འདི་ས་ཁུལ་ཞིག་གི་རྒྱལ་བོ་རེད་དམ་། ཡང་ན་ཕྱི་གླིང་ན་ཡོད་པའི་དེང་རབས་བླ་མ་ཞིག་རེད། པར་འདི་དང་ཡང་ན་མི་འདིར་རྒྱུས་མངའ་ཡོད་མཁན་རེ་ཡོད་ན་འགྲེལ་བཤད་རེ་བྱེད་རོགས།
Comments on “འདི་རྒྱལ་བོ་རེད་ཡང་ན་བླ་མ་རེད།”
Comments are closed.
འདི་ས་ཁུལ་ཞིག་གི་རྒྱལ་བོ་རེད་དམ་། ཡང་ན་ཕྱི་གླིང་ན་ཡོད་པའི་དེང་རབས་བླ་མ་ཞིག་རེད། པར་འདི་དང་ཡང་ན་མི་འདིར་རྒྱུས་མངའ་ཡོད་མཁན་རེ་ཡོད་ན་འགྲེལ་བཤད་རེ་བྱེད་རོགས།
Comments are closed.
སྔགས་པ་ཞིག་གིས་མནའ་མ་བླངས་པ་རེད།
འདྲ་པར་འདི་ལ་འགྲེལ་བཤད་ཅིག་ཡོད་ན་བསམ་ཐལ།
ཧཱུྃ་ཨོ་རྒྱན་ཡུལ་གྱི་ནུབ་བྱང་མཚམས། །པདྨ་གེ་སར་རྡོང་པོ་ལ། །ཡ་མཚན་མཆོག་གི་དངོས་གྲུབ་བརྙེས། །པདྨ་འབྱུང་གནས་ཞེས་སུ་གྲགས། །འཁོར་དུ་མཁའ་འགྲོ་མང་པོས་བསྐོར། །ཁྱེད་ཀྱི་རྗེས་སུ་བདག་བསྒྲུབ་ཕྱིར། །བྱིན་གྱིས་བརླབ་ཕྱིར་གཤེགས་སུ་གསོལ། །ཕྱི་ནང་གསང་བའི་བར་ཆད་སོལ། །བསམ་པ་ལྷུན་གྱིས་འགྲུབ་པར་ཤོག །
སྔགས་པས་མནའ་མ་བླངས་སོང་། །མནའ་མ་མཛེས་མ་ཡིན་སོང་། །སངས་རྒྱས་བསྟན་པ་དར་སོང་། །ང་ཡི་འཇེ་རྒན་ལངས་སོང་། །སོ་ཡ་ལ། སོ།་་་་་
བོད་རྒྱལ་པོ་ཡང་མ་རེད། བོད་བླ་མ་ཡང་མ་རེད། འདྲ་དཔར་འདི་མཛེས་པོ་ཞིག་འདུག
དེ་རྒྱལ་པོ་མ་རེད་ལ། བླ་མ་ཡང་མ་རེད། དོན་དངོས་ནག་པོ་བདུད་ཀྱིས་ཟིན་ཅིང་། ཅི་བྱེད་འདི་བྱེད་མེད་པའི་ཕུང་གསུམ་པ་ཞིག་རེད།
སྔོན་མའི་མཆན་དེ་ཅི་ཕྱིར་བསུབ་པ་ཡིན།
ཟློས་གར་མ་འཁྲབ་ལོ།
དེ་རིང་ངོ་མ་གསལ་འགྱུར་རང་རེད། ད་བར་ངས་ལྷ་ཁང་ནང་ཆང་ས་བརྒྱབ་པ་མཐོང་མ་མྱོང་། དེ་རིང་ལྷ་ཁང་རྫིག་པོ་འདིའི་ནང་ཆང་ས་བརྒྱབ་པ་རེད། ད་ས་འདི་རང་ལ་སྒྱོ་ཞིག་བརྒྱབ་ན་ག་འདྲ་ཡིན་ས་རེད། མཉམ་མེད་ཇོ་བོ་རྗེ་བོད་ལ་མ་བྱོན་སྔོན་ཙམ་ལ་ང་ཚོའི་བོད་ལུང་པར་སྔགས་འཆང་ཡིན་ཟེར་མཁན་ཚོས་འདི་འདྲ་མ་རུང་པ་སྣ་དགུ་བྱས་རབས་མང་། ༧གོང་ས་མཆོག་ཞལ་འཚོ་བཞུགས་ཀྱི་སྐབས་འདིར་འདི་རིགས་འབྱུང་བཞིན་པ་མ་འོངས་པའི་ཐན་ལྟས་ངན་པ་ཞིག་རེད། །ཨོ་ཡིན་ན་་་་་་་་ ཐེ་ཝན་སོགས་ཀྱི་ཐེག་དམན་པས་ང་ཚོར་སྐུར་འདེབས་བྱེད་པར་རྒྱུ་མཚན་འགའ་རེ་ཡོད་པ་རེད་དོ། ཐེ་ཝན་སོགས་སུ་ང་ཚོས་བླ་མ་ཚོས་་་་་་་་་་་
རྗེས་ནས་གསལ་པོ་འབྲི་རྒྱུ་ཡིན་ནོ། །
པར་ནང་གི་མི་དེའི་བྱེད་སྟངས་ལ་ངོས་ལེན་ནམ་ཡང་མེད།
ད་འདི་མ་འོངས་པའི་བསྟན་པའི་མངའ་བདག་ག་གེ་མོ་ཞིག་གམ། གཏེར་སྟོན་གཅིག་གམ། སྔགས་འཆང་ཞིག་གམ། སྐྱབས་མགོན་ཞིག་ལས། མི་སློབ་གསོ་ཡོད་པ། རྣམ་དཔྱོད་ཡོད་པ། ངོ་ཚ་ཡོད་པ། ཡ་རབས་ཡོད་པ་ཞིག་ག་ལ་ཡིན། ད་ཆོས་པ་འདི་ཚོས་ཁྲབ་ཀྱ྄ི་འདུག
ཕལ་ཆེར་ཟློས་གར་ཁྲབ་སྟོན་ཞིག་ཡིན་ས་རེད།
དགོན་པའི་ནང་ཆང་ས་བརྒྱབ་ཆོག་ན། དགོན་པའི་ནང་ལ་རྒྱོ་མི་ཆོག་ཅི་ཡིན་ནམ་ཟེར་འདོད་དམ། ཧ་ཧ།
དགོན་པའི་ནང་དུ་སྟོན་མོ་བྱེད་པ་འདི་ངོ་མ་ ཧ་ལས་ནི་ཞིག་རེད། དེ་རིགས་ཧམ་པ་ཚ་བ་ལ། ད་སངས་རྒྱས་ཀྱི་བསྟན་པ་མཐའ་ལ་ཐུགས་འདུག སྔོན་མ་སློབ་དཔོན་དབྱིག་གཉེན་ཡང་འདི་འདྲ་ཞིག་ལ་བརྟེན་ནས་སྐུ་གཤེགས་པ་རེད། ཨ་ཙི ། བླ་མ་མཁྱེན། བླ་མ་མཁྱེན། ད་གང་བྱེད།
དྲྭ་གྲོགས་རྣམས་ལ་ཞུ་བ། འདྲ་པར་འདིའི་ནང་གི་ཁྲི་ལ་སྡོད་མཁན་དེ་སུ་ཡིན་དང་། ས་ཆ་གང་དུ་ཡིན། འདྲ་པར་འདི་ཚོགས་འཚོག་པ་ཡིན་དང་། ཆང་ས་ཡིན་འགྲེལ་བཤད་ཅིག་གནང་རོགས། མ་ཟད་འཛམ་གླིང་གང་སར་ཆོས་གཟུགས་འདི་འདྲ་བའི་རིགས་ཀྱི་གནས་ཚུལ་མང་ཙམ་འགྲེམས་སྤེལ་དང་། དེར་བགྲོ་གླེང་གནང་འོས་ཆེ།
དགོན་པའི་ནང་དུ་སྟོན་མོ་བྱེད་མི་ཆོག་ཅེས་སངས་རྒྱས་ཀྱིས་གསུངས་ཡོད་ན་མ་གཏོགས་དགོན་པའི་ནང་དུ་སེམས་ཅན་ལ་བདེ་སྐྱིད་ལྡན་པའི་སྨོན་ལམ་འདེབ་ཆོག་ན་དགོན་པའི་ནང་དུ་བདེ་སྐྱིད་ཀྱི་མགོ་བཙུག་མི་ཆོག་པ་ཞིག་གང་ན་ཡོད། ནང་པའི་ལུགས་སྲོལ་ལ་དེ་ལྟར་ཁྱབ་ཆེན་པོ་མེད་མ་གཏོགས། ཡེ་ཤུ་བ་ཡིན་ན་ངེས་པར་དུ་ལྷ་ཁང་ནང་ནས་ཆང་ས་རྒྱག་དགོས་པ་དེ་ཁོ་ཚོའི་ཁྲིམས་འདྲ་ཞིག་རེད། ཨ་རི་ཡིན་ན་ཆང་ས་རྒྱག་དུས་དགོན་པ་ལྷ་ཁང་གིས་ཆང་སའི་ཡིག་ཆ་སྤྲོད་དགོས་པའི་བཅའ་ཁྲིམས་ཤིག་ཡོད་པ་རེད།
