ཨ་འདུས་མིག་ཆུ།
—ཚོར་བས་གྱེར་བའི་དབྱངས།
མེ་ལྕེ་ལམ་ལམ་གྱིས་འབར་བྱུང་།།
ཚེ་སྲོག་འོད་སྣང་གིས་བཞུད་སོང་།།
སེམས་པ་གྲང་འཁྱག་གིས་བསྡམས་སོང་།།
མིག་ཆུ་ཤམ་ཤམ་གྱིས་བབས་བྱུང་།།
མེ་ལྕེ་དྲག་ཤུགས་ཀྱིས་འབར་བྱུང་།།
སྐུ་ལུས་ཚ་ཚིར་གྱིས་འཚིགས་སོང་།།
དཔའ་ངར་ཞུམ་མེད་ཀྱིས་བརྒྱུགས་སོང་།།
དུ་བ་ལྷོག་ལྷོག་གིས་འགྱེལ་སོང་།།
བདེན་པ་དྲང་ཐད་ནས་བསྒྲགས་བྱུང་།།
སྙིང་སྟོབས་མེ་ཀློང་ནས་ངོམ་བྱུང་།།
སྐྱོ་བ་སེམས་ཁོང་དུ་འཁྱིལ་བྱུང་།།
མིག་ཟུང་མཆི་མ་ཡིས་ཁེངས་སོང་།།
དཔའ་བོ་གཅིག་པུ་རུ་ཆས་བྱུང་།།
ཞུམ་མེད་དཔའ་མཛངས་ཀྱིས་འབར་བྱུང་།།
རིགས་ཞེན་སྙིང་དཀྱིལ་ལ་སྦར་སོང་།།
ལ་རྒྱ་ཡིད་ངོས་ལ་པར་སོང་།།
སྐུ་ལུས་མེ་ལྕེ་རུ་བསྒྲོན་ནས།།
ས་ཆེན་འོད་སྣང་རུ་བསྐྲུན་ཀྱང་།།
ཕྱི་མི་འུག་པ་ཡི་ཚོགས་ཀྱིས།།
མིག་གིས་ཚོར་ཚོད་ཅིག་མ་རེད།།
མེ་རྒོལ་དཔའ་བོ་ཚོ་ཆས་དུས།།
ན་ཟུག་རུམ་ཁོང་ལ་བཅུག་ཏེ།།
རེ་བ་ང་ཚོ་ལ་བཅོལ་བས།།
ང་ཚོ་འདུག་ཐབས་ཤིག་མི་འདུག།
རྒྱལ་བ་གདན་འདྲེན་ཅིག་དགོས་ཞེས།།
རེ་བ་བཟང་ས་ནས་བརྒྱབས་ཏེ།།
གྲ་སྒྲིག་སྡུག་ས་ནས་བྱས་དུས།།
མིག་ཆུ་དབང་མེད་དུ་འཐོར་སོང་།།
མེ་རྒོལ་དཔའ་བོ་ཚོའི་ཐོག་ལ།།
མེ་མདའ་མཚོན་ཆའི་རིགས་འཁྱེར་ནས།།
ཚོད་མེད་གདུག་རྩུབ་ཀྱིས་རྡུང་དུས།།
སེམས་པས་བཟོད་ཐབས་ཤིག་མི་འདུག།
སྐུ་ལུས་མེ་ལྕེ་ལ་བསྒྲོན་པ།།
ཤིང་སྡོང་འབར་འབར་ཞིག་ལགས་ན།།
སེམས་པ་སྐྱོ་སྣང་གིས་མིག་ཆུ།།
དབྱར་གྱི་ཆར་རྒྱུན་དང་འདྲ་བ།།
རྒྱལ་གཅེས་ལྷག་བསམ་གྱིས་ཕྱུག་ཅིང་།།
ཞུམ་མེད་སྙིང་སྟོབས་ཀྱིས་ཚོས་ཏེ།།
གཞོན་པའི་ལང་ཚོ་ཉིད་རྒྱས་པའི།།
དཔའ་བོ་ཁྱེད་ཅག་ཀུན་དྲན་པ།།
