རྩོམ། འོད་ཟེར།
སྒྱུར། ནགས་ཤོད་སད་མི།
གཟའ་འཁོར་གསུམ་གྱི་གོང་དུ། ང་རང་དམ་དྲག་ཆེ་བའི་ལྷ་ས་ནས་ཐལ་སྐྱས་བཏུམས་པའི་པེ་ཅིང་དུ་ཕྱིར་ལོག་བྱས། མ་གཞི་གྲོང་ཁྱེར་འདིའི་རང་བྱུང་མཁའ་དབུགས་སྦག་བཙོག་ཚབས་ཆེན་ཐེབས་ཡོད་ནའང་། ཆབ་སྲིད་ཀྱི་མཁའ་དབུགས་ལྷ་ས་ལས་ཏན་ཏན་ཞི་འཇམ་པས། དམ་དུ་བཀྱིགས་པའི་ངའི་ཁྲག་རྩ་རྣམས་ལྷོད་ལ་འབབ་ཏུ་བཅུག ཡིན་ནའང་། བཙུན་མ་བསྟན་འཛིན་དབང་མོས་རང་ལུས་མེར་བསྲེགས་ནས་སྐུ་གཤེགས་པའི་གནས་ཚུལ་དེས། དར་ཞིང་རྒྱས་པའི་པེ་ཅིང་གི་གདོང་འབག་དབྲལ་སོང་ལ། ངས་དགུངལོ ༢༠ ལས་མེད་པའི་བཙུན་མ་འདིའི་ཆེད་དུ་མིག་ཆུ་གཏོང་དགོས་ཐུག
ཚེས་པ ༤ ཡི་ཉིན་དེར། ང་རང་འདེམས་ཚོང་ཁང་དུ་ཚོང་རྒྱག་བཞིན་ཡོད། གློ་བུར་ངང་སིས་ཨན་ཨན་གསར་འགོད་པའི་ཁ་པར་འབྱོར་ནས། བོད་མིས་རང་ལུས་མེར་བསྲེག་ཐད་ལྟ་ཚུལ་གང་ཡོད་ཟེར་བ་དང་སྦྲགས། ཁ་སང་ཡང་ཁམས་ཁུལ་བཙུན་མ་ཞིག་གིས་རང་ལུས་མེར་བསྲེགས་བཏང་ཚུལ་བརྗོད། ང་དེ་མུར་བཟོད་གླགས་མེད་པའི་སྐྱོ་གདུང་དང་བཅས་བྲེལ་ཚུབ་ངང་རེ་ཞིག་སེམས་ངལ་གསོ་ཕྱིར་གནས་སྤོས་ཏེ་གཞུང་ལམ་དུ་ཐོན་དགོས་བྱུང་།
ང་རང་ཉིན་མོ་རེ་རེ་བཞིན་དྲ་རྒྱར་འཛུལ་སྐབས། གནས་ཚུལ་དེ་རིགས་མཐོང་བར་ཞེད་སྣང་ཡང་སྐྱེ། དེ་ལྟ་ནའང་། ཧ་ཅང་གསལ་པོ་ཡིན་པ་ཞིག་ལ། གལ་ཏེ། རྒྱ་ནག་གཞུང་གིས་བོད་དུ་འཛིན་པའི་སྲིད་ཇུས་ལ་འགྱུར་བ་མེད་ཁར། དེ་ལས་ལྡོག་ཏེ། བོད་མིའི་སྐེ་ཐག་དམ་དུ་བཏང་ན། ག་འདྲ་བྱས་ནས་བོད་མིའི་སྲོག་བསྡོས་ཀྱི་ངོ་རྒོལ་འདི་བཀག་འགོག་བྱ་ཐུབ་བམ། ངས་ཐ་ན། གཞུང་ལམ་ནས་ཐད་ཀྱིས་འོང་གིན་པའི་ཆ་རྒྱུས་མེད་པའི་མི་དེ་ཚོ་འཕྲད་རིམ་ལྟར་ཁུ་སིམ་སིམ་ངང་གཅིག གཉིས། གསུམ། བཞི། ལྔ།
