ཕྱི་ལོ་ ༢༠༡༡ ཟླ་ ༡༢ ཚེས་ ༢༣ ཉིན་བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ ཤེས་དང་ཀ་ཉག་ཚེ་རིང་གཉིས་ཀྱིས་བཏང་གནས་ནང་གསལ། འདི་ལོའི་ཕྱི་ཟླ་ ༡༡ ཚེས་ ༢༩ ཉིན་རྔ་པ་རྫོང་གཅའ་ཞང་རྭ་རུ་བའི་བློ་རིས་ཚང་གི་བུ་ཚེ་རིང་། རང་ལོ་ ༢༦ ། ཕ་མིང་ལ་བློ་རིས་དང་། མ་མིང་ལ་ཆོས་སྐྱོང་མཚོ་ཡིན་པ་ཁོང་ལ་རྔ་པ་རྫོང་འབྲིང་རིམ་མི་དམངས་ཁྲིམས་ཁང་ ཟེར་བས་ལོ་ ༥ བཙོན་འཇུག་ཁྲིམས་ཐག་བཅད་ཡོད་པ་དང་། མི་འགྱངས་བར་ས་གནས་གཞན་དུ་སྐྱེལ་རྒྱུ་ཡིན་འདུག ཁོང་ཆུང་དུས་ནས་རྔ་པ་ཀིརྟི་དགོན་པར་ཆོས་ཞུགས་བྱས་ཤིང་རྗེས་སུ་ཕྱི་ལོ་ ༢༠༠༧ ཙམ་ལ་སྐྱ་ལ་བབ་སྟེ་འབྲོག་སར་ནང་མི་དང་མཉམ་དུ་བསྡད་ཡོད་ཅིང་། ཕྱི་ལོ་ ༢༠༠༨ ལོར་གཅའ་ཞང་ཐོག་གི་ངོ་རྒོལ་སྐད་འབོད་ནང་མཉམ་ཞུགས་བྱས་པ་ནས་བཟུང་བྲོས་བྱོལ་ གྱིས་ཕྱི་ལོ་ ༢༠༡༠ ཟླ་ ༤ ཡས་མས་བར་བྲོས་ཡིབ་བྱེད་ཐུབ་ཡོད་ཀྱང་། སྐབས་དེར་རྔ་པ་རྫོང་ཐོག་གི་ཟ་ཁང་ཞིག་ནང་རྒྱ་མིའི་ཉེན་རྟོག་མི་སྣས་ཁོང་འཛིན་ བཟུང་གིས་འདི་ལོའི་ཕྱི་ཟླ་ ༡༡ ཚེས་ ༢༩ བར་ཐག་གཅོད་གང་ཡང་མ་བྱས་པར་རྔ་པ་རྫོང་གི་བཀག་ཉར་ཁང་སོགས་སུ་བཀག་ཉར་བྱས་ཡོད་ འདུག ཁོང་བྲོས་བྱོལ་བྱས་པའི་ལོ་ཟླའི་ནང་ཐེངས་མང་པོར་རྒྱ་གཞུང་གིས་གཅའ་ཞང་ཐོག་ངོ་ རྒོལ་གྱི་སྣེ་ཁྲིད་པ་དང་ཉེས་ཅན་གཏེ་བོ་ཡིན་ཟེར་ནས་འབྲེལ་ཡོད་ས་གནས་མང་པོར་ རྩད་གཅོད་རིམ་པར་བྱས་ཡོད་འདུག
དེ་མིན་འདི་ལོའི་ཕྱི་ཟླ་ ༣ རྗེས་སུ་འཛིན་བཟུང་གིས་བཀག་ཉར་བྱས་པའི་རྨེའུ་རུ་མའི་དགེ་རིག་དང་། རྔ་པ་ཀིརྟི་དགོན་པའི་གྲྭ་འཇིགས་མེད་སོགས་སྐོར་ཞིག་ད་དུང་ཐག་གཅོད་གང་ཡང་མ་ བྱས་པར་བཀག་ཉར་བྱས་ཡོད་འདུག་པ་བཅས།
ཨོ་ སྙིང་མ་རྗེ། ཁོངས་གསོན་ངོགས་ནས་ཕྱིར་ཡོང་ཐུབ་པའི་སྨོན་ལམ། དཀོན་མཆོག་མཁྱེན།