(ལྡི་ལིར་རྒྱ་གར་གྱི་བོད་དོན་རྒྱབ་སྐྱོར་མཁན་མཐོ་རིམ་སློབ་མ་སྐོར་ཞིག་གིས་སྲིད་འཛིན་ཧུའུ་ཅིན་ཐའོ་ལ་ངོ་རྒོལ་གྱི་ལས་འགུལ་སྤེལ་བ།)
ལྡི་ལི་བོད་རང་བཙན་སློབ་ཕྲུག་ཚོགས་པས།
ཕྱི་ལོ་༢༠༡༢ ཟླ་༠༣་ཚེས་ ༢༧་ཉིན་དེ་སྲིད་འཛིན་ཧོས་ཅེན་ཐོ་རྒྱ་གར་དུ་མ་སླེབས་པའི་ཉིན་གཅིག་གི་སྔོན་དུ་བོད་རང་བཙན་སློབ་ཕྲུག་ཚོགས་པའི་གོ་སྒྲིག་དང་སྣེ་ཁྲིད་འོག རྒྱ་གར་བོད་དོན་རྒྱབ་སྐྱོར་མཁན་མཐོ་རིམ་སློབ་མ་ཁག་ཅིག་གིས་སྲིད་འཛིན་ཧུའུ་ལ་ངོ་རྒོལ་གྱི་ལས་འགུལ་སྤེལ་སོང་། དེ་རིང་ལྡི་ལི་གཙུག་ལག་སློབ་གྲྭ་ཆེན་མོར་འགྲིམ་བཞིན་པའི་རྒྱ་གར་མཐོ་རིམ་སློབ་མ་ཁག་ཅིག་གིས་རྒྱ་གར་ལྡི་ལིའི་སྒོ་ཆེན་འགྲམ་(India Gate)དུ་འཕྲེད་དར་ཆེན་པོ་ཞིག་གི་ཐོག་ཏུ་(ཧུའུ་ཅིན་ཐའོ-ཁྱོད་རྒྱ་གར་དུ་སླེབས་པར་ང་ཚོས་དགའ་བསུ་མི་ཞུ། ཁྱོད་ཀྱི་ལག་པ་གཉིས་ཁྲག་གིས་སྦགས་ནས་ཡོད། བོད་ལ་རང་དབང་མྱུར་དུ་སྤྲོད་དགོས།) ཟེར་བ་ཞིག་འཕྱར་ནས་ངོ་རྒོལ་སྐད་འབོད་ཤུགས་ཆེར་བྱས་སོང་།
སྐབས་དེར་ལྡི་ལི་བོད་རང་བཙན་སློབ་ཕྲུག་ཚོགས་པའི་ས་གནས་འབྲེལ་མཐུད་པ་མཐོ་རིམ་སློབ་མ་རྒྱ་གར་བུ་མོ་པུ་རེ་ཡཱ(Priya)ལགས་ཀྱིས་གསར་འགོད་པར་བཤད་དོན “ང་རང་རྒྱ་གར་བ་ཞིག་དང་དེ་བཞིན་གཞན་གྱི་བདེ་སྡུག་ལ་དོ་སྣང་བྱེད་མཁན་ཞིག་གི་ངོས་ཐད་ནས་བཤད་ན། ཇི་སྲིད་རྒྱ་གཞུང་གིས་བོད་ཐོག་འཛིན་བའི་གདུག་རྩུབ་ལྡན་པའི་སྲིད་ཇུས་མཚམས་འཇོག་མ་བྱས་བ་དེ་སྲིད་དུ། ངས་སྲིད་འཛིན་ཧུའུ་ཅིན་ཐའོ་དང་གཞན་རྒྱ་ནག་གི་དཔོན་རིགས་སུ་ཞིག་རྒྱ་གར་དུ་སླེབས་ཀྱང་ངོ་རྒོལ་མཐའ་གཅིག་ཏུ་བྱེད་ངེས་ཡིན་ཟེར།”