དྲུག བདུན། བརྒྱད། དགུ བཅུ། བཅུ་གཅིག བཅུ་གཉིས་བཅས་བགྲངས་དགོས་བྱུང་། དོན་དམ་པས་མི་འདི་འདྲའི་མང་པོ་ཞིག་གཅིག་རྗེས་གཉིས་སྣོན་ངང་རང་ལུས་མེར་བསྲེག་བཏང་བར་དྲན་ཚེ། ང་རང་མིག་བཙུམས་ནས་མིག་ཆུ་སེམས་ནང་དུ་ཉིལ་ཉིལ་དུ་ཟགས།
མི་ལ་ལས་བོད་ལ་རྒྱབ་སྐྱོར་གྱི་སྐད་ཆས། བོད་མིས ༼ གལ་ཏེ་རང་ལུས་མེར་བསྲེག་གི་སྒོ་ནས་རྒྱ་ནག་གུང་ཁྲན་ལ་འཇིགས་སྣང་སྐུལ་གྱི་ཡོད་པར་བསམས་ན། དེ་ནི་ངལ་བ་འབྲས་མེད་རེད……….ཡང་གལ་ཏེ་རང་ལུས་མེར་བསྲེགས་ནས་རྒྱལ་སྤྱིའི་སྤྱི་ཚོགས་ཀྱིས་མཐོང་ཆེན་བྱེད་པ་བསམ་གྱི་ཡོད་ན། དེ་ནས་དེ་འདྲ་བྱ་དགོས་ཀྱི་མེད་ལ། དེ་ལས་ལྡོག་སྟེ་རང་ལུས་མེར་བསྲེགས་པས། རྒྱལ་སྤྱིའི་སྤྱི་ཚོགས་དང་ཚོགས་སྡེ་ཁག མི་སྒེར་བཅས་འགྲོ་ལྡོག་གཉིས་ཀ་ཅི་བྱ་གཏོལ་བྲལ་དུ་བཟོས་ལ། འདིས་བོད་ཀྱི་གནད་དོན་མཐོང་བ་དང་ཕྱིར་བཤིག་རྒྱག་དགོས་པ་བཟོས་ཟེེར། ༽ ༼ འཛམ་གླིང་ཡོངས་དུས་རབས་ཉེར་གཅིག་པར་ཕྱོགས་ཟིན་པའི་དེ་རིང་། སུས་ཀྱང་རང་ལུས་མེར་བསྲེགས་པའི་ཐལ་སྤྱོད་འདིར་ཡི་རང་བྱ་མི་སྲིད། སུས་ཀྱང་རང་ཉིད་ཀྱི་མི་ཆོས་སྲུང་བརྩིའི་སླད་དུ་རང་ལུས་མེར་བསྲེག་པར་སྐུལ་ལྕགས་བྱེད་མི་སྲིད། ༽ ད་དུང ༼ ཁྱོད་ཚོས་ཚེ་སྲོག་གཅེས་སྤྲས་བྱོས་ཟེར ༽ ཟེར་བ་དང་། ༼ ཁྱོད་ཚོ་ལྷོད་ལྷོད་བྱས་ནས་འགྲོ་རོགས ༽ ཟེར་བ་སོགས། སྐད་ཆ་འདི་ཚོ་ལས་གདུག་པའི་བཅོས་མའི་བརྩེ་བ་ཞིག་ག་ན་ཡོད།
ངོ་མ་བོད་མི་ཚོ་ཧ་ཅང་ལྐུགས་དྲགས་པ་དང་། བློ་རིག་ཞན་ཆེས་པ། ཚེ་སྲོག་ལ་སྣང་ཆུང་བྱེད་པ། རང་ལུས་མེར་བསྲེག་བྱེད་པ་ནི་སྡིག་ར་སྐུལ་བའི་རྩེད་མཚར་ཞིག་རེད་དམ། བོད་མིའི་ངོ་རྒོལ་མཐའ་དག་པ་གྲོགས་པོ་འདི་དག་གི་ངོ་སྲུང་དགོས་པ་ཨེ་རེད། དེ་མིན་ཁོང་ཚོ་ཚང་མ་ཁོང་ཁྲོའི་ངང་ང་ཚོ་དང་ཁ་བྲལ་རྒྱུ་ཨེ་རེད། ཤེས་དགོས་པ་ཞིག་ནི། བོད