ཀླུ་སྨྱོན་ཧེ་རུ་ཀ
དཀྱིལ་འཁོར་ཆེན་པོའི་ལྟེ་བ་རུ། །ཁྱབ་བདག་གདོད་མའི་མགོན་པོ་སྟེ། །ཀུན་བཟང་རྡོར་སེམས་ཡབ་ཡུམ་ནི། །བདེ་ཆེན་ཀློང་ན་མྱོས་ཤིང་འདར། །ཡུམ་ཆེན་ཀུན་ཏུ་བཟང་མོ་ཡི། །ཆོས་དབྱིངས་ཁྱབ་བརྡལ་བྷ་གའི་ཀློང་། །ལྷ་སྐུ་ཡབ་ཡུམ་མཉམ་སྦྱོར་ནི། །ཏིལ་གྱི་གང་བུ་ཁ་ཕྱེ་བཞིན། །ལྷ་སྐུ་རེ་རེའི་སྦྱོར་མཚམས་སུ། །རིག་འཛིན་ཞིང་ཁམས་འབྱམས་ཀླས་ཤིང་། །ཞིང་ཁམས་རེ་རེའི་རྒྱ་ཁྱོན་ཡང་། །སྟོང་གསུམ་འཇིག་རྟེན་མཉམ་པར་བརྡལ། །དེ་བཞིན་བདེ་ཆེན་ཡབ་ཡུམ་གྱི། །བ་སྤུའི་ཁུང་བུ་རེ་རེར་ཡང་། །སྤྲུལ་པའི་ཞིང་ཁམས་མཐའ་ཀླས་པར། །རྡོར་སེམས་སྤྲུལ་བའི་རོལ་མོ་འཁྲོལ། །བུ་སྤུའི་འོད་ཟེར་རེ་རེས་ཀྱང་། །སྟོང་གསུམ་འཇིག་རྟེན་གསལ་བའི་གཞིར། །བྱེ་བ་ཕྲག་བརྒྱའི་འཇིག་རྟེན་གྱི། །སེམས་ཅན་དག་ལ་སྤྲུལ་པ་འགྱེད། །དགའ་བའི་རོལ་མོ་སྙན་བརྗིད་ཅན། །ཆགས་པའི་སྙན་ངག་ལུད་པའི་རྩེར། །དགའ་བ་བཞི་དང་བཅུ་དྲུག་གི །མེ་ལྕེ་དམར་པོའི་འོད་ཕྲེང་འགྱེད། །རྣལ་འབྱོར་དཔའ་བོ་དཔའ་མོ་རྣམས། །གསང་ཆེན་སྤྱོད་པ་ཡ་མ་ཟུང་། །མིག་འཕྲུལ་བཞིན་དུ་རོལ་བའི་དཔྱིད། །ངོ་མཚར་ཆེ་ཞིང་གཟི་བརྗིད་འབར། །མཁའ་སྤྱོད་མ་དང་སྒྲོལ་མ་སོགས། །གནས་གསུམ་དཔའ་བོའི་སྙིང་སྡུག་ཚོགས། །གཅེར་བུའི་གར་ལ་རབ་དགྱེས། །དཔའ་བོའི་པང་ན་མྱོས་ཤིང་བརྒྱལ། །འཛམ་གླིང་སྟག་ཤར་དཔའ་བོའི་རྒྱན། །གུ་རུ་ཨོ་རྒྱན་ཆེན་པོ་ཡང་། །མཁའ་འགྲོའི་བྷ་གའི་དྲོད་རླངས་ཀྱིས། །བཟི་ཞིང་བརྡ་ཡིག་ཆར་དུ་འབེབ། །ཡེ་ཤེས་མཚོ་རྒྱལ་ནི་གུ་མ། །ལབ་ཀྱི་སྒྲོན་མ་ལ་སོགས་པའི། །མི་མོའི་མཁའ་འགྲོའི་འོ་འཛིན་གྱིས། །སྤྲིན་དཀར་རྒྱུ་བའི་ལམ་ཡང་འགོག །རུས་རྒྱན་གྱོན་ཞིང་གཅེར་བུར་རྒྱུ། །གསང་བའི་སྤྱོད་པ་སྣ་ཚོགས་སྟོན། །མིང་མི་ཤེས་པའི་མཁའ་སྤྱོད་མ། །དཀར་ལྗང་དམར་སེར་སྐུ་མདོག་སྟོན། །བཅུ་དྲུག་ལོན་པའི་ལང་ཚོ་ཅན། །ཆགས་པའི་མྱོས་པའི་མིག་རྩ་དམར། །གནག་སྣུམ་ལན་བུ་ས་ལ་དྲུད། །དཔའ་བོའི་པང་ན་གཉིད་དུ་ཡུར། །དུང་གི་རྣ་རྒྱན་ཐོད་ཁྲག་འཐུང་། །ནམ་མཁའི་ལམ་ལ་གར་བྱེད་ཅིང་། །རྡོ་རྗེ་ཆེ་ཞིང་གད་རྒྱངས་སྒྲོག །མཁའ་འགྲོའི་སྙིང་སྡུག་ཧེ་རུ་ཀ །རྩ་གསུམ་དཔའ་བོ་མཁའ་འགྲོའི་ཁྱུ། །ཧྰུྃ་ཕཊ་གཅིག་གིས་སྡུད་མཛད་པའི། །བླ་མ་རྡོར་སེམས་ཡབ་ཡུམ་ལ། །མཆོད་རྫས་ཞིང་ཁམས་མཉམ་པར་འབུལ། །ཁྲག་ཞག་འཁྲིགས་པའི་མཎཌལ་གཞིར། །ཤ་ལྔ་བདུད་རྩི་ལྔ་ལ་སོགས། །གསང་བའི་མཆོད་པ་སྣ་ཚོགས་ཀྱིས། །དུར་ཁྲོད་ཆེན་པོའི་ཐ་གྲུ་ཁྱབ། །དཀར་མོ་གཅེར་བུའི་གཟུགས་འཆང་མ། །སྨིན་ལེགས་ནུ་འབུར་དཀར་ཟླུམ་ཅན། །ཐོད་པའི་ཕྲེང་བ་འདྲེན་མཛད་ཅིག །ཚོགས་ཀྱི་འཁོར་ལོའི་གཉེར་དུ་བསྐོས། །ལ་ལར་ཞིང་ཆེན་པགས་པ་དང་། །ལ་ལར་དབང་པོའི་མེ་ཏོག་ཚོགས། །ལ་ལར་ཡན་ལག་ཉིང་ལག་སོགས། །ཚོགས་ཀྱི་དགའ་སྟོན་ཨ་ཧོ་རྨད། །(མུ་འགོད། )
དཀྱིལ་ཌྷའཁོར་གྱི་གཙོ་བོའི་ཡབ་ཡུམ་གཉིས་རྡོར་སེམས་དང་ཀུན་ཏུ་བཟང་མོ་རེད་དམ། ཡང་ན་རྡོར་སེམས། ཀུན་བཟང་ཡབ། ཀུན་བཟང་ཡུམ་བཅས་གསུམ་ཀ་རེད་དམ་ལགས།
སྐབས་འདིར་རྡོར་སེམས་ཡབ་ཡུམ་དང་ཀུན་བཟང་ཡབ་ཡུམ་དོན་གཅིག་ཏུ་གོ་དགོས།
རྡོར་ཡབ་ཡུམ་གཉིས་ནི་ཁམས་དང་དབུས་གཙང་བའི་བཟའ་གསུམ་དེ་འདྲ་བྱེད་དགོས་པའི་འུ་ཐུག་ཅིག་མ་རེད་ལོ།།
རྡོར་སེམས་ཡབ་ཡུམ་་་་་
ཧ ་ཧ །ལྷ་ལ་ཆགས་ནས་འདྲེ་ལ་གོལ། །ཆགས་སྡང་རང་མཚན་སྤེལ་བ་འདི། །གསང་ཆེན་རྒྱུད་དོན་ཨེ་་ཡིན་ནམ། །ཡིན་ན་ཀུན་ཀྱང་སངས་རྒྱས་ཐལ། །ཅི་དགར་སྤྱོད་ཅིག་བན་ལོག་ཁྱོད། །ཀླུ་གདོན་ནག་པོས་ཟིན་པ་བཞིན། །སྨྱོ་འབོད་ནམ་མཁའ་བསྐང་བ་དེ། །འགྲོ་བ་སྤྱི་ཡི་འགྲོ་སྟངས་རེད། །མཁའ་འགྲོ་སྨྲ་བ་ཁ་ཙམ་རེད། །སྔ་འགྱུར་བསྟན་པའི་ཞབས་འདྲེན་དང་། །ཕྱག་ཆེན་བརྒྱུད་པའི་བླ་བཙོང་ཁྱོད། །མ་ཤི་ཚེ་ཐག་རིང་བ་ན། །༧གོང་ས་མཆོག་ཀྱང་སྐྱ་ས་ཕོབས། །གོ་ཨེ་ཐལ་ཀླུ་སྨྱོན་ཌ་མ་ར་་་་
ཌཱ་ཀི་སྟོང་གི་བྷ་ག་དང་།།
ཁྲོ་མོ་འབུམ་གྱིས་གླུ་དབྱངས་འདིས།།
ཀླུ་སྨྱོན་འཁོར་དང་བཅས་པ་རྣམས།།
བདེ་བའི་དཀྱིལ་འཁོར་འགྲུབ་གྱུར་ཅིག།
སྔགས་ཀྱི་རྩ་ལམ་གྲོལ་བའི་རྣལ་འབྱོར་བ།།
སྔགས་རྒན་ལྕང་ལོ་བྲལ་བའི་ཀླུ་སྨྱོན་ལ།།
སྔགས་ཀྱི་གཙོ་མོས་མཁའ་སྤྱོད་ཞིང་ཁམས་ནས།།
བྷ་ག་སྟོང་གི་ཤིས་པ་བསྩལ་ཏུ་གསོལ།།
ཧེ་ལོ་
ན་མོ་
མཁའ་འགྲོའི་ཞིང་ཁམས་མ་ཉུལ། །
མཁའ་འགྲོ་རྣ་ཐོས་ཙམ་ལགས། །
བསོད་ནམས་དབྱངས་ཅན་བྱིན་རླབས། །
ཚྭ་དྲོད་མེ་ལས་ཆེ་བ། །
ཚེ་སྔོན་ཚོགས་བསགས་མེེད་པས། །
ཁམས་སྡོང་རྩ་བ་ཆགས་སོང་། །
བྱམས་པའི་ལས་འཕྲོ་ཟད་པས། །
སྙིང་རྩ་ཁྲག་གིས་འགགས་སོང་། །
ལྷ་ལ་གསོལ་མཆོད་མ་བྱས། །
འདྲེ་ལ་གཏོར་རྫོངས་མ་བྱས། །
ལྷ་འདྲེ་མང་བའི་ཚོགས་རར། །
ཞེན་པ་སྟིང་ནས་ལོག་སོང་། །
གཤེ་ན་དགའ་སྟེ་སྡིག་སྒྲིབ་འདག །
བསྟོད་ན་དགའ་སྟེ་སྤོབས་པ་སྦྱིན། །
ཀླུ་སྨྱོན་ཁོ་བོའི་སྨྱུག་རྩེ་རུ། །
འཁོར་འདས་གཉིས་ཀའི་ལྟད་མོ་ཡོད། །
