ཕོ་རོག་དཀར་པོས་བྲིས།
༡༽རྣམ་དཔྱོད་གློག་གི་གར་དུ་རབ་འཁྱུགས་པ།།
ལོག་རྟོགས་སྙིང་སྟོབས་མངའ་བའི་རིགས་ཀྱི་བུ།།
གཞིས་བྱེས་གཉིས་ན་གྲགས་པའི་གྲགས་པ་ཅན།།
ཚ་བ་མདའ་སྨྱུག་དོན་གྱི་སྨྱུ་གུ་ཞིག།
༢༽དཔྱོད་ཤེས་རྒྱང་འབོད་འཇགས་པའི་མཐའ་མཇུག་ཏུ།།
ལོག་རྟོགས་སྙིང་སྟོབས་སྙིང་ཁམས་འཕར་ནས་སླེབས།།
ཧི་མ་ལ་ཡི་ཕ་རོལ་ཚུར་རོལ་ན།།
ལྷིང་འཇགས་མེད་པར་ཅ་ཅོ་སྣ་ཚོགས་སྒྲོག།
༣༽ལ་ལས་བསྟོད་ཅིང་ལ་ལས་སྨད་པ་དང་།།
རེ་འགས་བཏང་སྙོམས་འགའ་རེས་ཧང་སང་བྱེད།།
ཕལ་ཆེར་ངོ་མཚར་མང་པོས་སྨོད་པ་སོགས།།
ཁམས་མོས་དབང་གིས་སྣ་ཚོགས་ཀུ་ཅོ་འདོན།།
༤༽ཡུན་རིང་གོམས་པའི་སེམས་ཀྱི་བགས་ཆགས་ཀྱི།།
དད་ཞེན་འདྲེས་མའི་སྐྲངས་པ་བཙིར་བ་ན།།
ངུ་དང་འཁུན་པའི་ཕེ་སྒྲ་སྣ་ཚོགས་ཤིག།
ཁ་དང་རྐུབ་ནས་འཆོར་པ་སུས་མི་རྟོགས།།
༥༽ཚ་བ་མདའ་སྨྱུག་མདའ་ལྟར་དྲང་བའམ།།
རྣམ་དཔྱོད་གློག་དམར་མཁའ་ལ་འཁྱུགས་ཆེས་པས།།
བསམ་མི་ཕོད་ཅིང་བཤད་མི་ཆོག་པ་ཡི།།
ཡང་དག་མིན་པའི་ལུགས་སྲོལ་མང་པོར་འགལ།།
༦༽ཆོ་ག་ཆ་ལུགས་ཙམ་ལ་དགག་པ་དང་།།
ཆོས་བྱེད་རྫུན་མའི་འཁྲབ་སྟོན་བཀག་པའི་དུས།།
སྣ་ཚོགས་སྨོད་པའི་དྲག་ཆར་ཕབས་སོ་སྐད།།
ཚ་བ་མདའ་སྨྱུག་ཡིབས་ནས་སྡོད་ལོས་དགོས།།
༧༽མཁས་དང་བླུན་པོ་དབྱེ་བ་མེད་པའི་ངང་།།
ཚ་བ་མདའ་སྨྱུག་འདྲི་ཞིང་འཚོལ་མཁན་མང་།།
ངས་ཀྱང་གྲོགས་འགར་དྲིས་པའི་དྲིས་ལན་དག།
གཅིག་ཏུ་མི་མཐུན་མོག་མོག་རྟ་སྤུ་འདྲ།།
༨༽འོན་ཀྱང་གྲོགས་པོ་བཀྲ་ཤིས་ཆོས་འཕེལ་གྱིས།།
བདེན་པར་ངེས་པའི་ལན་ཞིག་འདི་སྐད་བཤད།།
ཁོ་བོ་ཁམས་ཀྱི་རྫོང་སར་བཤད་གྲྭ་རུ།།
ལོ་གསུམ་མཉམ་དུ་བསྡད་པས་ངོ་ཤེས་ཟེར།།
༩༽ཚ་བ་མདའ་སྨྱུག་དུས་སྐབས་དེ་ཤེད་ནས།།