་མི་ཚོའི་རང་ལུས་མེར་བསྲེག་མཚམས་གཅོད་མཁན་དེ། བོད་མི་ཚོ་མ་རེད། དེ་ནི་བོད་མིའི་ལུས་སྟེང་ན་མེ་ལྕེ་སྦར་མཁན་གྱི་རྒྱ་ནག་སྲིད་དབང་འདི་རེད། ཆེ་ས་མཐོ་ས་འགའ་ན་འགྱིང་པའི་མི་སྤྱང་དེ་ཚོའི་སྐད་ཆ་འདི་ནི་མེ་ཐོག་ཏུ་སྣུམ་གཤོ་གིན་པ་དང་གཅིག་པ་གཅིག་རྐྱང་རེད། ང་ཚོ་ཧང་སང་པའི་སྒོ་ནས་ཁོང་ཚོ་དང་དྲག་པོའི་སྲིད་གཞུང་གཉིས་ཅི་ཙམ་རིགས་མཚུངས་ཡིན་པ་མཐོང་སོང་།
ང་སེམས་སྡུག་དྲགས་པས། གསར་འགོད་པར་སྐད་ཆ་ཐོན་དཀའ་བ་བྱུང་ཡང་། ཚིག་ཐག་ཆོད་པོས་སྔ་ས་ནས་བསམ་ཞིབ་བྱས་ཟིན་པའི་སྐད་ཆ་རྣམས་བཤད་པ་ཡིན། རྒྱལ་སྤྱིའི་སྤྱི་ཚོགས་ཀྱི་གནོན་ཤུགས་གཅིག་པུས་རྒྱ་ནག་གིས་བོད་ཐོག་འཛིན་པའི་བཙན་གནོན་ལ་ཁ་གཅུན་ཐུབ་ཀྱི་ཡོད་པ་ལས་ཐབས་ཤེས་གཞན་ཡོད་པ་མ་རེད། དེ་འདྲའི་གནོན་ཤུགས་དེའང་། ཁ་ནས་གླེང་ཙམ་བྱས་པ་ཁོ་ནས་ཡོང་གི་མེད། མ་གཞི་རྒྱལ་ཁབ་དང་སྲིད་གཞུང་ག་འདྲ་ཞིག་ཡིན་རུང་རང་སོ་སོའི་ཁེ་ཕན་མདུན་དུ་འཇོག་གི་རེད།
ཡིན་ནའང་། འཛམ་གླིང་ཡོངས་དུས་རབས་ཉེར་གཅིག་པར་གོམ་པ་སྤོས་ཟིན་པའི་དེ་རིང་། བོད་གངས་ཅན་དུ་མི་ཡུལ་ན་ཡ་ང་བའི་སྐྱོ་གར་རྒྱུན་ཆད་ཀྱི་མེད་དུས། རྒྱལ་སྤྱིས་དོན་དམ་གྱི་ལས་འགུལ་ཞིག་སྤེལ་དགོས་པ་མ་རེད་དམ། མ་མཐའི་རྒྱུ་མཚན་ནི། འཇིག་རྟེན་འདིའི་སྟེང་གི་བྱ་དངོས་དང་ཚེ་སྲོག་ཡོད་ཚད་གཅིག་ལ་གཅིག་རྟེན་ཡིན་པའི་ཕྱིར། བཙན་གནོན་འོག་ཏུ་བོད་མིས་རང་གི་ལུས་སྲོག་ཀྱང་མེར་བསྲེགས་དགོས་ཐུག་པ་རེད། འདི་ནི་བོད་མི་རྐྱང་རྐྱང་གི་དོན་དག་ཅིག་མ་རེད། འདི་ནི་སའི་གོ་ལ་འདིའི་སྟེང་གི་ཚེ་སྲོག་གཞན་དང་གཞན་དག་ལ་འབྲེལ་བ་དམ་ཟབ་ཡོད་པ་རེད།
