Skip to content
  • མདུན་ངོས།
  • བསམ་ཚུལ།
  • འགྱུར་རྩོམ།
  • དཔྱད་རྩོམ།
  • གསར་འགྱུར།
  • བརྙན་ཐུང་།
  • རྩོམ་རིག
  • སྣ་ཚོགས།
  • ཁ་བརྡའི་དམིགས་ཡུལ།

ཞི་བདེའི་དེད་དཔོན།

Posted on 2012-09-012012-09-01 By ཁ་བརྡ་ 9 Comments on ཞི་བདེའི་དེད་དཔོན།

བྱམས་པ་ལྷུན་གྲུབ།

རྣམ་བཀྲ་དཀྱེལ་ཡངས་ཤེས་བྱའི་དཀྱིལ་འཁོར་ཀུན།།
ཆགས་ཐོགས་མི་མངའ་ཇི་ལྟར་མཁྱེན་པའི་དཔལ།།
ཡེ་ཤེས་སྤྱན་ལྡན་གངས་ཅན་མགོན་པོ་ཁྱེད།།
མཇལ་བའི་མོད་ལ་བདག་སོགས་གདུལ་བྱའི་ཚོཊ།།
དགའ་དང་དད་པས་ལུས་སེམས་རབ་ཏུ་མྱོས།།
ཟབ་གསལ་ཆད་མེད་འགག་མེད་ཁྱོད་ཀྱི་གསུང་།།
ཡང་ཡང་ཐོས་པས་སྐལ་ལྡན་གདུལ་བྱ་རྣམས།།
འཁོར་བའི་བཙོན་དུ་ཚུད་བྱེད་དུག་གསུམ་ལ།།
རྒྱབ་ཏུ་ཕྱོགས་པའི་བློ་བཟང་བཅོས་མིན་སྐྱེས།།
ལས་འབྲས་མི་བརྩི་ཆོས་ལ་རྒྱབ་ཕྱོགས་པའི།།
ལས་ངན་གདུལ་དཀའ་ཕྱི་ནང་སྐྱེ་མང་པོ།།
གང་གིས་མི་དོ་ཁྱོད་ཀྱི་ཚད་མའི་གསུང་།།
ཐོས་པས་སྒོ་གསུམ་དུལ་བ་ངོ་མཚར་ཆེ།།
འཇིག་རྟེན་ཀུན་གྲཊ་ཚན་རིག་མཁན་པོ་རྣམས།།
ཕྱི་དངོས་རགས་པར་དཔྱད་ལ་མཁས་ན་ཡང་།།
དོན་དམ་སེམས་དང་ཤེས་པར་བརྟག་པའི་དུས།
ཁེངས་པ་བསྐྱུངས་ཏེ་ཁྱེད་ལ་སྐྱབས་སུ་བཅོལ།།
དཔུང་སྟོབས་འབྱོར་གསུམ་གོ་ལའི་རྩེར་སོན་པའི།།
རྒྱལ་ཁམས་ཀུན་གྱི་འཇིགས་པར་ལྟ་བ་ཡི།།
དགྲ་ངན་དཔུང་ཚོཊ་དམར་པོའི་དཔོན་ཡིན་ཡང་།།
ཁྱེད་ཀྱི་སྙིང་རྗེའི་མཚན་ལ་ཆེས་ཆེར་འཇིགས།།
འཇིག་རྟེན་རྡུལ་ཕྲན་མཚོན་ཆའི་དུས་ངན་འདིར།།
རྒྱལ་རྣམས་ཕན་ཚུན་ཕྲག་དོག་མེ་འབར་ཞིང་།།
དམག་འཁྲུག་མུ་གེའི་འཇིགས་པའི་ཉེན་ཆེ་བ།།
ཁྱེད་གསུང་ཆབ་ཀྱིས་ཞི་མཛད་ཨེ་མ་རྨད།།
རང་རང་ལྟ་གྲུབ་མཆོག་འཛིན་ཕྱོཊ་ལྷུང་དང་།།
གཞན་གྱི་དེ་ལ་མི་དགའ་ཕྲག་དོག་སོགས།།
ཆོས་ལུགས་དབར་གྱི་མི་མཐུན་བློ་ངན་རྣམས།།
རྩད་ནས་ཞི་མཛད་ཁྱེད་གསུང་མི་མཚར་སུ།།
མཐོ་དམན་མི་དང་མི་མིན་འགྲོ་རྣམས་ལ།།
ཉེ་རིང་མི་མངའ་བཅོས་མིན་སྙིང་རྗེ་ངང་།།
མི་ཕྱེད་བརྩེ་བས་མ་གཅིག་བུ་ལ་ལྟར།།
ལྷད་མེད་བྱམས་དང་སྙིང་རྗེས་སྐྱོང་མཛད་དེ།།
སྡུག་ཀུན་ཉེར་ཞི་ཐར་པའི་ལམ་སྟོན་པའི།།
ཨེ་མ་རྨད་བྱུང་ཐབས་མཁས་མགོན་ཁྱེད་ཀྱི།།
ཇི་སྙེད་ཐུཊ་དགོངས་མ་ལུས་ལྷུན་འགྲུབ་ཅིང་།།
གསང་གསུམ་མཛད་པ་ཕྱོགས་ཀུན་རྒྱས་པ་དང་།།
སྐུ་ཚེ་མི་ཤིགས་བསྐལ་བརྒྱར་བརྟན་པར་ཤོག།
དེ་སྔོན་བྲིས་ཟིན་པའི་རྩོམ་ཡིག་ཅིག་ལ་འཕྲི་སྣོན་ཅུང་བགྱིས་ཏེ་སྤྱི་ལོ་༢༠༡༢་༩་༡དགོང་མོར་བྲིས།

