བསྟན་ཟླ།
དེ་སྔོན་ཞུ་དག་བྱ་བར་ཐེངས་ཁ་ཤས་ཤིག་ལ་བོས་བྱུང་ལ། ངོས་ནས་ཀྱང་མིན་མ་ལབ་པར་སོང་བ་ཡིན། དེ་བཞིན་སྔོན་ཆད་ཞུ་དག་བྱ་རྒྱུ་ཐེངས་ཁ་ཤས་ཤིག་སྤྲོད་བྱུང་ལ། ངོས་ནས་ཀྱང་མིན་མ་ལབ་པར་ཞུ་དག་བྱས་ཁུལ་བྱས་པ་ཡིན། ཡང་ད་ལྟ་ཡང་ཞུ་དག་ཅིག་བྱེད་ཁུལ་བྱེད་བཞིན་ཡོད། ཞུ་དག་འདི་ཕྱོགས་མང་པོ་ཞིག་ནས་བལྟས་ཏེ་བྱེད་དགོས་འདུག སྤྱིར་བཏང་ནས་ཞུ་དག་བྱེད་པ་འདི་ལས་སླ་བོ་ཞིག་གཏན་ནས་མ་རེད། ཡིན་ནའང་། ཞུ་དག་ནི་ཆེས་མེད་དུ་མི་རུང་བ་ཞིག་ཡིན། དཔེར་ན། ཁང་མིག་ནང་དུ་གད་འཕྱག་པ་ལྟ་བུ་འདིའང་ཞུ་དག་ཅིག་ཡིན་ཞིང་། ནམ་མཁའ་ལས་ཆར་བ་འབབ་པ་འདི་ཡང་ཞུ་དག་ཅིག་རེད་འདུག འོན་ཀྱང་། ཆེས་རྙོག་འཛིང་ཅན་དང་ཆེས་དཀའ་ཁག་ཅན་གྱི་ཞུ་དག་ནི་རང་རྟོགས་ཀྱི་ཞུ་དག་འདི་ཡིན་པ་གདོན་མི་ཟ་ཞིང་། འདི་ནི་ཆེས་མཐར་ཐུག་དང་ཆེས་བླ་ན་མེད་པའི་ཞུ་དག་དེ་ཡང་ཡིན་པར་སེམས།
ཐེངས་འདིའི་ཞུ་དག་འདི་ངའི་བརྩེ་བའི་གྲོགས་པོ་ཞིག་གིས་ང་ལ་བསྐུལ་བའི་ཞུ་དག་ཅིག་ཡིན་པས། དང་ཐོག་ངས་ཀྱང་ཅི་མི་སྙམ་པར་དང་དུ་ལེན་པ་ཡིན། ཡིན་ནའང། འདི་ལྟར་ཞུ་དག་བྱེད་བཞིན་ཡོང་དུས། ང་ལ་སེམས་གཏིང་ནས་དངངས་འཚབ་ཆེན་པོ་ཞིག་བྱུང་བ་དང་། ངའི་སྨྱུ་གུའི་རྩེ་མོ་འདི་ཡང་དངངས་འདར་གྱིས་འཁྱོག་འགྲོ དེ་ནི་ངས་ཞུ་དག་པ་ཞིག་གི་འགན་འཁྲི་དེ་ཁུར་ཐུབ་མིན་དང་། ང་ལ་ཞུ་དག་པ་ཞིག་གི་ཆ་རྐྱེན་ཚང་མིན་འདི་རེད།
དེ་ཡང་ང་ཚོས་འདི་ལྟར་བསམ་གཞིག་ཅིག་དང་འཚོལ་ཉུལ་ཞིག་བྱེད་དུས། ང་ཚོའི་མིག་སྔར་དུ་ཞུ་དག་པ་སྣ་ཚོགས་ཤིག་གི་ངོ་གདོང་ཝ་ལེར་མངོན་ཡོང་། དེ་དག་ལས་ཁ་ཅིག་ནི་གཟུགས་སུ་མ་གྲུབ་པར་ལྐོག་གྱུར་དུ་ཡོད་པ་དང། ཁ་ཅིག་