རྔ་བ་བརྒྱད་གསུམ་གཅིག་དྲུག
དགེ་ལྡན་གཙུག་ལག་སློབ་གཉེར་ཁང་*གི་ཡིད་འོངས་ཁྱམས་རའི་མཐའ་འཁོབ་དུ།།
ཨ་གར་དང་ནི་ཙན་དན་སོགས་ཀྱི་དྲི་ཞིམ་མངར་མོའི་དུ་བསང་ལྡིང་།།
རྨ་བྱ་གཙོས་པའི་འཇོལ་མོའི་ཁྱུ་ཡིས་སྤྲོ་སེམས་ངོམ་བཞིན་གཤོག་རྩལ་འགྲན།།
བཅོས་མིན་དགའ་སེམས་གང་བའི་འཇོལ་མོར་ལྟ་བཞིན་ལྟ་བཞིན་འདི་ལྟར་དྲན།།
ལྗོན་པ་དག་གི་ཡལ་གའི་སྟེང་ན་འཇོལ་མོའི་གཤིས་འཇམ་ལྷང་ངེར་འབུས།།
རྩེ་འདོད་མྱོས་པའི་བྱེའུས་སྐད་སྙན་གསལ་ལ་མི་གསལ་ནགས་སུ་ཉུལ།།
བརྩེ་སེམས་རྒོད་པོས་གཤོག་རྩེ་འདར་བཞིན་ང་ལ་མིག་གིས་རིག་རིག་ལྟ།།
ཚོད་བགམ་ལས་ལ་འཆུགས་པ་མེད་ན་ང་ཡི་རང་གཤིས་ཤེས་སོང་ཐལ།།
འདབ་ཆགས་བྱ་ཡི་ལས་དབང་དམན་ཀྱང་རང་གི་ཐད་ནས་བཙན་ས་བཟུང་།།
བྱ་དང་བྱིའུའི་འཚོ་ཐབས་ཞན་ཡང་དུངས་སེམས་དྲོད་པོ་མི་ལས་ལྷག །
མ་ཡི་དྲུང་གིི་བྱིའུས་གཅེས་སྐད་བདེ་སྐྱིད་འཇམ་པོ་བལ་གྱི་ཡན།།
ང་དང་གངས་རིའི་ལས་དབང་བསམ་ན་འདབ་ཆགས་བྱ་ཡི་རྗེས་སུ་ལུས།།
ང་རང་ཐེ་བའི་གངས་རིའི་རང་གཤིས་སྟོད་སྨད་འཁྱོག་གསུམ་སྤང་བརྗོད་ན།།
མི་རིགས་འདི་ཡི་འཕེལ་ཁ་མ་བལྟས་བཙུན་པའི་སྡེ་ལ་ནན་གྱིས་འཇུག །
རྩོལ་བའི་ལས་ལ་འཇུག་པ་སྤངས་ནས་བསྟན་རྒྱས་སྨོན་ལམ་དབྱངས་སུ་གྱེར།།
རྒྱུ་འབྲས་བློ་མིག་ཅི་ལྟར་བརྩིས་ཀྱང་བླ་སྤྲུལ་མིན་ན་གཙོ་བོ་མིན།།
*དགེ་ལྡན་གཙུག་ལག་སློབ་གཉེར་ཁང་ནི་དགེ་ལུགས་རྒྱུགས་ཆེན་མོ་གཙོ་བོ་གྱུར་པའི་དགེ་ལུགས་སྤྱིའི་ལས་ཕྱག་ལས་ཁུངས་ཡིན། ཕྱི་ལོ་ ༢༠༡༢ ༡༠ ༢༣ ཉིན།
གཏམ་འགོ་བལྟས་ན་གནད་ཅིག་ཡོད་མདོག།
གཏམ་རྒྱུད་རིམ་བཞིན་ཞིབ་ལྟ་བྱེད་དུས།།
གོ་རྒྱུ་ཚོར་རྒྱུ་ཅི་ཡང་དབེན་པའི།།
གཏམ་འདི་ཅི་ཡིན་ཁུངས་ལུང་མི་འདུག།
གབ་ཚིག
ཚར་བཅུ་བཀླགས་པས་ཅུང་གོ་བ་ནི། གྲྭ་པ་དཀྱུས་མའི་མི་ཚེ་དོན་མེད་རེད། རྒྱོ་རྒྱག་རྒྱུའང་མི་རག མི་རིགས་ལའང་གནོད། འཚོ་ཐབས་ཀྱང་ཞན། བླ་སྤྲུལ་རྒྱག་པ་ཚོ་ཡིན་ན་དམིགས་བསལ་རེད། དེ་ཚོ་ཡང་ཁོ་རང་སྡོད་སའི་བྱ་བྱིའུས་སྐྱིད་པོ་བཏང་བ་མཐོང་བའི་རྐྱེན་གྱིས་དེ་ལྟར་དྲན་པ་ལྟར་སྣང་།
ཡི་གེ་ནོར་ཙམ་ནང་ན་གཏམ་བརྗོད་སྙན་ཙམ་འདུག་པས། འབྲི་ཐུབ་ནི་ཞིག་གི་ཚུགས་ཀ་ཡོད་ཀི། མུ་མཐུད་དུ་ཤི་འཇུ་རོ་འཇུ་བྱོས་རེད། རེ་བ་ཞིག་ཡོད་ནི་རེད།
གོ་ནི་ཕྲིས། དུས་རབས་གསར་བ་རེད། ཁ་གསལ་ན་གོ་བདེ། ནམ་ལངས་ན་འགྲོ་བདེ་ཟེར་བ་རེད།
སྨོན་པ་བྱ་ལ་ཤོར་བའི་བཙུན་པ་དེ། །དོན་སྙིང་སྤྲུལ་སྐུའི་ཚོགས་ལ་སྡང་བའི་གཤིས། །ཡིག་ཚོགས་ནག་པོས་ཤུགས་ལ་འབུད་སྟངས་དེ། །དོན་སྙིང་བྱ་ལས་དམན་པ་བདེན་པར་མཐོང་།