སླར་ཡར་མོས་མུ་མཐུད་ནས་བཤད་དོན “(BRICS) རྒྱལ་ཁབ་ཁག་གི་དབུ་ཁྲིད་ཚོས་རྒྱ་ནག་གི་སྲིད་འཛིན་ལ་ཐུན་མོང་ཐོག་གནོན་ཤུགས་སྤྲད་ནས་བོད་ནང་དུ་འགྲོ་བ་མིའི་ཐོབ་ཐང་དང་སྨྲ་བརྗོད་རང་དབང་སོགས་ལ་རྡོག་རོལ་གཏོང་བཞིན་པ་དེ་མཚམས་འཇོད་བྱེད་དུ་འཇུག་དགོས། དེ་བཞིན་གནད་དོན་གཞན་ཞིག་ང་ཚོས་ཤེས་དགོས་པ་ནི་རྒྱ་ནག་ནི་འཛམ་གླིང་ནང་གི་གཅིག་སྡུད་དབང་འཛིན་པའི་སྲིད་གཞུང་ཁག་ལ་རྒྱབ་སྐྱོར་བྱེད་མཁན་ཨང་དང་བོ་དེ་ཆགས་ཡོད། དཔེར་ན། སུ་རེ་ཡ་དང་འབར་མ། སོས་ལྡན་བཅས་ཀྱི་དབང་འཛིན་པར་རྒྱ་ནག་གི་རྒྱབ་སྐྱོར་བྱེད་ཚུལ་ལ་ལྟོས་དང་གསལ་བོ་ཡིན་ཟེར།”
རྒྱ་གར་བོད་དོན་རྒྱབ་སྐྱོར་མཁན་མཐོ་རིམ་སློབ་མ་ཁག་གིས་ངོ་རྒོལ་སྐད་འབོད་གྲུབ་རྗེས་དེར་འདུས་པའི་རྒྱལ་ཁབ་ཕྱི་ནང་གི་ལྟ་སྐོར་མཁན་མི་མང་ལ་བོད་དོན་སྐོར་གྱི་བརྒྱུད་བསྒྲགས་བྱས་འདུག སྐབས་དེར་ལ་དྭགས་ཕྱོགས་ཀྱི་བུ་མོ་རིན་ཆེན་སྒྲོལ་མ་ལགས་ཀྱིས་བརྗོད་རྒྱུར “ གུས་མོས་བོད་ཀྱི་རང་དབང་འཐབ་རྩོད་ཆེད་དུ་རང་ལུས་མཆོད་མེར་འབུལ་མཁན་གྱི་རྒྱལ་གཅེས་དཔའ་བོ་ཕོ་མོ་དག་ལ་གུས་འདུད་ཞུ་བཞིན་ཡོད། བོད་ནི་ཨ་རུ་ན་ཅལ་དང་ལ་དྭགས་ཕྱོགས་དང་རྒྱལ་མཚམས་སྦྲེལ་ནས་ཆགས་ཡོད་པས་བོད་ཀྱི་ཆོས་དང་རིག་གཞུང་ཐ་ན་རང་གི་སྐད་ཡིག་བཅས་ལ་འདི་འདྲའི་གཏོར་བཤིག་དང་རྡོག་རོལ་གཏོང་བཞིན་པ་གོ་དུས་སེམས་པ་ཧ་ཅང་སྐྱོ་བོ་བྱུང་ཟེར། ཧི་མ་ལ་ཡའིི་མི་རིགས་དག་ལ་དམིག་གསལ་བོད་ཀྱི་གནད་དོན་ཐོག་ཏུ་འོས་འགན་ཡོད་པ་རེད།”ཟེར།
