ཡིག་ཚང་མཉེན་ཆས་ ༢༠༡༣ གྱི་རྣམ་པ།

བསོད་ནམས་ཟླ་བ།

དེ་རིང་ངས་ཡིག་ཚང་མཉེན་ཆས་༢༠༡༣ ཐོན་རིམ་གསར་ཤོས་དེ་དྲ་རྒྱ་བརྒྱུད་ཕབ་ལེན་གྲུབ་རྗེས་ཚོད་ལྟ་ཞིག་བྱས། དངོས་གནས་བཟོ་བཀོད་ནི་སྔར་ལས་གྲལ་འགྲིག་པ་དང་ཡིད་དབང་ཤོར་དགོས་པའི་སྤྱོད་བདེ་བ་འདུག མཉེན་ཆས་ཀྱི་ངོ་སྤྲོད་རྩོམ་ཡིག་འདི་ཡང་ Word2013 དེ་རང་སྤྱད་དེ་དྲ་གྲོགས་ལྷན་རྒྱས་ཆེད་དབུགས་ཐེངས་གཅིག་གིས་བྲིས།

Office 2013 Suite མཉེན་ཆས་ཆ་ཚང་ལ་ 670MB ལས་མེད་པས་དྲ་ལམ་བརྒྱུད་འགྲེམ་སྤེལ་དང་ཕབ་ལེན་བྱེད་བདེར་སོང་འདུག Word དང་ Excel, PowerPoint, Outlook, Access རྣམས་ཀྱི་བྱེད་ལས་རང་སོར་བཞག་པའི་སྟེང་མཐུན་རྐྱེན་གསར་པ་ཡང་ཁ་སྣོན་བྱས་ཡོད་པ་གཤམ་དུ་རྒྱས་པར་བཀོད་ཡོད།

Word 2013 – ཡིག་ཆའི་རྣམ་བཞག་ PDF རྣམས་ Word2013 ནང་ཐད་ཀར་ཁ་ཕྱེ་ནས་བཟོ་བཅོས་རྒྱག་པ་དང་། དེ་ནས་ PDF ཐོག་ཡང་བསྐྱར་ཉར་ཚགས་བྱེད་ཐུབ། དཔར་དང་འབྲེལ་བའི་གདམ་བྱའི་རྣམ་པ་གསར་པ་དང་། Insert Image, Live Layout, དེ་བཞིན་(Insert Video) གློག་བརྙན་ཡང་འཇོག་རྒྱུ་ཡོད།

Excel 2013 – Excel ནང་སྔར་ལས་ལྷག་པའི་འགྱུར་བ་བཏང་ཡོད། འགྱུར་བ་གསར་པ་གཅིག་ནི་ FlashFill ཟེར་བ་དང་། དེས་ཕྲད་བསྟར་ནང་ཡོད་པའི་གྲངས་ཐོ་མྱུར་མོས་བཀང་ཐུབ། གྲངས་ཀྱི་རེའུ་མིག་ Chart བཟོ་བཀོད་བྱེད་བདེ་དང་འདེམས་ཀ་མང་དུ་བཏང་ཡོད་པས་རྩིས་གཞི་དང་འབྲེལ་བའི་འགྲེལ་བཤད་ཡག་ཏུ་གཏོང་ནུས།

Outlook 2013 – གློག་འཕྲིན་བརྒྱུད་ཡིག་འབྲེལ་གྱི་དམིགས་གཏད་གཙོ་བོར་ཟིན་པའི་ Outlook 2013 ནང་དུའང་ཡར་རྒྱས་མང་དག་ཅིག་མཐོང་རྒྱུ་ཡོད། དང་པོ་དེ་ནི་དྲ་རྒྱ་བརྒྱུད་ Hotmail ནང་གི་གློག་འཕྲིན་འབྲི་ས་དང་གཅིག་མཚུངས་བཟོས་ཡོད། གློག་འཕྲིན་ཁ་བྱང་ཉར་ཚགས་དང་། གློག་འཕྲིན་གསར་པ་འབྱོར་བ་དང་ཁ་བསྔོག་མི་དགོས་པར་ཐད་ཀར་ཀློག་ཐུབ་པས་མ་ཚད་འཕྲིན་ལན་དེ་མ་ཉིད་དུ་སློག་རྒྱུ་ཡོད། དེ་བཞིན་ལོ་ཐོ་(Calendar) དང་ཉིན་རེའི་ལས་བྱ་(Task) སོགས་སྟབས་བདེ་རུ་བཏང་འདུག