ཕལ་ཆེར་དེ་གདུང་རྒྱུས་ཞིག་ཡིན་ས་རེད་ཞོག་གཡས་ཀྱི་རིགས་ལྔ་གྱོན་པའི་བུ་མེད་དེ་སྐུ་བརྟེན་དང་གཡོན་ཕྱོགས་ཀྱི་དགེ་འདུན་པ་དེ་ཚོ་ནི་གདུང་རྒྱུས་དེར་དད་པ་བྱེད་མཁན་དང་དེའི་རྒྱབ་ཀྱི་མི་དམང་དེ་ཚོ་ནི་གདུང་རྒྱུས་དེའི་དགའ་ཉེ་བློ་དཀར་རྣམ་དང་ཁོང་ལ་དད་པ་བྱེད་མཁན་གྱི་མི་དམང་ཡིན་ས་རེད།
མདུན་གྱི་ཐང་ག་དེ་གསལ་པོ་ཞིག་ཐོང་གི་མི་འདུག་་
དེ་ནི་དགོན་པ་མ་རེད། དབྱིན་ཡུལ་ལ་ཡོད་པའི་ཆོས་ཚོགས་སམ་ཆོས་ཚོས་ཁང་ཞིག་རེད་ཟེར་གྱི་འདུག མི་དེ་ནི་བླ་མ་གོང་མ་ག་གེ་མོའི་མཚན་འཁྱེར་ནས་བུད་མེད་དང་དངུལ་ཁོ་ན་བསམ་མཁན་ཞིག་ལོས་ཡིན། ད་ང་ཀླུ་སྨྱོན་ལ་ཧ་ལས་སོང་བརྗོད་གཞི་རང་གིས་བཟོས་གཞན་ལ་དགག་པ་རྒྱབ་བཅུག ཡང་རང་གིས་ལན་རྒྱབ་ཁུལ་བྱས་ནས་གཞན་ལ་སྐྱོན་འཚོལ་བཅུག ཀླུ་སྨྱོན་ཁྱོད་ཆབ་སྲིད་པ་ཞིག་བྱེད་ན་ངོ་མ་ཡག་པོ་ཡོད་ས་རེད།
འདིའི་རིགས་འདི་བོད་ཀྱི་ནང་ཆོས་ཀྱི་ཆོ་ག་ནས་གཙང་ཕྱག་བྱེད་དགོས་པ་རེད། མཐོང་ན་སྙིང་ན་བ་སྐྱུགས་མེར་ལངས་པ་འདི་རིགས་བོད་ཀྱི་ས་ཆ་ཁ་ཤས་སུ་ད་དུང་ངོ་ཚ་ཁྲལ་མེད་ངང་དར་བཞིན་པ་ཡིན།
མི་འདི་ཚོ་ཕུང་གསུམ་པའི་འཇིག་རྟེན་གྱི་དེད་དཔོན་རེད་ལ་ཁོ་ཚོར་ཤེ་ཡོན་ཅུང་ཞིག་ཡོད་པ་དེའང་ཕུང་གསུམ་པའི་འཇིག་རྟེན་གྱི་ལག་ཆ་འབའ་ཞིག་རེད། ང་ཚོའི་སྤྱི་ཚོགས་ནང་མི་འདི་གྲས་འདི་གཙང་འཕྱག་བྱེད་ཐུབ་ན་ཅི་འདྲའི་བློ་བདེ་བ་ལ་ཨང་།
འདི་ཡང་གུ་རུའི་རྣམ་སྤྲུལ་ཡིན་རྒྱུ་རེད། ད་ཨ་རོགས་ང་ཚོ་ལུང་བསྟན་ལ་བསྒུགས་ན་དགའ།
ཡག་པོ་འདུག་་གཞན་ལས་ལྷག་པའི་སྣང་བརྙན་ཞིག་ཡོད་ན་འང་འགྲིག་གི་འདུག་
ང་ལ་བཀའ་བཀྱོན་གནང་བསམ་ན་དང་པོ་ངའི་སྐད་ཆ་ལ་ཉན་ཡག་ཅིག་གནང་རོགས་བྱས་ནས་དེ་ནས་བཀའ་བཀྱོན་རོགས།
ངས་འདིར་ཁོང་གིས་བུད་མེད་བླངས་པ་འགྲིག་མིན་ཤོད་ཀྱི་མེད། ཁོང་ནི་སྤྲུལ་སྐུ་ཞིག་རེད། འོན་ཀྱང་ད་ལྟ་རྟེན་སྔགས་པར་བསྒྱུར་ཟིན་པ་ཞིག་རེད། དེ་འདྲ་ནི་ང་ཚོ་ལ་རྩིས་མི་ཚར་བའི་ཚོད་རེད། ཁོང་གཅིག་པུར་དམིགས་བསལ་ཞུ་ཡང་མེད་ལ་སྐབས་ཐོག་གི་མཆན་འདེབས་དོན་ཡང་ཁོང་སྔགས་པ་བཟོས་པ་འགྲིག་མིན་དང་དེ་ཞབས་འདྲིན་ཡིན་མིན་སྐོར་ལ་མིན།
ངས་ལྷ་ཁང་ནང་ནས་ཆང་ས་བརྒྱག་ཆོག་མིན་སྐོར་ལ་བསམ་ཚུལ་ཞིག་བྱུང་།
སྔོན་ཆད་ལོ་འགའི་སྔོན་ལ་གུས་པ་བོད་ཀྱི་བླ་ཆེན་ཞིག་གི་འགྲམ་དུ་ཡོད་སྐབས་ཀྱང་ཁོང་གི་སློབ་མ་ཕྱི་རྒྱལ་བ་ཕོ་སར་མོ་སར་གཉིས་ཀྱིས་རང་གིས་མི་ཚེའི་བྱ་བཞག་གལ་ཆེ་ཤོས་དེ་རང་གི་ཡིད་ཆེས་བརྙེད་ཆེ་ཤོས་ཀྱི་བླ་མའི་མདུན་ནས་ཧ་ཅང་སྟབས་བདེ་བོས་གཉེར་རྒྱུའི་བསམ་པ་འཁོར་འདུག
དེ་ནས་འཛུབ་དཀྲིས་བརྗེ་རེས་དང་ཁྱད་པར་བླ་མས་ཁ་དར་ཅིག་གནང་ནས་དཔྲལ་པར་ཁོང་གཉིས་ཀྱིས་སྔ་ས་ནས་གྲ་བསྒྲིགས་བྱས་ཟིན་པའི་མཚལ་གྱི་ཐིག་ལེ་རེ་བསྐུས་སོང་།
དེ་ནི་སྤྱིར་བཏང་རྒྱ་གར་གྱི་ལུགས་རེད། ས་ཆ་ནི་ཧ་ཅང་ཉམས་དགའ་བའི་རི་རྩེ་ཞིག་རེད། ང་ཚོས་བཀྲ་ཤིས་བརྒྱད་པ་ཚར་གཅིག་བཏོན་ནས་ཤིས་བརྗོད་ཀྱི་མེ་ཏོག་གཏོར་བ་ཡིན།
ངས་དེ་དུས་ང་ཚོ་ལ་ཡང་དེང་དུས་ཡེ་ཤུ་སོགས་ཀྱི་ལུགས་ལྟར་ཁོང་ཚོའི་ཆང་ས་དང་གཉེན་སྒྲིག་སོགས་ལ་འཚམས་པའི་དུས་བསྟུན་གྱི་འགྲོ་སྟངས་ཤིག་ཡོད་ན་སྙམ་པ་བྱུང་ཞིང་བསམ་ཚུལ་གྱི་བགྲོ་གླེང་བྱས་པ་ཡིན།
གང་རེད་ཅེ་ན་འདི་རིགས་ལ་ཡིད་འགུག་གི་ནུས་པ་ཆེན་པོ་ཡོད་པ་རེད།
འདི་ལ་སྤྱི་ཚོགས་རང་བཞིན་ཅན་གྱི་ཆོས་ལུགས་ཞེས་ཟེར་གྱི་འདུག ཉེ་ཆར་ལེགས་འགྲུབ་བྱུང་བའི་ཐའེ་ཝན་གྱི་སངས་རྒྱས་འོད་ཟེར་རི་བོའི་དགོན་པའི་སངས་རྒྱས་ཀྱི་དྲན་རྟེན་ཁང་ཞེས་པའི་འཛུགས་སྐྲུན་སྒོར་དུང་ཕྱུར་མང་པོ་བཏང་ནས་ལོ་བཅུ་གཅིག་ལ་བཞེངས་པ་དེའི་ཁོངས་སུ་ཡང་མཆོད་རྟེན་ཆེན་པོ་བརྒྱད་བཞེངས་ཡོད་པའི་གཅིག་དེའི་འོག་ཁང་ཆེད་དུ་བཟོས་པའི་ཆང་ས་བརྒྱག་ས་ཞིག་རེད། དེར་ཧ་ཅང་བཀོད་ལེགས་ཅིང་ངོས་གཙང་བའི་ནང་གི་བཀོད་པ་བཟོས་ཤིང་གླད་ན་སྟོན་པ་ཐུགས་རྗེ་ཅན་གྱི་སྐུ་མི་ཚད་ལས་ཆེ་བ་ཧ་ཅང་མཛེས་ཤིང་ཡིད་དུ་འོང་བ་ཞིག་དང་། འོག་ཏུ་འོས་ཤིང་འཚམས་པའི་སྟན་བཟང་པོ་གཤམས་པ་དང་། གྱང་ལོགས་སུ་སངས་རྒྱས་ཀྱི་གསུང་གི་ཚིག་དང་ནང་ཆོས་ཀྱི་མི་ཚེའི་རིན་ཐང་གི་ལྟ་བ་དང་འབྲེལ་བའི་ལྷ་ཆོས་ཀྱི་ཚོམས་སྣ་ཚོགས་བྲིས་འདུག མགོ་འཁྲེག་པོ་ཡིན་ཟེར་མཁན་གྱི་རྒྱ་བརྒྱུད་དགོན་ཆེན་དེ་དག་གིས་ཀྱང་དེང་སང་འཇིག་རྟེན་གྱི་འགྲོས་དང་མཐུན་པའི་ལག་ལེན་དེ་ལྟར་སྐྱོང་གིན་འདུག
