ལྷ་སྲས་བསོད་ནམས།
སྤྱིར་བཏང་གི་འགྲོ་བ་མི་ཞིག་ཡིན་ན་གཞན་ཞིག་རང་ལུས་མེར་བསྲེགས་ནས་རང་ཤི་བརྒྱབ་ན་ཨ་ཁ་ཁ་དེ་འདྲ་མ་བྱས་ན་ཨང་བསམ་པའི་ཚོར་ཤུགས་ཆེན་པོ་རང་བཞིན་གྱིས་ཡོང་ངེས། ལྷག་པར་དུ་བོད་མི་ཞིག་ལ་མཚོན་ན་ཉིན་མཚན་མི་འཁྱོལ་བའི་ཚོར་ཤུགས་སྡུག་བསྔལ་མྱོང་ངེས་ཡིན། འོན་ཀྱང་ཚོར་བ་ནི་ཚོར་བ་རང་རེད་ཚོར་བ་སྙིང་རྗེ་དེ་དང་མཉམ་དུ་རྒྱུ་མཚན་ཆ་ཚང་བའི་རྣམ་དཔྱོད་བེད་སྤྱོད་བཏང་མ་ཐུབ་ན་མིག་གཉིས་ལོང་བའི་སེམས་བཟང་ཅན་གྱི་མི་ཞིག་དང་གཉིས་སུ་མ་མཆིས། དེར་བརྟེན་གནས་ཚུལ་ག་རེའི་ཐོག་ལ་ཡིན་ན་ཡང་རྒྱུ་མཚན་ཡོད་མེད་ལ་ཞིབ་འཇུག་གནང་ནས་སྐད་ཆ་བཤད་དགོས་པ་ལས་ཕྱོགས་ལྷུང་ངམ་སེམས་བཟང་ཙམ་གྱིས་བཤད་བསྡད་ན་ཉེན་ཁ་ཆེ།
བོད་མིས་རང་ལུས་མེར་བསྲེགས་གཏོང་བ་ལ་རང་ཉིད་རང་ཉིད་ཀྱིས་བསྲེགས་ཟེར་བ་དང་། རང་ཤི་བརྒྱབ་ཟེར་བའི་མིང་བཏགས་ཀྱང་། དོན་དངོས་ཐོག་རང་ཤི་བརྒྱབ་པ་མ་ཡིན་པར་གཞན་གྱིས་གསད་པ་རེད། དེ་ཡང་མི་གསོད་ན་གྲི་དང་མེ་མདས་གསོད་པ་དང་། ཁ་ལག་དང་འཐུང་ཆུ་བཀག་ནས་གསོད་པ། དམའ་འབེབས་དང་སྐྱོན་མཚང་འབྲུ་བ་དང་། རང་དབང་འཕྲོག་པ། སྡུག་རྩུབ་མནར་གཅོད་བཏང་ནས་རང་ཤི་རྒྱག་བཅུག་པ། ཁོངས་ཁྲོ་ཆེན་པོ་སླང་ནས་རང་ཤི་རྒྱག་བཅུག་པ། ངང་སྐྲག་སླང་ནས་རང་ཤི་བརྒྱབ་བཅུག་པ་སོགས་མི་གསོད་སྟངས་རྣམ་གྲངས་ཆེས་མང་པོའི་ནང་ནས་གཅིག་ཡིན་པ་ཤེས་དགོས། སྐབས་འདིར་རྒྱ་དམར་གྱིས་བོད་མིར་མནར་གཅོད་གཏོང་སྟངས་ནི་བོད་མིར་ཅུང་ཙམ་རྒྱས་མངའ་ཡོད་ན་མཁྱེན་གསལ་ཡིན།
