནི་ཀྲུང་གོ་བའི་རྒྱུན་ལྡན་གྱི་བེད་སྤྱོད་བཏང་སྟངས་ཤིག་རེད།

9. དངོས་གནས་ཡག་པོ་འདུག

10. སློབ་མ་ཚོས་རང་གི་སྐད་རིགས་སྦྱངས་ནས་མི་རིགས་ཀྱི་ལ་རྒྱ་སྲུང་བ་དང་མཐར་གཏུགས་ན་མི་རིགས་འདི་སྲོག་རྩ་སྐྱོང་འདོད་ཀྱིས་རྒྱ་གཞུང་ལ་མི་འཇིགས་པར་ཁྲོམ་སྐོར་བྱས་ནས་རང་གི་འདོད་མོས་བཏོན་པ་རེད།

    འོན་ཀྱང་རྡ་ས་ནས་ཡིན་པའི་ཚེ་རིང་རྡོ་རྗེ་ཟེར་བ་ཞིག་གིས་ཨ་རིའི་སྐད་སྒྲར་རྒྱ་ཡིག་གིས་སློབ་ཚན་ཁྲིད་པའི་སློབ་གསོའི་བསྒྱུར་བཅོས་འཆར་གཞི་དེར་སློབ་མ་དང་། དགེ་རྒན། ཁྱིམ་བདག་ཚང་མས་མི་རིགས་སྐད་ཡིག་ལ་ཉེན་ཁ་བཟོས་པར་ངོས་ཟིན་པ་མ་ཚད། དགེ་རྒན་ཚོས་སྲིད་ཇུས་དེས་ཁོང་ཚོ་ལས་ཀ་ཤོར་བ་དང་ལས་མེད་དུ་ལུས་པར་སེམས་ཁྲལ་བྱེད་ཀྱི་ཡོད། རྒྱུ་མཚན་ནི་དགེ་རྒན་ཧ་ཅང་མང་པོའི་རྒྱ་ཡིག་ཆུ་ཚད་ཡག་པོ་མེད། ཅེས་བཤད་འདུག
    གསར་འགྱུར་ནང་མི་དེ་ངོ་སྤྲོད་བྱེད་དུས། མཚོ་སྔོན་རྨ་ལྷོ་རེབ་གོང་དུ་སྐྱེས་པ་དང་ས་འདིར་སྤུན་མཆེད་ཧ་ཅང་མང་པོ་ཡོད་ཤིང་། རྨ་ལྷོ་ཁུལ་རྩེ་ཁུག་རྫོང་མི་རིགས་སློབ་འབྲིང་ལ་བོད་དབྱིན་དགེ་རྒན་ལོ་༡༠ལ་ཉེ་བ་བྱེད་མྱོང་བས་མཚོ་སྔོན་གྱི་སློབ་ཁྲིད་གནས་ཚུལ་ལ་རྒྱུས་མངའ་ཆེན་པོ་ཡོད། ཅེས་བྲིས་འདུག
    ཚེ་རིང་རྡོ་རྗེའི་འགྲེལ་བཤད་དེས་མི་རྣམས་ལ་གོ་བ་གང་ཞིག་སྟེར་གྱིན་འདུག་གམ།
    ཁྱེད་རྣམ་འདི་ལ་གཟིགས།http://news.boxun.com/news/gb/china/2010/10/201010202352.shtml

11. བྱེས་པ་ཚོས་བོད་ནང་གི་སློབ་ཕྲུག་ཚོའི་རེ་འདོད་འགྲུབ་པར་གཞོགས་འདེགས་རེ་བྱེད་མི་ཐུབ་ནའང།
    དངོས་ཤུགས་བརྒྱུད་གསུམ་ནས་གནོད་རེ་མི་བསྐྱལ་བའི་ཐུགས་སྣང་ཡོད་པར་ཤོག
    འདི་ལྟར་བསམ་གཞིགས་བྱས་ཚེ་མིང་དོན་མི་མཚུངས་གསར་འགོད་ལས་རིགས་གཉེར་བ་འགར་ཞེད་སྣང་སྐྱེ་འོངསྐུ་མཁྱེན་རང་དོན་ཁོ་ན་མ་བསམ་རོགས།

12. ན་ནིང་ 2008 ལོར་ཆབ་སྲིད་ཀྱི་ངོ་རྒོལ་དེ་ཆོལ་ཁ་གསུམ་ལ་ཁྱབ་པ་རེད། དེས་བོད་ཀྱི་ཆབ་སྲིད་ཀྱི་འཐབ་རྩོད་ལ་གསོན་ཤུགས་གསར་པ་ཞིག་རྒྱས་ཡོད། ད་རེས་སྐད་ཡིག་སློབ་གསོའི་ངོ་རྒོལ་འདི་ཡང་ཆོལ་ཁ་གསུམ་ལ་ཁྱབ་ཐུབ་རྒྱུ་ན། འདིས་བོད་ཀྱི་རིག་གནས་སློབ་གསོའི་གནད་དོན་ལ་གསོན་ཤུགས་གསར་པ་ཞིག་རྒྱས་ངེས་ཡིན།
    ད་རེས་ཀྱི་འདི་ཁྲིམས་འགལ་དུ་མི་འགྱུར་བ་དང་། དྲག་ཟིང་དུ་མི་འགྱུར་བ། སྲིད་དོན་དུ་མི་འགྱུར་བའི་སྒོ་ནས་བོད་ཡོངས་ལ་ཁྱབ་ཐུབ་པར་སྨོན།

13. really nice

14. i saw this good news today.
    tear fell on my face .
    i am really proud of all students.