མེ་ལྕེ་ལྷ་སར་མཆེད། རྒྱལ་ཚོགས་གང་དུ་ཡོད།

Comments (12) on “མེ་ལྕེ་ལྷ་སར་མཆེད། རྒྱལ་ཚོགས་གང་དུ་ཡོད།”

1. གོ་དོན་ཅན་གྱི་རི་མོ་འདི།
   སུ་ཞིག་གི་རྣམ་དཔྱོད་ཀྱི་ཐོན་དངོས་རེད?
   སུ་ཞིག་གི་བསྡུས་བརྗོད་ཀྱི་སྙན་ངག་རེད?

2. བྱ་བ་ག་རེ་ཡིན་ན་ཡང་ཉམས་མྱོང་གཞི་ལ་འཇོག་ཐུབ་ན་རྗེས་འགྱོད་འབྲས་སྟོང་གི་གནས་ཚུལ་འབྱུང་རྒྱུ་ཉུང་ཉུང་ཡོང་གི་རེད། དོན་དག་དེ་མི་སྒེར་ལ་དེ་འདྲ་ཡིན་པ་མ་ཟད་སྤྱི་ཚོགས་སྤྱི་ལ་ཡང་དེ་འདྲ་རེད། ལྷག་པར་རང་དབང་འཐབ་རྩོད་གི་སྐབས་ལ་དེ་འདྲ་རེད། བྱ་བ་གང་ཞིག་རེ་བའི་ཡུལ་ཡིན་པ་དང་། བྱ་བ་གང་ཞིག་རེ་བའི་ཡུལ་མིན་པ། བྱ་བ་གང་ཞིག་ལ་ལག་པ་དངོས་སུ་འགུལ་དགོས་པ་དང་། བྱ་བ་གང་ཞིག་ལ་སྨོན་ལམ་དང་ཁ་འདོན་གིས་འགྲུབ་ཐུབ་པ། དེ་ཚོ་ཚང་མ་རང་གི་ཀླད་པའི་ནང་ཤོང་ཐུབ་ན་རྗེས་ཕྱོགས་གི་བྱ་བ་ལ་ཁོང་ཁྲོ་དང་འགྱོད་སེམས་དགོས་དོན་མེད།
   གནས་ཚུལ་མང་པོ་ཞིག་གི་རྐྱེན་པས་རྒྱལ་ཚོགས་ལ་རེ་བ་བྱེད་རྒྱུ་མེད་པ་དེ་སྔ་མོ་ཉམས་མྱོང་ཐོབ་ཡོད་པ་ཞིག་རེད། གལ་སྲིད་ཆུ་དཀྲོགས་ནས་མར་ཐོན་རྒྱུ་མེད་པ་ཤེས་རྗེས་དོན་དག་དེར་རེ་བ་བྱེད་རྒྱུ་མེད་པ་མ་ཟད། ཁེངས་ར་དང་ཁོང་ཁྲོ་ལངས་པ་འང་དོན་མེད་སྡུག་རྒྱོང་ཡིན། ང་ཚོའི་ལས་ཀ་དེ་ཉ་འཛིན་རྒྱུ་ཡིན་ པར་ཆ་བཞག་ན་ཉ་ཁོ་ན་བསམ་སྟེ་གྲ་སྒྲིག་གཞན ་པ་མེད་ན་ཉ་ཡག་པོ་ཞིག་འཛིན་དཀའ་རེད། རྒྱ་མཚོ་དང་མཚེའུ་ལ་དཔག་པའི་ཉ་དྲ་ཞིག་མ་མཐར་ཡང་གྲ་སྒྲིག་དགོས་པ་རེད།

