ཞེ་ཆེན་ཞབས་དྲུང་།
སྤྱི་འཐུས་ལྷན་ཚོགས་ཀྱིས་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཡོངས་རྫོགས་གནས་དབྱུང་བཏང་ནས་མང་གཙོའི་ཀ་བ་གཅིག་བསྒྱེལ་ཏེ་བཅའ་ཁྲིམས་སྦོ་ལུག་པའི་སྐོར་ལ་བཀའ་ཁྲི་ཟུར་པ་ཟམ་གདོང་རིན་པོ་ཆེ་དང་། ཁྲིམས་ཞིབ་པ་ཟུར་པ་ཐུན་མོང་གི་ཁྲིམས་དོན་ངོས་འཛིན་གསལ་བསྒྲགས་དང་། བཀའ་ཟུར་ཐུན་མོང་གི་སྙན་ཞུ། གཞུང་ཞབས་ཟུར་པའི་སྙན་ཞུ། གཞུང་འབྲེལ་མ་ཡིན་པའི་ཚོགས་པ་ཁག་གི་གསལ་བསྒྲགས་དང་། ཁྲིམས་ལུགས་མཁས་པའི་དཔྱད་རྩོམ་སོགས་སུ་སྤྱི་འཐུས་ལྷན་ཚོགས་ཀྱི་གྲོས་ཆོད་དེ་བཅའ་ཁྲིམས་དང་འགལ་བ་ཞིག་ལ་ངོས་འཛིན་གསལ་པོ་བྱུང་ཡོད་པའི་མ་ཚད། གཞུང་འབྲེལ་མ་ཡིན་པའི་ཚོགས་སྡེ་ཁག་དང་། མང་ཚོགས་བཅས་ནས་ཁྲིམས་མཐུན་མིན་པའི་གྲོས་ཆོད་དེ་ཕྱིར་འཐེན་བྱས་ཏེ་ཁྲིམས་ཞིབ་པ་རྣམ་པའི་མཛད་ཁུར་བསྐྱར་གསོ་དགོས་པའི་རེ་འདུན་མགྲིན་དབྱངས་གཅིག་གིས་གཞི་རྒྱ་ཆེན་པོས་འདོན་བཞིན་པའི་སྐབས་འདིར། སྲིད་སྐྱོང་དང་སྤྱི་འཐུས་ཚོགས་གཞོན་གཉིས་ཀྱིས་བཅའ་ཁྲིམས་ནང་གསལ་ངོ་ཡོད་ལྷན་ཚོགས་ཀྱི་ཆ་རྐྱེན་མི་ལྡན་པའི་སྒོ་ནས་ཁྲིམས་ཞིབ་པ་འདེམས་སྒྲུག་ཚོགས་ཆུང་ཞིག་བསྐོས་ཡོད་པའི་
སྐོར་ལབ་གླེང་ཡོང་གི་ཡོད། འདེམས་སྒྲུག་ཚོགས་ཆུང་བཙུགས་པ་དེའི་དམིགས་ཡུལ་གཙོ་བོ་ནི། འཕོ་འགྱུར་བཏང་མ་ཐག་པའི་ཁྲིམས་ཞིབ་པ་གསུམ་ག་མ་ཡིན་པའི་ཁྲིམས་ཞིབ་པ་གསར་པ་གཞན་གསུམ་འདེམས་སྒྲུག་བྱ་རྒྱུ་དང་། དེ་ཡང་སྲིད་སྐྱོང་དང་ཚོགས་གཞོན་གཉིས་ཀྱི་འདོད་མོས་ཡོད་པའི་མི་འགྲོ་སླེབས་ཐབས་སུ། འདེམས་སྒྲུག་ཚོགས་ཆུང་ནང་སོ་སོ་དང་ཕྱོགས་མཐུན་གྱི་མི་སྣ་བསྐོས་ཏེ། ཁྲིམས་འགལ་གྱི་གྲོས་ཆོད་ཡིག་ཆ་ཨང་ ༣༩ པ་དེ་ཕྱིར་འཐེན་བྱེད་མ་དགོས་པ་དང་། ཁྲིམས་ཞིབ་པ་ཆེ་བ་དྭགས་པོ་བསོད་ནམས་ནོར་བུ་དང་། ཁྲིམས་ཞིབ་པ་ཀརྨ་དགྲ་འདུལ་དང་བསྟན་འཛིན་ལུང་རྟོགས་བཅས་ཡོང་ས་མེད་པ་བཟོ་རྒྱུ་དེ་ཡིན་པ་གསལ་པོ་རེད། འདེམས་སྒྲུག་ཚོགས་ཆུང་དེའི་ནང་ཁྲིམས་ཞིབ་པ་ཆེ་བ་ཟུར་པ་བྱ་དུར་བཟང་པོ་དང་། བཀའ་ཟུར་ཚེ་རིང་ཕུན་ཚོགས་ཡོད་པ་ཚང་མས་ལབ་གླེང་ཡོང་གི་འདུག་པས། བ་ཉལ་སྟངས་དེ་ནས་བེའུ་ག་འདྲ་ཞིག་སྐྱེ་གི་ཡོད་མེད་ཧ་གོ་གི་རེད། ཚེ་རིང་ཕུན་ཚོགས་ནི་བཀའ་ཟུར་རྣམ་པའི་སྙན་ཞུ་ཐོག་ས་རྟགས་མི་འགོད་མཁན་བཞི་ཡོད་པའི་གྲས་ནས་གཅིག་རེད། བྱ་དུར་བཟང་པོ་ནི་ཁྲིམས་ཞིབ་པ་ཟུར་པ་ ༡༡ གི་གསལ་བསྒྲགས་ཐོག་ས་རྟགས་མ་བཀོད་པ་གཅིག་ཡོད་པ་དེ་ཁོ་རེད། བྱ་དུར་བཟང་པོའི་མི་གཤིས་ཀུན་སྤྱོད་དང་། སྤྱོད་ལམ་ཁྱེར་སྟངས་སོགས་ཡོངས་གྲགས་ཀྱི་གནས་ཚུལ་རྣམས་སྐབས་འདིར་གླེང་རིན་མེད་ནའང་། ཚབས་ཆེའི་ངན་སྤྱོད་སྤེལ་བའི་གནས་ཚུལ་གཅིག་གི་སྐོར་ལ་དྲན་གསོ་མི་གཏོང་ཀ་མེད་རེད། དེ་ཡང་ ༢༠༡༩ ལོར་ཕྱི་ཟླ་ ༩ གྲོས་ཚོགས་སུ་སྤྱི་འཐུས་ཟླ་བ་ཕུན་སྐྱིད་ཀྱིས་བྱ་དུར་བཟང་པོས་སློབ་ཕྲུག་བུ་མོ་ཞིག་ལ་འཆལ་སྤྱོད་ཇི་ལྟར་བྱས་པའི་སྐོར་གྲོས་ཚོགས་ནང་གླེང་སློང་གནང་བར། ཤེས་རིག་བཀའ་བློན་པད་མ་དབྱངས་ཅན་ནས་གྲོས་ཚོགས་ལ་དོན་རྐྱེན་དེ་བྱུང་ཡོད་པའི་ངོས་ལེན་བྱས་པ་ཡོངས་གྲགས་ཡིན་ནའང་། དེའི་ཞིབ་ཕྲའི་གནས་ཚུལ་ད་བར་སྦས་ནས་བཞག་ཡོད། དེ་ཡང་བྱ་དུར་བཟང་པོས་བོན་གཞིས་སམ་བྷོ་ཊ་གཏན་སློབ་ཀྱི་བུ་མོ་གཉིས་ལ་འཆལ་སྤྱོད་བྱས་པའི་སྐོར་སློབ་ཕྲུག་དེས་སློབ་གྲྭའི་བུད་མེད་ལ་བཙན་དབང་དང་རྩུབ་སྤྱོད་རིགས་འགོག་སྡོམ་ཚོགས་ཆུང་ལ་སྙན་སེང་ཞུས་པས། སློབ་སྤྱི་ཐེ་བའི་ཚོགས་ཆུང་གི་ཚོགས་མི་རྣམས་བྱ་དུར་བཟང་པོའི་སར་བཅར་ཏེ་དེ་ལུགས་གོ་བསྐོན་གནང་འདུག་པར། ཁོས་ངོས་ལེན་བྱེད་པ་ལྟ་ཅི། ཁོང་རང་ཤེས་རིག་དྲུང་ཆེའི་རྩར་བཅར་ནས་སློབ་སྤྱི་དང་དགེ་རྒན་གཞན་གསུམ་ནས་མ་ཉེས་ཁག་གཡོགས་བྱས་བྱུང་བས། ཁོ་ཚོས་བྱ་དུར་བཟང་པོར་དགོངས་སེལ་མ་ཞུས་ན་ཁྲིམས་གཏུག་བྱ་རྒྱུ་ཡིན་ཚུལ་སྡིགས་ར་བསྐུལ་བ་མ་ཟད། ཆེས་མཐོའི་ཁྲིམས་ཞིབ་ཁང་ལ་མ་ཉེས་ཁག་གཡོགས་ཀྱི་ཁ་མཆུ་ཞིག་ཀྱང་བཙུགས་འདུག་པས། ཤེས་རིག་ལས་ཁུངས་ནས་སམ་བྷོ་ཊ་སྤྱི་ཁྱབ་ཡིག་ཚང་བརྒྱུད་བརྩད་ཞིབ་བྱས་ཏེ། སློབ་ཕྲུག་བུ་མོ་དེ་གཉིས་ཀྱིས་བྱ་དུར་བཟང་པོས་བུ་མོ་རེ་རེར་འཆལ་སྤྱོད་ཇི་ལྟར་བྱས་པའི་སྐོར་བཤད་པའི་སྒྲ་དང་། སྒྲ་ཡིག་འབེབས་བྱས་པའི་ཡིག་ཆ། བུ་མོ་གཉིས་ཀྱིས་ཡིག་ཐོག་ནས་བརྒྱུད་རིམ་བྲིས་པའི་སྙན་ཞུ་བཅས་ཤེས་རིག་ལས་ཁུངས་ནས་ཕྱོགས་བསྒྲིགས་བྱས་འདུགཆེས་མཐོའི་ཁྲིམས་ཞིབ་ཁང་ནས་ཁ་མཆུ་དེ་ནག་ཉེས་ཀྱི་ཁོངས་སུ་ཚུད་ཀྱི་ཡོད་པའི་ཆ་ནས་ཁྲིམས་དྲུང་གིས་ཕྱིར་སློག་བྱས་འདུག བྱ་དུར་བཟང་པོས་དེ་ཁས་ལེན་མ་བྱས་པར་ཁྲིམས་ཞིབ་པ་ལྷན་ཚོགས་སུ་སྙན་ཞུ་སྔ་རྗེས་ཕུལ་འདུག་ཀྱང་། ཁྲིམས་ཞིབ་ལྷན་ཚོགས་ནས་ཁྲིམས་ཞིབ་ཁང་གི་ཁྲིམས་ཡིག་ནང་ནག་ཉེས་ཀྱི་ཁ་མཆུ་དེ་རིགས་འབུལ་ལམ་མེད་པས། རྩོད་གླེང་བྱེད་མཚམས་འཇོག་དགོས་པའི་བཀའ་ནན་ཕེབས་འདུགབུ་མོ་དེ་གཉིས་ཀྱི་ཚིག་ཐོའི་ནང་། བྱ་དུར་བཟང་པོས་བུ་མོ་གཅིག་ལ་འཛིན་གྲྭ་གསུམ་པ་ནས་བསྙད་བརྐོས་འདུག་པ་དང་། བུ་མོ་གཞན་དེར་འཛིན་གྲྭ་ལྔ་པ་ནས་འཆར་སྤྱོད་བྱེད་འགོ་བཙུགས་ཏེ། གཟུགས་པོ་གང་སར་ལག་པ་འཆང་བ་དང་། ལྕེ་ཁྱད་མཚར་སྟོན་པ་དང་། གཅིན་པ་གཏོང་ས་བསྟན་པ། སྐད་ཆ་ཙོར་པོ་བཤད་པའི་བརྒྱུད་རིམ་རྣམས་ཞིབ་ཚགས་པོ་བཀོད་འདུགཆེས་མཐོའི་ཁྲིམས་ཞིབ་ཁང་ནས་ཁ་མཆུ་དེ་ཕྱིར་སློག་བྱས་རྗེས། ཤེས་རིག་ལས་ཁུངས་དང་། སམ་བྷོ་ཊ་སྤྱི་ཁྱབ་ཡིག་ཚང་ནས་བྱ་དུར་བཟང་པོར་ཡིག་ཐོག་གི་ཉེན་བརྡ་བཏང་འདུག་པ། བྱ་དུར་བཟང་པོས་ཡང་བསྐྱར་ཆེས་མཐོའི་ཁྲིམས་ཞིབ་ཁང་ལ་ཤེས་རིག་བཀའ་བློན་དང་དྲུང་ཆེ་གཉིས་ཀས་མ་ཉེས་ཁག་གཡོགས་བྱས་ཚུལ་དང་། བཀའ་བློན་དྲུང་ཆེ་གཉིས་ཀ་གནས་དབྱུང་གཏོང་དགོས་པའི་ཁ་མཆུ་བཙུགས་འདུག འོན་ཀྱང་། ཆེས་མཐོའི་ཁྲིམས་ཞིབ་ཁང་ནས་ཁ་མཆུ་དེ་ཕྱིར་སློག་བྱས་འདུགགོང་གསལ་གྱི་ཡིག་ཆ་དང་བརྒྱུད་རིམ་རྣམས་ཤེས་རིག་དྲུང་ཆེ་དང་། ཁྲིམས་དྲུང་གཉིས་ཀྱི་སར་ཡོད་པ་གངས་སྐྱིད་ན་སྔོན་མ་ནས་ཡོངས་གྲགས་ཆགས་ཡོད།ལོ་ན་མ་སོན་པའི་སློབ་ཕྲུག་ལ་འཆལ་སྤྱོད་ཀྱི་ནག་ཉེས་ཚབས་ཆེན་གསོག་མཁན་འདི་ལྟ་བུ་ཞིག་ཤེས་རིག་ལས་ཁུངས་དང་། སམ་བྷོ་ཊ་སྤྱི་ཁྱབ་ཡིག་ཚང་ནས་ཡུལ་ཁྲིམས་ལ་ག་རེ་བྱས་ན་མ་སྦྱར་བ་ཡིན་པ་ཧ་མི་གོ་ཡང་། ཚབས་ཆེའི་ངན་སྤྱོད་སྤེལ་བའི་ནག་ཆེན་འདི་འདྲ་ཞིག་ཁྲིམས་ཞིབ་པ་འདེམས་སྒྲུག་ཚོགས་ཆུང་གི་ཚོགས་གཙོར་བསྐོས་པ་ནི་ཁྲིམས་ཞིབ་ཁང་དང་སྤྱི་འཐུས་ལྷན་ཚོགས་ལ་མཐོང་ཆུང་བྱས་པ་ཞིག་དང་། བཅའ་ཁྲིམས་རིན་པོ་ཆེ་དང་བོད་མིའི་སྒྲིག་འཛུགས་ལ་མཚན་སྨད་ཞུས་པ་ཞིག་ཆགས་ཀྱི་མི་འདུག་གམ།སྲིད་སྐྱོང་དང་ཚོགས་གཞོན་གཉིས་ནས་ཡོངས་གྲགས་ཀྱི་གནས་ཚུལ་འདི་དག་གི་སྐོར་ལ་དྲི་བརྩད་ག་རེ་བྱས་ནས་གནང་གི་མེད་པ་རེད་དམ། སྡིག་པ་མིག་བཙུམ་གནང་གི་ཡིན་ནམ། །
བྱ་དུར་བཟང་པོས་བྱ་ངན་འདི་འདྲ་བྱས་པའི་གནས་ཚུལ་གྲོས་ཚང་ནང་ལ་གླེང་སློང་བྱུང་ཡོད། དེ་འདྲའི་མི་ཞིག་ལ་ད་ལྟ་ཡང་བོད་གཞུང་ནང་ལས་དོན་གལ་ཆེའི་ནང་ཐེ་ཐོག་བྱ་རུ་བཅུག་པ་ནི་བློ་ཕམ་རང་རེད།
ད་ནི་གང་དུ་བལྟས་ཀྱང་སྐྱུག་བྲོ་བ་རེད་འདུག མི་ངན་དེ་ཚོས་༸གོང་ས་མཆོག་གི་བཀྲིན་ཉག་གཅིག་ལ་བརྟེན་ནས་བྱུང་བའི་ང་ཚོའི་སྤྱི་ཚོགས་དེ་སྟོར་ཉེན་ལ་འདུག འོན་ཀྱང་། ཁྲིམས་ཞིབ་པ་གསུམ་གྱིས་གསལ་པོར་ཤེས་དགོས་པ་ཞིག་ལ། ཁྱེད་རྣམས་གནས་དབྱུང་ཁྲིམས་སྒྲིག་བཞིན་གཏོང་མེད་པ་བཅའ་ཁྲིམས་ཀྱི་འགྲོ་སྟངས་ལས་ཤེས་ཐུབ་པས། བཅའ་ཁྲིམས་རིན་པོ་ཆེའི་དགོངས་དོན་ཤར་བསྐྱོད་གནང་སྟེ། བཙན་བྱོལ་བོད་མིའི་མང་གཙོའི་ཀ་བའི་ཡ་གྱལ་ཁྲིམས་དཔོན་གྱི་འགན་འཁུར་རྣམས་རྒྱུན་སྐྱོང་གནང་དགོས། ཁྱེད་རྣམས་ཀྱིས་ཉེ་སྔོན་གནང་བའི་གསར་འགོད་གསལ་བསྒྲགས་ལ་ནོར་བཅོས་གནང་སྟེ། ཁྲིམས་དཔོན་གྱི་འགན་འཁུར་བླངས་ན་མ་གཏོགས། ང་ཚོའི་སྤྱི་ཚོགས་ཆུང་ཆུང་དེ་རྒྱ་མིའི་བསམ་སྦྱོར་གྱིས་རྐྱེན་ནམ་ང་ཚོ་བོད་མིའི་བསོད་ནམས་ཟད་པའི་རྟགས་སམ། གང་ལྟར་ཁྱེད་རྣམས་ནས་འགན་འཁུར་བླང་དགོས་འདུག་པས། གལ་ཆེར་བརྩིས་ཏེ་གོམ་པ་སྤོ་རོགས་གནང་། བོད་མི་མང་ཆེ་བ་ཁྱེད་རྣམས་ཀྱི་རྒྱབ་ཏུ་ཡོད་པ་ཤེས་གསལ་རེད།
གཡས་སྐོར་གཡོོན་སྐོར་ག་འདྲ་བྱས་ཀྱང་སླེབས་ས་རྨོ་མོ་བག་ལེབ་ཚོང་སའི་སྒོ་རེད་ཟེར་བའི་གཏམ་དེ་བདེན་བྱུང་།
བྱ་དུར་བཟང་པོ་ནི་མི་ངན་སྐྱོད་ངན་ཡོད་ན་མེད་ན་དེ་རེད་ ད་ནི་ང་ཚོའི་གཞུང་ནི་རུལ་བསྲུངས་ཅན་གཅིག་ཏུ་ཆགས་འདུག་སྟབས་མི་མང་ནས་འགན་ལན་པའི་དུས་སླེབས་འདུག་་་་་་་མི་མང་ནས་འགན་ལན་དགོས་འདུག་
ཚོགས་ཁག་དྲུགས་ཀྱི་ཤུལ་དུ་ལུས་པ་བྱ་དུར་