རྩོམ་ཡིག་འབྲི་བའི་རང་དབང་འདི། །
ནག་པོ་རྒྱ་ཡིས་མ་འཕྲོགས་ཀྱང་། །
དེ་རིང་མགོ་ནག་བོད་པ་འགས། །
འཕྲོག་པར་འདོད་པ་གད་མོའི་གནས། །
གྲུབ་རྫུན་ཡ་མ་བརླ་རྣམས་ཀྱི།
ཆགས་སྲེད་སྦྱོར་བའི་མེ་ལྕེ་ལས།
གསང་སེམས་སྔགས་ཀྱི་ལྟ་གྲུབ་དེ།
ལོག་སྡེ་སྤྱོད་པའི་གནས་སུ་བསྐྲུན།
ལྷ་འདྲེ་སྟོང་གི་ཆོ་འཕྲུལ་གྱིས།
བོད་པ་ཚང་གི་སྦྲ་ཕུགས་ཀྱི།
ལྷ་དང་མཁའ་འགྲོའི་གླུ་གར་དེ།
ཐད་སྐད་ཕྲ་མོའི་གཟུགས་སུ་བརྫུས།
དྲིན་ཅན་སློབ་དཔོན་ཐོན་མའི་བུས།
འཇིགས་སུ་རུང་བའི་དུར་ཁྲོད་ནས།
སྐྱོ་བའི་མཆི་མ་འཛགས་བཞིན་དུ།
ཤུགས་གླུ་རིང་མོ་ལེན་བཞིན་གདའ།
གཤེ་པས་སྡིག་པ་དག་ཚུལ་དང་། །
དགོས་མེད་ཁྲོམ་སྒྲགས་བྱེད་ཚུལ་སོགས། །
ཆོས་ཀྱི་བྲོ་བ་མེད་ལུགས་ལ། །
ཀླུ་སྨྱོན་འདི་ནི་སྤྲུལ་རྫུན་རེད། །
ཁྱོད་སྡིག་པ་འདགས་འགྲོ་ན་ངས་ད་དུང་ཁྱེད་ལ་གཤེ་གཤེད་ཅིག་གཏོང་ཡ། །
དགའ་ཞེན་ཆགས་སྲེད་ཚོགས་འཁོར་བསྐོར་། །
སྡང་ཞེན་དམག་འཁྲུག་སྲོག་གཅོད་བྱས། །
མ་རིག་ལས་ཉོན་སྤེལ་བ་ཡིས། །
ཀླུ་སྨྱོན་ཧེ་རུ་ཀ་པར་སྤྲུལ། །
མི་དགེ་སྡིག་པ་ཆོས་སུ་སྨྲས། །
འཁྲུལ་ཞིག་མགོ་བོར་འཁྲུལ་བས་གཡོག །
འཁྲུལ་བ་སྤྲུལ་པའི་བན་ལོག་ལ། །
འདོད་ན་ཁུ་ཁྲག་རྒྱ་མཚོས་མཆོད། །
རྒྱལ་བ་རྒྱ་མཚོར་སྒྲོ་བཀུར་བྱས། །
འཁོར་བ་རྒྱ་མཚོའི་གཏིང་རྡོ་ཁྱེད། །
བསྟན་འཛིན་རྒྱ་མཚོའི་བླ་བཙོང་བར། །
མོ་མཚན་རྒྱ་མཚོས་ཁྲི་འདོན་ཡོད། །
ཧ ཧ དགའ་སྤྲོ་བརྟས་ན་་་་་་་་་
རྒྱ་དཀར་དཀར་ཆོས་དཀར་པོ་འདི། །
རྨོངས་ནག་ནག་པོའི་ཡིད་ལ་ཤོད། །
ཆོས་ཡོད་ཡོད་རྒུས་ཆབ་སྲིད་འདི། །
ཆོས་མེད་མེད་མོས་རྒྱ་ལ་རྩོད། །
ང་ལ་ནི་འདིར་མང་པོ་ཅི་ཡང་ཞུ་རྒྱུ་མེད། གང་ལྟར་ཚིག་སྦྱོར་ནི་འཇུ་མི་ཕམ་དང་དགེ་འདུན་ཆོས་འཕེལ་ཚོ་ལྟ་བུ་ཞིག་རེད། ངོ་མ་ཡིད་འཕྲོག་ནི་ཞིག་རེད། ངའི་གྲོགས་པོ་མཁན་སྤྲུལ་འགའ་རེས་ཀྱང་དེ་འདྲ་ཟེར་གྱི་འདུག མངོན་རྟོགས་ཀྱི་ཕྱོགས་ནས་བཤད་ན། འོ་སྐྱབས་སུ་མཆི་ལོས་ཡིན་བསམ་རྒྱུ་མ་གཏོགས་ཅི་ཡང་ཞུ་རྒྱུ་མེད། ཡིན་ན་ཡང་ཞུ་རྒྱུ་ཉུང་ཤས་ཤིག་ཡོད་པ་དེ། མཁའ་འགྲོའི་ཞིང་ཁམས་ཉུལ་བའི་ལྟད་མོ་དང་པོ་ལས།
འདོད་པའི་མྱོས་བུམ་དཀར་ཟླུམ་ཞིང་། །
བྷ་གའི་དཀྱིལ་འཁོར་ཆེར་གདངས་པའི། །
དགའ་མ་བྱུ་རུའི་མདོག་ཅན་ཞིག །
སྒྱུ་རྩལ་དྲུག་ཅུའི་ཀློང་ན་བརྒྱལ། །