འདི་ནི་ངོ་མ་མིག་དཔེར་འོས་པ་ཤིག་རེད་བསམ་པ་བྱུང་། ནང་གི་བཀོད་པ་ཚང་མ་པར་ཡང་བཏབ་ཡོད། དགོས་པ་བྱུང་ན་གཟིགས་འབུལ་ཞུ་ཆོག
ལྷ་ཁང་ནང་དུ་ཆང་ས་རྒྱག་ན་རྒྱག་ལུགས་ཤིག་ཡོད་ས་རེད། དཔེར་ན་མག་སར་དང་བག་སར་གྱི་སྟན་དགེ་འདུན་པའི་གོང་ལ་བཤམ་ན་ནི་གཏན་ནས་མི་རུང་། དེ་བཞིན་འོ་སྐྱེལ་བ་སོགས་ཧ་ཅང་རན་པ་མ་ཡིན་པའི་འགྲོས་འགའ་ཞིག་ནི་ཆོས་ཀྱི་ཁྲིམས་དང་ཡུལ་གྱི་གུས་ལུགས་ལྟར་འགྲོ་ཆོག་དང་ཆོག དེ་ནི་མ་གཞི་རྒྱུན་ཤེས་ཤིག་རེད། ཆང་ས་རྒྱག་ཆོག་ན་འཁྲིག་པ་ཡང་དེ་གར་སྤྱོད་དགོས་ཟེར་ན། ཆང་ས་རྒྱག་ས་ནང་མི་ཚང་མ་མཉམ་འཛོམས་ཀྱི་མིག་སྔ་ཡིན་ན་འཁྲིག་པ་ཡང་དེ་གར་སྤྱོད་དགོས་ཟེར་བ་དང་འདྲ། སྐད་ཆ་བསམས་ནས་བཤད་ན་ཕན་ཐོགས་ཆེ།
འོན་ཀྱང་པར་འདི་ངས་སྔ་ས་ནས་མཐོང་བ་ཡིན། ཁོང་གཉིས་དགེ་འདུན་པའི་མདུན་དུ་ཁ་ཡར་འཁོར་ནས་བསྟན་ལ་འཁོད་འདུག
གུས་ལུགས་དང་འགལ་བ་ནི་ཆེར་མ་མཐོང་། སྤྱིར་ང་ཚོ་གནའ་ནས་མནའ་མ་ལེན་པ་དང་ཁྱིམ་སར་འཛིན་པ་སོགས་ལ་གཡང་སྒྲུབ་དང་ཚེ་སྒྲུབ་སོགས་དཀྱིལ་འཁོར་སྣ་ཚོགས་ཞལ་ཕྱེ་བ་ནི་ཡོངས་གྲགས་རེད།
བག་མའི་ཁྱིམ་དུ་དཀྱིལ་འཁོར་ཞལ་ཕྱེ་ཆོག་ན་ལྷ་ཁང་གི་ནང་དུ་བག་མ་ཡོང་མི་ཆོག་པ་ལ་ཡང་རྒྱུ་མཚན་རྣམ་དག་ནི་ཅང་ཨེ་ཡོད་ན། དེ་བཞིན་ཉེ་ཆར་འབྲུག་རྒྱལ་པོའི་ཆང་སའི་སྐབས་ཀྱང་དགེ་འདུན་པས་ཆོ་ག་གསུང་གིན་འདུག
གང་ལྟར་དེང་སང་གི་མི་མང་པོ་ཞིག་དང་ཁྱད་པར་སྐར་ཆེན་དུ་གྲགས་པའི་རྒྱུ་རྩལ་བ་དང་གྲགས་ཅན་མི་སྣ་མང་པོ་ཞིག་ཡེ་ཤུ་བ་ཆགས་པ་དེ་ཡང་གཙོ་བོ་ནི་རང་ཉིད་ཀྱི་གཉེན་སྒྲིག་གི་ཆོ་ག་དང་འབྲེལ་ནས་ཡོད་པར་ཤོད་ཀྱི་འདུག
དེས་ན་ད་ལྟའི་དུས་འདིར་ང་ཚོས་སངས་རྒྱས་ཀྱི་འོད་ཟེར་དེ་འཇིག་རྟེན་གྱི་ཁྱིམ་པ་རྣམས་ཀྱི་འཚོ་བའི་ཁྲོད་དུ་ཡང་ཅུང་ཁྱབ་པར་བྱེད་དགོས་པ་འདྲ།
དུས་དང་མཐུན་པའི་འགྲོ་སྟངས་རེ་བྱེད་ན་མཐའ་གཉིས་སུ་མ་ལྷུང་བ་རེ་བྱེད་རྒྱུ་ནི་ཡོད་ཚོད།
ཡིག་ནོར་མང་པོ་བྱུང་བ་བཟོད་པར་མཛོད། ངས་ཐད་ཀར་བཏགས་པ་ཡིན་ཙང་་་་་་་་་་་་
ད་དུང་བག་སར་སྦྱིན་བདག་གི་སྟོན་གཙོ་བོ་ལ་བལ་སྟན་ལྟ་བུ་འབྲུ་བཟང་པོའི་གཡུང་དྲུང་བྲིས་ལ་དར་ཟབ་སོགས་ཀྱི་གོས་གོན་ནས་སྡོད་དུ་བཅུག་པར་བླ་མས་མདའ་དར་གཏད་དེ་ཚེ་གཏད་དང་གཡང་གཏད་གནང་བ་སོགས་ཀྱི་ཆོ་ག་ནི་སློབ་དཔོན་སངས་རྒྱས་གཉིས་པའི་གསུང་རྣམས་སུ་ཡང་ཡོད་ལ། ད་ལྟ་ཡང་བོད་ས་ཡོངས་ནས་ཕྱག་ལེན་དུ་བྱེད་པ་ཡིན་པས་སངས་རྒྱས་ཀྱི་ཆོས་ལུགས་རང་གི་མེ་ཚེའི་འཚོ་བའི་ཆ་ཤས་སུ་བྱེད་པའི་བོད་པ་དག་གི་ངོས་ནས་འདི་ནི་ཧ་ཅང་ཐལ་དྲགས་པ་ཞིག་ཡིན་རྒྱུ་མ་རེད་སྙམ། བྱེད་སྟངས་འདི་ནི་ཆོས་ལུགས་རིག་གནས་དང་འབྲེལ་བའི་མི་རིགས་རིག་གནས་ཤིག་ཏུ་བརྩིས་ན་ཡང་ཆོག་གི
སྦྱིན་བདག་གི་གཙོ་བོའི་གདན་་་་་་་་་ཞེས་སུ་བཅོས་རོགས།
རྫ་ཚེ་རིང་བཀྲ་ཤིས་ལགས་ཁྱེད་ཀྱིས་དཀྱེལ་ཡངས་བའི་བསམ་བློ་བཏང་བ་དགའ་འོས་པ་ཞིག་རེད། ཡིན་ན་ཡང བལྟ་རྒྱ་དང་མཐོང་རྒྱ་ཁབ་མིག་ལས་དོག་པའི་གོང་གི་མཆན་བུ་བ་དེ་དག་གི་བློ་ཡུལ་དུ་ཤོང་ཐུབ་ས་མ་རེད། ངས་བསམ་ན་ཁོང་ཚོ་མང་ཆེ་བ་གདན་ས་ག་གེ་མོ་ན་ང་རྒྱལ་དང་རློམ་སེམས་ཀྱིས་མགོ་རུལ་བ་རྣ་ཡིས་མི་ཚོར་མཁན་དག་རེད། ཁོང་ཚོ་རིགས་དེའི་ཆོས་ལུགས་ཞེས་པ་དུས་རབས་ཀྱི་འགྲོས་དང་བསྟུན་ནས་བགྲོད་མི་དགོས་པར་ནམ་ཡང་མཁྲེགས་བཟུང་ཁོ་ནའི་ཅིག་ཡིན་བསམ་མཁན་དག་རེད། ངས་གོང་གི་པར་དེ་ལ་རྒྱབ་སྐྱོར་བྱས་པ་མིན། པར་དེ་ངས་ན་ནིང་ནས་མཐོང་ཡོད ཆོས་ལུགས་པས་ཆོས་སྒེར་བདག་བྱས་ནས་ད་ལྟ་བོད་མི་དད་པ་ཅན་དག་གིས་སྐྱབས་འགྲོའི་གོ་དོན་ཙམ་ཡང་ཤེས་ཀྱིན་མེད་པ་ཆོས་ལུགས་པ་འདི་ཚོས་བྱེད་སྟངས་སོགས་ལ་ཞིབ་ཏུ་ཅིག་སོམས་དང་བསམ་བློ་གཏོང་རྒྱུ་མང་པོ་འདུག ངས་ནི་རྫ་ཚེ་རིང་གི་བསམ་ཚུལ་དེ་བློར་འབབ་སོང་།
ཚང་མའི་བཤད་བབ་དང་རྣམ་འགྱུར་ལ་བལྟས་ནས་བསྡད་ན་ངུ་རྒྱུ་དགོད་རྒྱུ་གཉིས་ཀ་ཡོང་གི་ཡ།