རྩོམ་རིག

Post navigation

Previous Post: མང་གཙོའི་དུས་ཆེན་དབུས་བརྙེས་ནས་མི་ལོ་ང་གཅིག་འཁོར་བའི་དྲན་གསོ།
Next Post: གར་ཞ་མཁའ་འགྲོ་གླིང་།

Comments (9) on “ཞི་བདེའི་དེད་དཔོན།”

  1. མིག་བརྒྱད་པ། says:
    2012-09-01 at 11:37 pm

    སྐྱོན་གྱིས་མ་གོས་སྤྱན་རས་གཟིགས་དབང་ཉིད།།
    སྟོང་གསུམ་མེ་ཡིས་བཀང་བར་བྱས་གྱུར་ཀྱང་།།
    ཁྱེད་ཀྱི་རྣམ་པ་གཞན་དུ་འགྱུར་མེད་པས།།
    གསེར་ལྟར་ལྷམ་མེར་ལྷན་ནེར་གོང་ས་མཆོག།

    དེང་སང་སྐྱེས་བུ་ངན་པ་སྲང་མདའ་བཞིན།།
    ཅུང་ཟད་ཙམ་གྱིས་འགྱུར་བ་ཡོམ་ཡོམ་གཡོ།།
    འཇིག་རྟེན་འདི་ན་མི་འགྱུར་ལྷུན་པོ་ནི།།
    སྐྱ་ཆད་སྔོ་སྡུག་ཁྲོད་ཀྱི་གོང་ས་མཆོག།

    གཞན་གྱི་བཙན་དབང་སྟོབས་ཤུགས་ཆེ་ན་ཡང་།།
    རང་གི་དེ་ཉིད་ནམ་ཡང་མི་འགྱུར་བའི།།
    བདེན་པ་སྲོག་ལ་བབས་ཀྱང་མི་འདོར་བའི།།
    མགོན་པོ་ཁྱེད་ཀྱི་རྗེས་འཇུག་མང་དུ་བདོག།