ཟེར་བ་འདི་ལ་ཚིག་འཁྲི་ཞིག་བྱས་ན། མཁའ་འགྲོ་དམར་མོ་ཞིག་ལ་ནུ་མ་དཀར་པོ་ཞིག་ཨེ་ཡོད་ན། ཅི་སྟེ་ཡོད་ན་ཧ་ལམ་ཕྱི་གླིང་གི་བུད་མེད་འགས་ཆེད་དུ་གཟུགས་པོ་ཉི་མར་ལྡེས་ནས་དམར་པོ་ཆགས་སུ་འཇུག་ཅིང་། ནུ་ཤུབས་དང་གསང་དོར་རྒྱུན་དུ་གྱོན་པས་ནུ་མ་དང་བྷ་གའི་ཉེ་འཁོར་དཀར་པོ་དཀར་རྐྱང་ཡིན་པས་ཕར་བལྟས་ཚོད་ལ་བུད་མེད་དམར་ཁྲ་ཞིག་ཏུ་འགྱུར་འདུག་དེ་འདྲ་ཡིན་ཤས་ཆེ། ཧ་ཧ་ཧ། ད་དུང་། རྒྱས་པའི་མཁའ་འགྲོ་ལྗང་ཞིང་འཚེར། ། ཞེས་གསུངས་པ་འདིའི་ཐད་ནས། སྤྱིར་ལས་བཞིའི་ཁ་དོག་ནང་གི་རྒྱས་པའི་ལས་ཀྱི་ཁ་དོག་ནི་སེར་བོ་ཡིན་པས། རྒྱས་པའི་མཁའ་འགྲོའི་སྐུ་མདོག་སེར་བོ་ཡིན་དགོས་སམ་སྙམ། འོན་ཀྱང་ཚིག་འཁྲི་རང་ཡིན། མང་པོ་མི་ཤེས། གང་ལྟར་ཅུང་གསང་བསྒྲགས་འདྲ་བོ་ཞིག་ཆགས་སམ་སྙམ་པ་འདུག འོན་ཀྱང་འདིར་ཀློག་ཏུ་ཡོང་མཁན་ཚང་མ་བོད་ཡིན་པ་དང་། བོད་ཡིན་ན་དུས་འཁོར་དབང་ཆེན་སོགས་སྔགས་བླ་མེད་ཀྱི་དབང་མ་ཐོབ་ས་་ཧ་ལམ་མེད་པས་མི་སྐྱོན་ན་ཡང་ཐང་། གང་ལྟར་སྤྲུལ་སྐུ་འདི་པ་ཚང་ངོ་མ་ཡག་པོ་ཞིག་ཡོད། སྐུར་འདེབས་མང་པོ་ཞུ་མི་རུང་ན་ཐང་། ངས་ནི་མི་ཕོད། ཞུ་དག་བྱ་ལོང་མ་བྱུང་བས་ཡིག་ནོར་ཡོད་ན་དགོངས་དག
ཁ་བརྡ་སང་ལགས། ངའི་གོང་གི་མཆན་བུ་དེ་མ་འགོག་རོགས།
རྩ་ལྟུང་འཇིགས་སྣང་རྒྱུ་ལ་ཡ་ང་མེད།
གོ་ཏམ་བུས་ཀྱང་དོར་ལ་ཅི་དགར་རོལ།
བྱུང་རྒྱལ་ཕོ་སོར་སྒྲོགས་པའི་ཨམ་མདོའི་བུ།
ཀླུ་སྨྱོན་ཧེ་རུ་ཀ་པ་བསྟན་པའི་གཤེད།
ཀླུ་སྨྱོན་རྒན་པོའི་སྨྱུག་རྩེ་འདི། །
ལྷ་ཡིས་བྱིན་བརླབས་འདྲེ་ཡིས་བསླུས། །
སྐབས་འགར་འོ་མའི་ཆར་བ་འབེབ། །
ལན་རེར་ཁྲག་གི་གཟེགས་མ་འགྲེམ། །
སྙན་ངག་སྦྱོང་བའི་དཔེ་བརྗོད་ཅིག །
གྲོགས་ཁྱེད་བློ་ལ་མི་ཤོངས་ཚེ། །
གསང་ཆེན་སྤྱོད་པ་ངོ་མ་ཞིག །
བསྐལ་པའི་མཐར་ཡང་མཇལ་རེ་སྐན། །
དྲྭ་གྲོགས་ཀླུ་སྨྱོན་ལགས་ལ་བདེན་པ་ཅིག་ཡོད་པ་ནི། གཤམ་འོག་འདིས་གསལ་བས། དྲ་གྲོགས་གཞན་པ་རྣམས་ཀྱིས་ཀྱང་། ཡང་བསྐྱར་ཅིག་ཀློག་ཆེད་དུ་བཀོད་པ་ཡིན། དགེའོ།
༡༠༢༽ ཀླུ་སྨྱོན་ནས།
སྤྱི་ལོ་ ༢༠༡༠ ཟླ་ ༡༠ ཚེས་ ༡༡ གི་ཆུ་ཚོད་ ༡༢ སྐར་མ་ ༣༤
སངས་རྒྱས་ཀྱི་གསུང་རབ་སྙིང་རྗེ་བོ་དེ་ཚོ་འབྲུག་པ་ཀུན་ལེགས་ཀྱི་མཇེ་མགོར་དཀྲི་མཚམས་བཞག་ན་ག་འདྲ་འདུག ངས་གོང་གི་འདི་ལས་འཇིགས་པ་ཞིག་འབྲི་བཞིན་ཡོད་པས། དེ་དུས་བཙོག་གཏམ་ལ་བཙོག་མཆན་འབྲི་བ་ལས་བཙོག་གཏམ་ལ་ཆོས་མཆན་ཞེ་དྲགས་མ་འབྲི་ ཨ། ད་ཡང་འཇུ་མི་ཕམ་གྱི་ལད་མོ་ཞིག་བྱེད་ན་འདོད་ཀི
ཀརྡོ་ལགས་ཀྱིས། ༼སངས་རྒྱས་ཀྱི་གསུང་རབ་སྙིང་རྗེ་བོ་དེ་ཚོ་འབྲུག་པ་ཀུན་ལེགས་ཀྱི་མཇེ་མགོར་དཀྲི་མཚམས་བཞག་ན་ག་འདྲ་འདུག ངས་གོང་གི་འདི་ལས་འཇིགས་པ་ཞིག་འབྲི་བཞིན་ཡོད་པས། དེ་དུས་བཙོག་གཏམ་ལ་བཙོག་མཆན་འབྲི་བ་ལས་བཙོག་གཏམ་ལ་ཆོས་མཆན་ཞེ་དྲགས་མ་འབྲི་ ཨ། ད་ཡང་འཇུ་མི་ཕམ་གྱི་ལད་མོ་ཞིག་བྱེད་ན་འདོད་ཀི༽ ཚིག་འདི་གཏན་ཚིགས་དང་ལྡན་པ་ཞིག་རྩ་ནས་མ་རེད། དང་པོ་ནས་འབྲུག་པ་ཀུན་ལེགས་ཀྱི་མཇེ་དེ་ཡང་སངས་རྒྱས་ཀྱི་མཛད་པ་ཞིག་རེད་མདོག་དང་། ཡང་བཤང་བཙོང་མའི་སྤྱོད་པ་དེ་ཚོ་མཁའ་འགྲོ་མའི་མཛད་པ་རེད་མདོག ཡང་ཕལ་བའི་ཆགས་རྒྱོ་ཚང་མ་གསང་སྔགས་ཀྱི་ཁྱད་པར་ཆེན་པོ་རེད་མདོག ཕལ་བའི་ཆགས་སེམས་དང་གསང་སྔགས་ཀྱི་ཉམས་རྟོགས་དཀྲུགས། འདི་དག་ལ་གཞན་གྱི་དགག་པ་བྱེད་དུས་ཚིག་
སངས་རྒྱས་ཀྱི་གསུང་རབ་མར་དྲིད་ཡོང་མཁན་གཞན་གྱི་འགོར་དཀྲུས་པ་ནི་དྲང་མོར་མ་རེད།
གཞོན་ནུ་ཟླ་མེད་ལགས།
(བཤང་བཙོང་) བཤང་ཚོང་།
མར་(དྲིད་) མར་འདྲུད།
འགོར་(དཀྲུས་) མགོར་དཀྲིས།
འདི་ཚོ་དོན་ཆེན་མིན་རུང་ཡིག་ནོར་ཆེན་པོ་རེད་ཡ། ད་དུང་བོད་ཡིག་སྦྱང་རོགས་ཞུ།
བློ་གྲོས་མཐའ་ཡས་ལགས། ཁ་བརྡ་༼སང་༽ ཁ་བརྡ་ཚང་།
ཟླ་མེད་གཉམ་དུ་དག་ཡིག་སྦྱོངས།
ཀླུ་སྨྱོན་གླུ་ཡི་ཁང་བཟང་ནས།
ཀླུ་ཡི་བུ་མོས་གླུ་གར་རོལ།
ཀླུ་སྨྱོན་གླུ་གར་རོལ་པ་ལ།
དོན་ཡོད་དོན་མེད་ཀུན་གྱིས་མཉན།
མེ་ཏོག་དཀར་པོ་ལགས།
ཟླ་མེད་༼གཉམ་༽དུ། མཉམ་དུ།
ཁྱོད་ཀྱང་ཤོག་དང་ང་ཚོ་དག་ཡིག་སྦྱོང་བར་འགྲོ།
གོང་དུ་གྲོགས་པོ་ཕལ་ཆེ་བས་བཤད་པ་སྒྲོ་བཀུར་རུ་སོང་འདུག དཔེར་ན་པདྨ་གེ་སར་གྱིས་དུག་གསུམ་སྤྲུལ་པ་བཤད་པ་དང་མཁན་སྤྲུལ་བློ་གྲོས་མཐའ་ཡས་ཀྱིས་ཚིག་སྦྱོར་ནི་འཇུ་མི་ཕམ་དང་དགེ་འདུན་ཆོས་འཕེལ་ཚོ་ལྟ་བུ་ཞིག་རེད།ཅེས་བཤད་པ་སྔོན་བྱོན་དམ་པ་ཚོའི་གསུང་གི་སྙིང་པོ་དང་ཚིག་གི་སྡེབ་སྦྱོར་གྱི་འགྲོ་བཏང་ལ་བཤད་ཡམས་ལས་ཕུ་ཐག་མ་ཆོད་པ་ཞིག་མཐོང་སོང་། །གསང་ཆེན་རྒྱུད་སྡེ་འདི་ཚོ་ཡི་གེ་སྦྱང་སྐྱེད་དང་ཁ་ལ་གང་བབས་བབས་སུ་བྲིས་པ་ཙམ་དུ་བཞག་ན་ཧ་ཀྱང་མ་ཐལ་ལོ། །
རིག་གནས་པས་སྤྱི་བཏང་སྙན་ངག་གི་སྒོ་ནས་བཤད་ན་་་
བདེ་དགའ་རྒྱ་མཚོ་ཐོབ་པའི་ཀླུ་སྨྱོན་པ། །
བདེ་ཆེན་ཡེ་ཤེས་མཇལ་བའི་ཧེ་རུ་ཀ །
བདེ་སྟོང་ཕྱག་རྒྱའི་དངོས་གྲུབ་ཐོབ་ཡོད་ན། །
གསང་ཆེན་གདམས་པའི་གླུ་བྲོ་ཨེ་མ་ཧོ། །
ཞེས་ཀྱང་བརྗོད་པ་ལ་གོ་བ་ལེན་ཚུལ་གཉིས་ཡོད་པ་ནང་བཞིན་རེད། ། ཤྲྰིས་སོ། །
