ཟླ་བ་གསུམ་པའི་གྱེན་ལངས་ཀྱི་ས་ཁྲ།

Comments (18) on “ཟླ་བ་གསུམ་པའི་གྱེན་ལངས་ཀྱི་ས་ཁྲ།”

1. ས་བཀྲ་འདི་ཚད་ལྡན་ཞིག་ལ་་ངོས་འཛིན་མི་བྱེད། མཚོ་སྔོན་ཐེམ་ཆེན་རྫོང་འོང་སྟག་དང་། མཚོ་ལྷོ་ཆབ་ཆ། མཚོ་ལྷོ་གད་པ་སུམ་མདོ་རྫོང་། གཅན་ཚ་རྫོང་ལ་མོ་བདེ་ཆེན་སོགས་འཁོད་མི་འདུག་པས་ངོས་ལེན་མེད།

2. གཅའ་རོ་རྔ་བ་རྫོང་གི་འོག་ནས་ཡིན་རུང་། ཟུར་དུ་བཅད་དགོས་པའི་རྒྱུ་མཚན་གང་ཡིན་ནམ།

3. ཕྱི་སྡོད་བོད་པ་རྣམ་པ། ཁྱེད་ཚོས་འདི་ཙམ་ཡང་ལེགས་པོ་ཞིག་གམ་ཚད་ལྡན་ཞིག་སྒྲིག་མི་ཤེས་སམ། ཡང་ན་མི་འཇོན་ནམ། ཐེམ་ཆེན་དང་ཆབ་ཆ་དང་ཐུན་ཏེ་དང་རྐང་ཚ་སོགས་ནས་ཀྱང་ཁྲོམ་སྐོར་སོགས་བྱས་ཡོད་པ་རེད། དེ་དག་གིས་རང་སྲོག་གཏའ་མར་བཞག་ནས་ཁྲོམ་སྐོར་སོགས་བྱས་པ་རེད་པས། རབ་ཡིན་ན་གཟབ་མནན་གནང་རོགས། ཚད་ལྡན་བྱ་རོགས། སྤྱིར་འདི་འདྲའི་རིགས་ཚད་ལྡན་བཟོ་ཐུབ་ན་ཤིན་ཏུ་དགོས་གལ་ཆེ་བ་རེད། ཡིན་ཡང་ཁ་མི་ཚང་བ་འདི་འདྲ་བཟོ་བ་ལས་མ་བཟོས་ན་འགྲིག་པར་འདོད་བཞིན་ཡོད།

4. འདི་འདྲ་བསྐྲུན་པ་ཐུགས་རྗེ་ཆེ་ཞུ། སྐུ་ཞབས་བཀྲ་རྡོར་འདི་ལ་ཕྱོགས་རིས་ཀྱི་ན་ཚ་འདུག་སྨན་འཐུང་ལོ་ན་ཚ་ཚབས་ཆེན་རེད་ལྷག་ཏུ་འགོས་ནད་ཡིན་མིན་ལ་ཐེ་ཚོམ་འདུག

5. རང་བཙན་མཐུན་ཚོགས་ལ་ཐུགས་རྗེ་ཆེ་་་་་་

6. བཀྲ་རྡོར་ལགས། ངོས་ལེན་མེད་ཀྱང་རུང་། དྲི་བ་དེ་ངོས་ལེན་ཡོད་དང་མེད་ཀྱི་སྐད་ཆ་མ་རེད། སྤྲང་པོ་ལྟོགས་སྐོམ་གྱིས་མནར་བ་ཞིག་ལ་ཟས་སྦྱིན་སྐབས། སྤྲང་པོ་དེས་ཟས་ཚད་ལྡན་ཡིན་མིན་ལ་བརྟག་རྒྱུ་ཡིན་ནམ། ངོས་ལེན་ཡོད་མེད་ལ་བཤད་རྒྱུ་རེད་དམ། མེད་པ་ནས་ཡོད་པ་ཞིག་དང་། ཡོད་པ་ནས་ཚད་ལྡན་ཞིག་ལ་འགྲོ་དགོས་པ་མ་རེད་དམ།