རྫ་བ་ལགས་ཀྱི་གསུང་ནང་དགེ་སྐྱོན་གཉིས་ཀ་འདུག དགེ་ལ་བསམ་ན་སྤྱིར་ཡེ་ཤུ་སོགས་དང་འདྲ་བ་ནང་པ་རྣམས་ཀྱིས་ཀྱང་མི་ཚེའི་དོན་ཆེན་གྱི་རྟེན་འབྲེལ་སྟོན་པའི་སྐུ་མདུན་དུ་བྱེད་པ་དང་། བླ་མ་དགེ་འདུན་གདན་ནས་བཀྲིས་པའི་སྨོན་ལམ་དང་གཡང་སྒྲུབ་ཚེ་སྒྲུབ་སོགས་ཤིན་ཏུ་ནས་ཀྱང་བྱེད་འོས། དེ་གཞོན་སྐྱེས་རྣམས་ལ་ཡང་ཆོས་དད་སོགས་འཇོག་པ་ལ་ཕན་ཐོག་འདུག་དྲན་གྱི་འདུག སྐྱོན་གྱི་ཆ་ནི་སྤྱིར་བོད་ཀྱི་སྤྱི་ཚོགས་ནང་ཆུང་མ་ཡོད་པའི་བླ་མ་ཆེ་ཆུང་མང་པོ་ཡོད་ཀྱང་ཆང་ས་ཁྲིའི་སྟེང་དུ་རྒྱབ་པ་དང་། རིགས་ལྔའི་མཁའ་འགྲོའི་ཆ་བྱད་ཅན་གྱི་མཐའ་ནས་བསྐོར་བ་སོགས་དེ་འདྲ་བྱེད་མཁན་བསྟན་བཤིག་ཁ་ཤས་མ་གཏོགས་ཡོད་མ་རེད། ནོར་འཁྲུལ་ཆེ་ཤོས་ནི་བླ་མའི་མིང་འཁུར་མཁན་རྣམས་ཀྱིས་ཆོས་དང་མི་མཐུན་པའི་ལས་ཀ་བྱེད་བཞིན་དུ་དེ་ལ་ཡིད་རངས་དང་བསྔགས་པ་བརྗོད་ནས་ནོར་འཁྲུལ་རྒྱ་ཡན་དུ་གཏོང་རྩིས་བྱེད་པ་དེ་རེད།
གཡུ་བྲག་པ་ལགས། ཆོས་བཤད་དུས་ཆོས་ཀྱི་འགྲོ་སྟངས་ཡོད་རེད་དེ་ལ་གུ་ཡངས་ཡིན་ཟེར་ནས་གང་བྱེད་ནས་བྱེད་ཆོག་ཆོག་ཡོད་མ་རེད། འཇིག་རྟེན་གྱི་བྱ་བ་ཡིན་ན་ང་ཚོ་འཇིག་རྟེན་པ་རྣམས་ལོས་མཁས་ཏེ་ཆོས་ལུགས་ཀྱི་ཐོག་ནས་བཤད་ན་གདན་ས་ག་གེ་མོ་རྣམས་ཀྱི་མཁན་པོ་དགེ་བཤེས་ཆེ་གེ་མོ་རྣམས་དྲག་གི་རེད། བྱས་ཙང་གསར་བརྗེ་བ་བྱེད་བསམ་ན་འཇིག་རྟེན་ལ་གྱིས། ཆོས་ལ་ལག་པ་མ་འཆང་ན་ཡག་གི་རེད།
དུས་རབས་ཉེར་གཅིག་པའམ། ཕྱི་ལོ་ཉིས་སྟོང་བརྒྱ་མེད་ཉག་མ་ཁ་ཤས་ཤིག་འདའ་བའི་སྐབས་དེར། སྟོན་པའི་ཆོས་བརྒྱད་ཀྱི་དྲི་མ་ཡོངས་སུ་མ་དག་པའི་ཆོས་པའི་གཟུགས་བརྙན་དེ་བསྟན་པ་བཤིགས་པའི་ཏོག་རྩེ་ང་མ་དེའོ་ཞེས་ཆོས་ཀྱི་འཁོར་བསྐོར་བའི་ཚེ། ཐ་སྙད་ལ་བྱང་བའི་མཁན་པོ་ཞིག་གིས་སྟོན་པའི་ཞབས་སེན་གྱི་ག་ལ་བ་དེར་མགོ་བོ་སྒུར་ཙམ་བྱས་ནས་ཀྱེ་བདག་གི་སྟོན་པ་ལགས། མར་ཀིའི་གཅོང་རོང་རིང་མོ་ཞིག་ན་ཆུ་སྲིན་ངན་པ་དགུ་འཛོམ་ཕོ་མོ་གཉིས་ཆུ་གནས་ཀྱི་སྲིན་བུ་དུང་ཕྱུར་མང་པོས་གཙེས་ཤིང་འདུག་ན་དེར་གཟིགས་པར་གཤེགས་སུ་གསོལ་ལོ་ཞེས་གསོལ་བ་བཏབས་ནས་སྟོན་པ་འཁོར་དང་བཅས་པ་དེར་ཕེབས་སོ། དེ་ནས་ཐ་སྙད་མཁན་པོས་སྟོན་པ་ལགས་འདི་གཉིས་ལ་ལས་ངན་པ་འདི་ལྟ་བུ་རྒྱུ་རྐྱེན་ཅི་ཞིག་ལ་བརྟེན་ནས་བྱུང་བར་གསུང་དུ་གསོལ་ཞེས་གསོལ་བས། སྟོན་པ་ཡང་དག་པ་དེ་བཞིན་གཤེགས་པ་དགྲ་བཅོམ་པ་དེ་ཉིད་ཀྱི་དེར་འདུས་པ་ཀུན་ལ་ཁྱབ་པའི་དབྱངས་དང་བཅས་ཏེ་འདི་ལྟར་གསུངས་སོ སྔོན་ལྷ་ཁང་གཟི་བརྗིད་དང་ལྡན་པ་ཞིག་གི་ནང་དུ། གཟུགས་མཛེས་ཀྱི་གཞོན་ནུ་གཉིས་ལྷགས་ཏེ་གཉེན་སྟོན་གྱི་རོ་ལ་དུས་འདའ་བ་སོགས་བྱས་སོ། ཁྱོ་ཤུགས་དེ་གཉིས་ཀྱི་ནང་ནས་ཁྱོ་ག་དེའི་སྐྱེ་བ་ད་ལྟ་འདི་རང་ཡིན་ཞིང་འཁོར་དུ་ཆུང་མ་ཡང་ལྷན་ཅིག་ཏུ་སྐྱེས་སོ། མ་འོངས་པར་བསྐལ་པ་དུང་ཕྱུར་མང་པོ་སྡུག་བསྔལ་འདི་ལྟར་མྱོང་བར་འགྱུར་རོ། དེ་གང་ཞེ་ན་ཁྱོ་ཤུགས་དེ་གཉིས་ཀྱིས་་སངས་རྒྱས་པའི་འདུལ་ཁྲིམས་ལ་རྡོག་རོལ་བཏང་བ་དང་། དགེ་བའི་བཤེས་གཉེན་ལ་མ་གུས་པ་བྱས་པ་དང་། དགེ་འདུན་གྱི་སྡེ་ལ་བརྙས་སྨོད་བྱས་པ་དང་། གཙུག་ལག་ཁང་ལ་དྲི་མ་བསླད་པ་དང་། བསྟན་པའི་སྙིང་པོ་འཇུག་བསྡུ་བའི་བྱ་བ་བརྩམས་པས་སོ། དེ་དག་གིས་མ་ཤེས་ཤིང་མ་ཐོས་བཞིན་བྱས་ན་སླའོ་ཤེས་ཤིང་ཐོས་བཞིན་དེ་ལྟར་བྱས་པ་དེ་ནི་ཚོགས་ངན་གྱི་ཉེར་ལེན་དང་ལྷན་ཅིག་བྱེད་རྐྱེན་གཉིས་ཀ་རུ་གྱུར་ཏོ། བདག་གི་རྗེས་འཇུག་སེར་མོ་བ་སུ་ཞིག་གིས་ཀྱང་དེ་བཞིན་དངོས་སུ་བྱ་བ་ལྟ་ཅི་སེམས་ལའང་དྲན་མི་རུང་ངོ། དེ་ནི་དམ་པའི་ཆོས་དང་འཇིག་རྟེན་པའི་ལམ་ལུགས་གཉིས་ལྷན་ཅིག་མི་གནས་འགལ་ཡིན་པ་ཤེས་པར་བྱོས་ཞེས་བཀའ་རྩལ་ལོ། དེ་ནས་ལྷ་དང་ཀླུ་དང་ལྷ་ཡིན་དང་དྲི་ཟ་དང་བཅས་པ་ཐམས་ཅད་ཀྱིས་དེ་བཞིན་གཤེགས་པའི་གསུང་ལ་མངོན་པར་བསྟོད་དོ།
མདོ་གསར་རྩོམ་ཤར་མར་བྱས་པས་ཡིག་ནོར་ཙམ་ལ་མི་ཁྲེལ་བཞིན་ཐུགས་རྩེ་གཏོད་མཛོད།
ཚུལ་འཆལ་བླ་མའི་གང་དྲན་གནང་། །
མགོ་རྨོངས་དད་ཅན་རྗེས་སུ་རྒྱུགས། །
བོད་ལ་གནའ་ནས་དེ་འདྲ་དར། །
ད་ལྟ་གནས་ངན་འདི་ལ་བསྐྱལ། །
ད་དུང་དེ་ལས་མང་འཕེལ་ན། །
བོད་ཡུལ་དུས་རབས་ཉེར་གཅིག་པའི། །
བདེ་སྐྱིད་ལྡན་ཞིང་རང་དབང་གནས། །