དབྱུག་པ་ཅན་གྱིས་མ་འཚལ་ཞིང་། །དོན་འགྲུབ་རྒྱལ་གྱིས་མ་མཐོང་བའི། །རྫོགས་སངས་རྒྱས་ཀྱི་གསང་བ་ཀུན། །སྨྱོན་པ་མ་གཏོགས་སུ་ཡིས་སྒྲོགས།
བདག་ནི་སྙན་ངག་ཅན་ལ་དགའ། །སྙན་ཚིག་སྦྲང་མའི་བརྩི་ལས་རྔམས། །འོན་ཀྱང་གསང་སྔགས་འཆལ་སྤྱོད་པའི། །ཤེས་ལྡན་རློམས་ལ་ཞེ་རེ་ཁྲེལ།
ཀུ་རེ་ཟེར་བའི་ཁ་ལྕེ་མ་གྲུབ་ཐལ།
གད་མོ་འཆོར་བའི་བསྒྱུར་རྩལ་མ་ཤེས་ཐལ།
དམ་པའི་ཆོས་ལ་དགའ་ཞེན་གཅིག་པུ་ཡིས།
ངན་སྨྲས་ཅུང་ཟད་ཤོར་བས་དགོང་དག་ཞུ།
ཆོས་པ་ཟེར་བ་འདི་ངོ་མ་ཡ་མཚན་རེད། ཁྱོད་བསམ་བློ་ཡག་མོ་ཞིག་ཐོངས་དང་། ཨ་ལྕེ་ཁྲག་ལྟར་ལུས་དམར། འདྲེ་ལྟར་འཇིགས་རུང་འདི་འདྲ་ཞིག་ལ་ཇི་ལྟར་ཆགས་པ་སླེབས་ཐུབ་བམ། ད་འདི་བློ་འཁྲུལ་མེད་ན་གང་།
གང་ལྟར་ནང་པའི་ཆོས་པ་ཡ་མ་ཟུང་དེ་ཚོས་བོད་འདི་དང་ནང་པའི་ཆོས་འདི་མིག་གི་མཐོང་ཡུལ་མེད་པ་ཞིག་ལ་སྐྱལ་ས་རེད། ཡག་པོ་རེད། མུ་མཐུད་ཤུགས་རྒྱོབ་ཨ།
ཀླུ་སྨྱོན་ལྟ་བུ་ཡིན་ན། ལུས་ལ་གྲྭ་ཆས་གྱོན། ཕྱི་ལ་སྡོམ་པ་ཡོད་ཚུལ་བྱེད། ནང་ལ་ཆགས་སྤྱོད་ཁོ་ན་སྤྱོད་པའི་རྣལ་འབྱོར་འདི་འདྲ་སངས་རྒྱས་བཅོམ་ལྡན་འདས་ཀྱི་བསྟན་པ་ལ་ཤིན་དུ་གནོད་པ་ཆེ། སངས་རྒྱས་ཀྱིས་ཀྱང་། མ་འོངས་པ་ན་ངའི་གོས་གྱོན་པའི་མི་དེ་ཚོས་ངའི་བསྟན་པ་ལ་གནོད་ཚབ་ཆེན་པོ་བྱེད་ཟེར་བ་ཤིན་དུ་བདེན།
ད་དེའི་རྗེས་ལ་མི་མང་པོ་ཞིག་གིས་གཡམ་རྒྱུག་བྱས་ནས། གསང་བསྔགས་དང་བསྟན་པའི་ཁ་གཏད་ལ་འདྲེའི་འདུ་ཚོགས་ལ་ཞུགས་པ་ལྟ་བུ་མཐོང་དུས། ངུ་ན་ངུ་མི་ཤེས། གད་ན་བགོད་མི་ཤེས་པ་ཡོང་།
འདི་ལ་སངས་རྒྱས་ཀྱི་གསུང་དང་བླ་མའི་བཀའ་ལས་མིན་པའི་རྩོམ་ཡ་མ་ཟུང་ཁོ་ན་སྤེལ་ནས་མཁས་པའི་རློམ་དང་རྣལ་འབྱོར་པའི་རློམ་བྱེད་པ་འདི་ངོ་མ་སྙིང་རེ་རྗེ།
གཞན་གྱི་བསྟོད་པའི་ཚིག་སྐམ་པོ་རེ་ལ་ལྟོགས་ནས། ལུས་དང་སྲོག ཆོས་དང་རིགས་པ་ཚང་མ་བློས་བཏང་ནས་འདི་འདྲ་བགྱིད་པ་ངོ་མ་སྙིང་རེ་བྱེད།
རྨོངས་པས་བྲན་དུ་བཟུང་བ་ཡིས། །གང་ཞིག་ཁྱོད་དང་ཞེ་འགྲས་པ། །དེ་ཡིས་རང་བཞིན་མེད་པའི་སྒྲ། །མི་བཟོད་གྱུར་ལ་མཚར་ཅི་ཡོད། །ཁྱོད་ཀྱི་གསུང་གི་གཅེས་པའི་མཛོད། །བརྟེན་ནས་འབྱུང་བ་ཁས་བླངས་ནས། །སྟོང་ཉིད་ང་རོ་མི་བཟོད་པ། །འདི་ལ་ཁོ་བོ་ངོ་མཚར་གྱུར། །རྗེ་བླ་མ་ཙོང་ཁ་པ་ཆེན་པོའི་རྟེན་འབྲེལ་བསྟོད་པ་ལས།
རྒྱུད་ཀུན་བདག་ཉིད་དུས་འཁོར་སོགས། །བླ་མེད་དབང་ཆེན་མང་ཐོབ་ཅིང་། །རང་ཉིད་སྐད་ཅིག་ཡབ་ཡུམ་ལྷར། །བསྐྱེད་པའི་རིམ་པ་སྔོན་སོང་ཡང་། །གསང་ཆེན་དགའ་བའི་རོལ་མོ་ཡི། །འགྱུར་ཁུག་གཅིག་ལའང་ཐོས་འཛིན་སྒོ། །འགེབ་པའི་ངལ་བ་ལྷུར་ལེན་པའི། །ཆོས་ཀྱི་གྲོགས་པོར་ཅི་ཞིག་ནོངས། །