7. འདི་འདྲ་ཞིག་ལ་གཟབ་ནན་མེད་པའི་སྐྱོན་ཡོད། ང་ཚོས་སྐྱོན་གྱི་ཕྱོགས་ནས་བལྟས་ཏེ་སྐྱོན་དེ་ཡོ་བསྲང་ཀྱི་བཟང་ཆ་དགོས། ལ་ལ་དེ་ལས་དེ་ཟློག་སྟེ་སྐྱོན་འགབ་སྲུང་བྱེད་ཀྱི་འདུག འདི་ལྟར་བྱས་ན། རྗེས་མ་བོད་ཁམས་ཀྱི་ཡུལ་གྲུ་ལ་ལ་ནས་ཅི་ཞིག་བསམ་ཡོང་། ངེད་ནས་ངེས་ལེན་ཡོད་མེད་ཀྱི་སྐད་ཆ་བཤད་པ་དེའང་། རྣག་ཐོག་ལ་ཁབ་གཙགས་ནས་སྐྱོན་དེ་ཡོ་བསྲང་ཡོང་བ་ཞིག་ལ་རེ་བ་ཡིན། མདོར་ན་ངེས་ལེན་མེད་ཅེས་པའང་ས་བཀྲ་དེ་ཆེད་དུ་ཡིན། དེ་ཚད་ལྡན་ཞིག་ཡོང་ན་བསམ་པ་ཡིན། འདི་ནས་ང་ཚོ་བུད་མེད་ཅོ་འཛིང་ལྟ་བུ་བྱེད་དགོས་དོན་མེད་ག། ༸གོང་མཆོག་གིས་ཀྱང་རྒྱུན་དུ་ང་ཚོས་སྐྱོན་གྱི་ཆ་གླེང་དགོས་ཞེས་གསུང་བཞིན་པ་མིན་ནམ།

8. མཚོ་ལྷོ་ཆབ་ཆའི་སྐད་འབོད་དེ་ཁྲིམས་འགལ་ཞིག་ལ་རྩི་གི་མི་འདུག བོད་ཀྱི་རང་དབང་དང་། ༧གོང་ས་མཆོག་གི་སྐོར་ཚིག་གཅིག་ཀྱང་མི་འདུག མ་བཀོད་ན་འགྲིག་འདུག་ལས་དགུལ་མགོ་བདེ་བོ་རེད།མཚོ་ནུབ་ཀྱི་རང་ལུས་མེ་བསྲེགས་མ་བཀོད་པ་ཡིད་ཕམ་ཡོད། གསེར་རྟའི་ནང་ནས་དཔའ་ཡང་བྱས་ཡོད་ལ།ཕྱི་སྡོད་གསེར་རྟ་ཚོས་མེར་བསྲེགས་རྫུན་མའི་གསར་འགྱུར་སྤེལ་ནས་བོད་ལ་གནོད་ཆེན་པོ་བསྐྱེལ་ཡོད་པ་དང་།
   ཞབས་འདྲེན་ལུང་པ་གང་ཞུས་ཡོད།