བོད་མི་ཞིག་གིས་ཋུ་ཝས་ཋེར་ནས་ང་ལ་བཤད་དོན། ༼ ང་ཚོས་རང་ལུས་མེར་བསྲེག་གཏོང་མཁན་གཞན་ཞིག་ཐོན་རྒྱུར་སྒུག་ནས་སྡོད་མི་རུང་། འོན་ཏེ་ངས་སྤུན་ཟླ་ཚོར་རོགས་པ་ཅི་ཞིག་བྱེད་ཐུབ་བམ། རྒྱུན་ཆད་མེད་པར་འདི་ལྟར་སྐྱོ་གར་གྱི་གནས་ཚུལ་གོ་ཡོང་དུས། ང་ནི་སེམས་པ་ཧ་ཅང་ཕངས། འཛམ་གླིང་འདིས་རྒྱ་ནག་གཅིག་སྡུད་པའི་གདུག་རྩུབ་ལ་ག་འདྲ་བྱས་ནས་བཀག་འགོག་ཐུབ་གི་མེད་པ་རེད། ངས་འདིར་གོ་བ་ལེན་ཐུན་ཀྱི་མི་འདུག ༽ ཟེར་ལ། བོད་མི་འདིས་ཐ་ན་སྤུན་ཟླ་ཚོས་དད་ཀྱིན་པའི་ལས་རྒྱུ་འབྲས་ལ་ཡིད་གཉིས་དང་བློ་དོགས་ཀྱང་སྐྱེས་ཚར་འདུག བོད་མི་དེས་གསུངས་དོན། འདི་འདྲ་ཞིག་དངོས་གནས་ང་ཚོས་བསགས་པའི་ལས་ཨེ་ཡིན་ན། ང་ཚོའི་ལས་དབང་ནི་རྒྱ་གུང་ཁྲན་གྱི་མེ་མདེའི་ཁ་ལམ་ན་ཁ་རོག་གེར་སྡོད་དགོས་པ་དང་། གསོད་རྒྱུར་སྒུག་དགོས་པ་འདི་འདྲ་ཨེ་ཡིན་ན་ཟེར་སོང་།
ངས་ཁོང་ལ་བཤད་དོན། ང་ནི་ལས་རྒྱུ་འབྲས་ལ་ཡིད་ཆེས་བརྟན་པོ་ཡོད། གང་ཞེ་ན། ན་ནིང་དབྱར་ཁ་ཉེས་འཛུགས་བྱས་ནས་བཙོན་ཁང་ལ་བཙུད་པའི་ཚོང་ལས་མཁས་པ་ཀརྨ་མ་བསམ་གྲུབ་ལགས་ཁྲིམས་ཁང་གིས་དངོས་དོན་ལས་ཕྱོགས་ཏེ་མི་ལོ ༡༥ ཡི་ཁྲིམས་ཐག་གཅོད་སྐབས། ཁོང་གིས་བོད་རྒྱ་སྐད་གཉིས་ཀྱི་ཐོག་ནས ༼ ངས་ལས་རྒྱུ་འབྲས་ལ་ཡིད་ཆེས་གཏིང་མ་ཡོད། ༽ ཅེས་ལན་གཉིས་ལ་བོས་པ་རེད། དེ་མིན་རྒྱ་ནག་ཁོ་རང་ཚོ་ལ་ཡང་སྐད་ཆ་འདི་འདྲ་ཞིག་ཡོད་པ་རེད། ༼ ལས་ངན་པ་བྱས་ན་འབྲས་བུ་ངན་པ་དང་། ལས་བཟང་པོ་བྱས་ན་འབྲས་བུ་བཟང་པོ་ཡོད། ལས་ཀྱི་རྣམ་སྨིན་གཏན་ནས་མི་སྨིན་པ་མ་རེད། གནས་སྐབས་དུས་ལ་མ་བབས་པ་རེད། ༽ ཟེར་བ་ལྟར་རོ། ངོ་མ་རེད། མི་རེ་འགས་འདི་སྐོར་ཅི་ཡང་རྟོགས་ཀྱིན་མེད་ནའང་། རང་ཉིད་མཆོག་ཏུ་རློམ་པའི་མི་སྤྱང་དེ་དག ཅིས་ཀྱང་ཁ་བཙུམ་ན་དགའ།
༢༠༡༡ ༡༡ ༧ ལ།
བོད་གཞི་བྱེས་གཉིས་ཀྱི་དོན་དམ་པའི་མཛེས་མ་འོད་ཟེར་ལགས་ལ་སྐུ་གཟུགས་བདེ་བཞུགས་དང་ཐུགས་བཞེད་ལྷུན་འགྲུབ་ཡོང་བའི་སྨོན་འདུན་ཞུ། བོད་རྒྱལ་ལོ།