  2. བསོད་ནམས་བྱང་ཆུབ། says:
    2012-09-02 at 12:26 am

    ཀ་ནས་དག་པའི་གནས་ལུགས་གསལ་མཛད་དེ།།
    ཁ་བ་ཅན་གྱི་འགྲོ་ཀུན་བུ་ལྟར་སྐྱོང་།།
    ག་རུ་ལྷགས་ཀྱང་འཚེ་མེད་ལམ་སྟོན་པ།།
    ང་ཅག་རྣམས་ཀྱི་མགོན་སྐྱབས་དེ་ལ་འདུད།།

  3. ཅོག་རོང་གི་མྱི says:
    2012-09-02 at 1:01 am

    ཨ་རོགས་ཚོ།
    བསྟོད་པ་འདི་ལྟར་བྲིས་ནི་མ་རེད་ད།་མུ་མཐུད་ནས་འདི་ལྟར་བྲིས་ན་བོད་ཀྱི་བསྟོད་པའི་སྙན་དངགས་འབྲི་སྲོལ་འཇིག་རྒྱུ་རེད།ངོ་རེ་ཚ་ཡིད་རེ་སྐྱོ།

  4. བྱམས་པ་ལྷུན་གྲུབ། says:
    2012-09-02 at 1:17 am

    འདི་ལྟར་མ་བྲིས་ན་ཁྱོད་ཀྱིས་གཅིག་བྲིས་དང་ངས་ལྟ་ཆོག

  5. བྱམས་པ་ལྷུན་གྲུབ། says:
    2012-09-02 at 1:22 am

    བྲིས་ནི་མ་རེད་ཡོད་ནི་མ་རེད་སོགས།།
    ལུང་ཚན་བྱེ་བྲག་ཅིག་གི་ཁ་སྐད་རྣམས།།
    རང་སྣང་གང་ཤར་གང་བྱུང་བྲིས་པ་ན།།
    ད་གཟོད་སྤྱི་སྐད་ཉམས་པའི་རྒྱུར་འགྱུར་བས།།
    མ་འོངས་འདི་འདྲ་གཏན་ནས་མ་བྲིས་ཞེས།།
    གདོང་དམར་བོད་ཕྲུག་ང་ཡིས་ཞུ་བ་ཕུལ།།

  6. གནམ says:
    2012-09-02 at 1:30 am

    བསྟོད་པ་ལ་འབྲི་སྟངས་ཞིག་ཡོད་ན་ཅིག་བྲིས་དང། གོང་གི་རྩོམ་དེའི་བརྗོད་བྱ་གཅིག་པ་ཡིན་པ་ཞིག་སྤེལ་དང་ཕན་པོ་ཡོད་ས་རེད། བསྟོད་པ་འབྲི་ལུགས་གཉིས་གཤིབ་ན་དེ་ནས་ང་ཚོ་ལ་བློ་སྐྱེད་ཞིག་སྟེར་ངེས་རེད། དེ་མིན་ཡག་པོ་འདྲ་ཞིག་འདུག་བསམ་སོང་ཡང་ཁྱེད་ཀྱི་མཆན་བུ་འདི་བཀླགས་ནས་ཡིད་ཁ་གཞན་ཞིག་ཕྱེ་སོང་ན་ཅོག་རོང་གི་མྱི་ཁྱོས་རེ་སྐོང་ཞིག་ཡོད་པར་ཞུ།

  7. གནམ says:
    2012-09-02 at 1:41 am

    གནའ་སྐད་དྭངས་མ་ཅན་གྱི་ནི་སྒྲ་ལ།།
    ལུང་སྐད་ལོག་སྐད་ཟེར་བའི་མཐོང་ཆུང་ཞིག།
    ཆོས་བ་ཁྱེད་ཚོས་དེ་ལྟར་མི་གནང་བར།།
    གོ་ཤེས་འབྲི་སྤོབས་ཡོད་པའི་ཡར་ཞུ་ཡོད།

