མ་མཐོང་དགུ་མཐོང་།

མེ་ཏོག་དཀར་པོ།

༡ འདོད་བདེ་ལྟེར་བའི་ལྷ་གཅིག་ཨུ་མའི་བདག །
དེ་ཡི་བྱིན་རླབས་ཞུགས་པ་དགེ་ཆོས་རྗེ། །
ཀླུ་སྨྱོན་སོགས་ལ་གུས་པས་བཏུད་བྱས་ཏེ། །
ང་ཡི་མཐོང་ཚུལ་ཁག་ཅིག་འབྲི་ན་འདོད། །

༢ རྒད་པོ་རྒྱལ་ཁམས་འགྲིམ་ལ་ཉུང་སྐྱོན་དང་། །
བཙན་གྱིས་མཇེ་རྒོད་བཅིང་ལ་མང་བའི་སྐྱོན། །
འགའ་ལ་རྣ་བ་བསུན་པའི་རྒྱུར་འགྲོ་ཡང་། །
འདོད་གཏམ་འདི་ཀོ་མ་བཤད་བློ་མ་བདེ། །

༣ མེ་ཏོག་མ་སྡོད་ཡུ་རོབ་ཡུལ་དུ་སོང་། །
དེ་ལས་ཧོ་ལན་ཡུལ་གྱི་རྒྱལ་སར་སོང་།
གྲོང་འཁྱེར་ཨམསྶ་ཊར་ཌམ་གྱི་ནང་དུ་སོང་། །
གཅིག་ཏུ་མ་སྡོད་ག་ས་གང་དུ་སོང་། །

༤ སོང་སོང་མང་ན་མཐོང་མཐོང་ལོས་ཀྱང་མང་། །
མ་མཐོང་དགུ་མཐོང་བཅོ་བརྒྱད་འདི་ནས་མཐོང་། །
མཇེ་ཤུབས་མི་འདྲ་སྣ་ཚོགས་བཙོང་བ་མཐོང་། །
དེ་ལ་འདྲ་པར་ལེན་མཁན་མང་པོ་མཐོང་། །

༥ མཇེ་ཤུབ་འགའ་རེ་རབ་རོབ་རྩུབ་ཉམས་འདུག །
འགའ་རེ་དམར་ནག་ཧ་ལམ་ཁྲུ་གང་འདུག །
ཆེ་ཆུང་མང་པོ་འདུག་སྟེ་ང་ཡི་མཇེ། །
ཉིས་ལྡབ་མེད་ན་ཕན་ཐོགས་མེད་ཚོད་རེད། །

༦ གྱིག་གི་མཇེ་རྒོད་ཆེ་ཆུང་མང་པོ་འདུག །
ལ་ལ་དམར་སྐྱ་ལལ་ཤ་ཡི་མདོག །
གྱེན་དུ་བགྲེང་འདིས་ཆགས་ལྡན་བུད་མེད་རྣམས། །
ཆགས་པའི་རྔུལ་ཆུ་དབབ་ལ་བྲེལ་འདྲ་འདུག །

༧ མཇེ་ལ་བྱུགས་རྫས་སྣུམ་གྱི་རིགས་མང་འདུག །
འགའ་ཡིས་ཁྲེགས་པོ་འགའ་ཡིས་སྦོམ་པོ་དང། །
འགའ་ཡིས་འཁྲིག་པ་ཡུན་རིང་བརྟེན་ཐུབ་ཟེར། །
རེ་རེར་ཡུ་རོ་རེ་རེས་ཁུགས་ངེས་འདུག །

༨ གྱིག་མཇེར་ལྟ་བའི་གཞོན་ནུ་མ་འགའ་ཞིག །
གད་མོ་དགོད་ཞོར་ཤབ་ཤོབ་སྨྲ་ཞིང་འདུག །
ཕལ་ཆེར་གང་ཞིག་བྲོ་བ་ཆེ་ལུགས་དེ། །
ཕན་ཚུན་སྙིང་གཏམ་སྨྲ་རེས་བྱེད་པ་འདྲ། །