བོད་ཀྱི་མིང་དོན་མཚུངས་པའི་སྨྱུག་འཛིན་དཔའ་མོ་ཚེ་རིང་འོད་ཟེར་ལགས་ཀྱིས་དབུས་
དཔའ་བོ་དཔའ་མོ་རྣམས་ལ་ལེ་ཚན་འདི་བརྒྱུད། སྐུ་ཁམས་བཟང་དང་ཐུགས་བཞེད་ལྷུན་
གྱིས་འགྲུབས་པའི་འཚམས་འདྲིའི་བཀྲ་ཤིས་བདེ་ལེགས་གྲངས་མེད་ཞུ་བ་དང་ཆབ་གཅིག་སླད་འཆར་འགག་རྩ་དང་དམ་དྲག་ཆེ་བའི་ལོ་ཟླའི་ནང་ཐུགས་ཟབ་གང་ལེགས་ངོས་བོད་ཀྱི་རྩོམ་པ་པོ་དང་། ལ་རྒྱ་ཅན་གཞན་རྣམས་ལའང་ཐབས་མཁས་ཀྱི་ཐབས་ལམ་ལྟ་བུ་ལམ་སྟོན་བཀའ་སློབ་ཡང་ཡང་གནང་སྐྱོངས་ཡོང་བའི་སྨོན་འདུན་གྲངས་མེད་བཅས་བཙན་བྱོལ་གྱི་
འཇིག་རྟེན་ནས་རང་དབང་གིས་འཕུལ།།
འོད་ཟེར་ལགས་ཀྱིས།
ཤེས་དགོས་པ་ཞིག་ནི། བོད་མི་ཚོའི་རང་ལུས་མེར་བསྲེག་མཚམས་གཅོད་མཁན་དེ། བོད་མི་ཚོ་མ་རེད། དེ་ནི་བོད་མིའི་ལུས་སྟེང་ན་མེ་ལྕེ་སྦར་མཁན་གྱི་རྒྱ་ནག་སྲིད་དབང་འདི་རེད། ཆེ་ས་མཐོ་ས་འགའ་ན་འགྱིང་པའི་མི་སྤྱང་དེ་ཚོའི་སྐད་ཆ་འདི་ནི་མེ་ཐོག་ཏུ་སྣུམ་གཤོ་གིན་པ་དང་གཅིག་པ་གཅིག་རྐྱང་རེད། ང་ཚོ་ཧང་སང་པའི་སྒོ་ནས་ཁོང་ཚོ་དང་དྲག་པོའི་སྲིད་གཞུང་གཉིས་ཅི་ཙམ་རིགས་མཚུངས་ཡིན་པ་མཐོང་སོང་།
མཁའ་འགྲོ་མ་འོད་ཟེར་གཏན་དུ་རྒྱལ་གྱུར་ཅིག
མཁའ་འགྲོ་མ་འོད་ཟེར་གཏན་དུ་རྒྱལ་གྱུར་ཅིག མཁའ་འགྲོ་མ་འོད་ཟེར་གཏན་དུ་རྒྱལ་གྱུར་ཅིག མཁའ་འགྲོ་མ་འོད་ཟེར་གཏན་དུ་རྒྱལ་གྱུར་ཅིག མཁའ་འགྲོ་མ་འོད་ཟེར་གཏན་དུ་རྒྱལ་གྱུར་ཅིག མཁའ་འགྲོ་མ་འོད་ཟེར་གཏན་དུ་རྒྱལ་གྱུར་ཅིག མཁའ་འགྲོ་མ་འོད་ཟེར་གཏན་དུ་རྒྱལ་གྱུར་ཅིག མཁའ་འགྲོ་མ་འོད་ཟེར་གཏན་དུ་རྒྱལ་གྱུར་ཅིག མཁའ་འགྲོ་མ་འོད་ཟེར་གཏན་དུ་རྒྱལ་གྱུར་ཅིག མཁའ་འགྲོ་མ་འོད་ཟེར་གཏན་དུ་རྒྱལ་གྱུར་ཅིག མཁའ་འགྲོ་མ་འོད་ཟེར་གཏན་དུ་རྒྱལ་གྱུར་ཅིག མཁའ་འགྲོ་མ་འོད་ཟེར་གཏན་དུ་རྒྱལ་གྱུར་ཅིག མཁའ་འགྲོ་མ་འོད་ཟེར་གཏན་དུ་རྒྱལ་གྱུར་ཅིག