དགེ་ཆོས་མ་ཉིད་སྔགས་ལུགས་ཆུང་མར་གྲག །
གཞོན་ནུ་ཟླ་མེད་བཤང་ཚོང་སྤྱོད་ལ་སྨད། །
རིག་པས་རལ་གྲི་ལག་ཤོར་དགོངས་དག་ཞུས། །
བཀྲ་ཤིས་བཤད་ཚད་ཤིས་པའི་དག་སྦྱངས། །
ང་ནི་ཚིག་རྒྱན་སྦྱངས་པ་ཆུང་བ་དང་། །
སྙན་ངག་སྡེབ་སྦྱོར་བདག་གི་སྤྱོད་ཡུལ་མིན། །
འོན་ཀྱང་ཅུང་ཟད་གོམས་དང་རྩོད་པའི་ཕྱིར། །
ཁ་བརྡར་བཞུགས་ཀྱང་སྒྲོ་བསྐུར་མང་བས་ངལ། །
དར་ལ་བབས་པའི་དྲ་གྲོགས་གཞོན་ནུ་ཚོ། །
རབ་བྱུང་ཡིན་ཀྱང་ཀླུ་སྒྲུབ་མི་ཕམ་བཞིན། །
སྔགས་ལས་འདོད་བསྟན་ཟུར་དུ་ཕྱེས་པ་དང་། །
འདོད་བསྟན་རྩ་རླུང་སྒོམ་ལ་ཕན་པའང་སྲིད། །
རབ་བྱུང་ཕོ་མོས་འཁྲིག་ཚིག་ཤོར་བ་འདིས། །
དེང་དུས་བོད་ཀྱི་སྐད་ཡིག་འཇིག་དུས་ལ། །
ཅུང་ཟད་ཕན་པ་སྲིད་ཀྱང་འཕྱ་བའི་རྒྱུ། །
དེས་ན་ང་འདྲའི་སྔགས་འཆང་ཡིན་མདོག་གྱིས། །
ཧ་ཧ་སྐུ་རྩེད་ཡིན་ནོ་དྲ་གྲོགས་ཚོར། །
་་་་་་་་་་་་་་་་་་་་་་་་དག་སྣང་སྦྱངས། །
བདག་ལ་ནི།
མགོན་ཕྱག་ཕྱག་མང་སྐྱོང་ལྟར་ལྷག་བསམ་དམན། །
དཔལ་དགྱེས་སྡེབ་སྦྱོར་དགྱེས་པའི་མཆོད་པ་མེད། །
ཀླུ་སྨྱོན་ལྟ་བས་མྱོས་པའི་འབྲི་རྩལ་མེད། །
དམན་མེད་རྩལ་མེད་ཀརྡོ་ངལ་གསོར་དགའ། །
མ་ཤི་ཚེ་རིང་བྱུང་ན་མཇལ་ཡོང་ངོ་། །
ལ་ལས་ཆོས་པ་ཟེར་བའི་མིང་བྱང་དེའི་འོག་ནས།།
འདོད་སྲེད་གོང་དུ་འཕེལ་བའི་ས་བོན་ཞིག་བཏབ་སྟེ།།
ལུང་རིགས་རྒྱབ་བརྟེན་མེད་པའི་ཆོས་རྒྱུན་རང་སྤེལ་དུས།།
ཟས་གཙང་སྲས་སུ་འབོད་པའི་དམ་པ་དེ་དྲན་འོང་།།
སྙིགས་མ་ལྔ་བདོའི་ནད་ཡམས་དྲག་པོ་ཡི་ཀློང་ནས།།
ཆོས་དང་འགལ་བའི་འདུལ་ཁྲིམས་གསར་བཟོ་རང་བྱས་ཏེ།།
མདོ་སྔགས་གཞུང་དང་འགལ་བའི་གྲུབ་རྟགས་རེ་སྟོན་དུས།།
ངེས་པ་དོན་གྱི་གྲུབ་པའི་དབང་བོ་དེ་དྲན་འོང་།།
བླང་དོར་ལོག་པར་འགྲེལ་བའི་སྨུག་ལོང་གི་དབུས་ན།།
སེར་སྐྱ་ཕོ་མོའི་དད་པ་ལྟོས་མེད་དུ་གྱུར་ཞིང་།།
བླ་མ་སྤྲུུལ་སྐུའི་སེམས་པ་རྒྱ་ཡན་ལ་ཤོར་དུས།།
བདེན་པ་གཙུག་ཏུ་བཀུར་བའི་དཔའ་པོ་དེ་དྲན་འོང་།།
ལུང་རིགས་ཐེད་ལ་བོར་བའི་མུན་ནག་གི་ཞིང་ནས།།
གྲྭ་པ་བཙུན་མའི་ངེས་འབྱུང་རྒྱུ་ནོར་གྱིས་བསླུས་ཤིང་།།
ནང་ཆེན་གྲུ་བཞིའི་བང་མཛོད་རིག་མ་ལ་འབུལ་དུས།།
དམ་ཚིག་གཡེལ་བ་མེད་པའི་རྒྱལ་བ་དེ་དྲན་འོང་།།
ན་ནིང་དཔེ་ཁྲིད་བྱེད་པའི་ཁྲི་ཐོག་གི་མཁན་པོ།།
ད་ལོ་ཁྱིམ་ཚང་སྐྱོང་བའི་བཟའ་དཔོན་དུ་གྱུར་ཏེ།།