9. ཨོ་རེད་ཡ། ས་བཀྲ་དེ་འདྲ་ཞིག་ཐོན་དུས་བོད་མི་དངོས་མ་ཞིག་ཡིན་ཕྱིན་སེམས་ཀྱི་དགའ་ཚོར་དེ་ཤོད་ཅི་ལ་དགོས། ཡིན་ནའང་ས་བཀྲ་དེ་ནང་བོད་དུ་རང་སྲེག་གིས་གཙོས་བདེན་དོན་ཡང་ལངས་ཀྱི་ས་གནས་ཁག་༢༠༡༢ལོའི་ཟླ་༣ ཚེས་ ༣ ནས་༡༧ བར་ཡིན་སྐོར་བཀོད་འདུག་ག སོང་ཙང་ངེད་ནས་བོད་མདོ་སྨད་རྨ་ལྷོའི་ཁོངས་གཏོགས་གཅན་ཚ་དང་། མཚོ་ལྷོ་གད་པ་སུམ་མདོ་རྫོང་། མཚོ་ནུབ་ཐེམ་ཆེན་རྫོང་བོང་སྟག་སོགས་ཚུད་མི་འདུག་ཅེས་ཤོད་ཀྱི་ཡོད། འདི་ངས་ཕྱོགས་རིས་ཀྱི་སྐད་ཆ་ཞིག་རེད་དམ། འདི་ནས་གནས་ལུགས་ངོ་མ་ཞིག་ཤོད་ཀྱིན་པ་ལས་ཕྱོགས་རིས་ཤིག་གང་ན་འདུག

10. ས་བཀྲ་དེ་གང་མགྱོགས་བསྐྱར་བྱ་རོགས། དེ་མིན་ཡོད་པ་ལས་མེད་པ་དགའ།

11. གོང་ནས་དྲ་གྲོགས་བཀྲ་རྡོར་གྱིས་གསུངས་པ་བདེན། འདི་ནས་བློ་མིག་ལྡོངས་བ་འགས་རང་གིས་བྱས་པ་གཅིག་པོའི་ངོ་སོ་དགུང་ལ་དཔྱར་བཞིན་འདུག འདི་ལྟར་བྱས་ན་གོང་གསལ་ས་བཀྲ་དེ་ནང་དུ་འཁོད་པའི་ས་གནས་ཁག་གི་བོད་མི་ཚོས་ཀྱང་ས་བཀྲ་དེ་ཡག་བྱུང་ཟེར་རྒྱུ་མིན་པ་དེ་མ་བསྙེལ་བ་གནང་རོགས།

12. དགོངས་དག་བཀྲ་རྡོར་ལགས། ང་ལ་ཡང་འཛིང་རེས་བྱེད་འདོད་ཅིག་མི་འདུག ལས་ཀ་འདི་ང་ཚོ་ཚང་མའི་རེད། རེབ་གོང་གི་ངོ་རྒོལ་ཀྱང་འདི་ལ་ཐེབས་མི་འདུག དེས་ན། ང་ཚོ་ཚང་མས་རང་རང་གིས་གང་ཤེས་པ་རྣམས་མཆན་དུ་བཀོད་ན། རང་བཙན་མཐུན་ཚོགས་ཀྱིས་གཟིགས་ཀྱི་རེད། དེ་ནས་ཁོང་ཚོས་སྣོན་པ་བརྒྱག་གི་རེད། རང་བཙན་མཐུན་ཚོགས་ཀྱི་དྲ་རྒྱ་འདི་རེད། http://www.rangzen.net དེ་ལ་བསྐུར་ན་ཡང་འགྲིག་གི་རེད་བསམས་ཀྱི་འདུག

13. ངས་བསམ་བློ་བཏང་བ་ཡིན། གང་མགྱོགས་ས་བཀྲ་དེ་བསྐྱར་བཅོས་ཐུབ་ན། གཅིག་ནས་བ་བཀྲ་དེ་དགེ་མཚན་མངོན་རྒྱུ་རེད། དེ་མིན་ས་གནས་མི་དམངས་གང་མང་ཞིག་ལ་ཕོག་ཐུག་འགྲོ་རྒྱུར་ཐེ་ཚོམ་མེད། རང་གིས་ལས་ཀ་ཞིག་བྱེད་དུས་འགན་ཁུར་དགོས་པ་རེད། ཅི་ཕྱིར་གོང་གསལ་ས་གནས་ཁག་གི་སྐད་འབོད་ཡར་ལངས་དེ་བོད་ཀྱི་བདེན་དོན་ཆེད་མ་ཡིན་པ་རེད། གཅིག་བྱས་ན་ས་བཀྲ་འདིས་མདོ་སྨད་ནང་ཁུལ་དཀྲིག་ཤིང་འཕེན་གྱིན་མེད་འགྲོ། ཡང་ན་ཕྱོགས་རིས་བྱེད་ཀྱི་མེད་འགྲོ།