  8. སྐྱུ་རྩི་ནས། says:
    2012-09-02 at 6:08 am

    བསོད་ཟད་གདོང་དམར་བོད་པའི་མགོན་དང་༧སྐྱབས།
    ཡངས་པའི་འཛམ་གླིང་ཀུན་གྱི་ཞི་བདེའི་མགོན།
    རིས་མེད་ཆོས་ལུགས་གཅིག་བསྒྲིལ་བྱམས་བརྩེའི་ལམ།
    འགྲོ་ལ་གཅིག་ཏུ་སྟོན་མཛད་མགོན་པོ་ཉིད།

  9. ཅོག་རོང་གི་མྱི says:
    2012-09-02 at 12:23 pm

    མ་སྐུལ་བར་མི་བྱའོ་ཟེར་ནི་རེད་མོད་ཁྱེད་ཅག་གིས་སྐྱོན་བརྗོད་པའི་ཚུལ་དུ་བསྐུལ་ན་ངས་མེ་ལོང་མའི་རྒྱན་གྱི་ཡ་གྱལ་ལྟར་ཚིག་བཅད་ཞིག་དུས་དང་མཐུན་པར་འབྲི།
    སུ་ཡི་དོན་དུ་ལོ་རྒན་གཅིག་གི་ནང་ནས་འབུམ་ཕྲག་བཅུ་ཡི་བོད་མི་ལྔ་བའི་ལམ་དུ་ཕྱིན་ཞིངཉེ་བའི་ལོ་གསུམ་ང་གཅིག་གསོན་པར་བསྲེགས་པ་དེ་ཡང་སུ་ཆེད་དུ་བྱས།
    སུ་ཞིག་འཇིག་རྟེན་སྒྲོན་མར་རང་གཞན་ཀུན་གྱིས་སྐྱབས་དང་མགོན་ལ་བཀུར་བ་དེས་ཡང་རང་དང་གཞན་ནི་་བསྐྱབས་པར་མ་ནུས་མི་ཡུལ་ལུང་བར་འཁྱམ་པ་དེ་ཡང་སུ།
    སུ་ལ་ད་ལྟའི་འཁོར་ལོ་བསྒྱུར་བ་དག་གིས་གུས་པའི་ཕྱག་སོར་ཆོ་ལོ་ཕུལ་ལོ་བསྟོད་དོ་ཨོ་བྷ་མ་ཡི་ལྟག་སྒོ་གང་ལ་གད་སྙིགས་སྤུངས་བ་བརྒྱུད་ནས་ཉེ་བར་བཅར་ཞིང་ཁ་གསག་སྨྲ་མཁན་སུ།
    འདི་འདྲའི་ལམ་གྱི་སྟོན་པ་དབང་ཆེན་གསེར་གྱི་ས་གཞི་འདི་ལ་མ་བྱོན་མི་འབྱོན་འབྲས་བུ་རྫོགས་པའི་སངས་རྒྱས་མ་འཐོབ་མི་ཐོབ་སྙིང་རྗེ་ཆེན་པོ་མི་ཡི་རྣམ་པར་རོལ་བ་གང་།