3. འདོད་ལྷ་ཁམས་པ་ལགས། ཁྱེད་ཀྱི་གསུང་པ་བདེན་པ་མོད། འོན་ཀྱང་གྲ་སྒྲིག་གཞན་པ་མེད་ན་ཉ་འཛིན་དཀའ་པོ་རེད་གསུང་པ་དེ་བོད་པའི་ཚིག་ངོ་མ་དེ་ཁྱེད་ཀྱིས་སྐྱར་ལོག་གནང་བ་ངས་མཐོང་བྱུང༌། ཁྱེད་ཀྱིས་ཆབ་སྲིད་གྱི་ཟློས་གར་འཁྲབ་ཤེས་པའི་ཁུལ་ཡིན་ན་ང་ཚོ་ལ་སློབ་སྟོན་གནང་ན་ལེགས་ཆ་དེས་ཉ་འཛིན་རྒྱུ་ལས་སླ་བོ་ཡོད་སྲིད། དེ་མིན་མི་རུང་བ་དང༌། མི་ཆོག་པ། མི་མཐུན་པ། མི་ཤེས་པ། མི་ཐུབ་པ། མི་སྲིད་པ་དགག་ཚིག་ཤ་སྟག་བཤད་པ་ལས་འདི་མ་བྱེད་གདམས་ཀ་འདི་རེད། འདི་གྱིས། འདི་ཡིན། འདི་འདྲ་བྱས་ན་བཟང་སོགས་ཀྱི་གདམས་ཀ་དེ་སུས་ཀྱང་སྟེར་གྱི་མེད་པ་གནའ་རབས་ཀྱི་ལུགས་སྲོལ་དགག་པའི་བསྒྲུབ་པ་དེས་ད་བར་ཡུལ་འཁོར་ནོར་རྫས་རང་དབང་བདེ་སྐྱིད་ཚང་མ་དགག་དགག་གིས་རྫོགས་ལ་ཉེ་བ་འདི་ཁྱེད་ཀྱིས་མཁྱེན་པར་མཛོད་ཅིག་གུ།

4. ཁ་བའི་རྒྱལ་ཁབ་དམག་གིས་བསྐོར་དུས་མཉམ་འབྲེལ་རྒྱལ་ཚོགས་གང་ཡོད།།
   ཁ་བའི་མི་རིགས་དམར་གསོད་བྱེད་དུས་མཉམ་འབྲེལ་རྒྱལ་ཚོགས་གང་ཡོད།།
   ཁ་བའི་རིགས་གཞུང་མེ་སྲེག་བྱེད་དུས་མཉམ་འབྲེལ་རྒྱལ་ཚོགས་གང་ན་ཡོད།།
   ཁ་བའི་ཡུལ་གང་རོ་ཡིས་བཀང་དུས་མཉམ་འབྲེལ་རྒྱལ་ཚོགས་གང་ན་ཡོད།།

5. ཀ་ཡེ་གནམ་ལྕགས་ལགས།
   ངའི་ཤོད་པའི་སྐད་ཆ་དེ་ལ་ནོར་འཁྲུལ་ཅིག་ཡོད་ན་དགོངས་དག
   ངས་རང་གི་སེམས་ལ་དྲན་པའི་ཐད་ཀར་གྱི་བསམ་ཚུལ་དེ་མཆན་དུ་བཏབས་པ་ཙམ་ཡིན། ཆབ་སྲིད་ཟེར་པ་དེ་འཁྲབ་ཤེས་པ་ཕར་ཟད། རྣ་བས་ཐོས་པ་ཙམ་གྱིས་གཡས་གཡོན་གང་ལ་ཕྱོགས་དགོས་མི་ཤེས་པར་མགོ་བོ་འཁོར་མཁན་གྱི་མི་དེ་འདྲ་ཞིག་ཡིན།
   ཆབ་སྲིད་ཟེར་པ་དེ་ཤེས་དགོས་ན་རྣོ་ལྕགས་ལྟ་བུའི་རིག་པ་དང་། ཆུ་ཤེལ་ལྟ་བུའི་བསམ་བློ་ཞིག་མེད་ན་ལས་ཀ་དེ་ལོ་རྒྱ་ལ་བསྒྲུབ་ཀྱང་འབྲས་བུ་ཐོན་དཀའ་རབས་ཟེར། དོན་དག་དེས་ཆབ་སྲིད་ཤོད་མཁན་དང་ཆབ་སྲིད་ཤེས་མཁན་ལོག་ག་ཡིན་པ་ཤོད་པ་རེད། གཞན་དག་གི་ལོ་རྒྱུས་ལ་བལྟས་ན་ཆབ་སྲིད་ཟེར་པ་དེ་ལམ་གྱི་དྲང་ཐད་དུ་སོང་ན་བསླེབས་པ་ཞིག་ཡིན་ས་མ་རེད།
   བོད་མི་ཚོར་སྔོན་ཆད་ནས་གཏམ་དཔེ་འདི་འདྲ་ཞིག་ཡོད་པ་རེད། དཔེ་འདི་ལ་གོ་བ་གཏིང་ཟབ་མོ་ལེན་ཆོག་པ་འདུག ལམ་དང་གཞུ་མོ་འཁྱོག་ན་ལེགས། །གཏམ་དང་མདའ་མོ་དྲང་ན་ལེགས། །ཚིག་དོན་འདིས་སྐད་ཆ་ཁ་གསང་ནས་ཐད་ཀར་གསལ་པོར་ཤོད་དགོས་པ་དང་། ཡང་ཆབ་སྲིད་སོགས་ལ་ཐད་ཀར་དང་ཁ་ཐུག་ཡག་པོ་མེད་པ་བསྟན་པ་རེད། ད་དུང་ཤོད་སྲོལ་གཞན་ཞིག་ལ། རྔ་རྡུང་སྟངས་དང་འཆམ་འཁྲབ་སྟངས་ཟེར་པ་ཞིག་ཀྱང་ཡོད། སྐད་ཆ་འདི་དག་གིས་བྱ་བ་ག་རེ་ཡིན་ནའང་གནས་ཚུལ་ལ་བལྟས་གིན་བལྟས་གིན་མ་གཏོགས་བདེན་པ་དང་དྲང་པོ་རྐྱང་པས་བརླག་འཁེལ་གི་མེད་པ་དེ་བརྡ་བསྟན་པ་རེད།