༩ འགའ་ཞིག་འཁྲུལ་གྱིས་བསྣུན་ཞིང་གཡོ་བ་དང་། །
འགའ་ཞིག་བྱ་ལེ་རེག་པའི་ཁྱད་ཆོས་ལྡན། །
འགའ་ཞིག་དྲོད་ཀྱི་རེག་པ་ལྟེར་བའི་མཇེ། །
སྣ་ཚོགས་མཇེ་ཡིས་ཚོང་ཁང་གང་ནས་འདུག །

༡༠ གྱིག་གི་བུད་མེད་གཟུགས་ཅན་འདུག་མོད་ཀྱང་། །
ཁྱད་ཆོས་གང་ཡོད་གསལ་བར་མ་ཤེས་ཏེ། །
ཆགས་ཅན་ཐུགས་དམ་མ་བསྐང་ནོངས་པ་གང་། །
མེ་ཏོག་དཀར་པོས་སྙིང་ནས་གཟོད་པར་གསོལ། །

༡༡ དེ་ནས་མེ་ཏོག་མ་སྡོད་སླར་ཡང་འགྲུལ། །
གྱིག་གི་བུད་མེད་མ་ལགས་བུད་མེད་དངོས། །
བུད་མེད་ནག་མོ་དཀར་མོ་རྒན་མོ་དང་། །
རྒྱག་པ་སྐམ་པོ་གཟུགས་རིང་གཟུགས་ཐུང་སོགས། །

༡༢ མཛེས་མ་མཛེས་མིན་གང་ལ་ཅི་འདོད་པ། །
ལམ་གྱི་གཡས་གཡོན་ཤེལ་གྱི་ཁང་བུ་ནང་། །
འདོམས་ཁེབས་ནུ་ཁེབས་ཙམ་ཞིག་མ་གཏོགས་པ། །
གཅེར་བུ་ཕོ་རྒོད་སྒུགས་ནས་སྡོད་པ་མཐོང་། །

༡༣ ཕོ་རྒོད་འགའ་ཡིས་གོང་ཚད་སྒྲིག་པ་མཐོང་། །
བུ་མོ་འགའ་ཡིས་ལག་བརྡས་འབོད་པ་མཐོང་། །
འགའ་ཡིས་རྐུབ་གཡུག་རྒྱག་ནས་བཀུག་པ་མཐོང་། །
འགའ་ཡིས་མིག་བཙུམ་རྒྱབ་ནས་ཤོག་ཟེར་མཐོང་། །

་

༡༤ བགྲོད་ཐེངས་རེ་ལ་ཡུ་སྒོར་ལྔ་བཅུ་རེ། །
ནེ་སྒོར་རྩིས་ན་ཧ་ལམ་ལྔ་སྟོད་རེད། །
འོན་ཀྱང་གོང་ཚད་འགྲིག་རྒྱུ་ཡོད་རེད་ཟེར། །
སྔ་མོར་སོང་ན་སུམ་ཅུས་ཁུགས་ཡོང་ཟེར། །

༡༥ སྐབས་རེ་ལོ་ལོན་གཅེར་བུ་མཐོང་བའི་ཚེ། །
ཆགས་བྲལ་མིན་ཀྱང་ཞེ་མེར་ལངས་བྲབ་བྱུང་། །
སྐབས་རེ་མཛེས་མ་ལོ་ཆུང་མཐོང་བའི་དུས། །
ངོ་ཚ་ཆེ་ཡང་རྒྱོ་ཞིག་རྒྱག་འདོད་བྱུང་། །

