ཤར་ཕྱོགས་ཁུག་རྟ།
༡ རང་སྲེག་གནང་དོན་ལ་འཁྱོག་བརྗོད་ཧམ་བཤད་བྱེད་པའི་ཇུས་ངན་ཕམ་ཉེས་འགྲོ་རྒྱུ་ཉག་ཅིག་རེད།
༢ ༧གོང་ས་མཆོག་གིས་རང་སྲེག་ངན་སྐུལ་བྱས་ཡོད་མེད་ཐད་ཞིབ་འཇུག་བྱ་ཆོག་པའི་སྒོ་ཆེན་ནམ་ཡང་རྒྱ་ནག་གི་ཕྱོགས་སུ་ཕྱེས་ཡོད།
༣ བོད་ཐོག་འཛིན་པའི་ཆོས་ལུགས་དང་སྐད་ཡིག་གི་སྲིད་བྱུས་གཉིས་རང་སྲེག་བྱུང་རྐྱེན་གྱི་དངོས་རྒྱུ་རེད།
༤ “བོད་རང་བཙན”་ཞེས་པའི་ཚིག་གཅིག་འཕྱར་ནས་རང་སྲེག་ངན་སྐུལ་བ་ཡོད་ཚུལ་སྒྲུབ་མི་ཐུབ།
༥ རྔ་བ་དང་རེབ་གོང། བླ་བྲང་སོགས་སུ་རང་སྲེག་གཏོང་དོན་ལ་འཁྱོག་བཤད་བྱས་ན་རྒྱ་སྒོར་ཕོན་ཆེ་སྤྲོད་རྒྱུའི་གཡོ་ཇུས་ལམ་ལྷོང་བྱུང་མེད།
༦ བོད་མིའི་རང་སྲེག་ཞི་རྒོལ་དྲག་པོར་བསྒྱུར་ཐབས་དང། རང་སྲེག་གི་མངོན་འདོན་”བོད་རང་བཙན་”ལ་བསྒྱུར་ཐབས་ཀྱིས་རྒྱ་བོད་མི་རིགས་བར་འགལ་ཟླ་སློང་རྒྱུའི་གཡོ་བྱུས་སྣ་ཚོགས་འཐེན་བཞིན་པ།
༧ རང་སྲེག་སྐོར་གསར་འགྱུར་རྫུན་བཟོ་ག་ཚོད་བྱས་ཀྱང་རྒྱལ་སྤྱིའི་སྤྱི་ཚོགས་ནང་དངོས་དོན་གསལ་རྟོགས་བྱུང་བཞིན་ཡོད།
༨ རྒྱ་རིགས་རྩོམ་པ་པོ་རང་སྲེག་གཏོང་མཁན་གྱི་ཁྱིམ་དུ་བསྐྱོད་དེ་བསྔོ་རྟེན་རྒྱ་སྒོར་༥༠༠ ཕུལ་སྟེ་བོད་མི་མང་གདུང་སེམས་མཉམ་བསྐྱེད་ཞུས་པ།
༩ རང་སྲེག་མངོན་འདོད་ལ་ཉན་འཇོག་མི་གནང་ཁར་སྒེར་གཅོད་སྲིད་གཞུང་གི་རྣམ་པ་གསལ་བའི་ཁྲིམས་མེད་ལུགས་མེད་ཀྱི་བྱ་སྤྱོད་ཁྲིམས་སུ་སྒྲོག་པ་ནི་མི་གསོད་མཁན་གྱི་ལག་དམར་གཏེ་བོ་དེ་རེད།
༡༠ རང་སྲེག་ནང་བསྟན་དང་འགལ་ཚུལ་བཤད་པ་ནི་བོད་བརྒྱུད་ནང་བསྟན་ལ་ཁྱད་གསོད་དང་དམངས་སེམས་གསོན་པོར་བསད་པ་རང་རེད།
༡༡ རང་སྲེག་གཏོང་མཁན་གྱི་ནང་མིར་འཚམས་འདྲི་ཞུས་མི་ཆོག་པ་ནི་བོད་མི་མི་གྲལ་དུ་མ་བཞག་པའི་དཔང་རྟགས་རེད།