རིས་སྦལ་སྤུ་ཡི་སྤུན་ཟླར་འགྱུར། །
བླ་མ་མནའ་མ་བཞེས་མཁན་དེའི་ངོ་དེབ་དུ་ཕེབཾས་དང་ཁོང་གིས་སྐུ་སྲས་ཞིག་ཀྱང་བཟོས་འདུག བླ་མ་འཇོན་པོ་རེད་ཀོ
མི་འདིས་ངོ་དེབ་ལས་ཁོས་སངས་རྒྱས་ཀྱི་བསྟན་པ་ལ་བསམ་ནས་སྐབས་འགའ་རེ་༧གོང་ས་སྐྱབས་མགོན་ཆེན་པོ་མཆོག་གི་དབུས་བོད་ཀྱི་བླ་ཆེན་དག་ལ་ཡང་ཁོང་ཁྲོ་སྐྱེས་ཀྱི་འདུག་ཅེས་བཤད་འདུག། སངས་རྒྱས་ཀྱི་བསྟན་པ་འཛིན་པ་འདི་འདྲ་བོ་ཞིག་དགོས་རེད་ཟེར་ཡིན་ས་རེད། ཧ་ཧ
ཨ་ལགས་ཀླུ་སྨྱོན་དང་མཁན་ཚེ་བཀྲ་སོགས་ཤེས་ཡོན་པའི་སྡེ་རུ་བགྲང་འོས་པ་འགའ་ཤས་ཀྱིས་འདི་ནི་གསར་གཏོད་པ་ཡིན་དགོངས་ཀྱིན་ཡོད་པ་འདྲ།
ད་དུང་ཁོ་ལ་འདི་ལོ་བུ་ཞིག་སྐྱེས་འདུག་པས་ཀུན་ཏུ་བཟང་པོའི་ཡང་སྲིད་ཡིན་ཞེས་བཤད་འདུག
དགྲོགས་པོ་ཚོས། ཆོས་ལུགས་གཞན་གྱི་ལུགས་མང་པོ་ཞིག་ཁ་ལ་ཁྱེར་ནས་བཤད་ཚོད་ལ་བལྟས་ན་ལྟ་རྒྱ་མཐོང་རྒྱ་མེད་ན་ཡོད་མདོག་གི་སྐད་ཆ་འདྲ་རེད། གཡང་འགུག ཚེ་འགུག གང་ལྟར་ལྷ་ཁང་དེ་ཡང་ཡེ་ཤོས་ཀྱི་ལྷ་ཁང་ཞིག་ཡིན་པ་འདྲ། མི་དེ་རིགས་ཀྱི་གོན་པ་གནའ་བོའི་རྒྱ་ནག་གོང་མ་ཚོའི་གཟབ་འཆོར་རེ་ཡིན་ན་ཐང་། གང་ལྟར་ནང་བའི་ལུགས་དང་མི་མཐུན་གི།
དེང་གི་དུས་སུ་སྡོམ་པ་མེད་ཀྱང་ཁྲི་ཐོག་ན་ཆོས་གོས་གོན་ནས་བསྡད་མཁན་འདུག
འགའ་ཞིག་གིས་སྒོར་ཀྱི་དོན་དུ་དབང་བསྐུར་ལུང་བསྟན་གནང་གི་འདུག
སྔགས་འཆང་ཞིག་གིས་ལྷ་ཁང་ནང་དུ་ཆང་སའི་མཛད་སྒོ་ཙམ་སྤེལ་ན་དེ་ཙམ་ཉེས་པ་ཆེ་རྒྱུ་ཨེ་ཡོད་ན།
མ་གཞི་བོད་པ་ཚོར་དྲང་བདེན་ཀྱི་ཐོག་ནས་འདི་འདྲ་བ་བྱས་ན་དེ་ལ་རྒོལ་བ་བྱེད་
བསླུ་བྲིད་དང་མགོ་བསྐོར་བྱེད་མཁན་ཚོ་ལ་དད་མོས་བྱེད་པ་ནི་རྒྱུན་འབྱམས་ལྟ་བུ་ཤིག་རེད་འདུག
གྲོགས་པོ་ཚོ། ལྟོས་དང་མི་འདི་ནི་སྔོན་མ་ཚུལ་འཆོས་བྱེད་རྒྱུ་ལ་དགའ་ཞིང་། ས་སྐྱ་གོང་མ་སོགས་སྐྱེས་ཡུམ་བཞེས་མཁན་རྣམས་ལའང་ཁ་གཏོང་གིན་ཡོད། དེ་ནས་ཁོ་རང་གི་རྩ་བའི་བླ་མ་འདས་རྗེས་ཁོས་སྐྱེས་དམན་འདིའི་རྐུབ་ལ་རྒྱུག་པ་རེད། སྐྱེས་དམན་འདི་ལ་སྔོན་མའི་ཕ་གཞན་གྱི་བྱིས་པ་འགའ་ཡང་ཡོད་པ་རེད།
ཁོ་རང་གིས་གང་བྱས་ཀྱང་རང་དབང་རེད་ཡ། ཡིན་ནའང་ཁོས་དེང་སང་། གྲ་བ་ཚང་མ་སྐྱེས་དམན་འཛག་དྲན་ནས་ཤི་གྲབས་བྱེད་ཀྱི་ཡོད་རེད། ངས་དེ་ཚོ་ཚང་མ་ཧ་གོ ད་དུང་ཁོང་ཚོས་ང་ལ་ཁ་གཏོང་གི་འདུག དངོས་གནས་བྱས་ན་ཁྱེད་རང་ཚོ་ངོ་ཚ་གི་རེད། ངའི་རྗེས་སུ་ཕྱོགས་དང་སྐྱིད་པོ་འདུག ཅེས་ལབ་འདུག
ད་དུང་ཁོས་གོང་ས་མཆོག་དང་རྙིང་མའི་སྐྱེས་ཆེན་མང་པོ་ཞིག་ལ་ཁ་བཏང་ནས་དེ་ཚོ་ལའང་བསླབ་བྱ་ལམ་སྟོན་ཡིན་མདོག་བྱས་པའི་སྐད་ཆ་མང་པོ་ཟིག་ཁོས་ཁོ་རང་གི་ངོ་དེབ་ནས་སྤེལ་འདུག ཁོའི་མིང་ལ་ཉི་མ་ཟེར་གྱི་འདུག ཕ་ཡུལ་སྟྲེའུ་ཁམས་པ་རེད་ཟེར། ཁོས་དུས་བབ་ནང་ལ་ཟིན་བྲིས་ཤིག་བྲི་གི་འདུག དེའི་ནང་ལ་དྲང་བདེན་གྱི་སློང་མོ་བ་ཡིན་ན་ཟིག་བྲིས་འདུག
བོད་ནང་ནས་ཆོས་ལུགས་སྲུང་སྐྱོབ་བྱེད་དུས། མི་འདི་ཙོས་འདི་ནས་ཆོས་གོས་གྱོན་ནས་ཆང་ས་རྒྱག ལྷ་ཁང་ན་ཆང་ས་རྒྱག་པ་རེད། འཛག་དགའ་འགའ་རེས་དེ་ཡག་པོ་རེད། དེང་རབས་ཙན་རེད་ཟེར་གྱི་འདུག དེ་ནི་ཁོ་རང་ཚོའང་ལམ་ཀ་དེར་འགྲོ་རན་པས་རེད། དེ་མིན་རིགས་ལམ་བཏང་ནས་བཤད་ས་མེད་པ་ཞིག་ནི། མི་རིགས་སོ་སོ་དང་ལུང་པ་སོ་སོར་ལུགས་སྲོལ་དང་གོམས་གཤིས་ཤིག་ཡོད་པ་དེར་བརྩི་སྲུང་བྱ་དགོས་རེད། དེ་མིན་ན་རྒྱ་མིས་བོད་ཀྱི་རིག་གཞུང་གཏོར་སོང་ཟེར་དགོས་མི་འདུག་
ཁྱེད་ཚོས་ཁོའི་བྱ་སྤྱོད་འགའ་རིག་འདོད་ན་འདིར་སོགས།
http://www.youtube.com/watch?v=icaRvt836XY
་འདི་ནི་གསང་སྔགས་རྡོ་རྗེ་ཐེག་པའི་བྱེད་ལུགས་ཤིག་ཡིན་པས་། ཉན་ཐོས་པའི་རྗེས་སུ་ཡིད་སྨོན་བྱེད་མཁན་རྣམས་སྣ་གཉེར་རེ་གནང་བ་ཐུགས་ཁག་མེད་། འོན་ཀྱང་རང་རེ་བོད་ཀྱི་ཆོས་ལུགས་འདི་ལ་གཞན་གྱིས་གསང་སྔགས་པ་ཞེས་འབོད་པ་ལས་མདོ་ལུགས་ཞེས་འབོད་མཁན་ནི་སུ་ཡང་མི་འདུག་།
ནང་པ་སངས་རྒྱས་པའི་རྗེས་འཇུག་ཡོད་ཚད་གཉེན་མི་བསྒྲིག་ཅིང་ཚང་མ་མགོ་རེག་རྐྱང་བ་ཞིག་དགོས་པ་ཡིན་ཞེས་སྟོན་པ་བྱམས་བརྩེ་བདག་ཉིད་ཅན་གྱིས་ནམ་ཡང་གསུང་མ་མྱོང་བ་མ་ཟད་རང་གི་འཁོར་བཞི་བོའི་ནང་དགེ་སྙེན་ཞེས་བ་ཞིག་ཀྱང་གནང་བ་སུ་ལ་ཡང་འབྲེལ་དགོས་ཚོད་མེད་པ་བཞིན་ནང་བའི་མི་སེར་དཀྱུས་མ་དག་ཀྱང་རང་གི་ཆོས་ལུགས་ཀྱི་ཐོག་ནས་གཉེན་སྒྲིག་ཅིང་དཀོན་མཆོག་དཔང་དུ་བཞག་ནས་མི་ཞིག་ལ་གཏན་གྱི་འདུན་མ་བཅོལ་བ་ནི་ཅི་ནས་ཀྱང་ཐ་ཆད་དུ་འགྲོ་མི་སྲིད་ན་ཡང་ངེད་ཅག་གིས་སངས་རྒྱས་ཀྱིས་གནང་བ་ཞིག་ལ་བཞག་ནས་འགྲོ་ལུགས་ཤིག་བཟོ་མ་ཐུབ་པས་ལན་ནས་ཡོད་པ་རེད། དཔེར་ན་གཉེན་སྒྲིག་མཁན་རང་ཉིད་ཀྱིས་བཀུར་སྟི་ཡོད་པའི་གོས་དཀར་ལྕང་ལོ་ཅན་ཞིག་གཉེན་སྒྲིག་གི་ཆོ་ག་སྐྱོང་བའི་བླ་མར་བཀུར་བའི་སྲོལ་དང་། མང་ཚོགས་ཀྱི་ཆེད་གཉེན་སྒྲིག་ལྷ་ཁང་ཞིག་ཀྱང་འཛུག་མྱོང་མེད་པ་ལྟ་བུའི་སྟོང་ཆ་ཞིག་ཡོད་པ་ནི་དངོས་ཡོད་མ་རེད་དམ། གཉེན་སྒྲིག་ལྷ་ཁང་ཅི་ལྟ་བུ་ཞིག་སྟོན་པ་མཁྱེན་བརྩེའི་བདག་ཉིད་ཅན་དེ་ནི་དེ་འདྲ་གཉེན་སྒྲིག་གི་རྟེན་གྱི་གཙོ་བོར་གཏན་མི་རུང་ངོ་ཟེར་ན། འོ་ན་མཁྱེན་བརྩེའི་བདག་ཉིད་ཅན་འདིས་རང་གི་གདུལ་བྱ་ཁྱིམ་པ་བ་རྣམས་ཀྱི་ཡིད་ཆེས་ཀྱི་རྟེན་འདི་ཙམ་དུ་བརྩེ་བས་མི་གཟིགས་པ་ཡང་འགལ་བར་མི་འགྱུར་གྲང་། འོན་ཀྱང་གོང་གི་དཔར་དེ་ལ་ནི་དཔྱད་འཇོག་གི་རིན་ཐང་ཅང་མི་འདུག་གོ
ད་དུང་རྫ་ཚེ་བཀྲས་བཤད་དོན་བཞིན་ཆང་ས་བ་ཡོངས་ཀྱིས་བླ་མ་དཀོན་མཆོག་ལ་ར་མདའ་སྦྲན་ནས་གསོལ་བ་དང་སྨོན་ལམ་བཏབས་པ་ནི་བཀྲ་ཤིས་པའི་བྱེད་སྒོ་ཞིག་ལོས་ཡིན། འོན་ཀྱང་སྤྲུལ་སྐུའི་ཆང་སར་བརྒྱབ་རྗེས་ད་དུང་བླ་མ་ཡིན་མདོག་ནི་ཐལ་དྲག་ཅིང་ཤོད་མི་ཤེས་པ་ཞིག་རེད། ཆང་ས་བརྒྱབ་རྗེས་མི་སྐྱའི་བརྟུལ་ཞུགས་ཟིན་ནས་བསྡད་ན་སྐྱོན་ཆེན་པོ་ཞིག་འདོགས་རྒྱུ་མེད་པ་དངོས་ཡོད་ཡིན་པ་ཕལ་མོ་ཆེས་ཤེས།
གང་ལྟ་ངས་མིག་འཕྲུལ་བ་མིན་ན། ཁོང་གཉིས་ཤིང་གི་རྐུབ་སྟེགས་དམར་བོ་ཞིག་གི་སྒང་ལ་བསྡད་པ་ལས་ཁྲི་དེ་འདྲ་རེད་མི་འདུག ཁོ་རངགི་པ་ཀི་སུ་ཐན་གྱི་དར་ཆ་ཞིག་གྱོན་འདུག སྐྱེ་དམན་དེའི་བོད་བཟོས་སྒོ་ཡོལ་ཞིག་སྒང་ལ་གྱོན་འདུག ཉེ་འགྲམ་གྱི་རིག་གྱོན་པའི་བུད་མེད་དེ་ཚོ་གཉེན་སྟོན་རྟེན་འབྲེལ་ལ་ལྷ་མོ་ཁྲབ་མཁན་དེ་འདྲ་ཡིན་ས་རེད་ད།
འདི་དངོས་གནས་སུ་རེད།
གོང་གི་པར་འདིར་འགྲེལ་བཤད་བཟང་ངན་གང་འདྲ་ཞིག་བྱས་རུང་། དོན་དངོས་ཐོག་ཁོང་ནི་རང་གི་བྱ་སྤྱོད་བཟང་ངན་གང་འདྲ་ཞིག་བྱས་རུང་ཕྱི་གསལ་ནང་གསལ་གནང་ཐུབ་མཁན་ཀྱི་སྐྱེས་བུ་སྙིང་སྟོབས་ཅན་ཞིག་ཏུ་ངོས་འཛིན་བྱས་ན་མི་འགྲིགས་རྒྱུ་མེད། གྲྭ་སར་བཞུགས་པའི་སྐུ་ཞབས་ག་གེ་མོ་ལུས་ལ་ཆོས་གོས་རྣམ་གསུམ་གྱི་མཛེས་ཤིང་ངག་ལས་སྡེ་སྡོད་གསུམ་གྱི་གཏམ་བྱེད་ཀྱང་། ལྐོག་ཏུ་ད་དུང་ཕྲུག་གུ་ཚོའི་བརླ་བཙོག་པ་བཟོ་བཞིན་པ་ནི་སྔར་ནས་ད་བར་ཡོངས་གྲགས་རེད། སྤྱིར་བོད་ཀྱི་ཆོས་བརྒྱུད་ཆེན་པོ་བཞི་བོན་དང་བཅས་པའི་ལུགས་ལ་ཆོས་བྱེད་དགོས་ན་དངོས་སུ་གྲྭ་བས་བུ་མོ་སྤང་ཙམ་ཡིན་དགོས་ཞེས་པའི་ཁྲིམས་བཞག་མི་འདུག གོས་དམར་པོ་གྱོན་པ་ཙམ་ཀྱི་གཟན་དང་ཤམ་ཐབ་ཡིན་པས་ངེས་པ་མེད། དེས་ན་ཁོང་གི་ངོ་དེབ་ནང་ཁོང་སུ་ཡིན་པ་དང་ཅི་བྱེད་ཀྱི་ཡོད་པ་སོགས་བཀོད་གནང་བར་སྙིང་ནས་དགའ་བསུ་ཡོད།།
ད་དུང་ཁོ་དང་ཁོའི་སྐྱེས་དམན་གྱི་ཕ་རྒན་ལོ་སྔ་མ་རྒྱ་ནག་ཚང་གི་མགྲོན་འབོད་དུ་ཕྱིན་པ་མ་ཟད་བོད་ཀྱི་རྟེན་རྙིང་མང་པོ་ཞིག་ཕྱི་རྒྱལ་ལ་སྐྱེལ་འདྲེན་བྱས་པའི་ལོ་རྒྱུས་སོགས་མང་།
སྤུན་ཟླ་ཚོ། དོན་མེད་དུ་རིགས་རུས་གཅིག་པའི་མི་བུ་ཞིག་ལ་ཁ་བརྡུང་བྱེད་ནས་བསྡོད་པ་ལས། ཟིན་ཐག་འདི་ལ་བསམ་ཚུལ་དང་རོགས་རམ་རེ་བྱེད་རོགས་ཞུ། ང་ཚོ་རང་ཉིད་བོད་མི་ཞིག་ཡིན་པའི་དྲན་སྐུལ་ཡིན་ལ། ད་ལྟའི་བསམ་ཚུལ་དང་མི་རིང་བའི་འཐབ་རྩོད་ཅིག་ཡིན།
http://www.tibettimes.net/blogs.php?id=55&post_id=19183
ཀི་ལྷ་རྒྱལ་ལོ།
གླུ་ཨ་ལ་ཐ་ལ་ཐ་ལ་རེད།
ཨ་ལ་གླུ་ཡི་ལེན་ལུགས་རེད།།
ཐ་ལ་ངག་གི་འགུག་ལུགས་རེད།།
ས་འདི་ཡི་ས་ངོ་མ་ཤེས་ན།།
དུས་རབས་གསར་པའི་དྲྭ་ངོགས་རེད།།
ང་འདྲ་ང་ངོ་མ་ཤེས་ན།།
གདོང་འབུམ་པའི་ཞལ་ལུ་དཀར་པོ་ཡིན།།
ཚུར་ཉོན་དང་དྲྭ་ངོས་གྲོགས་པོ་ཚོ།།
ངོ་མཚར་བའི་ལོ་རྒྱུས་འདི་འདྲ་འདུག།
ཁོང་བླ་ཆེན་བག་སྟོན་བྱེད་ཉིན་མོ།།
དགོད་ཤོར་བའི་ལྟད་མོ་འགའ་རེ་སྣང།།
དབུས་ཤིང་ཁྲི་ནར་མོའི་ཁྲི་སྟེང་ན།།