ནི་གཟུགས་སུ་གྲུབ་སྟེ་མངོན་གསལ་དུའང་ཡོད། གཟུགས་སུ་མ་གྲུབ་པ་ལྐོག་གྱུར་གྱི་ཞུ་དག་པ་དེ་དག་ནི། ང་ཚོའི་རྐང་རུས་ཀྱི་གཏིང་དུ་འཐིམ་ཞིང་ཟུངས་ཁྲག་གི་རྒྱུན་དུ་རྒྱུ་བཞིན་ཡོད་ཅིང་། འདི་གཉིས་ལྟོས་གྲུབ་ཏུའང་གནས་ཡོད་ངེས། གང་ལྟར་ཀྱང་། གནས་ལུགས་འདི་ད་ལྟར་འགྲེལ་བརྗོད་བྱས་ན་བབ་ཅོལ་དང་དགོད་བྲ་བའི་གནས་ཤིག་ཏུ་གྱར་ངེས་པས། རེ་ཞིག་འདི་ལྟར་བཏང་སྙོམས་སུ་བཞག་སྟེ། ང་ཚོས་མངོན་གསལ་དུ་ཡོད་པར་གཟུགས་སུ་གྲུབ་པའི་ཞུ་དག་པ་ཞིག་གི་སྐོར་ཅུང་ཙམ་གླེང་ན།
ང་ཚོ་འཇིག་རྟེན་འདིར་ཐོག་མར་སླེབས་པ་དང་། ཕ་མ་ནི་ང་ཚོའི་ཞུ་དག་པ་དང་པོ་དེ་ཡིན་ལ། དེ་ནས་དགེ་རྒན་དང་སློབ་གྲོགས། གྲོགས་པོ་དང་དགའ་རོགས། ཁྱོ་ག་དང་ཆུང་མ་སོགས་ཡིན། དེར་བརྟེན། མདོར་བསྡུས་ན་ང་ཚོ་ནི་ཆུང་དམར་འབྱར་ནས་རྒན་ལོ་ལོན་བར་དུ་ཞུ་དག་པ་མང་པོ་ཞིག་གི་མིག་སྔར་དང་ལག་པ་ནས་བརྒྱུད་དགོས་པས། ང་ཚོ་ལོ་རྒན་སྐྲ་དཀར་གྱུར་ནས་རང་ཉིད་ཀྱི་མི་ཚེ་ལ་ཕྱི་བལྟ་ཞིག་དང་མཇུག་བསྡོམ་ཞིག་འགོད་རན་པའི་ཉིན་མོ། རང་ཉིད་དང་རང་ཉིད་ཀྱི་མི་ཚེ་དེ་ཇི་ལྟ་བུ་ཞིག་གྱུར་ཡོད་མེད་ནི། རང་ཉིད་ཀྱིས་རིམ་པ་བཞིན་བརྒྱུད་ནས་ཡོང་བའི་ཞུ་དག་པ་དེ་དག་གིས་རང་ཉིད་ལ་ཇི་ལྟར་ཞུ་དག་བྱས་ཡོད་མེད་ལ་རག་ལས་ཡོད་ཅིང་། དེ་ལས་ཡར་གཏུགས་ན་ཞུ་དག་ཇི་ལྟར་བྱ་མིན་དེ་ཡང་ཞུ་དག་པ་དེ་ཚོ་ལ་ཁོ་ན་རག་ལས་ཡོད་པས། ཞུ་དག་གི་འགན་འཁྲི་དང་ཉེས་དམིགས་ཡོངས་རྫོགས་ཀྱང་ཁོ་ཚོས་ཁུར་དགོས་པ་ནི་སྨ་ཅི་དགོས་སམ།
