འཇམ་གཅེས།
བླ་མ་ལགས། དེ་རིང་ངས་འདས་དོན་ལ་ཕྱིར་མིག་ཐེངས་ཅིག་བལྟས་པའི་རྗེས་སུ། དཀའ་སྡུག་དང་འགག་སྒོ་དུ་མ་ལས་བརྒལ་མྱངས་པའི་ཁྱེད་ཉིད་ཀྱི་ཞབས་རྗེས་གསོན་པོ་དེ་མཇལ་སོང་ལ། ས་ཡ་དྲུག་གིས་བདེ་སྡུག་དང་ལས་དབང་ཡོད་ཚད་ཁྱེད་ཀྱི་མཇིང་པའི་སྒང་དུ་བཀལ་མྱངས་པའང་ཤེས་རྟོགས་བྱུང་། དེ་དང་ལྷན་དུ་ཁྱེད་ཀྱིས་ཡིད་ཆེས་དང་རེ་སྨོན་ཡོད་ཚད་བཅོལ་ཡུལ་གྱི་བྱིས་པ་ཁག་འགའི་དངོས་བྱུང་གི་ལོ་རྒྱུས་ཀྱང་མཐོང་སོང་།
འོ་རེད། བླ་མ་ལགས། ད་ལྟ་ངས་ཁྱེད་ལ་ཞུ་འདོད་པའི་དྲི་བ་ནི། ཁྱེད་ཀྱིས་ཡིད་ཆེས་དང་རེ་བའི་ལམ་ནས་བྱམས་བརྩེས་བསྐྱངས་མྱངས་པའི་བྱིས་པ་འདི་དག་གི་ནང་ནས་ཉིད་ཀྱི་རེ་བ་བསྐང་ཐུབ་མཁན་ག་ཚོད་བྱུང་ཡོད་དམ། དེང་དུས་སྐབས་འཚོལ་རིང་ལུགས་པ་དག་དང་། བྱས་པར་དྲིན་ལོག་འཇལ་ནས་སྐུ་ཉིད་ཐུགས་སེམས་ཕམ་བཅུག་མཁན་གྱི་ཁྲེལ་མེད་དེ་དག་འདིའི་ནང་དུ་འདུག་གམ།
བླ་མ་ལགས། ད་དུང་ཁྱེད་ཀྱི་རེ་བ་དང་ཡིད་ཆེས་ཡོད་ཚད་ཆུད་ཟོས་སུ་བཏང་མཁན་དང་། རྐང་རྗེས་ལག་བསུབ་མཁན་དག་འདིའི་ནང་དུ་འདུག་གམ། ངས་མེད་པའི་སྨོན་ལམ་འདེབས་ཀྱིན་ཡོད།
ངོ་མ་ཡིན་བླ་མ་ལགས། ངས་ཁྱེད་ཀྱི་དཀའ་སྡུག་གི་ལོ་ཟླ་དེ་དག་ལ་ཕྱི་མིག་རེ་ལྟ་དུས་སྐབས་རེར་སྤོབས་པ་སྐྱེས་ཀྱིན་འདུག་ལ་སྐབས་རེར་མིག་ཆུ་ཡང་ཤོར་གྱིན་འདུག །
བླ་མ་ལགས། ད་ལྟའི་དུས་འདིར་སྐུ་པར་འདིའི་ནང་གི་སྐུ་གཞོན་གཞོན་འདི་འདྲ་ཁྱེད་ཡིན་ན་ང་ཇི་འདྲའི་དགའ་བ་ལ། ད་ཁྱེད་རང་དགུང་ལོ་ཧ་ཅང་མཐོན་པོར་ཕེབས་ཚར་སོང་། མཚམས་འདི་ནས་ངས་ཚེ་རབས་རྗེས་འཛིན་གྱི་སྐྱབས་འཇུག་མཆོག་གསུམ་ལ་ཞུ་རྒྱུ་ཙམ་ལས་ཅི་ཡང་མི་ནུས། སྐུ་ཚེ་བརྟན་གྱུར་ཅིག །
ཏྶ་ལའི་བླ་མའི་ཡང་སྲིད་གུང་ཁྲན་ཏང་གིས་ཐག་གཅོད་བྱེད་ཀྱི་ཡིན་ཟེར་གྱི་འདུག་ག དེ་ནི་ཛ་དྲག་ཡིན་པ་ལས་ཕན་མི་ཐོགས་པའི་ཁ་ཡག་ངོ་བསྟོད་ལ་དགོས་པ་སྤུ་ཙམ་ཡང་མི་འདུག གོང་ས་མཆོག་ལ་དད་པ་ཡོད་མཁན་ཚོས་ལྡི་ལི་རྒྱ་ནག་གཞུང་ཁང་གཏོར་མི་རུང་ཨ།
རྒྱ་ནག་གཞུང་གིས་༸གོང་ས་མཆོག་གི་ཡང་སྲིད་བརྒྱ་ཐམ་པ་ངོས་འཛིན་བྱས་རུང་དེ་ནི་ཁོང་ཚོས་སྲིད་ཀྱི་ཟློས་གར་ཡིན་པར་འཛམ་གླིང་ཤེས་ལྡན་མི་སྣ་སྤྱི་དང་། ལྷག་པར་དུ་བོད་དང་བོད་བརྒྱུད་ནང་བསྟན་རྗེས་འཇུག་པའི་དད་ལྡན་པ་ཚོ་ངོས་ནས་ནམ་ཡང་ཆོས་ལུགས་ཀྱི་ཐོག་ནས་ཆེ་མཐོང་འཇོག་མི་སྲིད། དཔེར་ན། རྒྱ་གཞུང་གིས་ངོས་འཛིན་བྱས་པའི་ད་ལྟའི་པན་ཆེན་རྒྱལ་ནོར་བཞིན། སྤྱིར་བཏང་༸གོང་ས་མཆོག་གི་གནད་དོན་དང་འབྲེལ་ནས་གླེང་འདོད་མཁན་ཞིག་ཡིན་ན། དད་པ་གཅིག་པུའི་རྗེས་སུ་འགྲོ་རྒྱུ་མ་ཡིན་པར། མི་རིགས་ཀྱི་ལ་རྒྱལ་དང་འབྲེལ་ནས་གླེང་དགོས། མདོར་ན་བསམ་སྤྱོད་དུད་འགྲོ་ལས་ཀྱང་ཐབས་བརྡུགས་པའི་འགྲོ་བ་མིའི་གཟུགས་ཅན་གྱི་དྲྭ་བའི་འབུ་སྲིན་རེ་འགས་ཤེས་མདོག་བྱེད་པ་ནི་རང་གི་དེ་ཉིད་གསལ་བྱེད་ཙམ་ལས་གང་ཡང་མིན།