དེར་མཐུད་ནས་ཨ་རུ་ན་ཅལ་ཕྱོགས་ཀྱི་བུ་མོ་ལྷ་མོ་ཤར་པ་ལགས་ཀྱིས་སེམས་ཚོར་ཆེན་པོས་བཤད་རྒྱུར “ དེ་རིང་གི་ལས་འགུལ་འདི་བརྒྱུད་ནས་ང་ཚོས་རྒྱ་གར་གྱི་སྲིད་འཛིན་མཆོག་ལ་རྒྱ་ནག་ལ་ནམ་ཡང་ཡིད་ཆེས་མ་གནང་རོགས་ཞུ་འདོད་བྱུང་། ལོ་རེ་བཞིན་ཨ་རུ་ན་ཅལ་དང་ལ་དྭགས་ཕྱོགས་སུ་རྒྱ་ནག་གི་དམག་མིས་འཇིགས་སྐུལ་དང་སུན་གཙེར་མང་བོ་བྱེད་ཀྱིན་ཡོད། དེར་བརྟེན། རྒྱ་གར་གྱི་ས་མཚམས་ཀྱི་དཀའ་རྙོག་དང་འཐུང་ཆུའི་དཀའ་ངལ་ཐག་གཅོད་བྱེད་པའི་ལྡེ་མིག་ནི་བོད་ཀྱི་གནད་དོན་ཐག་གཅོད་བྱེད་རྒྱུ་དེ་རེད།” ཅེས་གསུངས་བྱུང་།
ལྡི་ལི་ཕྱོགས་སུ་བོད་པ་རྣམས་བཙོན་འཇུག་དང་ཉེན་རྟོག་དམག་གིས་ལྟ་སྲུང་འོག་བཟང་བཙོན་དུ་བཅུག་ཡོད་པའི་སྐབས་འདིར། ང་ཚོའི་རྒྱ་གར་གྲོགས་པོ་དག་གིས་མུ་མཐུད་ལས་འགུལ་འདྲ་མིན་སྤེལ་བཞིན་བོད་ཀྱི་གནས་ཚུལ་ཁྱབ་བསྒྲགས་བྱེད་བཞིན་ཡོད་པ་རེད་ལ་ཁོང་ཚོས་ད་དུང་ཡང་ལས་འགུལ་སྣ་མང་སྤེལ་འཆར་འདུག
ངས་ཁྱེད་ཚོར་ཐུགས་རྗེ་ཆེ་ཞུ།
thank you for tibetan
རྒྱལ་གཅེས་ཀྱི་དཔའ་བོད་དག་གིས་བྱས་རྗེད་ལ་གུས་པས་སྙིང་ཐག་ནས་གུས་འདུད་ཞུ་ཡིན་ན་ཡང་རང་གིས་རང་ལ་ཡོད་ཚད་མེ་རུ་ཕུལ་ན་ཡང་རྒྱལ་སྤྱི་དང་རྒྱ་མིའི་སྲིད་གཞུང་དག་གིས་རྣ་བར་ལ་ཡང་མི་འཛིན་བ་ཚང་མས་མཁྱེན་གསལ་རེད་དེ་ཡི་རྒྱུ་སྐྱེན་གང་ལ་བརྟེན་ནས་བྱུང་བ་རེད་ལབ་ན་རྒྱ་མི་དང་རྒྱལ་སྤྱི་ལ་གྱོང་གང་ཡང་མི་རེག་པ་རེད་དེ་འདྲ་ཡིན་ཙམ་ཁས་ཅི་ཡང་བཤད་མི་འདོད་པ་རེད་ང་ཚོ་བོད་མི་དག་ལ་རྒྱ་མི་བཅུ་ཤི་བ་དང་བོད་མི་གཅིག་ཤུ་བ་གྱོང་ཆེ་དེ་འདྲ་ཡིན་ཙམ་བོད་མི་ཚོས་རང་གིས་རང་ལ་བློས་མ་གཏོང་རོགས་ཞུ་གར་སྲིད་བོད་ཀྱི་རྩ་དོན་ཆེད་དུ་བློས་གཏོང་གནང་བ་ཡིན་ན་མིག་དཔེ་ཕྱི་ཡི་རྒྱལ་ཁབ་དག་ལ་ལྟ་ནས་རང་ཉིད་ཤི་བ་མཉམ་དུ་རྒྱ་མི་འཁྲིགས་བཟུང་བྱེད་ཉེན་དཔོན་རྒན་དག་ཀྱང་འཆི་ཐོབ་པ་ངེས་