དེས་ན་ང་ཚོས་ནམ་རྒྱུན་ཏུ་གླེང་སློང་བྱས་པ་ལྟར། ཕ་མ་དང་དགེ་རྒན་ནི་ང་ཚོའི་ཞུ་དག་པ་གཙོ་བོར་གྱུར་ཡོད་པ་མ་ཟད། དགེ་རྒན་ནི་ང་ཚོའི་ཞུ་དག་པ་གཙོ་བོའི་ནང་ནས་ཀྱང་ཆེས་གཙོ་བོ་དེ་ཆགས་ཡོད་འདུག དེ་བས་དགེ་རྒན་ཞིག་བྱ་བ་ནི་ཇི་འདྲའི་རླབས་ཆེན་དང་གཟི་བརྗིད་ལྡན་པ་ཞིག་ཡིན་མོད་ཀྱང་། དེ་ནི་ནམ་རྒྱུན་ང་ཚོས་བསམ་པ་དང་བཤད་པ་ལྟར་ལས་མེད་དང་ཤེས་མེད་ཞིག་གིས་བྱ་ཐུབ་པ་ཞིག་གཏན་ནས་མ་རེད། དེ་ནི་དེ་འདྲའི་ལས་སླ་བོ་ཞིག་ག་ལ་ཡིན་ཏེ་གཏན་ནས་མ་རེད། དགེ་རྒན་ཞིག་བྱ་ཟེར་བ་ནི་ལྗང་མྱུག་ལྟར་གསར་དུ་འབུས་པའི་མི་ཞིག་གི་མི་ཚེ་ལ་ཞུ་དག་པ་བྱ་ཟེར་བ་ཡིན་ཞིང་། དགེ་རྒན་ཞིག་བྱ་ཟེར་བ་ནི་སྤྱི་ཚོགས་དང་མི་རིགས། རྒྱལ་ཁབ་དང་འཛམ་གླིང་གི་ཞུ་དག་པ་ཞིག་བྱ་ཟེར་བ་ཡིན་ནོ།
དེར་བརྟེན། ཞུ་དག་པ་ཞིག་བྱ་འདོད་ན་ཇི་ལྟར་ཞུ་དག་བྱེད་དགོས་མིན་དང་ཞུ་དག་གཙང་མ་ཞིག་བྱ་ཤེས་རྒྱུ་ནི། གལ་ཆེན་ནང་གི་དོན་ཆེན་དང་གནད་འགག་ནང་གི་འགག་རྩར་གྱུར་ཡོད། གང་ལྟར་ཀྱང་ད་མདོ་རྩ་དྲིལ་ན། གལ་ཏེ་རང་ཉིད་དོན་དམ་གྱི་ཞུ་དག་པ་ཞིག་ཡིན་ན་རང་ཉིད་བླ་ན་མེད་པའི་སྐྱབས་མགོན་ཞིག་ཀྱང་ཡིན། དེ་ལས་ལྡོག་སྟེ། གལ་ཏེ་རང་ཉིད་དོན་དམ་གྱི་ཞུ་དག་པ་ཞིག་མིན་བཞིན་ཞུ་དག་གི་ལས་སུ་ཞུགས་ཁུལ་བྱས་ན། དེ་ནི་རང་ཉིད་ནག་ཉེས་བསུབ་ཐབས་མེད་པའི་ལག་དམར་བ་དེར་འགྱུར་བའི་རྒྱུ་ཡིན་པ་མ་ཟད། མཐའ་ན་འཛམ་གླིང་འདི་གཏོར་བཤིག་གཏོང་མཁན་གྱི་འཇིགས་བསྐུལ་རིང་ལུགས་པ་ཞིག་ཏུའང་འགྱུར་ཉེན་ཡོད་དོ།
རེད་ལགས། ངའི་དཀའ་ངལ་དང་སེམས་ཁྲལ་ཆེ་ཤོས་དེ་ནི་དེང་སང་ང་ས་མཐའ་སྡེ་མཐར་ལྷུང་སོང་བས་ངའི་ཀུན་སྤྱོད་ལ་ཞུ་དག་བྱེད་མཁན་ཞིག་མེད་པ་དེ་ཡིན། ང་ཕ་ཡུལ་ན་ཡོད་དུས་སུ་ངས་སྐད་ཆ་བཤད་སྟངས་ཚིག་གཅིག་མ་འགྲིགས་ན་ཡང་ངའི་གཉེན་གྲོགས་ཚོས་ཞུ་དག་བྱེད་ཀྱིན་ཡོད། དེང་སང་ང་ནི་’རང་དབང་ཅན་’འབོད་པའི་མི་ཞིག་ཏུ་གྱུར་སོང་བས་ཞུ་དག་མཁན་མེད་པའི་དཀའ་ངལ་ཆེན་པོ་ཞིག་འཕྲད་ནས་བསྡད་ཡོད།