བོད་ཀྱི་བྱུང་རབས་ལོ་རྒྱུས་ཐོག་གི་དོན་དམ་གྱི་སྨྱུག་འཛིན་མ་དང་།
དོན་དམ་གྱི་རང་དབང་རྩོད་ལེན་མ།
དོན་དམ་གྱི་བུད་མེད་ཀྱི་ནུས་ཤུགས་གོང་སྤེལ་སླད་ལག་ལེན་དངོས་ཐོག་ནས་འགུལ་ཤུགས་ཀྱི་ནུས་པ་འདོན་སྤེལ་གནང་མཁན་དོན་དམ་པའི་མཛངས་མ་འོད་ཟེར་ལགས་ཡི་རངས་དང་བསྔགས་བརྗོད་ཞུ།
ཁྱེད་དུས་གཏན་ནས་གཏན་དུ་རྒྱལ་འགྱུར་ཅིག་་་་་་་་་་་་་་་་་་་
བོད་ནང་གི་གནས་སྟངས་དངོས་རྣམས་འཇིགས་ཞུམ་མེད་པར་ཕྱི་ལ་འགྲེམས་སྤེལ་གནང་མཁན་འོད་ཟེར་ལགས་ཀྱི་སྙིང་སྟོབས་ལ་རྗེས་སུ་ཡིད་རངས་ཞུ།
བཙན་འོག་གི་མདུན་སྐྱོད་མ་འོད་ཟེར་ལགས་ལ་བསྔགས་བརྗོད་གྲངས་མེད་ཞུ།། །།
འོད་མཚན་མགོན་པོ་མུན་པའི་བཙོན་ལ་བཅུག
བྱ་བྲལ་མཆོག་ཉིད་བཙན་དུག་ནག་པོས་བཀྲོངས།
དགེ་འདུན་རྣམས་ལ་དམར་པོའི་གྲུབ་མཐའ་སློབ།
ས་མཐོའི་གངས་ཅན་ལྗོངས་འདི་ཅི་ཡིས་ནོངས།
ངས་ནི་འོད་ཟེར་ལགས་ལ་རྒྱ་མིའི་གཞུང་གི་དཀའ་ངལ་ཞིག་བཟོ་ཡོང་ན་བསམ་ནས་སེམས་འཕྲལ་འདུག། ཁོང་གི་སེམས་ཤུགས་དང་ལྷག་བསམ་ལ་ཡིད་སྨོན་ཤོར་ཡ་རེད་འདུག །།
ད་ལྟའི་དྲག་གནོན་རྒྱ་གཞུང་།
མེར་བསྲེག་གཏོང་དུ་བཅུག་བགྱིད།
ད་དུང་མེར་བསྲེག་གཏོང་ཕྱིར།
ས་སྣུམ་ནང་འདྲེན་བྱེད་བགྱིད།
མ་འོངས་པའི་ནའོ་བྷེལ་རྩོམ་རིག་གི་གཟེངས་རྟགས་ཀྱི་འོས་གཞི་དང་པོ་སྟེ། བོད་ཀྱི་སྙུག་ཐོགས་དཔའ་མོ་ཡིན་ལ་མཛངས་མ་ཡང་ཡིན་པ་ཁྱེད་རང་ལས་གཞན་སུ་ཞིག ཚོར་སྣང་དང་བསྲེས་པའི་གནས་ལུགས། གནས་ལུགས་དང་འདྲེེས་པའི་ཚོར་སྣང་གི་རྩོམ་ཐུང་འདི་རིགས་ཀྱིས་ད་གཟོད་རྩོམ་པ་པོ་ཟེར་བའི་གོ་དོན་ཡང་མཚོན་ཐུབ་པ་འདྲ། མུ་མཐུད་དུ་སྙུག་རྩེ་ནས་བོད་བཞེངས་རོགས་ཀྱེ།