PowerPoint 2013 – གལ་ཏེ་སློབ་སྟོན་དང་འགྲེལ་བཤད་བྱེད་པའི་སྐབས་རང་ཉིད་ཀྱི་ Presentation དེ་དམིགས་བསལ་དང་ཡིད་དབང་འགུག་ནུས་པ་ཞིག་བཟོ་འདོད་ན་ PowerPoint2013 སྤྱོད་དང་། ནང་དོན་གྱི་དཔེ་རིས་ལ་གཞིགས་པའི་ཚོན་མདོག་འདེམས་བྱེད་ Eye Dropper གྱི་ལག་ཆ་གསར་དུ་བསྣན་ཡོད་ཁར་བཟོ་བཀོད་སྤུས་ཀ་ལེགས་གཏོང་གི་འདེམས་བྱང་ཡང་ལེགས་བཅོས་བྱས་ཡོད། རང་ཉིད་ཀྱི་ Presentation དེ་ MP4 གི་ཡིག་ཆའི་རྣམ་བཞག་ཐོག་བཟོ་རྒྱུ་ཡང་འདུག

ཡིག་ཚང་མཉེན་ཆས་དེ་དག་རེ་རེ་ལ་ཡར་རྒྱས་དང་འགྱུར་བ་བཏང་ཡོད་པ་དང་སྦྲགས་ཡིག་ཚང་མཉེན་ཆས་ཐོན་རིམ་འདིའི་ནང་ཕྱོགས་ཡོངས་ཀྱི་འགྱུར་བའང་གང་འཚམས་ཐེབས་ཡོད་པ་ནི།

༺ ཐོད་ཀྱི་ FILE གནོན་སའི་སྡེ་ཚན་ནང་མངོན་གསལ་དོད་པོའི་འགྱུར་བ་མང་པོ་ཞིག་བཏང་ཡོད།
༺ ཡིག་ཚང་གཉེན་ཆས་དེ་ནས་དྲ་སྟེང་དུ་ཡོད་པའི་དཔེ་དཔང་(Template) དང་། པར་རིས་(image/clipArt) སྟོང་ཕྲག་ལྷག་ཕབ་ལེན་བདེ་རུ་བཏང་ཡོད།
༺ Ribbon ཞེས་པའི་ལག་ཆ་འཇོག་སའི་སྡེ་ཚན་ཆ་ཚང་གྲལ་བསྟར་འགྲིག་པོ་དང་། Ribbon Display Option འདེམས་ག་གསར་པ་བསྣན་ཡོད།
༺ བཟོས་ཟིན་པའི་ཡིག་ཆ་རྣམས་ SkyDrive དྲ་སྟེང་དུ་འཇོག་ཐུབ་པ་དང་། རྩིས་འཁོར་དང་ལག་ཐོག་གློག་ཆས་འདྲ་མིག་ནང་བསྔོག་ཐུབ་པ།
༺ ཡིག་ཆ་གཅིག་གི་ཐོག་མི་གཅིག་གིས་དུས་གཅིག་ལ་བཟོ་བའམ། ཡིག་ཆ་གཅིག་གི་ཐོག་མི་མང་པོ་མཉམ་རུབ་ཀྱིས་བཟོ་བཅོས་བྱེད་ཐུབ་པ།
༺ ཡིག་ཆ་གང་ཞིག་གི་ཐོག་གསང་ཨང་(password) བཏགས་ཀྱང་ཐོན་རྙིང་པའི་ཡིག་ཚང་མཉེན་ཆས་ལས་བཙན་པ་ཡོད།

ཡིག་ཚང་མཉེན་ཆས་ཟེར་དུས་ Word, Excel, PowerPoint དེ་དག་ཙམ་དུ་མ་ཟད། ད་དུང་ OneNote2013 དང་ Project2013, Publisher2013, Lync2013, Visio2013, InfoPath2013 སོགས་ལ་རང་རང་གི་བྱེད་ལས་དམིགས་བསལ་རེ་ཡོད་པ་དང་། དེ་དག་ལ་འགྱུར་བ་མི་ཉུང་བ་ཞིག་ཐེབས་ཡོད་པས་མཉེན་ཆས་དེ་ཚོར་ཡང་གཟིགས་རྒྱུ་དང་། མཉེན་ཆས་ཕབ་ལེན་དང་གསང་ཨང་རྣམས་སྒེར་གྱི་ཟིན་བྲིས་ https://sonamdawa.blogspot.com དུ་ཡོད་ངེས་པས་གཟིགས་པར་འཚལ།