རྡོ་རྗེ་རིན་ཆེན་གྱིས།
ཨ་རི་བ་མཚན་ལ་མེ་སཱ་༼Miesa༽ཞུ་བ་ཞིག་གིས་སྒེར་ངོས་ནས་འབད་བརྩོན་བྱས་ཏེ། འཛམ་གླིང་ཁྲོད་བོད་དོན་དྲིལ་བསྒྲགས་ཀྱི་ལས་འགུལ་ཞིག་སྤེལ་འཆར་ཡོད་འདུག ལས་འགུལ་དེ་ནི་འཛམ་གླིང་ཁྱོན་དུ་བོད་བསྐྱོད་པ་༼ Tibet Roll Around The World༽ཞེས་ཟེར་ཞིང་། ཕྱི་ཟླ་བཅུ་པའི་ཚེས་ ༧ ཉིན་ལས་འགུལ་དེ་སྤེལ་རྒྱུ་ཡིན་པ་དང་། ལས་འགུལ་གྱི་ཁོངས་སུ་གོམ་བགྲོད་དང་རྒྱུགས་པ། ཆུ་རྐྱལ་བ་སོགས་ཉིན་དེར་ལས་ཀ་གང་བྱས་ཀྱང་བོད་དོན་དྲིལ་བསྒྲགས་ཆེད་དུ་བྱེད་པ་དང་། དེ་ཡང་བོད་མི་དམངས་ཀྱི་ངུ་འབོད་ཐོས་པའི་ཆེད་དུ་ཡིན་ཞེས་བྲིས་འདུག ལས་འགུལ་འདིའི་དྲ་རྒྱ་ནི་འདི་རེད། http://www.rollaroundtheworld.com/ ཞིབ་གསལ་གྱི་གནས་ཚུལ་རྣམས་དྲ་རྒྱའི་སྟེང་དུ་འདུག་ལ། བོད་མི་གང་མང་གིས་ལས་འགུལ་འདིའི་ཆ་ཤས་ལེན་པའི་རེ་བ་བྱེད་ཀྱིན་ཡོད་འདུག
བློ་མཐུན་མེ་སྰ་ལགས་ཀྱིས་བོད་དོན་ལ་ཕན་པའི་ལས་འགུལ་དེ་ལེགས་འགྲུབ་ཡོང་བར་སྨོན། ཁ་དྲོ་བཀྲ་ཤིས།
སྐུ་ཞབས་མེ་སཱ་ལགས་ལ་སྙིང་ཐག་པ་ནས་ཐུགས་རྗེ་ཆེ་བྱ་བ་ལམ་འགྲོ་ཡོང་བའི་རེ་བ་ཡོད་ལྷག་པར་ཏུ་ལས་འགུལ་འདི་ཡག་པོ་ཞིག་ཡོང་བར་་སྨོན་བོད་དོན་རྒྱབ་སྐྱོར་བ་ཚང་མ་འདི་ལྟ་བུའི་ལྷག་བསམ་ཅན་དག་དག་ཡིན་ན་ཅི་མ་རུང་ཡིན་ན་ཡང་རྒྱབ་སྐྱོར་གྱི་གླུ་དབྱངས་སྙན་མོ་ལན་མཁན་མང་པོ་ཡོད་པ་མ་གཏོགས་དོན་ངོས་སུ་ལག་བསྟར་བྱེད་མཁན་ཉུང་ཉུང་རེད་ཁོ་ཚོ་ལ་ཅི་ཁགས་རང་གི་མི་རིགས་རང་གི་ནང་མི་འགའ་ཤས་ཞིག་གི་སོ་སོ་ལྟོ་རྒྱབ་ཀྱི་ཆེད་དུ་མ་གཏོགས་མི་རིགས་དང་རྒྱལ་ཁབ་ཟེར་བ་བརླག་ཚར་བ་རེད་ངོ་མ་ཡིད་སྐྱོ་བ་རེད།་