དྲན་པ་སེམས་ཁོང་ལ་ཆེ་ཞིང་།།
སྐྱོ་བ་མིག་ཀོང་ལ་ངོམ་དུས།།
མི་ཚེ་འཇིག་རྟེན་གྱི་འཚོ་བ།།
སྙིང་བོ་མི་འདུག་ཨང་སྙམ་པ།།
བཀླགས་ཡོད། ནང་དོན་ཡག་ཀྱང་ཚིག་སྦྱོར་ལ་ལ་བདེ་མོ་ཞིག་མ་རེད་འདོད་ཐལ། རང་ཉིད་ཀྱི་བསམ་འཆར་ཙམ་ཡིན།
འདྲན་མེད་དཔའ་བོ་ཚོ་ཕེབས་ཐལ་།
བརྩེ་བའི་གཏན་གྲོག་དེ་སྐྱོ་ཐལ་།
དུང་བའི་བུ་འཕྲུག་ཚོས་།
རེ་སའི་ཕ་ལོ་དེ་གང་ན་།
གཅིས་པའི་ཨ་མ་ཡང་ཚིག་སོང་ཟེར་གི་།
འཇིག་རུང་གི་སྨི་ལམ་འདི་སད་ན་འདོད་གི་།
ད་དུང་ནས་ད་དུང་རྨི་ལམ་རིང་མོ་འདི་ལ་འཇིག་སྣང་ཞིག་ངམ་ངམ་ཤུག་ནས་ཡོང་གི་འདུག་།
ཀློག་ཡིན་སྙན་བྱུང་ཡག་བྱུང་།
རྒྱ་དམར་གྱི་གདུག་རྩུབ་ཆེ་ཐལ། །
དཔའ་རྒོད་ཚོ་ཉི་རེར་འབར་ཐལ། །
བཙོན་འཇུག་གི་ཁ་གྲངས་མང་ཐལ། །
དྷ་སར་ན་མཆོད་འབུལ་གནང་ཐལ། །
ཁབ་ཅིག་བཟོས་ནས་དགྲ་མགོ་གནོན་ན་ཁབ་ལ་གཅེས།།
ཐོ་བ་རྡུང་ནས་དགྲ་མགོ་གཅོག་ན་ཐོ་བར་འཁྱུད།
དཔེ་དེབ་བཟུང་ནས་དགྲ་མགོ་འགེམ་ན་དེབ་ལ་འཐམ།།
རྡུལ་མཚོན་སྐྱོད་ནས་དགྲ་མགོ་ལེན་ན་རྡུལ་རྫས་མཆོད།
རང་རང་ས་ནས་ཨ་མའི་བུ་ཡི་རང་ཚུགས་ངོམ།།
དཔའ་བོ་མེ་རུ་འབར་སོང། ཞལ་ཆེམས་འོད་དུ་འཚེར་བྱུང།
མཆོད་མེ་སྟོང་མཆོད་ཁྲི་མཆོད། དཔའ་བོའི་འདས་མཆོད་ཡིན་སོང།
དམར་མཆོད་མེ་ལྕེའི་ཕྲེང་བས། དམར་གཞུང་སྙིང་རྩ་བསྲེགས་སོང།
འཛམ་གླིང་ཞི་བདེའི་ལམ་ཆེན། གངས་ཅན་བོད་ནས་བཏོད་སོང།
དཔའ་བོ་མེ་འབར་རུ་དཔུང། གངས་སེང་དཀར་མོའི་ཕྲུ་གུ
བདེན་པའི་འཐབ་རྩོད་རྒྱལ་དར། སེང་གེའི་གཡུ་རལ་སིག་སིག
མེ་རྒོལ་གྱིས།
མེ་རྒོལ་གྱིས་ལས་འགུལ་སྤེལ།
མེ་རྒོལ་གྱིས་སེམས་ཤུགས་སྤར།
མེ་རྒོལ་གྱིས་བྱུས་ངན་བསྲེགས།
མེ་རྒོལ་གྱིས་རྒྱལ་ནང་སད།