རིག་པ་རྣོ་ཞིང་རིག་གནས་མཁས་པ་དང་།།
རྩོད་ཟླ་དཀའ་ལ་མཁན་མིང་ཐོབ་རྗེས་སུ།།
གང་སར་བཞུད་པས་དེ་ནས་མི་ཤེས་ཟེར།།
༡༠༽འོན་ཀྱང་ཁོ་བོ་རྒྱ་གར་སླེབས་པའི་རྗེས།།
ཚ་བ་མདའ་སྨྱུག་དམ་བཅའ་བསྡད་ཡོད་པའི།།
རྩོད་གྲྭའི་བརྙན་འཁོར་བསྐུར་བ་ད་དུང་ཡོད།།
ཁྱོད་ལ་མཁོ་ན་ཁོ་བོས་སྤྲོད་ཆོག་ཟེར།།
༡༡༽ཚ་བ་མདའ་སྨྱུག་སྐུ་གཟུགས་ཐུང་བ་དང་།།
རིད་ཅིང་ནག་ལ་མདོག་མི་སྡུག་པའི་ཚུལ།།
འཕགས་པའི་ཡུལ་དུ་གོམ་གང་མ་སྤོས་པ།།
ཚིག་ཐག་ཆོད་པོས་ནན་གྱིས་བཤད་སོང་ཐལ།།
༡༢༽ཚ་བ་མདའ་སྨྱུག་འཚོལ་ཞིབ་བྱ་མཁན་དང་།།
རྟོག་གེ་ལ་སྦྱངས་དགེ་བཤེས་མགོ་རེགས་ཚོར།།
ལོ་རྒྱུས་ས་བོན་འདི་ཙམ་བཤད་པ་ཡིས།།
རྣག་སྐྲན་ཐོག་ལ་ཁུ་ཚུར་གཞུས་པ་མིན།།
༡༣༽འུ་ཅག་བོད་འདི་ཤིན་ཏུ་ཡ་མཚན་ཞིག།
སྒྲ་གཅིག་མ་གཏོགས་རྣ་བར་བསྒྲགས་མི་ཆོག།
དོན་གཅིག་མ་གཏོགས་ཡིད་ལ་བསམ་མི་ཆོག།
ཚིག་གཅིག་མ་གཏོགས་ངག་ནས་སྨྲ་མི་ཆོག།
༡༤༽དེ་ཡི་དབང་གིས་འདས་པའི་ལོ་རྒྱུས་ནང་།།
བློན་ཆེན་མགར་དང་ལོ་ཆེན་བེེ་རོ་ཙ།།
བྲན་ཁ་དཔལ་ཡོན་སྡེ་སྲིད་སངས་རྒྱམ་དང་།།
རྩིས་དཔོན་ལུང་ཤར་དགེ་འདུན་ཆོས་འཕེལ་བཞིན།།
༡༥༽གང་གང་ཁ་བའི་ལྗོངས་ལ་བློ་དཀར་ཞིང་།།
སུ་སུ་ཤེས་རབ་ཆེན་པོའི་འོད་འབར་ན།།
དེ་དེར་ཞྭ་མོ་ནག་པོ་གཡོགས་མཁས་ཤིང་།།
འབུར་འཇོམས་ལས་ལ་འཇོན་པ་ཀྱེ་མ་ཧུད།།
༡༦༽དུས་རབས་མི་རབས་གསར་པའི་འཛམ་གླིང་འདིར།།
གུ་ཡངས་དཀྱེལ་ཆེའི་ལྟ་ཚུལ་འཕྱུར་ཟིན་ཞིང་།།
སྨྲ་བ་ཟླ་མེད་ཟས་གཙང་སྲས་པོ་ཡིས།།
ལེགས་པར་བརྟགས་ལ་ང་ཡི་བཀའ་ཞེས་གསུངས།།
༡༧༽འདི་ལྟར་ལྟ་ཚུལ་བསམ་ཚུལ་གསར་པ་རེས།།
ཐུབ་བསྟན་ཚན་རིག་མཉམ་དུ་འབར་བ་ལ།།
མེ་ལ་བུད་ཤིང་བསྣན་པ་ཇི་བཞིན་དུ།།
