སྣྲོན་ངག་ཁྲི།
༡༽
བོད་ཡུལ་ཞི་བདེའི་ལྗོངས་སུ།།
མ་རབ་ཁྱིམ་མཚེས་རྒྱ་མིས།།
རིམ་བཞིན་བཙན་འཛུལ་བྱས་ནས།།
བོད་ཁམས་དམྱལ་བར་བསྒྱུར་སོང།།
༢༽
དྲག་པོའི་དཔུང་གིས་དེད་ནས།།
གྲོས་མོལ་མིང་ཞིག་བཏགས་ཏེ།།
ཆོས་སྲིད་སྟངས་འཛིན་མྱུར་བས།།
ང་དགུའི་མེ་ལྕེ་འབར་་སོང་།།
༣༽
སྲོལ་རྒྱུན་ལེགས་བྱང་འཇོམས་ཕྱིར།།
རིག་གསར་བདུད་རླུང་འཚུབ་པས།།
བོད་མིའི་ཆོས་རིག་གོམས་གཤིས།།
མིང་གི་ལྷག་མར་གྱུར་སོང་།།
༤༽
ཏང་གི་ཚོགས་ཆེན་ཚུགས་ནས།།
སྲིད་ཇུས་དོན་འཁྱོལ་ཟེར་ཡང་།།
རྟེན་མཁར་རི་བོས་དབེན་པའི།།
གྱང་རོ་ཚུར་སློག་ཙམ་རེད།།
༥༽
གྱ་གསུམ་གྱ་བདུན་ལོ་ལ།།
མི་རབས་གསར་པས་ལངས་རྣམས།།
ད་ལྟའི་རང་བསྲེགས་མེ་ལྕེའི།།
ཉེར་ལེན་མིན་ནམ་སྙམ་བྱུང་།།
༦༽
མཁྲེགས་འཛིན་སྡུག་རྩུབ་སྲིད་ཇུས།།
རང་སྲེག་འབྱུང་བའི་རྐྱེན་གཙོ།།
འདས་གསོན་དཔའ་བོ་དཔའ་མོ།།
འཚེ་མེད་ཞི་བའི་དཔའ་རྟགས།།
ངག་ཁྲི་ལགས།བདེ་མོ། སྐུ་ཉིད་མ་མཇལ་རྒྱུན་རིང་འགོར་སོང་།
ད་འུ་ཚང་གི་སྡུག་བསྔལ་འཛམ་གླིང་གིས་སྣང་མེད་དུ་བཞག་སོང་།