༡༦ དེ་ནས་མ་སྡོད་ཁང་པ་ཞིག་ནང་སོང་། །
ནང་ན་ཁང་པ་སྒོ་མང་ཅན་ཞིག་འདུག །
སྒོ་ཞིག་ཕྱེ་ནས་ནང་དུ་འཛུལ་བའི་མོད། །
ལྕགས་སྒོར་བླུགས་སའི་འཕྲུལ་ཆས་ཞིག་འདུག་པར། །

༡༧ ཡུ་རོ་གཉིས་ཀྱི་ལྕགས་སྒོར་བླུགས་པའི་མོད། །
གློ་བུར་ངོ་མདུན་ཤེལ་གྱི་སྒོ་གཅིག་མཐོང་། །
ནང་དུ་བལྟས་པས་གཟུགས་མཛེས་བུད་མེད་ཅིག །
ཕལ་ཆེར་ལོ་སྣ་ཉི་ཤུ་ཡིན་ན་བསམ། །

༡༨ རྣམ་པ་མཛེས་ཤིང་ཡིད་དུ་འོངས་བ་ཞིག །
འཁྲུལ་གྱིས་་བསྐོར་བའི་ཉལ་གདན་སྒོར་མོའི་སྟེང་། །
གཅེར་བུར་ཕྱུངས་ཏེ་ནུ་མ་མཉེད་ཅིང་འདུག །
བྷ་ག་སྟོན་ཅིང་ལག་པས་བརྡབ་བརྡབ་བྱེད། །

༡༩ ནན་གྱིས་བལྟས་པས་མཚན་མའི་གཡས་གཡོན་དུ། །
སྤུ་ནག་སྲབ་སྲབ་ཙམ་ལས་གཙང་ཞིང་མཛེས། །
ནུ་མ་ཆེ་ཆུང་མཉོམ་ཞིང་མཁྲེག་ལ་འབུར། །
ངོ་མ་བློ་ལ་འཐད་པའི་གཟུགས་ཤིག་མཐོང་། །

༢༠ དེ་ནས་བློ་བུར་ཤེལ་སྒོ་ཆོད་ཀྱིས་གཅོད། །
ནང་ན་གློག་འོད་འཕྲོས་པས་ཁོང་ཁྲོ་ནས། །
བདེ་བའི་བར་ཆད་འདི་ཀོ་ཅི་ཡིན་ཞེས། །
བརྟག་པས་ཡུ་རོས་དུས་ཚོད་ཟིན་པ་ཚོར། །

༢༡ བདེ་བས་མ་གཟོད་ཡང་བསྐྱར་ལྕགས་སྒོར་གཉིས། །
ཕངས་སེམས་མེད་པར་མྱུར་མོ་མྱུར་མོ་རུ། །
འཁྲུལ་གྱིས་སྒོ་རུ་བླུག་པས་བུད་མེད་དེ། །
སླར་ཡང་མིག་ལམ་ནང་དུ་ལྷམ་མེར་ཤར། །

༢༢ དེ་ནས་དལ་བུས་སོང་ཏེ་ཀོ་ལ་ཞིག །
འཐུང་གིན་འཐུང་གིན་རང་གི་གནས་སུ་སླེབས། །
རང་གི་མཐོང་ཚོད་གང་དེ་དྲ་གྲོགས་ཚོར། །
ཤོད་འདོད་ཆེ་བས་དྲ་ཐོགས་འདི་ན་བཀོད། །

༢༣ ཀླུ་སྨྱོན་འདྲ་བའི་སྙན་པོ་བྲིས་མི་ཤེས། །
བོད་ཀྱི་བུ་འདྲའི་བྲོ་བ་སྟོན་མི་ཤེས། །
ཟླ་མེད་ལྟ་བུའི་སྡེབ་སྦྱོར་སྒྲིག་མི་ཤེས། །
དེས་ན་ཁྱེད་རྣམས་ཐུགས་ལ་བབ་ཨེ་ཡོང་། །

༡༦་༨་༢༠༡༠ དགོང་མོ་ཆུ་ཚོད་ ༡༠་༣༠་ལ་བྲིས།།