ཆབ་སྔོན་མོའི་མདངས་ལྡན་ཟ་བེར་གསོལ།།
མགོ་དབུ་སྐྲ་སྙན་དུ་སླེབས་ཙམ་དེ།།
དཔོན་ཧུ་ཅན་ཐའོ་སྐྲ་དང་འདྲ།།
གཡས་འབོལ་གདན་བཞི་བརྩེག་ཡངས་སྟེང་ན།།
གསང་བའི་ཡུམ་ཆེན་སྣ་རིང་བཞུགས།།
དེ་འོག་འབོལ་གདན་རེ་རེ་ལ།།
མ་མཁའ་འགྲོའི་ཆས་ལྡན་གཉིས་ཀྱི་བསྐོར།།
མདའ་མོ་རྣོ་ངར་ལྔ་ཆ་ཞིག།།
དར་ཚོན་སྣ་ལྔས་བརྒྱན་པ་ཉར།།
བག་ཁང་གཙུག་ལག་ཁང་ཆེན་དེ།།
འཕེན་དར་གདུགས་རྒྱལ་མཚན་ལྷབས་ལྷུབ་གཡོ།།
ཀུན་བཟང་ཡབ་ཡུམ་ཐང་ཀ་དང་།།
ཀློང་ཆེན་རྒྱལ་བའི་མཛད་རྣམ་སོགས།།
ལོགས་སུ་བཀོད་པའི་མཆོད་རྫས་ཀྱི།།
དད་ལྡན་དང་བ་འདྲེན་པ་བཟོས།།
ཕྱོགས་བཞིར་ལྷགས་དང་གཉུག་མའི་མགྲོན།།
ཐམས་ཅད་གོས་བཟང་སྣ་ཚོགས་གྱོན།།
དར་དང་ཤོག་ཁུག་དམར་པོ་རེ།།
ཐོགས་ནས་ཟིང་ཟིང་ལང་ལོང་བྱེད།།
དེ་ལྟར་བླ་རྫུན་ཕོ་ཧྲེང་དེ།།
སྤྲེའུ་ཁམས་པའི་ཕྱོགས་སུ་སྐྱེས།།
ལ་ལས་ཨ་ཇོ་ཉི་མ་ཟེར།།
སྨྱུག་མིང་བོད་ཁམས་ཉི་མར་འབོད
མུ་འགོད་་་་་་་་་་་་་་་་་་་་་་་་་་་་
བོད་ལ་ཞེན་ལགས། ངས་བརྗོད་གཞི་བཟོས་མེད། པར་དེ་དྲ་ངོས་སུ་འཇོག་མཁན་ཀླུ་ཟེར་བ་དེ་ང་མིན། ཡིད་མི་ཆེས་ན་ཁ་བརྡའི་དྲ་བདག་ལ་དྲིས།
ད་ལྟའི་དུས་འདིར་ཡོད་ཚད་དངུལ་ལོར་ལ་ཆགས་ཞེན་ཆེ་བའི་དབང་གིས་བླ་མིང་འཛིན་པའི་རུང་སུང་བ་མི་ཉུང་བ་ཞིག་བྱི་ལ་བཞིན་ཕྱི་གླིང་བའི་སྤ྄ི་ཚོགས་སུ་མགོ་གཡུག་གཡུག་དང་མི་འཛིར་འཛིར་བྱས་ནས་ཡོང་གི་ཡོད། མི་དེ་རིགས་ལ་དོན་དམ་གྱི་ནང་བསྟན་རིག་པའི་ཤེས་བྱ་མེད་ཁར་རང་རྒྱུད་ལ་ལས་འབྲས་དང་ངོ་ཚ་སོགས་གང་ཡང་མེད་སྟབས་རང་ཉིད་བླ་མ་ག་གེ་མོ་ཞིག་གི་ཡང་སྲིད་ཡིན་ལུགས་སྣ་ཚོགས་བརྗོད་ནས་མགོ་གསེར་ཚོའི་དངུལ་ལོར་ཧམ་མཆོངས་རྒྱག་པ་མ་ཟད་མགོ་གསེར་བུ་མོ་ཚོའི་རྐུབ་ལའང་ལྕེ་ལྗགས་རྒྱག་གི་ཡོད་པ་རེད། དེ་ཙམ་དུ་མ་ཟད་མི་ངན་དེ་རིགས་ལ་དངུལ་ལོར་མི་ཉུང་ཙམ་ཐོབ་སྐབས་རྒྱ་གར་སོགས་ནས་མནའ་མ་ལེན་སྟེ་དེར་བཙུན་མོ་དང་མཁའ་འགྲོ་མ་སོགས་མདོར་ན་ངོ་ཚ་ཁྲེལ་གཞུང་མེད་པའི་ལས་ཀ་བྱེད་མཁན་ནི་ནུབ་ཕྱོགས་པའི་ས་ཆ་མི་ཉུང་བ་ཞིག་གི་ནང་འདུག་གོ མི་དེ་ཚོའི་ཚོགས་ནང་སྟོན་པ་སོགས་པའི་ནང་བསྟན་གྱི་སྐྱེས་བུ་དམ་པ་ཚོའི་སྐུ་བརྙན་གྱི་ཚབ་ཏུ་རང་ཉིད་ཀྱི་འདྲ་པར་གྱང་སྟེང་དུ་བཀལ་བ་སོགས་མདོར་ན་བསམ་ན་ཡིད་སྐྱོ་ཞིང་མཐོང་ན་ཁོང་ཁྲོ་བའི་སྣང་བརྙན་མི་ཉུང་བ་ཞིག་འདུག དེར་བརྟེན་གོང་གི་འདྲ་པར་བཞིན་ང་ཚོའི་སྤྱི་ཚཚོགས་ཀྱི་དྲི་ངན་དང་གད་སྙིགས་དེ་དག་འཐེར་འདོན་བྱ་རྒྱུ་གལ་ཆེན་ཡིན་ནོ།
དྲ་གྲོགས་ཚོ། ཁོང་ནི་སྤྲུལ་སྐུ་ཨོ་རྒྱན་ཉི་་མ་ཞུ་བ་དེ་རེད། ཁོང་ཕུང་གསུམ་པ་མ་རེད། ཕུང་གསུམ་པ་ལ་དགག་མཁན་རེད། ངས་རྣམ་གྲོལ་གླིང་གི་མཁའ་པོ་འགའ་ཡི་ཞལ་ནས་ཐོས་པ་ལྟར་ན་ཁོང་སྐུ་ཡོན་མཁས་པ་ཡོད་རེད་ཟེར། ངས་བལྟས་ན་ཡང་ཁོང་ནི་སྤྲུལ་སྐུ་ཡག་པོ་ཞིག་འདུག་བསམ་གྱི་འདུག། གང་ཡིན་ཟེར་ན་ཁོང་གིས་ཁོང་རང་གི་སེམས་ལ་གང་ཤར་བ་དེ་དྲང་པོ་དྲང་རྐྱང་གི་ཐོག་ནས་བཤད་པ་ལས་དེང་སང་གི་བླ་མ་སྤྲུལ་སྐུ་འགའ་ཞིག་ནང་བཞིན་ལུང་བསྟན་དང་མངོན་ཤེས་སོགས་བཤད་ཀྱི་མིན་འདུག། སྤྱིར་ལུང་བསྟན་དང་མངོན་ཤེས་བཤད་ཁན་ཚང་མ་བླ་མ་རྫུན་པ་ཡིན་ཟེར་གྱི་མེད་ཀྱང་། སྔོན་གྱི་བླ་མ་རྣམས་ཀྱི་རྣམ་ཐར་སོགས་མཇལ་ཚེ་ལུང་བསྟན་དང་མངོན་ཤེས་རྣམས་ནི་རང་གི་སློབ་མའི་གཙོ་བོ་འགའ་རེ་ལ་བཤད་པ་ལས་སློབ་མ་དམངས་ལ་བཤད་སྲོལ་མི་འདུག་ན་གང་བྱུང་མང་བྱུང་ཀུན་གྱིས་མཐོང་ཐོས་ཀྱི་ཡུལ་དུ་གྱུར་པའི་དྲ་བ་ཐོག་ཏུ་དགོད་མི་རུང་ལྟ་ཅི་སྨོས། དེར་བརྟེན་ཁོང་ནི་བླ་མ་སྤྲུལ་སྐུ་ཡང་པོ་ཞིག་མིན་ཀྱང་ཟོག་པོ་མིན་པ་ཁ་ཚོན་ཆོད་ནུས་པར་འདུག།
དྲ་གྲོགས་ཁ་ཤས་ཀྱིས་བླ་མས་ཆང་ས་རྒྱག་རྒྱུ་ཁོང་གིས་གསར་གཏོད་བྱས་པ་འདྲ་བའི་སྐད་ཆ་བཤད་བཞག། བླ་མ་ཆང་ས་རྒྱག་མཁན་ནི་སྔོན་ནས་ད་བར་བྱུང་དང་བྱུང་མུས་མ་རེད་པས། གཙུག་ལག་ཁང་དུ་ཆག་ས་རྒྱབ་པར་ཡང་མི་རུང་མེད་པ་མ་ཟད་ཤིན་ཏུ་ནས་རིགས་ཤིང་འཐད་པར་མཐོང་སྟེ། གང་གིས་ཕྱིར་ན་བྱ་བ་གང་བརྩམ་ན་ཡང་གཙུག་ལག་ཁང་ངམ་གནས་བཟང་པོ་རྣམས་སུ་ཕྱིན་ནས་དཀོན་མཆོག་གསུམ་ལ་གསོལ་བ་བཏབ་ནས་བརྩམ་ན་བྱ་བ་གང་བརྩམ་ཡིད་བཞིན་དུ་འགྲུབ་པའི་དགོས་པ་ཡོད་པས་སོ༎ ལྷག་པར་དུ་ཡང་ཆང་ས་ནི་ཆོས་དང་འཇིག་རྟེན་གཉིས་ཀའི་ཐད་ནས་བྱ་བ་རླབས་ཆེན་ཞིག་ཡིན་བརྟེན་དེ་འདྲའི་རྟེན་འབྲེལ་རྒྱ་ཆེན་པོའི་སྟེང་ནས་བྱེད་པ་ནི་ཤིན་ཏུ་ནས་འོས་ཤིང་འཚམས་པའོ༎