ངས་བལྟས་ན་དོལ་ཚོགས་ཀྱི་བསོད་ནམས་བླ་མས་ཚོས་མི་ཁ་བདེ་པོ་དེ་ཚོར་ཡང་ཞུ་དག་གཏོང་མཁན་ཞིག་དགོས་ཀྱི་འདུག ཁོང་ཚོས་རྩ་བ་ནས་མ་ཤེས་པའི་གནས་ཚུལ་གསུམ་འདུག
དང་པོ། མི་རིགས་དང་བླ་མར་ཐུག་དུས་བོད་པ་ཚོས་ཅི་ཡང་བློས་གཏོང་ཐུབ། དཔེ་མཚོན་བོད་ནང་ལ་མི་ག་ཚོད་མེར་བསྲེགས་བྱས་སོང་།
གཉིས་པ། རྒྱལ་བ་རིན་པོ་ཆེར་ཐུབ་ཚོད་འགྲོ་ཨེ་ཐུབ་ལྟ་བ་འདི་ལ་དོལ་ཚོགས་ཚོས་བོད་པ་རྒྱུས་མངའ་རྩ་བ་ནས་མེད་པའི་རྟགས་བསྟན་སོང་། རྒྱ་ནག་གཞུང་གིས་རྒྱལ་བ་རིན་པོ་ཆེར་ཁ་གཏད་ལོ་དྲུག་བཅུ་ལངས་སོང་། ད་དུང་གནས་ཚུལ་ཇེ་སྡུག་ཇེ་སྡུག་རེད།
གསུམ་པ། ཨ་རིའི་ནང་ལ་བསླེབས་པ་དེས་འཁོར་བ་ནས་མཐར་སོང་བསམ་ན་ནོར་གྱི་འདུག
༡ སྤོབས་པ་མཐའ་ཡས་ལགས། ཁྱོད་ལ་ཞུ་དག་པ་མེད་པ་མ་རེད། ཁྱོད་ལ་ཞུ་དག་པ་ཡོད། ཁྱོད་ལ་དངོས་ཤུགས་བརྒྱུད་གསུམ་གྱི་ཞུ་དག་པ་ཡོད། དཔེར་ན། ཁྱོད་ཀྱིས་ལས་བཟང་པོ་ཞིག་བྱས་ན་ཐེར་མོ་ཀེར་བ་དང་། ལས་ངན་པ་ཞིག་བྱས་ན་སྡིགས་དམོད་དང་སྐྱོན་བརྗོད་བྱེད་མཁན་ཁྱོད་ཀྱི་ཉེ་འཁོར་ས་མཐའ་སྡེ་མཐར་འཚོ་བའི་མི་བུ་དེ་དག་ནི་ཁྱོད་ཀྱི་ཞུ་དག་པ་ཡིན་ཞིང་། ཁྱོད་ཀྱི་བསམ་བློའི་གཏིང་རིམ་ན་འཐིམ་ཟིམ་པའི་རིག་གཞུང་ངེས་ཅན་དེ་དང་གོམས་སྲོལ་ངེས་ཅན་དེ་དག་ཀྱང་ཁྱོད་ཀྱི་ཞུ་དག་པ་གྱུར་ཡོད། དེ་བས། གལ་སྲིད་ཁྱོད་ཀྱིས་ཟེར་བ་ལྟར་ད་སྐབས་ཁྱོད་ཞུ་དག་རང་དབང་ཅན་གྱི་མི་བུ་ཞིག་ཏུ་གྱུར་ནས་ཡོད་ན། དེ་ནི་ཁྱོད་ཀྱི་ཞུ་དག་པས་ཁྱོད་ལ་ཞུ་དག་བྱེད་སྟངས་ཤིག་ལས་ཁྱོད་ལ་ཞུ་དག་པ་མེད་གཏན་ནས་མ་ཡིན།