དེ་ཡང་མདོར་ཙམ་བརྗོད་ན། ༢༠༡༢་ཟླ་༨་ཚེས༧་མདོ་སྨད་གཙོས་ནས་སྒྲོལ་དཀར་མཚོ་ཞེས་པའི་དཔའ་མོ་དེས་རང་ལུས་མེར་བསྲེགས་བཏང་ནས་ཅུང་ཙམ་རྗེས་མོས་གྲྭ་བ་ཚོར་བཤད་རྒྱུར། ༼ང་རྒྱ་ལག་ལ་མ་འཇོག ཨ་ཁུ་ལོ་ལོ་ངའི་མགོར་རྡོ་རྒྱོབས་ལ་སོད་ཅིག༽ཟེར་འདུག་པ་དང་། ཡང་ཁམས་ཕྱོགས་ནས་རྒྱ་དམར་ལ་ངོ་རྒོལ་གྱིས་རང་ལུས་མེར་ཚིགས་ནས་མིག་གཉིས་ཞར་ཡོད་ན་ཡང་ཞལ་ནས་ང་རང་ལུས་མེར་བསྲེགས་བཏང་བ་འདི་མི་རིགས་དང་རིག་གཞུང་རང་དབང་གི་ཆེད་དུ་ཡིན་པ་དང་། བོད་ཀྱི་རིག་གཞུང་དང་གོམས་གཤིས་མེད་ན་ང་ཚོ་མི་རིགས་འདི་ག་རེའི་མི་རིགས་རེད། ང་རྒྱ་ལག་པར་མ་བཞག་པར་འདིར་འཁྱེར་ཡོང་བ་བཀའ་དྲིན་ཆེ་བཀའ་དྲིན་ཆེ་ཞེས་ཡང་ཡང་གསུངས་བཞིན་པ་ལ་ཞིབ་ཏུ་བསམ་བློ་ཞིག་ཐོངས། རྒྱ་ལག་ལ་ཤོར་ན་ག་རེ་ཆགས་གི་ཡོད་མེད་ཁོང་ཚོ་ཧ་གོ་གི་རེད་མ་གཏོགས་ཕྱི་ལོག་ནས་གསལ་བོ་ཤེས་ག་ལ་ཐུབ།
ཐེངས་དང་པོ་རྒྱ་དམར་གྱིས་མདོ་སྨད་དུ་བཙལ་འཛུལ་སྐབས་རྨ་ཆུ་ཞེས་པའི་ཡུལ་ལུང་ནས་དང་པོ་རྒྱ་དམག་དང་འཐབ་སྟེ་མང་ཉུང་གིས་དམག་འཐབ་ཕམ་རྗེས་ཁྱིམ་མི་བརྒྱ་ཕྲག་མང་པོ་སྡེབ་སྡེབ་བྱས་ནས་རྨ་ཆུར་མཆོངས་ནས་རང་སྲོག་དོར་དགོས་བྱུང་བ་རེད། ཁོང་ཚོ་རང་སྲོག་དོར་སྐབས་སེམས་ལ་ག་རེ་བསམ་གྱི་ཡོད་པ་དང་ཁ་ནས་གང་བཤད་ཀྱི་འདུག་ཅེས་ན་རྒྱ་ལག་ལ་ཤོར་བ་ལས་ཤི་ན་དགའ་ཟེར་བ་དེ་རེད། བསམ་བློ་དེའི་འོག་ནས་སྲོག་དོར་བཞིན་པ་རེད། འདི་ནི་དོན་ངོ་མའི་ཐོག་རྒྱ་དམར་གྱིས་ངན་གསོད་དམ་སྡུག་གསོད་བྱས་པ་ཞིག་རེད། དེ་ལྟར་མིན་ན་བོད་ལ་རང་དབང་སྤྲོད་དང་རང་ལུས་མེར་བསྲེགས་འཚམས་ཆད་རྒྱུ་ཡིན་པ་ཁག་ཐེག་བྱེད་ཐུབ།
ང་ཚོའི་དཔའ་བོ་དཔའ་མོ་ཁོང་ཚོ་མེ་ཕུང་ནང་ནས་རང་དབང་དགོས་རང་དབང་དགོས་ཞེས་ཡང་ཡང་གསུངས་བཞིན་པ་ཡང་རང་དབང་མེད་ཙང་རེད།
ཤུལ་ལུས་བོད་རིགས་སྤུན་ཟླ་ཚང་མས་རང་དབང་གི་དོན་དུ་ཧུར་བརྩོན་གནང་ན་ད་གཟོད་ཤི་བའི་ཁ་ཆེམས་དང་བོད་ཀྱི་མི་རིགས་རིག་གཞུང་༧གོང་ས་མཆོག་གི་བཀའ་དགོངས་དང་། བཀའ་དྲིན་ལ་བསམ་ཤེས། རང་རིགས་མང་པོས་རང་ལུས་མེར་བསྲེགས་བྱེད་དང་བྱེད་བཞིན་པ་དེས་འཚམས་འཇོག་བྱེད་ཐུབ། དེ་མིན་༧་གོང་ས་མཆོག་གི་གསུངས་གི་མི་འདུག་ཡར་འགྲིག་གི་མི་འདུག་མར་འགྲིག་གི་མི་འདུག་ཟེར་བ་སོགས་ནི་རྒྱུ་མཚན་གྱིས་ཕོངས་པ་དང་ཡང་ན་ཕྱོགས་སུ་ལྷུང་བའི་མི་ངན་དག་གི་བྱ་སྤྱོད་རང་ཡིན་པས་ཆོས་དང་འཇིག་རྟེན་གཉི་གར་འགལ་ཡོད།
ལྷ་སྲས་བསོད་ནམས་ཀྱིས
རེད་བདེན་པ་རེད་འདོད། བརྒྱ་བཤད་ཀྱི་རྩ་བ། སྟོང་བཤད་ཀྱི་གཞི་མ། ཡོས་ལ་བབས་རྒྱུ་རྩམ་པ་ནི། བོད་རྒྱ་འོག་ལ་འདུག་འདོད་གཏན་ནས་མེད་པ་སྔ། ད་ལྟ། འབྱུང་འགྱུར་དང་བཅས་པའོ།།
ངོ་མ་དོན་ལ་གནས་པའི་རྩོམ་ཡིག་སྤེལ་འདུག་པས་ཐུགས་རྗེ་ཆེ་ཞུ། མུ་འཐུད་རོགས། ཚང་མས་ལྟ་གྲུབ་བམ་གནས་ལུགས་ཡོད་པའི་ཐོག་རང་དབང་གི་དོན་ལ་ཕྱོགས་བཅུ་མཚམས་བརྒྱད་ནས་འབད་པ་བྱོས།
རེད། རྒྱ་འདི་བ་ཚང་ང་ཚོའི་དགྲ་དགྲ་ནག་ཡིན་པ་རེད། གནའ་ནས་ད་བར། ད་ནས་སྟོང་བར། རླུང་རྟ་མེད་པའི་དུས་ཚོད་ཙམ་ལས། བོད་འདི་རེ་བ་མེད་ནིའི་མི་རིགས་ཞིག་མ་རེད་ཡ། ང་ཚོ་འཕག། མཐོ་སྒང་འདིའི་གནས་བདག་ང་ཚོ་ཡིན།
ཨ་རིའི་མངའ་སྡེ་californiaནང་གི་བོད་མི་ཚོས་བོད་ནང་གི་མེ་བསྲེགས་ལ་མྱ་ངན་བྱེད་ཀྱིན་མི་འདུག
ནམ་ཁོམ་ལ་སྤྲོ་སྐྱིད་དང་་་་རྒྱ་གར་གླུ་བཞས་དང་གློག་བརྙེན་ལ་མགོ་འཁོར་གྱིན་འདུག་་་་ངོ་མ་ཡིན།