ཡག་པོ་རེད། གཉེན་སྟོན་ལྷ་ཁང་དུ་བྱས་བ་ནི་ལྷ་ལ་མཐོང་ཆེན་བྱེད་པས་རེད། ཡེ་ཤེ་ཀུན་ངེས་བར་དུ་ཡེ་ཤེས་ལྷ་ཁང་དུ་ཆང་ས་རྒྱག་དགོས།
ད་ལྟད་མོ་ལྟས་ནས་བསྡད་ཡོད་ཉིན་མང་པོའི་རིང་ཁ་བརྡ་མཇལ་རྒྱུ་མ་བྱུང་མོད་ད་བྱེད་དུས་ད་དུང་ཡང་ཁ་བརྡའི་དྲ་རྒྱ་ནི་འཁོར་འདས་ཀྱི་མེ་ལོང་ཞིག་རེད་འདུག
སྤྲུལ་སྐུ་བཟང་བརྫུ་གང་ཡིན་རུང་ལྷ་ཁང་ནང་དུ་ཆང་ས་རྒྱབ་པ་ནི་ཡེ་ཤུའི་ལུགས་སུ་ཡོད་ཀྱང་དེ་ནི་མི་རིགས་རང་རང་གི་རིག་གཞུང་སོ་སོ་ནས་ཡོད་པས་ཉ་དང་ཉུང་མ་མཉམ་བསྲེས་བྱས་ན། བོད་ཀྱི་གཏམ་དཔེར། ཞྭ་དཔེ་ལྷམ་ལ་བྱས་པ་རང་རེད།
འཁོར་འདས་གཉིས་ཀྱི་ས་མཚམས་སོ་སོ་ནས་ཡོད་པ་རེད། ལྷ་ཁང་ནི་མྱང་འདས་ཀྱི་གནས་ཤིག་དང། དེར་འཇིག་རྟེན་འཁོར་བའི་བག་སྟོན་བྱེད་པ་ནི་མི་འོས་པ་ཞིག་རེད། སྔར་དུས་སྐབས་བཟང་པོའི་སྐབས་སུ་བོད་ཀྱི་གཙང་དགོན་མང་པོ་ཞིག་གི་ནང་དུ་ཆང་སའི་བག་སྟོན་བྱེད་རྒྱ་ཕར་ཟད་རེད། བུད་མེད་དགོན་གྱི་ཐོ་ཚུན་ལ་ཡོང་མི་ཆོག་པའི་དགོན་ཁྲིམས་ཡོད་འདུག འོན་ཀྱང་དེང་སང་མི་ཚོས་གང་དྲན་བྱེད་དགོས་བསམ་ནས། ཐམས་ཅད་དུས་རབས་ཀྱི་འགྱུར་འགྲོས་ལ་བསྟུན་དགོས་ཚུལ་དང། ཡུལ་ཆུ་འཐུང་ན་ཡུལ་ཁྲིམས་ཁྱེར་དགོས་ཟེར་ནས་ཉེས་ཕར་གཡོགས་ཚུར་གཡོགས་རྐྱང་བྱེད་དེ་ནང་བསྟན་རྟགས་རྩམ་ལས་མི་ལུས་པ་བཟོ་མཁན་དེ་རིགས་རེད།
དགོན་པའི་ནང་དུ་ཆང་ས་རྒྱབ་ཆོག་ན་་་་་་་རྒྱ་ན་རོ་ཅན་གྱི་ལས་བྱས་ཀྱང་འགྲིག་གམ། འདི་འདྲ་ནི་བལ་ཡུལ་རྒྱལ་སར་ཡོད་པའི་བོད་དགོན་ཁ་ཤས་སུའང་ཆང་ས་རྒྱབ་པ་མཐོང་མྱོངས།
གང་ལྟར་པར་འདི་ཡི་ཧི་རོ་དང་ཧི་རོ་ནི་སུ་ཡིན་མིན་ང་ལ་ཤེས་རྟོགས་མེད་པས་ལེགས་ཉེས་ཀྱི་བསམ་ཚུལ་ཀྱང་དེ་བས་ཤོད་རྒྱུ་མེད།
ངོ་མ་མཆན་པོ་བརྒྱབ་འདུག ཡོངས་རྫོགས་ལྟ་ཐུབ་མ་སོང་།
ཆབ་སྲིད་ཀྱི་གླིང་གཞི་ཞིག་ཡིན་ན་འདི་ལྟར་དོན་སྣང་བྱེད་མཁན་ཨེ་ཡོད། ཁར་སང་དེ་རིང་དོན་རྐྱེན་དེ་དག་ལ་དྲ་གྲོགས་རྣམ་པའི་དགོངས་ཚུལ་ཅི་ཙམ་སྤེལ་ཡོད། ས་ཆ་ག་གེ་མོ་ཞིག་ནས་རང་ལུས་མེ་བསྲེགས་བཏང་འདུག་ཅེས་བཤད་ན་ཨ་ལེ་སྙིང་རྗེ་ཟེར་བ་ཙམ་ལས་འདི་ལྟ་བུའི་བསམ་ཚུལ་སྤེལ་མཁན་ཨེ་ཡོད། འུ་ཅག་སུ་ཡིན་ཀྱང་མི་ག་གེ་མོ་ཞིག་ལ་ངན་བཤད་ཅིག་བྱེད་དགོས་བྱུང་དུས་སྔུན་སུས་ལོན་ཁ་གང་སྔ་བྱེད་པ་འདི་ངོ་ཡ་མཚར་མི་ཆེའམ།
ང་ཚོའི་ས་གནས་འདིའི་བོད་པ་གཉེན་སྒྲིག་ཡིག་ཆ་དགོན་པ་ནས་ལེན་འདོད་མཁན་ཚོས་ཀྱང་གཉེན་སྟོན་བོད་དགོན་དུ་བྱེད་བཞིན་འདུག འདི་ལྟར་བྱེད་མི་ཆོག་ཅེས་ཆོས་ཁྲིམས་ཀྱི་བདག་པོ་སྟོན་པའི་ཞལ་ནས་གསུངས་ཡོད་ན་མ་གཏོགས་དེ་ལ་མི་འོས་པའི་རང་བཞིན་ཅི་ཡང་མཐོང་མ་སོང་། བཀྲ་ཤིས་པའི་རྟེན་འབྲེལ་ཞིག་བྱས་པ་རེད། ང་ཚོ་རྡོ་རྗེ་ཐེག་པ་བ་ཚོའི་ལྷ་ཁང་གི་ཕུག་ནས་གསང་སྔགས་ཀྱི་ལྷ་ཡབ་ཡུམ་ཚོས་ལིངྒ་བྷ་ག་སྦྱར་འདུག་ནས་ཆགས་པའི་རྣམ་འགྱུར་དྲག་པོའི་ངང་བཞུགས་ཆོག་སའི་ལྷ་ཁང་གི་ནང་དུ་སྔགས་པ་ཕོ་མོས་གཉེན་སྟོན་གྱི་ཆོ་ག་ཙམ་ཡང་གཉེར་མི་ཆོག་པའི་གཏན་ཚིགས་ཤིག་གང་ན་ཡོད། བོད་ཆོས་འདི་ཉན་ཐོས་ཐེག་དམན་སྡེ་བའི་ཆོས་ལུགས་ཡིན་ན་གོང་གི་དྲ་གྲོགས་དགག་པ་གཏོང་མཁན་དེ་ཚོར་གུ་ཡངས་ཕྲན་ཙམ་སྤྲོད་ཐུབ་མོད། ང་ཚོ་བོད་པའི་ཆོས་ལུགས་ནི་ཕོ་མོ་གཉིས་སྦྱོར་མེད་ན་བདེ་ཆེན་ལྷན་ཅིག་སྐྱེས་པའི་ཡེ་ཤེས་མི་སྐྱེ། དེ་མ་སྐྱེས་ན་འཚང་མི་རྒྱ་ཟེར་བའི་གསང་སྔགས་རྡོ་རྗེ་ཐེག་པ་ཡིན་པས་སོ།།
སྤུན་ཟླ་ཚོ། དོན་མེད་དུ་རིགས་རུས་གཅིག་པའི་མི་བུ་ཞིག་ལ་ཁ་བརྡུང་བྱེད་ནས་བསྡོད་པ་ལས། ཟིན་ཐག་འདི་ལ་བསམ་ཚུལ་དང་རོགས་རམ་རེ་བྱེད་རོགས་ཞུ། ང་ཚོ་རང་ཉིད་བོད་མི་ཞིག་ཡིན་པའི་དྲན་སྐུལ་ཡིན་ལ། ད་ལྟའི་བསམ་ཚུལ་དང་མི་རིང་བའི་འཐབ་རྩོད་ཅིག་ཡིན།
http://www.tibettimes.net/blogs.php?id=55&post_id=19183
སྤུན་ཟླ་ཚོ། གཞིས་ལུས་བོད་མི་ཚོ་འབར་བཞིན་ཡོད་པ་བརྗེད་མེད་པའི་ཡིད་ཆེས་ཡོད་ལགས།