༢ བསམ་ཤེས་ལགས། ཁྱོད་ཀྱིས་གསུང་བ་བདེན་པ་རེད། འདིར་ཞུ་དག་པ་ཞེས་པ་གཙོ་བོ་སློབ་གསོ་བར་གོ་ནས་བཤད་ཀྱིན་ཡོད། དེ་བས་དེང་སྐབས་མི་རིགས་ཀྱི་བརླ་ཚོང་བ་དང་ཞབས་འདྲེན་པ་དོལ་ཚོགས་འདི་ཡང་གཙོ་བོ་སློབ་གསོ་བས་ཕོངས་ནས་བྱུང་ཡོད་དེ། གསལ་ཁ་བསྟན་ན་འདི་དང་འབྲེལ་བའི་སློབ་གསོ་བར་གྱུར་པའི་དགེ་རྒན་དང་བླ་མ། བརྒྱུད་པའི་བླ་མ་བཅས་ལ་བརྟེན་ནས་དེ་རིང་གི་འཁྲུག་ཟིང་འདི་བྱུང་ཡོད། དེར་བརྟེན། དོལ་ཚོགས་རྩ་མེད་བཟོ་བ་ལའང་། ཞུ་དག་པ༼སློབ་གསོ་བ༽ལ་བརྟེན་དགོས་པ་སྨྲས་མེད་རེད།
བསྟན་ཟླ་ལགས་ཞུ་དག་པར་ཞུ་དག་ཞིག་བྱེད་འདོད་ཤར་སོང་། རྣ་བར་མི་འགྲོ་ན། ཞུ་དག་བྱོས་ཤོག།
ཆུང་(དམར་འབྱར་)ནས་རྒན་ལོ་ལོན།
དམར་འབྱར་ཟེར་བའི་བོད་སྐད་ཞིག་མདོ་དབུས་མཐོ་སྒང་གི་ཨ་མྱེས་ཚོའི་ངག་སྒོ་ན་མེད་པས། ཅི་ཞིག་ཡིན་པ་ག་ལ་ཤེས། ཡིན་ན་ཡང་འདི་འདྲ་ཞིག་ཟེར་གིན་མེད་འགྲོ་བསམ།
(ཆུང་མ་འབྱར)། (ཆུང་དམར་རྗེན)་ཟེར་ཚུལ་གྱི་སྐད་ཆའི་འགྲོས་ཞིག་དང་གོ་དོན་ཞིག་ཡོད་པ་ལས། དམར་ལ་འབྱར་བའི་བྱིས་བ་ཞིག་ཡོད་པ་རིག་ལ་མ་མྱོང་ལ། གོ་ཡང་མ་མྱོང་པས། ཁ་ཁ་རོག་ལ་འདུག་མ་ཐུབ་ཐལ།
གནམ་ལགས་ཕེབས་པར་དགའ་བསུ་ཞུ། བདེན་པ་རེད། ངས་ང་རང་གི་ཡུལ་སྐད་ཀྱི་སྒྲ་གདངས་ལ་གཞིས་ནས་”དམར་འབྱར”(མ་འབྱར)ཞེས་བྲིས་པ་འདི་ནོར་འདུག འདི་ནི་རྣ་བར་མི་འགྲོ་བ་དང་སེམས་ལ་ཕོག་དགོས་པ་དེ་འདྲ་ཞིག་གཏན་ནས་མ་རེད། འདི་ལྟ་བུའི་ནོར་འཁྲུལ་ཆུང་ཙམ་ཞིག་ཡང་ངོས་ལེན་བྱས་མ་ཐུབ་ན། ངས་འདི་ན་ཞུ་དག་པ་གླེང་ཡང་སྲིད་ཀྱི་མ་རེད་ལ་གླེང་ཡང་དགོད་བྲོ་བ་ཞིག་མ་རེད་དམ། དེ་བས་གནས་ལུགས་འདི་ནི