བརྒྱ་ཕྲག་རིགས་པས་འཛིན་ལ་རམ་འདེགས་བྱེད།།
༡༨༽མཁས་བླུན་གང་གིས་མཉམ་པར་མ་བཞག་པའི།།
དོགས་མེད་གནས་ལ་དོགས་སློང་བྱས་པ་དང་།།
ཡང་དག་ལྟ་སྤྱོད་ལོག་པར་སྒྲུབ་ཚུལ་སོགས།།
རིགས་པས་རིགས་པར་དཔྱད་པ་ཨེ་མ་མཛེས།།
༡༩༽ད་དུང་འདི་ལྟར་དོགས་སློང་སུན་འབྱིན་དང་།།
རྩོད་སྒྲུབ་དགག་སྒྲུབ་ལ་སོགས་རིགས་འཕྲུལ་གྱིས།།
བསྲེགས་བཅད་བརྡར་ནས་རྒྱལ་བསྟན་གསེར་གྱི་འོད།།
ཆེས་ཆེར་གསལ་བར་བྱེད་ལ་བརྩོན་པར་རིགས།།
༢༠༽ཡིན་ཡིན་ཡོད་ཡོད་གཅིག་པུར་ཡིད་ཆེས་པའི།།
འུ་ཅག་གཉིད་ལས་དཀྲོགས་པའི་ཀུ་ཅོ་ཞིག།
ཚ་བ་མདའ་སྨྱུག་ཁ་ནས་གྲགས་པ་ན།།
མིན་མིན་མེད་མེད་ཕྱོགས་ཀྱང་དཔྱོད་དགོས་སོ།། །།
༢༠༡༡ ༧ ༢༦
ལོ་རྒྱུས་དེབ་ཐེར་གང་ཡང་མ་ཡིན་པའི།།
ཚ་བ་མདའ་སྨྱུག་ཟེར་བའི་གྲགས་སྐམ་ཞིག།།
ལས་འབྲས་མེད་པར་བཤད་པའི་སྟོང་བཤད་ཅིག།
ཆོས་ལ་རྒོལ་བའི་དཔའ་གཏམ་སྒྲོག་པ་ཞིག།
ཡོད་མིན་མེད་མིན་མཐའ་ལ་ལྷུང་བ་ན།།
གང་ཡང་མ་ཡིན་ཅི་ཡང་མེད་པར་བཟོས།།
ནང་པའི་ལུགས་མིན་ཚན་རིག་ག་ལ་ཡིན།།
བོད་ཀྱི་ལུགས་མིན་ཕྱི་རོལ་པ་ཡང་མིན།།
ཚ་བ་མདའ་སྨྱུག་མདའ་ལྟར་དྲང་ཟེར་ན།།
རང་གི་འདི་ནི་ཡོད་ཚད་བདེན་སྙམ་པའི།།
ལུགས་དང་མི་མཐུན་རྣམ་ཉ་ཉོག་ག་ལ་ཡོད།།
བསམ་གྱིས་བསམ་གྱིས་རྒུད་པའི་མཐའ་ལ་ལྷུང་།།
ཆོ་ག་ཆོས་ལུགས་གང་ཡང་མ་ཡིན་པས།།
རྩོམ་འཆལ་སྤེལ་བ་ཀློག་གིན་ཀློག་གིན་ནི།།
ཡ་རབས་གོམས་གཤིས་རྨང་ནས་འཇིག་པ་དང་།།
བདེན་པ་སྨྲ་བའི་ཟོལ་གྱིས་ཡོད་ཚད་བསླུས།།