༡༢ རང་སྲེག་དྲིལ་བསྒྲགས་རྫུན་བཟོ་བྱེད་པ་ནི་རང་སྲེག་མུ་མཐུད་དུ་འབྱུང་རྩ་དངོས་གནས་དེ་རེད།
༡༣ རང་སྲེག་འཁྱོག་བརྗོད་ཀྱིས་མཇུག་མཐར་ནུས་བ་ཐོན་པ་ནི། བོད་མི་ཚོར་ནང་ཁུལ་མཐུན་སྒྲིལ་དང་རྒྱ་ནག་གི་གཉའ་གནོན་འོག་ནས་གྲོལ་རྒྱུར་དྲན་སྐུལ་ཤུགས་དྲག་གཏོང་བ་དེ་རེད།
འབོད་སྐུལ། བཙན་བྱོལ་ན་གཞོན་ཤེས་ཡོན་པ་ཚོས་གང་མགྱོགས་ཆུ་ཚོད་ཆེད་གཏོང་གིས་རྒྱ་ནག་གི་འཁྱོག་བཤད་འདི་ཐེར་འདོན་གནང་རོགས། རང་ཁུར་ཕྲག་ཏུ་བླངས་ནས་གང་མགྱོགས་གནད་འདུས་རྣོ་ངར་ཅན་གྱི་ལན་འདེབས་བྲིས་པ་ཡིན་ན། དུས་ལྟར་ང་ཚོ་ཐུན་མོང་གིས་༼ རང་སྲེག་འཁྱོག་བརྗོད་ཀྱི་ངོ་བོ་དང་དམིགས་དོན་ཐེར་འདོན། ༽ཞེས་པའི་དཔེ་དེབ་པར་བསྐྲུན་བྱས་ཆོག་ན། དེ་དོན་ཐུགས་འཁུར་བསྐྱེད་བཞེས་ཡོང་བ་དགོངས་འཇགས་ཞུ།།
Email: loveyoutibet@gmail.com / 0091-9882533773/
ཡག་པོ་འདུག་
བརྡ་ཁྱབ་འདི་ལ་ཤོག་གྲངས་༣༠ཡོད་པ་ཨེ་ཤི་ཡ་རླུང་འཕྲིན་ལས་གསལ་འདུག་པས།
འདིར་དཀར་ཆག་ཙམ་འདྲེན་བཀོད་ཞུས་པ་ཙམ་ལས་བརྗོད་བྱ་ཆ་ཚང་རྟོགས་རྒྱུར་ཧ་ཅང་ཁག་པོ་འདུག
རྒྱ་མི་ལ་གཡོ་བརྒྱ་དང་སྒྱུ་སྟོང་ཡོད་པ་ཡིན་པས་ཡིད་ཆེས་བྱེད་ས་མེད། གནའ་དུས་ནས་མཛངས་མའི་ཇུས་དང་། མཁར་རྫོང་སྟོང་པའི་ཇུས་སོགས་པའི་ཇུས་སུམ་ཅུ་སོ་དྲུག་བཀོལ་ཚུལ་ཤེས་པ་དང་། དེ་དག་ཕྱི་རབས་པ་རྣམས་ཀྱིས་སྔས་ཐོག་དཔེ་ཆ་ལ་བཟུང་ནས་སློབ་སྦྱོང་བྱས། རང་ཁེ་ཐབས། གཞན་ཕམ་ཐབས་སོགས་ཚེ་འདིའི་བདེ་བ་རང་སྙེགས་པའི་རིག་གནས་ཤིག་དང་འབྲེལ་བ་བྱེད་སྐབས་ཡང་ཡང་དཔྱད་པ་བྱེད་རྒྱུ་ནི་གལ་པོ་ཆེའི་ནང་གི་གལ་པོ་ཆེ་མཐོང་ངོ་།