་ངས་ཞུ་དག་པ་ཞེས་གླེང་བའི་དོན་གྱི་སྙིང་བོ་དེ་ཡང་ཡིན་པས། ངས་དགའ་ཞིང་དང་བའི་ངང་ནས་ཁྱོད་ཀྱིས་ཞུ་དག་ཡང་དག་འདི་ངོས་ལེན་བྱས་པ་མ་ཟད། ད་དུང་སྙིང་ཐག་པ་ནས་ཐུགས་རྗེ་ཆེ་ཞུ། མཐའ་མཇུག་བཀའ་འདྲི་ཞིག་ཞུ་རྒྱུ་ལ། བོད་ཀྱི་བརྡ་སྤྲོད་དང་ནམ་རྒྱན་གྱི་འབྲི་སྲོལ་ལྟར་བཤད་ན། རྗེས་འཇུག་ག་ཡིག་གི་རྗེས་སུ་ཤེད་འབྲི་སྲོལ་མེད་ཅིང་། ཚིག་ཕྲད་ཞིང་སོགས་ལས། རྗེས་འཇུག་ག་དའི་རྗེས་སུ་”ཅིག་”འཐོབ་པ་དང་། རྗེས་འཇུག་ས་ཡིག་གི་རྗེས་སུ་”ཤིག” ཞེས་འཐོབ་མོད། ཡིན་ནའང་། སྐུ་ཉིད་ཀྱིས་ཞུ་དག་བྱོས་ཤོག་ཞེས་ཟེར་ནས་”ཤོག་”གི་རྗེས་འཇུག་ག་ཡིག་གི་རྗེས་སུ་”ཤད་”བྲིས་ཤིང་། དེ་བཞིན་ཞུ་དག་”ཞིག”་བྱེད་འདོད་ཤར་སོང་། ཞེས་རྗེས་འཇུག་གའི་རྗེས་སུ་”ཞིག་”བྲིས་པ་དང་། བོད་སྐད་”ཞིག་”ཅེས་རྗེས་འཇུག་དའི་རྗེས་”ཞིག”བྲིས་འདུག་ལ། འགྲོས་”ཞིག་”ཅེས་རྗེས་འཇུག་སའི་རྗེས་སུ་”ཞིག”ཅེས་བྲིས་འདུག་པའདི་དག་ཀྱང་མདོ་དབུས་ཁམས་སུ་གང་ཡང་དར་བ་མཐོང་ཐོས་མ་བྱུང་བས། སྐུ་ཉིད་ནས་ལན་ཞིག་ཅིས་ཀྱང་གནང་བར་འཚལ།
གནམ་ལགས་ཕེབས་པར་དགའ་བསུ་ཞུ། བདེན་པ་རེད། ངས་ང་རང་གི་ཡུལ་སྐད་ཀྱི་སྒྲ་གདངས་ལ་གཞིས་ནས་”དམར་འབྱར”(མ་འབྱར)ཞེས་བྲིས་པ་འདི་ནོར་འདུག འདི་ནི་རྣ་བར་མི་འགྲོ་བ་དང་སེམས་ལ་ཕོག་དགོས་པ་དེ་འདྲ་ཞིག་གཏན་ནས་མ་རེད། འདི་ལྟ་བུའི་ནོར་འཁྲུལ་ཆུང་ཙམ་ཞིག་ཡང་ངོས་ལེན་བྱས་མ་ཐུབ་ན། ངས་འདི་ན་ཞུ་དག་པ་གླེང་ཡང་སྲིད་ཀྱི་མ་རེད་ལ་གླེང་ཡང་དགོད་བྲོ་བ་ཞིག་མ་རེད་དམ། དེ་བས་གནས་ལུགས་འདི་ནི་ངས་ཞུ་དག་པ་ཞེས་གླེང་བའི་དོན་གྱི་སྙིང་བོ་དེ་ཡང་ཡིན་པས། ངས་དགའ་ཞིང་དང་བའི་ངང་ནས་ཁྱོད་ཀྱིས་ཞུ་དག་ཡང་དག་འདི་ངོས་ལེན་བྱས་པ་མ་ཟད། ད་དུང་སྙིང་ཐག་པ་ནས་ཐུགས་རྗེ་ཆེ་ཞུ། མཐའ་མཇུག་བཀའ་འདྲི་ཞིག་ཞུ་རྒྱུ་ལ། བོད་ཀྱི་བརྡ་སྤྲོད་དང་ནམ་རྒྱན་གྱི་འབྲི་སྲོལ་ལྟར་བཤད་ན། རྗེས་འཇུག་ག་ཡིག་གི་རྗེས་སུ་ཤེད་འབྲི་སྲོལ་མེད་ཅིང་། ཚིག་ཕྲད་ཞིང་སོགས་ལས། རྗེས་འཇུག་ག་དའི་རྗེས་སུ་”ཅིག་”འཐོབ་པ་དང་། རྗེས་འཇུག་ས་ཡིག་གི་རྗེས་སུ་”ཤིག” ཞེས་འཐོབ་མོད། ཡིན་ནའང་། སྐུ་ཉིད་ཀྱིས་ཞུ་དག་བྱོས་ཤོག་ཞེས་ཟེར་ནས་”ཤོག་”གི་རྗེས་འཇུག་ག་ཡིག་གི་རྗེས་སུ་”ཤད་”བྲིས་ཤིང་། དེ་བཞིན་ཞུ་དག་”ཞིག”་བྱེད་འདོད་ཤར་སོང་། ཞེས་རྗེས་འཇུག་གའི་རྗེས་སུ་”ཞིག་”བྲིས་པ་དང་། བོད་སྐད་”ཞིག་”ཅེས་རྗེས་འཇུག་དའི་རྗེས་”ཞིག”བྲིས་འདུག་ལ། འགྲོས་”ཞིག་”ཅེས་རྗེས་འཇུག་སའི་རྗེས་སུ་”ཞིག”ཅེས་བྲིས་འདུག་པའདི་དག་ཀྱང་མདོ་དབུས་ཁམས་སུ་གང་ཡང་དར་བ་མཐོང་ཐོས་མ་བྱུང་བས། སྐུ་ཉིད་ནས་ལན་ཞིགཅིས་ཀྱང་་གནང་བར་འཚལ།
བྱོས་དང་ཤོག་མཉམ་དུ་བསྡོངས་བ་ནི་གལ་བོ་ཆེ་ལ་ནན་ཏན་གྱིས་བསྐུལ་བ་བྱོས་བ་ཙམ་ཡིན། ཤད་དེ་ཡོད་མེད་ཀྱིས་གོ་ལོག་བརྡ་ལོག་སྟེར་བའི་བརྡ་དོན་ཞིག་མི་འདུག་བསམ། མིག་ལ་ག་རེ་མཛེས་བ་ཞིག་ལས་གལ་ཆེན་པོ་རང་མ་མཐོང་།
ངག་རྒྱུན་ན་ཞིག་དང་ཟིག་ཟེར་བ་འདི་ཚོ་ཕྲད་རང་དབང་ཅན་ལྟར་རྒྱུག་ཆ་མཉམ་དང་འཇུག་ཆ་མཉམ་ཡིན་པས་དེ་ལྟར་བྲིས་བ་ཡིན། ཡིག་ཐོག་གི་བརྡ་སྤྲོད་དང་ཅུང་མི་མཐུན་པ་བདེན་པ་རེད། ཡིན་ན་ཡང་། ངས་ནི་བོད་སྐད་ལས་བོད་ཡིག་ཡག་པོ་མི་ཤེས་བས། གུ་ཡངས་ཟིག་གཏོང་རོགས་གནོངས། ཧ་ཧ་ཧ། མདོ་དབུས་ཁམས་གསུམ་ན་སྐད་གདངས་དང་སྐད་འགྲོས་འདི་འདྲ་མེད་ཟེར་ན། ཁྱོད་རང་མཚོ་གླིང་ནས་འཚར་བའི་བུ་རྒོད་ཤེས་ལྡན་པ་ཞིག་ཡིན་ཚོད་རེད། ཧ་ཧ་ཧ།