མེ་རྒོལ་གྱིས་རྒྱལ་སྤྱི་དཀྲོགས།
རེ་བ་ཞིག་ཞུ་རྒྱུ་ཡོད། ཨ་འདུས་ཁོང་ས་རའི་དགེ་རྒན་ཞིག་ཡིན་པའི་ཁུལ་རེད། སྙན་ངག་ཙམ་མ་གཏོགས་འབྲི་ཤེས་ཀྱི་མེད་པ་ཡིན་ནའང་། ཡིག་ནོར་མི་འབྲི་བའི་རེ་བ་འདོན་གྱི་ཡོད། དགེ་རྒན་ཚོས་ཡིག་ནོར་བྲིས་བསྡད་ན། དེ་ཁྱད་མཚར་ཞིག་མཐོང་གི་འདུག དགོངས་པ་མ་ཚོམས།
ས་ཆེན་འོད་སྣང་རུ་བསྐྲུན་ཀྱང་།།
ན་ཟུག་རུམ་ཁོང་ལ་བཅུག་ཏེ།།
སེམས་པ་སྐྱོ་སྣང་གིས་མིག་ཆུ།།
དྲ་གྲོགས་ཚང་མ་ཕེབས་པ་བཟང་། གཞན་ཡིག་ནོར་གྱིས་མ་འགྲིག་པར་སྨྲ་བ་གང་ཉིད་ཀྱིས་སྐད་ཆ་ཆུང་ཆུང་ཞིག་ཆེན་པོ་ཆེན་པོ་ཞིག་མ་བཟོ་ལོ། ཡིག་ནོར་གཅིག་ཀྱང་མི་འབྲི་མཁན་གྱི་མཁས་པ་ཞིག་ཡོད་རྒྱུ་མ་རེད། ཡིག་ནོར་བཤད་ན་འགྲིག་ཀྱང་འཕྲོོོས་བཤད་དགོས་པ་ཡོད་པ་མ་རེད།
ཀླུ་སྒྲུབ་ཀྱིས་གསུང་ལས།
འཇིག་རྟེན་མཐའ་དང་ལྡན་ནམ་ཞུས།
དེའི་ཚེ་རྒྱལ་བ་མ་གསུངས་བཞུགས།
དེ་ལ་མཁས་པ་ཀུན་གྱིས་ནི།
ཀུན་མཁྱེན་ཡིན་པ་དེ་ཡིས་གྲུབ།
དེ་བཞིན།
མེར་སྲེག་སྙིང་དོན་ཅི་ཡིན་ཞུས།
དེ་ཚེ་སྐྱབས་མགོན་མ་གསུངས་བཞུགས།
དེ་ལ་མཁས་པ་ཀུན་གྱིས་ནི།
ཐམས་ཅད་མཁྱེན་དེ་ཡིས་ཤེས།
བོད་པ་ཁ་ཤས།
བླུན་པོས་འཕྲལ་ཕུག་མ་མཐོང་ནས།
བྲེལ་ཚུབ་སེམས་ཚབ་ཆེ་མདོག་གིས།
མེར་སྲེག་མཁན་ལ་སྙིང་རྗེ་ནི།
སྤྱ་རས་གཟིགས་ལས་ཆེ་མདོག་བྱས།
འབོད་སྐུལ།
ཁྱིམ་བྱས་ནམ་ཚོད་མ་ཟིན་གོང་།
བྱིའུ་ཚོགས་ཙིག་སྒྲ་མ་བྱེད་རོགས།
སེངྒེས་ཞོགས་ཟས་མ་ཟ་གོང་།
གཡུ་འབྲུག་སྐད་ངན་མ་སྒོགས་རོགས།
དོན་དངོས་ནི།
བོད་ཀྱི་བདག་པོ་བོད་ནང་ཡོད།
བྱེས་འབྱོར་བོད་མི་མགྲིན་ཚབ་ཡིན།
བདག་པོས་བྱེད་སྒོ་གང་སྤེལ་ལས།
མགྲིན་ཚབ་འདི་བྱོས་ཟེར་དབང་མེད།