པར་དུ་བཟོ་དགོས་པ་རེད་དཔེར་ན་སྦེལ་ལ་དེན་དང་ས་དམ་ཧུ་སྲིན་ནང་གཞིན་མ་ནུས་ན་ཡང་དེ་འོག་བལྟར་ངེས་པར་དུ་བྱེད་དགོས་དེ་འདྲ་བྱེད་ཐུབ་ན་སྐྱེ་བ་བརླབས་ཆེ་ལ་འཆི་བ་གཟི་བརྗེད་ཡང་ཆེ་རྒྱལ་སྤྱི་དང་རྒྱ་མིའི་སྲིད་གཞུང་དག་གིས་དོ་སྣང་མ་བྱས་རང་བྱས་ཞིག་བྱུང་ངོས
མི་རིགས་དང་རིག་གཞུང་གཅིག་པའི་རང་དབང་ལུང་པར་ཡོད་པའི་སྤུན་ཟླ་ཚོ།
སྤྱིར་འགྲོ་བ་མིའི་རང་དབང་དང་སྒོས་རང་རེའི་ཆོས་དང་རིག་གཞུང་སྲུང་སྐྱོབས་བྱེད་པའི་དུས་ལ་སླེབས་
འདུག་པས་ལ་དག་དང་ཨ་རུ་ན་ཕྱོགས་ནས་་ཀྱང་ལས་འགུལ་གང་མང་སྤེལ་རྒྱུའི་རེ་བ་ཡོད།
ཧུའོ་ཅིན་ཐའོ་ལྡིལ་ལིར་སྡོད་རིང་། ཉིན་མོའི་ཟས་ཀྱི་བཅུད་དང་། མཚན་མོའི་རྨི་ལམ་ཡང་འཁྲུགས་པ་ཅིག་གི་ངོ་རྒོལ་མཐའ་གཅིག་ཏུ་བྱེད་དགོས་པ་དང་། མུ་མཐུད་མཐའ་སྐྱོངས་དགོས་གལ་ཆེ་བ་འདུག་གོ །
གུང་བྲན་རིང་ལུགས་ཐོག་མ་འབྲི་མཁན་ཀལ་མག་ས་ནི། དཔེ་མཛོད་དོ་དམ་དང་། འཆར་སྣང་བཅོས་སྒྲུང་རྩོམ་འཆལ་བ་ཞིག་ལས་གང་ཡང་མིན་ཙང་། ཁོང་གི་རྩོམ་ཡིག་དེ་ནུབ་ཕྱོགས་སྤྱི་དང་། ཡོ་རོབ་འབྱོར་ལྡན་ཤེས་ཡོན་པ་ཚོས། རྐང་འོག་ཏུ་བཅུག་པ་རེད།
འོན་ཀྱང་། ལི་ནན་དང་སི་ཏ་ལིན། དེ་བཞིན་མའོ་སོགས་ཀྱིས་རྒྱལ་བརྒྱུད་རིགས་ལ་ཁོང་ཁྲོ་འགྲན་སེམས་ཕྲག་དགོ་དབང་གིས། དམར་པོ་དར་གྲཡས་བཏང་བ་དང་དེ་ཡང་། ཐ་གཅིག་ཏུ་དམར་དམག་ཅེས་འབོད་ནས། མི་བསད་ཁྲག་སྦྱོར་ཚད་ལས་འདས་པ་བྱས་པ་འདིས་འཛམ་གླིང་མི་ཡི་རིགས་ཀྱི་ལོ་ངོ་ཚ་དགོས་པ་དང་། པ་ནས་འདོན་པ་ལ་ཡིད་ཞུམ་དགོས་པའི་ཁྲག་དྲི་བྲོ་བའི་མ་རབས་ཀྱི་ལོ་རྒྱུས་གཅིག་ལས་གཞན་གང་ཡང་བསྐྲུན་ཐུབ་ཡོད་མ་རེད་དོ། །
དགོངས་དག་གཏོང་ས་་ནོར་འདུག