༼གནམ་ལགས་ཕེབས་པར་དགའ་བསུ་ཞུ། བདེན་པ་རེད། ངས་ང་རང་གི་ཡུལ་སྐད་ཀྱི་སྒྲ་གདངས་ལ་(གཞིས་ནས) ༼གཞིགས་ནས་༽་”དམར་འབྱར”(མ་འབྱར)ཞེས་བྲིས་པ་འདི་ནོར་འདུག འདི་ནི་རྣ་བར་མི་འགྲོ་བ་དང་སེམས་ལ་ཕོག་དགོས་པ་དེ་འདྲ་ཞིག་གཏན་ནས་མ་རེད། འདི་ལྟ་བུའི་ནོར་འཁྲུལ་ཆུང་ཙམ་ཞིག་ཡང་ངོས་ལེན་(བྱས)་༼བྱེད༽མ་ཐུབ་ན། ངས་འདི་ན་ཞུ་དག་པ་གླེང་ཡང་སྲིད་ཀྱི་མ་རེད་ལ་གླེང་ཡང་དགོད་བྲོ་བ་ཞིག་མ་རེད་དམ། དེ་བས་གནས་ལུགས་འདི་ནི་ངས་ཞུ་དག་པ་ཞེས་གླེང་བའི་དོན་གྱི་སྙིང་བོ་དེ་ཡང་ཡིན་པས། ངས་དགའ་ཞིང་དང་བའི་ངང་ནས་ཁྱོད་ཀྱིས་ཞུ་དག་ཡང་དག་འདི་ངོས་ལེན་བྱས་པ་མ་ཟད། ད་དུང་སྙིང་ཐག་པ་ནས་ཐུགས་རྗེ་ཆེ་ཞུ། མཐའ་མཇུག་བཀའ་འདྲི་ཞིག་ཞུ་རྒྱུ་ལ། བོད་ཀྱི་བརྡ་སྤྲོད་དང་ནམ་(རྒྱན་)༼རྒྱུན༽གྱི་འབྲི་སྲོལ་ལྟར་བཤད་ན། རྗེས་འཇུག་ག་ཡིག་གི་རྗེས་སུ་(ཤེད)༼ཤད༽་འབྲི་སྲོལ་མེད་ཅིང་། ཚིག་ཕྲད་ཞིང་སོགས་ལས། རྗེས་འཇུག་ག་དའི་རྗེས་སུ་”ཅིག་”འཐོབ་པ་དང་། རྗེས་འཇུག་ས་ཡིག་གི་རྗེས་སུ་”ཤིག” ཞེས་འཐོབ་མོད། ཡིན་ནའང་། སྐུ་ཉིད་ཀྱིས་ཞུ་དག་བྱོས་ཤོག་ཞེས་ཟེར་ནས་”ཤོག་”གི་རྗེས་འཇུག་ག་ཡིག་གི་རྗེས་སུ་”ཤད་”བྲིས་ཤིང་། དེ་བཞིན་ཞུ་དག་”ཞིག”་བྱེད་འདོད་ཤར་སོང་། ཞེས་རྗེས་འཇུག་གའི་རྗེས་སུ་”ཞིག་”བྲིས་པ་དང་། བོད་སྐད་”ཞིག་”ཅེས་རྗེས་འཇུག་དའི་རྗེས་”ཞིག”བྲིས་འདུག་ལ། འགྲོས་”ཞིག་”ཅེས་རྗེས་འཇུག་སའི་རྗེས་སུ་”ཞིག”ཅེས་བྲིས་འདུག་པའདི་དག་ཀྱང་མདོ་དབུས་ཁམས་སུ་གང་ཡང་དར་བ་མཐོང་ཐོས་མ་བྱུང་བས། སྐུ་ཉིད་ནས་ལན་ཞིགཅིས་ཀྱང་་གནང་བར་འཚལ།༽