འདི་གའི་བོད་པ་མང་ཆེ་བས་རྒྱ་གར་སྐད་དང་་་བལ་སྐད་་་དབྱིན་སྐད་ཤོད་ཀྱིན་འདུག་་་་བོད་སྐད་རྩ་ནས་ཤོད་མི་ཤེས་པའི་ན་གཞོན་དཔེ་མང་བོ་འདུག་ལ་་རང་ཉིད་བོད་མི་ཞིག་ཡིན་པ་མི་ཤེས་པའི་བོད་ཕྲུག་ཀྱང་མི་ཉུང་བ་ཞིག་ཡོད། འདིའི་གའི་བོད་མི་མང་ཆེ་བ་་་་རྒྱ་གར་དང་བལ་ཡུལ་ནས་ཡོང་བ་རེད་འདུག་་་་་ཁོང་ཚོ་འཚོགས་སར་་གྲོགས་པོ་ཁྱོད་ཚོ་ཐེངས་ཤིག་ཕེབས་དང་་་ཁྱོད་ལ་སྔར་སྐྱེས་མྱོང་མེད་པའི་ཚོར་སྣང་ཡ་མཚན་སྟེར་ཡོང་།
ངས་དེ་ཞག་ཧ་གོ་གསལ་ལ་རྒྱ་ནག་ནས་མཆན་བུ་བ་རྣམས་ཀྱི་ནང་མཆན་གྱི་ཁ་ཕྱོགས་གཞན་ལ་ཁྲིད་མཁན་མང་པོ་བཞག་གི་ཡོད་ཚོད་རེད། དེར་བརྟེན་ང་ཚོ་ཕྱུ་སྣ་གར་ཁྲིད་བྱེད་མི་རིགས། གོང་གི་རྩོམ་དེ་ངོ་མ་ཡག་པོ་འདུག ང་ཚོ་བོད་ཀྱི་དཔའ་བོ་རྣམས་པ་སྲོག་གི་རིན་ཐང་མི་ཤེས་པ་ག་ལ་ཡིན། རིན་ཐང་ང་ཚོ་ལས་ཀྱང་ལྷག་པར་ཤེས་ནས་བོད་དོན་དུ་གཏོང་བ་རེད།
འདྲེ་རྐང་ཐོ་མིང་ཅན་འདི་རྒྱ་གཞུང་རྒྱུགས་ཚོ་དེ་བཞིན་རྩོམ་གྱི་ཁ་ཕྱོགས་གཞན་ལ་ཁ་བསྒྱུར་བར་འབད་བཞིན་འདུག་པས་ང་ཚོ་བོད་རིགས་ཚང་མས་དེ་རིགས་ལ་དོགས་ཟོན་ནན་མོ་གནང་དགོས།
འདྲེ་རྐང་ཐོ་གསུང་པ་བདེན་། ར་མ་ལུག་སྐད་རྒྱག་མཁན་མང་ཆེ་ཤོ་གཞིས་ཆག་དེ་ཚོ་རེད་འདུག་།
ར་མ་ལུག་མ་རེད། སྐད་ཡིག་སྣ་མང་ཤེས་པ་རེད། དེ་ལ་ཕྲག་དོག་ལང་ནས་སྙིང་རྗེ། གཞིས་ཆགས་པ་མིན་པ་དེ་ཚོའང་བོད་སྐད་ཨམ་སྐད་འདྲ་བོ་ཆག་ཏོ་འདྲ་ཞིག་མ་གཏོགས་རྒྱབ་མ་ཤེས། དེ་ནས་ཡར་མར་འགྲོ་དུས་དཀའ་ངལ་ཕྲད། ད་སྐད་ཧིན་ཨིན་ནེ་པ་ལི་བོད་སྐད་ཤེས་མཁན་གཞིས་ཆག་པ་ལ་ཕྲག་དོག་ལང་། ད་དེ་འདྲ་རེད། དེ་ལས་དུས་ཚོད་ཡོད་ན་དབྱིན་ཇི་སྦྱོངས། མི་ཚེ་ལ་ཕན་ཐོགས་ཡོད་རེད། ང་བོད་པ་ཡིན། བོད་སྐད་ཁོ་ན་མཆོག དེ་ལས་གཞན་པ་མི་དགོས་ཟེར་དུས་ལྐུགས་པ་ཨུ་ཚུགས་རང་གི་དོར་མའི་ནང་སྐྱག་པ་གཏོང་གི་ཡོད་རེད།