Leave a Reply

Your email address will not be published. Required fields are marked *

འཚོལ་བཤེར།

ཉེ་ཆར་གྱི་རྩོམ།

  • ཤེས་རིག་ལས་ཁུངས་ལ་སྤྲིངས་པའི་འཕྲིན།
  • ཨ་མའི་དཀའ་ལས་དང་བྱམས་བརྩེ།
  • ཨེ་ལི་སི།
  • ནཱ་ལེན་དྲའི་ལྟ་གྲུབ་ཀྱི་མཚམས་ལས་འདས་པའི་དགེ་འདུན་ཆོས་འཕེལ།
  • ཨ་རིའི་རླུང་འཕྲིན་ཁང་གི་འོག་བོད་སྐད་སྡེ་ཚན། ༼ VOA  དང་ ༼ RFA ༽ གཉིས་ནི་བོད་མི་གཞིས་བྱེས་གཉིས་ཀྱིས་སྨྲ་བརྗོད་རང་དབང་གིས་མགྲིན་ཚབ་པ་བླ་ན་མེད་པ་དེ་ཡིན་པའི་ངོས་འཛིན་ཞུ་གི་ཡོད།
  • མང་གཙོའི་ཀ་བ་བཞི་པ་ཉམས་ཉེས་སུ་གཏོང་བའི་ནོར་འཁྲུལ།
  •  ཨ་རིའི་རོགས་དངུལ་དང་བོད་མིའི་རེ་བ་ལ་དཔྱད་པའི་གཏམ།
  • ༧གོང་ས་མཆོག་གི་སྐུའི་གཅེན་པོ་ཞིང་གཤེགས་སྐུ་ངོ་བཀའ་ཁྲི་ཟུར་པ་རྒྱལ་ལོ་དོན་གྲུབ་མཆོག་གི་མི་ཚེའི་ལོ་རྒྱུས་ལ་དཔྱད་པའི་གཏམ།  
  • སྤྱི་འཐུས་སྐབས་བཅུ་བདུན་གྱི་གྲོས་ཚོགས་ཚོགས་དུས་དགུ་པའི་ལས་རིམ་ཁག་ལ་དཔྱད་པའི་གཏམ།  
  • གནས་ཡུལ་སོ་སོའི་གསུམ་དུས་ལ་སོམས་དང་།
  • རང་དབང་བྲལ་བའི་མགྲིན་ཚབ་པ། 
  • གངས་སེང་ངམ་སེང་གེ་སྐོར་འཇམ་སིང་ངེ་།
  • ཆོ་འཕྲུལ་སྨོན་ལམ་ཆེན་མོ།
  • སྐར་མདའི་བཞུད་ལམ་དེད་ནས་མིང་མཛོད་མཇལ།
  • བོད་མི་ང་ཚོའི་འཐབ་རྩོད་ལ་སྤྱི་སེམས་ཀྱི་ཞེན་སྐུལ།

ཉེ་ཆར་གྱི་མཆན་བུ།

  • ཀླུ་སྨྱོན་ཧེ་རུ་ཀ on ཤེས་རིག་ལས་ཁུངས་ལ་སྤྲིངས་པའི་འཕྲིན།
  • གཞུང་པ་ཚེ་དབང་བསོད་ནམས། on ཤེས་རིག་ལས་ཁུངས་ལ་སྤྲིངས་པའི་འཕྲིན།
  • གཞུང་པ་ཚེ་དབང་བསོད་ནམས། on ནཱ་ལེན་དྲའི་ལྟ་གྲུབ་ཀྱི་མཚམས་ལས་འདས་པའི་དགེ་འདུན་ཆོས་འཕེལ།
  • ཚེ་བརྟན་འགྱུར་མེད། on མང་གཙོའི་ཀ་བ་བཞི་པ་ཉམས་ཉེས་སུ་གཏོང་བའི་ནོར་འཁྲུལ།
  • གཞུང་པ་ཚེ་དབང་བསོད་ནམས། on མང་གཙོའི་ཀ་བ་བཞི་པ་ཉམས་ཉེས་སུ་གཏོང་བའི་ནོར་འཁྲུལ།
  • འབྲོང་བུ་སོག་ཚ། on མང་གཙོའི་ཀ་བ་བཞི་པ་ཉམས་ཉེས་སུ་གཏོང་བའི་ནོར་འཁྲུལ།
  • གཞུང་པ་ཚེ་དབང་བསོད་ནམས། on མང་གཙོའི་ཀ་བ་བཞི་པ་ཉམས་ཉེས་སུ་གཏོང་བའི་ནོར་འཁྲུལ།
  • གཞུང་པ་ཚེ་དབང་བསོད་ནམས། on མང་གཙོའི་ཀ་བ་བཞི་པ་ཉམས་ཉེས་སུ་གཏོང་བའི་ནོར་འཁྲུལ།
  • ཚེ་བརྟན་འགྱུར་མེད། on  ཨ་རིའི་རོགས་དངུལ་དང་བོད་མིའི་རེ་བ་ལ་དཔྱད་པའི་གཏམ།
  • གཞུང་པ་ཚེ་དབང་བསོད་ནམས། on  ཨ་རིའི་རོགས་དངུལ་དང་བོད་མིའི་རེ་བ་ལ་དཔྱད་པའི་གཏམ།
  • གཞུང་པ་ཚེ་དབང་བསོད་ནམས། on རང་དབང་བྲལ་བའི་མགྲིན་ཚབ་པ། 
  • ཚེ་བརྟན་འགྱུར་མེད། on ༧གོང་ས་མཆོག་གི་སྐུའི་གཅེན་པོ་ཞིང་གཤེགས་སྐུ་ངོ་བཀའ་ཁྲི་ཟུར་པ་རྒྱལ་ལོ་དོན་གྲུབ་མཆོག་གི་མི་ཚེའི་ལོ་རྒྱུས་ལ་དཔྱད་པའི་གཏམ།  
  • འབྲོང་བུ་སོག་ཚ། on གངས་སེང་ངམ་སེང་གེ་སྐོར་འཇམ་སིང་ངེ་།
  • འབྲོང་བུ་སོག་ཚ། on ༧གོང་ས་མཆོག་གི་སྐུའི་གཅེན་པོ་ཞིང་གཤེགས་སྐུ་ངོ་བཀའ་ཁྲི་ཟུར་པ་རྒྱལ་ལོ་དོན་གྲུབ་མཆོག་གི་མི་ཚེའི་ལོ་རྒྱུས་ལ་དཔྱད་པའི་གཏམ།  
  • ཚེ་བརྟན་འགྱུར་མེད། on བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་ནང་ཁྲིམས་ཞིབ་པ་གཅིག་ཀྱང་མེད་པ་སྟོང་པ་ལྷག་པ་དེའི་འགན་དེ་སུ་ལ་ཡོད་དམ།