ཕོ་རོག་དཀར་བོ་དང་མིག་བརྒྱད་པ་རྣམ་གཉིས་ལགས། ཚ་བ་མདའ་སྨྱུག་པ་གླེང་ཆོག་ཆོག་རེད། འུ་ཚང་ལ་གྲ྄་ས་ཆེན་པོ་དང་དགེ་བཤེས་མཁྱེན་དཔྱོད་གཉིས་འཛོམས་ཉུང་ཉུང་མ་རེད། འོན་ཀྱང་དོགས་གཞི་འམ་བརྗོད་བྱ་གང་ཡིན་རུང་ཁ་གསལ་ཙམ་དང་ཀློག་བདེ་རུ་བཏང་ན། ལེའུ་འདི་གསོ་སྐྱོངས་ལ་ཅུང་ཕན་མདོག་ཁ་བོ་རེད། ལྷག་པར་དུ་གཞན་གྱི་མི་གཤིས་ནས་སྐྱེ་གཟུགས་ལ་དེ་ཙམ་དོ་སྣང་བྱེད་དགོས་བ་མི་འདུག གཞན་ཡང་ལས་འབྲས་མེད་པར་དཔྱད་པ་སྟོང་བཤད་ཡིན་ན་མི་སྐྱོན་མོད། ཆོས་ལ་རྒོལ་བ་རེད་བསམ་པའི་བློ་འདི་ཅུང་གཡོན་ཕྱོགས་ལ་ལྷུང་ཉེན་འདུག ཡིན་ཡིན་གང་ཞིག མིན་མིན་སུ་ཡིས་མཐའ་སྐྱེལ་བར་དུ་དྲང་ཚུགས་འཛིན་འོས་བ་ནི་རང་ཉིད་ཀྱི་ཁོག་རྒྱ་མི་བསམ་རུང་། རིག་གཞུང་འདིའི་རྒྱ་ཁྱོན་ལ་བསམ་གཞིགས་བྱེད་རོགས།
ངས་སྔོན་ཆད་ར་མདའ་ཞེས་པའི་སྙུག་མིང་གི་འོག་ནས་རྩོམ་ཡིག་རེ་ཟུང་སྤེལ་མྱོང་། ཡིན་ཡང་དེ་རིང་འདིར་ར་མདའ་གཞན་ཞིག་ཀྱང་བསླེབས་འདུག ར་མདའ་ཞེས་པའི་སྙུག་མིང་ངེད་གཉིས་སུས་སྔོན་ལ་བཏག་མིན་ངས་ཀྱང་གསལ་པོ་ཞིག་ཤེས་མ་སོང་། དེར་བརྟེན་སྙུག་མིང་འདི་ངས་འདོར་རྒྱུ་ཡིན། གཞུག་ཕྱོགས་ནས་ར་མདའ་ཞེས་པའི་སྙུག་མིང་འདིའི་འོག་ནས་རྩོམ་ཡིག་ག་རེ་བྲིས་ཀྱང་བདག་དང་འབྲེལ་བ་གང་ཡང་མེད།
ན་ཆུང་རྟོག་སད་པ་ཚ་བ་མདའ་སྨྱུག་མཆོག དེང་སྐབས་ཞིང་གང་དུ་བཞུགས་ཡོད་ནམ།
འགའ་ཞིག་གིས་རྒྱ་མིས་གསད་ཚར་རེད་ཅེས་ལབ་སྲོལ་འདུག དེ་ནི་གསོད་དགོས་ཡག་གི་རྒྱུ་མཚན་གང་ཡང་མི་འདུག
ཡང་ཁ་ཤས་ཀྱིས་རྙིང་ཞེན་ཅན་ནམ་ཀླད་པ་ལྗང་ཁུ་ཅན་དེ་ཚོས་གསད་པ་རེད་ཡང་ཟེར་སྲོལ་འདུག དེ་ནི་རྒྱུ་མཚན་ཆེན་པོ་འདུག
ཡང་ཁག་ཅིག་གིས་ཆོས་ལུགས་ཀྱི་ལྟ་བ་ཤ་ཐིམ་རུས་ཐིམ་དུ་གྱུར་པ་ཆོས་མིན་གྱིས་ལས་ངན་གསོག་མཁན་དེ་སོས་ལྐོག་གསད་བཏང་པ་རེད་ཡང་བཤད་སྲོལ་འདུག དེ་ནི་རྒྱུ་མཚན་ནང་གི་རྒྱུ་མཚན་ཞིག་འདུག