དགོངས་དག མཆན་ཞིག་བྲིས་པ་ཨ་འདུས་མིག་ཆུ་ལ་ཕོག་འདུག རིག་པའི་གནས་ལ་མཁས་པ་ཞིག་ཡིན་ན། ཡིག་ནོར་མི་འབྲི་བས་ཁྱབ་པ་རེད། གནས་ལུགས་ལ་ཨུ་ཚུགས་ཀྱིས་འགྲེལ་བཤད་ཡོང་གི་མ་རེད། ཡིག་ནོར་ཤོར་བ་ཐེར་འདོན་རེ་བྱས་པ་ལ། སྐུ་རླུང་བཞེངས་དགོས་པ་ཨེ་ཡོད་ན།
ད་ངས་འཕྲོས་བཤད་ཅིག་བྱེད་དགོས་ཆགས་སོང་། ས་ར་འདི་མཐོ་སློབ་ཞིག་རེད། འདི་ནས་ཐོན་མཁན་ཚོ་བོད་ཀྱི་རིག་གནས་ལ་ཆེད་དུ་སྦྱོང་བ་ཐོན་མཁན་ཡིན་ཙ་ན། ད་དུང་ཡིག་ནོར་བྲིས་བསྡད་ན་གང་ནས་འགྲིག དེ་མི་འགྲིག་པར་བཤད་པ་ཡིན། དེ་ལེགས་བཅོས་ཤིག་གནང་བའི་རེ་བ་བཏོན་པ་ཡིན། ཁོང་ནས་ཁྲོ་བའི་ཉམས་སྟོན་དགོས་པ་ཨེ་ཡོད།
ཀླུ་སྒྲུབ་ཀྱིས་གསུང་ལས།
འཇིག་རྟེན་མཐའ་དང་ལྡན་ནམ་ཞུས།
དེའི་ཚེ་རྒྱལ་བ་མ་གསུངས་བཞུགས།
དེ་ལ་མཁས་པ་ཀུན་གྱིས་ནི།
ཀུན་མཁྱེན་ཡིན་པ་དེ་ཡིས་གྲུབ།
དེ་བཞིན།
མེར་སྲེག་སྙིང་དོན་ཅི་ཡིན་ཞུས།
དེ་ཚེ་སྐྱབས་མགོན་མ་གསུངས་བཞུགས།
དེ་ལ་མཁས་པ་ཀུན་གྱིས་ནི།
ཐམས་ཅད་མཁྱེན་པར་དེ་ཡིས་ཤེས།
བོད་པ་ཁ་ཤས།
བླུན་པོས་འཕྲལ་ཕུག་མ་མཐོང་ནས།
བྲེལ་ཚུབ་སེམས་ཚབས་ཆེ་མདོག་གིས།
མེར་སྲེག་མཁན་ལ་སྙིང་རྗེ་ནི།
སྤྱ་རས་གཟིགས་ལས་ཆེ་མདོག་བྱས།
འབོད་སྐུལ།
ཁྱིམ་བྱས་ནམ་ཚོད་མ་ཟིན་གོང་།
བྱིའུ་ཚོགས་ཙིག་སྒྲ་མ་བྱེད་རོགས།
སེངྒེས་ཞོགས་ཟས་མ་ཟ་གོང་།
གཡུ་འབྲུག་སྐད་ངན་མ་སྒོགས་རོགས།
དོན་དངོས་ནི།
བོད་ཀྱི་བདག་པོ་བོད་ནང་ཡོད།
བྱེས་འབྱོར་བོད་མི་མགྲིན་ཚབ་ཡིན།
བདག་པོས་བྱེད་སྒོ་གང་སྤེལ་ལས།
མགྲིན་ཚབ་འདི་བྱོས་ཟེར་དབང་མེད།