ཁ་བརྡ།

  • ཁ་བརྡའི་ཁྱབ་བསྒྲགས་གོང་ཚད།
  • ཁ་བརྡའི་དམིགས་ཡུལ།
    • ཁ་བརྡའི་རྩ་དོན་གསུམ།
    • ཁ་བརྡ་ལ་འཇུག་ཚུལ།
    • ཁ་བརྡའི་མཆན་གྱི་རྩ་འཛིན།
    • ཁ་བརྡའི་རེ་སྐུལ།

ཁ་བརྡའི་རྩ་དོན།

དང་པོ། རྩོམ་མཁན་གྱི་ལྟ་བ་དང་བསམ་ཚུལ་ལ་མོས་མཐུན་བྱེད་དཀའ་ན་ཡང་། རྩོམ་མཁན་དེ་ལ་མིའི་ཆེ་མཐོང་སྤྲོད་དགོས་པ་ནི་ཁ་བརྡའི་རྩ་དོན་ཡིན།

གཉིས་པ།  ཁ་བརྡའི་ཐོག་ལ་སྤྱི་དོན་དང་། དེ་བཞིན་རིག་གཞུང་དང་འབྲེལ་བའི་དོན་རྩ་དང་ལྟ་བའི་སྐོར་གྱི་རྩོམ་འགོད་པ་མ་གཏོགས།  མི་སྒེར་གྱི་དོན་དག་བཟང་ངན་གླེང་བཤད་རིགས་འགོད་སྤེལ་མ་ཡོང་བ་ལ་འབད་བརྩོན་བྱེད་དགོས།

གསུམ་པ། རྒྱུ་མཚན་ཅི་ཞིག་གི་ཐོག་ནས་ཀྱང་གང་ཟག་བྱེ་བྲག་པ་ཞིག་ལ་ཁྱད་གསོད་དང་དམའ་འབེབས་ཀྱི་ཚིག་སྦྱོར་རིགས་འགོད་སྤེལ་མེད་པ་དགོས།