14. བཀྲ་ཤིས་ལགས། རེད། ང་ཚོ་ཚང་མས་དེ་ལྟར་བྱེད། ཁྱེད་ཀྱི་བསམ་ཚུལ་དང་བསམ་གཤིས་ལ་ཡི་རང་ཡོད།

15. ཐེམ་ཆེན་རྫོང་ངམ་ཡང་ན་བོང་སྟག་ཅེས་བྲིས་ན་ལེགས་སྙམ།སེང་གེ་ནི་ཞང་ཆུང་ཆུང་ཞིག་དང་དམ་ཆོས་ལགས་མེར་བསྲེག་གཏོང་ས་དེའང་སེང་གེ་ཞང་ཐོག་་མ་ཡིན་པར་བོང་སྟག་དགོན་པའི་སྐོར་ལམ་་རེད།

16. སྐབས་ཐོག་ལ་གནས་ཚུལ་མ་རག་པ་རེད་མ་གཏོགས་མེར་སྲེག་དང་ཡར་ལངས་གང་ནས་བྱུང་ཀྱང་གནས་ཚུལ་གཅིག་ཀྱང་ལུས་འདོད་ཡོད་པ་མ་རེད། འདིའི་ཐད་ལ་རང་རང་ས་ནས་འཁང་ར་བཤད་འདུག་པ་ལས་མཐུན་འགྱུར་སྤྲད་ན་འགྲིག་གི། གནས་ཚུལ་གསལ་བོ་དག་པོ་རེ་སྤྲོད་རྒྱུ་གལ་ཆེན་པོ་རེད། གནས་ཚུལ་འདིའི་རིགས་ཉི་མ་རེ་རེ་བཞིན་ས་ཆ་རེ་རེ་བཞིན་ག་ས་གང་དུ་འབྱུང་གི་ཡོད་སྟབས་ཁ་གསབ་དང་བཅས་འཐུས་ཇེ་ཚང་ལ་གཏོང་དགོས་པ་རེད།

17. ཐུགས་རྗེ་ཆེ་ལགས། སྐད་ཆ་བཤད་ན་འགན་ཁུར་དགོས། མཚོ་ལྷོ་ཆབ་ཆའི་སྐད་འབོད་ལ་ཆབ་སྲིད་ཀྱི་གནད་དོན་མེད་ན། ཁ་སང་མཚོ་ལྷོ་མི་རིགས་སློབ་འབྲིང་གི་དགེ་སློབ་ཁག་ཅིག་ཇུས་བཟུང་དགོས་དོན་མེད་ག ཁྱེད་ཀྱིས་ཤེས་མེད་ན་དུས་བབ་དྲ་ཚིགས་ལ་གཟིགས། ས་གནས་རང་ལའང་བརྩད་གཅོད་བྱས་ན་འགྲིག སྙིག་མིང་འོག་ལ་འཛུལ་ཏེ་སྐད་ཆ་འདི་འདྲ་བཤད་ན་སྡར་མའི་བྱ་སྤྱོད་རེད། འུ་ཚང་ཕན་ཐོགས་མཁན་ལས་གནོད་སྐྱེལ་མཁན་འདི་འདྲ་མ་མང་ན་མི་ཉུང་མི་ཀི

18. འཇུ་བཟུང་། མི་ཉུང་ཀི་ཞེས་པ་ཡིན། གཏགས་ནོར་ཤོར་འདུག