6. ཚོད་དཔག་མ་བྱེད། ཡིན་པར་མ་སྙམ།
   རེ་བ་རྒྱག་ས་གཅིག་པོ་རེད། འུ་ཚོའི་མྱི་འདི་བཀུར་ན་དགའ་བ་ལས་ཁེངས་ར་ལ་སུ་དང་སུ་ཡིན་ན་དགའ་ནི་མ་རེད།
   དེ་ཁྱོས་ལོས་ཤེས།
   འབོད་སྐུལ་འདྲ་ཡོད་ན་ཁེངས་ར་མེད་པར་ཁོ་ཚོའི་ལྟག་སྒོ་ལ་ཨེ་ཐོན་ལྟོས།

7. གནམ་རྒན་མ་མཁྱེན། ང་ཚོ་བོད་མི་རིགས་ལ་སྡུག་བསྔལ་འདི་འདྲ་མྱོང་དགོས་པ་ལས་ག་རེ་བྱས་པ་ཡིན་ན། རྒྱ་ནག་པ་འདི་ཚོ་སྡིག་ལས་ཁོ་ན་བྱས་ཀྱང་རླུང་རྟ་དར་བ་ལ། ལས་འབྲས་ལ་། ལས་འབྲས་ལ། འཇིག་བརྟེན་འདིར་གཟིགས་གནང་དང། ངས་ཁ྄ེད་ཀྱི་དྲང་བདེན་ལ་ཡིད་ཆེས་ཡོད།

8. རྒྱལ་ཚོགས་གཤིན་ཡུལ་ན་ཡོད། ད་རུང་ལོ་མང་ཞིག་ལ་སྐྱེ་བ་ལེན་ཐུབ་ས་མ་རེད།

9. རྒྱལ་ཚོགས་མ་རེད་རྒྱ་ཚོགས་རེད།།
   རེ་བ་བྱས་པ་ནོར་འཁྲུལ་རེད།།

10. རེ་བ་རྒྱང་དུ་གཏད་པས། མིག་གོང་དམར་པོར་གྱུར་སོང་། མིག་ཆུའི་ཕྲེང་བ་གཏོར་བཞིན། ལམ་ལ་ཆས་དགོས་འབྱུང་སྲིད།

11. སྔོན་གནས་གོ་དོན་ཅན་གྱི་རི་མོ་རེད་འདུག་་་་་་་རི་མོ་དེ་ཁྱོས་བཟོས་པ་ཡིན་པས་གཞན་གྱི་བཟོ་པ་རེད་་་་་ཁྱོད་ཀྱིས་བཟས་པ་ཡིན་ན་རི་མོ་དེ་ལ་འགྲེལ་བཤད་ཞིག་ཡོད་ན་ཡག་པོ་ཡོད་ས་རེད་་་་་་་་་་་་འགྲེལ་བཤད་བོད་ནབྱིན་རྒྱ་གསུམ་གྱི་ཐོག་ཏུ་བཀོད་དང་བཟང་།

12. རྒྱལ་ཚོགས་མིག་ལོང་མ་རེད་དེ། །
    རྒྱལ་ཚོགས་མིག་སྒྲིབ་རྒྱ་དངུལ་རེད། །
    ཨ་སྒོར་ཡོ་སྒོར་འགྲིབ་པའི་དུས། །
    རྒྱ་སྒོར་བསྟན་པ་དར་བས་རེད། །

    རྒྱལ་ཚོགས་མིག་སྒྲིབ་ཕྱེ་བསམ་ན། །
    རྒྱ་རྫས་རྒྱ་ལམ་ནང་དུ་གཏོར། །
    རྒྱ་སྐུབ་བརྒྱ་སྡེའི་མིག་མདུན་ཁྲོམ། །
    རྒྱ་སྒོར་དམྱལ་བའི་ཡུལ་དུ་སྐྱུར། །