བཞི་པ། ཁ་བརྡར་བཀོད་པའི་མཆན་དང་རྩོམ་རྣམས་ནི་ཁ་བརྡ་རྩོམ་སྒྲིག་ཚོགས་ཆུང་གི་བསམ་ཚུལ་ཡིན་པའི་ངེས་པ་མེད།

ཁ་བརྡའི་འཛིན་སྐྱོང་གིས་ སྤྱི་ལོ་ ༢༠༡༢ ལོའི་ཟླ་ ༣ ཚེས་ ༣༡ ཉིན་སྤེལ།

ཟླ་འདིའི་ཀློག་གྲངས་མང་ཤོས།

  • ནཱ་ལེན་དྲའི་ལྟ་གྲུབ་ཀྱི་མཚམས་ལས་འདས་པའི་དགེ་འདུན་ཆོས་འཕེལ། (98)
  • ཤེས་རིག་ལས་ཁུངས་ལ་སྤྲིངས་པའི་འཕྲིན། (70)
  • ཨེ་ལི་སི། (54)
  • ཨ་མའི་དཀའ་ལས་དང་བྱམས་བརྩེ། (38)
  • ཨ་རིའི་རླུང་འཕྲིན་ཁང་གི་འོག་བོད་སྐད་སྡེ་ཚན། ༼ VOA  དང་ ༼ RFA ༽ གཉིས་ནི་བོད་མི་གཞིས་བྱེས་གཉིས་ཀྱིས་སྨྲ་བརྗོད་རང་དབང་གིས་མགྲིན་ཚབ་པ་བླ་ན་མེད་པ་དེ་ཡིན་པའི་ངོས་འཛིན་ཞུ་གི་ཡོད། (23)

དཀར་ཆག

  • གླུ་གཞས།
  • གློག་ཀླད་ཤེས་བྱ།
  • གློག་བརྙན་།
  • གསར་འགྱུར།
  • གསལ་བཤད།
  • གསལ་བསྒྲགས།
  • གསུང་བཤད།
  • གསོ་རིག
  • ངོ་སྤྲོད།
  • དཔྱད་བརྗོད།
  • དཔྱད་རྩོམ།
  • དཔལ་འབྱོར་རིག་པ།
  • དྲན་ཐོ།
  • དེབ་ཐེར།
  • པར།
  • བཀླགས་བྱང་།
  • བགྲོ་གླེང་།
  • བཅར་འདྲི།
  • བྱིས་རྩོམ་
  • བརྩམས་སྒྲུང་།
  • བསམ་ཚུལ།
  • མཚར་གཏམ།
  • ཚན་རིག
  • འགྱུར་རྩོམ།
  • འཕྲིན་ཡིག
  • འཕྲོད་བསྟེན།
  • རྩོམ་རིག
  • ལྷུག་རྩོམ།
  • ལོ་རྒྱུས།
  • སྙན་ངག
  • སྣ་ཚོགས།

འབྲེལ་ཐག

  • ༸རྒྱལ་བ་རིན་པོ་ཆེ།
  • ཕ་ཡུལ།
  • བོད་ཀྱི་ཆ་འཕྲིན།
  • བོད་ཀྱི་དུས་བབ།
  • བོད་ཀྱི་བང་ཆེན།
  • བོད་མི་མང་སྤྱི་འཐུས་དྲ་བ།
  • བོད་མིའི་སྒྲིག་འཛུགས་དྲ་བ།
  • མཆོད་མེ་དྲ་བ།
  • འགྲོ་བ་མིའི་ཐོབ་ཐང་།
  • འཇམ་དབྱངས་ནོར་བུ།
  • འོད་ཟེར་ཟིན་བྲིས།
  • རི་མཐོ་ས་གཙང་།
  • ཤེས་རིག་ལས་ཁུངས་ཀྱི་དྲ་རྒྱ།

པར་སྐྲུན་བདག་དབང་ © 2021 ཁ་བརྡ་དྲ་བ་ཡོད།

Powered by PressBook Premium Child theme