གང་ལྟར་ཚ་བ་མདའ་སྨྱུག་ཤི་གསོན་གང་དུ་ཡོད་ནམ།
གངས་སྨྱུག་ལགས། ཚ་བ་མདའ་སྨྱུག་ཤི་སོང་རུང་ཁྱེད་ཀྱིས་འཇུ་ཐབས་དཀའ་བའི་རིན་དོན་ཅན་ཞིག་ལྷག་ཡོད་བ་མིན་འགྲོ། སྐུ་ཉིད་ཀྱི་སེམས་ཁྲེལ་བྱེད་སྟངས་ལ་བལྟས་ན། གལ་སྲིད་མདའ་སྨྱུག་པ་དངོས་ནས་ཁྱོད་ཀྱི་མཐོང་ས་ནས་ཡལ་སོང་རུང་། ཁྱོད་དང་ཁྱོད་ལྟ་བའི་རིགས་ཀྱི་ཆེད་དུ་བཞག་བའི་དངོས་བོ་དེ་ཟ་རྒྱུ་ཞིག་མ་རེད་ལོ། ཁྱོད་གསོན་པའི་རིང་ལ་མདའ་སྨྱུག་པ་ཤི་ས་མི་འགྲོ་ནའང་ཐང་།
ཚ་བ་མདའ་སྨྱུག་ད་ལྟ་ཡོད་དམ།
ཚ་བ་མདའ་སྨཱུག་ད་ལྟ་གང་དུ་ཡོད་དམ།
མདའ་སྨྱུག་ཞེས་པ་མིང་གྲགས་ཆེ་བར་གོ་ནས་ངེས་ཁོ་རང་གི་མཛད་པའི་ལོག་རྟོགས་སྙིང་སྟོབས་ཚོལ་ནས་ལྷག་ཡོད། ངེས་བལྟས་ན་ཁོ་རང་བསྟན་པའི་སྙིང་པོ་ལ་སླེབ་མེད་ན་འདྲ། ལོག་རྟོགས་ཀྱི་ཐོག་མར་ཉིན་ནས་ཁོ་རང་གི་མིག་མཐོང་དང་ཡིད་ཆེད་ལ་མཚན་མར་བཟུང་འདུག་སྟེ། དོན་ལ་འཛམ་གླིང་རིལ་པོ་ཡིན་པ་སོགས་ནི་ནུབ་ཕྱོགས་པའི་རྫུན་ཆེན་པོ་ཡུལ་གྲུ་ཀུན་ལ་གྲགས་པ་ཞིག་རེ། རྫུན་ཡིན་མིན་ཙམ་ལའང་མ་དཔྱད་པ་ཡུན་པར་ཐག་བཅོད་འདུག། དེང་རབས་ཡུལ་གྲུ་མི་ཀིན་ལ་རླུང་ལྟར་གྲགས་པས་རྫུན་མིན་པ་མི་འགྱུར། ཡུལ་གྲུ་རྒྱལ་ཁམས་པའི་སྲིད་བྱུས་ཤེས་དགོས་པའང་མེད་ཐབས་མེད། འཛམ་གླིང་རིལ་རིལ་ཡིན་པ་ནི་ནུབ་ཕྱོགས་པའི་སྲིད་བྱུས་ལས་རྫུན་ལགས་ཤིང་། ནང་པར་ལྟར་འདོད་མཁན་ཡང་མང་། བྱང་ཕྱོགས་ཁ་བའི་ལྕ་རིགས་རྒྱབ་དུ་གླིང་གཞན་ཡོད་པ་དང་། གླིང་འདིར་ཉི་ཟླ་བདུན་ཡོད་པ་སོགས་ཐད་བསམ་བློ་ཙམ་ཡང་བཏོང་མིན་འདུག རྒྱས་པར་དགོས་ན་ངེས་ལོག་རྟོགས་ཀུན་གྱི་ལན་འདེབས་པས་ཆོག་ ཡིན་ནའང་རང་ལ་བོད་སྐད་སོགས་ཧ་གོ་ཡང་ཐེ་ཙམ་བརྗོད་མི་ཐུབ་པས་ལེན།