ཚེས་ ༡༥ ཉིན་རེབ་གོང་ནས་མེར་བསྲེགས་གནང་བ་རྒྱལ་གཅེས་དཔའ་མོ་ཏིང་འཛིན་སྒྲོལ་མ།

Comments (5) on “ཚེས་ ༡༥ ཉིན་རེབ་གོང་ནས་མེར་བསྲེགས་གནང་བ་རྒྱལ་གཅེས་དཔའ་མོ་ཏིང་འཛིན་སྒྲོལ་མ།”

1. དཔའ་མོ་ཏིང་འཛིན་སྒྲོལ་མ།

   རྒྱབ་ལྭ་དམར་བོའི་འོག་གི
   འཛུམ་ཞལ་མེ་ཏོག་བཞད་འདྲ།
   འཇིག་རྟེན་འདི་ཡི་རྒྱན་ཏུ།
   འདི་ལྟར་བཞག་འགྲོ་མ་བསམ།
   མི་རིགས་ཆེན་པོ་གཉིས་ཀྱི།
   མཛའ་བཤེས་རྡོ་རྗེ་མདུད་པ།
   ཡུན་ལ་བསྲིངས་ཐབས་བསྒོམ་ཡང་།
   སྐྱ་ཡ་དོར་དགོས་བྱུང་འདྲ།
   ལས་མཐུན་མེད་པ་མ་རེད།
   ལས་དབང་བཙན་ལ་ཤོར་བས།
   གཉོམ་ཆུང་བོད་མིའི་ཁ་སྟོབས།
   འདི་ལྟར་རྒུད་བསམ་དོར་ཤག
   བསམ་འདུན་གངས་ཀྱི་དར་ལྕེ།
   བསྐལ་བའི་མཐའ་ལ་བསྲིངས་ཤིང་།
   བརྒྱུད་ལམ་ཡོམ་ཡོམ་བསྒུལ་བས།
   ཡིག་དྲུག་ཀུན་གྱིས་སྒུམ་སོང་།
   ཞུམ་མེད་སྤོབས་པའི་དཔུང་བ།
   ས་མཐོའི་ཕྲག་ཏུ་བསྒྲེངས་པས།
   ཕྱོགས་མཐའི་འདྲེན་བྱེད་སྟོང་ཕྲག
   ཆུ་ཡིས་བརླན་དགོས་བྱུང་འདུག
   ཡིན་ཡང་བོད་པའི་ལུགས་སུ།
   སྐྱེ་འཆི་རེས་སུ་འཁོར་བ།
   བེམ་པོའི་བརྗེ་བསྒྱུར་འདྲ་བས།
   བོད་ལ་བྲལ་བ་མ་གནང་།
   སང་ལོ་བཙན་མོའི་ནགས་སུ།
   མེ་ཏོག་ཐགས་སུ་བཀྲ་དུས།
   བུང་བའི་དྲུག་འགྱུར་འཐེན་ནས།
   དཔའ་མོའི་བསུ་མར་ལངས་ཡོད།

2. ད་འགྲིགས་མ་སོང་ཐལ། རྒྱ་གཞོན་དེས་ཅི་ཟེར་ཤེས་ནི་མ་རེད། ཤི་བོ་སྙིང་རྗེ། ཨོཾ་མ་ཎི་པདྨེ་ཧྰུྃ།

3. གངས་ཅན་འགྲོ་བའི་རང་དབང་བདེ་སྐྱིད་སླད། །
   རང་གི་ལུས་དང་སྲོག་ཀྱང་ཡོངས་དོར་བའི། །
   གསར་སྐྱེ་ན་གཞོན་དཔའ་མོ་ཏིང་འཛིན་འཚོ། །
   དགའ་ལྡན་ལྷ་ཡི་ཞིང་དུ་མྱུལ་སྐྱེ་ཤོག །

4. གངས་ཅན་འགྲོ་བའི་རང་དབང་བདེ་སྐྱིད་སླད། །
   རང་གི་ལུས་དང་སྲོག་ཀྱང་ཡོངས་དོར་བའི། །
   གསར་སྐྱེ་དཔའ་མོ་ཏིང་འཛིན་སྒྲོལ་མ་ཁོང་། །
   གནས་མཆོག་དག་པའི་ཞིང་དུ་སྐྱེ་བར་ཤོག །

5. དེ་རེང་འདི་ནས་མགོ་སེར་ན་གཞོན་ཁག་ཅིག་ལ་པར་འདི་ཚོ་དང་བོད་ནང་གི་ཛ་དྲག་གནས་ཚུལ་འབྲེལ་བཤད་བྱེད་སྐབས་འདི་ལྟར་དྲིས་སོང་། བུ་མོ་ན་གཞོན་འདི་འདྲ་ཞིག་པར་ཐོག་གི་མི་རྒན་འདི་བོད་ལ་ལོག་ཆེད་རང་སྲོག་བཅད་པ་ཨེ་རེད་ཟེར། དེ་དུས་ངས་ཁྱེད་ཀྱིས་ལྟ་སྟེངས་འདི་གང་ནས་བྱུང་སོང་དྲིས་བ་ན། རང་སྲེག་སྐབས་རྒྱལ་བ་རིན་པོ་ཆེ་བོད་ལ་ལོག་ཕེབས་དགོས་ཟེར་བ་མ་རེད་དམ། གཉིས་ཚེ་འདས་ཀྱི་སྔས་མགོ་ལ་ཏ་ལེ་བླ་མའི་པར་ཡོད་པས་ཡིན་ཟེར།