སང་དོན་ཞེས་པ་སྐུ་ཉིད་ཀྱིས་བཤད་མི་དགོས་པའི་དོན་དག་རེ་བཤད་ནས་ཡིག་ནོར་གཅིག་གིས་ཉེས་པ་ཆེན་པོ་ཞིག་བཟོ་ཚུལ་གྱི་ལས་དེ་ལ་ཁྱོན་ནས་དགའ་མ་བྱུང་། དགེ་རྒན་ཞིག་ཡིན་ནའང་ཡིག་ནོར་གཅིག་ཀྱང་ཤོར་མི་ཆོག་པའི་གཏན་ཚིགས་སུས་ཀྱང་འགོད་ནུས་ཀྱི་མ་རེད།
དེ་བཞིན་ཁྱེད་ཀྱིས་ཀྱང་ང་ལ་སྡོམ་ཚིག་འགོད་ཐུབ་ཀྱི་མ་རེད། ཡིན་ནའང་གློག་ཀླད་སྟེང་ནས་ཤེས་བཞིན་ནོར་འགྲོ་བཞིན་ཡོད་པ་རྩོམ་ཡིག་འབྲི་མཁན་ཞིག་ཡིན་ན་རྒྱུན་ལྡན་ལྟ་བུ་རེད། ཁྱེད་ཀྱིས་བདག་གི་ཡིག་ནོར་གཅིག་གི་ཆེད་དུ་སྐད་ཆ་ཚིག་ལོབ་འགའ་སྤུངས་ཚུལ་འདི་ཁོ་ནས་ཁྱེད་ཀྱི་བསམ་བློ་དང་དམིགས་ཕྱོགས་སྐད་ཡིག་གཅིག་པོའི་ལས་དབང་མ་ཡིན་པ་དང་། ལྷག་པར་མི་རིགས་ཤིག་གི་དགེ་རྒན་གྱི་ལས་དབང་ལ་བསམ་བློ་བཏང་བ་ཞིག་རེད་འདོད་མ་བྱུང་།
དོན་དངོས་སྟེང་ནས་སེམས་པ་དང་སྙིང་རུས་པའི་གཏིང་ནས་མི་རིགས་ཀྱི་སྐད་ཡིག་དང་། དགེ་རྒན་གྱི་སྤུས་ཚད་ཀྱི་སྟེང་ལ་བཤད་པ་ཡིན་ན། བདག་གིས་ཁྱེད་ལ་དགོངས་དག་ཐུགས་དག་ཞུ་འོས་ཀྱང་ཆོ་མེད་པའི་སྐད་ཆ་འགའ་ཞིག་སྤུངས་ཚུལ་འདིས་བསམ་བློ་ཡག་པོ་ཞིག་ཡོད་པའི་རྟགས་ཤིག་ཚོར་མ་སོང་།
ཁྱེད་ཀྱིས་བཤད་པའི་ཚིག་ཕྲེང་གསུམ་ལས་གིས་དང་གི་ཡི་ཁྱད་པར་ནོར་བ་ཙམ་ལས་གཞན་ག་རེ་ནོར་ཡོད་པ་བསྟན་རྒྱུ་ཡོད་དམ། དེ་སྟོན་རོགས་ལོ།
ཡིག་ནོར་བྲིས་ན་མི་འགྲིག་པ་ཁྱོད་མིན་ཡང་བོད་མི་ཀུན་ཀྱིས་འདོད་མོད། ཡིག་ནོར་གྱི་ཐད་ལ་དགག་རྒྱག་བྱེད་དུས་བྱ་ལས་དེའི་ཐད་ནས་དགག་པ་ལས་ཁྱེད་ལྟར་མི་གཞིའི་སྟེང་ལ་བབས་ནས་འགོག་མཁན་ཞིག་ཕལ་ཆེར་ཡོད་རྒྱུ་མ་རེད།
ལྷག་པར་བོད་ཀྱི་ཕུན་སུམ་ཚོགས་པའི་དུས་དེབ་སྟེ། སྦྲང་ཆར་སོགས་ཀྱི་ནང་ལའང་ཡིག་ནོར་མང་པོ་ཡོད་ན། ང་ལྟ་བུའི་ལོ་གསུམ་བཞི་ཙམ་གྱི་སློབ་སྦྱོང་གི་རྒྱུད་རིམ་ལས་མེད་པའི་ཤེས་མེད་ཅིག་གིས་ཡིག་ནོར་གཅིག་ཤོར་དང་ཤོར་སྙམ།
དེ་བཞིན་ཡིག་ནོར་གཅིག་འབྲི་མི་ཆོག་ན་ཁྱེད་ཀྱིས་( ས་ར་འདི་མཐོ་སློབ་ཞིག་རེད།)ཅེས་པའི་ནང་གི་ཡིག་ནོར་ངས་བྲིས་པ་རེད་དམ། ཡང་(ས་ར)་ཞེས་པའི་འབྲི་སྲོལ་དེ་ཁྱོད་ཉིད་ཀྱི་ཨ་མས་བསླབ་པ་རེད་དམ། རྒྱ་གར་ལུང་ནས་མ་ཡུམ་ས་རཱ་མཐོ་སློབ་ཀྱི་མཚན་ལ་དེ་ལྟར་བྲིས་ན་ཡིག་ནོར་ལབ་ཀྱི་རེད།
འདི་ཚོ་ཚང་མ་ཁྱེད་རང་གི་ངོ་ལ་གཙང་མ་ཡང་དག་ཅིག་ཡིན་ངེས། ཁྱེད་ཀྱི་ཡིག་ནོར་འདི་དག་ལ་འགྲེལ་བཤད་ཇི་ལྟར་རྒྱག་གི་ཡིན། སྐད་ཆ་བསམས་ནས་ཤོད། རྩམ་པ་བལྟད་ནས་མྱིད་ཅེས་པའི་གནས་ལུགས་འདི་དང་པོ་ནས་ཤེས་ཡོད་ན། རང་མགོ་རང་གིས་བརྡུངས་པའི་ལས་དེ་བྱུང་ཡོད་པ་མ་རེད་ལོ།
ས་ཆེན་འོད་སྣང་༼རུ༽་བསྐྲུན་ཀྱང་།། ༼ལུང་སྟོན་པའི་གཞུང་དེ་ཚོ་ནོར་མེད་ན། སུ་ག་བ་ད་དྲག་ཏུ། ང་ད་ན་མ་ར་ལ་དུ།༽ཞེས་ཡོད། དེ་ནོར་ཡོད་ན། ཁྱོད་འགྲིག་ཡོད།
ན་ཟུག་རུམ་ཁོང་ལ་བཅུག་༼ཏེ༽།། ༼ལུང་སྟོན་པའི་གཞུང་དེ་ཚོ་ནོར་མེད་ན། ད་དེ་ན་ར་ལ་ས་ཏེ། ག་ང་བ་མ་འ་རྣམས་དང་།། རྗེས་འཇུག་མེད་མཐར་ས་༼སྟེ།༽ ཞེས་ཡོད། དེ་ནོར་ཡོད་ན། ཁྱོད་འགྲིག་ཡོད།
སེམས་པ་སྐྱོ་སྣང་གིས་མིག་ཆུ།། ༼འདི་ནོར་ཡོད་པ་མཁྱེན་འདུག དེ་བཟང་འདུག༽
གཞན་སྐད་བོད་སྐད་དུ་བྲི་སྲོལ་ལ། པདྨ་དང་པད་མ། སེང་གེ་དང་སེངྒེ། སོགས་གང་བྲི་འདམ་ངར་ཡོད་པའི་ཚུལ་ཤེས་ནའང་ཤེས་བྱ་ཡིན།
ད་དྲང་མོར་བཤད་ན་ཕན་ས་རེད། ཁྱོད་དགེ་རྒན་ཞིག་རེད། ང་སློབ་མ་ཞིག་རེད། སློབ་མས་དགེ་རྒན་ལ་དག་བཅོས་དང་ཞུས་དག་ནན་འདྲོངས་ཞུ་དགོས་དུས། དེ་ཁྱད་མཚར་པོ་ཡོད་ད།
ཨ་ཨ་ཨ། དགེ་རྒན་ལས་སློབ་མ་མཁས་པ་ཡོད་པ་རེད་འདུག་ག ལྟད་མོ་འདུག ལྟད་མོ་འདུག ཅིག་འཇིགས་ཀ