ཕྱོགས་སུ་ལྷུངས་པའི་རྩོམ་ཡིག་དང་མཐར་བཟུང་པའི་འཆད་འགོད་ལ་བྲེལ་འདུག
ཆབ་སྲིད་ནག་པོ།
ཉེ་ཆར་གྲོས་ཚོགས་ཀྱིས་ཆེས་མཐོའི་ཁྲིམས་ཞིབ་པ་གསུམ་འཕོ་འགྱུར་བཏང་དེ་འགྲིག་མིན་གྱི་ཐད་ནས་གླེང་མི་དགོས་པར་དེའི་རྒྱབ་ལོགས་སུ་གང་ཞིག་ཡིབ་ཡོད་པ་ཚིག་ཉུང་དོན་འདུས་ཀྱིས་ཞུ་བར་བྱ། ཁྲིམས་ཞིབ་ཁང་དང་སྤྱི་རྒྱུན་གྱི་རྩོད་གླེང་ངམ་བསྒྲགས་གཏམ་སྤེལ་རེས་ལས་སྲིད་སྐྱོང་བློ་བཟང་སེངྒ་དང་ཁོའི་མདུན་ན་འདོན་སྟེ་སྐྱ་མིན་སེར་མིན་དག་ལ་ཐབས་གསར་པ་ཞིག་རྙེད་དེ་བཅའ་ཁྲིམས་དོན་ཚན་འགའ་ཨུ་ཚུགས་མཐའ་སྐྱེལ་གྱིས་ཚོགས་གཙོ་གཞོན་གཉིས་བསླུས།
སྲིད་སྐྱོང་བློ་བཟང་སེངྒེར་ཁྲིམས་ཞིབ་པ་གསུམ་འཕོ་འགྱུར་ག་རེ་བྱས་ནས་གཏོང་དགོས་པ་ཡིན་ནམ་ཞེས་ལབ་པ་ཡིན་ན། འཕོ་འགྱུར་འདི་ནི་སྔོན་འགྲོ་ཙམ་ཡིན། འཕོ་འགྱུར་དངོས་སམ་དམིགས་པའི་གཏད་ས་དངོས་གནས་དེ་སྤེན་ཚེ་སྲིད་སྐྱོང་ལ་འཐོབ་པ་ཡིན་ན་སྤེན་པ་ཚེ་རིང་སྲིད་ཁྲི་ལས་ཕབ་རྒྱུ་ནི་སྲིད་སྐྱོང་བློ་སེང་དང་ཁོའི་མདུན་ན་འདོན་དག་གི་སྙིང་གི་དཀྱིལ་ལ་སྦས་ཡོད་པའི་ཆབ་སྲིད་ནག་པོ་དེ་ཡིན།
འདི་ལ་མདོར་དྲིལ་ན་རྒྱུ་མཚན་ཆེན་པོ་གཉིས་ཡོད། དང་པོ། ཨ་རི་རྒྱལ་སའི་དོན་ཁང་དང་ཐེབས་རྩ་དེ་བློ་སེང་དང་སྐལ་རྡོར་ལ་གཉིས་ཀྱིས་དབང་བསྒྱུར་དཀའ་བ་སོགས། གཉིས་པ། སྤེན་ཚེ་ནི་ཁོང་ཚོའི་དགྲ་བོ་དངོས་གནས་དེ་ཡིན་ཙང་ཁོ་ནག་པོ་ནག་རྐྱང་བཟོས་ཏེ་མི་ཚེ་འདིར་མི་གྲལ་ནས་རྒྱང་འབུད་བཏང་སྟེ་ཁྱི་གྲལ་དུའང་ཚུད་དཀའ་བ་ཞིག་བཟོ་རྒྱུ་དེ་རེད། རྒྱུ་མཚན་ཆེན་པོ་འདི་གཉིས་ཀྱི་རྒྱབ་རྟེན་ཏུ་ཡིག་ངག་གཉིས། བརྙན་དང་པར། ལུང་དང་རིགས་པ་གཉིས་ཀྱིས་ར་སྤྲོད་བྱ་ཐུབ།
སྲིད་ནག་པོ། ངོ་མ་ཐབས་སྐྱོ་བོ་རེད།