རེབ་གོང་ནང་བཀྲམ་པའི་གོང་གི་ཡིག་ཆ་དེའི་ཁ་གཏད་ས་ནི་གཞིས་ལུས་བོད་མི་ཡིན་པ་དང་། དམིགས་པ་གཞིས་ལུས་བོད་མི་སླུ་ཐབས་དང་། གོང་ས་མཆོག་ལ་ཁ་ཅུང་ཟད་འཇམ་པའི་ཐོག་ནས་བཤད་པ་རེད། ད་ལྟ་གཞིས་ལུས་བོད་མི་སྤྱི་དང་ལྷགས་པར་དུ་རེབ་གོང་ལྟ་བུ་བོད་མིའི་རང་གཤིས་ངར་ས་དག་ན་གོང་ས་མཆོག་ལ་མཚན་དམད་ཆེན་པོ་བཟོ་ཕོད་ཀྱི་མ་རེད། དེ་ལྟ་ཡིན་པ་ནི་རེབ་གོང་ལ་བཀྲམ་པའི་ཡི་གེ་དེ་ནས་གསལ། ཡང་དུས་བབས་ན་བཞག་པའི་ཡི་གེ་དེ་ནི་ནང་ཁུལ་གྱི་ཡིག་ཆ་ཡིན་པ་གསལ་བས། དེ་ནི་ཀུན་གྱིས་ཤེས་པ་ལྟར་གཞིས་ལུས་བོད་མི་རང་ག་བ་དག་གིས་མཐོང་སྐལ་ཕྲ་བ་རེད། ཡིག་ཆ་དེ་དག་ཀློག་མཁན་ནི་རྒྱ་འོག་ཏུ་ལས་ཀ་སྒྲུབ་བཞིན་པའི་འགོ་ཁྲིད་དང་། གཞི་རིམ་འབྲེལ་ཡོད་མི་སྣ་དེ་ཚོ་རེད། གལ་སྲིད་ཨ་ཀྱ་རིན་པོ་ཆེ་སྐུ་འབུམ་ན་བཞུགས་ཡོད་རྒྱུ་ན་ཡིག་ཆ་དེ་ཚོ་ཁོང་གི་ཕྱག་ཐོག་ན་ཐོག་མར་བསྐྱེལ་བ་རེད། ད་དུང་ཁུལ་གཙོ་གཞོན་པའི་དབང་ཆ་ཡོད་མཁན་གྱི་བོད་པ་དེ་དག་རེད། ཡིག་ཆ་དེ་དག་རྒྱ་ཡིག་ཐོག་བྲིས། དེ་ནས་བོད་ཡིག་བཟང་བ་འགས་བོད་ཡིག་ལ་ཕབ་པ་ཚིག་རྒྱན་འདོགས་སྟངས་ལས་གསལ། ནང་ཁུལ་ཡིག་ཆའི་ནང་གོང་ས་མཆོག་ལ་ངར་པོ་བྱེད་དོན་གཅིག་ནི་ནང་ཁུལ་གྱི་བོད་རིགས་བླ་འཚོང་དེ་དག་གི་སེམས་མུ་འཐུད་འགུག་ཐབས་རེད། དམིགས་པ་གཞན་ཞིག་ནི་གོང་ས་མཆོག་ལ་སྐད་ཆ་རྩུབ་པོ་བཤད་ནས་མུ་འཐུད་གོང་ས་མཆོག་འབྲེལ་མོལ་ཐད་ཕྱིར་ནུད་བྱེད་དུ་འཇུག་ཆེད་རེད། ཁོང་ཚོས་ནང་ཁུལ་ཡིག་ཆ་དེ་དག་གོང་ས་མཆོག་གིས་གཟིགས་ཐུབ་པ་ཚོད་དཔག་ཐུབ་པ་རེད། དེ་ལྟ་ན་གོང་ས་མཆོག་ལ་གདུལ་བྱ་མི་འདྲ་བའི་ཁྲོད་དུ་སྐད་ཆ་འཇམ་རྩུབ་གཉིས་བེད་སྤྱོད་བཞིན་ཡོད་པ་གསལ་པོ་རེད། དེ་ནི་རྒྱ་གཞུང་གི་གཡོ་རེད། མང་ཚོགས་ཁྲོད་དུ་གོང་ས་ལ་འཛུམ་བསྟན་ཁུལ་བྱེད། བོད་རིགས་བླ་འཚོང་ཁྲོད་དུ་ཁྲོ་བོའི་རྣམ་པ་བསྟན་ཁུལ་བྱེད། འཇམ་རྩུབ་ཀྱི་སྐད་ཆ་དེ་དག་ཚང་མ་གོང་སའི་སྙན་ཁུང་ན་འཕྲོད་པར་བྱེད། དམིགས་པ་ཆེ་ཤོས་དེ་ནི་བོད་རྒྱ་འབྲེལ་མོལ་སྐབས་བོད་གཞུང་གི་མངོན་འདོད་མུ་འཐུད་ཕྱིར་ནུད་བྱེད་པ་ལ་རེ་ངན་འཆང་བ་དང་། གོང་ས་མཆོག་གི་ཐུགས་རེ་ཉམས་ཆུང་དུ་གཏོང་རྒྱུ་དེ་རེད།
ནང་ཁུལ་གྱི་ཡིག་ཆ་དེའི་ནང་དུ། ཟ་དང་ཟུར་མང་པོ་ཞིག་ནས་རྒྱ་གཞུང་གི་དངངས་ཚབ་ཞིག་མཐོང་རྒྱུ་འདུག ཐ་ན་བོད་འདི་མི་རིང་བར་རང་བཙན་ལ་འགྱུར་སྲིད་བསམས་པའི་སེམས་ཁྲལ་ཡིབ་དཀའ་བ་དེ་ཚོ་རེད། རྒྱ་གཞུང་གི་སེམས་ན་ཆགས་པའི་སེམས་ཁྲལ་གྱི་ན་བུན་སྟུག་པོ་དེ་བོད་ས་ན་འབར་བའི་མེ་ལྕེ་དེ་དག་གིས་རབ་ཏུ་ལྕི་བར་བྱས་པ་འདྲ་ཞིག་མིན་ནམ།
རྒྱ་མིའི་ནང་དུ་ཉེ་བའི་ལོ་ཤས་རིང་མི་སྒེར་གྱི་ཁང་པ་དང་། ས་གཞིས་སོགས་ཀྱི་རྒྱུ་དངུལ་ཐད་གཞུང་ནས་ཁྲག་འཇིབས་རྣག་འཇིབས་བྱས་པར་བརྟེན་འགའ་རེ་གྱོད་གཏུག་འདོད་ཀྱང་ལམ་མེད་པ་དང་། སྡུག་བསྔལ་དྲངས་འདོད་ཀྱང་ཉན་མཁན་མེད་པར་བརྟེན་རང་སྲེག་བྱེད་མཁན་བྱུང་ཡོད་པ་རེད། རྒྱ་གཞུང་གི་གཏན་ཚིག་ལྟར་ན་དེ་དག་ལ་ཡང་ངན་སྐུལ་བྱེད་མཁན་ཡོད་དགོད་ཀྱི་རེད་པ། རང་སྲེག་ཐད་རྒྱ་གཞུང་ནས་འཆར་ཡན་གྱི་སྒྲུང་གཏམ་རྟོག་བཟོ་བྱེད་བཞིན་པ་རྒྱུས་ཡོད་མཁན་ཀུན་གྱི་ཁོག་ལ་ཁྲིགས་སེ་ཡོད་པ་རེད།
ངས་ཀྱང་། རང་སྲེག་འཁྱོག་བརྗོད་ཡིག་ཆའི་དཀར་ཆག་གད་སྙིགས་ནང་ལ་གཡུག་རོགས་དང་། རྒྱབ་སྐྱོར་རྗོད་ཚིག་རེ་རེ་ཚང་མ་ལ་མོས་མཐུན་ཆ་ཚང་ཡོད་གདའ། ཁུག་རྟ་ལགས།
ཤོག་ངོས་ཀྱི་ཁུངས། གཙོོ་ངོས། » ངྷ་ས།
རྒྱ་ནག་གི་བཟང་ཕྱོགས་ངན་ཕྱོགས་གཉིས་ཀར་ཉོན།
འདོན་སྤེལ། ༢༠༡༢/༡༢/༣༡
དུས་བབ་ལས།