བཀའ་བསྟན་ཚོང་རར་བཀྲམས་པའི་འདོད་ཧམ་དེ་མཐོང་དུས།།
ཤཱཀ་ཐུབ་ལྷ་ཡི་རྒྱལ་བའི་འོད་སྣང་དེ་དྲན་འོང་།།
མཁས་དང་བླུན་པོའི་ཆོ་ལོ་འཁོར་འབངས་ཀྱིས་སྤྲད་ཅིང་།།
མཐུ་དང་ནུས་པའི་བདེན་དཔང་དབང་ཤུགས་ཀྱིས་བྱས་ཏེ།།
དགོན་དང་གྲོང་གི་བར་ཁྱད་ཁ་དོག་གིས་ཕྱེ་དུས།།
རྩ་གསུམ་ལྷ་དབང་དྲན་པའི་གདུང་བ་དེ་མ་བཟོད།།
དཔལ་དགྱེས་རྡོ་རྗེ་གསུམ་ལྡན་རྡོ་རྗེ་འཛིན།།
གྲུབ་བརྙེས་རིག་འཛིན་གོང་མའི་རྒྱལ་ཚབ་ཡིན།།
སྤྲུལ་སྐུ་ཡེ་ཤེས་བརྟུལ་ཞུགས་རིག་པ་འཛིན།།
ཚངས་དབྱངས་རྒྱ་མཚོ་ལྷེ་ལུང་བཞད་རྡོར་བཞིན།།
གཞོན་ནུ་ཟླ་མེད་འུ་ཐུག་ཨ་ནེ་ཡིན།།
སྤྲང་པོའི་བུ་ཡིས་གསེར་ལ་སྣ་གཉེར་འདྲ།།
ཀ་རྡོ་རབ་འབྱམས་པདྨ་གེ་སར་གཉིས།།
རང་ཚུགས་ཆེ་བ་ནགས་ཀྱི་སེང་གེ་བཞིན།།
བཀྲ་ཤིས་ལགས་ནི་གྲུམ་པ་རྨས་མ་ལྟར།།
སུ་ཡིས་ལག་པ་བསྲིངས་ཀྱང་དང་སོ་འབྲད་བྱེད།།
རིགས་པའི་རལ་གྲི་ཨ་མྲའི་འབྲས་བུ་འདྲ།།
ཕྱི་ཚུལ་སྨིན་ཀྱང་ནང་ལོག་རྡོ་དང་འདྲ།།
རྩེད་མོ་ཡིན་པས་ཐུགས་མ་ཁྲོ་རོགས།
ལོ་ན་རྒས་བཞིན་མཐོང་བ་མང་རུ་འགྲོ
མཐོང་སྣང་མི་གཅིག་སྟོན་པའི་སྣང་བརྙན་དང་།
བསམ་ཚུལ་མི་མཐུན་ལྟ་གྲུབ་འགལ་བ་སོགས།
བསམ་བཞིན་བསམ་ན་སུ་ལ་ཡིད་ཆེད་བྱེད།
ཡོན་ཏན་ཅན་ལ་མེད་པས་ཕྲག་དོག་དང་།
ཡོན་ཏན་མེད་ལ་ཡོད་པས་གཉས་བཅོས་བྱེད།
ཡོད་མེད་གཉིས་ཀ་འཇིགས་རྟེན་འཁྲུལ་སྣང་ལས།
གཞན་དུ་མེད་པ་ཁྱེད་ཀྱིས་ཤེས་པར་གྱིས།
བསྟོད་ན་དགའ་བ་འཁོར་བའི་ཆོས་ཉིད་ཡིན།
སྨད་ན་མི་དགའ་བའང་འཁོར་བའི་གཤིས།
བསྟོད་སྨད་གཉིས་ཀ་ཚིག་གི་སྡོང་པོ་ལ།
འབྲས་བུ་མེད་པའི་དོན་ལ་བསམ་རྣོ་ཐོང་།
ཀླུ་མྱོན་གྱི་གླུ་ལ་སྙིང་ནས་བསྟོད།
གྲྭ་རྒན་ཚོའི་བློར་མི་ཤོང་ན་དེར་ལན་གཅིག་གཟིགས་འཚལ།
http://www.youtube.com/watch?v=FLITLyk3qeI
སྙིང་མ་རྗེ་གྲྭ་ཆུང་བཀྲ་ཤིས།
གྲྭ་ཆུང་བཀྲིས་འགྱིག་གི་གྲྭ་བ་ཡིན་པས་སྙིང་རྗེ་དགོས་དོན་ཅི་ཡོད། དེ་ལས་ལྡོག་ཏེ་གྲྭ་ཆུང་བཀྲིས་ཀྱིས་གདན་ས་ཁག་གི་ཤའི་གྲྭ་ཆུང་ཚོ་གྲྭ་ལུགས་ཀྱི་འཇིགས་པ་ལས་སྐྱབས་ངེས། ངས་བལྟས་ན་རང་གཞུང་ནས་གྲྭ་རྒན་རེར་འགྱིག་གི་གྲྭ་ཆུང་རེའི་ཞལ་འདེབས་ཞུ་ན་དགེ་མཚན་ཤིན་ཏུ་ཆེ་སྙམ།
དྲ་གྲོགས་ཚོར།
བཀྲ་ཤིས་བདེ་ལེགས་ཞུ།
གྲྭ་པ་ཚོ་སློང་མོ་བྱེད་རྒྱུར་གོམས་ནས་ཡོད་དུས་༼འགྱིག་གི་བཀྲ་ཤིས་༽
བསོད་སྙོམ་དུ་བསླང་མདོག་ཁ་པོ་འདུག
ཧ་ཧ་ཧ་ཧ་ཧ།
ཤ་ཡི་བཀྲ་ཤིས་ཕོ་མོ་གཉིས་ནི་ཡོངས་སུ་སྤྱད་ཟིན་པ་རེད།