ར་སྐད་ལུག་སྐད་ཤེས་ན་ལེགས། །
༄༅། གུས་པ་ཐོགས་མར་ཁ་བརྡ་དྲ་བའི་ཚོགས་མི་ཡོངས་ལ་སྙིང་དབུས་ནས་དགའ་བསུ་དང་རྗེས་སུ་ཡིད་རང་ཞུ།ཁྱེད་རྣམས་པས་མི་རིགས་ཀྱི་རིག་གཞུང་སྲུང་སྐྱོབ་ཆེད་དང་གློག་ཀླད་སྟེང་དུས་རབ་གསར་བའི་བོད་རིགས་གཞོན་སྐྱེད་རྣམས་དང་། དེ་བཞིན་སོ་སོའི་བསམ་ཚུལ་རྗེ་ལེན་དང་བོད་མིའི་གནས་སྟངས་སོགས་གང་སྤྱི་ཐད་ནས། བོད་ཡིག་སྟེང་བྲིས་ཀློག་ཐུབ་པ་ལ་རང་ཉིད་ཀྱི་ངོས་ནས་ཧ་ཅང་དགའ་པོ་དང་ཁྱེད་རྣམས་ཀྱི་གཡོལ་དུ་མེད་པའི་ལེགས་སྐྱེད་ཞིག་རེད་བསམ། གུས་པས་དེ་སྔོན་གྲོགས་པོ་ཞིག་བརྒྱུད་ནས་བོད་ཡིག་སྟེང་ཁ་བརྡ་གནང་ཆོག་པའི་དྲ་རྒྱ་གསར་པ་ཞིག་ཁ་ཕྱེད་པ་ཐོས། འོན་ཀྱང། དེའི་སྐོར་གསལ་པོ་རང་ཤེས་རྟོགས་པ་དུས་ཡུན་རིང་པོ་ལུས།
ད་དུང་ཡང་ད་ལྟ་རང་ཉིད་ནས་བྲིས་པའི་འཕྲིན་ཐུང་དེ་ཁྱེད་ཚོ་ཁ་བརྡ་དྲ་བའི་ཚོགས་མི་རྣམས་ཀྱི་དྲུང་དུ་སླེབས་མིན་སོགས་ལ་ཐེ་ཚོམ་ལ་མ་འདས། གལ་སྲིད་དེ་འབྱོར་བའི་དབང་དུ་བཏང་ན། ཁྱེད་རྣམས་ནས་གུས་པ་ཡིག་ལན་ཞིག་གནང་རོགས། མཁྱེན་ གང་ལག་ཟེར་ ཁ་བརྡ་དེ་བརྒྱུད་རང་ཉིད་ནས་བོད་རིགས་གྲོགས་པོ་དག་དང་མཉམ་དུ་བསམ་ཚུལ་བརྗེས་ལེན་ཆེད་ཡིན།།།
རྡོ་རྗེ་ཚེ་རིང་། བྱོན་པ་ལེགས་སོ།། བག་ཡངས་དང་གུ་ཡངས་ཐོག་བསམ་ཚུལ་སྤེལ་དགོས།
ལྷ་སྲས་བསོད་ནམས་གསུང་པ་དེ་ལ་རྒྱལ་སྐྱོར་ཡོད་བདེནཔ་འདུག་སེམས་བཟང་གིས་སྐད་ཆ་རེད།